لاہور: مسلم لیگ ن کے قائد میاں محمد نوازشریف کی اتحادی حکومت بنانے کی دعوت پر ایم کیوایم پاکستان کا وفد لاہور پہنچ گیا۔

باغی ٹی وی: ذرائع کے مطابق ایم کیو ایم وفد میں گورنرسندھ کامران ٹیسوری، خالد مقبول صدیقی ،مصطفیٰ کمال اور فاروق ستار شامل ہیں، ملاقات میں سیاسی حکمت عملی پر بات چیت ہوگی، شہباز شریف متحدہ وفد سے وفاق میں مشترکہ حکومت سازی کیلئے تعاون کی درخواست کریں گے۔

گزشتہ روز سابق وزیراعظم نواز شریف نے دیگر سیاسی جماعتوں اور آزاد امیدواروں کو ملک کیلئے ساتھ بیٹھنے کی دعوت دی،انہوں نے کہا کہ ہم سب پارٹیوں کے مینڈیٹ کا احترام کرتے ہیں، چاہے وہ پارٹی ہے یا آزاد لوگ ہیں، ان کو بھی دعوت دیتے ہیں زخمی پاکستان کو مشکلات سے نکالنے کیلئے آؤ ہمارے ساتھ بیٹھو، ہمارا ایجنڈا صرف اور صرف خوشحال پاکستان ہے۔

نوازشریف اورآصف زرداری کی آج جاتی امرا میں ملاقات کا امکان

اس وقت ملک کو مضبوط حکومت کی ضرورت ہے،حسن روؤف

وفاقی دارالحکومت سمیت ملک کے مختلف شہروں میں زلزلےکے جھٹکے

بھارتی میڈیا نے دعویٰ کیا ہے کہ نواز شریف حکومت سازی کے لیے دو منصوبوں پر کام کر رہے ہیں۔

باغی ٹی وی : انتخابات کے غیر حتمی اور غیر سرکاری نتائج کے مطابق قومی اسمبلی میں آزاد امیدوار 100 نشستیں لے کر سب سے آگےہیں جبکہ مسلم لیگ ن نے73 اور پیپلز پارٹی نے اب تک 54 ، متحدہ قومی موومنٹ پاکستان 17، مسلم لیگ (ق) تین، استحکام پاکستان پارٹی اور جمعیت علمائے اسلام دو دو نشستیں اور مجلس وحدت المسلمین نے ایک نشست حاصل کی ہے۔

نواز شریف نے ایک بار پھر پاکستان میں مخلوط حکومت بنانے کے لیے سرگرمیاں شروع کر دی ہیں اور شہباز شریف کو اتحادیوں سے رابطوں کا ٹاسک سونپا ہے اس حوالے سے بھارتی میڈیا نے دعویٰ کیا ہے کہ نواز شریف حکومت سازی کے لیے دو منصوبوں پر کام کر رہے ہیں۔

بھارتی میڈیا کے مطابق پلان اے تو یہ ہے کہ پیپلز پارٹی اورع دیگر جماعتوں کے ساتھ مل کر مخلوط حکومت تشکیل دی جائے، حکومت سازی کیلئے جادوئی اکثریتی تعداد اکٹھی کرنے کے لیے ن لیگ دیگر جماعتوں سے بھی بات چیت کر رہی ہےپلان بی کے حوالے سے بھارتی میڈیا نے دعویٰ کیا کہ نواز شریف پی ٹی آئی حمایت یافتہ 60 آزاد ارکان اسمبلی سے رابطے میں ہیں نواز شریف اور ان کی صاحبزا د ی مریم نواز ان ارکان اسمبلی کو اپنی پارٹی میں شامل کرنا چاہتے ہیں۔

لاہور: نوازشریف اورآصف زرداری کی آج جاتی امرا میں ملاقات کا امکان تھا تاہم دونوں رہنماؤں کی ملاقات ملتوی ہو گئی-

باغی ٹی وی : نجی خبررساں ادارے نے ذرائع کے حوالے سے بتایا تھا کہ آج جاتی امرا میں ہونے والی ملاقات میں آصف زرداری کے ساتھ بلاول بھٹو زرداری ہوں گے، جب کہ ن لیگ کی جانب سے مریم نواز، شہباز شریف اور اسحاق ڈار موجود ہوں گے، ملاقات میں حکومت سازی کے لیے بات چیت کی جائے گی، دونوں جماعتوں کی جانب سے اپنے اپنے وزیراعظم کا نام دئیے جانے کا بھی امکان ہے، سربراہان فیصلہ کریں گے کہ کس جماعت کا صدر اور کس جماعت کا وزیراعظم ہوگا۔

آصف زرداری اور بلاول اس وقت اسلام آباد میں موجود ہیں جو جلد لاہور روانہ ہوں گے، توقع ہے کہ ملاقات آج ہی ہوگی، ملاقات کے لیے نگراں وزیراعلیٰ پنجاب محسن نقوی بھی سرگرم ہیں،اگر دونوں جماعتیں متفق نہیں ہوئیں تو آزاد امیدوار اپنی حکومت بنالیں گےجس کےخلاف لائحہ عمل طےکرنے کے لیے ہی آج دونوں جماعتیں جمع ہوں گی، اطلاعات ہیں کہ گزشتہ بات چیت کے حوالے سے اسحاق ڈار نواز شریف کو بریفنگ دے چکے ہیں اور یہ باتیں میڈیا پر سامنے نہیں آئی ہیں۔

