Category: لاہور

سیلاب سے متاثرہ خاندانوں میں 65 ہزار خواتین حاملہ، سراج الحق بھی خاموش نہ رہ سکے

اس بات کا انکشاف امیر جماعت اسلامی سراج الحق نے کیا، سراج الحق نے میڈیا سے بات کرتے ہوئے کہا کہ ہمیں بتایا گیا کہ سیلاب سے متاثرہ خاندانوں میں 65 ہزار خواتین حاملہ ہیں دو ماہ میں خواتین کے بچے ہونے والے ہیں، وہ گھروں سے محروم ہیں، انکا کیا ہو گا حکمران آپس میں لڑنے کی بجائے سیلاب زدگان کی مدد کریں حکومت توجہ دے ورنہ یہ بے گھر حاملہ خواتین کسی انسانی المیے کا شکار ہوسکتیں ہیں ـ

سیلاب سے متاثرہ خاندانوں میں 65 ہزار خواتین حاملہ ہیں،امیر جماعت اسلامی pic.twitter.com/kevGDSQU2c

— Baaghi TV باغی ٹی وی (@BaaghiTV) September 7, 2022

سیلاب کے بعد علاقوں میں تباہی کے مناظر ہیں، گھر تباہ ہو چکا، سامان بہہ چکا، جانور مر گئے، انسان زندہ ہیں لیکن اس امید پر کہ شاید کوئی مدد کو آ جائے، ایسے میں حاملہ خواتین سب سے زیادہ مشکلات کا شکار ہیں کیونکہ علاقوں میں قریبی ہسپتال نہیں، ٹرانسپورٹ میسر نہیں، سڑکیں بھی تباہ ہو چکی ہیں، اگر کسی خاتون کی ڈلیوری ہونی ہو تو ہسپتال اور طبی عملے کا نہ ہونا، یہ سب سے اذیت ناک مرحلہ ہو گا

جماعت اسلامی کی الخدمت فاؤنڈیشن سیلاب سے متاثرہ علاقوں میں امدادی سرگرمیاں جاری ہیں،امیر جماعت اسلامی سراج الحق نے بھی سندھ، خیبر پختونخوا، پنجاب کے تمام سیلاب زدہ علاقوں کا دورہ کیا ہے اور امدادی سرگرمیوں کا جائزہ لیا ہے، سراج الحق نے کراچی میں الخدمت ریلیف کیمپ اور متاثرین سیلاب کے لیے بسائی گئی خیمہ بستی کا دورہ کیا۔ اہل کراچی نے ہمیشہ کی طرح مشکلات میں گھرے اپنے ہم وطن بھائیوں اور بہنوں کے لیے دل کے دروازے کھول دیے ہیں۔ جماعت اسلامی اور الخدمت فاؤنڈیشن پر اعتماد قابل قدر اور باعث اطمینان ہے

پولیس کی زیادتی، خواجہ سراؤں نے ملک گیر احتجاج کی دھمکی دے دی

پلاسٹک بیگ پر پابندی لگی تو خواجہ سراؤں نے ایسا کام کیا کہ شہری داد دینے پر مجبور

کرونا لاک ڈاؤن، شادی کی خواہش رہی ادھوری، پولیس نے دولہا کو جیل پہنچا دیا

کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

لڑکی کو برہنہ کرنے کی ویڈیو، وزیراعظم عمران خان کا نوٹس، بڑا حکم دے دیا

عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

نوجوان جوڑے پر تشدد کیس، پانچویں ملزم کو کس بنیاد پر گرفتار کیا؟ عدالت کا تفتیشی سے سوال

اقوام متحدہ کے مطابق ساڑھے چھ لاکھ حاملہ پاکستانی خواتین کو محفوظ زچگی کے لیے فوری طبی امداد کی ضرورت ہے صرف ستمبر کے مہینے میں ہی ایسی 73 ہزار حاملہ خواتین کے ہاں بچوں کی پیدائش متوقع ہے

