Category: لاہور

سوشل میڈیا پیج پر برڈ ہٹ خبر کو سنسنی پھیلانے کی غرض سے بڑھا چڑھا کر بیان کرنے کا معاملہ ،پی آئی اے انتظامیہ کا بیان سامنے آ گیا-

باغی ٹی وی : ترجمان سیف اللہ خان کے مطابق مذکورہ وضاحت مینگوبازنامی فیس بک اکاؤنٹ سے پوسٹ کی گئی جعلی خبر کے جواب میں ہے۔ جعلی پوسٹ میں الزام لگایا گیا کہ (پی آئی اے) کے دو طیارے کراچی کے (جے آئی اے پی) پر پرندوں سے ٹکرانے کے بعد خطرناک حادثات سے بچ گئے۔

جی 77:پاکستانی مذاکرات کاروں نے کوپ27 میں اہم معاہدہ کیا،ڈائریکٹر امریکی تھنک ٹینک ولسن سینٹر

ترجمان کے مطابق نومبر 18 کی شام کو پہلے، PK 350 نے کراچی سے پشاور کے لیے وقت 18:34 پر ٹیک آف کیا اور پائلٹ نے مشتبہ پرندہ ٹکرانے کی اطلاع دی، یعنی اسے یقین نہیں تھا کہ آیا یہ واقعی پرندہ ٹکرایا تھا۔ ایئر سائیڈ کے عملے نے فوری طور پر رن وے کا معائنہ کیا تاہم انہیں وہاں سے کچھ نہیں ملا یعنی پرندے کی باقیات وغیرہ۔

لاہور سے انے والی پرواز PK305 نے وقت 18:43 پر کراچی میں لینڈ کیا اور پائلٹ نے طیارے کی ناک پر پرندہ ٹکرانے کی اطلاع دی۔ ہوائی جہاز کا معائنہ کیا گیا اور واقعی جہاز کی ناک پر خون کے چھوٹے دھبے پائے گئے لیکن کسی نقصان کی اطلاع نہیں دی گئی جیسا کہ نیچے دی گئی تصویروں میں دیکھا جاسکتا ہے۔ مزید انسپکٹرز کو رن وے پر کسی بھی مردہ پرندے کی باقیات وغیرہ بھی نہیں ملیں –

خون کے چھوٹے داغ اور مردہ پرندے کی باقیات کا نہ ملنا اس بات کی طرف اشارہ کرتا ہے کہ پرندہ چھوٹے سائز کا تھا۔ یہ بتانا اس لیے اہم ہے کیونکہ فیک نیوز میں تصویر اصل میں ایک فائل فوٹو ہے جو اور جگہ بھی استعمال ہوئی ہے، تصویر میں مبینہ طور پر ایک بڑا پرندہ دکھایا گیا ہے جس سے جہاز کا کافی نقصان ہوا –

استنبول کانفرنس میں سینیٹرمشاہد حسین سید آئی سی اے پی پی کا شریک چیئرمین منتخب

یہ امر بہت واضح ہے کہ علط تصویر اور حقائق کو مسخ کرکے سنسنی پھیلانے کی کوشش کی گئی۔ یہ بھی بہت واضح ہے کہ ان واقعات کے دوران کسی بھی وقت طیارےکسی بھی قسم کے خطرے سے دوچار نہیں تھے۔ نیز جعلی پوسٹ میں موجود تصویر دن کے وقت کی ہے جبکہ دونوں برڈ ہٹس شام کے وقت ہوئے جن میں سے ایک مشتبہ برڈ ہٹ تھی جیسا کہ اوپر بیان کیا گیا۔

سول ایوی ایشن آپ سے درخواست کرتی ہے کہ معلومات کے مستند ذرائع پر ہی انحصار کریں اور کسی بھی خبر یا پوسٹ کو شئیر کرنے سےپہلے اطمینان سے فیکٹ چیک کرلیں غلط معلومات ہم میں پریشانی، خوف، ڈپریشن یا تناؤ پیدا کر کے صحت کو متاثر کر سکتی ہیں۔

ترجمان سیف اللہ خان کے مطابق اس وضاحت کا مقصد معزز ایویشن رپورٹرز کو صرف صحیح صورتحال سے آگاہ کرنا ہے،آئیے متحد ہو کر جعلی خبروں کا مقابلہ کریں۔

چینی قرضے ملک وقوم پر بوجھ بن گئے:سالانہ سود 36.3 ارب تک جاپہنچا

استنبول: ایشیا کی سب سے قدیم اور سیاسی جماعتوں کی سب سے بڑی تنظیم آئی سی اے پی پی نے استنبول کانفرنس میں سینیٹر مشاہد حسین سید کو آئی سی اے پی پی کا شریک چیئرمین منتخب کرلیا۔

