Category: ملتان

بستی ملوک(نمائندہ باغی ٹی وی )گذشتہ روز الجاوید پراپرٹی ڈویلپمنٹ اینڈ بلڈرز چوہدری جاوید اقبال و ملک اللہ رکھا نے اپنے نئے پروجیکٹ کینال ویو سٹی کا افتتاح کیا سابق ایم این اے لودھراں مسلم لیگ ن پیپر اقبال شاہ۔سابق ایم پی اے پیر عامر اقبال شاہ سے کروایا دیگر معزز مہمانوں میں میپکو ہائیڈرویونین کے ریجنل وائس چیئرمین چوہدری شبیر گجر۔چوہدری عبدالغفار۔چوہدری احسان سرور۔چوہدری عبدالمجید۔چوہدری عبدالحفیظ۔انجمن تاجران راو مقیم انجم۔رانا ہارون۔مہر ذیشان سہارن۔صدر بستی ملوک پریس کلب چوہدری اشفاق احمد۔جنرل سیکرٹری وحید اختر۔سابق صدر رانا محمد عرفان۔پراپرٹی ڈیلرچوہدری نورجمال۔چوہدری عنایت۔چوہدری عمران۔ملک اصغر۔چوہدری مقصود سمیت دیگر مشہور شخصیات شامل تھیں۔اس موقع پر پیپر اقبال شاہ نے چوہدری جاوید کو مبارکباد دیتے ہوکہا کہ منگائی کے اس دور میں غریب آدمی کےلئے اپنا گھر بنانا بہت مشکل کام ہے لیکن الجاوید ڈویلپمنٹ اینڈ بلڈرز کی طرف سے آسان اقساط پر بہترین رہائشی منصوبہ کسی نعمت سے کم نہیں جہاں پر ضرورت زندگی کی تمام تر بنیادی سہولیات پہلے سے ہی مہیا کی گئی ہیں۔ رپورٹ رانا اظہر منیر نمائندہ باغی ٹی وی ملتان شجاع آباد

پاک فوج کو گرفتاری دینے والے چھوٹو گینگ کےمرکزی ملزم کو عدالت نے کیا بری

باغی ٹی وی کی رپورٹ کے مطابق چھوٹو گینگ کےمرکزی ملزم غلام رسول عرف چھوٹو سمیت4ملزمان کو بری کر دیا گیا،انسداددہشت گردی عدالت ملتان نےملزمان کوشک کا فائدہ دے کر بری کردیا،ملزمان کے خلاف پولیس پرفائرنگ اوردھماکہ خیز موادبرآمدگی کامقدمہ درج تھا.

گزشتہ برس ماہ جولائی میں انسداد دہشت گردی کی عدالت نے چھوٹو گینگ کے سربراہ غلام رسول عرف چھوٹو سمیت 3ملزمان کو جرم ثابت ہونے پر مجموعی طور پر 298/298 سال قید کی سزا سنائی تھی، عدالت نے مقدمہ میں گرفتار ایک ملزم کو مجموعی طورپر 308سال قید کی سزا سنائی۔

ڈیرہ غازی خان میں انسداد دہشت گردی کی عدالت کے جج شوکت حسین نے ضلع راجن پور کے تھانہ بنگلہ اچھا کے مقدمہ کا فیصلہ سنادیا۔ عدالت نے جرم ثابت ہونے پر چھوٹو گینگ کے سربراہ غلام رسول عرف چھوٹو اور دیگر 2ملزمان کو مختلف دفعات کے تحت مجموعی طور پر 298/298سال قید اور دو، دو لاکھ روپے جرمانہ کی سزا سنا دی جبکہ مقدمہ میں گرفتار ایک ملزم غلام رسول کہو کو مجموعی طورپر 308 سال قید کی سزا سنادی۔

عدالت نے مقدمہ میں گرفتار دیگر تین ملزمان کو شک کا فائدہ دے کر بری کردیا۔ استغاثہ کے مطابق ملزمان نے سال 2011میں تھانہ بنگلہ اچھا کے علاقہ میں قائم پولیس پکٹ پر حملہ کیا تھا، فائرنگ سے اے ایس آئی ندیم مزاری اور آصف لانگری شہید جبکہ تین اہلکار زخمی ہوئے تھے۔ ملزمان نے 8پولیس اہلکاروں کو گن پوائنٹ پر اغوا بھی کرلیا تھا۔

واضح رہے کہ 2016میں کچہ کے علاقہ آپریشن کے دوران چھوٹو گینگ نے پاک فوج کے آگے ہتھیار ڈال کر گرفتاری دے دی تھی,

