Baaghi TV

Category: لاہور

  • لکھوڈیر میں زیادتی کے بعد بچی قتل، وزیراعلیٰ نے آئی جی اور سی سی پی او لاہور کو طلب کرلیا

    لکھوڈیر میں زیادتی کے بعد بچی قتل، وزیراعلیٰ نے آئی جی اور سی سی پی او لاہور کو طلب کرلیا

    وزیراعلیٰ پنجاب چودھری پرویز الٰہی نے شریف پورہ لکھوڈیر میں زیادتی کے بعد بچی ماریہ کے قتل کے واقعہ پر پیشرفت کا جائزہ لینے کیلئے وزیراعلیٰ آفس میں انسپکٹر جنرل پولیس اور سی سی پی او لاہور کو طلب کیا۔

    وزیراعلیٰ چودھری پرویزالٰہی نے کیس کی تفتیش میں سست روی پربرہمی کااظہار کرتے ہوئے کہا کہ معصوم بچی کے قتل کا انتہائی بربریت کا واقعہ ہے۔وزیراعلیٰ نے ہدایت کی کہ کیس کی تفتیش کو 3 روز کے اندر مکمل کیا جائے اور سائنسی بنیادوں پر تفتیش کو آگے بڑھایا جائے۔

    وزیراعلیٰ نے ایڈووکیٹ جنرل کو ہدایت کی کہ تفتیش مکمل ہونے کے بعد کیس کا چالان جلد عدالت میں پیش کیا جائے۔ وزیراعلیٰ چودھری پرویز الٰہی نے کہا کہ متاثرہ خاندان کو انصاف کی فراہمی کے لئے آخری حد تک جاوں گا۔ درندگی کا مظاہرہ کرنے والے ملزمان قرار واقعی سزا سے نہیں بچ پائیں گے۔معصوم بچی کے لواحقین کو انصاف کی فراہمی کو ہر صورت یقینی بنایا جائے گا۔

    وزیراعلیٰ چودھری پرویزالٰہی نے بغیر سکیورٹی اوربغیر لائف گارڈز کے سوئمنگ پولز کو بند کرنے کا حکم دیتے ہوئے کہا کہ بغیر سکیورٹی اوربغیر لائف گارڈز کے سوئمنگ پولز کے خلاف بلاامتیاز قانونی کارروائی کی جائے۔ وزیراعلیٰ نے کہا کہ اس کیس پر ہونے والی پیشرفت کا خود جائزہ لوں گا اور انصاف نہ صرف ہو گا بلکہ ہوتا ہو نظر بھی آئے گا۔

    سی سی پی او لاہو رنے بریفنگ کے دوران بتایا کہ سوئمنگ پول کے مالک سمیت 11 ملزمان کو گرفتار کر لیا ہے اور ملزمان سے تفتیش جاری ہے۔ سابق وفاقی وزیر مونس الٰہی، پرنسپل سیکرٹری محمد خان بھٹی اور ایڈیشنل چیف سیکرٹری داخلہ بھی اس موقع پر موجود تھے۔

  • ملک میں ایل پی جی کے بحران :حکومت نے ایکشن نہ لیا تو ایل پی جی نایاب ہو جائے گی

    ملک میں ایل پی جی کے بحران :حکومت نے ایکشن نہ لیا تو ایل پی جی نایاب ہو جائے گی

    لاہور:ایل پی جی ایسوسی ایشن نے ایل پی جی کی قیمتوں میں اضافے کے خلاف ہڑتال کی کال دے دی۔چیئرمین عرفان کھوکھرنے کہا ہے کہ اگرحکومت نے ایکشن نہیں لیا تو ایل پی جی نایاب ہو جائے گی۔

    چیئرمین ایل پی جی ایسویسی ایشن عرفان کھوکھرنےبتایا کہ ملک بھر میں ایل پی جی کی بلیک مارکیٹنگ نے تمام ریکارڈ توڑدئیے،قیمت کنٹرول نہ کی گئی تو 10 ستمبر کو ملک گیر ہڑتال کریں گے۔

    عرفان کھوکھرکا کہنا تھا کہ تمام چیف سیکرٹری بے بس ہیں اورایل پی جی مافیا جیت گیا ہے، اگر حکومت نے ایکشن نہ لیا تو ایل پی جی نایاب ہو جائے گی۔

    انہوں نے کہا کہ سیلاب زدہ علاقوں میں گیس کی قیمت 400 روپے کلو وصول کی جا رہی ہے۔ اوگرا نے ستمبر میں 212 روپے قیمت مقرر کی جبکہ مارکیٹ میں 300 سے360 روپے میں فروخت ہورہی ہے۔ گھریلو سیلنڈر کی قیمت 2ہزار 496 روپے مقرر ہے جبکہ مارکیٹ میں 3 ہزار500 میں فروخت جاری ہے۔

