Category: لاہور

گورنر ہاؤس میں وزیر اعلی پنجاب مریم نواز کی تقریب حلف برداری،ن لیگی رہنما پہنچ گئے

گورنر پنجاب بلیغ الرحمان نے مریم نواز سے حلف لیا،حلف لیتے ہوئے مریم نواز کا کہنا تھا کہ میں مریم نواز صدق دل سے حلف اٹھاتی ہوں کہ میں پاکستان کی حامی وفادار رہوں گی، بحیثیت وزیراعلیٰ پنجاب اپنے فرائض، ایمانداری اور وفاداری کے ساتھ، اسلامی جمہوریہ پاکستان کے دستور اور قانون کے مطابق، ہمیشہ پاکستان کی خودمختاری، سلامتی ،یکجہتی کی خاطر انجام دوں‌گی

قبل ازیں مریم نواز شریف حلف اٹھانے کے لیے گورنر ہاؤس لاہور پہنچ گئیں، شہباز شریف اور میاں نواز شریف نے وزیراعلی پنجاب مریم نواز شریف کا استقبال کیا ۔نومنتخب وزیر اعلیٰ پنجاب مریم نواز کی گورنر ہاؤس میں قائد میاں نواز شریف نامزد وزیر اعظم شہباز شریف اور حمزہ شہباز شریف سے ملاقات ہوئی،شہباز شریف نے مریم کو گلے لگائیں، مریم نے والد نواز شریف کے پاؤں چھوئے، حمزہ نے مریم کو گلے لگایا،

سینیر لیگی رہنما خواجہ سعد رفیق, سردار ایاز صادق, خواجہ آصف ،احسن اقبال, شیخ روحیل اصغر, رانا مبشر اقبال, عابد شیر علی گورنر ہاؤس پہنچ گئے،

مریم نواز شریف حلف اٹھانے کے لیے گورنر ہاؤس لاہور پہنچ گئیں ۔۔۔ میاں شہباز شریف اور میاں نواز شریف نے وزیراعلی پنجاب مریم نواز شریف کا استقبال کیا ۔۔۔ pic.twitter.com/2TLMF41twj

— Shahid Mughal PML(N)🇵🇰 (@ShahidMughalPM4) February 26, 2024

وزیراعلی پنجاب مریم نواز کی تقریب حلف برداری میں سینئر صحافی بھی شریک ہیں، مجیب الرحمان شامی، افتخار احمد، سلمان غنی، پرویز بشیر ،نجم ولی خان اور دیگر موجود تھے.گورنر ہاوس کے لان میں حلف کی تقریب ہورہی ہے،تقریب میں لیگی اراکین موجود ہیںَ،حلف کی تقریب میں ایک ہزار سے زائد مہمان شریک ہیں ،سفارتی ، سماجی ،ثقافتی سیاسی ، معاشی اور صحافتی شعبوں کے نامور افراد بھی موجود ہیں

قبل ازیں مریم نواز پنجاب کی پہلی خاتون وزیراعلیٰ منتخب ہو گئی ہیں،مریم نواز کو وزارت اعلیٰ کے انتخاب میں 220 ووٹ ملے ہیں،وزارت اعلیٰ کے انتخاب کے بعد مریم نواز کا کہنا تھا کہ میرے دفتر ، دل اور چیمبر کے دروازے اپوزیشن کے لئے بھی کھلے ہیں،ڈیتھ سیل، قید تنہائی، بےقصور عدالتی راہداریوں میں دھکے کھانا، والد کی گرفتاری، ماں کا گزرجانا ، ان سب تکالیف کے باوجود مخالفین کی شکرگزار ہوں،اپنی والدہ اور قوم کی تمام ماؤں کو خراج تحسین پیش کرتی ہوں،جو آج یہ تاریخ بن رہی ہے یہ ہر خاتون کی فتح ہے ہر بیٹی اور ہر ماں کی فتح ہے۔ اور یہ اس بات کا ثبوت ہے کہ عورت ہونا بیٹی ہونا آپ کے خوابوں کی تعبیر کی راہ میں رکاوٹ نہیں بن سکتا۔

