پاکستان تحریکِ انصاف (پی ٹی آئی) کی منحرف رہنما فردوس عاشق اعوان نے کہا ہے کہ بشریٰ بی بی کی سیاست میں مداخلت عمران خان کو بند گلی میں لے گئی۔

باغی ٹی وی: ایک نجی چینل سے بات کرتے ہوئے فردوس عاشق اعوان نے انکشاف کیا ہے کہ عمران خان کا یہ کہنا غلط ہے کہ پردہ دار بشریٰ بی بی کا سیاست سے کوئی لینا دینا نہیں بشریٰ بی بی حکومتی معاملات میں مداخلت کرتی تھیں، میڈیا مینجمنٹ کرتی تھیں، پنجاب کے معاملات میں ان کی مداخلت کی تفصیل بہت طویل ہے۔

دہائیوں کے انتظار ختم،مسلسل کوششوں کے بعد چین مسافر طیارہ بنانے میں کامیاب

فردوس عاشق اعوان نے مزید کہا کہ سلیم صافی اور حامد میر کے پروگرام میں جانے والے پر بشریٰ بی بی فون کر کے ڈانٹ ڈپٹ کرتی تھیں کہ آپ وہاں گئے کیوں؟بشریٰ بی بی کہتی تھیں کہ ان لوگوں یعنی حامد میر اور سلیم صافی کو بین کرو، ان کے پروگرام میں نہیں جانا ہے۔

واضح رہے کہ فردوس عاشق اعوان تحریک انصاف کے ان رہنماؤں میں شامل ہیں جنہوں نے اپنی راہیں پارٹی سے جا کر لی ہیں فردوس عاشق اعوان کا کہنا تھا کہ 9 مئی کو جو کچھ ہوا پوری قوم نے دیکھا، ایک منظم سازش کے ذریعے زمان پارک سے منصوبہ بندی کی گئی جس کا مقصد قومی اداروں کی تضحیک کرنا تھا۔

بابر اعظم اور محمد رضوان ہارورڈ یونیورسٹی پروگرام کے لیے امریکا روانہ

ان کا کہنا تھاکہ زمان پارک سے بیرونی ایجنڈے پر سازش تیار کی گئی، سازش کا مقصد غیر ملکی آقاؤں کو خوش کرنا تھا، سیاسی اختلافات کو ذاتی دشمنی اور عداوت میں بدل دیا گیا گھر گھر میں پولرائزیشن کردی گئی، وزیراعظم ہاؤس کو ایک مخصوص ٹولے نے اپنی آماجگاہ بنایا شہدا کی قربانیوں کو بھلایا نہیں جا سکتا، 9 مئی کے واقعات کی آزادانہ اور منصفانہ انکوائری کرائی جائے اور ملوث افراد کو عبرت ناک سزا دی جائے۔

سابق رکن صوبائی اسمبلی اور پی ٹی آئی رہنما نے پارٹی کو خیرباد کہہ دیا

فردوس عاشق اعوان نے کہا کہ سیاست میں ایسا ماحول اور منظر کبھی نہیں دیکھا، 9 مئی کے واقعات کی مذمت کرتی ہوں، دہشت گرد اور شر پسند کارروائیوں کی وجہ سے پی ٹی آئی سے الگ ہو رہی ہوں، میرا سیاسی سفر جاری رہے گاایک مخصوص ٹولے نے اداروں کی بے توقیری کی، عمران خان اور پاکستان ساتھ ساتھ نہیں چل سکتے، عمران خان کا ایجنڈا ملک کے لیے زہر قاتل بن گیا ہے عمران خان سب سے پہلے دوستوں کے لیے دشمن بنتے ہیں، پی ٹی آئی آج بند گلی میں جا چکی ہے، پی ٹی آئی کو بند گلی میں پہنچانے والے لاتعلقی کا اعلان کر کے سرخرو نہیں ہوسکتے۔

