Category: لاہور

رمضان المبارک نزول قرآن کا مہینہ ہے اس برکت والے مہینہ میں قرآن مجید کے ساتھ مضبوط کرنے عبادات بجا لانے کے ساتھ ساتھ شہید مقدس اوراق کی حفاظت کا بھی عہد کیا جائے ۔ شہید مقدس کی حفاظت میں اہل ایمان کیلئے عظیم اجر وثواب کی بشارت ہے ، یہ دل میں تقوی کی علامت ہے ، نیکی اور ثواب میں اضافہ ہوتا ہے ، ا للہ کی خشنودی اور ملائکہ کی قربت حاصل ہوتی ہے ۔

ان خیالات کا اظہار خادم قرآن اور پنجاب قرآن بورڈ کے سابق ممبر محمد ناظم الدین نے کیا ۔ انھوں نے کہا کہ شہید مقدس اوراق خصوصاََ قرآن مجید کی آیات اور احادیث پر مشتمل صفحات کی حفاظت اور احترام ایمان کا حصہ اوراجر عظیم کا باعث ہے ۔ شعائر الہیٰ کی تعظیم قلبی تقویٰ کی علامت ہے ۔ شہید مقدس اوراق کو ادب سے اٹھانا ، انھیں محفوظ جگہ پر منتقل کرنا صرف مذہبی ذمہ داری ہی نہیں بلکہ صدقہ جاریہ بھی ہے اور باعث خیر ، رحمت اور برکت بھی ہے ۔ انھوں نے کہا کہ بہت سے ناشران قرآن مجید کی طباعت اور اشاعت کیلئے غیر معیاری پیپر استعمال کرتے ہیں جس سے ہر ماہ بڑی تعداد میں قرآن مجید ، پارے اور قاعدے شہید ہوتے ہیں، جس سے ہر ماہ شہید مقدس اوراق کی ہزاروں ٹن بوریاں جمع ہوجاتی ہیں جنھیں محفوظ کرنا بذات خود ایک سنگین مسئلہ بنتا جا رہا ہے لہذا علما ء اساتذہ اور والدین سے گزارش ہے کہ وہ نئی نسل میں کلام الہیٰ اور شہید مقدس اوراق کی حفاظت کا شعور پیدا کریں ۔ غیر معیاری اور ناقص پیپر پر طبع شدہ قرآن مجید اور سیپارے خریدنے کی بجائے معیاری پیپر پر شائع شدہ قرآن مجید اور سیپارے خریدیں تاکہ ان کے شہید ہونے کا احتمال کم سے کم ہو ۔ اسلئے کہ شہید مقدس اوراق کی حفاظت ہماری اجتماعی ذمہ داری ہے۔ ہم کتاب الہیٰ کی عزت اور حفاظت کریں گے تو اللہ ہمیں عزت دے گا ۔ حکومت سے گزارش ہے کہ شہید مقدس اوراق کی حفاظت کا مضمون تعلیمی اداروں کے نصاب میں شامل کیا جائے تاکہ نوجوان نسل کو اپنی ذمہ داری کا احساس ہوسکے ۔

بانی پی ٹی آئی عمران خان کی ہمشیرہ علیمہ خان نے حالیہ پریس کانفرنس میں پارٹی کی سینئر قیادت کو شدید تنقید کا نشانہ بنایا اور کہا کہ بانی کی صحت سے متعلق معاملات پر صرف خاندان کو بات کرنے کا حق ہے۔
پریس کانفرنس کے دوران علیمہ خان کا کہنا تھا کہ “بھائی ہمارا ہے اور ان کی صحت ہماری اولین ترجیح ہے، اس لیے ہماری اجازت کے بغیر کوئی بھی اس معاملے پر بیان نہ دے۔”
‎انہوں نے پارٹی چیئرمین بیرسٹر گوہر سمیت دیگر رہنماؤں پر سوال اٹھاتے ہوئے کہا کہ حامد خان، علی ظفر اور لطیف کھوسہ کہاں ہیں اور بانی پی ٹی آئی کی صحت کے معاملے پر واضح مؤقف کیوں سامنے نہیں آ رہا۔
‎ان کا کہنا تھا کہ بیرسٹر گوہر نے بانی کی صحت کے معاملے کو نظر انداز کیا اور اب اس حوالے سے کوئی وضاحت نہیں دی جا رہی۔
‎علیمہ خان نے مزید کہا کہ وزیر داخلہ محسن نقوی کی جانب سے علاج میں تاخیر کا ذکر کیا جا رہا ہے، حالانکہ ان کے مطابق بانی کا مناسب علاج ہی نہیں ہوا۔ انہوں نے سوال اٹھایا کہ اگر پارٹی رہنماؤں کی وزیر داخلہ سے ملاقات ہوئی تھی تو عوام کو اس کی تفصیلات کیوں نہیں بتائی جا رہیں اور حکومت سے کیے گئے وعدوں کو سامنے کیوں نہیں لایا جا رہا۔
‎انہوں نے مطالبہ کیا کہ بانی پی ٹی آئی کے علاج اور صحت سے متعلق تمام معاملات شفاف انداز میں عوام کے سامنے رکھے جائیں۔

