Category: ملتان

جلالپور پیروالا(نمائندہ باغی ٹی وی ) تھانہ صدر پولیس کی کارروائی شراب کی چالو بھٹی سے 400 لیٹر دیسی شراب جبکہ ایک ڈرم کچی شراب برآمد کر لی ملزم گرفتار

جلالپور پیروالا تھانہ صدر پولیس نے نواحی علاقہ بستی پھرانیں میں کارروائی کرتے ہوئے شراب کی چالو بھٹی پر چھاپہ مار کر 400 لیٹر دیسی شراب جبکہ ایک ڈرم کچی شراب برآمد کر لی پولیس کا بتانا ہے کہ ایس ایچ او ارشد بھٹی کی سربراہی میں سب انسپکٹر رانا رحمت، اے ایس آئی مہر عبدالرزاق اور ارشاد منڈیرا سمیت دیگر پولیس اہلکاروں نے مخبری ملنے پر شراب کی چالو بھٹی پر چھاپہ مار کر شراب برآمد کر لی اور ملزم سامان سمیت جلال نامی ملزم کو بھی گرفتار کر لیا ہے جس کے خلاف مقدمہ درج کیا جا رہا ہے۔ رانا اظہر منیر نمائندہ باغی ٹی وی ملتان شجاع آباد

شجاع آباد (نمائندہ باغی ٹی وی ) دربار آستانہ عالیہ گیلانیہ اور جماعت صوفیائے اسلام کے روحانی پیشوا شیخ الاسلام حضرت پیر اعجاز الحسنین کی جانب سے یکجہتی کشمیر کے حوالے سے ایک عظیم الشان ریلی کا انعقاد کیا گیا۔اس ریلی میں شجاع آباد کی عوام نے کثیر مقدار میں شرکت کرکے پوری دنیا کو یہ باور کرایا کہ کشمیر پاکستان کی شہ رگ ہے اور ہم مشکل کی ہر گھڑی میں کشمیری بھائیوں کے شانہ بشانہ کھڑے ہوئے ہیں ریلی میں موجود شرکاء نے کشمیر بنے گا پاکستان اور پاک فوج زندہ باد کے نعرے لگائے اس موقع پرجماعت صوفیاے اسلام کے روحانی پیشوا حضرت شیخ الاسلام پیر اعجازالحسنین نے اپنے خطاب میں کہا آج ہم اس عظیم الشان ریلی کے ذریعے اقوام عالم اور انڈیا کو بتا دینا چاہتے ہیں کہ پوری پاکستانی قوم اپنے کشمیری بھائیوں کے ساتھ ہے بھارت کی جانب سے کشمیریوں پر ہونے والے مظالم ہمیں کسی صورت بھی برداشت نہیں ۔کشمیر پاکستان کا حصہ ہے اور ہم کشمیر کو آزاد کرا کر ہی دم لیں گے ریلی کے شرکاء نے مودی سرکار کو پیغام دیتے ہوئے کہا کہ پوری پاکستانی قوم اپنی حکومت اور مسلح افواج کے ساتھ کھڑی ہے اگر بھارتی حکومت نے پاکستان کے خلاف کسی بھی قسم کی مہم جوئی کی تو یاد رکھیں کے ہم تیار ہیں پوری پاکستانی قوم اپنی مسلح افواج کے ساتھ ہے اور ہم اپنی مسلح افواج کے شانہ بشانہ انڈیا سے لڑیں گے اس موقع پر شیخ الاسلام حضرت پیر اعجاز حسنین نے تین لاکھ نوجوان رضاکار پاک فوج کے حوالے کرنے کا بھی اعلان کر دیا ۔ رپورٹ رانا اظہر منیر نمائندہ باغی ٹی وی ملتان شجاع آباد

بستی ملوک (نمائندہ باغی ٹی وی )ایکسیڈنٹ میں دو افراد جانبحق ورثاء نے روڈ بلاک کردیا تفصیل کے مطابق گزشتہ روز صبح سے بستی ملوک کے علاقے اڈا صادق والا پل احتجاج کے دوران موٹروے روڈ مکمل بلاک رہا احتجاج کرنے والوں کا موقف ہے کہ گزشتہ رات ٹرک کی ٹکر سے موٹر سائیکل سوار محمد مجاہد اور دانیال موقع پر فوت ہوگئے تھے جبکہ دو افراد شاہد اور جمیل جو کہ شدید زخمی ہوئے تھے پولیس فوت ہونے والے افراد کی لاشیں ورثا کو نہیں دے رہی ہے جبکہ پولیس کے مطابق زخمیوں اور لاشوں کو رات نشتر ہسپتال ملتان منتقل کیا گیا تھا ورثا لاشیں نشتر ہسپتال ملتان سے قانونی کارروائی کے بعد وصول کرسکتے ہیں ورثا باضد رہے کہ انہیں لاشیں یہی فراہم کی جائیں پولیس اور مظاہرین کے درمیان مذکرات کےبعدپولیس نےلاشیں ورثا کےحوالےکردیں اور روڈ کلیئر کروادیا گیا زرائع کے مطابق جانبحق ہونے والے دونوں افراد سے پسٹل برآمد ہوئے جوکہ ڈکیت بتائے جارہے ہیں پولیس کی جانب سے انویسٹی گیشن جاری ہے جلد حقائق منظر عام پہ آجائیں گے ۔ رانا اظہر منیر نمائندہ باغی ٹی وی ملتان شجاع آباد

