Category: ملتان

شجاع آباد ٹرین سے ٹکرا کر عورت کی موت ، پولیس اور متعلقہ ادارے نہ پہنچ سکے

ملتان: رانا اظہر منیر نمائندہ باغی ٹی وی .شجاع آباد ریلوے پھاٹک کے قریب پاکستان ایکسپریس ٹرین کے نیچے آ کر ایک عورت کی خودکشی ایک گھنٹہ سے پڑی ہوئی لا وارث لاش کی شناخت نا ہو سکی ایک اندازہ کے مطابق خاتون کی عمر 38 سے 45 سال تک بتائی گئی ہے ۔ ایک گھنٹہ گذرنے کے باوجود پولیس اور متعلقہ ادارے جائے حادثہ پر نا پہنچ سکے صرف ریلوے کا ایک پولیس اہلکار موقع پر موجود رہا اور اپنی ڈیوٹی کے فرائض سرانجام دیتا رہا ۔

اس حادثہ کی خبر ملتے ہی مقامی آبادی کے مرد اور خواتین ایک کثیر تعداد میں پہنچ گئے اور اپنی مدد آپ کے تحت لاش کو کپڑے سے ڈھمپ دیا گیا یہ ایک حادثہ تھا یا خود کشی اس کی مزید تحقیقات جاری ہے . رانا اظہر منیر نمائندہ باغی ٹی وی ملتان شجاع آباد

شاہ محمود قریشی کا اپنے حلقے میں عوامی انداز، شیخ رشید کو بھی پیچھے چھوڑ دیا
باغی ٹی وی کی رپورٹ کے مطابق وزیر خارجہ مخدوم شاہ محمود قریشی نے عوامی رابطہ مہم کے سلسلے میں این اے 156کی مختلف یونین کونسلوں کا دورہ کیا۔انہوں نے موٹر سائیکل پر بیٹھ کر این اے 156کی یونین کونسل52محلہ غریب آباد کا دورہ کیا۔ محلہ غریب آباد کے عمائدین سے ملاقات کی، ان کے مسائل سنے اور حل کیلئے احکامات جاری کئے۔

واضح رہے کہ وفاقی وزیر ریلوے شیخ رشید موٹر سائیکل پر سفر کرنے بارے مشہور ہیں، آج شاہ محمود قریشی نے بھی حلقے میں موٹر سائیکل پر عمائدین سے ملاقاتیں کیں اس موقع پر عوام شاہ محمود قریشی کو موٹر سائیکل پر دیکھ کر حیران رہ گئے، کئی مقامات پر شہریوں نے تحریک انصاف کے حق میں نعرے بھی لگائے

https://twitter.com/TahirSaidPTI/status/1231202688970436615

شاہ محمود قریشی نے یونین کونسل 52میں جاری ترقیاتی کاموں کا جائزہ لیا اور متعلقہ حکام کو ہدایت کی کہ ترقیاتی کامو ں کو بروقت مکمل کیا جائے، ان کی شفافیت پر کسی قسم کا سمجھوتہ نہیں کیا جائے ۔ اس موقع پر وزیر خارجہ کا کہنا تھا کہ ملتان کے شہریوں کے مسائل کا ادراک ہے ، انہیں ترجیحی بنیادوں پر حل کریں گے۔عوام نے ہمیں عزت دی ہے ، یہ این اے 156کے عوام کا منتخب نمائندہ ہے جو پوری دنیا میں پاکستان کا مقدمہ بھر پور انداز میں لڑ رہا ہے۔وزارت خارجہ کی مصروفیات کے باوجود حلقے کی عوام سے مسلسل رابطہ میں ہوں

بھارتی آئیڈیالوجی نفرت پر مبنی،اقوام متحدہ سیکرٹری جنرل کے سامنے وزیراعظم نے کیا مودی کو بے نقاب

ترک صدر نے کیا کشمیر ، ایف اے ٹی ایف بارے اہم اعلان، کہا وفا کے پیکر پاکستانیوں کو کبھی نہیں بھول سکتے

