لاہور: پاکستان مسلم لیگ (ن) نے 15 جنوری سے انتخابی مہم شروع کرنے کا اعلان کر دیا۔
باغی ٹی وی: مسلم لیگ ن پنجاب کے صدر رانا ثنا اللہ نے سماجی رابطوں کی ویب سائٹ ایکس پر بتایا کہ نوازشریف کی قیادت میں انتخابی مہم کا آغاز 15جنوری سےکررہے ہیں مسلم لیگ (ن) میں ٹکٹوں کی تقسیم پر کوئی اختلاف نہیں صرف چند حلقوں میں مشاورت کا سلسلہ جاری ہے، آئندہ ایک یا 2 دن تک امیدواروں کی حتمی فہرست جاری کردی جائے گی، الیکشن کے التواء کے حق میں نہیں ہیں، ہمارا شروع دن سے مؤقف ہے کہ شفاف الیکشن کا انعقاد بروقت ہونا چاہیئے۔
https://x.com/RanaSanaullahPK/status/1745017305254535668?s=20
اس سے قبل نجی ٹی وی سے گفتگو کرتے ہوئے صدر مسلم لیگ ن پنجاب رانا ثناء اللہ کا کہنا تھا کہ مریم نواز اور شہبازشریف 15جنوری سے انتخابی مہم شروع کریں گے، نوازشریف 17 جنوری سے جلسوں کا آغاز کریں گے، نوازشریف 15ڈویژنز میں مختلف جگہوں پر عوام سے خطاب کریں گے، مریم نواز اور شہبازشریف کا بھی پروگرام ترتیب پاگیا ہے، حمزہ شہبازلاہور کو دیکھیں گے، انتخابی مہم کی قیادت نوازشریف ہی کریں گے، ہماری لیڈر شپ ڈسٹرکٹ وائس جلسوں سے خطاب کرے گی، اب ہم باقاعدہ عوام میں نظر آئیں گے۔
چیئرمین پی پی پی بلاول بھٹو زرداری کی گلبرگ میں سابق صدر لاہور چیمبر آف کامرس شہزاد علی ملک اور رہنما یونائیٹڈ بزنس گروپ مومن علی ملک کی رہائش گاہ آمدہوئی
بلاول بھٹو زرداری نے پنجاب بھر کے تاجر رہنماؤں، صنعت کاروں اور کاروباری طبقے کے نمائندوں سے ملاقات کی،بلاول اور پنجاب کے صنعت کاروں اور تاجر رہنماؤں کے درمیان ملکی معیشت کی بہتری کے حوالے سے تبادلہ خیال کیا گیا، بلاول بھٹو زرداری نے پنجاب کے صنعت کاروں اور تاجر رہنماؤں کے سامنے اپنا معاشی پلان رکھ دیا، بلاول بھٹو زرداری نے پنجاب کے صنعت کاروں اور تاجر رہنماؤں کو پبلک پرائیوٹ پارٹنر شپ کے ماڈل کی افادیت اور مستقبل کے منصوبوں سے آگاہ کیا، بلاول بھٹو زرداری کو پنجاب کے صنعت کاروں اور تاجر رہنماؤں کی جانب سے معیشت کی بہتری کے لئے تجاویز دی گئیں
بلاول بھٹو زرداری سے یونائیٹڈ بزنس گروپ کے پیٹرن انچیف ایس ایم تنویر اور صدر وفاقی ایوان صنعت و تجارت عاطف اکرام شیخ کی ملاقات ہوئی، بلاول بھٹو زرداری سے ایوان صنعت و تجارت کے نائب صدور امان پراچہ، ذکی اعجاز، عبدالمہیمن خان اور سابق صدر وفاقی ایوان صنعت و تجارت میاں ادریس کی ملاقات ہوئی، بلاول بھٹو زرداری سے دین