قومی کرکٹ ٹیم کے ہیڈ کوچ مائیک ہیسن کی لاہور کے ایک معروف مقامی اسپتال میں کامیاب سرجری مکمل کر لی گئی ہے، جس کے بعد ان کی صحت کے حوالے سے اطمینان بخش اطلاعات سامنے آ رہی ہیں۔ اس اہم طبی عمل کے بعد ٹیم انتظامیہ اور شائقین کرکٹ نے بھی ان کی جلد صحت یابی کے لیے نیک خواہشات کا اظہار کیا ہے۔
رپورٹس کے مطابق مائیک ہیسن کافی عرصے سے کمر میں گلٹی کی شکایت کا شکار تھے، جس کے باعث انہیں تکلیف اور مشکلات کا سامنا تھا۔ انہوں نے علاج کے لیے اپنے آبائی ملک نیوزی لینڈ واپس جانے کے بجائے لاہور میں ہی علاج کروانے کو ترجیح دی، جہاں انہیں فوری اور معیاری طبی سہولیات فراہم کی گئیں۔
ذرائع کا کہنا ہے کہ سرجری نہایت کامیاب رہی اور ڈاکٹروں کی ٹیم نے اطمینان کا اظہار کیا ہے۔ تاہم مکمل صحت یابی کے لیے انہیں کم از کم دو ہفتے تک مکمل آرام کا مشورہ دیا گیا ہے تاکہ وہ دوبارہ اپنی ذمہ داریاں بہتر انداز میں سنبھال سکیں۔
مزید بتایا گیا ہے کہ علاج اور بحالی کا مرحلہ مکمل ہونے کے بعد مائیک ہیسن نیوزی لینڈ واپس روانہ ہو جائیں گے، جہاں وہ کچھ عرصہ آرام کرنے کے بعد دوبارہ اپنی پیشہ ورانہ سرگرمیوں کا آغاز کریں گے۔
دوسری جانب قومی ٹیم کے منیجر نوید اکرم چیمہ کی صحت کے حوالے سے بھی اہم پیش رفت سامنے آئی ہے، جن کی آج انجیوگرافی متوقع ہے۔ ذرائع کے مطابق انہیں دل کی تکلیف کی شکایت ہے، جس کے پیش نظر ڈاکٹروں نے احتیاطی طور پر یہ ٹیسٹ تجویز کیا ہے تاکہ کسی بھی ممکنہ مسئلے کی بروقت تشخیص کی جا سکے۔
Category: لاہور
-
ہیڈ کوچ مائیک ہیسن کی لاہور میں کامیاب سرجری
-
وزیراعلیٰ مریم نواز کا پنجاب میں 28 مارچ کو "ارتھ آور” منانے کا اعلان
وزیراعلیٰ مریم نواز شریف نے پنجاب میں 28 مارچ کو "ارتھ آور” منانے کا اعلان کر دیا
وزیراعلیٰ مریم نواز شریف نے صوبہ بھر کی عوام سے ارتھ آور منانے کی اپیل کی۔28 مارچ کو پنجاب بھر میں رات ساڑھے آٹھ سے ساڑھے نو تک روشنیاں بند کی جائیں گی۔ارتھ آور منانے کی مہم میں اشتراک کے لیے سیکرٹری ماحولیات کو فوکل پرسن مقرر کیا گیا۔سینیئر وزیر مریم اورنگزیب صوبہ بھر میں ارتھ آور مہم کی نگرانی کریں گی۔وزیراعلیٰ پنجاب کا کہنا ہے کہ نئی نسل کو محفوظ اور صاف ماحول فراہم کرنے کے لیے اجتماعی کوششیں ضروری ہیں۔ارتھ آور مہم کا مقصد توانائی کے محفوظ استعمال کے بارے میں عوام میں شعور بیدار کرنا ہے۔مریم نواز شریف نے WWF کی ماحولیات کے لیے کوششوں کو قابل تحسین قرار دیا۔عوام اور نوجوانوں سے توانائی کی بچت کی مہم میں بڑھ چڑھ کر حصہ لینے کی اپیل کی۔