امید ہے مریم نواز ملک کے سب سے بڑے صوبے کو بہتر انداز میں چلائیں گی،علیم خان
دوسری جانب مریم نواز کو وزیراعلیٰ پنجاب منتخب ہونے پر سیاسی رہنماؤں نے مبارکباد دی ہے،صدر استحکام پاکستان پارٹی عبدالعلیم خان نے مریم نواز کو وزیراعلیٰ پنجاب منتخب ہونے پر مبارکباد دیتے ہوئے کہا کہ امید ہے مریم نواز ملک کے سب سے بڑے صوبے کو بہتر انداز میں چلائیں گی،استحکام پاکستان پارٹی وفاق اور پنجاب میں حکومت کا غیر مشروط ساتھ دیگی، پنجاب کے عوام کو درپیش مسائل کا حل اولین ترجیح ہونا چاہیے۔

مریم نواز کی قیادت میں پنجاب حکومت صوبہ پنجاب کو ترقی اور خوشحالی کی راہ پر گامزن کرے گی،راجہ پرویز اشرف
اسپیکر قومی اسمبلی راجہ پرویز اشرف نے مریم نواز کو وزیر اعلیٰ پنجاب منتخب ہونے پر مبارکباد دی اور کہا کہ مریم نواز کا بطور وزیر اعلیٰ پنجاب منتخب ہونا ان پر اراکین پنجاب اسمبلی کے بھرپور اعتماد کا مظہر ہے، مریم نواز پاکستان کی پارلیمانی تاریخ میں پہلی خاتون وزیر اعلیٰ منتخب ہوئی ہیں، مریم نواز ایک انتہائی قابل، زیرک اور متحرک سیاسی رہنما ہیں، مریم نواز کی قیادت میں پنجاب حکومت صوبہ پنجاب کو ترقی اور خوشحالی کی راہ پر گامزن کرے گی، مریم نواز کا انتخاب صوبہ پنجاب کی عوام کی فلاح وبہبود اور خوشحالی کے لیے نیک شگون ثابت ہو گا،اسپیکر قومی اسمبلی نے نو منتخب وزیر اعلیٰ پنجاب محترمہ مریم نواز کی کامیابی کے لیے نیک خواہشات کا اظہار کیا۔

