Category: لاہور

پاکستان علماء کونسل کے چیئرمین علامہ طاہر اشرفی نے کہا کہ ملک میں تمام مدارس رجسٹرڈ ہیں اور ان میں دہشت گردی کی کوئی سرگرمی نہیں ہوتی۔استحکام پاکستان علماء مشائخ کانفرنس سے خطاب کرتے ہوئے علامہ طاہر اشرفی نے کہا کہ ہم یہودیوں کی بنائی ہوئی چیزیں چھوڑنے کے لیے تیار نہیں ہیں، آج یہودیوں نے ہماری معیشت کو جکڑ رکھا ہے۔انہوں نے کہا کہ اگر کوئی مدرسہ دہشت گردی میں ملوث ہے تو ہمیں اطلاع دیں، ہم خود اسے بند کریں گے۔ کل ملک بھر میں یوم استحصال کشمیر منایا جائے گا۔ آج جو فلسطینیوں کے ساتھ ہو رہا ہے، وہی کشمیریوں کے ساتھ بھی ہو رہا ہے۔

علامہ طاہر اشرفی نے کہا کہ نہ صرف پاکستان بلکہ دنیا بھر میں یوم استحصال کشمیر منایا جائے گا۔ کوئی جبری گمشدگی نہیں ہوئی اور عدالتیں ابھی تک 9 مئی کے مجرموں کو سزا نہیں دے سکیں۔ میں چاہتا ہوں کہ تمام سیاسی جماعتیں مل کر بات چیت کریں۔چیئرمین علماء کونسل نے کہا کہ اگر فوج سیاست میں نہیں آنا چاہتی تو ہم اسے زبردستی کیوں گھسیٹ رہے ہیں۔ ہمیں امید ہے کہ محمود خان اچکزئی ہی سیاسی جماعتوں سے مذاکرات کریں گے۔ اگر ایران اسرائیل پر حملہ کرتا ہے تو پاکستان او آئی سی کے ساتھ کھڑا ہے اور او آئی سی کے فیصلوں کی حمایت کرے گا۔

انہوں نے کہا کہ سپریم کورٹ کے فیصلے پر ہماری قانونی اور دینی جماعتوں کی مشاورت جاری ہے اور سب کی متفقہ رائے سے جو بھی فیصلہ ہوگا، اس پر عمل ہوگا۔ پاکستان کے کسی مدرسے میں کوئی منفی سرگرمی نہیں ہو رہی، اور اگر ہوئی تو ہم خود اس کے خلاف کارروائی کریں گے۔علامہ طاہر اشرفی نے مزید کہا کہ 14 اگست کو تمام مدارس پر قومی پرچم لہرائے جائیں گے۔ جنہیں ہم نے 40 سال تک پالا ہے، وہ اب ہمیں آنکھیں دکھا رہے ہیں۔ تمام پاکستانی اپنے پرچم کی حفاظت اور اس کی عزت کرنا جانتے ہیں۔

وفاقی وزیر اطلاعات و نشریات عطا تارڑ نے سپریم کورٹ کے دو ججز کی جانب سے مخصوص نشستوں پر دیے گئے تفصیلی فیصلے پر شدید ردعمل ظاہر کیا ہے۔ لاہور میں پریس کانفرنس کے دوران عطا تارڑ نے کہا کہ دو ججز کے فیصلے نے اکثریتی فیصلے پر سوالات اٹھا دیے ہیں اور اس فیصلے کے 15 دن بعد بھی تفصیلی فیصلہ منظرِ عام پر نہیں آیا، جو کہ معمول کے خلاف ہے۔عطا تارڑ نے کہا کہ مخصوص نشستوں کے فیصلے سے متعلق سپریم کورٹ کے ججز کے اختلافی نوٹ میں بتایا گیا ہے کہ عدالتی فیصلہ آئین کے کچھ آرٹیکلز سے ہٹ کر تحریر کیا گیا ہے۔ ان ججز نے سوال اٹھایا کہ 15 دن گزر جانے کے باوجود مکمل تفصیلی فیصلہ کیوں جاری نہیں ہوا، اور یہ کہ پی ٹی آئی کو کس بنیاد پر ریلیف دیا گیا جب کہ وہ عدالت میں درخواست گزار نہیں تھی۔

