ملتان۔ (اے پی پی) ڈپٹی کمشنر عامر خٹک نے جنرل بس سٹینڈ کیلئے ٹریکس کی کارپٹنگ، مارکیٹوں میں ٹف ٹائل لگانے اور منظم سیکورٹی سسٹم قائم کرنے کے پراجیکٹ کا اعلان کیا ہے۔انہوں نے کہا ہے کہ بس اڈے کو گرین اینڈ کلین ملتان مہم کا حصہ بنایا جائے گا۔ انہوں نے کہا کہ وزیراعلیٰ عثمان بزدار نے صوبہ بھر میں بس اور ویگن سٹینڈز پر عوام کو بہترین سہولیات فراہم کرنے کے لیے خصوصی ہدایات جاری کی ہیں۔ یہ اعلان انہوں نے جنرل بس اسٹینڈ کے دورہ کے موقع پر ٹرانسپورٹرز، آٹو سٹور مالکان اور تاجر تنظیموں کے نمائندوں سے ملاقات کے موقع پر کیا۔ سیکرٹری آر ٹی اے کامران بخاری، اے سی شجاع آباد عابدہ فرید اور اے سی جلالپورپیروالا احمد رضا بھی ان کے ہمراہ تھے۔ڈپٹی کمشنر عامر خٹک نے گفتگو کرتے ہوئے کہا کہ بس اڈے کے تمام 15 بلاکس میں ٹف ٹائل لگائی جائے گی اور بس اسٹینڈ کے ٹریکس پر کارپیٹڈ روڈ تعمیر کئے جائیں گے۔ تمام بس ٹریکس اور مارکیٹوں میں سٹریٹ لائٹس لگائی جائے گی۔ انہوں نے کہا کہ سکیورٹی کی غرض سے 6 واک تھروگیٹس اور 20 میٹل ڈیٹکٹر کا انتظام کیا جائے گا۔ بس اڈے میں 100 کلوز سرکٹ کیمرے لگائے جائیں گے اور کنٹرول روم قائم کیا جائے گا جہاں سے سیکیورٹی کی صورتحال کو مانیٹر کیا جائے گا۔عامر خٹک نے کہا کہ بس اڈے کے مین گیٹس کو خوبصورت بنایا جائے گا۔ بس اسٹینڈ میں مختلف مقامات پرگندگی کیلئے 10کنٹینر اور 100 کوڑے دان رکھے جائیں گے۔اس کے علاوہ لاری اڈے میں بھرپور شجر کاری بھی کی جائے گی۔انہوں نے کہا کہ شجاع آباد اور جلالپور پیروالا بس اسٹینڈ کو بھی خوبصورت بنایا جائے گا۔
Category: ملتان
تیزرفتار ٹریکٹرٹرالی نے پانچ سالہ بچے کو کچل ڈالا
ملتان۔ (اے پی پی) ملتان کے نواحی علاقے لابر موڑپرانا شجاع آ باد روڈ پر تیزرفتار ٹریکٹر ٹرالی نے پانچ سالہ بچے کو کچل ڈالا۔ ریسکیو1122ذرائع کے مطابق صادق ولد اقبال نامی پانچ سالہ بچہ لابر موڑ پر سڑک عبور کررہاتھا کہ تیزرفتار ٹریکٹر ٹرالی نے اسے کچل ڈالا جس کے نتیجے میں وہ موقع پر ہی جاں بحق ہوگیا۔ جاں بحق صادق کے والدین اینٹوں کے بھٹے پر کام کرتے ہیں۔
پنجاب کے 21 میں سے 18اضلاع جبکہ سندھ کے 8 اضلاع سے کپاس کی آمد میں کمی