-
پی ٹی آئی رہنما عالیہ حمزہ گرفتار
پاکستان تحریک انصاف (پی ٹی آئی) پنجاب کی چیف آرگنائزر عالیہ حمزہ کو لاہور سے گرفتار کرلیا گیا۔
ذرائع کے مطابق عالیہ حمزہ کو ان کے گھر سے گرفتار کیا گیا عالیہ حمزہ ملک لاہور میں اپنی فیملی سے ملاقات کے لیے آئی تھیں کہ اسی دوران پولیس نے انہیں حراست میں لے لیا گرفتاری کے بعد عالیہ حمزہ کو نامعلوم مقام پر منتقل کر دیا گیا ہے تاہم تاحال حکام کی جانب سے اس حوالے سے کوئی باضابطہ مؤقف سامنے نہیں آیا۔
واضح رہے کہ رہنما تحریک انصاف عالیہ حمزہ 9 مئی کے مختلف مقدمات میں سزا یافتہ تھیں، عالیہ حمزہ کو 9 مئی کے مختلف مقدمات میں 10، 10 سال کی سزا سنائی گئی تھی۔
-
پی ایس ایل 11 کا آج سے آغاز، لاہور قلندرز اور حیدرآباد کنگز کے درمیان افتتاحی میچ کھلا جائے گا
پاکستان کرکٹ کے سب سے بڑے ایونٹ، پاکستان سپر لیگ (پی ایس ایل) 11 کا آغاز آج سے ہو گا-
قذافی سٹیڈیم لاہور میں دفاعی چیمپئن لاہور قلندرز اور نئی ٹیم حیدرآباد کنگز کے درمیان افتتاحی میچ سے ہو رہا ہے۔ میچ شام 7 بجے شروع ہوگا، جس کے لیے سیکیورٹی اور دیگر انتظامات مکمل کر لیے گئے ہیں۔
افتتاحی میچ سے قبل دونوں ٹیموں نےایل سی سی اے گراؤنڈ میں بھرپور پریکٹس سیشن کیے، جس میں بیٹنگ، باؤلنگ اور فیلڈنگ کی مشقیں شامل تھیں ،حیدرآباد کنگز کے کپتان مارنوس لبوشین نے کہا کہ ٹیم مضبوط کھیل پیش کرے گی اور کھلاڑی جلد ایک دوسرے کے ساتھ ہم آہنگ ہو جائیں گے، لاہور قلندرز کے کپتان شاہین آفریدی نے کہا کہ تیاری اچھی ہے اور مقابلہ سنسنی خیز ہوگا۔
واضح رہے کہ پی ایس ایل 11 میں پہلی بار 8 ٹیمیں حصہ لے رہی ہیں، اور 44 میچز صرف 2 شہروں، لاہور اور کراچی میں 39 دنوں کے دوران بغیر تماشائیوں کے کھیلے جائیں گے، لاہور قذافی سٹیڈیم 22 میچز کی میزبانی کرے گا جبکہ نیشنل اسٹیڈیم کراچی میں بھی اتنے ہی میچز ہوں گے، پی سی بی نے خطے کی موجودہ صورتحال کے باعث افتتاحی تقریب منسوخ کر دی ہے،پی ایس ایل 11 میں دنیا بھر کے نامور کھلاڑی اور سابق اسٹارز پاکستان پہنچ چکے ہیں۔
-
سیدہ آسیہ اندرابی و دیگر خؤاتین کو سزائیں،کشمیریوں سے جذبہ حریت نہیں چھینا جا سکتا،خالد مسعود سندھو
مرکزی مسلم لیگ کے صدر خالد مسعود سندھو نے کہا ہے کہ بھارتی عدالت کی جانب سے دختران ملت کی سربراہ سیدہ آسیہ اندرابی کو عمر قید اور فہمیدہ صوفی، ناہیدہ نسرین کو 30،30 برس قید کی سزا ئیں انصاف کا قتل عام ہیں،مودی سرکار قیدو بند کی صعوبتیں دے کر کشمیریوں سے جذبہ حریت نہیں چھین سکتی، بھارتی عدالت کے فیصلے انسانی حقوق کی سنگین خلاف ورزی ،مودی سرکار کا انتقام اور جبر کی واضح عکاسی ہیں
