پاکستان مرکزی مسلم لیگ کے صدر خالد مسعود سندھو ، سیکرٹری جنرل محمد اعظم چوہدری اور چیئرمین رابطہ علماء و مشائخ پاکستان محمد یعقوب شیخ نے چیئرمین علماء بورڈ پنجاب اور مدیر جامعہ نعیمیہ لاہور ڈاکٹر راغب حسین نعیمی،قرآن و السنۃ مووومنٹ کے سربراہ علامہ ابتسام الہٰی ظہیر، جامع اشرفیہ کے ناظم اعلیٰ حافظ اسعد عبید، تحریک بیداری امت کے سربراہ اور جامع عروۃ الوثقیٰ کے بانی علامہ سید جواد نقوی، امیر جماعت اہل حدیث حافظ عبدالغفار روپڑی، حافظ عبدالوہاب روپڑی اور دیگر رہنماؤں سے خصوصی ملاقاتیں کی ہیں۔
جاری اعلامیہ کے مطابق اس موقع پر سیاسی و مذہبی رہنماؤں کی طرف سے اس بات پر اتفاق رائے کا اظہار کیا گیا کہ موجودہ ملکی صورت حال میں انتشار و افتراق کی فضا ختم کر کے اتحادویکجہتی کا ماحول پیدا کرنا انتہائی ضروری ہے اور 28مئی کو مینار پاکستان گراؤنڈ میں ہونے والی تکبیر کانفرنس کے اس حوالے سے ان شاء اللہ دور رس اثرات مرتب ہوں گے۔پاکستان مرکزی مسلم لیگ کے وفد کی جانب سے ناظم اعلیٰ جامعہ اشرفیہ حافظ اسعد عبید، حافظ ارشد عبید اور شیخ الحدیث مولانا محمد یوسف سے ملاقات ہوئی جس پر مذکورہ رہنماؤں نے مولانا فضل الرحیم اشرفی کی قیادت میں تکبیر کانفرنس میں شرکت کی یقین دہانی کروائی ہے۔
اعلامیہ کے مطابق پی ایم ایم ایل کے وفد نے چیئرمین علماء بورڈ پنجاب راغب حسین نعیمی،قرآن و السنۃ مووومنٹ کے سربراہ علامہ ابتسام الہٰی ظہیر، تحریک بیداری امت کے سربراہ اور جامعہ عروۃ الوثقیٰ کے بانی علامہ سید جواد نقوی اور جماعت اہل حدیث کے رہنماؤںحافظ عبدالغفار روپڑی اور حافظ عبدالوہاب روپڑی کوبھی 28مئی یوم تکبیر کے موقع پر ہونے والی تکبیر کانفرنس میں شرکت کا دعوت نامہ پیش کیا جس پر انہوں نے کانفرنس میں شرکت کی دعوت قبول کی اور موجودہ حالات میں کانفرنس کے انعقاد کو انتہائی خوش آئند قرار دیا۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
پریس ریلیز میں یہ بھی کہا گیا کہ پاکستان مرکزی مسلم لیگ کے صدر خالد مسعود سندھو، سیکرٹری جنرل محمد اعظم چوہدری اور چیئرمین رابطہ علماء و مشائخ پاکستان محمد یعقوب شیخ کے ساتھ مذہبی و سیاسی رہنماؤں سے ملاقات کرنے والے وفد میں حمید الحسن اور انجینئر محمد حارث ڈار بھی موجود تھے۔واضح رہے کہ پاکستان مرکزی مسلم لیگ کی مینار پاکستان پر ہونے والی تکبیر کانفرنس کی تیاریاں بھرپور طریقے سے جاری ہیں اور اس کانفرنس میں تمام مکاتب فکر اور شعبہ ہائے زندگی سے تعلق رکھنے والے لاکھوں افراد شریک ہوں گے