وفاقی وزیر نے وضاحت کی کہ جن لوگوں نے مخصوص نشستوں پر انتخاب جیتا اور حلف اٹھایا، ان کی رکنیت کو ختم کر دیا گیا ہے۔ تاہم، قانونی طور پر ان کی رکنیت کو ختم کرنے کے مراحل ابھی تک مکمل نہیں ہوئے، جو کہ ایک قانونی اور آئینی سوالیہ نشان ہے۔ عطا تارڑ نے کہا کہ یہ بہت بڑی بات ہے کہ مخصوص نشستوں پر منتخب ہونے والے افراد کو عہدے سے ہٹایا گیا ہے، مگر حلف لینے سے پہلے کے قانونی مراحل کو نظر انداز کیا گیا۔انہوں نے اس بات پر بھی روشنی ڈالی کہ پی ٹی آئی نے پشاور ہائیکورٹ کے فیصلے پر سوالات اٹھائے تھے اور سپریم کورٹ کے ججز کے تفصیلی فیصلے کے بارے میں بھی ان کے سوالات ابھی تک بغیر جواب کے ہیں۔
عطا تارڑ کا کہنا تھا کہ یہ بہت بڑا سوالیہ نشان ہے کہ سپریم کورٹ کے 2 جج یہ کہہ رہے ہیں کہ آرٹیکل 175 اور 155 میں جو دائرہ کار تفویض کیا گیا ہے کہ اس سے باہر جاکر اکچریت میں فیصلہ دیا ہے اور نا صرف یہ انہوں نے آرٹیکل 51، 63، 106 کی بات کی ہے کہ یہ آئین کے آرٹیکل کو معطل کرنا پرے گا اس فیصلے پر عملدرآمد کروانے کے لیے اور حقیقت بھی یہی ہے یعنی وہ لوگ جو سنی اتحاد کے ممبر ہیں وہ کہہ ہی نہیں رہے کہ ہم نے پارٹی تبدیل کرنی ہے تو کیا وہ فلور کراسنگ ہوگی کہ وہ ایوان میں سنی اتحاد سے اٹھ کے پی ٹی آئی کی سفوں میں بیٹھیں گے تو کیا یہ 62-1 ایف اور 63 کی خلاف ورزی نہیں ہوگی؟

انہوں نے بتایا کہ یہ کیسے ممکن ہے کہ آپ فلور کراسنگ کریں؟ کیا مستقبل میں بھی اس بات کا جواز بنایا جائے گا کہ کوئی بھی ممبر فلور کراسنگ کرنا چاہے تو وہ اس فیصلے کا سہارا لے کر پارٹی تبدیل کر سکے گا؟ سب سے بڑی بات یہ کہ 2 ججز جنہ۰وں نے اختلافی نوٹ لکھا اس میں انہوں نے کہا کہ سنی اتحاد کا پارلیمنٹ میں وجود نہیں تھا حتی کہ سنی اتحاد کونسل کے چیئرمین تک نے آزاد امیدوار کی حیثیت سے انتخاب لڑا، اس پر آئین واضح ہے، آئین کہتا ہے کہ وہ سیاسی جماعتیں جو پارلیمان میں موجود ہیں ان کو متناسب نمائندگی کے فارمولے کے تحت مخصوص نشستیں دی جائیں گی۔عطا تارڑ کا مزید کہنا تھا کہ کیا سنی اتحاد کونسل کا وجود پارلیمان میں موجود تھا یا نہیں تھا؟ اس کا جواب ہے کہ سنی اتحاد کا وجود پارلیمان میں نہیں تھا کیونکہ ان کے چیئرمین نے بھی آزاد حیثیت سے الیکشن لڑا، جب چیئرمین نے آزاد الیکشن لڑا تو یہ غلطی پی ٹی آئی کے سابقہ ممبرز کی تھی جنہوں وہ جماعت میں شمولیت اختیار کی جس کا سیاسی وجود نہیں تھا، وہ چاہتے تو ایم ڈبلو ایم میں شامل ہوجاتے جس کا وجود موجود تھا۔

وزیر اطلاعات نے کہا کہ پی ٹی آئی نے ایک ایسی سیاسی جماعت کا انتخاب کیا جس میں شامل ہو کر ان کو آئین و قانون کے مطابق مخصوص نشستیں نہیں مل سکتی تھیں، سنی اتحاد کونسل کے اپنی آئین میں یہ لکھا کہ کوئی بھی اقلیت کا ممبر ان کی پارٹی میں شامل نہیں ہوسکتا لہذا ان کو اقلیت کی سیٹیں بھی نہیں مل سکتی تھیں، تو قانون کی روشنی میں 2 ججز نے جو اختلافی نوٹ لکھا ہے اور تفصیلی فیصلہ جاری کیا ہے اس نے اکثریت کے فیصلے پر بہت بڑا سوالیہ نشان لگا دیا ہے کہ آئین کے آرٹیکلز کو معطل کرنا پڑے گا اس فیصلے پر عملدرآمد کروانے کے لیے۔

