Category: لاہور

مرکزی مسلم لیگ کے صدر خالد مسعود سندھو نے کہا ہے کہ حکومت کی جانب سے پٹرولیم مصنوعات کی قیمتوں میں اضافہ غریب عوام پر مہنگائی کا خود کش حملہ ہے، حکمران اپنی شاہ خرچیوں کو کم کرنے کی بجائے عوام کو غریب تر کرنے پر تلے ہوئے ہیں،مرکزی مسلم لیگ عوامی جذبات کی ترجمان کرے گی،حکومتی فیصلے کو مسترد کرتے ہیں

خالد مسعود سندھو کا کہناتھا کہ پیٹرول کی قیمت میں 137.24 روپے فی لیٹر جبکہ ڈیزل کی قیمت 184.49 پیسے فی لیٹر اضافہ سراسر ظلم ہے، پہلے ہی مہنگائی کی چکی میں پسے ہوئے عوام کے لیے یہ اضافہ ناقابلِ برداشت ہے، جس سے نہ صرف ٹرانسپورٹ بلکہ اشیائے ضروریہ کی قیمتوں میں بھی مزید اضافہ ہوگا،عالمی سطح پر پٹرول کی قیمتوں میں اضافے کاڈرامہ رچا کر حکمران غریب عوام کو خون چوس رہے ہیں،مشکل گھڑی میں حکمرانوں کو عوام کوریلیف دینا چاہئے تھا،لیکن موجودہ حکومت عوام کو ریلیف دینے میں مکمل طور پر ناکام ہو چکی ہے،ضرورت اس امر کی ہے کہ پیٹرولیم مصنوعات کی قیمتوں میں فوری کمی کی جائے اور عوام کو ریلیف فراہم کیا جائے،مرکزی مسلم لیگ عوام کے ساتھ کھڑی ہے، حکمرانوں کی عیاشیوں کے لئے پٹرولیم مصنوعات کی قیمتوں میں اضافہ ناقابل قبول ہے، حکمران اپنی شاہ خرچیاں کم کریں اور غریب عوام کو ریلیف دیں.


پاکستان کرکٹ ٹیم کے ہیڈ کوچ مائیک ہیسن نے اپنی صحت کے حوالے سے اہم اپ ڈیٹ جاری کرتے ہوئے بتایا ہے کہ ان کی ریڑھ کی ہڈی سے گلٹی کامیابی کے ساتھ نکال دی گئی ہے۔
مائیک ہیسن نے اپنے بیان میں کہا کہ سرجری کامیاب رہی اور وہ اب بہتر محسوس کر رہے ہیں۔ انہوں نے سرجن ڈاکٹر آصف بشیر کا خصوصی شکریہ ادا کیا جنہوں نے آپریشن کیا، جبکہ پاکستان کرکٹ ٹیم مینجمنٹ کا بھی شکریہ ادا کیا جنہوں نے اس مشکل وقت میں ان کا بھرپور خیال رکھا۔
‎ہیڈ کوچ کے مطابق وہ اب اسپتال سے ڈسچارج ہو کر گھر پہنچ چکے ہیں اور جلد صحتیاب ہونے کے لیے نیوزی لینڈ میں اپنی فیملی کے ساتھ وقت گزاریں گے۔
‎واضح رہے کہ مائیک ہیسن کی سرجری لاہور کے ایک مقامی اسپتال میں کی گئی تھی جہاں انہیں طبی معائنے کے بعد فوری آپریشن کا مشورہ دیا گیا تھا۔
‎پاکستان کرکٹ ٹیم کے ہیڈ کوچ کی صحت کے حوالے سے یہ مثبت پیش رفت ٹیم اور مداحوں کے لیے خوش آئند خبر ہے، اور امید کی جا رہی ہے کہ وہ جلد مکمل صحت یاب ہو کر اپنی ذمہ داریاں دوبارہ سنبھالیں گے۔

گرمی کی شدت میں اضافے کے ساتھ ایئر کنڈیشنر (اے سی) کا استعمال تیزی سے بڑھ رہا ہے۔ گھروں، دفاتر اور گاڑیوں میں ٹھنڈک حاصل کرنے کے لیے لوگ گھنٹوں اے سی کی ٹھنڈی ہوا میں وقت گزارتے ہیں، لیکن ماہرین صحت خبردار کرتے ہیں کہ اس کا حد سے زیادہ استعمال انسانی صحت پر منفی اثرات مرتب کر سکتا ہے۔