باغی ٹی وی :تنظیم کے جاری کردہ اعلامیے کے مطابق مشاہد حسین سید کا انتخاب ترکیہ کے شہر استنبول میں ہونے والی دو سالہ کانفرنس میں کیا گیا جس میں 200 نمائندوں اور 70 رہنماؤں نے شرکت کی۔ 33 ممالک کی سیاسی جماعتیں بھی شریک ہیں۔

شریک چیئرمین کے لیے سینیٹر مشاہد کا نام تھائی لینڈ اور ایران نے تجویز کیا تھا اور ووٹنگ سے قبل چین، کمبوڈیا، روس، لبنان، ترکیہ اور انڈونیشیا نے اس کی حمایت کی تھی جنوبی کوریا کے سابق وزیر خارجہ چنگ یوئیونگ کو دوبارہ آئی کیپ کا چیئرمین منتخب کیا گیا ہے۔

ہر دو سال میں ایک بار منعقد ہونے والی آئی کیپ کانفرنس نے ‘استنبول اعلامیہ’ بھی جاری کیا کانفرنس کے دوران پاکستان میں حالیہ تباہ کن سیلاب کے متاثرین کے ساتھ یکجہتی کا اظہار کیا گیا اور "کلائمیٹ فنانس اور کلائمٹ جسٹس کے ذریعے لوگوں کی مشکلات کو کم کرنے” پر زور دیا گیا۔

سینیٹر مشاہد حسین نے اپنے انتخاب کو پاکستان کے لیے اعزاز قرار دیا۔ مشاہد حسین نے موجودہ دور کو ایشیاء کے لیے تاریخی تبدیلی کا حامل قرار دیا اور کہا کہ اقتصادی اور سیاسی طاقت کا توازن مغرب سےمشرق کی طرف منتقل ہو رہا ہے، علامہ اقبال نے 90 سال قبل ایشیا کے عروج کی پیش گوئی کی تھی۔

مشاہد حسین نے کہا کہ آئی سی اے پی پی بنڈونگ اسپرٹ کا تسلسل ہےجس کا آغاز 1955ء میں انڈونیشیا کےشہربنڈونگ میں عظیم انڈونیشی رہنما ڈاکٹر سوکارنو کی میزبانی میں پہلی افریقی ایشیائی سربراہی کانفرنس سےہوا تھا، وقت آ گیا ہےکہ ایشیائی طاقتیں ایشیائی تقدیراور ایشیا کے مستقبل کو سنواریں۔

قبل ازیں آئی سی اے پی پی کے رہنماؤں، چیئرمین چنگ یوئیونگ اور شریک چیئرمین سینیٹر مشاہد حسین نے سابق وزیر داخلہ اور ترکی کی حکمراں جسٹس اینڈ ڈیولپمنٹ پارٹی کے نائب چیئرمین ایفکان الا کے ہمراہ استنبول کی استقلال اسٹریٹ میں اس جگہ کا دورہ کیا جہاں دہشت گردانہ بم دھماکے میں ہلاکتیں اور نقصانات ہوئے تھے۔

ترک بچوں، خواتین و حضرات نے جائے وقوع پر پھولوں کی چادر چڑھائی اور انسانیت کے خلاف اس گھناؤنے جرم پر متاثرہ خاندانوں کے ساتھ اظہار یکجہتی اور ترک قوم کے ساتھ تعزیت کا اظہار کیا۔ مشاہد نے شہدا کے لیے فاتحہ خوانی بھی کی اگلی آئی سی اے پی پی کانفرنس 2024ء میں کمبوڈیا میں بلائی جائے گی۔

عالمی بینک؛ کشن گنگا و ریٹلی ہائیڈرو منصوبوں پر پاکستانی اعتراض سماعت کیلیے منظور

لاہور:وزیراعلیٰ پنجاب چودھری پرویز الٰہی نے کہا ہے کہ عوام کے مسائل ہر صورت حل کئے جائیں، لوگوں کو ریلیف دینا ہماری اولین ترجیح ہے۔

وزیراعلیٰ پنجاب چودھری پرویز الہٰی سے وزیر اعلیٰ شکایت سیل کے چیئرمین زبیر احمد خان نے ملاقات کی، ملاقات کے دوران زبیر احمد خان نے رپورٹ پیش کی جس پر وزیر اعلیٰ چودھری پرویز الٰہی نے عوامی شکایات کے فوری ازالے کے لئے ضروری اقدامات پر زور دیا۔

اس موقع پر وزیراعلیٰ پنجاب کا کہنا تھا کہ عوام کے مسائل ہر صورت حل کئے جائیں، راولپنڈی کے عوام کے مسائل حل کرنا اولین ترجیح ہے، راولپنڈی میں جاری ترقیاتی منصوبوں کو پایہ تکمیل تک پہنچائیں گے،عوام کی خدمت کر رہے ہیں اور کرتے رہیں گے۔

