Category: لاہور

لاہور: زمان پارک میں پی ٹی آئی چیئرمین عمران خان اور وزیراعلیٰ پنجاب چوہدری پرویز الہی کی ملاقات ہوئی ۔

باغی ٹی وی : پنجاب میں ایک نیا بحران آنے کو تیار۔بے اختیار پنجاب حکومت کے وزیراعلی نے استعفے کی دھمکی دے دی۔ عمران خان پرویز الہی کا منہ دیکھتے رہے عمران خان اور وزیر اعلی پنجاب میں اختلافات شدت اختیار کر گئے۔

پرویز الہی نے عمران خان کو استعفے کی دھمکی دے دی۔ ایک روز میں دو بار پرویز الہی عمران خان سے ملاقات کے لئے زمان پارک گئے تا ہم ملاقاتوں کا کوئی حتمی نتیجہ نہ نکل سکا جس کے بعد پرویز الہی نے عمران خان کو دھمکی دیتے ہوئے کہا کہ میں نے عہدے سے استعفئ دے دینا ہے

زمان پارک میں پی ٹی آئی چیئرمین عمران خان اور وزیراعلیٰ پنجاب چوہدری پرویز الہی کی ملاقات ہوئی دونوں رہنماؤں کی ملاقات کے دوران لانگ مارچ کے اگلے مرحلے اور وزیر آباد حملے کی ایف آئی آر کے حوالے سے گفتگو کی گئی-

سی سی پی او لاہورنے اپنی معطلی لاہور ہائیکورٹ میں چیلنج کر دی

ذرائع کے مطابق دوران ملاقات چوہدری پرویز الہٰی نے چئیر مین پی ٹی آئی کو کہا کہ فوجی افسران کے نام ایف آئی آر میں شامل کروائے تو وزارت اعلیٰ سے استعفی دے دوں گا پرویز الہی کی اس بات پر تحریک انصاف کے رہنما پرویز الہی کا منہ دیکھتے رہ گئے ۔

زمان پارک میں ہونے والی ملاقات میں مونس الہی اورحسین الٰہی بھی شریک ہوئے۔جبکہ ملاقات میں پی ٹی آئی کے فواد چوہدری ، عمر سرفراز چیمہ ایڈووکیٹ جنرل پنجاب احمد اویس وکیل حسان نیازی اور دیگر رہنما بھی شریک ہوئے۔

دوسری جانب چوہدری پرویزالہٰی کے صاحبزادے اور ق لیگ کے رہنما مونس الہٰی کا کہنا ہے کہ پولیس کو پولیس کی مدعیت میں عمران خان پرقاتلانہ حملے کی اپنی مرضی کی ایف آئی آر درج کرنے سے روکا ہے۔

واضح رہے کہ عمران خان پر مبینہ حملے کو تین روز گزر چکے ابھی تک مقدمہ درج نہیں ہو سکا۔ سپریم کورٹ نے آج 24 گھنٹوں میں مقدمہ درج کرنے کا حکم دیا ہے ۔ آئی جی پنجاب نے عدالت میں کہا تھا کہ پنجاب حکومت نے مقدمہ درج کرنے سے روکا ہے-

پی ٹی آئی احتجاج، راستہ نہ ملنے پر شہری کی کھمبے پر چڑھ کر خود کشی کی کوشش

لاہور: پاکستان تحریک انصاف کے رہنما شاہ محمود قریشی کا کہنا ہے کہ اب ہم لانگ مارچ جمعرات سے شروع کریں گے-

باغی ٹی وی : لاہور میں میڈیا سے گفتگو کرتے ہوئے شاہ محمود قریشی نے کہا کہ لانگ مارچ جمعرات دوپہر 2 بجےسے شروع ہو گا عمران خان پر حملے کے 72 گھنٹے گزرنے کے باوجود ایف آئی آر درج نہیں ہو سکی چیئرمین پاکستان تحریک انصاف (پی ٹی آئی) عمران خان نے لانگ مارچ ایک دن آگے بڑھا دیا اس صورتحال پر ہماری پارٹی نے مشاورت کی ہے،ہماری اولین ترجیح ایف آئی آر درج کروانا ہے۔

