ملک میں مہنگائی نے عوام کی کمر توڑ کر رکھ دی ہے-

باغی ٹی وی: مہنگائی میں ذخیرہ اندوز بھی عوام کا امتحان لے رہے ہیں، مارکیٹ سے آٹا بھی غائب ہے، جہاں مل رہا ہے وہاں آٹےکی من مانی قیمتوں نے عوام کو پریشان کر رکھا ہے-

بیسن 275 روپےکلو ، اچھے والے سفید چنے کا ریٹ 500 روپے، ماش کی دال 460، دال مسور 240، ملکہ مسور 260 اور روزانہ استعمال کا چاول بھی ساڑھے 3 سو روپے سے تجاوز کرگیا ہے۔

تیل، گھی، مرغی، مچھلی اور گوشت کا ریٹ تو گھنٹوں کے حساب سے بدل رہا ہے، عوام دہائیاں دیتے ہیں کہ ان کی دسترس سے تو اب آلو، ٹنڈے ، ٹماٹر، پیاز، گوبھی اور تورئی سمیت دیگر سبزیوں کی قیمتیں بھی باہر ہوچکی ہیں۔

لاہورمیں لیموں کی قیمت 50 روپے اضافے کے بعد 200 روپے فی کلو تک پہنچ گئی،درآمد شدہ ادرک بھی 50 روپے اضافے کے بعد 650 روپے فی کلو تک پہنچ گئی،اتوار بازار میں لہسن فی کلو 360 سے 400 روپے تک فروخت ہورہا ہے،گاجر کی فی کلو قیمت 48 سے بڑھ کر 60 روپے ہوگئی،پیاز کی فی کلو قیمت میں30 روپے 150 روپےفی کلو میں دستیاب ہےآلو 50،کھیرا 80،بیگن 90 اورشملہ مرچ 100 روپے فی کلو میں دستیاب ہے-

لاہور میں زندہ برائلر مرغی کی فی کلو قیمت 416 ہوگئی،برائلر گوشت کی قیمت فی کلو624 روپے مقرر کی گئی، مارکیٹ میں فارمی انڈوں کی فی درجن قیمت 238 روپے مقرر ہو گئے-

کراچی میں مرغی کا گوشت فی کلو 720 روپے میں دستیاب ہے،زندہ مرغی کی فی کلو قیمت 480 روپےمیں فروخت ہورہی ہے-

ملتان میں برائلز مرضی کا گوشت فی کلو600 روپے میں دستیاب ہے،برائلر زندہ مرضی کا سرکاری ریٹ 386 روپے مقرر ہے، برائلر زندہ مرضی کا فی کلوسرکاری ریٹ 386 روپے مقرر ہے،

پشاورمیں زندہ مرغی کی قیمت میں 10روپے کمی ریکارڈ کی گئی،زندہ مرضی فی کلو 445 سے کم ہو کر 435 کی ہوگئی،

قومی ایئرلائن (پی آئی اے) نے حج 2023 کے لیے فلائٹ آپریشن اور پرائیوٹ حج کرایوں کا اعلان کر دیا ہے حج فلائٹ آپریشن 21 مئی سے شروع ہوگا جو 2 اگست تک جاری رہے گا۔

باغی ٹی وی: پی آئی اے کی جانب سے اعلان کردہ پرائیویٹ حج اسکیم کے تحت کرایوں کا اعلان ڈالر میں کیا گیا ہے،کم از کم کرایہ 870 ڈالر اور زیادہ سے زیادہ ایک زہار 220 ڈالر مقرر کیا گیا ہے۔

جسٹس قاضی فائز عیسیٰ نے اپنے، اہلیہ اور بچوں کے اثاثے ظاہر کر دیئے

پرائیویٹ حج کے تحت ساؤتھ ریجن کے لیے کم از کم کرایہ 870 ڈالر اور زیادہ سے زیادہ ایک ہزار 180 ڈالر مقرر کیا گیا ہے اور ساؤتھ ریجن میں کراچی ،کوئٹہ، سکھر، حیدرآباد سے جانے والی پروازیں شامل ہیں۔

پی آئی اے کی جانب سے جاری کیے گئے اعلامیے کے مطابق نارتھ سیکٹر کے لیے کم از کم کرایہ 910 ڈالر اور زیادہ سے زیادہ ایک ہزار 220 ڈالر مقرر کیا گیا ہے،نارتھ سیکٹر جن میں لاہور، اسلام آباد، پشاور ، ملتان اور دیگر شہر شامل ہیں-