ٹیکسٹائل کے ڈائریکٹر شیخ نبیل اور ایس ایم عمران، لاہور چیمبر آف کامرس کے صدر کاشف انور کی بھی ملاقات ہوئی، بلاول بھٹو زرداری سے لاہور چیمبر آف کامرس ایگزیکٹو کمیٹی کے اراکین فریحہ یونس، ہارون اروڑا اور ڈاکٹر شاہد رضا کی ملاقات ہوئی،بلاول بھٹو زرداری سے روشن پیکجز کے سی ای او طیب اعجاز اور رائس ایکسپورٹر ایسوسی ایشن آف پاکستان کے پیٹرن انچیف پیر نظام حسین کی ملاقات ہوئی،بلاول سے عامر عطاء باجوہ، منظور الحق ملک، رؤف مختار، احمد چنائے، دارو خان، ظفر بختاوری ودیگر کی بھی ملاقات ہوئی،بلاول سے سہیل ملک، کریم عزیز ملک، محمد زمان، جواد حسین کاظمی، خاور رشید، نصیر احمد خان، میاں طارق مصباح، عدنان صادق لون، میاں مصباح الرحمان، فاروق افتخار، شہزاد علی ملک ، شیخ محمد آصف، خالد مصباح، عزیزالرحمان چن، رحمان عزیز چن، شیخ محمد ابراہیم، ذیشان خلیل، شہزاد اعظم خان، اکبر خان ودیگر کی بھی ملاقات ہوئی.
قومی اسمبلی کے حلقہ این اے 117کے صوبائی حلقے پی پی 145سے امیدوار پنجاب اسمبلی میاں جنید ذوا لفقار نے استحکام پاکستان پارٹی کے صدر عبدالعلیم خان سے ملاقات کی اور آئی پی پی میں شمولیت کا اعلان کرتے ہوئے عبدالعلیم خان کی انتخابی مہم میں اپنافعال کرداراداکرنے کا اعلان کیا۔
اس اہم بریک تھرو پر میاں جنید ذوالفقار کا کہنا تھا کہ کسی بھی حلقہ میں عبدالعلیم خان جیسی انسان دوست شخصیت کا انتخانات میں حصہ لینا وہاں کے شہریوں کی خوش نصیبی ہوگی کیونکہ وہ سیاست سے زیادہ غریب اور پسے ہوئے طبقات کی خدمت کو فوقیت دیتے ہیں۔ میاں جنید ذوالفقار نے سابق صوبائی وزیر میاں خالد محمود کی موجودگی میں اپنے تمام ساتھیوں سمیت استحکام پاکستان پارٹی میں شامل ہونے کا اعلان کیا۔اس موقع پر گفتگو کرتے ہوئے صدر استحکام پاکستان پارٹی عبدالعلیم خان کا کہنا تھاکہ ہمارا منشور بلا امتیاز عوامی خدمت اور شہریوں کے دیرینہ مسائل حل کرنا ہے۔انہوں نے کہا کہ صرف پوش آبادیاں نہیں پسماندہ علاقے بھی جدیدشہری سہولیات کے برابر کے حقدار ہیں،ہر شہری کا ریاست اور حکومت پر جس طرح حق ہے اُسے اُس کے مطابق معیار زندگی بہتر کرنے کے مواقع ملنے چاہئیں۔
عبدالعلیم خان نے کہا کہ کہ ان شاء اللہ استحکام پاکستان پارٹی اقتدار میں آ کر ہر شہری کو تعلیم،صحت اور روزگار کی سہولتیں دے گی،ہمارے نوجوانوں میں صلاحیت اورقابلیت کی کوئی کمی نہیں صرف انہیں مناسب مواقع میسر آئیں تو یہ مٹی بہت زرخیز ثابت ہو سکتی ہے۔
