Category: لیہ

لیہ (نمائندہ باغی ٹی وی ) ڈائریکٹر جنرل زراعت پنجاب ڈاکٹر انجم علی بٹر نے کہا ہے کہ بارانی ایریا کے کاشتکاروں کو مختلف فصلات کی فی ایکڑ پیداوار میں اضافے کے لیے مناسب رہنمائی،زیادہ پیداواری صلاحیتوں کے بیجوں کا استعمال ،کھادیں ،زرعی ادویات ،زمین کی تیاری کے مراحل سے آگاہ کریں ۔یہ بات انہوں نے تحصیل چوبارہ کے مختلف بارانی علاقوں میں چنے کی فصل کے معائنہ کے موقع پر کہی۔ڈی ڈی زراعت لیہ غلام یاسین واندر ،ڈی ڈی زراعت جھنگ محمداختر ،اے ڈی زراعت کروڑ ملک غلام فرید ہمراہ تھے۔اے ڈی زراعت چوبارہ چوہدری خالد محمود نے ڈی جی زراعت کو بریفنگ کے دوران بتایا کہ مناسب بارشوں اور بروقت کاشت کی بدولت چنے کی فصل امسال زیادہ پیداوار کی حامل ہوں گی۔انہوں نے مزید بتایا کہا کہ کاشتکاروں کو فارمر ڈیزکے ذریعے زیادہ سے زیادہ آگہی دی جارہی ہے۔ڈی جی زراعت نے کہا کہ کاشتکاروں کو آگہی دیں کہ زیادہ بارشوں کی وجہ سے چنے کی فصل کے لیے تمام پودے شگوفے نکال رہے ہیںاور بارش کی وجہ سے جڑی بوٹیوں کا خاتمہ انتہائی ضروری ہے کیونکہ اس سے پیداوار میں کمی واقع ہوجاتی ہے اس لیے زرعی فیلڈ سٹاف چنے کے کاشتکاروں سے رابطے میں رہیںاور جڑی بوٹیوں کے خاتمے کو ممکن بنائیں تاکہ ضلع میں چنے کی ریکارڈ پیداوار ہوسکے

لیہ (نمائندہ باغی ٹی وی ) سانحہ آرمی پبلک سکول پشاور کے شہدا ءکو خراج عقیدت پیش کرنے کے لئے ضلع بھر کے مختلف سرکاری و پرائیوٹ سکولوں میں خصوصی تقاریب کا اہتمام کیاگیا ۔ تقریبات میں مختلف محکموں کے سر براہان ،اساتذہ ،شہریوں و میڈیا نمائندگان کی کثیر تعداد نے شرکت کی ۔ محکمہ تعلیم کے زیراہتمام اس سلسلہ میںگرلز ماڈل سکول لیہ ،ایم سی ہائی سکول لیہ،گرلز ہائی سکول منڈی ٹاﺅن اورگرلز ہائی سکول ریلوے روڈ کروڑ میں تقریبات کا انعقاد کیاگیا جبکہ تمام سکولوں میں مارننگ اسمبلی کے دوران شہداءاے پی ایس کے لیے فاتحہ کی گئی ۔گرلزہائی سکول ریلوے روڈ کروڑ کی تقریب سے خطاب کرتے ہوئے ڈی او سکینڈری توکل حسین نے کہا کہ 16 دسمبر کا دن پاکستان کی تاریخ میں ایک سیاہ دن ہے اس دن اے پی ایس پشاور کے طلبہ اور اساتذہ نے اپنی جانوں کا نذرانہ پیش کیا ان معصو م طا لب علموں اور اساتذہ کی قربانی نے پاکستانی قوم کو متحد کیا اور اس دن یہ فیصلہ ہوا کہ ہم نے متحد ہو کر ہر طرح کی دہشت گردی کا مقابلہ کرنا ہے اور ان سماج دشمن عناصر کو کیفر کردار تک پہنچانا ہے ان طالب علموں کی قربانیوں نے ملک میں امن و امان کی صورت حال جو آج ہمیں نظر آتی ہے وہ ان شہدا ءکی قربانیوں کا ثمر ہے۔ تقریب سے پرنسپل خلیل خان اور حفیظ اللہ نے بھی خطاب کیا۔اس موقع پر طلبہ نے شہداءاے پی ایس کو سلام پیش کرنے کے لیے ملی نغمے اور تقاریر پیش کیں