سرکاری حج اسکیم کے تحت حج پر جانے والوں کے لیے کرایوں کا اعلان ممکنہ طور پر وزارت مذہبی امور کرے گی جس کے تحت کم از کم کرایہ ممکنہ طور پر 3 لاکھ 10ہزار روپے سے لے کر 3 لاکھ 30 ہزار روپے تک رکھے جانے کا امکان ہے جبکہ مکمل سرکاری حج 10لاکھ 25 ہزار روپے تک ہونے کا امکان ہے۔

امیر ممالک غریب ملکوں کو شیطانی حربوں سے تنگ کررہے ہیں ،سیکرٹری اقوام متحدہ

پی آئی اے ممکنہ طور پر 21 مئی سے شروع ہونے والے حج فلائٹ آپریشن کے تحت 38 ہزار سے زائد عازمین کو حجاز مقدس پہنچائے گی، جبکہ 44 ہزار سے زائد سعودی ایئرلائن باقی پاکستان سے آپریٹ ہونے والی 2 نجی ایئرلائنز عازمین کو لے کر حجاز مقدس جائیں گی۔

پی آئی اے اپنے حج فلائٹ آپریشن میں جدہ اور مدینہ کے لیے بوئنگ777 اور ایئر بس320 کا استعمال کرے گی۔

پی آئی اے کی جانب سے جاری کردہ ہدایات کے مطابق پرائیویٹ حج اسکیم کے تحت جانے والوں سے فی سیٹ 10فیصد کرایہ اسٹیشن بطور ایڈوانس وصول کرے گا اور یہ رقم ناقابل واپسی ہوگی فلائٹ کی روانگی سے 10دن قبل ٹکٹ بک کرا دیے جائیں گے اور حج ویزے کے لیے اس ٹکٹ کی مدت صرف 60 دن ہو گی۔

اکانومی پیکج کے عازمین 7 کلو سامان اپنے ساتھ رکھ سکیں گے جبکہ زیادہ سے زیادہ 40 کلو سامان انہیں ساتھ لے جانے کی اجازت ہوگی اسی طرح ایگزیکٹو پیکج والےعازمین 7 کلو سامان اپنےساتھ رکھ سکیں گے اور زیادہ سے زیادہ 46 کلو سامان ہاتھ میں رکھ سکیں گے ایک عازم اپنے ساتھ 5لیٹر آب زم زم کی بوتل مفت لا سکے گا جبکہ وزن زیادہ ہونے پر اضافی رقم کی ادائیگی کرنا ہو گی۔

لاہور قلندرز پلے آف میں پہنچنے والی پہلی ٹیم بن گئی

اگر آداب کے اعلی قرینے سے نکل جائے
دل گستاخ سے کہہ دو مدینے سے نکل جائے

نورین طلعت عروبہ

پاکستان کے صوبہ پنجاب کے شہر اٹک میں 04 مارچ 1957ء کو پیدا ہونے والی نورین طلعت عروبہ ایک ایسی شاعرہ کا نام ہے جس نے دور طالب علمی سے اپنی دھواں دھار تقاریر اور غزل، نظم میں وہ نام بنایا جس کی تمنا ہر تخلیق کار رکھتا ہے۔ کالج سے یونیورسٹی کے چھ برسوں میں 342 انعامات حاصل کرنا کوئی آسان کام نہیں تھا لیکن نورین کو اس سلسلے میں کوئی مشکل پیش نہیں آئی۔

شاعری کا تحفہ اپنے شاعر دادا ڈاکٹر اظفر حسین خان اور والد محترم معروف صحافی اور شاعر جناب انوار فیروز سے ملا لیکن اس سلسلے میں جومحنت ان کی والدہ فہمیدہ انوار نے کی،نورین اپنی تمام کامیابیوں کا سہرا ان کے سرباندھتی ہیں دور طالب علمی میں ہی ان کی غزلیں، پرویز مہدی، اقبال باہو، اور عطااللہ عینی خیلوی جیسے بڑے گلوکاروں نے گائیں۔

دور طالب علمی ہی میں اپنے بہترین لہجے شاندار تلفظ اور متاثر کن آواز کی بدولت وہ ریڈیو پاکستان اور پاکستان ٹیلی ویِژن کی ضرورت بن گئیں۔ اسکرپٹ رائٹنگ کی صلاحیت کے باعث ڈھیروں شوز لکھے اور میزبانی کے فرائض سر انجام دیئے۔