دوسری جانب اطلاعات ہیں کہ وفاقی حکومت نے سیلاب سے متاثرہ علاقوں کی حاملہ خواتین اور بچوں کے لیے خصوصی غذائی ساشے متعارف کرانے کا فیصلہ کیا ہے غذائی ساشے سیلاب سے متاثرہ علاقوں میں موجود غذائی قلت کی شکار حاملہ خواتین اورلاغر بچوں کو فراہم کیے جائیں گے پہلے فیز میں مخصوص اضلاع کی 4 لاکھ خواتین، اور بچوں کو طبی معائنے کے بعد غذائی ساشے فراہم ہوں گے ہر فرد کو 7 عدد غذائی ساشے فراہم کیے جائیں گے

پاکستان تحریک انصاف کے چیئر مین اور سابق وزیراعظم عمران خان نے کہا ہے کہ لوگوں کو خرید کر ہماری حکومت گرائی گئی، ملک پر امپورٹڈ حکومت کو مسلط کیا گیا جو بھی ان کے پیچھے ہیں اور جب تک زندگی ہے مقابلہ کروں گا۔

چشتیاں میں وکلاء کنونشن سے خطاب کرتے ہوئے پاکستان تحریک انصاف کے چیئر مین کا کہنا تھا کہ مدینہ کی ریاست تاریخ کا سب سے بڑا انقلاب تھا،نوجوان مدینے کی ریاست کا مطالعہ کریں، ملک میں قانون، انصاف نہیں بڑے، بڑے مجرم اقتدارمیں بیٹھے ہیں،جب تک مجرم اوپر بیٹھے ہیں ملک کیسے بدلے گا،ہمیں اپنے حالات کو خود بدلنا ہو گا، جو لوگ پیسے لیکر یا خوف کی وجہ سے ضمیر بیچتے ہیں میری نظرمیں یہ شرک ہے، ہمیں اپنے نبی ﷺ کے بتائے ہوئے راستے پرچلنا چاہیے،مدینہ کی ریاست والے نبی ﷺ کی سنت کے مطابق چلے،مدینہ کی ریاست نے پوری دنیا پرامامت کی،افسوس سے کہتا ہوں ہم مدینہ کی ریاست کے اصولوں پرنہیں چل رہے۔

انہوں نے کہا کہ 30 سال ملک لوٹنے والے بیرونی سازش کے تحت چور دروازے سے اقتدارمیں آئے، نواز شریف سزا یافتہ اور عدالتی مفرور ہیں، زرداری کی کرپشن پر عالمی سطح پر کتابیں لکھی گئیں، کیا یہ چور ہمارے مستقبل کا فیصلہ کریں گے اور ہم چپ کر کے بیٹھ جائیں، شہباز گل پر جیل میں ٹارچر کیا گیا، میں نے کہا جس نے شہباز گل پر ٹارچر کیا ان کو کٹہرے میں لائیں، میرے خلاف دہشت گردی کا مقدمہ درج کردیا گیا،ہم ملک میں قانون کی بالادستی چاہتے ہیں، قانون کی بالادستی کے لیے وکلا کا بھی امتحان ہے، اللہ نے انسان کودنیا میں انصاف کے لیے بھیجا ہے،یہ پاکستان کے لیے فیصلہ کن وقت ہے۔

سابق وزیراعظم کا کہنا تھا کہ دوراستے ہوتے ہیں ایک راہ حق، دوسرا تباہی کا ہوتا ہے، لوگوں کو خرید کر ان لوگوں نے ہماری حکومت گرائی ملک پر امپورٹڈ حکومت کو مسلط کیا گیا جو بھی ان کے پیچھے ہیں اور جب تک زندگی ہے مقابلہ کروں گا، آزاد عدلیہ کی بحالی کے لیے جیل کاٹی، یہ مجھے جیل میں ڈالنا چاہتے ہیں یہ چھوٹی چیز ہے جان بھی دینے کو تیارہوں، باہرکی ڈکٹٹیشن سے ہم نے آزاد ہونا ہے، جس ملک میں طاقتور اور غریب کے لیے یکساں قانون نہ ہو تباہ ہو جاتے ہیں، چارماہ پہلے ملک ترقی کر رہا تھا ، اب تباہ ہورہا ہے کون ذمہ دارہے؟ اب یہ کوشش کررہے ہیں کہ کسی نہ کسی طریقے سے مجھے ڈس کوالیفائی کیا جائے، چشتیاں کے وکلا کوکہتا ہوں میری کال کا انتظارکریں۔

