Category: لاہور

صوبے کے مختلف شہروں میں دھند کا راج جاری ہے، دھند کی وجہ سے دیگر معمولات زندگی متاثر ہونے کے ساتھ ساتھ فلائٹ آپریشن بھی معمول پر نہیں آسکا ہے، آج بھی کئی غیر ملکی پروزیں تاخیر کا شکار رہیں۔ شدید دھند اور طیاروں میں کمی کے باعث علامہ اقبال انٹرنیشنل ائیرپورٹ پر پروازوں کا شیڈول متاثر ہونے سے 9 غیر ملکی پروازیں تاخیر کا شکار ہو گئی۔ ائیرپورٹ ذرائع کے مطابق مسقط سے لاہور آنے والی سیرین ائیر پرواز پی ایف 733 دس گھنٹے،جدہ سے آنے والی ائیربلیو کی پرواز پی اے 871 بارہ گھنٹے ،مسقط سے آنے والی تابان ائیر کی پرواز ایچ ایچ 7202 ایک گھنٹہ 45منٹ،جدہ سے سے لاہور آنے والی پرواز پی اے 471 ڈیڑھ گھنٹہ تاخیر کا شکار رہیں۔
اس کے علاوہ کراچی سے آنے والی پرواز پی اے 402 اڑھائی گھنٹے،دبئی سے آنے والی ائیربلیو کی پرواز پی اے 411 دو گھنٹے،لاہور سے دبئی جانے والی پرواز پی اے 410 دو گھنٹے ،کوئٹہ جانے والی پرواز پی کے 322 تین گھنٹے 20منٹ اور کراچی جانے والی پی آئی اے کی پرواز پی کے 6313 چار گھنٹے کا تاخیر کا شکار ہیں۔

مسلم لیگ ن کے رہنما مصدق ملک نے شاہد خاقان عباسی کی بیان کی تردید کرتے ہوئے کہا کہ نواز شریف کے حوالے سے ایسا بیان دینا ناقابل برداشت ہے کہ وہ وہ کسی اور کے سہارے اقتدار میں آرہے ہے، لاہور میں الحمرا ہال میں میڈیا سے گفتگو کرتے ہوئے مصدق ملک نے کہا کہ شاہد خاقان عباسی ہمارے دوست ہیں، ان کے بیان پر تبصرہ نہیں کرنا چاہتا، وہ جس جماعت پر تنقید کر رہے ہیں وہ ساری زندگی اس جماعت کا حصہ رہے ہیں، شاہد خاقان عباسی کی تنقید ن لیگ پر نہیں ان کے اپنے اوپر ہے۔ انہوں نے کہا کہ اپنی کارکردگی پر نواز شریف نیا وژن قوم کے سامنے لا رہے ہیں، عوام فیصلہ کرے گی کہ تیر نے شیر کا شکار کیا یا نہیں۔
مصدق ملک نے کہا کہ بلے سے متعلق سپریم کورٹ کا جو فیصلہ آیا اس پر بات نہیں کرسکتا کیونکہ فیصلہ پڑھا ہی نہیں ہے، ہر ایک کو اجازت ہونی چاہیے کہ وہ پاکستان میں سیاست کرے مصدق ملک کا کہنا تھا کہ سندھ اور پنجاب کا موازنہ کر لیجئے گا پھر پتا چلے گا کہ تیر کس کا شکار کرے گا، نواز شریف قد آور شخصیت ہیں ان کے آنے سے تہلکہ مچ جاتا ہے۔ان کا مزید کہنا تھا کہ جہاں بھی جمہوریت میں مداخلت ہوتی ہے وہ غلط ہوتا ہے۔ واضح رہےکہ سابق وزیر اعظم شاہد خاقان عباسی نے کہا کہ ن لیگ کا ٹکٹ نہیں لیا اس کا مطلب ہے پارٹی میں نہیں ہوں۔ سابق وزیر اعظم شاہد خاقان عباسی نے مقامی ٹی وی کو خصوصی انٹرویو میں کہا کہ عام انتخابات میں ن لیگ کا ٹکٹ نہیں لیا اس کا مطلب ہے پارٹی میں نہیں ہوں، 35 سال بعد ایک آدمی ٹکٹ نہ لے تو یہ غیر معمولی اور واضح بات ہے اس کے پیچھے کوئی وجہ ہی ہوگی، شمولیت کے وقت بھی تقریب کی ضرورت نہیں تھی اور نہ آج چھوڑتے وقت ضرورت ہے۔شاہد خاقان کا کہنا تھا کہ ن لیگ کا ٹکٹ نہ لینے کے بعد پارٹی کے کچھ دوستوں سے بات کی، حلقے کے لیے پارٹی ورکرز کے نام دیے اور کہا ان کو میں سپورٹ کروں گا لیکن ان ورکرز کو ٹکٹ نہیں ملے اور اب ن لیگی امیدوار کو سپورٹ نہیں کروں گا۔