سابق وزیراعظم، نواز شریف کی بیٹی مریم نواز پاکستان کے سب سے بڑے صوبے پنجاب کے وزیراعلیٰ منتخب ہو چکی ہیں، شریف خاندان میں یہ عہدہ چوتھی بار آیا ہے،نواز شریف، شہباز شریف، حمزہ شہباز پنجاب کے وزیراعلیٰ رہ چکے ہیں البتہ پنجاب کی تاریخ میں پہلی خاتون وزیراعلیٰ کا اعزاز بھی شریف خاندان کو ہی ملا اور مریم نواز پنجاب میں الیکشن میں اکثریت ملنے پر وزیراعلیٰ منتخب ہو گئیں،تخت پنجاب مریم نواز کے ذمے آ گیا، مریم نواز نے اپنے والد نواز شریف کے ہمراہ جیل بھی کاٹی، مریم نواز کو والدہ کی وفات کی خبر جیل میں ہی ملی تھی جس کا نواز شریف بھی اپنی کئی تقاریر میں ذکر کر چکے ہیں،مریم نواز نے نواز شریف کی لندن موجودگی کے دوران پارٹی کو سنبھالے رکھا اور جارحانہ سیاست کی،مریم نواز کو 2017ء کے لئے دنیا کی 100 بااثر خواتین میں شامل کیا گیا تھا، پانامہ پیپرز کے فیصلے کے بعد مریم نواز نے جارحانہ سیاست اپنائی، مریم نواز سڑکوں پر نکلیں تو کراؤڈ "پُلر” کہلائیں، مریم نواز والد نواز شریف کے ساتھ ڈٹ کھڑی ہوئیں اور سیاسی جانشین کہلائیں، مریم نواز نے والدہ کلثوم نواز کی غیر موجودگی میں ان کا لاہور میں ضمنی الیکشن بھی جیتا، مریم نواز اپنے والد کو واپس لائیں اور 2024ء کا انتخابی محاذ بھی دبنگ انداز میں سنبھالا،مریم نواز نے انتخابی مہم کے دوران کئی شہروں میں جلسوں سے خطاب کیا، مریم نواز کو عام انتخابات 2013ء کے دوران ضلع لاہور کی انتخابی مہم کا منتظم مقرر کیا گیا تھا،مریم نواز نے ن لیگ کو یوتھ میں مقبول بنایا مریم نواز کو 22 نومبر 2013ء کو وزیراعظم یوتھ پروگرام کا انچارج مقرر کیا گیا، 1999ء میں نوازشریف حکومت برطرف ہوئی تو مریم نواز پر بھی مصیبتوں کے پہاڑ ٹوٹ پڑے، چارماہ تک گھر میں نظر بندی کے بعد سعودی عرب جلاوطن کر دیا گیا، نومبر 2011ء میں نواز شریف نے انہیں سیاست کے میدان میں قدم رکھنے کا گرین سگنل دیا،مریم نواز کو 2018 کے الیکشن میں بھی قومی و صوبائی اسمبلی کا ٹکٹ ملا تھا مگر انہیں ایون فیلڈ ریفرنس میں سات برس کی سزا سنائی گئی تھی جس کی وجہ سے وہ الیکشن نہیں لڑ سکیں، مریم نواز سیاسی جدوجہد کے لئے کراچی پہنچیں تو ہوٹل میں کمرے کا دروازہ توڑ کر ان کے خاوند کو گرفتار کیا گیا مگر وہ پھر بھی خوفزدہ نہ ہوئیں، نیب مقدمات میں خود کو پیش کرنے لئے ٹھوکر نیاز بیگ آفس پہنچنے پر ان کے قافلے پر فائرنگ اور پتھراؤ کیا گیا لیکن وہ اپنے بیاینہ سے ایک انچ بھی پیچھے نہ ہٹیں،مریم نواز نیب کی جیل میں بھی رہیں پھر ضمانت پر رہا ہوئیں،مسلم لیگ ن کی قیادت نے مریم نواز کی صلاحیتوں اور لیڈرشپ کے اعتراف میں انہیں پارٹی کا چیف آرگنائزر اور سینئر نائب صدر مقرر کیا، باپ کی جانشین بیٹی نے سیاست کی بساط پر ایسی چالیں چلیں کہ والد کو وطن واپس لائیں اور 2024ء کا انتخابی محاذ بھی دبنگ انداز میں سنبھالا اور مسلم لیگ ن کو پنجاب اور وفاق میں سب سے زیادہ نشستیں لینے والی جماعت بنایا،نواز شریف تو وزیراعظم نہ بن سکے البتہ انکی بیٹی مریم نواز پنجاب کی وزیراعلیٰ بن گئیں،

نو مئی کو تھانہ شادمان کو نذر آتش کیس کا مقدمہ ،عدالت نے سوشل میڈیا ایکٹوسٹ صنم جاوید اور عالیہ حمزہ کے جوڈیشل ریمانڈ میں 14 دنوں کی توسیع کر دی

عدالت نے صنم جاوید اور عالیہ حمزہ کو 11 مارچ کو دوبارہ پیش کرنے کا حکم دیا ،پولیس نے دونوں ملزمان خواتین کو جوڈیشل ریمانڈ کی معیاد ختم ہونے پر پیش کیا ،پولیس نے صنم جاوید اور عالیہ حمزہ کے جوڈیشل ریمانڈ میں توسیع کی استدعا کی،انسداد دھشتگردی عدالت کے جج محمد نوید اقبال نے سماعت کی ،صنم جاوید اور عالیہ حمزہ پر تھانہ شادمان کو نذر اتش کرنے کا الزام ہے ،مقدمہ میں بغاوت سمیت دیگر سنگین دفعات شامل ہو چکی ہیں،تھانہ شادمان میں ملزمان کیخلاف مقدمہ نمبر 768/23 درج ہے