لیہ(نمائندہ باغی ٹی وی ) ضلع لیہ میں انسداد پو لیو کی تین روزہ قومی مہم کا آغاز کر دیا گیا۔ ڈپٹی کمشنر اظفر ضیا ءنے ڈی ایچ کیوہسپتال چلڈرن وارڈ میں بچوں کو پولیو ویکسین کے قطرے پلا کر مہم کا با قاعدہ افتتا ح کیا ۔ اس موقع پر چیف ایگزیکٹو آفیسر ہیلتھ ڈاکٹر امیر عبد اللہ سامٹیہ ،ایم ایس ڈی ایچ کیو ڈاکٹر عتیق الرحمن خان مو جو د تھے ۔ ڈپٹی کمشنر نے اس موقع پر کہا کہ پو لیو ایک مو ذی مرض ہے جس کے مکمل خا تمے کے لئے والدین کا پو لیو ٹیمو ں سے تعاون نا گزیر ہے ۔انہو ں نے کہا کہ والدین اپنے بچوں کو عمر بھر کی معذوری اور دوسروں کی محتا جی سے بچانے کے لئے پو لیو ویکسین کے دو قطرے ضرور پلوائیں۔ انہو ںنے ہیلتھ حکام کو ہدایت کی کہ وہ پو لیو ٹیمو ں کی دور دراز علاقوں تک پہنچ کے لئے ہر ممکن اقداما ت اٹھا ئے جا ئیں اور تمام ٹیمو ں کی روزانہ کی بنیا د پر کا ر کر دگی رپو رٹ پیش کی جا ئے ۔ سی ای او صحت ڈاکٹر امیر عبد اللہ سامٹیہ نے اس موقع پر بتا یا کہ ضلع بھر میں 3لاکھ51ہزار سے زائد بچوں کو پو لیو ویکسین پلا نے کے لئے 892ٹیمیں تشکیل دی گئی ہیں جبکہ چوبا رہ کے تھل کے علا قوں اور دریا ئی پتن سمیت ضلع کے داخلی و خا رجی راستوں پر خصوصی تو جہ دی جا رہی ہے

لیہ(نمائندہ باغی ٹی وی )صوبائی وزیر آبپاشی محسن لغاری نے کہا ہے کہ پولیو وائرس کے خاتمہ کے لئے تمام متعلقہ ادارے مشترکہ جدوجہد کے ذریعے اہمیت کے پیش نظر موثر مانیٹرنگ کامیابی کے لیے اہم تقاضہ ہیں کیونکہ پولیو وائرس ہمارے معصوم بچوں کو عمر بھر کی معذوری کا شکاربنا رہا ہے۔یہ بات انہوں نے ضلع لیہ میں جاری تین روزہ انسداد پولیو مہم کے پہلے روز مانیٹرنگ کے لیے ضلع لیہ کے دورہ کے موقع پر بریفنگ لیتے ہوئے کہی۔ڈپٹی کمشنر اظفر ضیاءہمراہ تھے۔صوبائی وزیر کو سی ای او صحت ڈاکٹر امیرعبداللہ سامٹیہ نے ضلع لیہ میں پانچ سال تک کی عمر کے بچوں کو پولیو سے بچاﺅ کے قطرے پلانے کے مائیکرو پلان سے آگاہ کیا۔صوبائی وزیر نے کہا کہ پاکستان میں پولیو کیسز کے خاتمے کے لیے حکومت پنجاب ترجیحی بنیادوں پراقدامات اُٹھارہی ہے جس کے مطلوبہ نتائج کے حصول تک ہمیں انتھک محنت کرنا ہوگی اس لیے وزیر اعلی عثمان بزدار کے پنجاب بھر میں پولیو مہم کے سوفیصد اہداف کے حصول کی مانیٹرنگ کے لیے صوبائی وزراءپر مشتمل ٹیمیں تشکیل دیں ہیں جو کارکردگی کا جائزہ لے رہی ہیں ۔صوبائی وزیر نے کہا کہ انسداد پولیو مہم کی کامیابی کے لیے والدین ،اساتذہ کرام ،غیر سرکاری تنظیمیں ،سیاسی و سماجی شخصیات کے تعاون کے حصول کو یقینی بنا کر مہم کو کامیاب بنائیںتاکہ معصوم بچوں کو پولیو ایسے مرض سے محفوظ بنا کر معاشرے کا کارآمد شہری بنایاجاسکے۔صوبائی وزیر نے مختلف علاقوں میں ٹیموں کی کارکردگی کا جائزہ لیا