    دوسری جانب ترجمان اوگرا کا کہنا تھا کہ صوبائی ضلعی انتظامیہ کو ایل پی جی قیمتوں پر نظررکھنے کی ہدایات کردیں۔ یکم ستمبر2022 سے پروڈیوسرز کے لیے گیارہ اعشاریہ آٹھ کلو سلنڈر کی قیمت 2 ہزار13 روپے مقرر ہے۔

    عام صارف کے لیے یہ قیمت 2ہزار496 روپے مقرر کی گئی ہے۔ ضلعی انتظامیہ منافع خوروں کے خلاف قانون کے مطابق ایکشن کرے۔

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • سری لنکا سےشکست ہوئی توبھارتی ٹیم ایشیا کپ سے باہر ہوگی:انضمام الحق

    سری لنکا سےشکست ہوئی توبھارتی ٹیم ایشیا کپ سے باہر ہوگی:انضمام الحق

    لاہور:قومی کرکٹ ٹیم کے سابق کپتان انضمام الحق نے کہا ہے کہ دفاعی چمپیئن بھارتی ٹیم شدید دباؤ کا شکار ہے اور سری لنکا سے شکست کی صورت میں ایشیا کپ 2022 سے باہر ہو جائے گی۔

    سابق کپتان انضمام الحق کا کہنا تھا کہ گزشتہ معدد مقابلوں میں بھارتی کرکٹ ٹیم کے کپتان روہت شرما دباؤ کا شکار نظر آ رہے ہیں اور کپتان کی باڈی لینگویج ٹیم کے دیگر کھلاڑیوں پر اثرانداز ہوتی ہے۔

    انضمام الحق نے کہا کہ سری لنکا سے میچ کے حوالے سے بھارتی ٹیم کافی دباؤ کا شکار ہے کیونکہ اگر وہ سری لنکا سے کامیاب نہیں ہوتے تو ٹورنامنٹ سے باہر ہو جائیں گے۔

    ان کا مزید کہنا تھا کہ بھارتی ٹیم ایک یونٹ کے طور پر بہت اچھا کھیل رہی تھی اور کوئی بڑا اسٹار نہ ہونے کے باوجود بھی شان دار کارکردگی دکھا رہی تھی۔سابق کپتان نے کہا کہ میچ میں پورا دباؤ بھارت پر ہوگا اور یہ ممکن ہے کہ بھارت ایشیا کپ سے باہر ہو جائے۔

    قبل ازیں 4 ستمبر کو سری لنکا نے افغانستان کی ٹیم کو 4 وکٹوں سے شکست دی تھی جبکہ سپر فور مرحلے کے پہلے میچ میں بھارت کو روایتی حریف پاکستان سے شکست ہوئی تھی۔دبئی میں آج رات بھارت کے روہت شرما کے خلاف ایک اور جیت سری لنکا کو ٹائٹل کے قریب لے جائے گی۔

    بھارت 2018 میں جیتے ہوئے اپنے ایشیا کپ ٹائٹل کا دفاع کررہا ہے جہاں گزشتہ ٹورنامنٹ تک ایشیا کپ 50 اوور کے فارمیٹ میں ہوتا تھا جبکہ بھارت نے آخری مرتبہ کوئی آئی سی سی ٹائٹل 2013 میں جیتا تھا جب وہ چیمپئنز ٹرافی اپنے نام کرنے میں کامیاب ہوا تھا۔

    رواں سال ایشیا کپ اس لیے بھی خاص اہمیت کا حامل ہے کہ آسٹریلیا میں ٹی20 ورلڈ کپ اکتوبر اور نومبر میں ہوگا۔

    پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

    وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

    باغی ٹی وی بلوچستان کے سیلاب متاثرین کی آواز بن گیا ہے.