عبدالعلیم خان نے میاں جنید ذو الفقار اور اُن کے ساتھیوں کو پارٹی میں شامل ہونے پر مبارکباد پیش کی اور انہیں اپنے ہر ممکن تعاون کا یقین دلایا۔شاہدرہ کی معروف سیاسی شخصیات میاں ابصار اجمل، محمد ذیشان،میاں ثاقب اجمل،محمد طاہر، ملک عمیر اور میاں عاقب اجمل بھی اس موقع پر موجود تھے جنہوں نے عبدالعلیم خان کی انتخابی ٹیم میں دن رات کام کرنے اور اُن کی کامیابی کیلئے کاوشوں کا یقین دلایا۔
یوٹیوب نے آج ٹاپ ٹرینڈنگ ویڈیوز، میوزک ویڈیوز، شارٹس، کریئیٹرز، اور ابھرتے ہوئے کریئیٹرز کی رینکنگ لسٹ جاری کردی ہے۔ یہ لسٹ سال 2023 میں آن لائن اور آف لائن رونما ہونے والے نہایت خاص لمحات کی عکاسی کرتی ہے۔
یوزرز اور کریئیٹرز کے لیے یوٹیوب شارٹس کی آمد ایک تازہ ہوا کا جھونکا ثابت ہوئی جس سے اُن کی ایکٹو کانٹینٹ کی خواہش سامنے آتی ہے۔ یوٹیوب صارفین معلومات اور تفریحی کانٹینٹ کے متلاشی رہتے ہیں جس کی رفتار تیز ہونے کے ساتھ اُس میں درست تفصیلات بھی شامل ہوں۔ اس تناسب میں یوزرز کے لیے ایک ایسا فارمیٹ مثالی رہا جو صرف چند سیکنڈز میں اُن کی خواہش کو پورا کرسکے۔ یوٹیوب نے اپنے اعلان میں یہ بتایا کہ یوٹیوب شارٹس کو روزانہ اوسطاَ 70 بلین سے زیادہ بار دیکھا جاتا ہے۔ پچھلے سال شارٹس پر روزانہ کی بنیاد پر اپلوڈ ہونے والے چینلز کی تعداد میں 80 فیصد سے زیادہ کا اضافہ دیکھا گیا اور یوٹیوب شارٹس کو اب 2 بلین سے زائد لاگڈ-اِن یوزرز ہر ماہ دیکھ رہے ہیں۔
طویل دورانیے کے کانٹینٹ نے بھی پاکستانی صارفین میں اپنا مقام حاصل کیا ہے جو اس بات کی نشاندہی کرتا ہے کہ صارفین کے استعمال کے طرز عمل میں بدلتے رجحانات کے باوجود دونوں فارمیٹس پاکستان میں ویڈیو فارم کانٹینٹ کی بالادستی قائم رکھے ہوئے ہیں۔ اس کی مثال ٹاپ ٹرینڈنگ ویڈیوز ہیں جو ہر سال الگ موضوعات کا احاطہ کرتی ہیں، ان کا کانٹینٹ جاذب نظر اور متاثرکن یعنی مختصرَ بااثر ثابت ہوتا ہے۔ مزید برآں، ٹاپ ٹرینڈنگ ویڈیوز کی فہرست ویوز کے علاوہ متعداد دیگر عوامل پر مبنی ہوتی ہے، جو ظاہر کرتی ہے کہ ایک ویڈیو کتنی ٹرینڈنگ ہے۔ یوٹیوب کلچر اور ٹرینڈز کی ٹیم اینگیجمنٹ کو بھی بدرجہ خاص رکھتی ہے اور ویڈیو پر شیئرز اور لائکس جیسے سگنلز کو بھی جانجتی ہے۔