لیه – ڈی سی لیہ اظفر ضیاء اور ڈی پی او لیہ عثمان اعجاز باجوہ کا لیہ شہر میں یتیم بچوں کی کفالت کے لیے قاٸم دارالاحساس کا دورہ،
اس موقع پر معصوم بچوں سے پیار کیا ان کے سر پہ دست شفقت رکھا اور ان میں گرم کپڑے تقسیم کیے، اس موقع پر اسسٹنٹ ڈاٸریکٹر عثمان سندھو اور انچارج خاتون بھی موجود تھی، اسسٹنٹ ڈاٸریکٹر نے ضلعی افسران کو بتلایا کہ وزیر اعظم پاکستان کے احساس پروگرام کے تحت یتیم اور بے سہارا بچوں کی یہاں کفالت کی جارہی ہے اور ان تمام ضروریات کا خیال رکھا جاتا ہے، انہیں اچھی تعلیم بھی فراہم کی جا رہی ہے، ڈپٹی کمشنر و ڈی پی او لیہ نے گفتگو کرتے ہوۓ کہا کہ یتیم بچوں کی دیکھ بھال کرنا اور ان کی حفاظت ہماری ذمہ داری ہے، سب سے زیادہ ان بچوں کو ہماری توجہ کی ضرورت ہے، ان کی خدمت اور ان کے ساتھ شفقت ہی اصل انسانیت ہے۔

لیہ (نمائندہ باغی ٹی وی ) چائلڈ لیبر قوانین غیر موثر ، فتح پور میں بچوں سے مشقت کا سلسلہ بد ستور جاری ، شہر کی دکانوں ، ورکشاپس ، ہوٹلوں پر کمسن بچوں اور گھروں میں کام کرنے والی بچوں کی تعداد میں اضافہ ہو رہا ہے ۔ غربت مہنگائی بےروزگاری جیسے اسباب غریب بچوں کےلیے تعلیم ایک خواب بنے ہوئے ہیں ۔ قوانین پر عملدرآمدکروایا جائے ۔ سماجی حلقے ۔ تفصیل کے مطابق معصوم بچوں اور بچیوں سے مشقت لینے کا سلسلہ بدستور جاری ہے، چائلڈ قوانین تو بنے لیکن آج تک کسی کو بھی ان کی خلاف ورزی پر سزا نہیں سنائی گئی ۔ ضلع لیہ کے شہر فتح پور اور نواحی چکوک میں سےنکڑوں دکانوں ، ورکشاپس فیکٹریوں اور ہوٹلوں فاسٹ فوڈز سنٹرز پر کمسن بچے کام کرتے ہیں ،گھروں میں کام کرنے والے بچوں اور بچیوں کی تعداد باہر محنت مزدوری کرنے والے بچوں اور بچیوں کی تعداد سے بھی زیادہ ہے فتح پور پسماندہ علاقہ ہونے کی وجہ حکومتی آسائشوں اور سہولیات سے محروم ہے جس کی وجہ سے علاقہ میں غربت مہنگائی بےروزگاری جیسے اسباب نے غریب بچوں کےلیے تعلیم ایک خواب بنے ہوئے ہیں معصوم بچوں اور بچیوں سے مشقت لی جاتی ہے اس طرح ننھے منے ہاتھوں میں قلم اور کتاب کی جگہ اوزاروں نے لے رکھی ہے جس کی وجہ سے بچے مہلک بیماریوں میں مبتلا ہو جاتے ہیں چائلڈ لیبر قوانین پر علمدرآمد نہ اور معصوم بچوں کی دکانوں ورکشاپس پر مشقت حکمرانوں ، معاشر ے کے با شعور افراد اور ہیومن راءٹس پر کام کرنے والی این جی اوز کےلیے لمحہ فکریہ اور سوالیہ نشا ن ہے جس پر فتح پور کے سماجی حلقوں سے تعلق رکھنے والے افراد نے اعلیٰ حکام سے چائلڈ قوانینن 1991 آرٹیکل کے تحت عملدرآمد کروایا جائے ،