بستی ملوک ( نمائندہ باغی ٹی وی )فراڈیئے عبداللہ خالد اعوان نے ایک اور غریب کاچولہا ٹھنڈا کر دیا،رقم واپس مانگنے پر سنگین نتائج کی دھمکیاں دے رہا ہے۔بیمار ومفلس شخص کی پولیس کے اعلی حکام سے انصاف کی اپیل
پولیس کا موقف ہے کہ یہ شخص پہلے بھی کئی فراڈ کر چکا ہے اور مقدمات بھی درج ہیں درخواستDSP،SPصاحب کو ارسال کی ہی جیسے ہی واپس آتی ہے کاروائی کی جائے گی
تفصیلات کے مطابق تھانہ بستی ملوک کے علاقہ شوکت شہید کالونی کے رہائشی محمد سلیم والد غلام محمد قوم مہر نے صحافیوں کو بتایا کہ تقریبا ڈیڑھ ماہ ہونے کو ہے میں نے تھانہ بستی ملوک میں عبداللہ خالد والد حاجی ملک خالد اعوان چک نمبر386/WBکے خلاف درخواست فرنٹ ڈیسک پر جمع کروائی لیکن ابھی تک پولیس کی طرف سے کوئی کاروائی نہیں کی گئی میں بیمار شخص ہوں محنت مزدوری کرکے اپنے بیوی بچوں کا پیٹ پالتا تھا اب تقریبا 5سال سے میں پٹھوں کے موذی مرض میں مبتلا ہوں جس کی وجہ سے چلنے پھرنے سے بھی قاصر ہوں میری بیوی گھروں میں کام کاج کرکے دو وقت کی روٹی کے پیسے لاتی ہے اور گھر کا چولہاجلتا ہے تقریبا 7ماہ قبل میں نے اپنی بیٹی کی شادی کی اور جہیزمیں کچھ نہ دیاتوعبداللہ خالد ولد حاجی خالداعوان چک نمبر386ڈبلیوبی کا رہائشی میرے پاس آیا اور خود کو ٹی وی چینل(سماء) کا نمائندہ ظاہر کرتے ہوئے کہاکہ میں آپ کو سرکاری فنڈ سے بیٹی کے جہیز کیلئے رقم لے کر دیتا ہوں میں اس کی باتوں میں آگیا اورجس کاغذ پر بھی اس نے کہا انگوٹھا لگا دیا اس عرصے میں عبداللہ خالد مجھ سے مختلف بہانوں سے 22ہزار روپے لے گیا کہ کچھ کلرک وغیرہ پیسے لے کر ہماری فائل کو آگے افسران تک پہنچائیں گے اس کا کہنا تھا کہ 2لاکھ 10ہزار کی منظور ی ہوئی ہے جس میں سے 60ہزار میں رکھوں گا باقی آپ کے ہونگے مجھے کئی بار یہ ملتان بھی لے کر گیا اور کئی محکموں کے افسران کے سامنے پیش بھی کیا کچھ دن قبل یہ میرے پاس ایک چیک لے کر آیا کہ کام ہوگیا ہے اس پر دستخط کر دو میں رقم لے کر آتا ہوں تو میں نے گواہان ملک صفدر ولدمحمد نذر قوم ارائیں سکنہ شوکت کالونی،محمد نثار والد صوفی عبدالستار قوم راجپوت سکنہ شوکت کالونی کی موجودگی میں چیک پر بھی انگوٹھالگا دیا پھر یہ شخص غائب ہوگیا فون پر بات کی تو کہتا ہے ابھی پیسے نہیں ملے میں نے کہا کہ نہیں ملتے پیسے تو جو مجھ سے کلرکوں کے نام پر رقم لی ہے وہ واپس کرو میں نے جن سے ادھار پکڑ کر دئیے وہ واپسی کا تقاضا کر رہے ہیں تو عبداللہ مجھے سنگین نتائج کی دھمکیاں دینے پر اتر آیا کہتا ہے کہ میں نے سادہ کاغذوں پر تم سے دستخط کروارکھے ہیں تم میرا کچھ نہیں کر سکتے میر ا پولیس کے بڑے بڑے افسروں سے تعلق ہے میں کسی مقدمے میں تمہیں یا تمہارے بیٹوں کو حوالات میں بند کروادوں گا میر ی پولیس کے اعلی حکام سے اپیل ہے میرے بچوں سمیت مجھے اس شخص سے تحفظ فراہم کیا جائے اور دھوکہ دہی فراڈ کرکے مجھے سے رقم ہتھیانے وسادہ کاغذات پر انگوٹھے لگانے پر اس کے خلاف کاروائی کی جائے میری رقم جو کہ اس نے مجھے سے لی وہ اور کسی بھی محکمے سے میری بیٹی کے نام پر جہیزفنڈ کی رقم جس کے چیک پر مجھ سے انگوٹھا بھی لگوایا گیا اس سے وہ مجھے واپس کروائی جائے .رانا اظہر منیر نمائندہ باغی ٹی وی ملتان شجاع آباد