پاکستان، بنگلہ دیش اور سری لنکا کے لیے گوگل کے ریجنل ڈائریکٹر، فرحان قریشی نے کہا کہ ” اس سال کی ٹاپ ٹرینڈنگ لسٹیں پاکستان میں ثقافتی ارتقاء کی عکاسی کرتی ہیں، بالخصوص شارٹس ویورشپ میں نمایاں اضافے اور میوزک، ڈراموں اور وی لاگز جیسے مخصوص کانٹینٹ کی اقسام پرستاروں کی بڑھتی ہوئی تعداد کی نشاندہی کرتی ہیں۔ اس کے ساتھ، کانٹینٹ کریئٹرز نئے صنفوں اور سامعین کو دریافت کرنے کے لیے ملٹی فارمیٹ کے طریقہ کار کا استعمال کر رہے ہیں۔ ہم توقع کرتے ہیں کی ملٹی فارمیٹ کانٹینٹ کی توسیع جاری رہے گی جس کے نتیجے میں کانٹینٹ کی پہلے سے کہیں زیادہ مختلف اور دلچسپ رینج سامنے آئیں گی”۔
میوزک بھی یوٹیوب پر مقبول کانٹینٹ کی ایک قسم ہے۔2023 میں یوٹیوب میوزک اور یوٹیوب پریمیم کو پاکستان میں لانچ کیا گیا، جو کہ ایڈ-فری کانٹینٹ، آف لائن اور بیک گراؤنڈ پلے کے ساتھ دیکھنے کے تجربے کو بہتر بنانے کے لیے ایک پیڈ ممبر شپ ہے جو میوزک کا ایک شاندار تجربہ فراہم کرتی ہے۔
اس سال یوٹیوب نے پانچ فہرستیں جاری کی ہیں:
پنجاب میں 10 روز میں نمونیہ سے 36 بچے جاں بحق ہو گئے ہیں،
وزیر اعلیٰ پنجاب سید محسن نقوی نے چلڈرن ہسپتال میں ہنگامی اجلاس کی صدارت کی وزیراعلیٰ پنجاب نے نمونیہ سے36 بچوں کی ہلاکت کا سخت نوٹس لیتےہوئے پنجاب بھر میں رواں ماہ بچوں کے امتحانات ملتوی کر دیئے، پہلی کلاس کے سکول کو ایک ہفتے کے لیے بندکرنے کا فیصلہ کر لیا گیا،وزیر اعلی محسن نقوی نے پنجاب میں بچوں میں نموینہ کے کیسوں میں اضافے پر تشویش کا اظہار کیا
پنجاب میں یکم جنوری سے 36 بچے نموینہ سے جاں بحق ہوئے ہیں،چلڈرن ہسپتال میں 10 میں سے 8 بچے نموینہ کے مریض ہیں،اجلاس میں نموینہ سے بچاو اور احتیاطی تدابیر کے بارے طویل مشاورت ہوئی، اجلاس میں فیصلہ کیا گیا پنجاب بھر کے سکولوں میں 31 جنوری تک صبح کی اسمبلی پر پابندی ہو گی، کلاس ون سے نیچے نرسری و پلے گروپ کی کلاسز کے لئے 7 روز کی تعطیلات کا اعلان کیا گیا، نگران وزیراعلیٰ محسن نقوی کاکہنا تھا کہ بچے ماسک کا استعمال کریں ,گرم کپڑوں کا استعمال کیا جائے ۔ ماہرین صحت کا کہنا ہے کہ سردی میں اضافہ کے ساتھ وائرل نموینہ خصوصا بچوں میں مرض بڑھ رہا ہے ۔صوبائی وزیر تعلیم منصور قادر۔ سیکرٹری صحت۔ سپیشل سیکرٹری صحت اور ماہرین صحت و سینئر ڈاکٹرز نے تجاویز دیں.
دوسری جانب بجلی اور گیس کی گھنٹوں کی لوڈ شیڈنگ ہو رہی ہے، شہریوں نے گیس اور الیکٹرک ہیٹر کا استعمال بڑھا دیا تا ہم لوڈشیڈنگ کی وجہ سے ہیٹر استعمال کرنے سے بھی قاصر ہیں،والدین کا کہنا ہے کہ ہماری پنجاب حکومت سے درخواست ہے کم از کم پانچویں کلاس تک کے بچوں کی چھٹیوں میں اضافہ کیا جائے.