  • ایشیا کپ: سپرفور مرحلے میں سری لنکا نے بھارت پر ’لنکا‘ ڈھا دی:بھارت ایشیا کپ سے باہر

    ایشیا کپ: سپرفور مرحلے میں سری لنکا نے بھارت پر ’لنکا‘ ڈھا دی:بھارت ایشیا کپ سے باہر

    دبئی : ٹی 20 ایشیا کپ کے سپر فور مرحلے کے دوران سری لنکا نے بھارت پر ’لنکا‘ ڈھا دی، جس کے بعد روہت شرما الیون ایونٹ سے تقریباً باہرہو گئی۔

    سری لنکا نے ٹاس جیت کر پہلے بھارت کو بیٹنگ کی دعوت دی تو اننگز کا آغاز کپتان روہت شرما اور کے ایل راہول نے کیا، تاہم حریف باؤلرز نے نپی تلی باؤلنگ کرتے ہوئے بھارتی بیٹنگ کو روکے رکھا۔پہلی وکٹ 11 کے مجموعی سکور پر گری ، راہول 6 پر پویلین لوٹے۔

    ایونٹ میں مسلسل سکور کرنے والے ویرات کوہلی اس بار ناکام رہے اور صفر پر آؤٹ ہو گئے، اس دوران روہت شرما اور سوریا کمار یادیو نے سکور کو آگے بڑھایا اور وکٹ کے چاروں طرف زبردست شارٹس کھیلے۔ بھارتی کپتان نے 41 گیندوں پر 72 رنز کی جارحانہ باری کھیلی اور 110 پر کریز چھوڑ گئے، اس کے بعد کوئی بھی کھلاڑی بڑا سکور نہ بنا سکے۔

    مقررہ اوورز بھارتی ٹیم 8 وکٹوں کے نقصان پر173 رنز بنا سکی، مادھو شانکا نے 3شکار کیے۔

    ہدف کے تعاقب میں سری لنکا نے جارحانہ انداز اپنایا اور ہندوستانی باؤلرز کی ایک بھی نہ چلنے دی، 97 رنز کی اوپننگ پارٹنر شپ کا اختتام چاہل نے کیا، ناسانکا نے 52 رنز کی باری کھیلی، اسالانکا صفر پر پویلین لوٹ گئے، گوناتھیکلے بھی ایک سکور بنا کر چلتے بنے۔ مینڈس نے 57 سکور کیے۔

    لنکن ٹائیگر نے آخری اوور میں ہدف حاصل کر لیا، راجہ پاکسے 25 اور کپتان شناکا33 سکور بنا کر ناٹ آؤٹ رہے، چاہل نے تین مہرے کھسکائے۔
    اس سے پہلے دبئی انٹرنیشنل کرکٹ اسٹیڈیم میں کھیلے جارہے میچ میں سری لنکا کے کپتان داسن شانکا نے ٹاس جیت کر بھارت کو بیٹنگ کی دعوت دے دی تھی

     

     

    سری لنکن ٹیم میں کوئی تبدیلی نہیں کی گئی جبکہ بھارت نے اپنی ٹیم میں ایک تبدیلی کرتے ہوئے روی ایشون کو فائنل الیون کا حصہ بنایا ہے۔

    سری لنکا اور بھارت دونوں سپر فور مرحلے میں اپنا دوسرا میچ کھیل رہے ہیں، سری لنکن ٹیم نے پہلے میچ میں افغانستان کو شکست دی تھی جبکہ بھارتی ٹیم کو پاکستان کے ہاتھوں ہار کا سامنا کرنا پڑا تھا۔

    تاہم اگرآج سری لنکا بھارت کو شکست دینے میں کامیاب رہا تو وہ اتوار کو ہونے والے ایشیا کپ کے فائنل میں پہنچنے کیلئے مضبوط امیدوار ہوگا جبکہ بھارت کو آج شکست کی صورت میں فائنل میں پہنچنے کیلئے افغانستان کے خلاف اپنا آخری میچ کھیلنے سے پہلے ہی دوسری ٹیموں پر انحصار کرنا پڑے گا۔

    بھارتی ٹیم کی کوشش یہی رہے گی کہ وہ سری لنکا کو شکست دے کر فائنل کی دوڑ میں شامل رہے۔واضح رہے کہ سپر فور کی ٹاپ ٹو ٹیموں کے درمیان فائنل 11 ستمبر کو کھیلا جائے گا۔

  • داتا گنج بخش ؒ کے 979 ویں سالانہ عرس کی تقریبات بارے اہم اجلاس

    داتا گنج بخش ؒ کے 979 ویں سالانہ عرس کی تقریبات بارے اہم اجلاس

    سید علی بن عثمان الہجویری المعروف داتا گنج بخش ؒ کے 979 ویں سالانہ عر س مبارک کی تقریبات کو نہایت شایان شان طریقہ سے منایا جائے گا۔اس سلسلہ میں تمام محکمہ جات اپنے اپنے فرائض کو حتمی شکل دے کر محکمہ اوقاف کو رپورٹ دیں۔