خالد مسعود سندھو کا کہنا تھا کہ سیدہ آسیہ اندرابی اور فہمیدہ صوفی،ناہیدہ نسرین کو سزاوں کے اقدام کی بھر پور مذمت کرتے ہیں، حریت قیادت کو نشانہ بنانے کا مقصد تحریک آزادی کو کمزور کرنا ہے تا ہم یہ مودی سرکار کی بھول ہے، ایسے ہتھکنڈوں سے کشمیریوں کے حوصلے ہرگز پست نہیں کیے جا سکتے،سیدہ آسیہ اندرابی کے شوہر ڈاکٹر قاسم فکتو بھی جیل میں،دیگر حریت رہنما بھی جیلوں میں ہیں، حکومت پاکستان کو چاہئے کہ کشمیریوں کا مقدمہ عالمی سطح پر لڑے،مودی سرکار کی ریاستی دہشتگردی کو عالمی دنیا کے سامنے اجاگر کیا جائے، سیدہ آسیہ اندرابی اور دیگر خواتین کو سزاؤں کے معاملے کو بھرپور انداز میں بین الاقوامی سطح پر اٹھائے.
-
راحت فتح علی خان کو بیٹے سمیت برطانوی پارلیمنٹ میں ایوارڈ سے نوازا گیا
عالمی شہرت یافتہ گلوکار راحت فتح علی خان اور ان کے بیٹے شاہ زمان خان کو برطانوی پارلیمنٹ میں خصوصی ایوارڈز سے نوازا گیا-
تقریب میں طارق احمد، محمد یاسین اور افضل خان سمیت متعدد ارکان پارلیمنٹ نے شرکت کی، اس تقریب کا اہتمام پاکستانی اور بنگلہ دیشی موسیقار جوڑے کاشف راجہ اور ربائیت جہان نے کیا اس سے قبل راحت فتح علی خان اور شاہ زمان خان نے اتوار کے روز لندن کے تاریخی مقام رائل البرٹ ہال میں شاندار پرفارمنس پیش کر کے حاضرین سے خوب داد سمیٹی۔
اس موقع پر راحت فتح علی خان کا کہنا تھا کہ برطانوی پارلیمنٹ میں ایوارڈ حاصل کرنا ان کے لیے بڑے اعزاز کی بات ہے اور یہ کامیابی والدین کی دعاؤں اور انتھک محنت کا نتیجہ ہے، وہ جلد ہی بنگالی زبان میں اپنا نیا گانا بھی ریلیز کرنے جا رہے ہیں، جس کا مداحوں کو بے صبری سے انتظار ہے-
-
عمران خان نے اپنے بچوں کو بتایا ہے انکی آنکھ اب بہترہے: بہن علیمہ خان
پاکستان تحریک انصاف کے بانی عمران خان کی بہن علیمہ خان نے کہا ہے کہ عمران خان کی آنکھ کی حالت میں کچھ بہتری آئی ہے۔ اڈیالہ جیل کے قریب میڈیا سے گفتگو کرتے ہوئے انہوں نے بتایا کہ بانی پی ٹی آئی کی اپنے بچوں سے بات کروائی گئی جس میں بچوں نے بھی آنکھ کی حالت میں بہتری کا ذکر کیا۔
علیمہ خان کے مطابق متاثرہ آنکھ میں تھوڑی بہت بہتری ضرور آئی ہے تاہم انہیں خدشہ ہے کہ کہیں دوسری آنکھ متاثر نہ ہو جائے۔ انہوں نے کہا کہ انہیں یہ بھی معلوم نہیں کہ عمران خان کا کیا علاج کیا جا رہا ہے اور حکومت اس معاملے کو واضح نہیں کر رہی۔