پاکستان پیپلز پارٹی کے مرکزی الیکشن مانیٹرنگ سیل کے انچارج سینیٹر تاج حیدر نے چیف الیکشن کمشنر کے نام خط لکھ دیا۔ خط میں جیکب آباد میں پولیس کے تعاون سے محمد میاں سومرو امیدوار این اے 190 جیکب آباد کے ضابطہ اخلاق کی کھلم کھلا خلاف ورزی کی طرف توجہ مبذول کرائی گئی ہے۔خط میں پی پی 163، پنجاب سے پی پی پی کے امیدوار محمد فیاض بھٹی کے نشان کی الاٹمنٹ میں بے ضابطگی پر گہری تشویش کا اظہار کیا گیا ہے۔ خط میں کہا گیا ہے کہ محمد فیض بھٹی نے 12 جنوری 2024 کو پی پی پی کا ٹکٹ متعلقہ ریٹرننگ آفیسر کو جمع کروایا۔ انہیں ایک آزاد امیدوار کے طور پر درج کیا گیا اور پی پی پی کے مطلوبہ نشان "تیر” کی بجائے نشان "کیٹل” الاٹ کیا۔
سینیٹر تاج حیدر کا کہنا تھا کہ یہ غیر متوقع تبدیلی انتخابی عمل کی نیک نامی کے بارے میں سنگین خدشات کو جنم دیتی ہے، ہمیں خدشہ ہے کہ یہ پی پی پی کے امیدوار کو کمزور کرنے کی دانستہ کوشش ہو سکتی ہے اور آئندہ انتخابات کی شفافیت پر سمجھوتہ کر سکتی ہے۔پی پی 163 کے لیے محمد فیاض بھٹی کو "تیر” کے نشان کی درست الاٹمنٹ کو یقینی بنا کر اس بے ضابطگی کو دور کیا جائے۔ اس بات کی چھان بین کرنی چاہیے کہ ایسی خرابی کیسے پیش آئی۔

لاہور ہائی کورٹ نے اپیلیٹ ٹربیونل اور ریٹرننگ افسر کا کاغذاتِ نامزدگی مسترد کرنے کا فیصلہ برقرار رکھتے ہوئے پی ٹی آئی رہنما اعجاز چوھدری کو الیکشن سے باہر کر دیا ،اعجاز چوھدری نے قومی اسمبلی کے حلقہ این اے 127 سے کاغذات جمع کرائے تھے تاہم آر او اور اپیلیٹ ٹریبونل نے ان کے کاغذات مسترد کر دیئے تھے۔ جس کے بعد پی ٹی آئی رہنما نے لاہور ہائیکورٹ سے رجوع کیا تھا۔لاہور ہائیکورٹ نے اعجاز چوہدری کی اپیلیٹ ٹربیونل کے فیصلے کے خلاف درخواست خارج کرتے ہوئے اپیلیٹ ٹربیونل اور ریٹرننگ افسر کا کاغذاتِ نامزدگی مسترد کرنے کا فیصلہ برقرار رکھا ہے۔یاد رہے کہ گزشتہ روز لاہور ہائیکورٹ نے کاغذاتِ نامزدگی مسترد کرنے کے خلاف مونس الہٰی کی درخواست بھی مسترد کردی تھی اور آر او اور ایپلٹ ٹربیونل کا کاغذات مسترد کرنے کا فیصلہ برقرار رکھا تھا۔