    ا س امر کا اظہار وزیر اعلیٰ کے معاون خصوصی سید رفاقت علی گیلانی نے حضرت داتا گنج بخش ؒکے سالانہ غسل مبارک کے سلسلہ میں منعقدہ اہم اجلاس سے خطاب کرتے ہوئے کیا۔اس موقع پر سیکر ٹری،چیف ایڈمنسٹریٹر میا ں ابرار احمد، ڈائریکٹر جنرل اوقاف سید طاہر رضا بخاری،ایڈمنسٹریٹر داتا دربارشاہد حمید ورک، منیجران شیخ جمیل احمد،مسعود طاہر،قانون نافز کرنے والے اداروں کے افسران ودیگر متعلقہ محکموں کے افسران بھی موجود تھے۔

    معاون خصوصی سید رفاقت علی گیلانی نے مذید کہا کہ عرس کے دوران تمام متعلقہ اداروں کی کار کردگی کی مانیٹرنگ کی جائے گی۔بہترین کارکردگی کا مظاہرہ کرنے والے افسران کوتعریفی اسناد و شیلڈ دی جائیں گی۔انہوں نے کہا کہ عرس مبارک کی تقریب کے دوران تین روزہ عالمی کانفرنس کے موقع پر مسجد داتا دربار میں زائرین و شرکت کنندگان کی شرکت کو شناختی کارڈ کی فوٹو کاپی اور کورونا ویکسی نیشن سرٹیفکیٹ سے مشروط کر دیا گیا ہے۔کسی بھی قسم کی دربار کے احاطہ میں عقیدت مندوں کی طرف سے نعرہ بازی جس سے دربار کا تقدس پامال ہو کو برداشت نہیں کیا جائے گا۔

    اجلاس میں عرس مبارک کی تقریبات کے دوران سیکیورٹی و دیگر جملہ امور بارے جائزہ لیا گیا۔ تمام متعلقہ محکمے اپنی اپنی ذمہ داریوں کو قبل از وقت مکمل کریں۔کسی بھی محکمہ کی طرف سے لا پرواہی اور غفلت کو برداشت نہیں کیا جائے گا۔ سیکر ٹری اوقاف نے بتایا کہ سکیورٹی انتظامات کو بہتر بنانے کے لئے پولیس اہلکاران،قومی رضاکاران اور دیگر سکیورٹی ایجنسیوں کے ا ہلکاران فرائض انجام د ینے کے سلسلہ میں حکمت عملی تیار کی جائے گی۔ سکیورٹی کے سخت انتظاما ت کرتے ہوئے قرب و جوارا ور اطراف میں سی سی ٹی وی کیمروں کا جال بچھایا جائے گا جبکہ اس پورے عمل کی تینوں دن سیف سٹی کے ذریعے بھی باقاعدگی سے نگرانی عمل میں لائی جائے گی

    ۔انہوں نے کہا کہ پارکنگ کے لئے انتخاب عمل میں لایا جائے گا۔ لنگر اور دودھ کی سبیل کے لئے بھی دربار کے قرب و جوار میں مختلف مقامات پر پوائنٹس بنائے جائیں گے۔ سکیورٹی کی بہتری کے لئے مخصوص زائرین کو واک تھرو گیٹس سے گزارا جائے گا۔ زائرین کو کسی بھی قسم کی فوری طبی امدار کی فراہمی کے لئے میو ہسپتال، منشی ہسپتال ا ورد اتا دربار ہسپال میں انتظامات مکمل کئے جائیں گے۔انہوں نے کہا کہ لنگر اور دودھ کے معیار کی سختی سے چیکنگ کیلئے فوڈ اتھارٹی کو پابندکیا جائے گا۔

    انہوں نے کہا کہ تمام محکمہ جات کے افسران غسل مبار ک کی تقریب کے لئے اپنے اپنے فوکل پرسن کی تعیناتی اور ان کی مکمل معلومات فراہم کرنے کے پابند کر دئیے گئے ہیں تاکہ ایک معلوماتی ڈائریکٹری مکمل کر کے  آپس میں روابط بہتر بنائے جا سکیں۔انہوں نے کہا کہ دربار اور اس کے قرب و اطراف کو برقی قمقموں ،محرابوں اور دیگر سامان سے خوبصورت تزئین و آرائش کی جائے۔ انہوں نے کہا کہ اس دوران کسی بھی محکمہ کی طرف سے غفلت کو برداشت نہیں کیا جائے گ

    بلاول میرا بھائی کہنے کے باوجود مریم بلاول سے ناراض ہو گئیں،وجہ کیا؟

    ندیم بابر کو ہٹانا نہیں بلکہ عمران خان کے ساتھ جیل میں ڈالنا چاہئے، مریم اورنگزیب

