Category: لاہور

پنجاب کی صوبائی وزیر اطلاعات عظمیٰ بخاری نے کہا ہے کہ کل آئین ہار گیا اور بیگمات جیت گئیں ، کل تو کمال ہوگیا، پیار محبت کی اخیر ہوگئی، ایسی محبت تو سوہنی ماہیوال کی بھی نہیں تھی

پریس کانفرنس کرتے ہوئے عظمیٰ بخاری کا کہنا تھا کہ آئین پاکستان میں کسی کو لامحدوداختیارات حاصل نہیں ہیں ہرادارے کی اپنی ڈومین ہےتاریخ ہے جب جب اسطرح کےفیصلےآئےہیں پاکستان کی تباہی ہوئی ہے ججز فیصلوں کے بعد اس ملک کو منجدھار میں چھوڑ کرچلےجاتے ہیں اس ملک کی کشتی ہچکولے کھاتی رہتی ہے،
کل مجھے بڑا کلیئرلی لگا کہ آئین ہار گیا، وہ وقت یاد ہے فیملز نے لابیز میں بیٹھ کر پانامہ کا کیس سنا بھی تھا اور تالیاں بھی بجائی تھیں،یہ انکی مہربانی ہوئی کہ سنی اتحاد کی بجائے تحریک انصاف کو سیٹیں دے دیں، انکا دل چاہتا تو کسی ہمسایہ ملک کو دے دیتے، بنگلہ دیش ،انڈیا کو دے دیتے،ہماری آزاد عدلیہ ہے، انکے فیصلے ماننے پڑتے ہیں،

اس طرح کے فیصلے جب بھی آئے پاکستان میں تباہی ہوئی،عظمیٰ بخاری
عظمیٰ بخاری کا مزید کہنا تھا کہ تحریک انصاف نے انٹرا پارٹی الیکشن میں جو غلطیاں کیں وہ وکیلوں کو درست کرنی چاہیے تھیں، عدالت نے درست کردیں، تحریک انصاف نے نشستیں مانگی ہی نہیں تھیں ان کو مفت میں دے دی گئیں، ایجنسیوں کی مداخلت ہو تو پھر پانامہ جیسا فیصلہ آتا ہے، نواز شریف کو خیالی تنخواہ پر نااہل کیا گیا، ہم نے اچھے بچوں کی طرح تمام فیصلوں کو تسلیم کرلیا، نظریہ ضرورت سے ہمیشہ قوموں کونقصان ہوتا ہے ،سوال یہ ہے ایک پارٹی کے لیے اتنا پیار کیوں ہے، لاڈلے کی محبت ہر چیز پر غالب آجاتی ہے، وہ شخص ریلیف نہ بھی مانگے پھر بھی اس کو دیا جاتا ہے،کسی متاثرہ فریق کو نہیں سنا گیا، جو کیس میں فریق نہیں تھا اس کو ریلیف دیا گیا، لوگ کہہ رہے ہیں کہ ری ایکشنری فیصلہ تھا، کل پی ٹی آئی کو فائدہ پہنچایا گیا جو انہوں نے مانگا نہیں وہ ان کو دے دیا گیا،کل سپر نظریہ ضرورت متعارف کرایا گیا، لاڈلے کی محبت میں پاکستان کو نقصان پہنچایا جاتا ہے،کسی کی ڈومین میں نہ گھس سکتے ہیں نہ اجازت ہے، بااختیار عدلیہ پاکستان کے ساتھ اور کیا کرنا چاہتی ہے، اس طرح کے فیصلے جب بھی آئے پاکستان میں تباہی ہوئی،بھٹو کی پھانسی کا فیصلہ ہو، یا پانامہ کا وہ دیکھ لیں، عدلیہ اور ڈاکٹر کے پاس غلطی کی گنجائش نہیں ہوتی یہ کسی کی زندگی تباہ کر سکتے یا بنا سکتے،پانامہ کے فیصلے سے پاکستان آج تک مستحکم نہیں ہو سکا، لاڈلے کی محبت ہر چیز پر غالب آ جاتی ہے.

