Category: لاہور

وزیراطلاعات پنجاب، عظمیٰ بخاری، نے علی امین گنڈاپور کے حالیہ بیان پر سخت ردعمل کا اظہار کیا ہے، جس میں انہوں نے کہا ہے کہ گنڈاپور کی "فلاپ سٹوری” پر اس کے اپنے لوگ بھی یقین نہیں کر رہے۔ عظمیٰ بخاری نے علی امین گنڈاپور کی جانب سے "گینگ آف کالا چور” کے بارے میں بیان کا جواب دیتے ہوئے کہا کہ وہ پارٹی کارکنوں میں "مظلوم بچہ” بننے کی ناکام کوشش کر رہے ہیں۔ انہوں نے مزید کہا کہ نوازشریف کے بھائی اس وقت وزیراعظم ہیں اور بیٹی وزیراعلیٰ پنجاب ہیں۔
عظمی بخاری نے زور دیا کہ گنڈاپور کا لیڈر، نوازشریف کے بغض میں جلتا ہوا، اڈیالہ جیل پہنچ چکا ہے، جبکہ نوازشریف پاکستان اور قوم کی بات کرنے والے قومی لیڈر ہیں۔
عظمیٰ بخاری نے مزید کہا کہ گنڈاپور اور اس کی جماعت کنویں کے مینڈک کی طرح ہیں جو اس سے باہر نکلنے کو تیار نہیں ہیں۔ انہوں نے یہ بھی کہا کہ جانوروں کی جگہ مویشیوں کی منڈیاں ہوتی ہیں، نہ کہ اسمبلیاں۔ وزیراطلاعات نے اس بات پر زور دیا کہ اگر صوبہ چلانے کے قابل نہیں ہیں تو پختونخواہ کی جان چھوڑ دیں، اور ہر ہفتے پنجاب اور وفاق پر چڑھائی کرنے کے بجائے اپنے صوبے کی عوام پر رحم کھائیں۔ یہ بیان پنجاب کی سیاسی صورتحال میں ایک اہم موڑ کی نشاندہی کرتا ہے، خاص طور پر جب سیاسی بیانات کا گہرائی سے تجزیہ کیا جائے۔

ملتان,زرتاج گل کی 30 روز کیلئے نظر بندی کیخلاف لاہور ہائیکورٹ ملتان بینچ میں رٹ پٹیشن پر سماعت ہوئی

,لاہور ہائیکورٹ ملتان بنچ کے جج جسٹس محمد وحید خان نے ڈپٹی کمشنر کو زرتاج گل کی فوری طور پر نظر بندی ختم کرکے رہا کرنے کا حکم دے دیا ،زرتاج گل کے شوہر کیجانب سے پٹیشن دائر کی گئی تھی جس میں عدالت سے استدعا کی گئی تھی کہ زرتاج گل کی نظر بندی کے احکامات غیر قانونی ہیں، زرتاج گل رکن قومی اسمبلی ہیں، انکی نظر بندی ختم کی جائے اور رہا کیا جائے

واضح رہے کہ 5 اکتوبرکو زرتاج گل کو حراست میں لے کر نظر بند کر دیا گیا تھا،رتاج گل کے وکیل فدا حسین کی جانب سے کہا گیا تھا کہ زرتاج گل کو گزشتہ شام ان کی رہائش گاہ سےگرفتار کیا گیا، زرتاج گل کو تھری ایم پی او کے تحت سینٹرل جیل ڈی جی خان منتقل کر دیا گیا ہے،

خاتون اینکر غریدہ فاروقی نے عمر عادل کو نوٹس بھجوایا ہے

14 سال سے خیبرپختونخوا میں پی ٹی آئی سرکار،اربوں بجٹ وصول،کارکردگی زیرو

عمران پر جیل میں تشدد ہوا،مجھے مرد اہلکار نے…بشریٰ بی بی نے سنگین الزام عائد کر دیا

عبوری ضمانت "معصوم” فرد کا حق ہے،نومئی مقدمے،عمران کی ضمانت مسترد ہونے کا فیصلہ

پی ٹی آئی میڈیا کوآرڈینیٹر سے دھماکہ خیزمواد برآمد،کالعدم تنظیموں سے تعلق،جسمانی ریمانڈ مل گیا