    ن لیگ بڑی سیاسی جماعت لیکن بچوں کے حوالہ، دھینگا مشتی چھوڑیں اور آگے بڑھیں، وفاقی وزیر کا مشورہ

    اک زرداری سب پر بھاری،آج واقعی ایک بار پھر ثابت ہو گیا

    مبارک ہو، راہیں جدا ہو گئیں مگر کس کی؟ شیخ رشید بول پڑے

    داتا دربار سمیت اہم مقامات پر دھماکہ کرنے کی دھمکی دینے والا گرفتار

  • نور الہی عرف دیوا ، ازقلم: غنی محمود قصوری

    نور الہی عرف دیوا ، ازقلم: غنی محمود قصوری

    نور الہی عرف دیوا

    ازقلم غنی محمود قصوری

    پچھلے زمانے میں روشنی کیلئے چراغ ( اردو میں دیا،پنجابی میں دیوا کہتے ہیں) استعمال کیا جاتا تھا،جس پہ کئی مثالیں بنی ہوئی ہیں خاص کر ایک مثال بہت مشہور ہے کہ چراغ تلے اندھیرا، یعنی دوسروں کو روشنی دینا اور خود اس روشنی سے محروم رہنا-

    اس کا یہ مطلب بھی نکلتا ہے کہ بڑے بڑے دعوے کرنا اور ان دعووں سے خود بھی محروم رہنا اور دوسروں کو بھی محروم رکھنا یعنی لمبی لمبی چھوڑنا،خیر آپ کو ایک دیوے کی کہانی سناتا ہوں-

    کافی پرانی بات ہے کسی گاؤں میں ایک نور الہی نامی نوجوان رہتا تھا جو سارا دن بڑی لمبی لمبی چھوڑتا اور لوگوں کو نت نئے قصے سناتا تھا تاکہ اس کی واہ واہ اور بلے بلے ہو مگر لوگ تو سب جانتے تھے اور اس کی اسی عادت کے باعث لوگ اسے ،دیوا، کہنے لگے-

    جب بھی وہ بازار سے گزرتا لوگ اوئے دیوے،دیوا آیا جیسے جملے کسنا شروع کر دیتےنور الہی عرف دیوا اپنے بگڑے نام اور تضحیک پر سخت پریشان تھا اس نے سوچا کچھ عرصہ شہر رہا جائے تاکہ اس نام سے جان چھڑوائی جائے-

    نور الہی عرف دیوا شہر پہنچ گیا اور پریشانی کے عالم میں شہر کے میں چوک میں گھوم پھر رہا تھا تانگے گزر رہے تھے مگر نور الہی سارے شور شرابے سے بے فکر سڑک کے وسط میں چلا جا رہا تھا تانگے والے نے آواز دی کہ پیچھے ہٹ جاؤ گزرنے دو-

    نور الہی نے نا سنی تانگے والے نے پھر اسے آواز دی اس نے نا سنی تو پھر تانگے والے نے کہا ،اوئے دیوے پیچھے ہٹ جا اور گزرنے دے،یہ الفاظ نور الہی عرف دیوے کے کانوں میں دھماکہ بن کر لگےاس نے جھٹ سے تانگے والے کا گریبان پکڑا اور بولا سچ سچ بتا میرا نام تجھے کس نے بتا؟-

    تانگے والے نے کہا جناب مجھے نام کس نے بتانا ہے تمہاری حرکتیں ہی دکھائی دے رہی ہیں کہ تم دیوے ہی ہو،خیر نور الہی عرف دیوے کے ساتھ آگے جو ہوا اس کو چھوڑیں اور نور الہی کی جگہ پاکستانی سیاستدانوں کا تصور ذہن میں لائیں کہ کیا یہ سب بھی دیوے نہیں؟

    آئے روز نت نئے دعوے ،نت نئے نعرے مگر عمل زیرو ،چراغ تلے اندھیرا اور نور الہی عرف دیوے کی مثال ان پہ مکمل فٹ ہوتی ہے
    ہمارے یہ دیوے مہنگائی ختم کرنے کا نعرہ لگا کر یہ دیوے آتے ہیں اور مہنگائی کا طوفان مچا کر جاتے ہیں-

    تعلیم کو عام کرنے کا نعرہ لگا کر آتے ہیں اور لوگوں کو تعلیم سے محروم کرکے چلے جاتے ہیں بجلی سستی کرنے کا شور ڈال کر آتے ہیں اور لوگوں کو بے علم کرکے جاتے ہیں ان دیوں کی کرتوتیں ہی ایسی ہیں کہ فوری پتہ چل جاتا ہے کہ یہ سارے دیوے ہی ہیں-