پنجاب کے مختلف اضلاع کے مزید 2735 سرکاری اسکولز ٹھیکے پر دینے کا فیصلہ کرلیا گیا۔ محکمہ اسکول ایجوکیشن پنجاب نے نجی شعبے سے درخواستیں طلب کرلیں۔

پنجاب کے مزید سرکاری اسکولز ٹھیکے پر دینے کا فیصلہ کیا گیا ہے، مختلف اضلاع کے مزید 2735 اسکولز نجی افراد چلائیں گے۔محکمہ اسکول ایجوکیشن پنجاب نے نجی شعبے سے درخواستیں طلب کرلیں، 31 مارچ تک نجی شعبے سے افراد اسکولز حاصل کرنے کیلئے اسکروٹنی ہوگی۔رپورٹ کے مطابق رحیم یارخان کے 247، خانیوال کے 157، فیصل آباد 112، بہاولنگر کے 150، لاہور کے 42، چنیوٹ کے 82، لیہ کے 92، قصور کے 94، ملتان کے 128 اسکول نجی شعبے کو دیئے جائیں گے۔محکمہ اسکول ایجوکیشن کا کہنا ہے کہ تیسرے مرحلے میں ایسے اسکولز نجی شعبے کو ملیں گے جن میں 100 سے زائد طلباء اور 2 ٹیچر موجود ہیں۔محکمہ اسکول ایجوکیشن پنجاب 10 ہزار سے زائد اسکولز نجی شعبے کے حوالے کرچکا ہے۔

لاہور میں بسنت کے دوران 17 اموات ہوئیں، رپورٹ لاہور ہائیکورٹ میں جمع کروا دی گئی

ہوم ڈیپارٹمنٹ نے بسنت سے وانے والی اموات کی رپورٹ عدالت پیش کردی ،رپورٹ کے مطابق بسنت کے دوران کرنٹ لگنے سے 3 افراد ہلاک ہوئے، درخت سے گر کر دو افراد ہلاک ہوئے۔بارہ افراد چھتوں سے گر کر جان کی بازی ہار گئے۔ لاہور ہائیکورٹ نےبسنت کے دوران ڈور پھرنے سے زخمی ہونے والے افراد کی تفصیلات بھی طلب کرلیں،وکیل درخواست گزار اظہر صدیق نے کہا کہ بسنت کے دوران ڈور پھرنے سے زخمیوں کا ڈیٹا نہیں دیا گیا۔

جسٹس اویس خالد نے جوڈیشل ایکٹوزم پینل سمیت دیگر کی درخواستوں پر سماعت کی ،درخواست میں بسنت کے دوران ہونے والی اموات اور زخمیوں کی تفصیلات فراہم کرنے کی استدعا کی گئی ہے

پنجاب بھر میں پہلی مرتبہ انفرااسٹرکچر اور ڈیزائن اسٹینڈرائزیشن کا فیصلہ کرلیا گیا، "ون پنجاب، ون اسٹینڈرڈ، ون ڈیزائن” کے تحت صوبے میں تعمیرات میں یکسانیت اور عالمی معیار کا نفاذ ہوگا۔ وزیراعلیٰ مریم نواز نے منصوبے کی منظوری دے دی۔

وزیراعلیٰ پنجاب مریم نواز کی زیر صدارت خصوصی اجلاس ہوا، جس میں انفرااسٹرکچر اسٹینڈرڈائزیشن پر بریفنگ دی گئی۔مریم نواز نے کہا ڈسپلن ہی ترقی کا اصل حُسن ہے، پنجاب اب ایک رنگ اور ایک معیار سے پہچانا جائے گا، لاہور سے راجن پور تک ہر گلی، ہر شاہراہ، دیدہ زیب اور ہر ادارہ نظم و ضبط کا شاہکار ہوگا۔وزیراعلیٰ پنجاب کا کہنا ہے کہ انفرااسٹرکچر اور روڈز کے یکساں ڈیزائن شہر کو جمالیاتی طور پر پرکشش بناتے ہیں، صوبہ بھر میں یکساں روڈ، گرین بیلٹ، سائن بورڈ، فٹ پاتھ بنانے کا فیصلہ کیا گیا۔وزیراعلیٰ مریم نواز نے اسٹینڈرائزڈ ڈیزائن مینول تیار کرنے کا حکم دے دیا۔