انہوں نے الزام لگایا کہ حکومت بانی پی ٹی آئی کو خفیہ طور پر اسپتال منتقل کرتی ہے جبکہ اہلخانہ کو مکمل معلومات فراہم نہیں کی جاتیں۔
دوسری جانب آج بھی علیمہ خان، دیگر بہنوں اور وکلا کو اڈیالہ جیل کے قریب گورکھ پور ناکے پر روک لیا گیا، جس کے خلاف انہوں نے احتجاج بھی کیا۔
ادھر جیل ذرائع کے مطابق عمران خان اور ان کی اہلیہ بشریٰ بی بی کی ملاقات کرائی گئی جو تقریباً 25 منٹ تک جاری رہی۔ ملاقات کے دوران بشریٰ بی بی نے عمران خان کی آنکھ کی صحت سے متعلق دریافت کیا جبکہ بچوں سے عید کے موقع پر ٹیلیفونک گفتگو پر بھی تبادلہ خیال کیا گیا۔ -
توانائی بحران :محکمہ توانائی نے نئی اہم سفارشات وزیراعلیٰ پنجاب کو پیش کردیں
ملک میں توانائی بحران کے پیش نظر محکمہ توانائی نے نئی اہم سفارشات وزیراعلیٰ پنجاب کو پیش کردیں۔
رپورٹ کے مطابق ذرائع کے مطابق وفاق کی طرز پر فیول راشننگ کی تجویز، 15 اپریل تک تعلیمی اداروں میں چھٹیوں کی سفارش، اسکولوں میں ہائبرڈ نظام تعلیم غور ہے،اس کے علاوہ پیٹرول اور ڈیزل کی منصفانہ تقسیم کے لیے کوپن یا ڈیجیٹل سسٹم متعارف کرانے کی تجویز ہے، مخصوص دنوں میں محدود گاڑیوں کو ایندھن فراہم کرنے کی تجویز ہے۔
نجی اداروں کے لیے ورک فرام ہوم کے لیے سخت ہدایات کی سفارش کردی گئی، غیر ضروری تقریبات پر مکمل پابندی کی تجویز ہے، میٹرو اور بس سروس بڑھانے کی سفارش ہے،ایل ای ڈی بل بورڈز اور آرائشی لائٹس بند کرنے کا پلان شامل ہے، رات 10 بجے کے بعد اسٹریٹ لائٹس متبادل موڈ پر چلانے کی تجویز، مارکیٹ اوقات کار مزید محدود کرنے کی تجویز ہے۔
-
پی ایس ایل 11 کے شیڈول میں تبدیلی:محسن نقوی نے شائقین کرکٹ سے معذرت کرلی
چیئرمین پی سی بی محسن نقوی نے پی ایس ایل 11 کے شیڈول میں تبدیلی پر شائقین کرکٹ سے معذرت کرتے ہوئے کہا ہے کہ مجھے یقین ہے کہ آج کی یہ قربانی کل کی آسانی بن کر سامنے آئے گی-
لاہور میں چیئرمین پاکستان کرکٹ بورڈ (پی سی بی) محسن نقوی کی جانب سے پی ایس ایل 11 کی تمام ٹیموں کے اعزاز میں تقریب منعقد کی گئی، چیئرمین پی سی بی نے ملکی و غیر ملکی کھلاڑیوں اور معزز شخصیات کا استقبال کیا،تقریب کے دوران پی ایس ایل 11 کی ٹرافی کی رونمائی کی گئی جبکہ پی ایس ایل 11 کا ترا نہ بھی لانچ کیا گیا۔
محسن نقوی نے کہا کہ شائقین کرکٹ سے دل کی گہرائیوں سے معذرت خواہ ہوں، آپ کو ملک و قوم کا وسیع تر مفاد سب سے پہلے دیکھنا ہوتا ہےخطے کی صورتحال کے باعث قومی مفادات کو مدنظر رکھتے ہوئے، پی ایس ایل 11 کو محدود کیا گیا ہے مجھے یقین ہے کہ آج کی یہ قربانی کل کی آسانی بن کر سامنے آئے گی،پی ایس ایل ایک ٹاپ انٹرنیشنل برانڈ بن چکا ہے اور ہم نے اسے مزید آگے لے کر جانا ہے۔