قبل ازیں لاہور میں میڈیا سےگفتگو کرتے ہوئے عمران خان کا کہنا تھا کہ لانگ مارچ منگل کے بجائے بدھ سے شروع ہوگا،لانگ مارچ ہر صورت منزل حاصل کرےگا، الیکشن کی تاریخ لےکر ہی واپس آئیں گے، پوری قوم تیار بیٹھی ہے۔

عمران خان کا کہنا تھا کہ لانگ مارچ کی قیادت اسد عمر، شاہ محمود قریشی اور پرویز خٹک کریں گے، آصف زرداری اور نواز شریف سےکبھی سمجھوتا نہیں ہوسکتا پاک فوج ہماری ہے اور اس کے خلاف جانا ممکن نہیں، سرحدوں پرکھڑے فوجی ان کے بچوں کی طرح ہیں۔

پی ٹی آئی احتجاج، مری روڈ پر متعدد ایمبولینسز پھنس کر رہ گئیں مریضوں کو اسپتال پہنچانے میں مشکلات

انہوں نے کہا کہ آرمی چیف کی تقرری میرا ایشو نہیں ہے، نواز شریف اور آصف زرداری سے کبھی سمجھوتہ نہیں ہو سکتا۔

واضح رہے کہ سابق وزیراعظم عمران خان نے گزشتہ روز اعلان کیا تھا کہ لانگ مارچ دوبارہ منگل کو اسی جگہ وزیرآباد سے شروع ہو گا جہاں پر فائرنگ ہوئی تھی۔

سی سی پی او لاہور غلام محمود ڈوگر نے اپنی معطلی لاہور ہائیکورٹ میں چیلنج کر دی۔

باغی ٹی وی : سی سی پی او لاہور کی جانب سے دائر درخواست میں وفاقی حکومت، سیکرٹری اسٹیبلشمنٹ اور پنجاب حکومت کو فریق بنایا گیا ہے –

توہین عدالت کیس؛ سپریم کورٹ نے عمران خان کو تفصیلی جواب کیلئے مزید وقت دے دیا

درخواست میں کہا گیا ہے کہ وفاقی حکومت نے 27 اکتوبر کو 3 روز میں عہدے کا چارج چھوڑنےکانوٹیفکیشن جاری کیا، وفاقی حکومت 2 وفاقی وزرا کے خلاف دہشتگردی کے مقدمات درج کرنے پر انتقام کا نشانہ بنا رہی ہے، دونوں وفاقی وزرا کے خلاف مقدمہ تھانہ گرین ٹاؤن میں درج کیا گیا۔

غلام محمود ڈوگر نے اپنی درخواست میں کہا کہ وفاق نے آئین اور قانون کے برعکس معطل کیا ہےاس سےقبل بھی وفاقی حکومت کی جانب سےنوٹسسزبھیجیےگئے۔ پولیس آرڈر 2002ء کے تحت وفاق کے پاس اختیار نہیں ہے۔

کراچی؛ فلیٹ میں پراسرار آتشزدگی سے نوبیاہتا جوڑا جھلس کر زخمی ہوگیا

غلام محمود ڈوگر نے اپنی درخواست میں کہا کہ وزیراعلیٰ پنجاب کو سی سی پی اوکےتقرر و تبادلوں کااختیار ہےوفاقی حکومت نے صوبائی خود مختاری میں مداخلت کی، معطلی کا نوٹیفکیشن جاری کرنے سےقبل اظہار وجوہ کا نوٹس بھی نہیں دیا گیاجبکہ پنجاب حکومت نے عہدے کا چارج نہ چھوڑنےکی ہدایت کی ہے وفاق کے عہدے سے معطلی اور ٹرانسفر کے نوٹیفکیشن غیر قانونی قرار دیکر کالعدم کیے جائیں۔

غلام محمود ڈوگر کی جانب سے عدالت سے یہ استدعا بھی کی گئی ہے کہ درخواست کے حتمی فیصلے تک تبادلے اور معطلی کے نوٹیفکیشنز پر عملدرآمد روکا جائے۔