انہوں نے بتایا کہ اس کے ساتھ ساتھ آئین کے دو آرٹیکلز میں جو دائرہ اختیار تفویض کیا گیا ہے، اس سے باہر جاکر فیصلہ کرنا پڑے گا، ہم تو پہلے دن سے کہہ رہے تھے کہ یہ ٹائم کو پیچھے کیا گیا ہے اور وہ ریلیف دیا گیا جو مانگا نہیں تھا اور ان کو دیا گیا جنہوں نے مانگا ہی نہیں تھا، وہ موجود ہی نہیں ہیں جن کو ریلیف دیا گیا، آئین و قانون میں یہ چیزیں واضح درج ہیں، اتنے آرٹیکلز، الیکشن ایکٹ 2017 کی خلاف ورزی کرنے کے بعد پھر یہ ممکن ہے کہ یہ ریلیف دیا جاسکے ایک ایسی جماعت کو جس نے عدالت کے سامنے یہ استدعا نہیں کی۔عطا تارڑ کا کہنا تھا کہ کسی نے بھی یہ قدم چیلنج نہیں کیا کہ یہ سنی اتحاد میں گئے تھے، یا تو اس قدم کو چیلنج کیا جاتا کسی کی طرف سے کہ ہم سنی اتحاد میں گئے اور چیلنج کرتے کہ سنی اتحاد میں نہیں جاسکتے تھے تب تو پھر پی ٹی آئی کا ممبر ان کو تصور کیا جاتا اور جو نشستوں پر منتخب ہوئے تھے اور ان کی حق تلفی ہوئی ان کو بھی نہیں سنا گیا، نا ان کو بلایا گیا، ان ممبران کا پورا پراسس ہے، لسٹ گئی ہیں الیکشن کمیشن میں جس کی اسکروٹنی ہوئی پھر نوٹیفکیشن ہوا، ان کی رکنیت ختم کردی گئی مگر باقی مراحل کے بارے میں بات نہیں کی گئی۔
عطا تارڑ نے مزید کہا کہ ہم نے اس فیصلے پر نظرثانی درخواست دائر کی تھی اور ہم سمجھتے تھے کہ اس پر سماعت ہونا ضروری ہے، لیکن ابھی تک اس کی سماعت مقرر نہیں کی گئی۔ انہوں نے کہا کہ دنیا بھر میں آئینی اداروں میں کوئی چھٹی نہیں ہوتی، مگر یہاں چھٹیوں کا مسئلہ سامنے آ رہا ہے۔ دو ججز کے اٹھائے گئے قانونی نکات پر بات ہونا بہت ضروری ہے، کیونکہ ان نکات پر تفصیلی فیصلہ نہ آنے سے قانونی فریم ورک پر بڑا سوالیہ نشان ہے۔عطا تارڑ نے مسلم لیگ ن کی جانب سے مزید کہا کہ دو اہم معاملات ہیں: ایک یہ کہ سنی اتحاد نے ایسی سیٹیں مانگی ہیں جن کا انہیں حق نہیں تھا، اور دوسرا یہ کہ پی ٹی آئی درخواست گزار ہی نہیں تھی، پھر بھی اتنا بڑا ریلیف کیوں دیا گیا؟ ان سوالات کے جوابات ابھی باقی ہیں، اور یہ بہت اہم قانونی نکات ہیں جن کا جواب ملنا اور تفصیلی فیصلہ آنا ضروری ہے۔ ورنہ یہ تاثر قائم ہو جائے گا کہ ایک طرفہ ریلیف دیا گیا ہے، جس سے آئین کی حکمرانی پر منفی اثر پڑے گا اور قانون کے اصولوں کو نقصان پہنچے گا۔ اگر فلور کراسنگ کو قانونی طور پر تسلیم کر لیا جائے تو اس سے ماضی کی تشریحات اور آئینی اصولوں پر سوال اٹھے گا، جیسے کہ آرٹیکل 63 اے کی تشریح میں ووٹ کو کاؤنٹ نہ کرنے اور رکنیت ختم کرنے کی بات کی گئی تھی، اور اب پارٹی بدلنے کی اجازت دی جا رہی ہے۔وفاقی وزیر اطلاعات نے کہا کہ ان ججز نے اپنے اختلافی نوٹ میں بہت اہم نکات اٹھائے ہیں، جن کا جواب ملنا ضروری ہے۔