عمران خان کارکنوں کو ذاتی مقاصد کیلئے استعمال کرتے ہیں،شرجیل میمن

رہنماؤں کی جانب سے پی ٹی آئی چھوڑنے کا سلسلہ آج بھی جاری ہے-

باغی ٹی وی: سابق رکن صوبائی اسمبلی ملک خرم علی خان نے بھی تحریک انصاف کو خیر باد کہہ دیا،اسلام آباد میں پریس کانفرنس کرتے ہوئے سابق رکن صوبائی اسمبلی ملک خرم علی خان کا کہنا تھا کہ جو پی ٹی آئی ہم نے جوائن کی تھی یہ وہ نہیں ہےمجھے اس بار ٹکٹ نہیں دیا گیا پھر بھی پارٹی کا ساتھ نہیں چھوڑا، لیکن 9 مئی کے واقعات پر افسوس ہوا اور سوچنے پر مجبور ہوگیا۔

قصورکا بریانی جلسہ لال حویلی کا کچھ نہیں بگاڑ سکتا،شیخ رشید

ملک خرم علی نے پی ٹی آئی چھوڑنے کا اعلان کرتے ہوئے کہا کہ ہمارے لئے سب سے اہم پاکستان کے ادارے ہیں، سیاست کوچلاناہے تو سب سے پہلے پاکستان کو مضبوط کرنا ہے، اداروں کو کمزورکرنے والوں کے ساتھ نہیں چل سکتے، تمام دوستوں سے مشاورت کےبعد علیحدگی کافیصلہ کیا۔

شام میں سعودی سفارت خانہ دوبارہ کھولنے پر تبادلہ خیال، تکنیکی ٹیم دمشق پہنچ …

واضح رہے کہ 9 مئی کے پرتشدد واقعات کے بعد سے اب تک تحریک انصاف کے درجنوں رہنما اور ٹکٹ ہولڈر جماعت سے علیحدگی اختیار کرچکے ہیں-

چیئرمین تحریک انصاف عمران خان نے رانا ثنااللہ کی پریس کانفرنس پر ردعمل د یا ہے-

باغی ٹی وی: وزیرداخلہ رانا ثنااللہ کی پریس کانفرنس پر شدید ردعمل کا اظہار کرتے ہوئے سماجی رابطے کی ویب سائٹ ٹویٹر پر اپنی ٹویٹ میں تحریک انصاف کے چیئرمین عمران خان کا کہناتھاکہ اگر کسی کو جیلوں میں خواتین کے ساتھ بدسلوکی کیےجانے کی اطلاعات پر کوئی شک تھا تو اب اس سند یافتہ (سرٹیفائیڈ) مجرم کی اس پریس کانفرنس کے بعد سارے شکوک و شبہات دور ہو جانے چاہیے۔

اگر کوئی شک تھا بھی کہ جیلوں میں خواتین کے ساتھ (کس سطح کی) بدسلوکی کی جارہی ہے تو اس سند یافتہ (سرٹیفائیڈ) مجرم کی اس پریس کانفرنس کے بعد سارے شکوک و شبہات دور ہو جانے چاہئیں۔

یہ شخص یقینی طور پر ان خوفناک کہانیوں کو (ایک سازش کے جواز میں) چھپانے اور قبل از وقت ان کا پردہ چاک… pic.twitter.com/RlE3Z2pTfz

— Imran Khan (@ImranKhanPTI) May 28, 2023

عمران خان نے کہا کہ یہ شخص یقینی طور پر ان خوفناک کہانیوں کو (ایک سازش کے جواز میں) چھپانے اور قبل از وقت ان کا پردہ چاک کرنے کی آڑ میں ذمہ داری سے فرار کی کوششیں کررہا ہے، جو عنقریب منظرِ عام پر آنے والی ہیں۔

چئیرمین پی ٹی آئی نے کہا کہ نہایت واجب الاحترام خواتین کو آج سے پہلے ریاست نے کبھی اس طرز کی بدسلوکی اور ہراسگی کا نشانہ نہیں بنایا جیسے پر امن احتجاج کے اپنے بنیادی حق کے استعمال کی پاداش میں انہیں اس فسطائی حکومت کی جانب سے بنایا جا رہا ہے۔