عظمیٰ بخاری کا کہنا تھا کہ شہباز گل نے کل ایک ٹوئٹ کی جس میں ایک ایکٹر عدالت سے باہر آتے ہوئے ناچ رہا ہے شہباز گل نے اس پر لکھا کہ اطہر من اللہ سپریم کورٹ سے باہر آتے ہوئے اب اس کا میں کیا مطلب لوں ،اسکا مطلب شہباز گل ہی سمجھائے گا،

فیصلے سے ثابت ہوا کہ لاڈلہ ازم آج تک برقرار ہے ، شرجیل انعام میمن

سپریم کورٹ فیصلے کے بعد پی ٹی آئی کا چیف الیکشن کمشنر کیخلاف کاروائی کا مطالبہ

سپریم کورٹ،مخصوص نشستیں،پشاور ہائیکورٹ کا فیصلہ کالعدم قرار

سپریم کورٹ،مخصوص نشستیں، سنی اتحاد کونسل کی درخواست پر فیصلہ محفوظ

کچھ ججز دانا ہوں گے، میں اتنا دانا نہیں، پاکستان کو ایک بار آئین کے راستے پر چلنے دیں، چیف جسٹس

نشان نہ ملنے پر کسی امیدوار کا کیسے کسی پارٹی سے تعلق ٹوٹ سکتا؟ چیف جسٹس

انتخابات بارے کیا کیا شکایات تھیں الیکشن کمیشن مکمل ریکارڈ دے، جسٹس اطہر من اللہ

سنی اتحادکونسل کی مخصوص نشستوں سے متعلق اپیل پر سماعت 24 جون تک ملتوی

سپریم کورٹ، سنی اتحاد کونسل کو مخصوص نشستیں نہ ملنے کیخلاف کیس کی سماعت ملتوی

مخصوص نشستوں پر سپریم کورٹ کا فیصلہ،ملک ایک اور آئینی بحران سے دوچار

حکومت کو کوئی خطرہ نہیں،معاملہ تشریح سے آگے نکل گیا،وفاقی وزیر قانون

سپریم کورٹ کا فیصلہ، سیاسی جماعتوں کا ردعمل،پی ٹی آئی خوش،حکومتی اتحاد پریشان

پنجاب کے صوبائی دارالحکومت لاہور سمیت کئی شہروں میں بارش ہوئی ہے جس کے بعد موسم خوشگوار ہو گیا ہے

پنجاب کے مختلف شہروں میں تیز ہوا کیساتھ کہیں ہلکی اور کہیں تیز بارش ہوئی ہے، لاہور میں راجگرڑھ، ساندہ، اسلامپورہ ،انار کلی، مال روڈ، شملہ پہاڑی، لکشمی چوک، گوالمنڈی، قرطبہ چوک، ڈیوس روڈ، اچھرہ، قینچی، چونگی امر سدھو، گجومتہ، شالامار باغ، ماڈل ٹاؤن، گلبرگ، گارڈن ٹاؤن سمیت دیگر مقامات پر بارش ہوئی ہے جس کی وجہ سے سڑکیں اور گلیاں تالاب کا منظر پیش کرنے لگ گئیں،بارش سے نشیبی علاقے زیر آب آگئے جبکہ لکشمی چوک حاجی کمیپ ریلوے اسٹیشن میں 3 ,3 فٹ پانی کھڑا ہوگیا ہے ،

لاہور میں سب سے زیادہ تاج پورہ میں 155 ملی میٹر بارش ریکارڈ کی گئی۔جیل روڈ 38، ایئرپورٹ 61، گلبرگ 41، لکشمی چوک 81، اپر مال 51 ملی میٹر بارش ریکارڈ کی گئی۔ لاہور کے علاقے مغل پورہ 95، نشتر ٹاؤن میں 40، ناخدا چوک میں 59 اندرون لاہور میں 71 ملی میٹر بارش ریکارڈ کی گئی، فرخ آباد میں 42، گلشن راوی میں 68 اقبال ٹاؤن میں 59 سمن آباد میں 62 جوہر ٹاؤن میں 22 قرطبہ چوک میں 70 ملی میٹر بارش ریکارڈ کی گئی۔