وزیراعلیٰ پنجاب چودھری پرویز الٰہی سے معروف عالم دین مولانا طارق جمیل نے ملاقات کی.
اس موقع پر چودھری پرویزالٰہی نے کہا کہ علماء کرام ملک کی نظریاتی سرحدوں کے محافظ ہیں ، علماء کرام کی ملک وقوم کے لئے گراں قدر خدمات کو سراہتے ہیں ،علماء کرام نے ہمیشہ اہم موقعوں پر قوم کی رہنمائی کی ہے-

چودھری پرویز الٰہی کا کہنا تھا کہ ہم نے سرکاری دفاتر، وزیراعلیٰ آفس، گورنر ہاؤس اور دیگر اہم سرکاری مقامات کو آیت مبارکہ سے مزین کر دیا ہے،پنجاب کے تمام سرکاری دفاتر میں دوپہر1:00 بجے سے:00 2بجے تک نماز ظہر کا وقفہ لازمی ہوگا،سود کے حوالے سے بھی ہم نے قانون سازی کی، نجی طورپر سودی کاروبارکرنے والوں کیلئے پانچ سال کی سزا مقرر کی ہے-

چودھری پرویزالٰہی نے کہا کہ الحمدللہ ہم نکاح نامے میں ختم نبوتﷺ کا حلف نامہ شامل کرنے میں کامیاب ہوئے جس کی بدولت اب ہماری بچیوں کا مستقبل محفوظ ہے- انشاء اللہ آئندہ کسی بچی اور خاندان کے ساتھ دھوکہ نہیں ہوسکے گا- اللہ تعالیٰ نے ہمیں دین کی خدمت کی سعادت دی ہے جو ہم کرتے رہیں گے-

ملاقات کے موقع پر پرنسپل سیکرٹری وزیراعلیٰ محمد خان بھٹی، ایم پی اے حافظ عمار یاسر،راسخ الٰہی،یوسف جمیل،سابق صوبائی وزیر عبدالغفور میو،ڈاکٹر فیاض رانجھا، سابق پرنسپل سیکرٹری وزیراعلیٰ جی ایم سکندر او رمتعلقہ حکام بھی موجود تھے

لاہور:سیلاب سے متاثرہ علاقوں میں واش روم کا فقدان،ہرطرف بدبو،بے پردگی اورپریشانیاں ہی پریشانیاں‌ہیں ، والدین بھی پریشان اور بچے بھی ،‌خاص کرخواتین کے لیے واش رومز کا نہ ہونا بہت ہی تکلیف دہ جس سے بے پردگی پھیل رہی ہے

سڑنے کی بدبو پنجاب میں ایک عارضی کیمپ پر لٹکی ہوئی ہے، جہاں سینکڑوں مقامی لوگوں نے مون سون کے تباہ کن سیلاب سے پناہ مانگی ہے جس نے ملک کا تقریباً ایک تہائی حصہ پانی میں ڈال دیا ہے۔

پنجاب میں، ایک چھوٹے سے دیہی ریلوے اسٹیشن کے آس پاس کے علاقے میں درجنوں خیمے لگے ہوئے ہیں – پانی کے افق پر واحد خشک زمین، جو صرف سڑک کے ایک ٹکرے سے پہنچتی ہے۔یہ بدبو ڈوبی ہوئی فصلوں، بچ جانے والے کھانے کے ٹکڑوں اور کوڑے کے ساتھ ساتھ وہاں جمع ہونے والے سیکڑوں لوگوں اور مویشیوں کے جمع ہونے والے اخراج کا ایک سرد آمیزہ ہے۔