واضح رہے کہ وفاقی حکومت نے سی سی پی او لاہور غلام محمد ڈوگر کو معطل کر دیا تھا ترجمان پنجاب حکومت نے وفاق کے فیصلے پر ردعمل دیتے ہوئے کہا تھا کہ سی سی پی او لاہور بہتر انداز میں اپنے فرائض انجام دے رہے ہیں اور ہم وفاقی حکومت کے احکامات کو نہیں مانتے۔

عمران خان پر مبینہ قاتلانہ حملہ: ایک اور ملزم کو حراست میں لے لیا گیا

لاہور: سکھ مذہب کے بانی باباگورونانک کا 553 واں جنم دن منانے کے لیے کے 2418 سکھ یاتری پاکستان پہنچے ہیں ،بھارتی حکومت نے اس بار بھی سکھ یاتریوں کو ٹرین سروس فراہم نہیں کی جس کی وجہ سے دہلی اور ہریانہ سمیت بھارت کے دیگر شہروں سے آنیوالے یاتریوں کو بھاری سفری اخراجات ادا کرنا پڑے ہیں۔ بھارتی سکھ یاتری پیدل واہگہ بارڈر پہنچے جہاں ان کا پرتپاک استقبال کیا گیا۔

پاکستانی ہائی کمیشن نیو دہلی نے 2942 بھارتی شہریوں مو ویزے جاری کیے تھے تاہم بھارت سے صرف 2418 یاتری پاکستان پہنچے، متروکہ وقف املاک بورڈ کے ایڈیشنل سیکرٹری شرائنز رانا شاہد سلیم، پاکستان سکھ گوردوارہ پر بندھک کمیٹی کے صدر سردار امیر سنگھ،سردار بشن سنگھ ودیگر سکھ رہنماؤں نے استقبال کیا۔

بھارتی سکھ یاتریوں کوجوائنٹ چیک پوسٹ واہگہ پر امیگریشن اورکسٹم کلیئرنس کے بعد سپیشل یاترا کے کارڈ اور مختلف گورودواروں میں رہائش کے لیے کمرے الاٹ کیے گئے۔ جے سی پی سے مہمانوں کو واہگہ ریلوے اسٹیشن پہنچایا گیا جہاں سے تین اسپیشل ٹرینوں کے ذریعے بھارتی مہمان ننکانہ صاحب روانہ ہوئے۔

سکھ مذہب کے روحانی پیشوا کے 553ویں جنم دن کی مناسبت سے 8 نومبر کو مرکزی تقریب ہوگی۔

واہگہ بارڈر پر میڈیا سے بات کرتے ہوئے ایڈیشنل سیکرٹری شرائنز رانا شاہد نے کہا پاکستان سکھوں کا دوسرا گھر ہے، یہ ان کے لیے ایک مقدس دھرتی ہے، سکھ یاتری یہاں کسی اورمقصد کے لیے نہیں بلکہ صرف اپنے گوروؤں کی دھرتی پرماتھا ٹیکنے آتے ہیں۔ سکھ یاتریوں کے قیام وطعام کے لیے بہترین انتظامات کیے ہیں۔

سردارامیر سنگھ نے کہا وہ دہلی، امرتسر،ہریانہ سمیت مختلف شہروں سے آنیوالے یاتریوں کو خوش آمدید کہتے ہیں۔ انہوں نے کہا کہ پاکستان نے بھارتی سکھ یاتریوں کے لیے سپیشل ٹرین سروس فراہم کی ہے لیکن یہ بات افسوس ناک ہے کہ بھارت اپنے ہی شہریوں کو سہولت نہیں دیتا۔ پاکستان کے دروازے دنیا بھر کے سکھوں کے لیے ہر وقت کھلے ہیں۔

بھارت سے آنیوالے یاتریوں کا کہنا تھا انہیں یہاں جو پیارمحبت اور خلوص ملا ہے اس پر وہ پاکستانیوں کے شکر گزار ہیں۔مذہبی یاترا کو فروغ دیکر دونوں ملکوں کے تعلقات میں بہتری اور خطے میں امن لایا جاسکتا ہے۔ یاتریوں میں خواتین اور بچے بھی شامل ہیں۔ مذہبی یاترامکمل کرکے بھارتی مہمان 15 نومبرکو واپس لوٹ جائیں گے۔

