اطلاعات کے مطابق لاہور بیس سے تعلق رکھنے والی پاکستانی ایئر ہوسٹس سدرہ علیم ٹورنٹو میں مبینہ طور پر لاپتہ ہو گئی ہیں۔
رپورٹس کے مطابق واقعہ گزشتہ روز پیش آیا جب وہ ایک پرواز کے ساتھ ٹورنٹو پہنچی تھیں۔ پرواز کے کپتان فاروق وسیم تھے جن کا تعلق 67 بیچ سے بتایا جا رہا ہے۔
ذرائع کے مطابق سدرہ علیم کے لاپتہ ہونے کے بعد ایئرلائن حکام اور متعلقہ اداروں کو اطلاع دے دی گئی ہے جبکہ معاملے کی مزید تحقیقات جاری ہیں۔
تاحال اس واقعے کے حوالے سے ایئرلائن یا حکام کی جانب سے باضابطہ تفصیلات سامنے نہیں آئی ہیں۔
Category: لاہور
-
ٹورنٹو میں پاکستانی ایئر ہوسٹس مبینہ طور پر لاپتہ
-
مشرق وسطیٰ جنگ: پاکستان کے مختلف ایئر پورٹس سے 90 پروازیں منسوخ
مشرق وسطیٰ جنگ کے باعث پاکستان کے مختلف ایئر پورٹس سے مزید 90 پروازیں منسوخ ہوگئیں –
ایئرپورٹ ذرائع کے مطابق کویت، بحرین، متحدہ عرب امارات، ایران، عراق اور قطر جانے اور وہاں سے آنے والی متعدد پروازیں منسوخ کی گئی ہیں، غیر یقینی صورتحال اور فضائی راستوں میں ممکنہ خطرات کے باعث کئی ملکی اور غیر ملکی ایئر لائنز نے اپنے فلائٹ آپریشن عارضی طور پر محدود کر دیئے ہیں۔
ذرائع کا کہنا ہے کہ گزشتہ 17 روز کے دوران پاکستان کے مختلف ایئرپورٹس سے پروازوں کی آمد و رفت شدید متاثر رہی ہے، اس عرصے میں مجموعی طور پر 1955 پروازیں منسوخ ہو چکی ہیں جس سے ہزاروں مسافر متاثر ہوئے۔
فرانسیسی صدر کا ایران سےآبنائے ہرمز سے جہازوں کی آمدورفت بحال کرنے کا مطالبہ
لاہور ایئرپورٹ ذرائع کے مطابق موجودہ صورتحال کے پیش نظر کویت، قطر، بحرین اور ایران سمیت دیگر مشرقِ وسطیٰ کے ممالک کے لیے ایک درجن سے زائد ملکی و غیر ملکی ایئر لائنز نے اپنی پروازیں منسوخ کر دی ہیں،خطے میں صورتحال بہتر ہونے تک پروازوں کے شیڈول میں مزید تبدیلیاں بھی کی جا سکتی ہیں۔
کوسٹ گارڈز کی گوادر میں کارروائی، اعلی کوالٹی کی منشیات برآمد کرلیں
-
شالیمار ایکسپریس حادثہ ، ابتدائی تحقیقاتی رپورٹ سامنے آگئی
کراچی سے لاہور جانے والی شالیمارایکسپریس ٹریک پر کھڑی مال گاڑی سے ٹکرا گئی،ریلوے اتنظامیہ کے مطابق کسی جانی نقصان کی اطلاع نہیں ملی۔
اتوار کے روز سکھر ڈویژن لاکھا روڈ اسٹیشن کی ریلوے لوپ لائن پر کھڑی مال گاڑی اور کراچی سے لاہور جانے والی 27 اپ شالیمار ایکسپریس کے درمیان تصادم کا واقعہ پیش آیا تاہم حادثے میں خوش قسمتی سے عملہ اور مسافر محفوظ رہے اور کوئی جانی نقصان رپورٹ نہیں ہوا تاہم حادثے کے باعث شالیمار ایکسپر یس کے انجن، سامان اور بوگیوں کو شدید نقصان پہنچا جب کہ تیز رفتار شالیمار ایکسپریس کا انجن مال گاڑی کے ڈبوں میں دھنس گیا،حادثے کے نتیجے میں ریلوے کے ڈرائیور اور اسسٹنٹ ڈرائیور معجزانہ طور پر محفوظ رہے جب کہ گارڈ کو کافی مشکل کے بعد بوگی سے باہر نکالا گیا-