اپوزیشن لیڈر بنیں گی؟ صنم جاوید سے عدالت پیشی کے موقع پر صحافی کا سوال
لاہور انسدادِ دہشت گردی عدالت میں پیشی کے موقع پر صنم جاوید نے غیر رسمی گفتگو کرتے ہوئے کہا ہے کہ اِدھر اُدھر سے 20،30کر کے وزیر اعلیٰ بننے جارہی ہیں ہمیں گرفتار کیا گیا ہم باہر ہوتے تو مقابلہ ہوتا،اپوزیشن لیڈر بننے کے سوال پر مسکراتے ہوئے صنم جاوید کا کہنا تھا کہ میر ایسا کوئی ارادہ نہیں مجھ سے بہت سینیئر لوگ پارٹی میں ہیں، جو اپوزیشن لیڈر کا رول ادا کریں گے

واضح رہے کہ صنم جاوید بھی جیل میں ہیں، صنم جاوید کی ضمانت ہوتی ہے تو کبھی انہیں نظر بندتو کبھی دوبارہ کسی اور مقدمے میں گرفتار کر لیا جاتا ہے، صنم جاوید کی کئی مقدمات میں ضمانت منظور ہو چکی ہے تا ہم عدالت سے رہائی کے بعد صنم جاوید کو دوبارہ نئے مقدمے میں گرفتار کر لیا جاتا ہے,آٹھ نومبر کو پی ٹی آئی کارکن صنم جاوید کو جیل سے رہا ہوتے ہی دوبارہ گرفتار کرلیا گیا تھا،20 اکتوبر کو بھی تحریک انصاف کی رکن صنم جاوید خان اور ان کی ساتھی خواتین کو کوٹ لکھپت جیل سے رہائی ملنے کے بعد ان کے جیل سے باہر نکلتے ساتھ ہی پولیس نے دوبارہ گرفتار کر لیا تھا،25 ستمبر کو بھی جناح ہاؤس حملہ کیس میں رہائی پانے والی پی ٹی آئی کارکن صنم جاوید اور دیگر خواتین کو پھر سے گرفتار کرلیا تھا،

این اے 119،بڑے دعوے لیکن پھر مریم نواز کے مقابلے سے صنم جاوید” فرار”

سیاسی مفادات کے لئے ملک کونقصان نہیں پہنچانا چاہئے

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار 

لاہور میں ایک خاتون کو مشتعل ہجوم سے بچانے والی اے ایس پی شہربانو نقوی کے لیے حکومت نے قائد اعظم پولیس میڈل دینے کا فیصلہ کیاہے-

باغی ٹی وی: سوشل میڈیا پر اتوار کو ایک ویڈیو گردش کرنے لگی جس میں خاتون پولیس افسر اے ایس پی شہربانو نقوی کو بہادری کے ساتھ مشتعل ہجوم سے بات کرتے اور سکیورٹی حصار میں ایک خاتون کو ڈھانپ کر لاہور کے علاقے اچھرا سے بحفاظت لے جاتے ہوئے دیکھا جا سکتا ہے۔

اے ایس پی شہر بانو کے مطابق ایک خاتون اپنے شوہر کے ساتھ اچھرا بازار آئیں، انہوں نے ایک کرتا پہنا ہوا تھا جس کے اوپر کچھ حروف لکھے ہوئے تھے،جب لوگوں نے وہ حروف دیکھے تو مذکورہ خاتون سے کہا کہ وہ کرتا اتار دیں اور اس طرح ایک کیفیوژن پیدا ہو گئی کہ ‘گستاخی‘ ہوئی ہے۔

اے ایس پی شہر بانو نے موقع پر موجود شخص سے پوچھا تو شخص نے بتایا کہ بیٹی سے میری بات ہوئی، ان سے غلطی ہوئی الفاظ ٹھیک تھے لیکن اس کی ڈیزائننگ کچھ ایسی تھی جسے لوگوں نے دیکھ کر کہا کہ یہ خرابی کا باعث بن رہا ہے، اب انہوں نے کہا ہے کہ آئندہ وہ ایسا لباس نہیں پہنیں گی۔‘

خاتون نے کہا کہ انہوں نے کرتا ڈیزائن سمجھ کر لیا، انہیں نہیں معلوم تھا کہ اس پر کچھ اس طرح لکھا ہے جس سے لوگ یہ سمجھیں گے شاید کوئی عربی لکھی ہے،میری ایسی کوئی نیت نہیں تھی لیکن میں پھر بھی معافی مانگتی ہوں۔