لیہ (نمائندہ باغی ٹی وی) وزیر اعلی پنجاب عثمان بزدار کی سرکاری اراضی وپلاٹس ناجائز قابضین سے واگزار کرانے کی پالیسی کے مطابق پر سرکل آفیسر اینٹی کرپشن اظہر حسین سانگھی کی سربراہی میں اے ایس آئی مہر فیاض حسین و دیگر پر مشتمل خصوصی ٹیم نے چک نمبر 408ٹی ڈی اے میں 7ایکڑ سرکاری رقبہ جس کی مالیت 1کروڑ 19لاکھ روپے ہے قابضین سعید انور جمشید اختر سے واگزار کرا کے محکمہ ریونیو کے حوالے کردیا ہے

لیہ (نمائندہ باغی ٹی وی )وزیرا علی عثمان بزدار کی ہدایت پر انسانی حقوق کے عالمی دن کے موقع پر کشمیریوں سے اظہار یکجہتی کے لیے محکمہ سوشل ویلفیئرکے زیرا ہتمام ریلی نکالی گئی ۔ریلی ٹی ڈی اے چوک سے فوارہ چوک تک نکالی گئی جس کی قیادت ڈپٹی کمشنر اظفرضیاءاور ڈی پی او عثمان اعجاز باجوہ نے کی۔اس موقع پر اسسٹنٹ کمشنر لیہ نیاز احمدمغل ،ڈی ڈی سوشل ویلفیئرمشتاق حسین،ڈی ڈی کالجز عمیرعاصم،چیئرمین ضلعی بیت المال خالد تھند،افسران و سرکاری ملازمین ،مرد و خواتین شہری،سول سائٹی کے ممبران،طلبہ اور میڈیا نمائندگان نے شرکت کی۔شرکاءنے کشمیریوں کے حق میں اور مودی کے مظالم کے خلاف نعرے لگائے جبکہ خواتین نے ”کشمیری عورتوں اور بچوں کا قتل عام بندکرو“پر مبنی کتبے اُٹھارکھے تھے۔ریلی کے اختتام پر ڈپٹی کمشنر نے خطاب کرتے ہوئے کہا کہ مقبوضہ کشمیرمیں بھارتی مظالم کی انتہاہوچکی ہے ۔معصوم لوگوں کو زندگی کی بنیادی سہولیات تک رسائی نہیں دی جارہی ہے ۔علاج معالجہ کی سہولت اور کھانے پینے کی اشیاءناپید کردی گئی ہیں۔عالمی برادری انسانی حقوق کے عالمی دن پر بھی انسانیت کے قتل عام کا نوٹس نہیں لے رہاجو اس کے ضمیر کی بے حسی کی واضح دلیل ہے۔ڈپٹی کمشنر نے کہا کہ وزیر اعلی پنجاب عثمان بزدار کی ہدایت پر انسانی حقوق کے عالمی دن پر کشمیریوں سے اظہار یکجہتی کے لیے ریلی کا انعقاد کا مقصد عالمی برادری کے ضمیر کو جھنجھوڑنا ہے ۔انہوں نے کہا کہ کشمیر کی آزادی تک ہماری اخلاقی اور سفارتی کوششیں جاری رہیں گی ۔آخر میں کشمیریوں کی جدوجہد آزادی کے لیے دعاکی گئی ۔ اس دن کے حوالے سے چوک اعظم،کروڑ لعل عیسن ،فتح پور ،چوبارہ میں بھی ریلیاں نکالی گئیں