Category: لاہور

لاہور کی نجی یونیورسٹی میں 19 دسمبر کو خودکشی کرنے والے طالب علم کے معاملے کی انکوائری رپورٹ بھی سامنے آگئی۔

رپورٹ کے مطابق طالب علم نے فارمیسی بلڈنگ کی تیسری منزل سے چھلانگ لگائی تھی، طالب علم کی ایک مضمون کے علاوہ دیگر مضامین میں حاضری ٹھیک تھی،انکوائری رپورٹ کے مطابق ایک مضمون صبح کے وقت ہونے سے طالبعلم کی حاضری کم رہی، خودکشی کرنے والا طالب علم شدید ذہنی تناؤ اور سائیکلوجیکل مسائل کا شکار تھا،طالب علم نے کبھی بھی کسی نفسیاتی مسائل کا علاج نہیں کروایا تھا، سی سی ٹی وی فوٹیج اور عینی شاہد کے مطابق طالب علم نے خود چھلانگ لگائی، زخمی طالب علم کو فوری لاہور جنرل اسپتال پہنچایا گیا لیکن وہ جانبر نہ ہوسکا۔

رپورٹ میں تجویز دی گئی ہے کہ صوبائی حکومت اور ہائر ایجوکمیشن کمیشن کو ہر یونیورسٹی میں سائیکالوجی سینٹر کھولنے چاہئیں۔ سائیکلوجی سینٹر میں تجربہ کار پروفیسر اور اساتذہ طالب علموں میں ذہنی تناؤ اور دباؤ سے متعلق آگاہی دیں،واضح رہے کہ کچھ روز قبل یونیورسٹی میں ڈی فارم کے ایک طالب علم نے عمارت کی چوتھی منزل سے کود کر خودکشی کی تھی۔

پنجاب پولیس آرڈر 2002ء میں ترمیم کردی گئی، گورنر پنجاب سردار سلیم حیدر نے ترمیمی بل کی منظوری دے دی، فسادات میں ملوث افراد کو 10 سال قید اور 5 لاکھ جرمانہ ہوگا۔

ترمیم شدہ قانون کے تحت پرتشدد ہجوم کا رویہ قابلِ دست اندازی پولیس اور جرم ناقابلِ ضمانت قرار دیدیا گیا،پولیس حکام کے مطابق اب پرتشدد احتجاج کے مقدمے کا ٹرائل سیشن کورٹ میں ہوگا، فسادات میں ملوث افراد کو 10 سال قید اور 5 لاکھ روپے تک جرمانہ ہوگا۔پولیس حکام کے مطابق قانون میں ’رائٹ زون‘ کا نفاذ کرکے کارروائی پر پولیس کو تحفظ دیدیا گیا، قانون میں پرتشدد احتجاج کے منتظمین اور شرپسند عناصر کیلئے سخت سزاؤں کا تعین کردیا گیا۔

پی آئی اے نےلاہور سے لندن فضائی آپریشن بھی شروع کرنے کا اعلان کر دیا ہے

پہلی پرواز پی کے 757 ، 30 مارچ کو لاہور سے لندن روانہ ہو گی۔لاہور سے لندن کے لئے پروازیں ہیتھرو ائر پورٹ کے ٹرمینل 4 پر لینڈ کریں گی۔ چھ سال کے وقفہ کے بعد پروازوں کا آغاز کیا جارہا ہے۔لندن پی آئی اے کے نیٹ ورک کے ابتدائی بین لاقوامی روٹس میں شامل ہے۔ان پروازوں کی شروعات کے بعد برطانیہ کے لیے پی آئی اے کی پروازوں کی ہفتہ وار تعداد 07 ہو جائے گی۔پابندی سے قبل پی آئی اے پاکستان سے لندن کے لیے ہفتہ وار 10 پروازیں چلا رہی تھی۔لندن کے لئے پروازوں میں بتدریج اضافہ کیا جائے گا۔ ترجمان پی آئی اے کے مطابق پی آئی اے پہلے ہی اسلام آباد سے لندن کے لئے ہفتہ وار تین پروازوں کا آغاز اعلان کر چکی ہے۔اسلام آباد سے لندن کی پروازیں 29 مارچ سے شروع ہوں گی۔

لاہور کی نجی یونیورسٹی میں زیرِ تعلیم طالبہ کے مبینہ اقدامِ خودکشی کے واقعے پر وزیراعلیٰ پنجاب مریم نواز نے فوری نوٹس لیتے ہوئے متعلقہ حکام کو ہدایت جاری کی، جس کے بعد ان کی ہدایت پر رکن پنجاب اسمبلی حنا پرویز بٹ نے لاہور جنرل ہسپتال کا دورہ کیا گیا۔