تحریک انصاف کے سوشل میڈیا ایکٹوسٹ کے خلاف کریک ڈاون کا آغاز ہو گیا

مہنگی بجلی، زیادہ تر آئی پی پیز پی ٹی آئی رہنماؤں کی ملکیت نکلیں

طبل جنگ بج گیا، لڑائی شروع،پی ٹی آئی پرپابندی

وزیراعلیٰ پنجاب مریم نواز سے پرتگال کے سفیر مینوئل فریڈریکو پنہیرو ڈا سلوا کی ملاقات اہم پیش رفت ثابت ہوئی، جس میں دونوں ممالک کے مابین معاشی اور سفارتی تعلقات کو مزید مستحکم کرنے کے عزم کا اظہار کیا گیا۔ ملاقات کے دوران پنجاب میں بیرونی سرمایہ کاروں کے لیے مراعاتی پیکیج کو از سر نو ڈیزائن کرنے پر اتفاق ہوا تاکہ زیادہ سے زیادہ غیر ملکی سرمایہ کاری کو صوبے میں لایا جا سکے۔ملاقات میں پرتگالی تجربات سے فائدہ اٹھانے کا فیصلہ بھی کیا گیا اور مختلف شعبوں جیسے تعلیم، صحت، آئی ٹی، زراعت اور سیاحت کے فروغ پر تفصیلی گفتگو ہوئی۔ اس ضمن میں دونوں ممالک نے مشترکہ تجارتی ٹیمیں تشکیل دینے پر بھی اتفاق کیا تاکہ باہمی تعلقات کو عملی جامہ پہنایا جا سکے اور دونوں ممالک کے تجارتی حجم کو بڑھایا جا سکے۔
وزیراعلیٰ مریم نواز نے پنجاب میں سرمایہ کاری کے لیے موجود سازگار ماحول پر روشنی ڈالتے ہوئے کہا کہ پرتگال کے سرمایہ کاروں کو ہر ممکن تعاون فراہم کیا جائے گا۔ انہوں نے کہا کہ پرتگال کے ساتھ سفارتی تعلقات کو انتہائی اہمیت دی جاتی ہے اور ان تعلقات کو مزید مستحکم کرنے کے لیے پائیدار اور مؤثر پلان ترتیب دینے کی ہدایات جاری کی گئی ہیں۔پرتگال کے اعزازی قونصل افتخار فیروز، چیف سیکرٹری زاہد اختر زمان، ایڈیشنل سیکرٹری سارہ حیات اور دیگر اعلیٰ عہدیدار بھی اس ملاقات میں موجود تھے۔ یہ ملاقات دونوں ممالک کے تعلقات کو مزید گہرائی دینے اور معاشی استحکام کے نئے مواقع پیدا کرنے کی جانب ایک اہم قدم ثابت ہو سکتی ہے۔