عمر ایوب اور شہزاد اکبر (جو کہ ملک میں موجود بھی نہیں) کے گھروں پر رات کو چھاپے مارے گئے۔

آج ہم (تاریخ کے) سیاہ ترین دور میں زندہ ہیں۔

آئین پامال کردیا گیا ہے، عدالتی احکامات کو کھلے عام پیروں تلے روندا جارہا ہے، بغیر وارنٹس گھروں پر چڑھ دوڑنے اور انہیں تباہ و برباد کرنے کا…

— Imran Khan (@ImranKhanPTI) May 28, 2023

عمران خان نے رہنماؤں کے گھروں پر چھاپوں پر ردعمل دیتے ہوئے کہا کہ عمر ایوب اور شہزاد اکبر جو اس وقت ملک میں نہیں ہیں ان کے گھروں میں بھی رات کے وقت چھاپے مارے گئے آج ہم تاریک دور میں رہ رہے ہیں، جس میں آئین اور عدالتی فیصلوں کی کھلم کھلا خلاف ورزیاں کی گئیں، بغیر وارنٹ کے گھروں کو توڑا گیا اور توڑ پھوڑ کی گئی، میڈیا کو دبایا گیا اور ہمارے بنیادی حقوق کا تحفظ کرنے والا کوئی نہیں۔

حکام کی جانب سے علی نواز اعوان کی رہائشگاہ کو منہدم کرنے اور ان کے گھر کے مرکزی دروازے کو گرانےکیلئےکی جانےوالی افسوسناک اور نہایت بزدلانہ کارروائی کی شدید مذمت کرتا ہوں۔

ان کی ضعیف والدہ اور ان کی ہمشیرہ، معذوری کے باعث جن کا شمار خصوصی افراد میں ہوتا ہے، اس رہائشگاہ میں مقیم…

— Imran Khan (@ImranKhanPTI) May 28, 2023

عمران خان نے کہا کہ حکام کی جانب سے علی نواز اعوان کی رہائشگاہ کو منہدم کرنے اور ان کے گھر کے مرکزی دروازے کو گرانے کیلئے کی جانے والی افسوسناک اور نہایت بزدلانہ کارروائی ہوئی جس کی شدید مذمت کرتا ہوں علی نواز کی ضعیف والدہ اور ان کی ہمشیرہ جن کا شمار خصوصی افراد میں ہوتا ہے، معذوری کے باعث اس رہائش گاہ میں مقیم ہیں۔

چیئرمین پی ٹی آئی نے مزید کہا کہ اب تک کے اقدامات سے یہ تو ثابت ہوتا ہے کہ پی ڈی ایم سرکار اخلاقیات نام کی کسی شے سے واقف نہیں مگر کم از کم اللہ کے غضب سے تو ڈرے، جسے یہ اپنے ان فسطائی اقدامات کے ذریعے دعوت دے رہے ہیں۔

لاہور: جناح ہاؤس لاہور پر حملے کی مرکزی ملزمہ فیشن ڈیزائنر خدیجہ شاہ کی جیل میں طبیعت خراب ہو گئی۔

باغی ٹی وی: 9 مئی کو جناح ہاؤس لاہور پر حملے کی مرکزی ملزمہ اور شناخت پریڈ کے لئے کوٹ لکھپت جیل میں قید ملزمہ خدیجہ شاہ کی طبیعت خراب ہو گئی جیل ذرائع کے مطابق خدیجہ شاہ 30 تاریخ تک جوڈیشل ریمانڈپرجیل میں ہے، تاہم وہ گزشتہ 2 روز سے پیٹ کی تکلیف میں مبتلا ہیں –

قصورکا بریانی جلسہ لال حویلی کا کچھ نہیں بگاڑ سکتا،شیخ رشید

ذرائع کے مطابق جیل حکام نےخدیجہ شاہ کی ملاقات اور گھر سےکھانا دینے پرپابندی لگارکھی ہے،خدیجہ شاہ اور پی ٹی آئی رہنما یاسمین راشد کو ایک ہی بیرک میں بندکیاگیاہے۔