لاہور شہر میں شدید سردی ہے، دھند نے ڈیرے ڈال رکھے ہیں، یخ بستہ ہوائیں چلنے سے سردی مزید شدت اختیار کرنے لگی ہے، محکمہ موسمیات کے مطابق درجہ حرارت 6 ڈگری سینٹی گریڈ ریکارڈ کیا گیا ہے کم سے کم درجہ حرارت 6 اور زیادہ سے زیادہ 14ڈگری سینٹی گریڈ ریکارڈ کیا جائے گا،محکمہ موسمیات کے مطابق آئندہ 24 گھنٹوں کے دوران شہر کا موسم خشک رہے گا جبکہ بارش کا کوئی امکان نہیں ہے،
دوسری جانب لاہور سمیت پنجاب بھر کے تعلیمی ادارے آج سے کھل گئے ہیں،سردی کی وجہ سے سکول کے اوقات کار تبدیل کیے گئے ہیں،22جنوری تک تمام سکول صبح9:30پرکھلیں گے، طلباء کا کہنا ہے کہ سردی کے باعث حکومت کو چھٹیاں مزید ایک ہفتہ بڑھا دینی چاہیں تھیں شدید سردی میں ان کیلئے بائی سائیکل یا موٹربائیک پر آنا انتہائی مشکل ہے،والدین نے بھی مطالبہ کیا ہے کہ چھٹیاں بڑھائی جائیں
پاکستان مسلم لیگ کے سربراہ وسابق وزیراعظم چودھری شجاعت سے برطانوی ہائی کمشنر کی ملاقات، سیاسی صورتحال پر تبادلہ خیال کیا گیا۔ چودھری شجاعت حسین سے پاکستان میں برطانوی ہائی کمشنر جین میریٹ نے ان کی رہائش گاہ پر ملاقات کی، اس موقع پر مسلم لیگ ق کے سینئر نائب صدر چودھری سالک حسین ،منتہا اشرف بھی موجودتھے۔ برطانوی ہائی کمیشن نے ہائی کمشنر جین میریٹ کی پاکستانی سیاسی رہنماؤں سے ملاقاتوں بارے اعلامیہ جاری کر دیا۔اعلامیہ کے مطابق برطانوی ہائی کمشنر نے اسلام آباد میں پی ٹی آئی رہنما بیرسٹر گوہر علی خان سے ملاقات کی، ہائی کمشنر نے کراچی میں پی پی پی، جی ڈی اے اور ایم کیو ایم پاکستان کے لیڈروں سے بھی ملاقات کی۔جین میریٹ لاہور میں مسلم لیگ ن کے قائد محمد نواز شریف سے بھی ملیں، ہائی کمشنر نے پاکستان مسلم لیگ کی قیادت سے بھی ملاقات کی۔برطانوی ہائی کمشنر آئندہ ایام میں آئی پی پی سمیت دیگر سیاسی جماعتوں کے رہنماؤں سے بھی ملیں گی۔اعلامیہ کے مطابق برطانوی ہائی کمشنر نے ملاقاتوں کے دوران دونوں ممالک کے باہمی تعلقات پر بات کی، ملاقاتوں میں معاشی تعلقات اور بروقت پُرامن انتخابات کے انعقاد کی اہمیت پر بھی گفتگو کی گئی۔
ملاقات کے دوران دونوں ممالک کے درمیان باہمی تعلقات کو مزید بہتر بنانے پر تبادلہ خیال کیا گیا ،دونوں ممالک کے درمیان ان تعلقات کو مزید وسعت دینے کی ضرورت ہے ۔