پنجاب اسمبلی کے سپیکر ملک محمد احمد خان نے یوم شہداء پولیس کی تقریب سے خطاب کرتے ہوئے کہا کہ ہم ان لوگوں اور شہداء کے مقروض ہیں جنہوں نے ملک کے امن کے لیے قربانیاں دیں۔ملک محمد احمد خان نے اپنے خطاب میں کہا کہ یہ تقریب شہداء کے ورثاء کی ہے، جن کا حق ہم کبھی ادا نہیں کر سکتے۔ انہوں نے کیپٹن احمد مبین شہید کا ذکر کرتے ہوئے کہا کہ جب وہ شہید ہوئے تو میں حکومت کا ترجمان تھا اور مال روڈ پر ہونے والے شہداء اور ان کے خاندانوں کو آج تک نہیں بھولا۔
ملک احمد خان نے مزید کہا کہ بدقسمتی سے ملک جس طرف جا رہا ہے، افراتفری پھیلا دی گئی ہے۔ انہوں نے شہداء کے خاندانوں کی قربانیوں کا ذکر کرتے ہوئے کہا کہ ہمارے پاس الفاظ نہیں ہیں کہ ان قربانیوں کو بیان کر سکیں۔انہوں نے اعلان کیا کہ حکومت پنجاب شہداء کے بچوں کو ایف ایس سی تک مفت تعلیم فراہم کر رہی ہے اور مزید مراعات بھی وزیر اعلیٰ پنجاب کی مشاورت سے دی جائیں گی۔ ملک احمد خان نے کہا کہ شہداء کے بچوں کو ہر طرح کی مراعات دی جائیں گی۔
ملک احمد خان نے یہ بھی اعلان کیا کہ قصور کے ایک چوک کو پولیس شہداء کی یاد میں "وال آف فیم” کے طور پر بنایا جائے گا۔ انہوں نے کہا کہ پاکستان کی سالمیت کی کہانی افراد کے کندھوں پر ہے اور اگر وہ شہداء جیسے ہوں تو ملک آگے بڑھے گا۔تقریب کے دوران، شہداء کے خاندانوں کی قربانیوں کو خراج تحسین پیش کیا گیا اور ان کی خدمات کو سراہا گیا۔ ملک محمد احمد خان نے اس بات کی یقین دہانی کرائی کہ حکومت شہداء کے ورثاء کے ساتھ کھڑی ہے اور ان کی مشکلات کا ازالہ کرنے کے لئے ہر ممکن اقدام کرے گی۔

لاہور: آج ملک بھر میں یوم شہداء پولیس منایا جا رہا ہے۔ اس موقع پر صوبے کے مختلف شہروں میں شہید پولیس اہلکاروں کی یاد میں تقریبات کا انعقاد کیا گیا، جہاں شمعیں روشن کر کے ان کی قربانیوں کو یاد کیا گیا۔ترجمان پنجاب پولیس کے مطابق، یہ تقریبات شہداء کی یادگاروں، پبلک سروس ڈلیوری سنٹرز اور دیگر مقامات پر منعقد کی گئیں۔ ان تقریبات میں آر پی اوز، سی پی اوز، ڈی پی اوز سمیت اعلیٰ پولیس افسران نے شرکت کی۔ شہداء کے اہل خانہ، سول سوسائٹی کے نمائندے اور عام شہری بھی بڑی تعداد میں ان تقریبات میں شامل ہوئے۔
اس موقع پر آئی جی پنجاب ڈاکٹر عثمان انور نے اپنے پیغام میں کہا کہ شہداء پولیس کی لازوال قربانیوں کو ہمیشہ یاد رکھا جائے گا۔ انہوں نے شہداء کو جرات، بہادری اور ملک و قوم سے وفا کا پیکر قرار دیا۔ آئی جی پنجاب نے یہ بھی کہا کہ شہداء کی فیملیز کی فلاح و بہبود اور ویلفیئر کا مکمل خیال رکھا جا رہا ہے۔قابل ذکر ہے کہ پاکستان بھر میں 4 اگست کو یوم شہداء پولیس کے طور پر منایا جاتا ہے۔ یہ دن ان تمام پولیس اہلکاروں کی یاد میں منایا جاتا ہے جنہوں نے ملک کی حفاظت اور عوام کے تحفظ کے لیے اپنی جانوں کا نذرانہ پیش کیا۔
اس سال کی تقریبات خاص طور پر اہم ہیں کیونکہ حالیہ برسوں میں دہشت گردی کے واقعات میں اضافے کے باعث پولیس کے نقصانات میں بھی اضافہ ہوا ہے۔ حکومتی ذرائع کا کہنا ہے کہ وہ شہداء کے اہل خانہ کی مدد کے لیے مزید اقدامات اٹھانے پر غور کر رہے ہیں۔شہریوں نے بھی اس موقع پر اپنے جذبات کا اظہار کیا۔ لاہور کے ایک شہری، احمد علی نے کہا، "ہم اپنے پولیس شہداء کے مرہون منت ہیں۔ انہوں نے ہماری حفاظت کے لیے اپنی جانیں قربان کیں۔ ہم انہیں کبھی نہیں بھولیں گے۔”یوم شہداء پولیس کی یہ تقریبات ملک بھر میں جاری رہیں گی، جہاں مختلف شہروں میں شہداء کی یاد میں تقریبات کا انعقاد کیا جائے گا۔ یہ دن ہمیں یاد دلاتا ہے کہ ہمارے پولیس اہلکار روزانہ کتنی بڑی قربانیاں دیتے ہیں تاکہ ہم محفوظ رہ سکیں۔