ملتان۔ (اے پی پی) پاکستان کاٹن جنرز ایسوسی ایشن (پی سی جی اے)کے جاری کردہ اعدادوشمار کے مطابق پنجاب کے کپاس پیدا کرنیو الے 21 اضلاع میں سے 18اضلاع جن میں ملتان،لودھراں،خانیوال،مظفرگڑھ، ڈیرہ غازی خان، راجن پور، لیہ،وہاڑی،ٹوبہ ٹیک سنگھ،فیصل آباد،جھنگ،،بھکر،سرگودھا،رحیم یارخان، بہاولپور اوربہاولنگرکے اضلاع میں گزشتہ سال کے مقابلے میں 14.15سے لے کر100فیصدکم کپاس جیننگ فیکٹریوں میں آئی۔جبکہ پنجاب کے اضلاع قصوراور میانوالی کے پیداواری تاہم موصول نہیں ہوئے۔ سندھ کے 11میں سے 8اضلاع میں سانگھڑ،نواب شاہ، نوشہروفیروز، خیرپور، سکھراورجامشوروکے اضلاع میں کپاس کی پیدوارمیں 10.91فیصدسے لے کر82.80فیصدتک کم کپاس جیننگ فیکٹریوں میں آئی جبکہ گھوٹکی اوردادواضلاع کی جننگ فیکٹریوں میں پہنچنے والی کپاس کے اعدادوشمار ابھی تک موصول نہیں ہوئے۔صوبہ بلوچستان میں 31.86فیصد کم پیداوار جننگ فیکٹریوں میں پہنچی۔
ٹیکسٹائل سیکٹرروئی خریداری میں بدستور سرفہرست رہا
ملتان۔ (اے پی پی) پاکستانی ٹیکسٹائل سیکٹرنے کپاس کی فصل کے موجودہ سیزن میں 15ستمبرتک ملک بھر سے مجموعی طورپر15لاکھ 53ہزار 612گانٹھ روئی خریدکر کے مقا می روئی کاسب سے بڑاخریداررہا۔ٹیکسٹائل سیکٹر نے گزشتہ سال 2018ء میں اسی عرصے کے دوران 18لاکھ 98ہزار441گانٹھ روئی کی خریداری کی تھی۔ٹیکسٹائل سیکٹر نے پنجاب سے15ستمبر2019 تک 5لاکھ809گانٹھ روئی کی خریداری کی۔جبکہ سندھ سے 15ستمبر تک 10 لاکھ52ہزار 803گانٹھ روئی خرید کی گئی۔
پاکستان بھر میں 403 فیکٹریوں میں جیننگ کا کام شروع
ملتان۔ (اے پی پی) پاکستان کاٹن جنرزایسوسی ایشن (پی سی جی اے)کے مطابق15ستمبر تک پنجاب اورسندھ کی403جیننگ فیکٹریوں میں جیننگ کا کام شروع ہوگیاہے۔ملک بھرمیں تقریباََ1300جیننگ فیکٹریاں ہیں جن میں سے پنجاب کی206اورسندھ کی 197جیننگ فیکٹریوں میں جیننگ کا کام جاری ہے۔جبکہ گزشتہ سال(2018) کے اسی عرصہ کے دوران پنجاب کی 351اور سندھ کی 234جیننگ فیکٹریوں میں کام ہو رہا تھا۔
بستی ملوک باؤلے خونخوار کتوں کا شہری اور بکریوں پر حملہ عوام میں خوف و حراس پھیل گیا
بستی ملوک(نمائندہ باغی ٹی وی ) باولے کتوں کا شہری اوربکریوں پر حملہ چھے بکریاں ہلاک دو زخمی تفصیلات کے مطابق اڈاہ پیر روڑہ کے رہائشی محمد حسین نامی شخص پر دو دن قبل ہلکے کتوں نے حملہ کرتے ہوئے شدید زخمی کردیا جو نشتر میں زیر علاج یے گزشتہ رات ایک بار پھر بستی ملوک کے نواحی علاقہ موضع رانا واہن کے غریب کاشتکار راو وکیل کی بکریاں بھانے میں موجود تھیں کے آوارہ ہلکے کتوں نے حملہ کردیا جس کے نتیجہ میں راجن پور نسل کی چھے بکریاں ہلاک ہوگئی ہیں جن کی مالیت دو لاکھ روپے بتائی جارہی ہے جبکہ دو بکریاں شدید زخمی ہوگئیں کاشکار راو وکیل کے مطابق