مشاعروں کی نظامت پی ٹی وی سے جاری تھی کہ نیوز کاسٹر کی حیثیت سے منتخب کر لی گئیں۔ ریڈیو پر پنجابی اور پاکستانی ٹیلی ویژن سے اردو میں بیک وقت خبریں پڑھنے والی پہلی نیوز کاسٹر بنیںجدہ میں قیام کے دوران وہاں خواتین کی پہلی ادبی و ثقافتی تنظیم ’’سلسلہ‘‘ کے نام سے بنا کر اس کی بانی صدر بنیں۔

2002 میں ان کی نعتیہ شاعری پر مشتمل کتاب ’’حاضری‘‘ 72 نعتوں کے ساتھ کسی بھی شاعرہ کا پہلا نعتیہ مجموعہ ہے جس پر صوبائی اور قومی سطح پر صدارتی ایوارڈ سے نوازا گیا۔ وہ اپنی تینوں کتابوں پر صدارتی ایوارڈ پانے والی پاکستانی شاعرہ ہیں آج کل امریکہ کی ریاست ورجینیا واسٹنگٹن ڈی سی میں قیام پذیر ہیں۔

غزل
۔۔۔۔۔۔
عجب جنوں ہے کہ احوال کی خبر بھی نہیں
ہم اپنے گھر بھی نہیں اور در بدر بھی نہیں
وہ آنے والی رتوں کا حساب لیتے ہیں
ہمیں تو لمحۂ موجود کی خبر بھی نہیں
بھلا ہماری شہادت کو کون جانے گا
ہماری آدھی گواہی تو معتبر بھی نہیں
بجھا سکوں نہ اسے میں ترے اشارے پر
چراغ جاں سے مجھے پیار اس قدر بھی نہیں
یہ در کھلے گا خدا جانے کس کی کوشش سے
ہمارے ہاتھ میں اب کے کوئی ہنر بھی نہیں
میں اک نشست میں سارا تجھے سنا ڈالوں
مرا فسانۂ غم اتنا مختصر بھی نہیں
ترا یہ ترک تعلق بھی حوصلہ کن ہے
کہ اب کسی سے بچھڑنے کا دل کو ڈر بھی نہیں

غزل
۔۔۔۔۔۔
نمو کو شاخ کے آثار تک پہنچنا ہے
بکھر کے پھول نے مہکار تک پہنچنا ہے
ہم اپنی سلطنت شعر میں بہت خوش ہیں
وہ اور ہیں جنہیں دربار تک پہنچنا ہے
غریب شہر کے بہتے لہو کا ذکر فقط
وہ سرخیاں جنہیں اخبار تک پہنچنا ہے
ہمیں جو چپ سی لگی ہے یہ بے سبب تو نہیں
کسی خیال کو اظہار تک پہنچنا ہے
طلسم عمر کی تعریف ساری اتنی سی
اک آئنہ جسے زنگار تک پہنچنا ہے
کچھ ایسے لوگ جو شانوں پہ سر نہیں رکھتے
مگر یہ زعم کہ دستار تک پہنچنا ہے
وہ دن گئے کہ کوئی اشک پونچھنے آئے
یہاں تو آپ کو غم خوار تک پہنچنا ہے
۔۔۔۔
اگر آداب کے اعلیٰ قرینے سے نکل جائے
دل گستاخ سے کہہ دو مدینے سے نکل جائے
یہ شہر علم ہے اس میں ابو جہلی نہیں چلتی
اٹھے جاہل اٹھے اور اس خزینے سے نکل جائے

لاہور: قومی احتساب بیورو نيب نے سابق مشیر برائے احتساب مرزا شہزاد اکبر کے خلاف تحقیقات کا دائرہ کاروسیع کردیا۔

باغی ٹی وی : تفصیلات کے مطابق نیب کا سابق وزیراعظم عمران خان کے سابق وزیر مرزا شہزاد اکبر کے خلاف تحقیات کا آغاز کرتے ہوئے اُن کے اثاثہ جات اور جائیدوادوں کا ریکارڈ طلب کرلیا۔