پولیس حکام کا کہنا ہے کہ خدیجہ شاہ سابق مشیر خزانہ سلمان شاہ کی صاحبزادی اور سابق آرمی چیف آصف نواز جنجوعہ کی نواسی ہیں اور وہ مشہور فیشن برانڈ ”ایلان“ کی کریٹو ڈائریکٹر بھی ہیں اور ان کے خلاف جناح ہاؤس پر حملے کےتمام ثبوت پولیس نےحاصل کر لئے ہیں، ملزمہ 9 مئی کو فون کرکے لوگوں کو بلاتی رہی تھیں۔

صدارتی ترکیہ میں صدارتی انتخابات کےدوسرے مرحلے میں ووٹنگ جاری

خدیجہ شاہ کو 2 خواتین سمیت 24 مئی کو لاہور کی انسداد دہشت گردی عدالت میں پیش کیا گیا، انسداد دہشتگردی عدالت کی جج عنبر گل نے سماعت کی، تفتیشی افسر نے عدالت کو بتایا کہ ملزمہ پر جناح ہاؤس پر جلاؤ گھیراؤ اور حملے کا کیس ہے، ملزمہ کو شناخت پریڈ کے لئے ساتھ لے جانے کی اجازت دی جائے جس کے بعد عدالت نے انہیں 7 دن کے لیے شناخت پریڈ پر جیل بھیجنے کا حکم دیا تھا اور 29 مئی کو شناخت پریڈ کا عمل مکمل کرنے کا حکم دیتے ہوئے 30 مئی کو شناخت پریڈ رپورٹ طلب کرلی۔

اسلام آباد اورگردونواح میں زلزلے کے جھٹکے

سابق خاتون اول بشریٰ بی بی کی قریبی دوست فرح گوگی کےخلاف مقدمہ درج کرلیا گیا۔

باغی ٹی وی :مقدمہ محکمہ جی ڈی اے کے ڈپٹی ڈائریکٹر انفورسمنٹ کی مدعیت میں درج کیا گیا، مقدمہ ایک ہاؤسنگ سوسائٹی میں منظور شدہ نقشے کی خلاف ورزی پر درج کیا گیا مقدمے میں فرح گوگی کے شوہر احسن جمیل گجر بھی ملزم نامزد ہیں-

حریک انصاف سے مذاکرات پر نواز شریف کا دو ٹوک موقف

ایف آئی آر کے مطابق ہاؤسنگ سوسائٹی کے پبلک پارک کی جگہ غیرقانونی قبرستان بنا دیا گیا، پارک اور کمرشل ایریا کا نقشہ تبدیل کر کے رہائشی پلاٹ بنائے گئے، سرکاری رہن شدہ پلاٹوں پر بھی غیر قانونی تعمیرات کرائی گئیں-

ایف آئی آر کے مطابق فرح گوگی ہاؤسنگ سوسائٹی کی چیف ایگزیکٹو اور احسن گجر ایک بلڈرز کےچیئرمین ہیں،بلڈرزکمپنی نے ہاؤسنگ سو سائٹی کیلئے 1073 کنال اراضی کی منظوری لی۔

ایران اور روس کے درمیان کارگو ٹریفک میں غیرمعمولی تیزی

چیئرمین پاکستان تحریک انصاف (پی ٹی آئی) عمران خان نے حکومت کے ساتھ مذاکرات کیلئے 7 رُکنی کمیٹی کا اعلان کردیا۔

باغی ٹی وی: تحریک انصاف کی جانب سے جاری بیان کے مطابق مذاکراتی ٹیم میں شامل تمام 7 لوگوں کے نام سے نوٹیفکیشن جاری کردیا گیا ہے نوٹیفیکیشن کے مطابق شاہ محمود قریشی، پرویز خٹک، اسد عمر ،حلیم عادل شیخ، عون عباسی، مراد سعید اور حماد اظہر مذاکراتی ٹیم کا حصہ ہوں گے۔