ملتان:تحریک انصاف کے چیف وہپ عامر ڈوگر کی آڈیو لیک ہوکرسامنے آگئی ہے ، تحریک انصاف کے چیف وہپ عامر ڈوگراس آڈیوپیغام میں پی ٹی آئی ایم این ایز کو قیادت کے احکامات دے رہے

تفصیلات کے مطابق پاکستان تحریک انصاف کے چیف وہپ عامر ڈوگرکی لیک ہونے والی آڈیو میں جوہدایات عامر ڈوگر دے رہے ہیں ان کے مطابق وہ پی ٹی آئی کے تمام ایم این ایز کو پیغام دیتے ہیں کہ وہ اپنے اپنے علاقوں میں تین دن احتجاج کریں گے

عامر ڈوگراس آڈیو پیغام میں یہ بھی کہہ رہے ہیں کہ تین دن احتجاج کے ساتھ ساتھ روڈ بلاک کریں،عامر ڈوگر کی طرف سے یہ بھی کہا جاتا ہے کہ آپ سب کے لیے سختی سے ہدایات ہیں ایم این ایز کو جو جو مقام الاٹ ہوا،عامر ڈوگر کی طرف سے پی ٹی آئی کے رہنماوں کو پیغام دیا گیا ہے کہ جہاں موجود ہوں وہاں سے اپنی ویڈیوز بھیجیں۔

ادھر اس حوالے سے یہ بھی معلوم ہوا ہے کہ پاکستان تحریک انصاف کے چیف وہپ عامر ڈوگر کا یہ آڈیو پیغام یہ آڈیو لیک ظاہر کرتی ہےکہ عمران خان پر حملے کے وقت ہونے والے فائرنگ واقعہ کے بعد کا جلاؤ گھیراؤ منظم اور منصوبہ بندی کے تحت کیا گیا

یہ بھی کہا جارہا ہے کہ پاکستان تحریک انصاف اور ان کی پراپیگنڈہ مشینری نے اس احتجاج کو شدید عوامی ری ایکشن بنا کر پیش کیا

یہ بھی کہا جارہا ہے کہ عامرڈوگر کی اس آڈیو لیک نے عوامی ری ایکشن کا بھرم کھول کر رکھ دیا،

لندن:عمران خان پرحملے کےبعد سابقہ اہلیہ جمائما نےبرطانوی پولیس سےسیکورٹی مانگ لی ،اطلاعات کے مطابق سابق وزیراعظم عمران خان کی سابقہ اہلیہ جمائما خان نے پاکستان میں عمران خان پر ہونے والےحملے کےبعد اپنی سیکورٹی کےاسکاٹ لینڈ یارڈ کو خط لکھ دیا ہے

اس حوالے سے ڈیلی میل نے انکشاف کیا ہے کہ مظاہرین ان کے گھرکے سامنے نہ صرف احتجاج کررہے تھے بلکہ اس کے گھر میں گھسنے کی کوشش ہی نہیں کررہے تھے بلکہ اس کے بیڈ روم میں گھسنے کا دھمکیاں بھی دے رہے تھے ، جمائما خان کا کہنا تھا کہ اس دوران اسکاٹ لینڈ یارڈ کو چاہیے تھا کہ وہ ان کے خلاف ایکشن لیتے لیکن پولیس نے اس معاملے کو نظرانداز کردیا

یاد رہے کہ جنوبی مغربی لندن میں رچمنڈ پارک کے قریب جمائما خان کے بچپن کے گھر اورملی لاج کے باہر درجنوں مشتعل مظاہرین باقاعدگی سے اپنے سابق شوہر عمران خان کے خلاف احتجاج میں جمع ہوتے ہیں۔