لاہور کے علاوہ پنجاب کے دیگر شہروں میں بھی بارش ہوئی، وفاقی دارالحکومت اسلام آبادمیں بارش ہوئی ہے،پنجاب کے شہروں اٹک، ٹیکسلا، چونیاں، منچن آباد، گوجرانوالہ، نارووال، گجرات، قصور سمیت پنجاب کے مختلف شہروں میں بھی بارش ہوئی، فیروزوالہ اور اس کے گردونواح میں بارش سے موسم خوشگوار اور سہانا ہو گیا ،مریدک ے شہر اور گردونواح میں تیز ہواوں کیسارھ موسلادھار بارش کا سلسلہ وقفے وقفے سے جاری ہے،حافظ آباد و گرد نواح میں سیاہ بادل اور موسلا دھار بارش سے متعدد فیڈر ٹرپ کر گئے،سیالکوٹ ضلع بھر میں تیز آندھی اور بارش کے باعث بجلی بند ہے،سیالکوٹ میں بارش سے موسم خوشگوار ہو گیا ہے،ظفروال شہر اور اس کے گردونواح میں بارش کا سلسلہ جاری ہے اور بارش کے باعث موسم خوشگوار ہو گیا ہے،ننکانہ صاحب اور گردونواح میں بارش وقفے وقفے سے جاری ہے ،شیخوپورہ اور گردونواح میں بارش سے موسم خوشگوار ہو گیا جبکہ صفدر آباد اور گردونواح میں بھی تیز بارش سے موسم خوشگوار ہو گیا ہے اور گرمی کا زور ٹوٹ گیاہے۔

بارش کے باعث بجلی کا نظام بھی متاثر ہوگیا۔شہر لاہور میں شدید بارش کے باعث 300فیڈرز ٹرپ کر گئے ہیں،شہر لاہور کے مخلتف علاقوں میں بجلی غائب ہو گئی۔ترجمان لیسکو کا کہنا ہے کہ شہری بجلی کے کھمبوں اور تاروں سے دور رہیں

لاہور ہائیکورٹ اور سپریم کورٹ لاہور رجسٹری کے باہر بارش کا پانی کھڑا ہوگیا جبکہ واسا کا عملہ موجود نہ ہونے سے ابھی تک پانی کو نہیں نکلا گیا جس سے سائلین اور وکلاء کو مشکلات کا سامنا ہے،وکلاء کا کہنا ہے کہ ایک گھنٹے سے بارش روکی ہے لیکن پانی نہیں نکلا جارہا،واسا کا عملہ بھی موجود نہیں ہیں۔

محکمہ موسمیات کا کہنا ہے کہ پشاو رسمیت خیبرپختونخوا کے بیشتر اضلاع میں موسم ابرالودع رہنے کاامکان ہے اور خیبر پختونخوا کے بالا ئی اضلاع میں وقفے وقفے سے بارش جاری رہنے کا امکان ہے جبکہ چترال، دیر، سوات، شانگلہ، کوہستان،بٹگرام،تورغر،مانسہرہ،ایبٹ آباد،ہری پور،باجوڑ،بونیر میں گرج چمک کے ساتھ بارش کاامکان ہے، نوشہرہ،چارسدہ،پشاور،صوابی،ڈی آئی خان،مہنمد،خیبر،کو ہاٹ،کرک،لکی مروت میں بھی بارش کا امکان ہے اور شہر پشاور میں کم سے کم درجہ حرارت 29جبکہ زیادہ سے زیادہ 39سینٹی گریڈ تک جانے کاامکان ہے جبکہ گزشتہ 24 گھنٹوں کے دوران بالاکوٹ اور پتن میں پانچ پانچ ملی میڑبارش ریکاڈ کیا گیا ہے اور کا کو ل میں چار،بنوں اور لنڈی کو تل میں دو دو جبکہ سیدو شریف میں ایک ملی میٹر بارش ریکاڈ ہوئی ہے۔

شہر قائد کراچی میں بھی کئی علاقوں میں بارش ہوئی ہے،کراچی کے مختلف علاقوں میں بوندا باندی جبکہ کلفٹن، ڈی ایچ اے اور کورنگی میں رم جھم سے موسم خوشگوار ہوگیا ہے،محکمہ موسمیات کا کہنا ہے کہ اس وقت مغربی سمت سے 33 کلو میٹر فی گھنٹہ کی رفتار سے ہوائیں چل رہی ہیں،کراچی میں آج بھی بونداباندی اور ہلکی بارش کا امکان ہے،موجودہ درجہ حرارت 31 ڈگری سینٹی گریڈ ہے،گرمی کی شدت 36 ڈگری سینٹی گریڈ تک محسوس ہورہی ہے جبکہ آج زیادہ سے زیادہ درجہ حرارت 35 ڈگری سینٹی گریڈ تک جانے کا امکان ہے۔

ڈیرہ غازی خان میں کوہ سلیمان کے قبائلی علاقے راکھی گاج میں طوفانی بارشوں نے تباہی مچا دی، دس کلومیٹر کے علاقے میں لینڈ سلائیڈنگ کے باعث پنجاب سے بلوچستان جانے والی ٹریفک معطل ہوگئی ہے، بلوچستان سے پنجاب اور فورٹ منرو سفر کرنے والے سیاح مسافر پھنس کر رہ گئے ہیں.لینڈ سلائیڈنگ پہاڑی تودوں پتھروں کے گرنے اور کیچڑ سے ٹریفک بند ہے.