امیر جماعت اسلامی لاہور ضیاء الدین انصاری ایڈووکیٹ نے کہا ہے کہ فلسطین مزمتی قرارداد وں اور تقریروں سے سے نہیں جہاد سے آزاد ہوگا۔پوری پاکستان قوم نے یکجہتی فلسطین منا کر پیغام دیا ہے کہ ہم فلسطین کیساتھ کھڑے ہیں۔امریکہ کی پشت پناہی میں اسرائیل نے ایک سال میں فلسطین پر ظلم وستم کی ایک نئی تاریخ رقم کی ہے۔ غزہ قید خانے میں تبدیل ہو چکا ہے،نہتے لوگوں کا قتل عام جاری ہے،انسانی حقوق پر واویلا کرنے والی تنظیمیں 45000ہزار ہلاک ہوچکے ہیں جن میں زیادہ تر تعداد خواتین اور بچوں کی ہے اور لاکھوں افراد بے گھر اور زخمی امداد کے منتظر ہیں۔ فلسطین میں ایک سال میں دنیا کا سب بڑا انسانی الیمہ جنم لے چکا ہے جہاں لوگوں کے پاس کھانے، پینے خوارک اور علاج معالجہ کیلئے ادویات تک میسر نہیں ہیں۔ اسرائیل غزہ کی جنگ کو فلسطین کے بعد لبنان، مصر، ایران اور یمن تک پھیلا چکا ہے – امت مسلمہ کے حکمران آنکھیں بند کیے خاموش تماشائی بنے ہوئے ہیں۔آج مال روڈ نوجوان نسل اہل غزہ کی استقامت اور جرات کو خراج تحسین پیش کرتی ہے۔ اہل لاہور طلبہ، طالبات، اساتذہ، وکلاء، تاجر، مزدور سمیت شہریوں نے فلسطینی مسلمانوں سے بھرپوراظہار یکجہتی اور اسرائیل کے خلاف شدید غم و غصے کا اظہار کیاہے۔ امت مسلمہ کے حکمران غیرت ایمانی کا مظاہرہ کریں اور مظلوم فلسطینیوں کیلئے جامع عملی کیساتھ اقدامات کریں۔

ان خیالات کا اظہار انہوں نے لاہور شہر کی تمام یونیورسٹیز، کالجزاوراسکولز کے طلباء و طالبات کے زیر اہتمام فلسطینی بھائی بہنوں کیساتھ اظہارِ یکجہتی کے لیے کل مال روڈ پر سٹوڈنٹس فلسطین ملین مارچ سیخطاب کرتے ہوئے کیا۔ اس موقع پر اسلامی جمعیت طلباء لاہور کے ناظم ساجد محمود اور تمام طلباء تنظیموں کے قائدین سمیت سول سوسائٹی کے اراکین بے بھی بڑی تعداد میں شرکت کی۔ بعدازں جماعت اسلامی کے زیر اہتمام 2 سو مقامات پر فلسطین کیساتھ اظہار یکجہتی کیلئے احتجاجی مظاہریکیے گئے۔ منصورہ، مسلم ٹاؤن، ماڈل ٹاؤن، پونچھ روڈ،موڑ سمن آباد،نزد امتیاز اسٹور مون مارکیٹ گلشن راوی،ثریا عظیم ہسپتال چوبرجی،رحمان گارڈن،بادامی باغ، لوہاری، شادباغ،شالامار،ویلنشیا گول چکر،اقبال ٹاؤن وحدت روڈ،کاہنہ میٹرو اسٹیشن سنٹرل پارک،ماڈل ٹاؤن،شیرشاہ کالونی،اڈہ پلاٹ،رائیونڈ روڈ،چوہنگ ملتان روڈ،کینال روڈ ازمیر ٹاؤن،کینال روڈ بحریہ گیٹ،کینال وئیو سوسائٹی، ای ایم ای سوسائیٹی،پنجاب یونیورسٹی ٹاؤن،ایگریکس ٹاؤن،گول چکر واپڈا ٹاؤن،منصورہ ملتان روڈ،دعا چوک مرغزار ،تصویر چوک خیابان قائد،ہاتھی چوک وحدت روڈ،اعوان ٹاؤن چوک،جی ٹی روڈ مناواں،مسجد فردوس جی ٹی روڈ،لیڈیز پارک تاجپورہ،مین مارکیٹ تاج باغ،رضوان گارڈن،ساجد گارڈن،صحافی کالونی مین گیٹ،عسکری 10 گیٹ 2،نشاط کالونی،علی گڑھ اسکول،لاہور گیریژن،الائییڈ اسکول،ڈیفنس فورٹ،غزالی اسکول،پرانہ کاہنہ،عسکری 11،پنجاب،سوسائٹی غازی روڈ،رنگ روڈ بینک اسٹاپ تا ساندہ،کرامت بستی،گرین پارک،فلاح خاندان جوہر ٹاؤن اور شاہد رہ سمیت دیگر علاقوں میں یوم یکجہتی فلسطین کے حوالے سے احتجاجی مظاہرے کیے گئے اور اسرائیلی اور امریکہ کے خلاف نعرے بازی کی گئی