افغانستان میں جنگ بہت ہو چکی، اب امریکا کی کیا خواہش ہے؟ زلمے خلیل زاد بول پڑے

وزیر خارجہ مخدوم شاہ محمود قریشی گلشن مارکیٹ نیو ملتان گئے جہاں انہوں نے انجمن تاجران گلشن مارکیٹ کے سیکرٹری جنرل سلیم کمبوہ کے والد کی وفات پر فاتحہ خوانی کی۔ وزیر خارجہ شاہ محمود قریشی گلشن مارکیٹ کی مختلف دکانوں پر گئے اور فرداً فرداً تاجروں سے ملاقات کی۔ انہوں نے یوسی 62میں سابق کونسلر رانا فرخ کی رہائش گاہ پر چائے میں شرکت کی۔ یوسی 62میں صدام چھڑڑ کے گھر استقبالیہ میں شرکت کی۔ اس موقع پر حاجی جاوید اختر انصاری’ سید بابر شاہ ‘ چودھری خالد جاوید وڑائچ’ چودھری الیاس ‘ رائو امجد ‘ ناصر چٹھہ ویگر شخصیات ان کے ہمراہ تھیں۔ وزیر خارجہ نے متعدد مقامات پر کارکنوں سے بھی ملاقات کی .

شجاع آباد (نمائندہ باغی ٹی وی )
زمین پھٹی نہ آسمان گرا، شجاع آباد میں بااثر درندہ صفت زمیندار کی 20 سالہ گونگی لڑکی سے جنسی زیادتی، ویڈیو بھی بنائی، بلیک میل کرکے مسلسل زیادتی کا نشانہ بناتا رہا جس سے نگینہ حاملہ ہو گئی، میڈیا کے سامنے متاثرین کے احتجاج پر پولیس نے مقدمہ درج کرلیا
تفصیلات کے مطابق ۔شجاع آباد کے نواحی علاقے موضع ماڑھا کے رہائشی ارشد علی کی 20 سالہ گونگی بہری بیٹی نگینہ گھر میں اکیلی تھی کہ علاقے کا بااثر درندہ صفت زمیندار خالد نے گھر میں گھس کر اسلحہ کے زور پر منہ اور ہاتھ پاؤں باندھ کر جنسی زیادتی کا نشانہ بنایا اور ویڈیو بھی بنا لی۔ درندہ صفت خالد مظلوم نگینہ کو ویڈیو دکھا کر بلیک میل کرتا رہا اور مسلسل جنسی زیادتی کا نشانہ بناتا رہا جس سے وہ حاملہ ہو گئی۔ گونگی لڑکی نگینہ رو رو کر میڈیا پر اشاروں سے اپنے اوپر ہونے والے ظلم کو سمجھاتی اور بتاتی رہی۔ نگینہ کے والد ارشد نے تھانہ سٹی میں احتجاج کرتے ہوئے میڈیا کو بتایا کہ زیادتی چند روز قبل ہوئی مگر پولیس نے ہماری ایک نہ سنی اور ہم تھانہ کے چکر لگا لگا کر چلے جاتے۔ ملزم بااثر اور زمیندار ہے اور پولیس کاروائی سے گریزاں ہے۔ میڈیا پر احتجاج کے بعد تھانہ سٹی پولیس نے مقدمہ تو درج کرلیا لیکن ملزم کی گرفتاری سے گریزاں ۔رپورٹ رانا اظہر منیر نمائندہ باغی ٹی وی ملتان شجاع آباد

ملتان (نمائندہ باغی ٹی وی )جمعیت علماء پاکستان جنوبی پنجاب کے قائد محمد ایوب مغل نورانی نے کہا سیدنا صدیق اکبر کا دور خلافت اسلام کی تاریخ کا روشن باب ہے آپ کو سسر رسول پاک صلی اللہ علیہ وسلم ہونے کے ساتھ اسلام کا پہلا خلیفہ ہونے کا اعزاز بھی حاصل ہے حضرت ابو بکر صدیق نے اسلام کے لیے بہت محنت کی اور آپ کی اسی محنت سے دین اسلام پوری دنیا میں پھیلا سیرت صدیق اکبر اپنا کر ہم اپنی دنیا و آخرت سنوار سکتے ہیں ریاست مدینہ کے حکمران خلافت صدیق اکبر کا نفاظ نافظ کریں جو کہ نظام مصطفئ ص ہے ان خیالات کا اظہار انہوں نے جے یو پی ضلع ملتان کے نائب صدر مولانا ابو تہامی قادری. ضلعی سیکرٹری نشرو اشاعت عبدالوھاب نورانی سے ملتان اپنے دفتر میں ملاقات کرتے ہوۓ کیا۔ رپورٹ رانا اظہر منیر نمائندہ باغی ٹی وی ملتان شجاع آباد