رانا واہن میں متعدد آوارہ کتے موجود ہیں بارہا مرتبہ انتظامیہ کی توجہ اس جانب دلائی مگر انتظامیہ غفلت کی کی نیند میں سو رہی ہے اہل علاقہ کا کہنا ہے کہ گزشتہ دو دن قبل سجاد نامی شخص کو بھی آوارہ کتوں نے شدید زخمی کردیا جو نشترہسپتال ملتان میں زیر علاج ہے سجاد پر بھی حملہ اسی اسی طرز میں گردن پر کیا گیا تھا مگر انتظامیہ نے تواجہ نہ دی لائیوسٹاک زرائع کیمطابق برائلر مرغیوں کے کنٹرول شیڈز میں ہلاک ہونے والی مرغیوں کو شیڈ مالکان تلف کرنے کی بجائے باہر پھینک دیتے ہیں جسے کھانے کے بعد آوارہ کتے ہلکے ہوجاتے ہیں اور معاشرے میں تباہی کا باعث بنتے ہیں۔ رانا اظہر منیر نمائندہ باغی ٹی وی ملتان شجاع آباد
شجاع آباد تھانہ سٹی پولیس نے بروقت کاروائی کرتے ہوے 30 سالہ حوا کی بیٹی کو بازیاب کرا لیا
شجاع آباد(نمائندہ باغی ٹی وی ) تھانہ سٹی پولیس کی دبنگ کاروائی تیس سالہ شبانہ کو بازیاب کرالیا گیا تفصیلات کے مطابق تھانہ سٹی شجاع آباد نے بروقت کاروائی کرتے ہوئے رسیوں میں جکڑی ہوئی تیس سالہ شبانہ کو بازیاب کرالیا ہے زمین کا تنازع حل کرنے کے بہانے سوتن اور اس کا داماد قید میں رکھ کر تشدد کا نشانہ بناتے رہے ۔ زمین اپنے نام کرنے کے لیے دباؤ اور بچوں کو قتل کرنے کی دھمکیاں دیتے رہے 30 سالہ شبانہ اشرف بودلہ کی دوسری بیوی ہے ۔اور ذرائع کے مطابق اشرف بودلہ ڈیڑھ سال قبل فوت ہوگیا تھا اشرف بودلہ کی پہلی بیوی کا تعلق اس کے اپنے ہی خاندان سے ہے اور وہ اپنے سسرال میں ہی رہائش پذیر ہے شبانہ کے بیان کے مطابق اسکی سوتن کا داماد اویس یہے کہے کر گھر سے لے گیا کے آج تمہاری زمین کا تنازعہ حل کر دیتے ہیں اور وہاں لے جا کر ملزم اویس اور دو نامعلوم افراد نے تشدد کا نشانہ بنایا اور کہا کہ زمین پہلی بیوی کے نام کرو بات نہ ماننے پر رسیو ں سے باندھ کر تشدد کا نشانہ بناتے رہے اور بچوں کو قتل کرنے کی دھمکیاں بھی دیتے رہے ۔بیٹی کو گھر میں نا پا کر شبانہ کے والد شبیر احمد شبانہ کو ڈھونڈنے اس کے سسرال گئے جہاں ان کو دھکے دے کر گھر سے باہر نکال دیا گیا شبانہ کے والد نے 15 پر کال کر کے پولیس کو ساری صورتحال سے آگاہ کیا ۔ تھانہ سٹی پولیس نے اطلاع ملتے ہی بروقت کارروائی کرتے ہوئے تیس سالہ شبانہ کو بازیاب کرالیا ۔اور طبی معائنے کیلئے شبانہ کو تحصیل ہسپتال منتقل کردیا گیا ۔شبانہ کی درخواست پر ایس ایچ او ملک اسماعیل نے ملزمان کے خلاف مقدمہ بھی درج کر دیا ہے۔ رانا اظہر منیر نمائندہ باغی ٹی وی ملتان شجاع آباد