بارش کے باعث چھتیں‌گرنے سے ایک بجے کی موت، 3 افراد زخمی
بارش کے بعد لاہوراور فیروزوالہ میں چھتیں گرگئی ہیں جس سے ایک کمسن بچہ دب کر جاں‌بحق ہو گیا ہے، اطلاع پر ریسکیو ٹیمیں موقع پر پہنچ گئیں،ریسکیو1122 حکام کا کہنا ہے کہ جان محمد روڈ الحمرہ ٹاون میں گھر میں ٹی آر گارڈر کی چھت گر گئی،چھت گرنے سےملبے تلے دب کر ایک بچہ جاں بحق ہوا،بچے کی شناخت 2 سالہ عبدالرحمان سے ہوئی ہے،فیروزوالہ میں بھی شدید بارش کے باعث مکان کی چھت گر گئی،ریسکیو حکام کا کہنا ہے کہ گرنے والی چھت لکڑی کے بالے اور بانسوں سے تیار کی گئی تھی۔ چھت گرنے کے باعث 39 سالہ عورت اور دو بچے نیچے دب گئے۔خاتون اور بچوں کو زخمی حالت میں نکال کر تشویش ناک حالت میں تحصیل ہیڈ کوارٹر ہسپتال منتقل کر دیا گیا ہے جبکہ زخمی ہونے والی خاتون کی شناخت فوزیہ، اور بچوں میں عالیہ اور واحد شامل ہیں۔

بارش کے بعد سڑکوں بازاروں اور گلیوں میں پانی نظر نہیں آنا چاہیے،وزیراعلیٰ پنجاب کا حکم
شدید بارش: وزیر اعلیٰ پنجاب مریم نواز شریف نے ہدایات جاری کر دی،وزیر اعلیٰ مریم نواز شریف نے انتظامیہ اور واسا حکام کو فیلڈ میں پہنچنے کا حکم دے دیا اور کہا کہ عملہ اور افسر پانی کی نکاسی مکمل ہونے تک فیلڈ میں رہیں، وزیر اعلیٰ مریم نواز شریف نے لاہور سمیت تمام شہروں میں نکاسی آب کے لئے فوری اقدامات کی ہدایت کی، ریسکیو 1122 اور دیگر اداروں کو ہنگامی صورتحال کے خدشے کے پیش نظر پیشگی تیاری کا حکم دیااور کہا کہ بارش کے بعد سڑکوں بازاروں اور گلیوں میں پانی نظر نہ آنا چاہیے، ٹریفک پولیس روڈز کو کلیر کرائے۔ ٹریفک جام نہیں ہونا چاہیے ۔

وزیر اعلیٰ مریم نوازشریف سے پنک ربن پاکستان کے چیف ایگزیکٹو آفیسر اور بانی ڈاکٹر عمر آفتاب کی ملاقات ہوئی ہے
ملاقات میں پنجاب میں پاکستان کا پہلا کینسر رجسٹری(ڈیٹا بینک) قائم کرنے پر اتفاق کیا گیا،بریسٹ کینسر کی تشخیص کے لئے لیڈی ہیلتھ ورکرکی ٹریننگ کا اصولی فیصلہ کیا گیا،پنجاب میں فی میل سٹاف کے لئے میمو گراف کے ٹیسٹ کی سہولت لازم کرنے پر غور کیا گیا،نوازشریف کینسر ہسپتال میں بریسٹ کینسر بلاک بنانے کی تجویز کا جائزہ لیا گیا،