نیب نے عثمان بزدار کو 20 صفحات پر مشتمل سوالنامہ دے دیا

ذرائع کے مطابق نیب نے 6 مارچ تک شہزاد اکبر اور اُن کے اہلخانہ کے نام پر جائیدادوں کا ریکارڈ طلب کیا ہے جبکہ صوبہ بھر کی ڈویلپمنٹ اتھارٹیز سے مرزا شہزاد اکبر کے حوالے سے تفصیلات فراہم کرنے کی ہدایت کی ہے۔

واضح رہے کہ شہزاد اکبر پر برطانیہ سے ریکور رقوم پاکستان لانے میں بے ضابطگی کا الزام بھی ہے۔

باغی ٹی وی کی رپورٹ کے مطابق تحریک انصاف کے رہنما شاہ محمود قریشی نے کہا ہے کہ جیل بھرو تحریک کا آغاز عمران خان کے کہنے پر کیا گیا،ہر شہر سے لوگوں نے جیل بھرو تحریک میں بڑھ چڑھ کر حصہ لیا،

شاہ محمود قریشی کا کہنا تھا کہ چیف جسٹس نے آئین کے تقاضوں کو مد نظر رکھتے ہوئے فیصلہ دیا، آئین کے مطابق انہوں نے90دن میں انتخابات کرانے کا حکم دیا ہے، ملک میں معاشی اور سیاسی استحکام کیلئے الیکشن کروانا انتہائی ضروری تھا، یہ اپنے کیسز سے چھٹکارہ حاصل کرنے کیلئے اقتدار کو طول دینا چاہتے ہیں توقع کرتا ہوں خیبر پختونخوا کے گورنر بھی آئین کے مطابق الیکشن کی تاریخ دینگے، ملک کو اس بحران سے نکالنے کے لیے عمران خان تیار ہیں،کارکنوں پر تشدد کیا گیا لیکن عمران خان نے صبر کا دامن نہیں چھوڑا، حکومت ہوش کے ناخن لے، ملک ڈوب رہا اور یہ اقتدار سے چپکے ہوئے ہیں، خدارا عوام پر اعتماد کریں اور شفاف الیکشن کروائیں،تحریک انصاف نے الیکشن سے متعلق بات چیت پر کبھی انکار نہیں کیا،نیب کیسز سے بچنے کیلئے پی ڈی ایم الیکشن سے بھاگ رہی ہے،

فردوس عاشق کالہجہ تلخ تھا،مگرسرکاری ملازم صاحبہ کا ڈیوٹی سےچلےجانا،تکبر،انااورافسرشاہی نہیں تواورکیاہے

فردوس عاشق نے اپنے حلقہ انتخاب میں کیا کارنامہ سرانجام دیا، تہلکہ خیز انکشاف

مشیر نہیں بلکہ جہنم میں تھی، فردوس عاشق اعوان کی ایک بار پھر گندی گالیاں

شاہ محمود قریشی کا مزید کہنا تھا کہ موجودہ حکومت مکمل طور پر ناکام ہوچکی ہے نواز شریف دوائیں لینے گئے تھے، ڈاکٹر ابھی تک نسخہ لکھ رہا ہے، نواز شریف سے کہوں گا کہ گھبرائیں نہیں واپس آجائیں، ڈار سے سرمایہ کار ڈر رہا ہے، ملک میں بحرانی کیفیت پیدا ہوچکی ہے، پورے ملک میں ایک ساتھ جنرل الیکشن کرائے جائیں،

باغی ٹی وی کی رپورٹ کے مطابق آٹھ مارچ کو خواتین کا عالمی دن منایا جاتا ہے، اس دن کی مناسبت سے ملک بھر کے کئی شہروں میں تقریبات ہو تی ہیں، عورت مارچ کے نام سے بھی کئی شہروں میں پروگرام ہوتے ہیں تا ہم رواں برس پنجاب کے صوبائی دارالحکومت لاہور میں عورت مارچ کی درخواست سیکیورٹی خدشات کی وجہ سے مسترد کر دی گئی جس پر عورت مارچ انتظامیہ نے احتجاج کیا ہے

عورت مارچ کی آرگنائزنگ کمیٹی نے 8 مارچ کو ناصرباغ لاہور کے قریب مارچ کا فیصلہ کیا ہے منتظمین کا کہنا ہے عورت مارچ ان کا آئینی حق ہے اوروہ اس سے پیچھے نہیں ہٹیں گے۔ ڈی سی لاہور نے عورت مارچ کی آرگنائزنگ کمیٹی کو مال روڈ پر مظاہرے کی اجازت دینے سے انکار کر دیا ، ڈپٹی کمشنر لاہور نے جماعت اسلامی سمیت دیگر تنظیموں کے احتجاج کے پیش نظر عورت مارچ کی انتظامیہ کو ایوان اقبال، ناصر باغ، الحمرا ہال سمیت مال روڈ پر مظاہرے کی اجازت دینے سے انکار کیا۔