دی میل آن سنڈے سے بات کرتے ہوئے جمائما خان نے انکشاف کیا کہ پچھلے آٹھ مہینوں کے دوران متعدد بار ہونے والے مظاہروں میں انہیں اور ان کے بچوں کے خلاف دی جانے والی پریشان کن دھمکیاں بھی شامل ہیں۔

میٹرو پولیٹن پولیس سے براہ راست اپیل میں 48 سالہ جمائما خان نے گزشتہ ہفتے پاکستان میں اپنے سابق شوہر کو قتل کرنے کی ناکام کوشش کے بعد اپنے خاندان کی حفاظت کے لیے مزید اقدامات کرنے کی اپیل کی۔

ڈیلی میل نے لکھا ہے کہ 70 سالہ سابق کرکٹ اسٹار اور پاکستان کے وزیر اعظم، کو جمعرات کو صوبہ پنجاب میں ایک ریلی کے دوران ایک بندوق بردار کی فائرنگ کے بعد اوپری ران اور نچلی ٹانگ میں گولی لگی۔

ڈیلی میل نے لکھا ہے کہ سن 2004 میں جوڑے کی طلاق کے باوجود جمائما خان اور ان کا خاندان لندن میں عمران خان کے سیاسی حریف نواز شریف کے حامیوں کے ناراض مظاہروں کا مرکز بن گئے ہیں۔اس پیغام میں خان کے دو بیٹوں، سلیمان اور قاسم، دونوں کی 20 سال کی عمر میں، اور خاندان کے ایک اور فرد کی سرخ کراس کے ساتھ ایک خوفناک تصویر شامل تھی۔

لاہور:وزیر آباد واقعہ پر عمران خان کے الزامات، جواب اور پھر الزامات کا سلسلہ جاری ہے اور فائرنگ کے واقعے کے بعد سےیہ کھیل جاری ہے۔ کسی بھی قسم کا کوئی ثبوت فراہم نہیں کیا گیا ہے۔

ماہرین کا کہنا ہے کہ ایسے الزامات کی کوئی حقیقت اور حیثیت نہیں ،قانون کو شواہد پر کام کرنا ہے نہ کہ کسی شخص کی خواہش پر جس کا مقصد صرف اداروں کو بلیک میلنگ کے لیے نشانہ بنانا ہے۔ فوج نے بہت واضح طور پر کہا ہے کہ فضول الزامات کے بجائے ثبوت دیں۔

اکاؤنٹ میں کروڑوں روپے آنے پر کراچی پولیس کا افسر اور سپاہی پریشان

یہ بھی واضح ہوگیا کہ فوج نے صاف کہہ دیا ہے کہ عمران خان دانت پیس کر جھوٹ بول رہے ہیں۔ فوج صرف کارروائی کرتی ہے اور وہ کارروائی کرتی ہے جب اس کے کچھ افسران یا سپاہی مجرم پائے جاتے ہیں کیونکہ قانون یہ بھی کہتا ہے کہ ہر فرد بے قصور ہے جب تک کہ مجرم ثابت نہ ہو۔

ان حالات کے تناظرمیں عمران خان کو سب سے آسان چیز جو کرنے کی ضرورت ہے وہ ثبوت فراہم کرنا ہے اگر ان کے پاس میڈیا کے پروپیگنڈے پر بھروسہ نہیں ہے جو وہ مسلسل استعمال کر رہے ہیں۔ جیسا کہ عمران خان نے بتایا اس میں مذکورہ افسر کا کوئی دخل نہیں ہے۔

ارشاد بھٹی نے عمران خان کے دعوے کوجھوٹ قراردیا

بس وہ سودے بازی کے طور پر استعمال کرنا چاہتا ہے۔ چونکہ وزیراعظم کی جانب سے فل کورٹ کی درخواست کی گئی ہے لہٰذا عمران خان کو چاہیے کہ وہ ثبوت پیش کرے۔ اور اگر وہ ایسا کرنے میں ناکام رہے تو اس کے خلاف افراد کو بدنام کرنے پر کارروائی کی جائے۔