ملتان ایس ایس پی آپریشنز نے ملتان میں چر چز کی سیکیورٹی کے حوالے سے دورہ کیا
ملتان(نمائندہ باغی ٹی وی ) ایس ایس پی آپریشنز ملتان محمد کاشف اسلم نے چرچز کی سیکیورٹی کے حوالے سے شہر کے مختلف گرجا گھروں کا دورہ کیا۔
انہوں نے تمام تر سیکیورٹی انتظامات کا جائزہ لیا۔
ایس ایس پی آپریشنز ملتان نے تمام ڈیوٹی چیک کی اور سیکیورٹی کے حوالے سے مناسب ہدایات دیں۔
انہوں نے ہدایت کی کہ الرٹ ہو کر ڈیوٹی سر انجام دیں اور مشکوک افراد پر کڑی نظر رکھیں تاکہ کسی قسم کا کوئی ناخوشگوار واقعہ پیش نا اے ۔رانا اظہر منیر نمائندہ باغی ٹی وی ملتان شجاع آباد
بستی ملوک ٹریفک حادثہ ریسکیو 1122 کے بروقت رسپانس نے عوام کے دل جیت لئے
بستی ملوک(نمائندہ باغی ٹی وی )بستی ملوک کے قریبی علاقے اڈا پل دوا پر ٹریفک حادثہ 3 افراد زخمی ریسکیو 1122 بستی ملوک کا بروقت رسپانس
بستی ملوک کے علاقے دوا پل 84 موڑ ٹریفک حادثہ ہوا ایک تیز رفتار ٹرالر نے موٹر سائیکل سوار کو ٹکر ماری اور موقع سے فرار ہوگیا جس کے نتیجے میں عثمان ولد اسلم بعمر 15 سال ، اویس ولد اسلم بعمر 5 سال اور اسلم ولد ریاض بعمر 45 سال شدید زخمی ہوگئے جنہیں ریسکیو 1122 بستی ملوک نے فوری رسپانس کرتے ہوئے زخمیوں کو فرسٹ ایڈ دی اور نشتر ہسپتال ملتان شفٹ کیا اہل علاقہ کی جانب سے ریسکیو 1122 بستی ملوک کو سہولیات کی فراہمی اور بستی ملوک میں باقاعدہ اسٹیشن بنانے کا مطالبہ۔رانا اظہر منیر نمائندہ باغی ٹی وی ملتان شجاع آباد
شجاع آباد ایک ہی تھانہ کی حدود میں بچو ں سے بدفعلی کے دو مختلف واقعات
شجاع آباد (نمائندہ باغی ٹی وی ) شجاع آباد میں ایک ہی تھانہ کی حدود میں 2 بچوں سے بدفعلی کے دو مختلف واقعیات۔ تفصیلات کے مطابق
شجاع آباد میں ایک ہفتہ کے دوران دو کمسن بچوں سے بدفعلی پہلی جماعت کے بچےکو سکول سےواپسی پرنامعلوم افراد نے بدفعلی کا نشانہ بنایا بیہوشی کی حالت میں کھیتوں میں پھینک دیا گیا علاقہ مکین نے اٹھا کر ہسپتال پہنچایا دوسرے واقعہ میں امام مسجد نے پڑھنے آئے بچے کو مسجد میں ہی بدفعلی کا نشانہ بنایا پولیس نے امام مسجد کو گرفتار کر کے دونوں بچوں کے مقدمات درج کر لئے بچوں کے لواحقین کا اعلی حکام سے انصاف کی اپیل اور ملزمان کو سخت سے سخت سزا دینے کا مطالبہ5 سالہ محمد حسین کی ہسپتال میں حالت انتہائی تشویشناک دونوں بچوں کے ڈی این اے کے نمونے فرنزک لیب لاہور بجھوا دیئے گئے ہیں ۔ رانا اظہر منیر نمائندہ باغی ٹی وی ملتان شجاع آباد