دو ہفتے قبل جب سیلابی پانی سے یہ گاؤں ڈوب گیا تھا تو اپنے خاندان کے ساتھ بھاگنے پر مجبور ہونے والی زیب النسا بی بی نے کہا کہ نہانے یا باتھ روم جانے کی کوئی جگہ نہیں ہے۔اسی طرح کے خیمہ کیمپ ملک کے جنوب اور مغرب میں پھیل چکے ہیں۔

ملک کی تاریخ کے بدترین سیلاب نے برطانیہ کے رقبے کا احاطہ کیا ہے اور 33 ملین افراد متاثر ہوئے ہیں – سات میں سے ایک پاکستانی۔

ان کیمپوں میں کام کرنے والے بیت الخلاء کی کمی سب سے بڑے مسائل میں سے ایک ہے – سب کے لیے صحت کے لیے خطرہ، لیکن خاص طور پر خواتین اور لڑکیوں کے لیے مصیبت سے کم نہیں ہے

دیہی پاکستان قدامت پسند مسلم کمیونٹیز کا گھر ہے، اور بہت سی بے گھر خواتین کو ان مردوں کے قریب رہنا پڑتا ہے جو اپنی زندگی میں پہلی بار رشتہ دار نہیں ہیں۔

زیب النسا کہتی ہیں‌ کہ ’ہم پردے کے پیچھے رہتے تھے، لیکن خدا نے ہمارے لیے اسے ہٹا دیا ہے۔شمین بی بی نے بھی ایسے ہی جذبات کا اظہار کیا۔

"میں اپنی بیٹیوں کو اکیلے کہاں بھیج سکتی ہوں؟ جب ہم آرام کرنے کے لیے بیٹھتے ہیں تو ہمیں ڈر لگتا ہے کہ کہیں کوئی آدمی آ جائے۔ مکھیوں اور مچھروں کے جھنڈ مصیبت میں اضافہ کرتے ہیں، جس سے بیماری اور انفیکشن کے پھیلنے کے لیے تو ایسا گندگی والا ماحول پہلے ہی سبب بننے کے لیے تیار ہوتا ہے

کچھ خواتین نے سیلاب کے پانی میں جانے سے روک دیا ہے تاکہ بہت سے دانے نکل آئے۔شامین اور اس کی بیٹیاں اب دن میں جتنا ممکن ہو کم پانی پیتی ہیں، جہاں انہیں دیکھا جا سکتا ہے خود کو آرام کرنے پر مجبور ہونے کی بجائے تکلیف میں گھنٹوں گزارنے کو ترجیح دیتی ہیں۔

جب سورج غروب ہوتا ہے اور کیمپ پر اندھیرا چھا جاتا ہے، تو خواتین جھلملاتی کیمپ فائر سے دور کسی ویران جگہ کی تلاش کرتی ہیں۔وہ باری باری چوکیداری کرتی ہیں اور کسی بھی تجاوز کرنے والے مردوں کو خبردار کرتے ہیں۔

شمین نے کہا، ’’مجھے نہیں معلوم کہ اگر کوئی آکر ہمارا فائدہ اٹھانے کا فیصلہ کر لے تو ہم کیا کر سکتے ہیں۔‘‘رات کو، شمین نے کہا، "پانی سے سانپ اور بچھو نکلتے ہیں”۔

پاک فوج کی ٹیمیں ریلیف آپریشن میں انتظامیہ کی بھرپورمدد کر رہی ہیں،وزیراعلیٰ

وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

باغی ٹی وی بلوچستان کے سیلاب متاثرین کی آواز بن گیا ہے.