شجاع آباد (نمائندہ باغی ٹی وی )
شجاع آباد سوئیٹس اینڈ بیکرز شاپ ناقص اشیاء مہنگی فروخت کرنے لگے شہری مختلف بیماریوں میں مبتلا
تفصیلات کے مطابق
شجاع آباد میں سوئیٹس اینڈ بیکرز کی چاندی ناقص اشیاء کی مہنگے ترین داموں فروخت جاری ناقص اشیاء سے تیار کردہ میٹھائی کارخانوں سے 175 روپے خرید کر دکانوں پر 250 سے 280 روپے تک فروخت کی جارہی ہے بیکریوں میں تیار ہونے والی اشیاء کیک بریڈ پیزا وغیرہ انتہائی ناقص اور مضر صحت اشیاء سے تیار کی جارہی ہیں جس کی وجہ سے شجاع آباد کی عوام ہیپاٹائٹس آنتو ں کے امراض , جگر جیسی مہلک بیماریوں کا شکار ہونے لگی ہے شہریوں کا مزید کہنا ہے کہ کارخانوں میں صفائی کے ناقص انتظامات ہونے کے ساتھ ساتھ چوہوں کی آماجگاہ بھی یہ بیکریاں بنی ہوئی ہیں جس کی وجہ سے اہل علاقہ پریشانی کا شکار ہے ۔ ناقص معیار ہونے کی وجہ سے بدبو تعفن پھیلنے لگا ہے پنجاب فوڈ اتھارٹی کی کارروائیاں صرف کاغذی کارروائی تک محدود ہوکر رہ گئی ہیں اہلیان شہر کی انتظامیہ سے درخواست ہے کہ ایسی سوئیٹس کی دکانیں اور بیکریوں کے خلاف ناقص معیار ہونے پر نوٹس لیا جائے تاکہ عوام الناس بیماریوں میں مبتلا ہونے سے بچ سکے۔ رپورٹ رانا اظہر منیر نمائندہ باغی ٹی وی ملتان شجاع آباد

بستی ملوک (نمائندہ باغی ٹی وی ) شہریوں کی سہولت اور ان کے مسائل کے فوری حل کیلئے میپکو سب ڈویژن بستی ملوک کے بلمقابل واقع مسجد میں ایس ای بہاولپور سید جواد منصور کی طرف سے کھلی کچہر ی کااہتمام کیا گیا اس موقع پر ایڈیشنل ایکسین سیفٹی وایڈمن ڈائریکٹر سید صفدر شاہ،ایکسین لودھران عامر رشید بابر،ایڈیشنل ایکسین سیفٹی عامر انصاری،ایس ڈی او بستی ملوک سلیمان حیدر،چوہدری شبیر گجر سمیت دیگر عملہ بھی موجود تھا کھلی کچہری میں انجمن تاجران بستی ملوک کے صدر راؤ مقیم انجم،چوہدری جاوید اقبال پراپرٹی ڈیلر،چوہدری عنائیت،چوہدری غلام مصطفی چیمہ،سابق کونسلر اسلم قاسم،صدر نیو سبزی منڈی چوہدری رضوان سمیت شہریوں کی بڑی تعداد موجود تھی مسائل کی نشان دہی کرتے ہوئے راؤ مقیم انجم نے کہا کہ شجاع آباد روڈ پر چند دن قبل ایک پول لگایا گیا جو کہ جگہ ہونے کے باوجود سڑک کے ساتھ لگا دیا گیا جس کسی بھی وقت خطرناک ثابت ہوسکتا ہے،موٹروے سے کراسنگ کیلئے بنایا گیا پل جس کے اوپر سے ہائی وولٹیج بجلی کی تاریں عوام کیلئے جان لیوا ہیں جس کو ہٹایا جائے یا فائبر تار ڈالی جائے اس کے علاوہ بجلی کے پولزپر لگے بے ہنگم میٹرزکو ترتیب سے لگایا جائے جس پر ایس ای صاحب نے ان مسائل کو جلد حل کرنے کروانے کی یقینی دہانی کروائی شہری غلام مصطفی کا کہنا تھا کہ پہلے بھی دو بار کھلی کچہری لگائی گئیں لیکن چند ایک کمپلینوں کے علاوہ کسی پر عمل درآمد نہیں ہوامارکیٹوں میں بجلی کے تار دوکانداروں وشہریوں کیلئے وبال جان بنے ہوئے ہیں جن کے بارے میں بار ہا شکایت کی گئیں لیکن مسلہ حل نہیں ہوادیگر کئی شہریوں نے بھی اپنے اپنے مسائل کے بارے میں درخواستیں جمع کروائیں جن پر فوری حل کیلئے احکامات صادر کئے گئے آخر میں ملازمین سے خطاب میں افسران بالانے کہا کہ ملازمین اپنی سیفٹی کو یقینی بنائیں ڈائرکٹ کمپلین کی بجائے باقاعدہ رجسٹرکروائی جانے والی شکایت کو حل کیا جائے۔رپورٹ رانا اظہر منیر نمائندہ باغی ٹی وی ملتان شجاع آباد