حادثے کے فورا بعد ریلوے انتظامیہ نے فوری طور پر ریلیف اقدامات شروع کر دیے ریلوے حکام نے بتایا کہ حادثے کے بعد فوری طور پر ریلیف ٹرین روانہ کر دی گئی ہے تاکہ متاثرہ مسافروں کو آگے پہنچایا جا سکے اور ریل کا معمول کا نظام بحال کیا جا سکے، بعد ازاں لاکھا روڈ اسٹیشن پر شالیمار ایکسپریس حادثے کی ابتدائی تحقیقاتی رپورٹ سامنے آ گئی تاہم سامنے آنے والی ابتدائی تحقیقاتی رپورٹ میں انکشاف ہوا ہے کہ حادثے کا ذمہ دار ریلوے عملہ نکلا۔
جنید صفدر کے ویانا جانے کی خبر بے بنیاد قرار
رپورٹ کے مطابق اسسٹنٹ اسٹیشن ماسٹر نے لوپ لائن پر پہلے سے کھڑی مال گاڑی کے باوجود پیچھے سے آنے والی شالیمار ایکسپریس کو اسی ٹریک پر بھیج دیا، حادثے کے وقت شالیمار ایکسپریس کی رفتار تقریباً 80 کلومیٹر فی گھنٹہ تھی، جس کے باعث تصادم شدید نوعیت اختیار کر گیا اور مال گاڑی و انجن کو خاصا نقصان پہنچا،ریلوے حکام نے واقعے کا نوٹس لیتے ہوئے مزید انکوائری شروع کر دی ہے تاکہ ذمہ داروں کا تعین کر کے کارروائی عمل میں لائی جا سکے-
سوئٹزرلینڈ نے امریکی فوجی طیاروں کو فضائی حدود استعمال کرنے سے روک دیا
-
جنید صفدر کے ویانا جانے کی خبر بے بنیاد قرار
ترجمان شریف فیملی نے واضح کیا ہے کہ جنید صفدر اپنی اہلیہ کے ہمراہ رائیونڈ میں اپنے گھر پر موجود ہیں اور ویانا جانے کی خبریں بالکل بے بنیاد ہیں۔
ترجمان نے سوشل میڈیا پلیٹ فارم ایکس پر کہا ہے کہ جنید صفدر جھوٹ اور فیک نیوز پھیلانے والوں کے خلاف قانونی کارروائی کا حق محفوظ رکھتے ہیں،یہ وضاحت ایسے وقت میں سامنے آئی ہے جب سوشل میڈیا اور مختلف ذرائع پر جنید صفدر کے ویانا جانے کی افواہیں گردش کر رہی تھیں۔
شریف فیملی کی جانب سے یہ بھی واضح کیا گیا ہے کہ وزیر اعلیٰ پنجاب کے بیٹے جنید صفدر کی بیرون ملک موجودگی کے حوالے سے گردش کرتی اطلاعات میں کوئی صداقت نہیں ہےترجمان کی جانب سے عوام سے درخواست کی گئی ہے کہ وہ غیر مصدقہ خبروں پر بھروسہ نہ کریں۔
نیتن یاہو زندہ ہیں تو وہ ایران کے اہم اہداف میں شامل ہیں،پاسداران انقلاب
سی ٹی ڈی کی انٹیلیجنس بیسڈ کارروائی، کالعدم تنظیم کا دہشتگرد گرفتار
سوئٹزرلینڈ نے امریکی فوجی طیاروں کو فضائی حدود استعمال کرنے سے روک دیا
-