ٹرانس جینڈر کمیونٹی، خواتین کی این جی اوز اور سول سوسائٹی نے عورت مارچ کیلئے ڈپٹی کمشنر رافعہ حیدر کو درخواست دی تھی تا ہم انہوں نے اجازت دینے سے معذرت کر لی رافعہ حیدر کا کہنا تھا کہ سکیورٹی اداروں کی رپورٹس میں عورت مارچ کے حوالے سے سکیورٹی خدشات ظاہر کئے گئے ہیں اس بنیاد پر عورت مارچ کی درخواست منظور نہیں کی۔

We would like to ask @DCLahore @commissionerlhr why they denied permission to a peaceful march on women's day?

Why is the interim government allowing PSL to happen but not a political march for women's rights? @MohsinnaqviC42#AuratMarch2023 #MarchTuHoga https://t.co/nhXZt2Bp5y pic.twitter.com/N8XnKHn0IZ

— ⁧Aurat March Lahore (@AuratMarch) March 3, 2023

عورت مارچ انتظامیہ کا کہنا ہے کہ مظاہرہ ان کا آئینی حق ہے، اس سے ہرگز پیچھے نہیں ہٹیں گے، 8 مارچ کو ناصر باغ کے قریب مارچ کریں گے۔ عورت مارچ لاہور انتظامیہ کا کہنا ہے کہ ایک ایسے شہر میں جہاں بڑے ہجوم کو پی ایس ایل کے لیے جمع ہونے کی اجازت ہے، خواتین اور صنفی اقلیتوں کے پرامن اجتماع کو اجازت نہیں دی جا رہی،کیا کرکٹ میچز صنفی تشدد کے مسائل سے زیادہ اہم ہیں؟ لاہور اور اسلام آباد ہائی کورٹ کے فیصلوں کے باوجود لاہور انتظامیہ کا قابل مذمت اقدام ہے ہم آٹھ مارچ کو بتائی گئی جگہ پر ہی مارچ کریں گے، کئی برسوں سے ہم یہ پروگرام کرتے آ رہے ہیں ،پاکستانی خواتین اور خواجہ سراؤں کے کے حق کے لئے جدوجہد جاری رکھیں گے، ہر اس نظام کے خلاف لڑیں گے جو ان پر ظلم کرنا چاہتا ہے

دوسری جانب لاہور ہائیکورٹ میں عورت مارچ پر پابندی کا اقدام چیلنج کر دیا گیا ،درخواست گزار صباحت رضوی کی جانب سے عورت مارچ پر پابندی چیلنج کی گئی ،لاہو ر ہائیکورٹ میں دائر درخواست میں کہا گیا ہے کہ ڈی سی لاہور کا عورت مارچ پر پابندی فیصلہ غیر قانونی ہے،عورت مارچ میں خواتین کے حقوق کی تحفظ کی بات ہوتی ہے،پر امن مارچ پر پابندی آئین کی خلاف ورزی ہے،عدالت عورت مارچ پر پابندی سے متعلق ڈی سی لاہور کا فیصلہ کالعدم قراردیا جائے،

عورت مارچ کو روکا جائے،وزیر مذہبی امور کے خط کے بعد بحث جاری

عورت مارچ نا منظور،مردان میں "مرد مارچ” کے نعرے

مرد دوسری شادی کے بعد پہلی بیوی کو گھر سے نکال دیتا ہے،وزیراعظم

تاثر غلط ہے کہ ہراسمنٹ کا قانون صرف خواتین کے لیے ہے،کشمالہ طارق

عورت مارچ کے خلاف برقع پوش خواتین سڑکوں پر آ گئیں، بے حیائی مارچ نا منظور کے نعرے

اسلام آباد: عورت مارچ اور یوم خواتین ریلی کے شرکا میں تنازع، عورت مارچ شرکاء نے دیکھتے ہی غلیظ نعرے اورپتھراو شروع کردیا

عورت مارچ پر پتھراوَ کرنے والوں کے خلاف مقدمہ درج

حنا پرویز بٹ "عورت مارچ” کے حق میں کھڑی ہو گئیں