وزیر اعلی چودھری پرویز الہٰی نے ملاقات کے دوران زبیر احمد خان کی بھابھی کے انتقال پر اظہار تعزیت کرتے ہوئے مرحومہ کے لئے فاتحہ خوانی اور دعائے مغفرت کی، وزیر اعلیٰ چودھری پرویز الہٰی نے سوگوار خاندان سے اظہار ہمدردی و تعزیت بھی کی۔ملاقات کے دوران چیف سیکرٹری عبداللہ خان سنبل بھی موجود تھے۔

پاک فوج ملکی سلامتی کی ضامن۔ شہدا کی قربانیوں پر فخر
پاکستانی طلبا و طالبات نے 14 ممکنہ نئے سیارچے دریافت کرلیے
ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا

لاہور:پاکستانی ڈراما نگاری کی کہکشاں سے ایک روشن ستارہ تھیں،حسینہ معین کو سب حسینہ آپا بھی کہتے تھے کیونکہ وہ اس قدر شفقت اور محبت سے لبریز لہجے میں گفتگو کرتی تھیں کہ کوئی وجہ نہ ہوتی کہ ان سے ذاتی تعلق نہ بنا لیا جائے۔ وہ پورے پاکستان کی حسینہ آپا تھیں۔ ان کی ذاتی زندگی اور پیشہ ورانہ زندگی کے بارے میں تصور کیا جائے تو یہ 10، 20 برسوں کی بات نہیں بلکہ نصف صدی پر پھیلا ہوا سلسلہ ہے۔ انہیں دیکھنے کے بعد ہمیں سمجھ آتا ہے کہ کسی فن کے لیے اپنی زندگی کو تج دینا کیا ہوتا ہے اور کسی پیشے کے لیے اپنی پوری زندگی وقف کردینے کی قربانی کیا ہوتی ہے۔

حسینہ معین 20 نومبر 1941ء کو غیر منقسم ہندوستان کے شہر کانپور میں پیدا ہوئیں اور 26 مارچ 2021ء کو کراچی میں انتقال کیا۔ انہوں نے ابتدائی زندگی کے چند برس ہندوستان میں گزارے، پھر اپنے خاندان کے ہمراہ پاکستان ہجرت کرکے راولپنڈی میں سکونت اختیار کی۔ چند برسوں کے بعد 1950ء کی دہائی میں اپنے اہل خانہ کے ہمراہ کراچی منتقل ہوگئیں۔ 1960ء میں گورنمنٹ کالج برائے خواتین سے گریجویشن کیا اور جامعہ کراچی سے 1963ء میں تاریخ کے موضوع پر ماسٹرز کی سند حاصل کی۔ تعلیم مکمل کرتے ہی وہ تدریس کے شعبے سے وابستہ ہوگئیں۔ طویل عرصہ خدمات انجام دیں اور پرنسپل کے عہدے تک پہنچیں۔

ریڈیو پاکستان سے لکھنے کا پیشہ ورانہ آغاز کیا۔ ریڈیو پاکستان کے مشہور زمانہ پروگرام ’اسٹوڈیو نمبر 9‘ کے لیے صوتی کھیل لکھے۔ ڈراما نگاری کے حوالے سے ان کی زندگی میں ڈرامائی موڑ تب آیا جب 1969ء میں پاکستان ٹیلی وژن کراچی مرکز سے انہیں ایک ڈراما لکھنے کی پیشکش کی گئی۔ معروف شاعر افتخار عارف اسکرپٹنگ کے شعبے کے سربراہ تھے، انہوں نے حسینہ آپا کو راغب کیا کہ وہ ڈراما نگاری کریں۔ انہوں نے اس وقت عید کے لیے ایک خصوصی کھیل ’عید کا جوڑا‘ لکھا جس کے مرکزی کرداروں میں نیلوفر علیم اور طلعت حسین تھے جبکہ معاون کرداروں میں عشرت ہاشمی اور خالد نظامی تھے۔ یہ ڈراما بہت پسند کیا گیا۔

انہوں نے اسی دور میں کچھ ڈرامے تھیٹر کے لیے بھی لکھے جو اسٹیج بھی ہوئے، مگر بہت جلد ان کی پوری توجہ ٹیلی وژن کے لیے ڈراما نگاری کی طرف ہوگئی۔ 1970ء کی دہائی سے لے کر اگلے 40 برس تک وہ ٹیلی وژن کے لیے ڈراما نگاری کرتی رہیں اور بے پناہ شہرت سمیٹی۔ ان کی پہلی ڈراما سیریل ’شہزوری‘ تھی جس کو انہوں نے مرزا عظیم بیگ چغتائی کے ناول سے ماخوذ کیا تھا۔ اس ڈراما سیریل نے شہرت کے تمام ریکارڈ توڑ ڈالے۔ اس کے بعد حسینہ معین پاکستان میں ایک مقبول ڈراما نگار بن چکی تھیں۔