دورے کے دوران حنا پرویز بٹ نے زیرِ علاج طالبہ اور اس کے اہلِ خانہ سے ملاقات کی ، ان سے دلی ہمدردی اور یکجہتی کا اظہار کیا گیا اور طالبہ کی صحت و علاج سے متعلق تفصیلی آگاہی حاصل کی گئی۔ اس موقع پر ڈاکٹروں اور ہسپتال انتظامیہ نے طالبہ کی موجودہ طبی حالت پر جامع بریفنگ دی۔ہسپتال انتظامیہ کے مطابق زیرِ علاج طالبہ کو ہوش آ چکا ہے، اسے وینٹی لیٹر سے ہٹا دیا گیا ہے اور اس کی حالت میں واضح اور حوصلہ افزا بہتری دیکھنے میں آ رہی ہے۔ ڈاکٹروں کا کہنا ہے کہ طالبہ کی صحت میں روز بروز بہتری آ رہی ہے اور اسے آکسیجن سپورٹ فراہم کی جا رہی ہے، جبکہ ماہر ڈاکٹروں کی ٹیم اس کی مسلسل نگرانی کر رہی ہے۔

چیئرمین پاکستان علماء کونسل و کوآرڈینیٹر وزیراعظم پاکستان حافظ طاہر محمود اشرفی نے کہا ہے کہ پاکستان اور سعودی عرب کے تعلقات دو بھائیوں کے تعلقات ہیں۔

لاہور میں حافظ طاہر محمود اشرفی کی سعودی عرب کے سفیر نواف سعید المالکی سے ملاقات ہوئی۔ جس میں پاک سعودیہ تعلقات، امت کی وحدت، اتحاد، سعودی عرب میں موجود پاکستانی برادری کے احوال اور دیگر امور پر گفتگو ہوئی.اس موقع پر گفتگو کرتے ہوئے حافظ محمد طاہر محمود اشرفی نے کہا کہ ہمارا تعلق ایمان اور عقیدے کا ہے، سعودی عرب مسلمانوں کی وحدت اور اتحاد کا مرکز ہے،سعودی عرب کی سلامتی و استحکام اور دفاع ہر مسلمان کو عزیز ہے۔

سعودی سفیر نواف سعید المالکی نے کہا کہ پاکستان اور سعودی عرب کی قیادت کے درمیان عالم اسلام کے مسائل پر مضبوط روابط ہیں، سعودی عرب کی ترقی اور تعمیر میں پاکستانیوں کا اہم کردار ہے، سعودی ولی عہد کا خود کو پاکستان کا سفیر قرار دینا پاک سعودیہ محبت اور تعلقات کی اعلیٰ مثال ہے

لاہور کے علاقے نواب ٹاؤن میں رائے ونڈ روڈ پر واقع ایک نجی یونیورسٹی میں مبینہ طور پر دوسری منزل سے چھلانگ لگانے والی 21 سالہ طالبہ فاطمہ کی حالت میں نمایاں بہتری آ گئی ہے۔

اسپتال انتظامیہ کے مطابق طالبہ ہوش میں آ چکی ہے اور اسے وینٹی لیٹر سے ہٹا دیا گیا ہے، جبکہ آئی سی یو میں اس کا علاج جاری ہے۔اسپتال ذرائع کا کہنا ہے کہ طالبہ فاطمہ اس وقت آکسیجن سپورٹ پر ہے، تاہم اس کے ہیمو ڈائنامکس مستحکم ہیں اور مجموعی طبی حالت میں بہتری دیکھی جا رہی ہے۔ انتظامیہ کے مطابق طالبہ نے ہوش میں آنے کے بعد اپنے اہلِ خانہ سے بات چیت بھی کی ہے، جسے ڈاکٹروں نے ایک مثبت پیش رفت قرار دیا ہے۔اسپتال انتظامیہ نے بتایا کہ طالبہ کی ریڑھ کی ہڈی سے متعلق ممکنہ سرجری کے بارے میں دوبارہ تفصیلی جائزہ لیا جائے گا، جس کے بعد آئندہ کے علاج سے متعلق حتمی فیصلہ کیا جائے گا۔ ڈاکٹروں کی ٹیم مسلسل طالبہ کی نگرانی کر رہی ہے اور ہر ممکن طبی سہولیات فراہم کی جا رہی ہیں۔

چیئرمین میڈیکل بورڈ پروفیسر جودت سلیم نے پرنسپل امیر الدین میڈیکل کالج پروفیسر فاروق افضل کو طالبہ کی صحت سے متعلق تفصیلی بریفنگ دی۔ بریفنگ میں اب تک کیے گئے علاج، موجودہ طبی صورتحال اور آئندہ کے لائحہ عمل سے متعلق مکمل آگاہی دی گئی۔