وزیراعلیٰ چودھری پرویزالٰہی نے جامعہ اشرفیہ میں عالمی مجلس تحفظ ختم نبوت صلی اللہ علیہ وآلہ وسلم کے زیراہتمام ختم نبوت صلی اللہ علیہ وآلہ وسلم استحکام پاکستان کانفرنس کے عظیم الشان اجتماع سے خطاب کرتے ہوئے کہا ہے کہ میں نے پاکستان کے سپہ سالار جنرل قمر جاوید باجوہ کو بہت قریب سے دیکھا ہے، وہ ہمیشہ اسلام اور پاکستان کے دفاع اور تحفظ کیلئے پیش پیش رہتے ہیں، اسلام کی خدمت، جمہوریت اور ملکی دفاع کے حوالے سے ان کی کاوشیں قابل تحسین ہیں۔

انہوں نے کہا کہ اس ملک کو انتشار و فساد، خانہ جنگی اور ہر قسم کے حالات سے پاک فوج اور علماء کرام نے بچا رکھا ہے، جنرل قمر جاوید باجوہ نے ہمیشہ تمام مسالک کے رہنماؤں، دینی مدارس اور تمام مذہبی طبقات کی بھرپور خدمت کی ہے، صرف میں نہیں، اس ملک سے محبت رکھنے والا اور ملکی سلامتی کو عزیز رکھنے والا ہر شخص پاکستان کی مذہبی شناخت اور دینی معاملات کو ہمیشہ مقدم رکھتا ہے۔ چودھری پرویزالٰہی نے کہا کہ جب تحریک لبیک پاکستان پر آپریشن کا فیصلہ ہوا اور ملک کو خانہ جنگی کی طرف دھکیلا جانے لگا تو اس وقت آپریشن اور تشدد سے باز رکھ کر مفاہمت کی طرف لانے کیلئے جنرل قمر جاوید باجوہ نے جو کردار ادا کیا وہ آب زر سے لکھنے کے قابل ہے، اگر اس وقت جنرل قمر جاوید باجوہ اور علماء کرام معاہدہ نہ کرواتے تو پوری قوم بہت مشکلات سے دوچار ہو جاتی، اسی طرح مولانا فضل الرحمن کے دھرنے کا ایشو بھی جنرل باجوہ کی خصوصی کاوشوں سے ہی حل ہوا تھا۔

باغی ٹی وی کے مطابق کانفرنس کے دوران شرکا نے وزیراعلی پنجاب چودھری پرویز الہی کے خطاب کے دوران مولانا فضل الرحمان زندہ باد کے نعرے لگائے۔ کانفرنس انتظامیہ نے شرکا کو خاموش ہونے کا کہا لیکن شرکا مسلسل مولانا فضل الرحمان زندہ باد کے نعرے لگاتے رہے جس کے بعد وزیراعلی پنجاب چودھری پرویز الہی کانفرنس چھوڑ کر واپس چلے گئے۔ جے ہو آئی کے ڈپٹی سیکرٹری اطلاعات پنجاب چودھری عبدالجبار نے اس بات کی تصدیق کی ہے کہ وزیراعلی پنجاب کے خطاب کے دوران نعرے لگائے گئے جس پر انہیں کانفرنس چھوڑ کر جانا پڑا ۔

قبل ازیں وزیراعلی پنجاب نے کہا کہ جب سعودی عرب میں تبلیغی جماعت پر پابندی لگائی گئی اس وقت ایک وفد جس میں مولانا مفتی محمد تقی عثمانی، مولانا محمد حنیف جالندھری، رائے ونڈ کی شوریٰ کے لوگ اور ہمارے ساتھی ایم پی اے حافظ عمار یاسر پر مشتمل وفد جنرل قمرجاوید باجوہ سے ملے، آرمی چیف نے ذاتی دلچسپی لے کر سعودی فرمانروا سے بیٹھ کر ان کو باور کروایا کہ یہ دین کا کام کرنے والی جماعت ہے جنرل باجوہ نے سعودی قیادت کے ساتھ اپنا اثر و رسوخ استعمال کرتے ہوئے اس معاملے میں بھرپور اور موثر کردار ادا کیا اور ان کی ذاتی دلچسپی سے یہ مسئلہ بھی حل ہوا۔ چودھری پرویزالٰہی نے کہا کہ یہ مواقع تو محض بطور مثال ذکر کئے ورنہ اس کے علاوہ بھی ملک و ملت کیلئے پاک فوج اور جنرل قمرجاوید باجوہ کا جو کردار ہے اس سے آپ مجھ سے زیادہ واقف ہیں۔