پنجاب کی وزیراعلیٰ مریم نواز نے بے گھر افراد کے لئے "اپنی چھت اپنا گھر” پروگرام کو تیز کرنے کا اعلان کیا ہے۔ اس منصوبے کے تحت تین مختلف ماڈلز کی منظوری دی گئی ہے۔ مریم نواز نے ہدایت کی ہے کہ پلاٹ پر قرض حاصل کرنے والوں سے سروس چارجز نہ لیے جائیں۔یہ پروگرام 14 اگست کو لانچ کیا جائے گا، اور اس کے تحت پائلٹ منصوبے کے طور پر ماڈل گھر بھی تیار کیے جا رہے ہیں۔ وزیراعلیٰ نے ماڈل گھروں کے نقشے میں لیونگ روم شامل کرنے کی بھی ہدایت کی ہے۔ عوام کی سہولت کے لیے ایک ٹال فری نمبر بھی متعارف کرایا جائے گا۔پنجاب انفارمیشن ٹیکنالوجی بورڈ (پی آئی ٹی بی) کو ہدایت دی گئی ہے کہ وہ اس پروگرام کے لیے ایک خصوصی پورٹل تیار کرے تاکہ خواہش مند افراد آن لائن درخواست جمع کرا سکیں۔ سیکرٹری ہاؤسنگ کیپٹن (ر) اسد اللہ خان نے اس منصوبے پر تفصیلی بریفنگ دی، جس میں بتایا گیا کہ "اپنی چھت اپنا گھر” پروگرام کے فارم ڈپٹی کمشنر اور اسسٹنٹ کمشنرز کے دفاتر سے حاصل کیے جا سکیں گے۔

ایک سے پانچ مرلہ تک پلاٹ مالکان کو بلا سود قرض فراہم کیا جائے گا، اور وزیراعلیٰ نے ہدایت کی ہے کہ قرض کی ادائیگی آسان اقساط میں کی جائے۔ سرکاری زمین پر گراونڈ اور تین منزلہ اپارٹمنٹ کے منصوبے کا پی سی ون منظور کر لیا گیا ہے اور اس کی فزیبلٹی سٹڈی جلد ہوگی۔ پرائیویٹ سکیموں میں تین اور پانچ مرلہ کے گھر "پھاٹا” کے الاٹیز کو فراہم کیے جائیں گے، جو پانچ سال میں اقساط میں ادا کیے جائیں گے۔ حکومت پنجاب پرائیویٹ سکیموں میں گھر کی لاگت کو کم کرنے کے لیے سبسڈی فراہم کرے گی۔کسی بھی شہر یا گاوں میں 70 ہزار پلاٹ مالکان بلا سود قرض حاصل کر سکیں گے، جبکہ مائیکروفنانس اداروں کے ذریعے قرض کی ادائیگی پر سروس چارجز حکومت پنجاب ادا کرے گی۔ اس اجلاس میں اہم فیصلے کیے گئے، جس میں سینیٹر پرویز رشید اور سینئر صوبائی وزیر مریم اورنگزیب بھی موجود تھیں۔