تحریک انصاف کی حکومت کا کرپشن سیکنڈل آ گیا، سینئر سیاستدان نے کیا بڑا دعویٰ

باغی ٹی وی کی رپورٹ کے مطابق مسلم لیگ ن کے رہنما جاوید ہاشمی نے کہا ہے کہ گندم کا بحران حکومت وقت کا بولتا ہوا کرپشن سکینڈل ہے، وفاقی وزرا سرکاری گاڑیوں پر ایک دوسرے سے گتھم گتھا ہیں اور ٹی وی چینلز پر بیٹھ کر دست وگریبان ہیں، موجودہ حکومت کی بدانتظامی اور مہنگائی کی وجہ سے ملک میں کسی بھی وقت ہنگامے پھوٹ سکتے ہیں،

ملتان میں پریس کانفرنس سے خطاب کرتے ہوئے جاوید ہاشمی کا کہنا تھا کہ حکومت سے تمام اتحادی ناراض اور پنجاب میں فارورڈ بلاک بن رہے ہیں، عوام کو اسمبلیوں پر اعتماد نہیں رہا اس لئے عمران خان مستعفی ہوکرقوم کو راستہ دیں، پاکستان اس وقت بدترین سیاسی، معاشی، غذائی و انتظامی بحرانوں کا شکار ہو چکا ہے،

جاوید ہاشمی کا مزید کہنا تھا کہ پاکستان تاریخ کے بہت بڑے بحرانوں میں گھر چکا ہے، کابینہ بھی بحران میں ہے اور یہ بڑھ رہا ہے، وزراء عوامی سطح پر ایک دوسرے سے جنگ لڑ رہے ہیں، وفاقی وزیر میاں محمد سومرو اور مشیر خاص وزیراعظم شہزاد اکبر سرکاری گاڑیوں پر ایک دوسرے سے لڑ رہے ہیں۔ وفاقی وزیر علی زیدی ودیگر نے اعتراف کیا ہے کہ پہلے گندم ایکسپورٹ کر کے کرپشن کی گئی اب امپورٹ کر کے کمیشن کھرا کیا جائیگا۔ اب گندم منگوانا کسانوں کے لئے ایک سازش ہے کیونکہ مارچ میں یہ گندم آئے گی تو اس وقت سندھ میں گندم کی فصل آچکی ہوتی ہے، ان کی گندم کون خریدے گا، گندم کی ایکسپورٹ اور پھر امپورٹ ایک بہت بڑی کرپشن کی داستان ہے.

حریم شاہ کی دبئی میں کر رہے ہیں بھارتی پشت پناہی، مبشر لقمان نے کئے اہم انکشاف

حریم شاہ کو کریں گے بے نقاب، کھرا سچ کی ٹیم کا بندہ لڑکی کے گھر پہنچا تو اسکے والد نے کیا کہا؟

مبشر صاحب ،گند میں نہ پڑیں، ایس ایچ او نے حریم شاہ کے خلاف مقدمہ کی درخواست پر ایسا کیوں کہا؟

حریم شاہ مبشر لقمان کے جہاز تک کیسے پہنچی؟ حقائق مبشر لقمان سامنے لے آئے

حریم شاہ کے خلاف کھرا سچ کی تحقیقات میں کس کا نام بار بار سامنے آیا؟ مبشر لقمان کو فیاض الحسن چوہان نے اپروچ کر کے کیا کہا؟

حریم شاہ..اب میرا ٹائم شروع،کروں گا سب سازشیوں کو بے نقاب، مبشر لقمان نے کیا دبنگ اعلان

جاوید ہاشمی کا مزید کہنا تھا کہ پنجاب حکومت میں فاروڈ بلاک بن رہے ہیں میں ذاتی طور پر فارورڈ بلاکس کا حامی نہیں ہوں بلکہ میری رائے کے مطابق اگر آپ پارٹی پالیسی سے متفق نہیں تو فارورڈ بلاک بنانے کے بجائے استعفی دے دینا چاہیے۔ تحریک انصاف کی تنظیم سازی پر بھی کارکنان نے علیحدہ گروپس بنا رہے ہیں۔ بیساکھیوں پر حکومت نہیں چلتی اور اب تو لگتا ہے بیساکھیاں بھی کھسکنے والی ہیں۔ حکومتی اتحادی بھی علیحدگی کی طرف مائل ہیں۔ معاشی ٹیم چار بار تبدیل کی اور اب ایک اور تبدیلی آنے والی ہے۔