    ان کے بڑے بڑے نعرے مگر یہ خود بھی ان دعوؤں سے محروم ہیں آپ سیلاب زدہ علاقوں کو ہی دیکھ لیجئے فوری پتہ چلے گا کہ ان کی ساری باتیں چراغ تلے اندھیرا ہی تھا لوگ دو وقت کی روٹی کو ترستے رہے اور یہ دیوے لمبی لمبی چھوڑتے رہےاللہ ان سے ہمیں محفوظ رکھے آمین-

  • ملکی سلامتی کیلئے پوری قوم اور پاکستان کی بہادر مسلح افواج یکجان ہیں،وزیراعلیٰ پنجاب

    ملکی سلامتی کیلئے پوری قوم اور پاکستان کی بہادر مسلح افواج یکجان ہیں،وزیراعلیٰ پنجاب

    وزیراعلیٰ پنجاب چودھری پرویز الٰہی نے یوم دفاع و شہداء پر پیغام میں کہا ہے کہ آج کے دن پاک فوج کے عظیم شہداء کو خراج عقیدت پیش کرتے ہیں۔

    چودھری پرویز الٰہی کا کہنا تھا کہ 1965 کی جنگ پاکستان کی دفاعی تاریخ کا ایک شاندار باب ہے۔ وطن کے دفاع کے جذبے سے سرشار مسلح افواج کے افسروں اور جوانوں نے دشمن کے مذموم عزائم کو خاک میں ملایا۔ تاریخ عالم پاک فوج کی بہادری کی لازوال داستانیں رقم کرنے کی کوئی دوسری مثال پیش کرنے سے قاصر ہے۔ مکار دشمن کو دندان شکن جواب دینے والے شہداء آج بھی قوم کے دلو ں میں زندہ ہیں – فوج نے ہر محاذ پر بہادری کی شاندار مثالیں قائم کیں جنہیں ہمیشہ یاد رکھا جائے گا۔ پاک فوج نے دشمن کو منہ توڑ جواب دیا۔ دفاع وطن کے لئے اپنی قیمتی جانیں نچھاور کرنے والے شہداء ہمارا فخر ہیں – آج پوری قوم شہدائے وطن اور ان کے خاندانوں سے مکمل یکجہتی کااظہار کرتی ہے- 1965 کی جنگ میں دشمن کو دندان شکن جواب دینے والے غازیوں کو بھی سلیوٹ کرتے ہیں۔ ملکی سلامتی کیلئے پوری قوم اور پاکستان کی بہادر مسلح افواج یکجان ہیں۔ پاکستان کے پاس دنیا کی بہترین فوج ہے جو ہر جارحیت سے نمٹنے کی بھرپور صلاحیت رکھتی ہے۔ ہمیں آج اس عزم کا اعادہ کرنا ہے کہ وطن کے دفاع کی خاطر اپنی جانوں کی قربانی سے بھی گریز نہیں کیا جائے گا۔

    وزیراعلٰی پنجاب کی معاون برائے چائلڈ رائٹس اور چئیرپرسن چائلڈ پروٹیکشن بیورو سارہ احمد نے یوم دفاع پاکستان کے موقع پر پاک افواج کی قربانیوں کو خراج تحسین پیش کرتے ہوئے کہا کہ پوری قوم 1965کی جنگ کے شہدا کو سلام پیش کرتی ہے۔ 6 ستمبر 1965 کا دن پاکستان کے لیے جرآت اور بہادری کا دن ہے۔ملک کے دفاع اور دہشتگردی کےخلاف جنگ میں پاک افواج نے جو قربانیاں پیش کی ان کی مثال نہیں ملتی۔ پاکستان کی بہادر فوج نے اس دن دشمن کے منصوبے خاک میں ملا دیے۔بہادری کی لازوال داستان رقم کرنے پر تمام شہداء کو سلام پیش کرتے ہیں۔ہماری بہادر فوج کی موجودگی میں دشمن پاکستان کا کچھ نہیں بگاڑ سکتے۔

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

    سینئر قیادت پرہتک آمیز،انتہائی غیرضروری بیان پرپاک آرمی میں شدید غم وغصہ ہے،ڈی جی آئی ایس پی آر