سینیٹ میں الیکشن کے التوا کی قرارداد ملک کے خلاف سازش ہے۔ تمام سیاسی جماعتوں کو الیکشن میں حصہ لینے کے یکساں مواقع دیے جائیں ۔ ملک کو سیاسی معاشی طور پر مستحکم کرنے کےلئے بروقت شفاف اور پر امن انتخابات ضروری ہیں ۔

ان خیالات کا اظہار سیاسی سماجی رہنما ڈاکٹر سبیل اکرام نے کیا ۔ انھوں نے کہا اس وقت ہمارا ملک تاریخ کے نازک ترین دور سے گزررہا ہے ملک کو سیاسی اور معاشی طور پر مستحکم کرنے کاایک ہی حل ہے کہ شفاف اور پر امن انتخابات یقینی بنائے جائیں ۔تاہم اس کےلئے ضروری ہے کہ تمام سیاسی جماعتوں کو انتخاب میں حصہ لینے کے یکساں مواقع دیے جائیں ۔سینیٹ میں بار بار الیکشن کے التوا کی قراردادیں ملک کے خلاف سازش ہیں ۔انھوں نے کہا یہ وقت ہے کہ تمام ادارے اور سیاستدان مل بیٹھیں ، شفاف اور پر امن انتخابات کے انعقاد کےلئے اپنا کردار ادا کریں ۔ ملک پہلے ہی بہت سے بحرانوں کا شکار ہے اور اب ہمارا ملک کسی نئے سیاسی بحران اور محاذ آرائی کا متحمل نہیں ہوسکتا ہے ۔ ہمارا ملک اس وقت جتنے بھی مسائل سے دوچار ہے اس کی بنیادی وجہ سیاست میں عدم برداشت کا رویہ ہے اقتدار میں آنے والی ہر جماعت اور سیاستدان اپنے اختیارات سے تجاوز کرتے ہیں آئین کے نام پر غیر آئینی اقدامات کئے جاتے ہیں جس کا خمیازہ ہمارا ملک بھگت رہا ہے ۔

سبیل اکرام کا کہنا تھا کہ اب ضروری ہے کہ سیاستدان ملک کی خاطر باہم مل بیٹھیں ، برداشت اور تحمل سے کام لیں ۔ سیاسی عدم استحکام کی وجہ سے پاکستان قرضوں کے بوجھ تلے دب چکا ہے ، عالمی مالیاتی اداروں کا دباﺅ حد سے زیادہ خطرناک ہوچکا ہے ۔دہشت گرد ی بھی بڑھ رہی ہے ۔ ملک کو غیر یقینی حالات سے نکالنے اور استحکام کی راہ پر ڈالنے کا واحد حل یہ ہے کہ آئینی تقاضوں کااحترام کرتے ہوئے ایسے پر امن انتخابات کروائے جائیں جن کی شفافیت پر کوئی انگلی نہ اٹھا سکے ۔