آصف علی زرداری اور شہباز شریف کے درمیان اندرونی ملاقات کی کہانی …

تاہم اب ذرائع کا کہنا ہے کہ آصف علی زرداری سے آج نواز شریف کی ملاقات کا امکان نہیں ہے،آج آصف علی زرداری اسلام آباد جائیں گے، دونوں رہنماؤں کے درمیان کل ملاقات ہونے کا امکان ہے،کل دونوں رہنماؤں کے درمیان ملکی مجموعی سیاسی صورتحال پر گفتگو ہوگی، دونوں رہنماؤں کے درمیان حکومت سازی کے معاملات پر بھی مشاورت ہو گی۔

قومی اسمبلی کی نشستوں پرکامیاب سات آزاد امیدواروں کا پیپلز پارٹی سے رابطہ

دوسری جانب پاکستان مسلم لیگ ن کے قائدین حکومت سازی کے لئے سرگرم ہیں، اس حوالے سے پارٹی کے مرکزی صدر شہباز شریف کی رہائش گاہ پراہم ملاقاتیں ہونے جا رہی ہیں ایم کیوایم کا وفد شہباز شریف سے ملاقات کیلئے لاہور روانہ ہوگیا ہے،شہباز شریف کی رہائش گاہ پر سردار ایاز صادق، اسحاق ڈار، سینیٹر اعظم نذیر تارڑ، احد چیمہ، طلحہ برکی، مریم اورنگزیب اورعطاء اللہ تارڑ موجود ہیں۔

شہباز شریف کی رہائش گاہ پر اسحاق ڈار آزاد امیدواروں سے کئے گئے رابطوں بارے بریفنگ دیں گے، اعظم نذیر تارڑ آزاد امیدواروں کی پارٹی میں شمولیت کے متعلق قانونی امور پر بریفنگ دیں گے، دوسری جانب لاہور جانے والے ایم کیوایم کے وفد میں خالد مقبول صدیقی، مصطفیٰ کمال، فاروق ستار اور گورنر سندھ کامران ٹیسوری شامل ہیں ایم کیو ایم اور ن لیگ کی ملاقات میں سیاسی حکمت عملی پر غور ہوگا۔

ہم پیچھے نہیں ہٹیں گے، قانونی جنگ لڑیں گے،حافظ نعیم الرحمان

لاہور: سابق صدر آصف علی زرداری اور سابق وزیراعظم شہباز شریف کے درمیان گزشتہ روز ہونے والی ملاقات کی اندرونی کہانی سامنے آگئی۔

باغی ٹی وی : گزشتہ روز لاہور میں مسلم لیگ ن کے صدر شہباز شریف سے پیپلز پارٹی کے رہنما آصف علی زرداری کی ملاقات ہوئی تھی،ذرائع کےمطابق شہباز شریف نےآصف زرداری سےملاقات میں قائد ن لیگ نواز شریف کا پیغام پہنچایا، ملاقات کے دوران دونوں رہنماؤں میں حکومت سازی پر تبادلہ خیال ہوا، جماعتوں کا مل کر ساتھ چلنے اور حکومت سازی کے لیے رابطہ اور ملاقاتیں جاری رکھنے پر اتفاق ہوا۔

ذرائع کے مطابق آصف زرداری نے کہا کہ اب ہمیں حکومت سازی کے لیے معاملات کو طے کرنا چاہیے، جمہوریت میں استحکام کے لیے مل کر فارمولا طے کرنا ہو گا، شہباز شریف سے ملاقات میں آصف زرداری نے کہا کہ ہم اپنی جماعت سےمشاورت کرتے ہیں اور آپ بھی کرلیں، شہبازشریف نے مسلم لیگ ن کے قائد نواز شریف سے مشاورت کے لیے وقت مانگ لیا۔

ہم پیچھے نہیں ہٹیں گے، قانونی جنگ لڑیں گے،حافظ نعیم الرحمان

قومی اسمبلی کی نشستوں پرکامیاب سات آزاد امیدواروں کا پیپلز پارٹی سے رابطہ

انتخابات جیتنے والاپہلا آزاد امیدوار مسلم لیگ ن میں شامل

لاہور: پاکستان پیپلزپارٹی کے چیئرمین بلاول بھٹوزرداری نے کہا ہے کہ وفاق،بلوچستان اورپنجاب میں پیپلزپارٹی کےبغیرحکومت نہیں بن سکتی۔

باغی ٹی وی : بلاول بھٹو زرداری نے کہا کہ ملک میں سیاسی استحکام چاہتے ہیں، پہلے مکمل نتائج سامنے آجائیں اس کے بعد سینٹرل ایگزیکٹیو کمیٹی کا اجلاس بلاکر مل کر اتفاق رائےسےفیصلہ کریں گے،میں اس پوزیشن میں نہیں کہ کسی فیصلے کااعلان کرسکوں،جوہونا تھا وہ ہوچکا، ملک کےمفاد میں ہےکہ سیاسی طورپر اتفاق پیداکرنے کی کوشش کریں۔

بلاول بھٹو نے کہا کہ اکیلے تو حکومت نہیں بناسکوں گا مگر وفاق،بلوچستان اورپنجاب میں پیپلزپارٹی کے بغیرحکومت نہیں بن سکتی، انہوں نے کہا کہ آزاد امیدوار کیا فیصلے کرتے ہیں،اس پر بھی عوام کی نظر ہے سیاسی عدم استحکام کو حل کیے بغیر بننے والی حکومت کو عوامی مسائل حل کرنے میں مشکل ہوگی، ہم نےاسپتال،اسکول پبلک پرائیوٹ پارٹنرشپ کےتحت قائم کیے، میں پبلک پرائیویٹ پارٹنر شپ پریقین رکھتاہوں۔