بستی ملوک (نمائندہ باغی ٹی وی )نجی تعلیمی ادارے دی بوسٹن سکول اینڈ کالج سسٹم میں سالانہ تقریب تقسیم انعامات کا انعقاد کیا گیا پرنسپل ملک محمد آصف نے پوزیشن ہولڈر طلباء وطالبات میں انعامات تقسیم کئے جبکہ فسٹ ایئر کی طالبہ بشرا خدا بخش کو میڈیکل میں علاقہ بھر میں تھرڈپوزیشن لینے پر لیپ ٹاپ دیا گیا ۔رپورٹ رانا اظہر منیر نمائندہ باغی ٹی وی

شجاع آباد (نمائندہ باغی ٹی وی )جمعیت علماء پاکستان کے ضلعی نائب صدر مولانا ابو تہامی قادری ضلع ملتان کے سیکرٹری نشرو اشاعت عبدالوھاب نورانی نے کہا کہ ویلنٹائن ڈے اسلام اور تہزیب کے خلاف ہے اس طرح کے غیر اسلامی غیر اخلاقی تہواروں کی روک تھام ہونی چاہیے 14 فروری کو اس ڈے کو منانا نوجوان نسل کے اندر بے حیائی پھیلانا ہے ہمارا قوم سے مطالبہ ہے کہ 14 فروری کو یوم حیاء کے طور پر منایا جاۓ اور وطن عزیز میں نظام مصطفئ صلی اللہ علیہ وسلم کے نفاظ و ملک کی ترکی خوشحالی اور کشمیر سمیت تمام مسلمانوں کی آزادی کے لیۓ دعائیں کی جاۓ جے یو پی ریاست مدینہ کے حکمرانوں سے مطالبہ کرتے ہیں کہ اس طرح کے اسلامی اقدار کے منافی تہواروں پر فوری پابندی عائد کرکے ریاست مدینہ کا عقس دنیا بھر کو دکھاۓ نوجوان نسل کو اس بہودہ حرکت سے روکنا علماء سمیت ریاست کی بھی زمیداری ہے۔رپورٹ رانا اظہر منیر نمائندہ باغی ٹی وی ملتان شجاع آباد

بستی ملوک(نمائندہ باغی ٹی وی )ٹریفک قوانین پرعمل کرکےایکسیڈنٹ سے بچا جا سکتا ھے۔ڈی ایس پی موٹروے پولیس -نیشنل ھائی وے موٹروے پولیس کے ڈی آئی جی احمد ارسلان ملک اور ملتان کے سیکٹر کمانڈر ایس پی ندیم اشرف وڑائچ کی خصوصی ھدایت پر بیٹ 19 بستی ملوک نے گورنمنٹ بواٸز ہائی سکول بستی ملوک میں روڈسیفٹی سیمینار کا انعقاد کیا بعداز بریفنگ ڈی ایس پی ملک احسان الحق ایڈمن آفیسر انسپکٹر اللہ بخش بھٹی نے میڈیا کو بتایا کہ ھم نے 15 روزہ کمپین کا آغاز کیا ھے جس میں مختلف اڈوں فیکٹریوں اور سکولوں میں موٹر سائیکل سوارکو ٹریفک قوانین پر عمل کر کےایکسیڈنٹ سے بچنے کی احتیاطی تدابیر پرعمل, پیدل سفر کرنا, روڈ کراسنگ, ہیلمٹ کا استعمال, شیشوں کی افادیت اور لا ئسنس کے حصول سے متعلق بریفنگ دی جا رںی ھے۔ علاوہ ازیں انھیں ہدایات دی جا رہی ہیں کہ دوران ڈرائیونگ کسی قسم کی غفلت اور لاپرواہی کا مظاہرہ نہ کریں۔اورانتہائی بائیں لین کا استعمال کریں تاکہ اپنی اور دوسروں کی جان کی حفاظت ھوسکے قومی شاہراوں پر عوام کے جان و مال کی حفا ظت کرنا ہماری اولین ترجیح ھے اس بریفنگ کا مقصد عوام کی زندگی بچانا اور ایکسیڈنٹ سے محفوظ کرنا ھے۔ دوران سفر مدد کی ضرورت پڑے تو ہیلپ لاںن 130 پر کال کریں موٹروے پولیس کے آفیسرز ہر ممکن مدد فراھم کریں گے سکول کے پرنسپل راو انتظار اور اساتذہ کرام نے لیکچر کے اس اقدام کو سراہا۔ رپورٹ رانا اظہر منیر نمائندہ باغی ٹی وی ملتان شجاع آباد