جعل سازی کے مقدمے میں مونس الہٰی کے ورانٹ گرفتاری جاری کیے گئے.جوڈیشل مجسٹریٹ عمران عابد نے اینٹی کرپشن کی درخواست پر مونس الہٰی کے ورانٹ گرفتاری جاری کیے۔ لاہور کی ایک عدالت نے پاکستان تحریک انصاف کے رہنما اور سابق وزیراعلی چوہدری پرویز الہٰی کے صاحبزادے مونس الہٰی کے ورانٹ گرفتاری جاری کردیے۔ اینٹی کرپشن کی طرف سے دی گئی درخواست میں مؤقف اختیار کیا گیا تھا کہ ملزم مونس الہٰی شامل تفتیش نہیں ہوا، خود کو روپوش کر رکھا ہے۔ واضح رہے کہ مونس الہٰی اس وقت ملک میں موجود نہیں ہیں اور گزشتہ سال ان کو وطن واپس لانے کے لیے قانونی عمل کا آغاز بھی کر دیا گیا تھا۔وفاقی حکومت کے ذرائع کے مطابق گزشتہ سال مونس الہٰی کو واپس لانے کے لیے نگراں وفاقی حکومت کا انٹرپول سے رابطہ ہوا تھا اور اس حوالے سے ایف آئی اے نے انٹرپول حکام سے رابطے کیے تھے۔ذرائع وفاقی حکومت کے مطابق مونس الہٰی کے خلاف تمام مقدمات کی تفصیل انٹرپول حکام سے شیئر کی گئی تھیں اور گرفتاری کیلئے ریڈ نوٹس جاری کرانے کا عمل شروع ہوگیا تھا۔
مرکزی مسلم لیگ کے سیکرٹریٹ میں مسلم لیگ ضیا کے سربراہ اعجاز الحق کی آمد ہوئی،اعجاز الحق نے صدر مرکزی مسلم لیگ کو قومی یکجہتی اتحاد میں شمولیت کی دعوت دی،خالد مسعود سندھو کی طرف سے دعوت قبول کرلی گئی۔
اس موقع پر پریس کانفرنس کرتے ہوئے صدر مسلم لیگ ضیاء اعجاز الحق نے کہا کہ میں مرکزی مسلم لیگ کے ساتھ گزشتہ 6 ماہ سے رابطے میں تھا۔ہم نے قومی یکجہتی اتحاد ترتیب دیا ہے۔اس اتحاد میں پاکستان مرکزی مسلم لیگ شامل ہوئی ہے۔ہم ایک چھتری کے نیچے اکٹھے ہوکر پاکستان کے مفادات کے لیے الیکشن لڑیں گے۔ہم پاکستان کی خارجہ پالیسی اور داخلہ پالیسی میں نظریہ پاکستان کو ملحوظ خاطر رکھیں گے۔اس وقت ملک میں جو صورتحال ہے ایک دوسرے کی ٹانگیں کھنچی جارہی ہیں۔سیاستدان ایک دوسرے کو دیکھنا پسند نہیں کرتے ۔ہم نے قوم کو نظریہ پاکستان پر کھڑا کرنا ہے۔قومی یکجہتی اتحاد غربت اور مہنگائی کی ستائی ہوئی 25 کروڑ عوام کی خدمت کرنا چاہتا ہے۔ہم پاکستان کو جس نظریئے پر بنا تھا اس پر لانا چاہتے ہیں، ہم سود پر بات کرتے ہوئے ڈرتے ہیں، عوام کے مفاد کی بات کرتے ہوئے ڈرتے ہیں، اس وقت ملک میں بہت اختلاف ہیں، کوئی ایک دوسرے کی شکل دیکھنے کو تیار نہیں، سولہ ماہ کچھ جماعتیں اکٹھی تھیں،انکی منزل اقتدار اور مفادات کی تھی، لوگ تماشا دیکھ چکے اب عوام کے مفاد کےلیے کام کرنا ہو گا اپنے سے بالاتر ہو کر پاکستان کے لئے ہم کام کرنا چاہتے ہیں، جس نظریئے پر ملک بنا تھا اس ڈگر پرملک کو لائیں گے.