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

  • ہلال احمرسوسائٹی پاکستان نےابرارالحق کا عطیات جمع کرنےکا دعویٰ مسترد کر دیا

    ہلال احمرسوسائٹی پاکستان نےابرارالحق کا عطیات جمع کرنےکا دعویٰ مسترد کر دیا

    ہلال احمر سوسائٹی پاکستان نے اپنے سابق چیئرمین گلوکار ابرار الحق کا عطیات جمع کرنے کا دعویٰ مسترد کر دیا۔

    باغی ٹی وی : ابرارالحق نے کہا تھا کہ ان کے دور میں ہلال احمر نے سیلاب زدگان کے لیے ایک ہفتے میں 6 ارب روپے کے عطیات اکٹھے کیے ہیں تاہم ہلال احمر سوسائٹی نے گلوکار و سیاستدان کا دعویٰ مسترد کر دیا ہے-

    فلڈ ریلیف کیمپ صرف دکھاوا،اصل سیلاب متاثرین دھکے کھانے پرمجبور

    ہلال احمر سوسائٹی نے کہا ہے کہ اس کے پاس 6 ارب روپے تو کیا اس کے ساتویں حصے کے برابر عطیات بھی جمع نہیں ہوئے، اس بارے میں ابرار الحق کا بیان جھوٹ ہے۔

    ایک اہلکار کے مطابق موجودہ سیلاب میں ہلال احمر سوسائٹی نے اپنی تاریخ کا سُست ترین کردار ادا کیا، ہلال احمر سندھ میں طبی امداد کا ایک بیگ تک تقسیم نہیں کر سکی۔

    واضح رہے کہ صدر عارف علوی نے ابرار الحق کو چند روز پہلے ہلال احمر سوسائٹی کی سربراہی سے ہٹا دیا تھا صدر مملکت عارف علوی نے ابرار الحق کی جگہ سردار شاہد احمد لغاری کو 3 سال کے لیے چیئرمین ہلال احمر پاکستان تعینات کرنے کی منظوری دیدی ہے۔

    امریکی امداد کو سراہتے ہیں ،شہباز شریف سے امریکی کانگریس کے وفد کی ملاقات

    یاد رہے کہ ابرار الحق کو نومبر 2019 کو ہلال احمر پاکستان کا چیئرمین مقرر کیا گیا تھا بعد ازاں ابرار الحق کی بطور چیئرمین پاکستان ریڈ کریسنٹ سوسائٹی (انجمن ہلال احمر پاکستان) تقرری کو اسلام آباد ہائیکورٹ میں چیلنج کر دیا گیا تھا جس کے پیش نظر عدالت نے 2019 میں چیئرمین پاکستان ریڈ کریسنٹ سوسائٹی (PRCS) کے طور پر ان کی تقرری کے احکامات کو کالعدم بھی قرار دیا تھا۔

    دادو خضدار ٹرانسمیشن لائن درست کردی گئی، وسطی بلوچستان کی بجلی بحال

  • اسلام آباد ،لاہور سمیت ملک کے بالائی علاقوں میں بارش کا امکان

    اسلام آباد ،لاہور سمیت ملک کے بالائی علاقوں میں بارش کا امکان

    این ڈ ی ایم اے نے حالیہ بارشوں اور سیلاب کے باعث ہونے والے نقصانات کے تزاہ اعدادو شمار جاری کر دیئے-

    باغی ٹی وی: این ڈی ایم اے کے مطابق ملک بھرمیں بارشوں اور سیلا ب سے مزيد 11 افراد جاں بحق ہوئے ملک بھر میں مجوعی طور پر سیلا ب سےجاںبحق افراد کی تعداد ایک ہزار 325 ہوگئى،بارشوں اور سیلا ب سے سندھ میں مجموعی 522 افراد جاں بحق ہوئے بارشوں اور سیلا ب سے سندھ میں مزید 11 افراد جاں بحق ہوئے-

    فلڈ ریلیف کیمپ صرف دکھاوا،اصل سیلاب متاثرین دھکے کھانے پرمجبور

    این ڈی ایم اے کے مطابق بلوچستان 260 اور پنجاب میں 189 افراد سیلاب سے جاں بحق ہوئے، گلگت بلتستان 22 اورآزاد کشمیر میں 42 افرادجاں بحق ہوئے- ملک بھر میں اب تک زخمى ہونے والوں کى تعداد 12 ہزار 703 ہے-

    این ڈی ایم اے کے مطابق ملک بھر میں 5735 کلو ميٹر سڑک بارشوں اور سيلاب سے متاثر ہوئیں ،سندھ میں بارشوں اور سیلا ب سے 2500کلو ميٹر سڑک کو نقصان پہنچا،بلوچستان میں بارشوں اور سیلا ب سے 1500کلو ميٹر سڑک کو نقصان پہنچا-