دیکھاپھرقدرت کانظام:قومی ٹیم کےسیمی فائنل میں پہنچنےکےبعدرمیزراجہ نےقرآنی آیت…

دوسری طرف یہ بھی کہا جارہا ہے کہ ایسے الزامات اچھے نہیں ہیں ، عمران خان کی اپنی پنجاب میں حکومت ہے اور وہ اب بھی اگرشکوہ کریں تو پھر اچھی بات نہیں ، وہ اب سپریم کورٹ پر نظریں جمائے ہوئے ہیں ، یہ بھی بات صاف ظاہر ہے کہ 35 پنکچر کا الزام لگانے والا اب سائفر کا بھی جواب نہیں دے پائے گا اورپھرجوالزامات عائد کیے گئے ہیں ان کا بھی اس کے پاس جواب نہیں ہیں

دوسری طرف یہ بھی کہا جارہا ہے کہ عمران خان کے الزامات کے حقائق تک پہنچے بغیر اب پاکستان آگے نہیں چل سکتا، یہ کہ خان کی نئی پریس کانفرنس بھی ڈھاک کے وہی تین پات

وزیر آباد سانحے سے جڑے واقعات نے اہم سوالات کو جنم دیا، جواب اور ثبوت کیوں نہیں دیا جا رہا، یہ بھی کہا جاتا ہے کہ ادارے صاف اور سیدھی ثبوت دینے کی بات کر رہے لیکن عمران خان ثبوت اور حقائق پیش کرنے کی بجائے جواب میں پھر صرف الزامات ہی لگا رہے ہیں

ادھر یہ بھی کہا جارہا ہے کہ اپنی ہی پنجاب حکومت ہے لیکن اس کے باوجود آئی جی پنجاب پر الزامات سے کیا مسئلہ حل ہو گا؟

ادھر یہ بھی کہاجاتا ہے کہ عمران خان تو کہتے، بے اختیار اقتدار کبھی نہیں لوں گا، یہ بھی کہا جاتا ہے کہ اگر پنجاب میں ان کا اختیار نہیں، تو پنجاب حکومت سے الگ کیوں نہیں ہو جاتے

ماہرین کا کہنا ہے کہ یہ واقعاتی شہادتیں سارے الزامات کو مسترد کر رہی ہیں ، دوسری طرف عمران خان ثبوت سے کیوں گریزاں ہیں‌

کچھ اہم سوالات باقی ہیں کہ اہم قومی لیڈر کے زخمی ہونے پر قریب ترین ہسپتال کیوں نہیں لے جایا گیا؟تین گھنٹے دور کینسر کے ہسپتال لے جانے کے پیچھے کیا مصلحت ہے؟

یعنی واقعے کے فورا بعد یہ کنفرم تھا کہ کوئی ایمرجنسی درپیش نہیں؟خان نے جناح ہسپتال اور شوکت خانم ہسپتال کی میڈیکل رپورٹوں کے تضادات کا جواب کیوں نہیں دیا؟

الزامات کے ذریعے ادارے کے افسر کو ٹارگٹ کرنے کی بجائے ثبوت کیوں نہیں دیئے جا رہے؟سامنے آنے والے مصدقہ تضادات سے یہ تاثر کیوں مل رہا کہ جان بوجھ کو حقائق مسخ کیے جا رہے؟وزیراعظم کے سپریم کورٹ کے فل کورٹ سے تحقیقات کی درخواست کے علاوہ آگے جانے کا راستہ کیا ہے؟

جب واضح ہو چکا کہ تنازعے کا حل اب صرف اور صرف سپریم کورٹ سے نکل سکتا تو لانگ مارچ پر بدستور اصرار کیوں؟

ایسے کیا اہداف کہ آرمی چیف کی تقرری کے لیے دباؤ اور انتشار کی بلیک میلنگ سے ہی حاصل ہونے؟کیا وجہ آج تک پینتیس پنکچر سے لے کر سائفر تک کسی بھی الزام کا ثبوت نہیں دیا؟سچ یہ ہے کہ صرف الزامات کی سیاست نے ملک کو آج سنگین دوراہے پر لا کھڑا کیا

اب اعلی عدلیہ کو بھی باقی اداروں کی طرح تنازعہ حل نہ کرنے دیا گیا تو پھر کیا ہو گا؟