خاتون کو مشتعل ہجوم سے بچانے پر ایس پی شہربانو نقوی کے لیے حکومت نے قائد اعظم پولیس میڈل دینے کا فیصلہ کیاہے-

اس حوالے سے پنجاب پولیس نے ایک بیان میں کہا کہ لاہور کے ایک علاقے میں پیدا ہونے والی ناخوشگوار صورت حال کے دوران اپنی جان خطرے میں ڈال کر خاتون شہری کو مشتعل ہجوم سے بحفاظت بچا کر لے جانے والی ایس ڈی پی او گلبرگ لاہور اے ایس پی شہربانو نقوی کو پنجاب پولیس کی طرف سے بے مثال جرات اور بہادری کا مظاہرہ کرنے پر قائد اعظم پولیس میڈل (QPM) سے نوازنے کے لیے حکومت پاکستان کو سفارشات بھجوائی جا رہی ہیں-

پاکستان تحریک انصاف کے بانی رکن اکبر ایس بابر نے 3 مارچ کو ہونے والے پی ٹی آئی کے انٹرا پارٹی الیکشن کو غیر قانونی قرار دیا-

باغی ٹی وی: اکبر ایس بابر نے نجی خبررساں ادارے سےگفتگو کرتے ہوئے کہا کہ الیکشن کمیشن سے انٹرا پارٹی انتخابات دستاویزات حاصل کر کے اسے چیلنج کیا جائے گا، فارم 65 جمع کروائے، اس کو بھی مسترد کروا دیا گیا، جب سارے عمل کو سپریم کورٹ نے کالعدم کیا تو عہدے غیر قانونی ہیں، یہ سارا عمل کالعدم ہے اور اس کی قانونی حیثیت کوئی نہیں ہو گی الیکشن کمیشن کے سامنے معاملے کو رکھیں گے اور تمام گروپ لائحہ عمل طے کریں، سپریم کورٹ کے فیصلے کو موجودہ کالعدم قیادت نے چیلنج کر رکھا ہے۔

واضح رہے کہ پاکستان تحریک انصاف کے 3 مارچ کو ہونے والے انٹراپارٹی انتخابات کے لیے کاغذاتِ نامزدگی جمع کروانے کا وقت ختم ہوگیا۔

لاہور: ملک بھر میں آج شبِ برات عقیدت و احترام کے ساتھ منائی جا رہی ہے۔

باغی ٹی وی: ماہ شعبان کی پندرھویں رات، رحمتوں اور برکتوں والی رات آ گئی، اس رات کو لیلۃ المبارکۃ یعنی برکتوں والی رات، لیلۃ الصک یعنی تقسیم امور کی رات اور لیلۃ الرحمۃ یعنی رحمت نازل ہونے کی رات بھی کہا جاتا ہے۔

شب قدر کی رات مساجد اور گھروں پر نفلی عبادات اور شب بیداری کا خصوصی اہتمام کیا جائے گا اہل ایمان نوافل ادا کریں گے اور گڑگڑا کر اپنے رب سے گناہوں اور خطاؤں کی معافی طلب کریں گے،علماء اس شب کو رزق، صحت، زندگی، موت اور خیر و شر کے فیصلوں کی رات بھی کہتے ہیں، اس لیے اہل ایمان اس رات مغفرت اور بخشش مانگتے ہیں اور اللہ تعالی سے رحمت اور فضل کی التجائیں بھی کرتے ہیں، اس رات ملک بھر کی مساجد میں خصوصی عبادات کا اہتمام کیا جاتا ہے،فرزندان اسلام روزہ بھی رکھتے ہیں-

شب برأت کی مناسبت سے نذر و نیاز کا بھی خصوصی اہتمام کیا جاتا ہے جبکہ بڑی تعداد میں لوگ قبرستانوں کا رُخ کر کے اپنے پیاروں کی قبروں پر پھول چڑھانے کے ساتھ ساتھ ان کی مغفرت کے لیے فاتحہ خوانی کرتے ہیں۔