تقریب میں وفاقی وزراء محمد اورنگزیب، عطاءاللہ تارڑ، سالک حسین، علی پرویز ملک سمیت اسپیکر پنجاب اسمبلی ملک محمد احمد خان،سینئر صوبائی وزیر مریم اورنگزیب، صوبائی وزیر شافع حسین، طلحہ برکی، اٹارنی جنرل منصور اعوان اور سابق وفاقی وزیر گوہر اعجاز نے شرکت کی، فرنچائز اونرز، ہیڈ کوچ پاکستان ٹیم، قومی ٹیم کے تمام کھلاڑیوں سمیت پی ایس ایل کے لیے آئے ہوئے انٹرنیشنل کھلاڑی بھی تقریب میں شریک ہوئے۔
-
پاکستان ہائی کمیشن نئی دہلی میں یوم پاکستان جذبہ حب الوطنی سے منایا گیا
پاکستان ہائی کمیشن نئی دہلی میں یوم پاکستان جذبہ حب الوطنی سے منایا گیا
ناظم الامور پاکستان ہائی کمیشن سعد احمد وڑائچ نے چانسری لان میں قومی پرچم بلند کیا۔اس موقع پر صدر مملکت، وزیراعظم اور نائب وزیراعظم/وزیر خارجہ کے پیغامات پڑھ کر سنائے گئے۔سعد احمد وڑائچ کا کہنا تھا کہ 23 مارچ 1940 کی قراردادِ لاہور علیحدہ وطن کے حصول کی جدوجہد میں برصغیر کے مسلمانوں کیلئے ایک سنگِ میل ثابت ہوئی۔ قائد اعظم محمد علی جناح کی زیر قیادت سات سال کے مختصر عرصہ میں اس اجتماعی تحریک کو قیام پاکستان کی صورت ایک اظہار ملا۔ تحریک پاکستان کے شہداء کو خراج عقیدت پیش کرتے ہیں، انکی عظیم قربانیاں آزادی کے انمول تحفے کے تحفظ اور ملکی ترقی اور خوشحالی کیلئے مخلصانہ کاوشیں بروئے کار لانے میں پوری قوم کیلئے مشعل راہ ہیں ۔ آج کے بھارت پر نظر دوڑائیں تو ہندوتوا کا عفریت ہمارے اسلاف کی دوراندیشی کی زندہ مثال ہے-تاریخ کا سبق ہے کہ وہی قومیں حقیقتاً آزاد رہیں جو اپنی آزادی کے دفاع کی صلاحیت رکھتی ہیں ۔ معرکہ حق نے ایک بار پھر دفاع وطن کے لیے ہماری قوم کے اجتماعی عزم کی تجدید کی۔ پوری دنیا پاکستان کے اپنی خودمختاری کے تحفظ اور آزادی کے دفاع کے غیر متزلزل عزم کی گواہ ہے۔
دفاع وطن کیلئے بہادر مسلح افواج کے کردار کو سراہتے ہوئے سعد احمد وڑائچ نے کہا کہ پاکستان کا وضع کردہ ڈیٹرنس نہ صرف جنوبی ایشیا میں استحکام کا سبب ہے بلکہ علاقائی امن کی بھی ضمانت ہے۔پاکستان اور بھارت کے درمیان پرامن تعلقات برابری، باہمی احترام اور تمام تنازعات کے پُرامن حل کی بنیاد پر ہی قائم ہو سکتے ہیں ۔ جنوبی ایشیا میں دیرپا امن اور استحکام کا ہدف تنازعہ جموں و کشمیر کا اقوام متحدہ کی متعلقہ قراردادوں اور کشمیری عوام کی امنگوں کے مطابق منصفانہ حل کے ذریعے ہی حاصل کیا جا سکتا ہے۔