یاد رہے کہ نجی یونیورسٹی کی 21 سالہ طالبہ فاطمہ نے مبینہ طور پر یونیورسٹی کی عمارت کی دوسری منزل سے چھلانگ لگائی تھی، جس کے نتیجے میں وہ شدید زخمی ہو گئی تھی۔ واقعے کے فوراً بعد طالبہ کو تشویشناک حالت میں قریبی اسپتال منتقل کیا گیا تھا۔پولیس کے مطابق طالبہ ڈی فارم کی طالبہ ہے اور نارنگ منڈی، ضلع شیخوپورہ کی رہائشی ہے۔ واقعے کی وجوہات جاننے کے لیے پولیس نے تحقیقات شروع کر رکھی ہیں جبکہ یونیورسٹی انتظامیہ سے بھی معلومات حاصل کی جا رہی ہیں۔ پولیس کا کہنا ہے کہ تمام پہلوؤں سے واقعے کی تفتیش کی جا رہی ہے اور حقائق سامنے آنے کے بعد مزید کارروائی کی جائے گی۔

علمائے کرام میں اعزازیہ کارڈ تقسیم کرنے کی تقریب سے خطاب کرتے ہوئے وزیر اعلیٰ پنجاب مریم نواز نے کہا کہ جب کوئی مسئلہ درپیش ہو تو سب علمائے کرام کی طرف دیکھتے ہیں، علمائے کرام کا دل سے احترام کرتی ہوں، افسوس ہے معاشرے میں علماء کی جو جگہ ہونی چاہئے وہ دینے سے قاصر ہیں، علمائے کرام معاشرے میں ایک ستون کی حیثیت رکھتے ہیں۔

وزیراعلیٰ پنجاب مریم نواز کا کہنا ہے کہ نواز شریف نے کہا امام مسجد بڑے لوگ ہیں، انہیں 25 ہزار روپے ماہانہ سے آغاز کریں، فروری کے آخر سے بینک آف پنجاب کارڈ سے ماہانہ 25 ہزار روپے منتقل کریں گے، تقریباً 70 ہزار امام مسجد کے بینک اکاؤنٹ کھل گئے ہیں، اعزازیہ کارڈ کے ذریعے 25 ہزار روپے ماہانہ امام مساجد کو منتقل کریں گے، علمائے کرام، عوام، حکمرانوں کے درمیان تعلق مضبوط ہونا چاہیے، کچھ لوگوں نے اعزازیہ کو منفی رنگ دینے کی کوشش کی، علمائے کرام کی مشاورت سے حکومتی معاملات میں بہتری آسکتی ہے، علمائے کرام اور حکومت کے رابطے میں کوئی خلل نہیں آنا چاہیے، کوئی خلل آئے تو پھر معاشرے میں خرابی آنا شروع ہوتی ہے، مذہبی منافرت کو روکنا علمائے کرام کی ذمہ داری ہے، کئی بار مذہبی منافرت پھیلانے والوں کیخلاف سخت اقدامات کرنا پڑے، کچھ لوگوں نے احتجاج کے نام پر ریاست کو یرغمال بنایا، فتنہ پھیلانے والوں نے لوگوں کی املاک کو نقصان پہنچایا۔

سندھ اور پنجاب کے دریاؤں میں غیر مقامی اور حملہ آور نوع کی مچھلیوں کے بڑھتے ہوئے پھیلاؤ نے مقامی ماہی گیری اور ایکو سسٹم کے لیے خطرے کی گھنٹی بجا دی ہے۔ ماہرین کا کہنا ہے کہ یہ مچھلیاں نہ صرف مقامی انواع کو کھا رہی ہیں بلکہ ان کی خوراک اور رہائش کے علاقوں پر قبضہ کر کے مقامی ایکو سسٹم کو شدید نقصان پہنچا رہی ہیں۔

آبی ماہرین اور ڈبلیو ڈبلیو ایف کی رپورٹ کے مطابق اب تک پاکستانی پانیوں میں 26 مختلف غیر ملکی مچھلیوں کی اقسام دیکھی جا چکی ہیں، جو عام طور پر گھروں کے ایکوریم کے لیے امپورٹ کی جاتی ہیں۔ ان حملہ آور مچھلیوں میں ایمازون سیل فن کیٹ فش، پاکو اور سرخ پیٹ والی تلپیا مچھلیاں سرفہرست ہیں، جو بنیادی طور پر لاطینی امریکا سے آئی ہیں۔ماہرین نے خدشہ ظاہر کیا ہے کہ اگر ان مچھلیوں کے بڑھتے ہوئے پھیلاؤ کو کنٹرول نہ کیا گیا تو یہ نہ صرف مقامی مچھلیوں کی نسلوں کو ختم کر دیں گی بلکہ دریاؤں کے قدرتی ماحول کو بھی ناقابل تلافی نقصان پہنچائیں گی۔ ماہرین کی تحقیق کے مطابق یہ مچھلیاں تیزی سے بڑھتی ہیں اور ان کے شکار کرنے کی صلاحیت بہت زیادہ ہے، جس کی وجہ سے مقامی انواع کی تعداد خطرناک حد تک کم ہو گئی ہے۔