حسینہ معین کا شمار ایسے قلم کاروں میں ہوتا تھا، جن کی وجہ شہرت کتاب نہیں بلکہ ریڈیو اور ٹیلی وژن کا میڈیم رہا۔ انہوں نے پاکستان میں ادبی رجحان کی ایک نئی جہت کو متعارف کروایا۔ وہ جہت ٹیلی وژن کے لیے ’اصل اسکرپٹ‘ تخلیق کرنا تھا۔

ماضی میں ریڈیو پاکستان کی حد تک تو اسکرپٹ کا عمل دخل تھا، مگر پاکستان ٹیلی وژن شروع ہوا تو ابتدائی طور پر جتنے ڈرامے بنائے گئے ان کی بنیاد پاکستانی ناول نگاروں کے لکھے ہوئے ناول ہوتے تھے۔ ان ناولوں سے کہانیاں ماخوذ کرکے انہیں ڈرامائی تشکیل دی جاتی تھی۔ پہلی مرتبہ حسینہ معین نے کسی کہانی کو ماخوذ کیے بنا، ٹی وی کی ضرورت کے مطابق، اسکرین کے پہلوؤں کو مدنظر رکھتے ہوئے اوریجنل اسکرپٹ لکھا اور اس پر کامیاب ڈراما بنا، اس ڈرامے کا نام ’کرن کہانی‘ تھا۔ پاکستانی ٹیلی وژن کے لیے یہ ان کا دوسرا ڈراما تھا۔

اس کے بعد سے حسینہ معین نے بے شمار کہانیاں تخلیق کیں، اور وہ سب اسکرپٹس کی شکل میں تخلیق ہوئیں۔ کبھی ان اسکرپٹ کردہ کہانیوں کے ذریعے اسٹیج پر کھیل پیش کیے گئے، تو کبھی ان کو ریڈیو اور کبھی فلم کے پردے پر نشر کیا گیا۔ انہوں نے تھیٹر، ریڈیو اور پھر ٹیلی وژن کے لیے بے شمار ڈرامے لکھے، صرف یہی نہیں بلکہ ٹیلی وژن کے لیے ٹیلی فلمیں بھی لکھیں۔ مختلف مواقع پر خصوصی طور پر لکھے گئے ڈراموں کی روداد الگ ہے۔ 40، 50 سال پر محیط ان کی پیشہ ورانہ زندگی، ان کے لکھے گئے ڈراموں، طویل دورانیے کے کھیلوں، ٹیلی فلموں اور فیچر فلموں کی تفصیل کچھ یوں ہے۔

ڈراما سیریل کی فہرست
حسینہ معین کے لکھے گئے ڈراموں میں ’شہزوری’، ’کرن کہانی’، ’انکل عرفی’، ’زیر زبر پیش’، ’پرچھائیاں’، ’ان کہی’، ’تنہائیاں’، ’دھوپ کنارے’، ’رومی’، ’بندش’، ’دُھند’، ’بالائے جان’، ’آہٹ’، ’پڑوسی’، ’کسک’، ’تان سین’، ’قہار’، ’جانے انجانے’، ’پل دو پل’، ’دیس پردیس’، ’آنسو’، ’دی کیسل’، ’ایک امید’، ’شاید کہ بہار آئے’، ’تیرے آجانے سے’، ’میرے درد کو جو زباں ملی’، ’تم سے مل کر’، ’اک نئے موڑ پر’، ’کیسا یہ جنون، آئینہ’، ’چھوٹی سی کہانی’، ’کشمکش’، ’تنہا’، ’سارے موسم اپنے ہیں’، ’تنہائیاں نئے سلسلے’، ’میری بہن مایا’، ’انجانے نگر’ اور ’محبت ہوگئی تم سے’ شامل ہیں۔

حسینہ معین 26 مارچ 2021ء کو 79 سال کی عمر میں کراچی میں حرکت قلب بند ہونے سے وفات پاگئیں۔ حسینہ معین کو ان کی وفات سے پہلے، 22 مارچ 2021ء کو کورونا وائرس ویکسین کی پہلی خوراک دی گئی تھی۔

پاک فوج ملکی سلامتی کی ضامن۔ شہدا کی قربانیوں پر فخر
پاکستانی طلبا و طالبات نے 14 ممکنہ نئے سیارچے دریافت کرلیے
ہمت ہے تو کھرا سچ کا جواب دو، پروپیگنڈہ مبشر لقمان کو سچ بولنے سے نہیں روک سکتا