ملاقات کے دوران بریفنگ میں بتایا گیا کہ میموگراف مشین کی دستیابی یقینی بنانے کے لئے پی آئی ٹی بی کو ایپ بنانے کا ٹاسک دیا جائے گا۔ پاکستان کے پہلے سرکاری نوازشریف کینسر ہسپتال کے بریسٹ کینسر بلاک میں تمام سٹاف خواتین پر مشتمل ہوگا۔کینسر کے مریضوں کا مستند ڈیٹا میسر ہونے سے علاج کی سہولتیں فراہم کرنے میں آسانی ہوگی۔ دنیا بھر میں بریسٹ کینسر 55سال اور پاکستان میں 35سا ل کی عمر بھی ہورہا ہے۔ پنجاب بھر میں متعین لیڈی ہیلتھ وزیٹر بریسٹ کینسر کلینک تشخیص کر سکیں گی۔اکتوبر میں پنک ربن مہم وزیر اعلیٰ پنجاب کی سربراہی میں شروع ہوگی۔اس موقع پر چیف سیکرٹری زاہد اختر زمان اور دیگر بھی موجود تھے

سپریم کورٹ،مخصوص نشستیں، سنی اتحاد کونسل کی درخواست پر فیصلہ محفوظ

کچھ ججز دانا ہوں گے، میں اتنا دانا نہیں، پاکستان کو ایک بار آئین کے راستے پر چلنے دیں، چیف جسٹس

نشان نہ ملنے پر کسی امیدوار کا کیسے کسی پارٹی سے تعلق ٹوٹ سکتا؟ چیف جسٹس

انتخابات بارے کیا کیا شکایات تھیں الیکشن کمیشن مکمل ریکارڈ دے، جسٹس اطہر من اللہ

سنی اتحادکونسل کی مخصوص نشستوں سے متعلق اپیل پر سماعت 24 جون تک ملتوی

سپریم کورٹ، سنی اتحاد کونسل کو مخصوص نشستیں نہ ملنے کیخلاف کیس کی سماعت ملتوی

مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان

بینک آف پنجاب کے سی ای او ظفر مسعود نے لاہور میں تقریب کے دوران گفتگو کرتے ہوئے کہا کہ ٹرانسپورٹ کے ذریعے عوام کی زندگی کو آسان بنائیں گے، ستائیس ہزار دو سو الیکٹرک بائیکس طلبہ و طالبات کو دو سال کی اقساط میں دیں گے، سکوٹی طالبات کو اس لیے دیں گے تاکہ وہ یونیورسٹی یا کالج جا سکیں، بینک آف پنجاب بیس سالوں میں نمبر ون برینڈ بنا ہے کیونکہ صوبائی و وفاقی سکیموں کو ہم نے ہی چلایا،پنجاب حکومت کے کسان کارڈ ،اپنا گھر اپنی چھت سمیت متعدد منصوبے کی فنانسنگ بینک آف پنجاب کررہا ہے،

ہر یونیورسٹی میں ای بائیکس کے یونٹ لگائیں گے تاکہ طلبا اپنی بائیکس چارج کر سکیں،وزیر ٹرانسپورٹ پنجاب
وزیر ٹرانسپورٹ پنجاب بلال اکبر کا کہنا تھا کہ چاہتے ہیں طلبہ وطالبات کو جلد از جلد الیکٹرک بائیکس ملیں، مریم نواز کی خواہش پر بیس ہزار سے بڑھ کر ستائیس ہزار الیکٹرک بچوں کو دیں گے، ستائیس ماحول دوست بسیں ستمبر میں سڑکوں پر ہوں گی، ای لوڈر رکشہ لائسنس آج سے آغاز کریں گے،ہر یونیورسٹی میں ای بائیکس کے یونٹ لگائیں گے تاکہ وہ اپنی بائیکس چارج کر سکیں، پنجاب میں دس لاکھ لوگوں کو مختلف شہروں میں سستی ٹرانسپورٹ دے رہے ہیں، شاہدرہ اسٹیشن کو اپ گریڈ کیا ہے میٹرو بسوں اور روٹ کو اپ گریڈ کررہے ہیں، پچیس لاکھ لوگوں کو ٹرانسپورٹ دے کر آسانی پیدا کریں گے، ٹورسٹ ٹرین اسلام آباد ٹو مری چلائیں گے،

دوسری جانب بینک آف پنجاب کی طرف سے گھریلو سولر سسٹم کے لئے درخواست فارم جاری کر دیا گیا ہے، یاد رہے ماہانہ 200 تک یونٹس استعمال کرنے والے صارفین کو حکومت پنجاب مفت سولر سسٹم دے رہی ہے