‎15 روپے کی روٹی اور 20 روپے کے نان کے بعد آٹے کا بحران. مریم اورنگزیب نے کی کڑی تنقید

چین کی سلامتی کونسل میں کشمیر پر حمایت، اسد قیصر بھی میدان میں آ گئے، کیا کہا؟

وزیر اعظم نے آٹا مہنگا ہونے کا نوٹس لے لیا اور جہانگیر ترین اور خسرو بختیار کو آٹے کی قیمتوں کو کم کرنے کا ٹاسک دیدیا ۔ معلوم ہوا کہ پنجاب میں گندم بحران شدت اختیار کرگیا ،صوبائی دارالحکومت سمیت پنجاب کے متعدد شہروں میں آٹے کی قلت شدت اختیار کرگئی۔ بحران کا فائدہ اٹھاتے ہوئے مافیا نے پنجاب کی غلہ منڈیوں میں مصنوعی قلت پیدا کر کے گندم کی قیمت2200روپے فی من کردی ۔ گندم کی قیمتوں میں اضافے کا جواز بنا کر آٹا چکی مالکان ایسوسی ایشن نے دیسی آٹے کی قیمت میں رواں ماہ دوسری بار اضافہ کردیا

شیخ رشید ڈوبتے جہاز کا پہلا چوہا ہو گا ، ایساکس نے کہہ دیا

باغی ٹی وی : سیاست کا باغی جاوید ہاشمی ایک بار پھر بول پڑا اور تحریک انصاف کے اندر کی کہانی سنا دی. سینِئر سیاست دان مخدوم جاوید ہاشمی نے کہا ہے کہ پاکستان تحریک انصاف (پی ٹی آئی) کی پنجاب حکومت کے خلاف مرکز کے وزیر کھل کر بیان دے رہے ہیں۔

ملتان میں میڈیا سے گفتگو کرتے ہوئے انہوں نے کہا کہ ڈوبتے جہاز میں چوہے ہوتے ہیں اور شیخ رشید ڈوبتے جہاز کا پہلا چوہا ہو گا جو وزارت چھوڑ دے گا۔

امریکی صدر ڈونلڈ ٹرمپ اچانک پاکستان کے ہمسایہ ملک میں ، دیکھ کر سب حیران

امریکی صدر ٹرمپ نے وزیراعظم عمران خان کوایران سے بات چیت کا مینڈیٹ دیدیا

کشمیر سے متعلق سوال پر ٹرمپ نے کیا جواب دیا؟ جان کر ہوں حیران

وزیراعظم عمران خان نے ٹرمپ سے کشمیر بارے بڑا مطالبہ کر دیا

مخدوم جاوید ہاشمی کا کہنا تھا کہ مینجمنٹ کی صورت حال سے پورا ملک بہت بڑے بحران کی لیپٹ میں ہے۔انہوں نے کہا کہ کابینہ کا بحران بڑا واضح ہو گیا ہے اور ہر وزیر دوسرے وزیر سے کھل کر جبگ کر رہا ہے۔

ان کا کہنا تھا کہ تبدیلی لانے والی پارٹی میں کابینہ اراکین ایک دوسرے سے جنگ لڑ رہے ہیں، شپنگ کا وزیر ٹی وی چینلز پر کہہ رہا ہے کہ گندم والا ایک اسکینڈل ہے۔پی ٹی آئی کے سابق رہنما نے کہا کہ پارلیمنٹ میں بھی اختلاف ہوتا رہتا ہے تاہم ایک عجیب وغریب قسم کا بحران ہے جو کبھی نہیں آیا۔

انہوں نے الزام عائد کیا کہ چار لاکھ ٹن گندم جو منگوائی جارہی ہے وہ کسانوں کو بھوکا مارنے کی سازش ہے، یہ پیسہ کمانے کا نہیں بلکہ صاف کرپشن کا معاملہ ہے۔واضح رہے کہ اس وقت حکومت شدید مشکلات کا شکار ہے. اتحادی الگ ہونے کی دھمکیاں‌ دے رہے ہیں اور پارٹی کے اندر فارورڈ بلاک بن گیا ہے .