پاکستان ریلوے کا عیدالفطر پر 4 اسپیشل ٹرینیں چلانے کا فیصلہ
لاہور : پاکستان ریلویز نے عیدالفطر کے موقع پر 4 اسپیشل ٹرینیں چلانے کا فیصلہ کیا ہے۔
ریلوے انتظامیہ کی جانب سے جاری کردہ شیڈول کے مطابق پہلی اسپیشل ٹرین 16 مارچ کو لاہور سے کراچی کے لیے روانہ ہوگی، دوسری ٹرین 17 مارچ کو کوئٹہ سے راولپنڈی کے لیے روانہ کی جائے گی جبکہ اسی روز یعنی 17 مارچ کو تیسری اسپیشل ٹرین کراچی سے پشاور کے لیے روانہ ہوگی۔ چوتھی اور آخری اسپیشل ٹرین 18 مارچ کو کراچی سے لاہور کے لیے روانہ کی جائے گی۔
وفاقی وزیر ریلوے نے حکام کو ہدایت کی ہے کہ ان اسپیشل ٹرینوں میں مسافروں کو بہترین سہولیات فراہم کی جائیں اور صفائی ستھرائی کے ساتھ ساتھ ٹرینوں کے اوقات کار کی پابندی کو بھی یقینی بنایا جائے۔
عالمی امن کا سوال اور امریکی قیادت کی ذمہ داری ،تجزیہ: شہزاد قریشی
-
جب نظام میں خرابی ہو تو اس کے اثرات پورے ملک پر ہوتے ہیں،حافظ نعیم
جماعت اسلامی پاکستان کے امیر حافظ نعیم الرحمان نے پیٹرولیم مصنوعات کی قیمتوں میں اضافے پر کہا ہے کہ پیٹرول کی قیمت بڑھنے سے سارا بوجھ عوام پر پڑا ہے،اگر جماعت اسلامی کے دور میں پیٹرول مہنگا ہوتا تو بوجھ جماعت خود برداشت کرتی-
امیر جماعت اسلامی پاکستان حافظ نعیم الرحمان نے لاہور میں افطار ڈنر سے خطاب کرتے ہوئے کہا کہ جب نظام میں خرابی ہو تو اس کے اثرات پورے ملک پر ہوتے ہیں پیٹرول کی قیمت بڑھنے سے سارا بوجھ عوام پر پڑا، اگر جماعت اسلامی کے دور میں پیٹرول مہنگا ہوتا تو بوجھ جماعت خود برداشت کرتی۔
انہوں نے کہا کہ ہم 35 ہزار یتیم بچوں کی کفالت کر رہے ہیں، آغوش پروگرام میں بچے تعلیم حاصل کر رہے ہیں، اس پروگرام کے تحت بچے انجینئیر، ڈاکٹرز بن رہے ہیں، کسی آفت میں پوری جماعت اسلامی والنٹیئر بن جاتی ہے،90 ہزار بچوں کو غزہ میں شہید کر دیا گیا، شہدا میں 70 فیصد تعداد بچوں اور خواتین کی ہےجو کام ریاست کے ہیں وہ الخدمت کر رہی ہے، الخدمت نے امداد غزہ بھیج دی ہے۔
پاکستان کے جوابی حملوں کا خوف، افغان طالبان عہدیدار کابل سے فرار
حالیہ جنگ:روس ایران کو انسانی امداد بھیجنے والا پہلا ملک بن گیا
حالیہ جنگ:روس ایران کو انسانی امداد بھیجنے والا پہلا ملک بن گیا
-
ہمیں خطے میں پرامن اور اچھے ہمسایہ تعلقات کو فروغ دینا ہوگا، مولانا فضل الرحمان
امیر جےیوآئی مولانا فضل الرحمان نے کہا ہے کہ اس وقت پوری امتِ مسلمہ کو سر جوڑ کر بیٹھ کر اپنے مستقبل کا تعین کرنا ہوگا، امریکہ اور مغربی دنیا کی پالیسیوں کے نتائج آج پوری امتِ مسلمہ کے سامنے آ چکے ہیں،