صدر بینک آف پنجاب ظفر مسعود پاکستان بینکس ایسوسی ایشن کے چیئرمین منتخب

جماعت اسلامی نے 12 جولائی کو اسلام آباد میں ہونے والا دھرنا مؤخر کر دیا
ترجمان جماعت اسلامی کے مطابق عاشورہ اور امن و امان کی صورتحال کے پیش نظر عوامی دھرنا اب 26 جولائی سے ھوگا۔گزشتہ روز وزیر داخلہ محسن نقوی نے جماعت اسلامی کے رہنماؤں سے رابطہ کر کے دھرنا مؤخر کرنے کی درخواست کی تھی

امیر جماعت اسلامی پاکستان حافظ نعیم الرحمن نےمنصورہ میں پریس کانفرنس میں اعلان کیا کہ مہنگی بجلی اور بھاری ٹیکسز کے خلاف 12 جولائی کو ہونے والا دھرنا عاشورہ کے پیش نظر اب 26 جولائی کو ہوگا۔ 12 جولائی ملک گیر احتجاجی کیمپ اور 14 جولائی ملک گیر احتجاجی دھرنے ہوں گے۔علماء کرام کی درخواست اور امن و امان کی صورتحال کے پیش نظر جماعت اسلامی کا دھرنا اب عاشورہ کے بعد 26 جولائی کو ہوگا ۔

فیصل آباد میں جماعت اسلامی کے کارکنوں نے ڈی چوک اسلام آباد میں بجلی بلوں میں ظالمانہ ٹیکسوں،اوور بلنگ اور لوڈ شیڈنگ کے خلاف ہونے والے عوامی دھرنے کی تیاریوں اور رائے عامہ ہموار کرنے کیلئے جامع چشتیہ چوک،فیضان مدینہ چوک،گیٹاں والا چوک،اڈامدن پورہ،سمانہ پل، سدھار،ملت ٹاؤن،مچھلی فارم ستیانہ روڈ،موچی بازار جھمرہ سمیت شہرکے مختلف علاقوں میں دھرناآگاہی کیمپ لگائے۔ ضلعی امیر پروفیسرمحبوب الزماں بٹ نے کیمپوں کا دورہ کر کے کارکنوں کے ساتھ اظہاریکجہتی کیا۔اس موقع پر کارکنوں سے گفتگو کرتے ہوئے انہوں نے کہاکہ جماعت اسلامی نے حافظ نعیم الرحمن کی قیادت میں عوامی حقوق کی جدوجہد کاآغازکردیاہے عوام کو بنیادی حقوق ملنے تک تحریک جاری رہے۔ آئی ایم ایف سے کیے گئے خفیہ معاہدے قوم کے سامنے لائے جائیں۔ ظالمانہ ٹیرف، سلیب سسٹم اور آئی پی پیز معاہدے ختم کیے جائیں۔ عوام کو سولر سسٹم نہیں ڈائریکٹ ریلیف دیا جائے۔ انہوں نے کہاکہ ن لیگ اقتدار میں آتی ہے تو بڑے پروجیکٹس کے نام پرنئے نئے کاروباری دھندوں کا آغاز کرتی ہے۔ عوام کو ریلیف نہیں پہنچتا، حکومت جعلی پبلسٹی کے لیے اربوں کے اشتہارات دینا شروع کردیتی ہے۔ پی ڈی ایم ون کے دور میں شہباز شریف نے 200 یونٹ تک مفت بجلی دینے کا اعلان کیا تھا، اشتہارات جاری ہوئے، آئی ایم ایف کے دباؤ پر مکر گئے۔ انہوں نے کہا کہ آئی پی پیز کے ساتھ کئے گئے ظالمانہ معاہدے فی الفور مذاکرات کرکے ختم کیے جائیں، تنخواہ داروں پر ٹیکسز واپس لیے جائیں، بجلی کا ٹیرف کم کیا جائے، ظلم و ناانصافی کو قبول نہیں کریں گے، نالائقی حکمرانوں کی ہو اور سزا عوام بھگتیں، ایسا نہیں چلے گا۔ بجلی موجود ہے تو لوڈشیڈنگ کیوں ہورہی ہے، لائن لاسز اور چوری روکی جائے، جو رقم ٹرانسمیشن سسٹم کو بہتر بنانے میں لگنی چاہیے وہ آئی پی پیز کو جارہی ہے۔ عوام کو خیرات نہیں حق چاہیے۔