نگران حکومت سے عوام کی توقعات ، تحریر:ڈاکٹر سبیل اکرام

سیاستدان سیاست پر ملک کے مفاد کو ترجیح دیں، ڈاکٹر سبیل اکرام

پاکستان کا زرعی ومعاشی مستقبل نئے ڈیموں کی تعمیر سے وابستہ ہے ،ڈاکٹر سبیل اکرام

حکومت بھارت کی آبی جارحیت کا فوری سدباب کرے،ڈاکٹر سبیل اکرام

مراعات میں شاہانہ اضافے کے بل کی منظوری افسوسناک ہے،سبیل اکرام

استقامت کو تیری سلام عافیہ ،تحریر:ڈاکٹر سبیل اکرام

سیاستدان ملک کو اپنے پاﺅں پر کھڑا کرنے کی کوشش کریں ۔ ڈاکٹر سبیل اکرام

قرآن مجید کا پڑھنا عبادت اوراس پر عمل کرنا باعث نجات ہے،ڈاکٹر سبیل اکرام

تحریک انصاف مشکل میں پھنس گئی، تحریک انصاف نے کارکنان کو تحریک انصاف نظریاتی کے ٹکٹ جمع کروانے کی ہدایت کی تو تحریک انصاف نظریاتی کے چیئرمین اختر اقبال ڈار میدان میں آ گئے، بولے پی ٹی آئی کی موجودہ ٹیم سب سے کرپٹ، میں ان سےبات نہیں کر سکتا

نجی ٹی وی جیو نیوز سے گفتگو کرتے ہوئے اختر اقبال ڈار کا کہنا تھا کہ عمران خان کے حوالے سے کچھ نہیں کہنا چاہتا لیکن یہ سب کرپٹ ہیں، جب اختر اقبال ڈار سے سوال کیا گیا کہ کیا ان سے اتحاد یا ٹکٹ جاری کریں گے؟ کے جواب میں اختر اقبال ڈار کا کہنا تھا کہ ان سےبات نہیں ہوسکتی، بیرسٹر گوہر جیسے کرپٹ اور دو نمبر لوگ پارٹی پر قابض ہیں

تحریک انصاف کی جانب سے تمام امیدواران کے لیے اہم ہدایات جاری کی گئی ہیں جس میں کہا گیا ہے کہ اپنے “تحریک انصاف نظریاتی” کے ٹکٹ ریٹرننگ افسران کے دفتر میں جمع کروائیں اور اس کی ریسیونگ لیں ،اگر کوئی آپ کا ٹکٹ جمع نہیں کرتا یا جمع کروانے میں پولیس یا آر او رکاوٹ ڈالتے ہیں تو فوری طور پر ڈسٹرکٹ، صوبائی اور سنٹرل الیکشن کمیشن کو شکایت ای میل کریں

واضح رہے کہ تحریک انصاف نے گزشتہ روز امیدواروں‌کو ٹکٹ جاری کیے تھے، تحریک انصاف نے امیدواروں کو دو ٹکٹ جاری کیے تھے، الیکشن کمیشن نے پی ٹی آئی سے بلے کا نشان لے لیا تھا ، سپریم کورٹ میں سماعت جاری ہے،تاہم پی ٹی آئی نے امیدواروں کو ہدایت کی ہے کہ وہ بلے باز کے ٹکٹ پر الیکشن لڑیں گے،

ٹکٹوں کی تقسیم پر شدید اختلافات دیکھنے میں آیا ہے،کئی امیدواروں نے آزاد الیکشن لڑنے کا اعلان کر دیا ہے، عمران خان کے سخت ناقد صحافی امتیاز عالم کو بھی پی ٹی آئی نے ٹکٹ جاری کر دیا جس پر سوشل میڈیا ٔپر پی ٹی آئی کارکنان سراپا احتجاج ہیں،جہلم میں مسلم لیگ ن کے ٹکٹ کے امیدوار کو پی ٹی آئی نے ٹکٹ دے دیا.

سماعت سے محروم بچوں کے والدین گھبرائیں مت،آپ کا بچہ یقینا سنے گا

عام انتخابات، پاکستان میں موروثی سیاست کا خاتمہ نہ ہو سکا،

سمیرا ملک نے آزاد حیثیت میں انتخابات میں حصہ لینے کا اعلان کیا

عام انتخابات، آصفہ انتخابی مہم چلانے کے لئے میدان میں آ گئیں

صارفین کا کہنا ہے کہ "تنظیم سازی” کرنے والوں‌کو ٹکٹ سےمحروم کر دیا گیا

مسلم لیگ ن نے عمران خان کی اہلیہ بشریٰ بی بی کے سابق دیور احمد رضا مانیکا کو بھی ٹکٹ جاری کر دیا