میڈیا سے گفتگو کرتے ہوئے مولانا فضل الرحمان کا کہنا تھا کہ فلسطین اور بیت المقدس صرف ایران نہیں بلکہ پوری امتِ مسلمہ کا مسئلہ ہیں، فلسطین اور القدس کے مسئلے پر امتِ مسلمہ کو متحد اور مضبوط مؤقف اختیار کرنا ہوگا، بدقسمتی سے اسلامی دنیا داخلی اختلافات اور لڑائیوں میں الجھ گئی ہے پاکستان اس وقت پیچیدہ علاقائی اور سفارتی چیلنجز کا سامنا کر رہا ہے، بھارت کے ساتھ مشرقی سرحد اور افغانستان کی جانب مغربی سرحد کشیدہ صورتحال کا شکار ہے، موجودہ حالات میں پاکستان کے علاقائی اور عالمی تعلقات کا ازسرِ نو جائزہ ضروری ہے، الزام تراشی یا ایک دوسرے کو غلط قرار دینا مسائل کا حل نہیں، ہمیں سنجیدگی سے سوچنا ہوگا کہ موجودہ عالمی صورتحال میں پاکستان کہاں کھڑا ہے، پاکستان کے اہم سفارتی اور دفاعی معاملات پر پارلیمنٹ کا مشترکہ اِن کیمرہ اجلاس بلایا جائے، قومی سلامتی کے معاملات پر عوامی نمائندوں کو کھل کر اظہارِ رائے کا موقع ملنا چاہیے، حکومت اور اسٹیبلشمنٹ قوم اور پارلیمنٹ کو اعتماد میں لیں، حساس قومی معاملات کو جلسوں اور گلی کوچوں کی سیاست کا موضوع نہیں بنانا چاہیے، پاکستان کے مستقبل کیلئے سیاسی اور سفارتی راستے اختیار کرنا ہوں گے، ہمیں خطے میں پرامن اور اچھے ہمسایہ تعلقات کو فروغ دینا ہوگا، جنگ سے امن پیدا نہیں ہوتا، جنگ مزید جنگ کو جنم دیتی ہے، خطے میں جنگ کی آگ بھڑکی تو اس کی لپیٹ میں سب آ جائیں گے، جمعیت علماء اسلام نے پارلیمنٹ کے فلور پر اِن کیمرہ اجلاس کی تجویز دی ہے،
-
سینئر اداکار عاصم بخاری انتقال کرگئے
پاکستان شوبز انڈسٹری کے سینئر اداکار عاصم بخاری طویل علالت کے بعد 76 برس کی عمر میں انتقال کر گئے۔
اہلِ خانہ کے مطابق عاصم بخاری گزشتہ کچھ عرصے سے گردوں اور دل کے امراض میں مبتلا تھے 15 روز سے لاہور کے اسپتال میں زیر علاج تھے وہ بدھ کی رات کوما میں چلے گئے تھے جس کے بعد جمعرات کو ان کا انتقال ہو گیا مرحوم کی نمازِ جنازہ آج نمازِ عصر کے بعد لاہور میں ان کی رہائش گاہ کے قریب واقع جامع مسجد میں ادا کی جائے گی۔
ان کے انتقال کی خبر سامنے آنے کے بعد شوبز انڈسٹری سے وابستہ شخصیات اور مداحوں نے گہرے رنج و غم کا اظہار کرتے ہوئے مرحوم کی فنی خدمات کو خراجِ تحسین پیش کیا۔
واٹس ایپ نے نیا کنٹرول سسٹم متعارف کرادیا
عاصم بخاری نے ٹیلی وژن ڈراموں، اسٹیج اور فلموں میں اپنی اداکاری کے ذریعے نمایاں مقام حاصل کیا۔ ان کو 2014 میں پرائیڈ آف پرفارمنس دیا گیا۔ عاصم بخاری نے 1965 میں پی ٹی وی سے کام کا آغاز کیا ان کے مشہور زمانہ ڈراموں میں جنجال پورہ سر فہرست ہے۔