حالیہ ماہرین کی رائے کے مطابق اے سی نہ صرف وقتی سکون فراہم کرتا ہے بلکہ اگر احتیاط نہ کی جائے تو یہ جسمانی کمزوری، آنکھوں کے مسائل اور سانس کی بیماریوں کا سبب بھی بن سکتا ہے۔ماہرین کا کہنا ہے کہ اے سی بند کمرے کی ہوا کو مسلسل گردش میں رکھتا ہے۔ اس دوران ہوا میں موجود دھول، جراثیم اور پولن بار بار سانس کے ذریعے جسم میں داخل ہوتے رہتے ہیں۔یہ صورتحال خاص طور پر دمہ اور پھیپھڑوں کے مریضوں کے لیے خطرناک ہو سکتی ہے، کیونکہ اس سے سانس لینے میں دشواری اور الرجی کے مسائل بڑھ سکتے ہیں۔اے سی ہوا کو ٹھنڈا کرنے کے ساتھ ساتھ کمرے کی نمی بھی کم کر دیتا ہے۔ نمی کی کمی کے باعث آنکھوں میں خشکی اور جلن،گلے میں خراش،جلد کا خشک ہونا،سانس کی نالیوں میں جلن جیسے مسائل سامنے آ سکتے ہیں۔ ماہرین مشورہ دیتے ہیں کہ کمرے میں پانی سے بھرا برتن رکھنے یا ہیومیڈیفائر استعمال کرنے سے نمی کو برقرار رکھا جا سکتا ہے۔

آنکھوں کی صحت کو سنگین خطرات
طویل وقت تک اے سی میں بیٹھنے والے افراد میں آنکھوں کی خشکی (Dry Eyes) کا مسئلہ تیزی سے بڑھ رہا ہے۔اس سے نہ صرف جلن اور خارش ہوتی ہے بلکہ بعض اوقات انفیکشن کا خطرہ بھی بڑھ جاتا ہے، خاص طور پر ان افراد میں جو پہلے ہی آنکھوں کے مسائل کا شکار ہوں۔

جسم کا درجہ حرارت متاثر
مسلسل ٹھنڈے ماحول میں رہنے سے جسم اس کا عادی ہو جاتا ہے۔ جب کوئی شخص اچانک شدید گرمی میں باہر نکلتا ہے تو سر درد،تھکن،جسمانی کمزوری،نزلہ یا بخارجیسی علامات ظاہر ہو سکتی ہیں۔ماہرین کے مطابق اے سی کا درجہ حرارت 24 سے 26 ڈگری سینٹی گریڈ کے درمیان رکھنا زیادہ محفوظ ہے۔

اگر اے سی کی باقاعدہ صفائی اور سروسنگ نہ کی جائے تو اس میں بیکٹیریا اور فنگس پیدا ہو سکتے ہیں، جو سانس کے ذریعے جسم میں داخل ہو کر انفیکشن کا باعث بنتے ہیں۔اس لیے ماہرین ہر سیزن سے پہلے اے سی کی مکمل صفائی کی تاکید کرتے ہیں۔اے سی سے خارج ہونے والی گیسیں جیسے CFCs اور HFCs ماحولیاتی آلودگی اور گلوبل وارمنگ میں اضافہ کرتی ہیں۔اس کے علاوہ اے سی کی بیرونی یونٹ گرم ہوا خارج کرتی ہے، جس سے اردگرد کا درجہ حرارت مزید بڑھ جاتا ہے۔ماہرین کے مطابق انورٹر اے سی اور ماحول دوست ریفریجرینٹس کا استعمال توانائی کی بچت کے ساتھ ساتھ ماحول کو کم نقصان پہنچاتا ہے، اس لیے ان کا استعمال بہتر انتخاب سمجھا جاتا ہے۔ماہرین اس بات پر زور دیتے ہیں کہ اے سی کا استعمال معتدل رکھا جائے،درجہ حرارت مناسب ہو،کمرے میں نمی برقرار رکھی جائے،باقاعدہ سروسنگ کی جائے،تاکہ صحت کو لاحق خطرات سے بچا جا سکے۔اے سی جہاں گرمی سے فوری نجات دیتا ہے، وہیں اس کا غیر محتاط استعمال خاموشی سے صحت کو نقصان پہنچا سکتا ہے۔ مناسب احتیاط اور درست استعمال ہی اس سہولت کو محفوظ بنا سکتا ہے

سیشن کورٹ نے گلوکار علی ظفر کا گلوکارہ میشا شفیع کے خلاف ہتک عزت کے دعوے پر تفصیلی فیصلہ جاری کر دیا۔

عدالتی فیصلے کے مطابق میشا شفیع نےعلی ظفر پر جنسی ہراسانی سے متعلق 19 اپریل 2018 کو ٹوئٹ کیے، میشا شفیع نے علی ظفر کے خلاف کام کی جگہ ہراساں کرنے کے الزام پر صوبائی محتسب کو درخواست دی،تفصیلی فیصلے کے مطابق علی ظفر نے تمام الزامات غلط قرار دیتے ہوئے ایک ارب ہرجانے کا دعویٰ دائر کیا، میشا شفیع کے مطابق ہرجانے کا دعویٰ صوبائی محتسب سے درخواست واپس لینے کے لیے پریشر ڈالنے کے لیے کیا،عدالت کے مطابق میشا شفیع کا جنسی ہراساں کرنے کا الزام درست نہیں، میشا شفیع 50 لاکھ روپے علی ظفر کو بطور ہرجانہ ادا کریں،فیصلے میں کہا گیا ہے کہ میشا شفیع جنسی ہراساں کرنے متعلق آئندہ کسی بھی پلیٹ فارم پر بات نہیں کریں گی،