    این ڈی ایم اے کے مطابق ملک بهر میں 80 اضلاع بارشوں اور سيلاب سے تاحال متاثر ہيں،ملک بھر میں 3 کروڑ 30 لاکھ 46 ہزار 329 افراد بارشوں سے متاثر ہوئے،ملک بھر میں 7 لاکھ 50 ہزار 481 مويشيوں کو نقصان پہنچا-

    سکھر ڈوب رہا تھا تب کہاں تھے؟ سیلاب متاثرین کا عمران خان سے سوال، ویڈیو

    دوسری جانب محکمہ موسمیات کے مطابق ملک کے اکثر علاقوں میں موسم گرم اور مرطوب رہے گا-

    محکمہ موسمیات کے مطابق آزادکشمیر ، گلگت بلتستان، بالائی خیبرپختو نخوا اور پنجاب میں بارش کا امکان ہے، اسلام آباد میں تیز ہواؤ ں اور گرج چمک کے ساتھ بارش کا امکان ہے ،خطہ پوٹھو ہار، سیالکوٹ، نارووال، لاہور ، گوجرانوالہ، گجرات اور میں بارش متوقع ہے سرگودھا، حافظ آباد اور منڈی بہاؤالدین میں گرج چمک کے ساتھ بارش کا امکان ہے-

    محکمہ موسمیات کے مطابق دیر، چترال،سوات،کوہستان، مانسہرہ، ایبٹ آباد اور ہری پور میں باش متوقع ہے،مالاکنڈ،بونیر، باجوڑ ، مہمند ،خیبر،پشاور،مردان اور صوابی میں بارش کا امکان ہے،نوشہرہ اور کرم میں تیز ہواؤں اور گرج چمک کے ساتھ بارش کا امکان ہے-

    منچھر جھیل میں بند پر مزید دو کٹ لگا دیئے گئے

  • محدود وسائل،ریلوے افسران کے الاؤنسز بند

    محدود وسائل،ریلوے افسران کے الاؤنسز بند

    وفاقی وزیر ریلوے نے تمام افسران کی تنخواہیں مالی امداد تک بند کردیں، سعد رفیق نے سندھ میں ٹرین آپریشن کی جلد بحالی کیلئے ایکشن پلان پر عمل کا بھی حکم دیدیا۔

    سیلاب کے باعث سندھ میں ریلوے ٹریک پر بدستور 10 انچ سے زائد پانی جمع ہے، سندھ کے مختلف شہروں میں ریلوے ٹریک بدستور ڈوبے ہوئے ہیں۔

    وفاقی وزیر ریلوے خواجہ سعد رفیق کی زیر صدارت سندھ میں ٹرین آپریشن کی بحالی پر ریلوے آفس لاہور میں ہنگامی اجلاس ہوا، جس میں بتایا گیا کہ ٹریک ڈوبے ہونے کے باعث رواں ہفتے ٹرینوں کی بحالی ناممکن ہے۔وفاقی وزیر ریلوے نے سندھ میں ٹرینوں کی جلد بحالی کے ایکشن پلان پر عمل درآمد کا حکم دے دیا۔

    وفاقی وزیر کو بتایا کہ ریلوے کو مالی بحران کا بھی سامنا ہے، جس پر اسٹیٹ بینک سے اوور ڈرافٹ کا آپشن بند کردیا گیا، ذرائع کے مطابق سعد رفیق نے شدید مالی بحران پر تشویش کا اظہار کرتے ہوئے پنشن ادائیگی کو پہلی ترجیح قرار دیا۔انہوں نے ریلوے کے تمام افسران کی تنخواہیں مالی امداد تک بند کردیں۔ ریلوے حکام نے بتایا کہ تنخواہوں کیلئے پونے 3 ارب روپے کی ضرورت ہے۔

    وفاقی وزیر کی زیر صدارت اجلاس میں فیصلہ ہوا کہ گریڈ سترہ سے بائیس تک کے تمام ریلوے افسران اس سال جون سے ستمبر تک ٹریول اور ڈیلی الاؤنسز کی مد میں کوئی ادائیگی نہیں لیں گے۔ یہ فیصلہ پاکستان ریلویز کے محدود وسائل کو مدنظر رکھتے ہوئے کیا گیا۔

    وفاقی وزیر نے اے جی ایم انفراسٹرکچر، چیف انجینئر اوپن لائن اور چیف انجینئر ایس اینڈ سی کو متاثرہ علاقوں میں ٹرین سروس کی جلد بحالی کے لیے مانیٹرنگ کی ہدایت کی۔