5G اسپیکٹرم نیلامی: مقامی اور عالمی سرمایہ کاروں کی دلچسپی میں واضح اضافہ
-
مریم نواز اور نواز شریف سے تاشقند کے گورنر کی ملاقات
پاکستان مسلم لیگ (ن) کے صدر نواز شریف اور وزیراعلیٰ پنجاب مریم نواز شریف سے ازبکستان کے صوبے تاشقند کے گورنر زوئیر مرزا ایوف نے 7 رکنی وفد کے ہمراہ ملاقات کی۔
ملاقات میں دوطرفہ تعاون اور مختلف شعبوں میں شراکت داری بڑھانے پر تبادلہ خیال کیا گیا ملاقات کے دوران پنجاب اور تاشقند کو برادر صوبہ قرار دینے پر اتفاق کیا گیا اور اس مقصد کے لیے خصوصی کمیٹی بھی تشکیل دے دی گئی۔
ملاقات میں ٹورازم، زراعت، لائیو سٹاک، میٹ پراسیسنگ، بیوریجز، سٹرس فروٹ اور دیگر سیکٹرز میں معاشی تعاون کو فروغ دینے پر اتفاق کیا گیا جبکہ ازبکستان کی جانب سے لاہور میں بابر پارک کے قیام کی تجویز پر بھی غور کیا گیا گورنر تاشقند نے لاہور میں مغل دور کی تاریخی عمارتوں کی بحالی پر وزیراعلیٰ مریم نواز شریف کو خراج تحسین پیش کیا جبکہ وزیراعلیٰ نے دورہ ازبکستان کی دعوت شکریے کے ساتھ قبول کر لی۔
آپریشن غضب للحق : 461 دہشتگرد ہلاک اور 855 زخمی،243 چیک پوسٹیں تباہ
گورنر تاشقند نے ازبکستان کے صدر کی جانب سے پاکستان کے عوام بالخصوص اہل پنجاب کے لیے نیک تمناؤں کا پیغام بھی پہنچایا ازبک پلاؤ کی تعریف پر گورنر تاشقند نے مسرت کا اظہار کرتے ہوئے پاکستانی باورچیوں کی ٹریننگ کے لیے ازبک شیف بھیجنے کی پیشکش بھی کی۔
نواز شریف نے کہا کہ پاکستانی ازبکستان کے علمی و ثقافتی ورثے پر فخر کرتے ہیں اور سمرقند ماضی کی طرح آج بھی علم و ہنر کا مرکز ہےازبکستان کے کھانے بالخصوص پلاؤ پاکستانیوں کے مرغوب کھانوں میں شامل ہیں لاہور کی ہزاروں سال پرانی تاریخ ہے اور انہیں لاہور سے خاص محبت ہے جب وہ وزیر اعظم تھے تو ہر ویک اینڈ پر لاہور آ جاتے تھے نواز شریف نے ازبکستان کے عوام بالخصوص اہل سمرقند کو سلام محبت بھی پیش کیا۔
گورنر تاشقند زوئیر مرزا ایوف نے پنجاب میں سیاحت کے فروغ اور تاریخی مقامات کی بحالی کو سراہتے ہوئے کہا کہ وزیراعلیٰ مریم نواز شریف کی ٹورازم، آرکیالوجی اور میوزیم کے فروغ کے لیے کاوشیں قابل تحسین ہیں پاکستان اور ازبکستان کے درمیان سیاحت، فارماسیوٹیکل، زراعت اور دیگر شعبوں میں معاشی تعلقات بڑھانے کے بے شمار مواقع موجود ہیں زبکستان میں ڈھائی ہزار کمپنیاں 74 ممالک کے اشتراک سے کام کر رہی ہیں جبکہ پاکستانی سرمایہ کاروں کے تعاون سے 22 کمپنیاں مختلف شعبوں میں کام کر رہی ہیں ازبکستان میں ٹیکسٹائل بالخصوص پولیسٹر کی بہت مانگ ہے اور پاکستانی کمپنیوں کے اشتراک کا خیر مقدم کیا جائے گا۔ انہوں نے ازبک مسجد کا سووینئر دیکھ کر بھی خوشی کا اظہار کیا۔