شجاع آباد (نمائندہ باغی ٹی وی )جمعیت علماء پاکستان تحصیل شجاع آباد کے عہدیداران کی حلف وفاداری کی تقریب درسگاہ محمدیہ اظھر العلوم نوری جامع مسجد شجاع آباد میں زیر صدارت ضلعی صدر ملتان صاحبزادہ خالد اقبال خان اظہری منعقد ہوئی جس میں مہمان خصوصی قائد جنوبی پنجاب جے یو پی محمد ایوب مغل نورانی صاحب سیکرٹری قانونی مشیر جنوبی پنجاب اعراز روہیلہ ایڈووکیٹ ضلعی جنرل سیکرٹری علامہ طارق ہاشمی تھے اس موقع پر محمد ایوب مغل نے اظہار خیال کرتے ہوۓ کہا سیکولر قوتیں اس ملک پر اپنا نظریہ مسلط کرنا چاہتی ہیں جس کو دینی قوتیں بل خلوص جمعیت علماء پاکستان کسی صورت نہیں نافظ ہونی دیگی اس ملک کا مقدر نظام مصطفئ صلی اللہ علیہ وسلم ہے جس کے نفاظ کی جدو جہد ہم کر رہیں ہیں تحفظ ختم نبوت صلی اللہ علیہ وسلم کی لیۓ ہم کسی قسم قربانی سے پیچھے نہیں ہٹے گے ملک میں مہنگائی سے عوام پریشان ہے حکومت عوام کے مسائل حل کرنے کے لیے دینی و سیاسی جماعتوں کی آل پارٹیز کانفرنس بلاکر ملک کے موجودہ حالات پر قومی پالیسی کا اعلان کرے اس وقت ملک میں قومی یکجہتی کی اشد ضرورت ہے ان کا مزید کہنا تھا کہ کشمیر پاکستان کی شہ رگ ہے مسئلہ کشمیر صرف جہاد سے ہی حل ہوگا حکومت اس مسئلہ پر عملی اقدام کرنے سے پیچھے ہے جو کہ سمجھ سے بالا تر ہے اقوام متحدہ اور او آئی سی کی کشمیر بارے پالیسی انتہائی مایوس کن ہے جے یو پی عوام کے حقوق مسئلہ کشمیر اور تحفظ ناموس مصطفئ صلی اللہ علیہ وسلم کے لیۓ کلمہ حق بلند کرتی رہیں گی اس موقع پر محمد عمر سعیدی. مولانا ابو تہامی قادری. عبدالوھاب نورانی. کامران بھٹی. راؤ علی. ولی محمد قریشی. راؤ مختیار علی. بابر علی قادری. شکیل سعیدی. وزیر احمد نورانی. عثمان سعیدی. حافظ محمد عبید. مولانا حافظ عمران. حافظ شیراز حیدری. حبیب الرحمان مہروی. مشتاق قریشی. رانا مشتاق نون ایڈووکیٹ سمیت دیگر نے شرکت کی اس موقع پر محمد ایوب مغل نے تحصیل شجاعآباد کے عہدیداران سے حلف بھی لیا. رپورٹ رانا اظہر منیر نمائندہ باغی ٹی وی ملتان شجاع آباد