انہوں نے کہا کہ پی ڈی ایم غلط فہمی میں نہ رہے کہ کسی کے پاک فوج کے ساتھ تعلقات خراب ہوں گے، مسائل کا حل جو نکلتا ہے جنرل باجوہ کی خصوصی کاوشوں سے ہی نکلتا ہے۔ انہوں نے کہا کہ ہمارے پڑوس میں جو کچھ ہوا وہ اس ملک کی نظریاتی اور جغرافیائی سرحدوں کے محافظوں کی مشترکہ جدوجہد کا ثمر ہے، آئندہ بھی وطن کا دفاع ہو یا عقیدہ ختم نبوت صلی اللہ علیہ وآلہ وسلم کا تحفظ نسل نو کے ایمان کی حفاظت ہو یا امن وامان کا قیام ہم سب نے مل جل کر کردار ادا کرنا ہے، علماء کرام ملک کی نظریاتی سرحدوں کے محافظ ہیں، آپ دونوں طبقات کا ایک پیج پر ہونا اور آپس میں متحد و متفق ہونا از حد ضروری ہے۔

چودھری پرویزالٰہی نے کہا کہ آج کے دن ہم پاک فوج کے عظیم شہدا کو خراج عقیدت پیش کرتے ہیں، ہماری فوج وطن عزیز کی جغرافیائی سرحدوں کی نگہبان ہے، 1965ء کی جنگ پاکستان کی دفاعی تاریخ کا ایک شاندار باب ہے، فروری 2019ء میں بھارتی حملے کو پاکستانی فضائیہ نے ناکام بنایا، بھارت کو نہ صرف پسپا کیا بلکہ واپس بھاگنے پر مجبور کیا، وطن کے دفاع کے جذبے سے سرشار مسلح افواج کے افسروں اور جوانوں نے دشمن کے مذموم عزائم کو خاک میں ملایا، پاک فوج نے ہر محاذ پر بہادری کی شاندار مثالیں قائم کیں جنہیں ہمیشہ یاد رکھا جائے گا، پاک فوج نے دشمن کو ہمیشہ منہ توڑ جواب دیا۔ چودھری پرویزالٰہی نے مزید کہا کہ دفاع وطن کیلئے اپنی قیمتی جانیں نچھاور کرنے والے شہداء ہمارا فخر ہیں، آج پوری قوم شہدائے وطن اور ان کے خاندانوں سے مکمل یکجہتی کااظہار کرتی ہے، پاکستان کے پاس دنیا کی بہترین فوج ہے۔