انہوں نے کہا کہ وزیر اعظم عمران خان کا شوکت خانم کا تعلق سب جانتے ہیں اور شوکت خانم سے علیمہ خان کا تعلق بھی چھپائے نہیں چھپتا۔

شجاع آباد (نمائندہ باغی ٹی وی ) کلین اینڈ گرین پنجاب مہم کاغذئی کاروائی اور بند کمروں تک محدود ،شہر کی صفائی کے لئے بہتر انتظامات نہ کئے جا سکے۔نوٹس لینے کا مطالبہ۔ تفصیل کے مطابق کلین اینڈ گرین پنجاب کی مہم کاغذئی کاروائی بند کمروں تک محدود ہو کر رہ گئی۔شہر میں جگہ جگہ گندگی اور کوڑا کرکٹ کے ڈھیر لگے ہوئے ہیں۔چھوٹی نہر میں گندگی ڈالنے والوں کے خلاف تاحال کوئی کاروائی نہ کی جا سکی۔کینال کے اطراف میں پودے اور بجلی کے پول لگا کر گرین بیلٹ بنانے کے باتیں سیاسی وعدوں تک محدود ہو کر رہ گئی ہیں۔چھوٹی نہر کے ساتھ گندگی کی بد بو کے ساتھ کھڑا ہونا محال ہے جہاں لوگ صبح سیر کے لئے جایا کرتے تھے گندگی کے ڈھیروں کے سبب وہاں سے گزرنا پسند نہیں کرتے ۔عوام کا اسسٹنٹ کمشنر مبین احسن اور انتظامیہ سے نوٹس لینے کا مطالبہ ۔ رانا اظہر منیر نمائندہ باغی ٹی وی ملتان شجاع آباد

بستی ملوک(نمائندہ باغی ٹی وی )موٹروے روڈ نزد اڈا 5فیض ٹریفک حادثہ نوجوان جانبحق تفصیلات کے مطابق گذشتہ روز تھانہ بستی ملوک کے علاقہ اڈا 5فیض کے قریب بس نمبر MNS/8655 کی ٹکر سے ایک نوجوان شخص جانبحق ہوگیا ہےاطلاع ملتے ہی تھانہ بستی ملوک پولیس۔موٹروے پولیس جائے حادثہ پر پہنچ گئی تھانہ بستی ملوک پولیس نے نعش کو تحویل میں لے کر کاروائی شروع کردی۔ رپورٹ رانا اظہر منیر نمائندہ باغی ٹی وی ملتان شجاع آباد

ملتان (نمائندہ باغی ٹی وی ) جمعیت علماء پاکستان (نورانی) ضلع ملتان کے زمیداران کی مشاورتی مٹنگ آفس کامران بھٹی ٹریول ایجنسی میں صدر جے یو پی نورانی ضلع ملتان صاحبزادہ خالد اقبال خان اظھری کی صدارت میں منعقد ہوئی. جس میں ضلعی خزانچی محمد بابر قادری. ضلعی سیکٹری نشرو اشاعت عبدالوھاب نورانی. ضلعی ڈپٹی جنرل سیکرٹری حاجی کامران بھٹی. ضلعی سیکٹری خدمت عامہ وزیر احمد نورانی. محمد شکیل بھٹی و دیگر نے شرکت کی مٹنگ سے اظہار خیال کرتے ہوۓ صدر جے یو پی ضلع ملتان خالد اقبال اظھری نے کہا ملک کی موجودہ صورتحال انتہائی تشویش ناک ہے موجودہ حکومت ریاست مدینہ کا نعرہ لگا کر عوام پر ظلم کر رہی ہے مہنگائی کا جن بے کابو ہوگیا ہے جس سے عوام اور بل خلوص غریب طبقہ بہت پریشان ہے حکومت عوام کو ریلیف دینے میں مکمل طور پر ناکام نظر آرہی ہے تحفظ ختم نبوت صلی اللہ علیہ وسلم ہمارا ایمان ہے اس میں کسی قسم کی قربانی دینے سے دریغ نہیں کریں گیۓ اس موقع پر کامران بھٹی. بابر قادری. عبدالوھاب نورانی. وزیر نورانی. شکیل بھٹی نے کہاں جے یو پی نورانی اتحاد امت و اہلسنت کے لیۓ مصروف عمل ہے نظام مصطفئ ص کی جدو جہد جاری رکھے گیۓ تحریک لبیک کے 86 کارکنان کی گرفتاری قانونی طور پر بھی اور اخلاقی طور پر بھی درست عمل نہیں ہم سمجھ تے ہیں کہ ایک سازش کے تحت پاکستان بنانے والے مسلک اہلسنت کو دیوار سے لگانے کی کوشش کی جارہی ہے جس پر تمام سنی جماعتیں خوب نظر جماۓ ہوۓ ہیں عبدالوھاب نورانی نے کہا 21 جنوری کو ملتان میں جے یو پی نورانی جنوبی پنجاب کے اجلاس میں بھی شرکت کریں گیۓ اس موقع پر جے یو پی کے زمیداران نے کامران بھٹی کو عمرہ شریف کی سعادت حاصل کرنے پر مبارک باد بھی دی ۔رپورٹ رانا اظہر منیر نمائندہ باغی ٹی وی ملتان شجاع آباد