اعجاز الحق کا مزید کہنا تھا کہ بہت سے امیدوار ایسے ہیں جو آزاد نہیں لڑنا چاہتے، بہت سے امیدوار ہمارے ساتھ شامل ہوں گے، ہم نظریہ پاکستان کے مطابق ایک اتحاد بنا چکے ، مفادات کی سیاست ختم کرنی ہو گی ،پاکستان کے عوام کے مفادات کی سیاست کرنی ہو گی، بے روزگاری،مہنگائی، لاقانونیت کے خلاف جنگ کرنی ہو گی،لوگ پریشان ہیں، ماضی میں حکومتیں آئیں اور چلی گئیں، عوام کو کچھ نہیں دیا لیکن اپنے وارے نیارے ہو گئے،قومی یکجہتی اتحاد کے نام پر ہمارا الائنس بنا ہے،مرکزی مسلم لیگ ہمارے ساتھ شامل ہوئی، جے یو آئی س والوں سے بھی بات ہوئی، اگلے ایک دو دن میں وہ بھی اس اتحاد میں شامل ہو رہے ہیں، الیکشن آٹھ فروری کو ہیں، وقت زیادہ نہیں ہے ہم نے کوشش کی کہ ایک نشان پر سب دوست الیکشن لڑیں لیکن اس کے لئے تاخیر ہو چکی ہے،ہم مشورہ کریں گے کہ کیسے الیکشن میں جائیں تا کہ قومی یکجہتی اتحاد کے امیدوار کیسے کامیاب ہوں.
بہت ساری پارٹیاں اس اتحاد کا حصہ بننے جارہی ہیں،خالد مسعود سندھو
اس موقع پر مرکزی مسلم لیگ کے صدر خالد مسعود سندھو نے کہا ہے کہ ہمارے مزاکرات کافی دیر سے چل رہے تھے۔ سیاسی انتشار کا خاتمہ قومی اتحاد سے ہی ممکن ہے مرکزی مسلم لیگ قومی یکجہتی اتحاد میں شمولیت کا اعلان کرتی ہے۔ مرکزی مسلم لیگ آج سے اس قومی یکجہتی اتحاد کا حصہ ہیں، اس اتحاد کا مقصد ملک کی نظریاتی سرحدوں کے ساتھ ساتھ سیاسی و معاشی استحکام کو مضبوط کرنا ہے۔ مرکزی مسلم لیگ نے ہمیشہ اتحاد کی سیاست کی ہے اور ملک میں جاری انتشار کے خاتمے کے لیے گزشتہ ایک سال تمام مذہبی و سیاسی جماعتوں کو متحد کرنے کے لیے کوشاں ہے۔بہت ساری پارٹیاں اس اتحاد کا حصہ بننے جارہی ہیں 8 فروری کا دن قومی یکجہتی اتحاد کی جیت دن ہوگا
لاہور: پنجاب بھرکےتعلیمی بورڈزنےنہم ودہم سالانہ امتحانات کی ڈیٹ شیٹ جاری کردی ہے،یکم مارچ سےمیٹرک کےامتحانات شروع ہو ں گے،
پہلاپرچہ سوکس اور تاریخ پاکستان کا ہوگا، 2مارچ کوپنچابی ،4کوانگریزی اور5کوعربی کاپیپرلیاجائےگا،6مارچ کوکیمسٹری ،جنرل سائنس اور7مارچ کوایلمنٹس آف ہوم اکنامکس کاپیپرہوگا،8مارچ کو فزکس ،اسلامیات اور 9 مارچ کو اسلامیات لازمی کا پیپر ہوگا،18مارچ کو میٹرک کا آخری پیپر اردو لازمی کا لیا جائے گا۔
اسی طرح نہم کےپیپرز19مارچ سے شروع ہو ں گے،پہلا پیپر اکنامکس اور تاریخ پاکستان کا ہوگا،20مارچ کو انگریزی اور21 مارچ کو عربی کا پیپر ہوگا،نہم جماعت کاآخری پیپر4اپریل کومطالعہ پاکستان کالیاجائے گا۔