چودھری پرویزالٰہی نے کہا کہ آج کا دن ختم نبوت صلی اللہ علیہ وآلہ وسلم کے حوالے سے اور پاکستانی تاریخ کے حوالے سے ایک یادگار دن ہے، اس دن ہم ختم نبوت صلی اللہ علیہ وآلہ وسلم کی نسبت سے جامعہ اشرفیہ جیسی ایسی درسگاہ میں جمع ہیں جو پاکستان، قیام پاکستان اور نظریہ پاکستان کے حوالے سے شناخت اور پس منظر رکھتی ہے، آج کے اس عظیم الشان اجتماع کا انعقاد عالمی مجلس تحفظ ختم نبوت صلی اللہ علیہ وآلہ وسلم جیسی عظیم جماعت نے کیا جو عقیدہ ختم نبوت صلی اللہ علیہ وآلہ وسلم کے تحفظ کیلئے کئی عشروں پر محیط ایک طویل تاریخی جدوجہد رکھتی ہے، ہمارا ختم نبوت صلی اللہ علیہ وآلہ وسلم کے حوالے سے کردار کوئی آج کا نہیں بلکہ چودھری ظہور الٰہی شہید سے لے کر آج تک اللہ کریم نے محض اپنے فضل و کرم سے ہمیں عقیدہ ختم نبوت صلی اللہ علیہ وآلہ وسلم کے دفاع اور تحفظ کی سعادت عطا فرمائی، پنجاب اسمبلی کی عمارت میں خوبصورت انداز سے آیات ختم نبوت صلی اللہ علیہ وآلہ وسلم جگمگا رہی ہے، ہم نے سرکاری دفاتر، وزیراعلیٰ آفس، گورنر ہاؤس اور دیگر اہم سرکاری مقامات کو آیت مبارکہ سے مزین کر دیا ہے، ہر کتاب اور نصابی کتب میں جہاں جہاں آقا کریم صلی اللہ علیہ وسلم کا نام نامی اسم گرامی آئے گا، وہاں وہاں عقیدہ ختم نبوت صلی اللہ علیہ وآلہ وسلم کا اظہار اور درود وسلام بھیجنے کا اہتمام ہوگا، یہ اہتمام انشاء اللہ ہمارے لیے نجات و شفاعت اور ہماری نسلوں کے ایمان اور عقیدے کے تحفظ کا ذریعہ بنے گا، ختم نبوت صلی اللہ علیہ وآلہ وسلم کے حوالے سے کئی قانونی سقم دور کرنے اورقانون سازی کرنے کی اللہ کریم نے ہمیں توفیق دی اور بہت سی اسلام مخالف سرگرمیوں کے سدباب کا ذریعہ بنایا۔

وزیراعلیٰ چودھری پرویزالٰہی نے کہا کہ الحمدللہ ہم نکاح نامے میں ختم نبوت صلی اللہ علیہ وآلہ وسلم کا حلف نامہ شامل کرنے میں کامیاب ہوئے جس کی بدولت اب ہماری بچیوں کا مستقبل محفوظ ہے، انشاء اللہ آئندہ کسی بچی اور خاندان کے ساتھ دھوکہ نہیں ہوسکے گا، اس سے فائدہ یہ ہوا کہ کسی کو کوئی ابہام نہیں رہتا کہ شادی کے بعد بچیاں اور ان کی اولاد کس مذہب سے تعلق رکھتے ہیں۔ انہوں نے کہا کہ اللہ تعالیٰ فرماتا ہے کہ سود کا لین دین کرنے والے جب قیامت کے دن اٹھائے جائیں گے تو ان کے چہرے کالے ہوں گے، ہم نے نجی سطح پر سود کا کاروبارکرنے کے حوالے سے بھی قانون سازی کی، اب جو بھی سودی کاروبار میں ملوث پایا جاتا ہے اس کیلئے پانچ سال کی سزا رکھی ہے، سود پر انفرادی طور پر پابندی لگا دی گئی ہے ہر طرح کا سودی لین دین ممنوع قرار دے دیا گیا ہے، سود کے اوپر جو پیسہ دیا جاتا ہے وہ سختی سے مار پیٹ کر واپس لیتے ہیں، اس پر ہم نے سزائیں رکھی ہیں۔ وزیراعلیٰ نے کہا کہ قرآن کریم کے حوالے سے اللہ رب العزت نے بہت سا کام کرنے کی توفیق دی، قرآن بورڈ کے قیام سے لے کر قرآن کریم ناظرہ اور ترجمہ کی تعلیم لازمی قرار دلوانے تک اور اس ملک کے ہر تعلیمی ادارے کے دروازے علماء و قراء کیلئے کھلوانے اور بچے بچے کے ہاتھ میں قرآن کریم پکڑوانے کی سعادت بھی الحمدللہ ہمارے حصے میں آئی، ہم نے اسمبلی میں قانون بنایا کہ توہین آمیز مواد پر مبنی کوئی کتاب پکڑی جاتی ہے تو اس کو بھی فوری ضبط کیا جاتا ہے اور اس پبلشر پر پابندی لگا دی جاتی ہے، اسلام اور پاکستان لازم و ملزوم ہیں، عقیدہ ختم نبوت صلی اللہ علیہ وآلہ وسلم کا تحفظ ہو یا قرآن کریم کی خدمت وطن عزیز پاکستان کی بقاء کیلئے ضروری ہے۔