بستی ملوک(نمائندہ باغی ٹی وی )سیاسی و سماجی شخصیت مہر ذیشان سہارن اور عثمان خلجی نے بستی ملوک پریس کلب کے نومنتخب عہدیداران کو کامیابی پر مبارکباد دی اور صدر پریس کلب چوہدری اشفاق احمد۔جنرل سیکرٹری وحید اختر کو پھولوں کے ہار پہنائے۔مہر ذیشان سہارن اپنے وسیب کی تعمیر وترقی اور الگ صوبے کی کاوشوں میں پیش پیش ہوتے ہیں اس موقع پر مہر ذیشان سہارن نے موجودہ حکومت کو وسیب کے حق کی یاد دلواتے ہوئے کہا کہ ہم الگ صوبے کے مطالبے پر قائم ہیں اور جلد اپنا یہ حق لے کر رہیں گے جس کےلئے بستی ملوک پریس کلب نے ہمیشہ ہمارا ساتھ دیا اور ہماری آواز بنا۔ رپورٹ رانا اظہر نمائندہ باغی ٹی وی ملتان شجاع آباد

بستی ملوک(نمائندہ باغی ٹی وی )موٹروے روڈ پرٹریفک حادثہ بچہ جانبحق تفصیل کے مطابق تھانہ بستی ملوک کے علاقہ اڈا 5 فیض کے قریب موٹر وے روڈ پر معصوم بچہ ڈلوں ولد محمد اعجاز بعمر 10/11 سال جوکہ بستی جھوک قصائیاں والی 5 فیض کا رہائشی تھا بچوں کے ساتھ کھیلتا ہوا سڑک پر آگیا اور دوران سڑک کراسنگ ڈوگر ٹریول کی بس نمبر MNS/286 کے نیچے آکر جانبحق ہوگیا۔رپورٹ رانا اظہر منیر نمائندہ باغی ٹی وی ملتان شجاع آباد

بستی ملوک(نمائندہ باغی ٹی وی ) سیاستدانوں سے تنگ آ کر مقامی آبادی نے اپنی مدد آپ کے تحت کام کرنا شروع کردیا جس کے لئے موضع ترگڑھ کے چند نوجوانوں نے ترگڑھ ڈویلپمنٹ سوسائٹی کے نام سے ایک فلاحی تنظیم کی بنیاد رکھی جس کے ممبران تنویر رضا۔علی شان۔ناصر محمود۔شاہد یامین۔لئیق الرحمن۔محمد آصف یوسف۔عابد حسین۔محمد عمران۔محمد یامین۔محمد کاشف۔امانت علی نے میڈیا کو تفصیلات بتاتے ہوئے کہا کہ حالیہ بارشوں کی وجہ سے پورا علاقہ گندگی کے ڈھیر میں تبدیل ہو گیا لیکن منتخب نمائندگان نے الیکشن کے بعد عوام کا حال تک پوچھنا گوارہ نہ کیا تو ترگڑھ ڈویلپمنٹ سوسائٹی کے باہمت نوجوانوں نے اپنی مدد آپ سے گلیوں ونالیوں کی صفائی اور مرمت،رات میں آنےجانے والوں کی سہولت کےلئے سٹریٹ لائٹس، غریب اور مستحق بچوں کی امداد اور نالیوں کے اوپر لوہے والے جنگلوں کی ویلڈنگ وغیرہ بہت سے کام کروا چکے ہیں جبکہ مزید کام بھی کئے جارہے ہیں ترگڑھ ڈویلپمنٹ سوسائٹی کے ان کاموں کی وجہ سے اہلیان علاقہ نے کسی حد تک سکون کا سانس لیا ہے۔ ترگڑھ ڈویلپمنٹ سوسائٹی کے تمام ممبران کا کہنا تھا کہ ہماری کسی بھی سیاسی جماعت سے کوئی وابستگی نہیں ہے ہم انشاء اللہ اسی طرح اپنی مدد آپ کے تحت اپنے علاقے میں فلاحی کام جاری رکھیں گے۔ رپورٹ رانا اظہر منیر نمائندہ باغی ٹی وی ملتان شجاع آباد