ریت کی طرح جماعت بکھر جانے کے بعد مذاکرات یاد آ گئے؟،مریم اورنگزیب

نوٹیفیکیشن کے مطابق چیئرمین تحریک انصاف عمران خان کی بنائی گئی 7 ممبران پر مبنی ٹیم انتخابات کے حوالے سے حکومت کے ساتھ لائحہ عمل طے کرے گی۔

دوسری جانب حکومت نے عمران خان کی فوری مذاکرات کی اپیل مسترد کر دی ہے مریم اورنگزیب کا کہنا تھا کہ ریاست پر حملہ کرنے والے کو سزا دی جاتی ہے مذاکرات نہیں کیے جاتے ملک میں آگ لگانے، انتشار پھیلانے اور مسلح جتھے بنانے والے سے بات چیت نہیں ہو سکتی مذاکرات کی اپیل این آر او کی اپیل ہے، ریت کی طرح جماعت بکھر جانے کے بعد مذاکرات یاد آ گئے؟-

عمر ایوب پی ٹی آئی کے سیکرٹری جنرل اور رؤف حسن سیکرٹری اطلاعات مقرر

لاہور: سابق وزیر اعظم اورپی ٹی آئی کے سربراہ عمران خان نے اپنی نا اہلی کی صورت میں پارٹی سربراہ کے نام کا اعلان کردیا ۔

باغی ٹی وی: صحافیوں اور وکلا سے گفتگو کرتے ہوئے عمران خان نے کہا کہ مجھے نا اہل کیا گیا تو شاہ محمود قریشی پارٹی چلائیں گے مراد سعید نے جس حوصلے سے ظلم و ستم برداشت کیا ہے وہ قابل فخر ہے ، مراد سعید مستقبل کا بڑ الیڈر ہے۔

تحریک انصاف چھوڑنے والوں کو پی ڈی ایم جماعتیں شمولیت کی دعوت نہ دیں،حافظ حمداللّٰہ

انہوں نے کہا کہ تحریک انصاف تاریخ کے بد ترین کریک ڈاؤن کا شکار ہے، یہ لوگ سمجھتے ہیں کہ اس طرح سے پارٹی ختم ہوجائے گی لیکن انہیں یہ نہیں معلوم کے جس جماعت کو عوام سپورٹ حاصل ہو اسے ختم کرنا ناممکن ہوتا ہے کسی کے چھوڑنے سے پارٹی کو کوئی فرق نہیں پڑے گا ، جیتے گا وہی جیسے تحریک انصاف کا ٹکٹ ملے گا۔

خیال رہے کہ 9 مئی کے پرتشدد واقعات کے بعد پی ٹی آئی کوکئی سینئیر رہنماؤں نے چھوڑ دیاہے دوسری جانب حکومت نےپی ٹی آئی سابق وزرا شاہ محمود قریشی، اسد عمر، پرویز خٹک اور شیخ رشید سمیت دس سیاسی رہنماؤں کے سفارتی پاسپورٹ منسوخ کردیے۔

امریکی سفیر کی اسحاق ڈار سے ملاقات

ڈائریکٹوریٹ آف پاسپورٹ اینڈ امیگریشن کی جانب سے تحریک انصاف کے دس سیاسی رہنماؤں کے ڈپلومیٹک پاسپورٹ منسوخ اور غیر فعال کردئیے گئےجن رہنماؤں کے پاسپورٹ منسوخ کیے گئے ہیں ان میں عون عباسی، شاہ محمود قریشی، اسد عمر، پرویز خٹک، علی امین گنڈاپور شامل ہیں علی محمد خان، فرخ حبیب، زرتاج گل اعظم خان سواتی اورعوامی مسلم لیگ کے سربراہ و پی ٹی آئی کے حامی شیخ رشید احمد کے بھی سفارتی پاسپورٹ منسوخ کردیئے گئے ہیں۔

ریت کی طرح جماعت بکھر جانے کے بعد مذاکرات یاد آ گئے؟،مریم اورنگزیب