پنجاب کے مختلف اضلاع میں بارش کا امکان
وزیراعلیٰ پنجاب مریم نواز شریف نے کہا کہ ازبکستان برادر ملک ہے اور پاکستان سماجی و معاشی تعلقات کو مزید مستحکم کرنا چاہتا ہےازبکستان سے محبت انہیں اپنے والد نواز شریف اور والدہ مرحومہ سے ورثے میں ملی ہے لاہور میں ازبک کوزین ریسٹورنٹ پاکستانیوں کی ازبکستان سے محبت کا ثبوت ہے جبکہ پنجاب میں بہت سے تاریخی مقامات سیاحتی توجہ کا مرکز ہیں۔
مریم نواز شریف نے کہا کہ پنجاب میں زراعت، صنعت، سوشل سیکٹر اور انفراسٹرکچر کی بہتری کے لیے اربوں روپے کی سرمایہ کاری کی گئی ہے۔ ملک کی زراعت کا 70 فیصد پنجاب سے آتا ہے جبکہ سیالکوٹ، وزیر آباد اور فیصل آباد اہم صنعتی مراکز ہیں پ اکستانی چاول دنیا میں بہترین شمار کیا جاتا ہے جبکہ مکئی اور گندم بھی پنجاب کی بڑی فصلیں ہیں پنجاب میں زراعت اور لائیو سٹاک کی ویلیو ایڈڈ مصنوعات پر توجہ دی جا رہی ہے اور عالمی معیار کے مطابق تین لاکھ مویشی میٹ ایکسپورٹ کے لیے تیار ہیں، پاکستان ویلیو ایڈڈ ٹیکسٹائل میں نمایاں مقام رکھتا ہے اور پاکستان کی بیڈ شیٹس، ٹاول اور دیگر ٹیکسٹائل مصنوعات دنیا بھر میں پسند کی جاتی ہیں۔ ان کے مطابق پاکستان اور ازبکستان باہمی تعاون سے دنیا کو حیران کر سکتے ہیں۔
-
پنجاب کے مختلف اضلاع میں بارش کا امکان
ملک میں داخل ہونے والے مغربی سسٹم کے تحت لاہور سمیت پنجاب کے مختلف اضلاع میں بارش اور چند مقامات پر ژالہ باری کا امکان ہے۔
محکمہ موسمیات کے مطابق بدھ کے روز راولپنڈی، اٹک، چکوال، میانوالی، جہلم، گجرات، لاہور، گجرانوالہ، مری، گلیات اور گردو نواح میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے ،اس دوران چند مقامات پر ژالہ باری کی بھی توقع ہے جبکہ صوبے کے دیگر اضلاع میں موسم خشک رہنے کا امکان ہے۔
اسی طرح جمعرات کے روز بھی راولپنڈی، اٹک، چکوال، میانوالی، جہلم، گجرات، لاہور، گجرانوالہ، مری، گلیات اور گردو نواح میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے، اس دوران چند مقامات پر ژالہ باری کی بھی توقع ہے جبکہ صوبے کے دیگر اضلاع میں موسم خشک رہنے کا امکان ہے۔
امریکی جوہری بمبار اڈے کے قریب پراسرار ڈرون،ہائی الرٹ جاری
صدر اور وزیراعظم کی نیپال کی نئی قیادت کو انتخابی کامیابی پر مبارکباد