وزیراعلیٰ چودھری پرویزالٰہی نے سرکاری دفاتر میں ایک سے دو بجے تک نماز ظہر کا لازمی وقفہ کرنے کا اعلان کیا۔ انہوں نے مزید کہا کہ دس روز میں نوکریوں سے پابندی اٹھا لیں گے، سیلاب متاثرین کو گھر بنا کر دیں گے۔ ختم نبوت صلی اللہ علیہ وآلہ وسلم استحکام پاکستان کانفرنس میں رکن پنجاب اسمبلی حافظ عمار یاسر، راسخ الٰہی، مفتی احمد علی، شیخ الحدیث حافظ فضل الرحیم، مولانا عزیز الرحمن ثانی، مولانا محبوب الحسن طاہر، مولانا اللہ وسایا اور علماء کرام کی بہت بڑی تعداد نے شرکت کی۔

وفاقی وزیر میاں جاوید لطیف نے کہا ہے کہ 6 ستمبر وطن کی خاطر جانیں قربان کرنے والوں کا دن ہے،مادر وطن کیلئے جانیں قربان کرنے والے ہمارے ہیرو ہیں ،ملک میں آئین کی بالادستی یقینی بنانا ہو گا ،گھڑی چور عمران نیازی حالات کو کس طرف لے کر جارہا ہے؟۔ وشیخوپورہ میں یوم دفاع کے موقع پر جلسہ عام سے خطاب کرتے ہوئے انہوں نے کہا کہ محمد نوازشریف نے ملک کو سی پیک کا تحفہ دیا، جوہری دھماکے کرکے ملک کو ایٹمی قوت بنایا۔

انہوں نے کہا کہ گزشتہ دور میں مسلم لیگ ن کی قیادت پر جھوٹے مقدمات بنائے گئے،محمد نوازشریف اور انکی صاحبزادی مریم نواز کو جیل میں بند کیا گیا،تمام تر زیادتیوں کے باوجود محمد نوازشریف نے ریاست کے خلاف کبھی کوئی بات نہیں کی۔

جاوید لطف نے کہا کہ عمران نیازی آئے روز ملکی اداروں کے خلاف ہرزہ سرائی کرتا رہتا ہےاوروہ ریاستی اداروں کو متنازعہ بنانے کی مذموم کوشش کررہا ہے، انہوں نے کہا کہ شہبازگل اور شوکت ترین جیسے لوگوں کے پیچھے عمران نیازی ہے اور سوال یہ ہے کہ عمران کے پیچھے کون ہے؟ ۔

وفاقی وزیر میاں جاوید لطیف نے کہا کہ عمران نیازی اقتدار کے حصول کیلئے کچھ بھی کرسکتا ہے،ہمارا عقیدہ ہے کہ صادق اور امین صرف پیغمبر ہوتے ہیں ،عمران جیسے گھڑی چور کو صادق و امین قرار دینا سمجھ سے بالاتر ہے.

انہوں نے کہا کہ عمران خان کے خلاف دائر مقدمات کا فیصلہ فوری ہونا چاہیئے ،عمران نیازی غیرملکی ایجنٹ ہے،عمران نیازی کہتا ہے کہ اس نے ملک کو کئی سال پیچھے دھکیل دیا ہے، عمران خان کے ملک کے خلاف سازش کے ثبوت جلد منظرعام پر آنے والے ہیں ۔