حالیہ تحقیقات میں یہ بات سامنے آئی ہے کہ یہ مچھلیاں کس طرح پاکستانی دریاؤں تک پہنچی ہیں، اس پر کام جاری ہے۔ ابتدائی خدشات کے مطابق زیادہ تر مچھلیاں غیر قانونی طور پر ایکوریم سے پانی میں چھوڑ دی گئی ہیں یا تجارتی امپورٹ کے دوران غیر ارادی طور پر ریلز اور پانی کی ترسیل کے ذریعے ریلے میں شامل ہو گئی ہیں۔

ماہرین نے حکومت اور متعلقہ اداروں سے فوری اقدامات کرنے کا مطالبہ کیا ہے تاکہ ان حملہ آور مچھلیوں کو کنٹرول کیا جا سکے، کیونکہ ان کی تعداد اتنی بڑھ چکی ہے کہ مقامی ایکو سسٹم پر ان کے اثرات کو نظر انداز کرنا ممکن نہیں رہا۔ڈبلیو ڈبلیو ایف کے نمائندے نے بتایا، "اگر فوری اقدامات نہ کیے گئے تو پاکستان کے دریاؤں میں مقامی مچھلیوں کی نسلیں معدوم ہو سکتی ہیں اور پورا ایکو سسٹم تباہ ہو سکتا ہے۔”

کمانڈر لاہور کور کی نیشنل سیکیورٹی ورکشاپ بلوچستان کے وفد کے ساتھ خصوصی نشست ہوئی

کمانڈر لاہور کور نے نیشنل سیکیورٹی ورکشاپ کے وفد میں شریک طلبہ کیساتھ خصوصی نشست میں تفصیلی تبادلۂ خیال کیا، جس میں قومی و علاقائی سلامتی کے امور زیرِ بحث آئے۔ کمانڈر نے کہا کہ پاک فوج نے بلوچستان کو فتنہ الخوارج اور فتنہ الہندوستان کے مذموم عزائم سے پاک رکھنے کا پختہ عزم کر رکھا ہے اور بلوچستان کے لوگ انتہائی پرامن اور محب وطن ہیں۔ دشمن کے منفی پراپیگنڈے سے اب پوری قوم بخوبی واقف ہو چکی ہے اور دشمن اپنا بیانیہ کھو چکا ہے۔ دنیا یہ جان چکی ہے کہ پاکستان ایک پرامن عالمی قوت ہے جبکہ بھارت دہشت گردی اور تخریب کاری میں ملوث ملک ہے۔

نشست کے اختتام پر طلباء نے معرکہ حق (آپریشن بنیان مرصوص) کی تاریخی فتح پر افواجِ پاکستان کو خراجِ تحسین بھی پیش کیا اور اس عزم کا اظہار کیا کہ وہ اپنے ملک پر فخر کرتے ہیں اور افواجِ پاکستان کے شانہ بشانہ کھڑے ہیں۔

لاہور کی نجی یونیورسٹی میں خودکشی کی کوشش کرنے والی طالبہ کا علاج جاری ہے، پولیس نے واقعے سے قبل بات کرنیوالے لڑکے کو حراست میں لے لیا۔

لاہور کی نجی یونیورسٹی میں خودکشی کی کوشش کرنیوالی طالبہ کے علاج کیلئے میڈیکل بورڈ کے ارکان کی تعداد میں اضافہ کردیا گیا، ڈاکٹروں کی تعداد 4 سے بڑھا کر 7 کردی گئی۔سربراہ جنرل اسپتال پروفیسر فاروق افضل کا کہنا ہے کہ پروفیسر آف میڈیسن بھی میڈیکل بورڈ میں شامل ہیں، سانس اور گائنی کے ڈاکٹرز کو بھی بورڈ کا حصہ بنایا گیا ہے، طالبہ کو علاج کی بہترین سہولیات فراہم کی جارہی ہیں۔

دوسری جانب پولیس تفتیش میں اہم پیشرفت ہوئی ہے، پولیس نے خودکشی کی کوشش سے قبل لڑکی سے بات کرنیوالے لڑکے کا پتہ لگالیا، جسے حراست میں لیا جاچکا ہے۔پولیس نے خدشہ ظاہر کیا ہے کہ معاملہ پسند کی شادی کا معلوم ہوتا ہے، مزید تفتیش جاری ہے۔