Category: مظفرآباد

آزاد کشمیر کے شہر راولا کوٹ کی جیل سے قیدی فرار ہوئے تین رو زگزر چکے تاہم پولیس بھی تک فرار ہونے والے قیدیوں کو گرفتار نہ کر سکی،

جیل سے قیدی بھاگنے کا منصوبہ کب سے بنا رہے تھے اور کس نے انکی مدد کی، ابھی تک کچھ معلوم نہ ہو سکا، تحقیقات جاری ہیں،راولا کوٹ جیل سے 30 جولائی کو 19 قیدی فرار ہوئے جو ابھی تک پولیس کے لئے چیلنج بنے ہوئے ہیں،حکومت نے قیدیوں کی اطلاع دینے پر انعام دینے کا بھی اعلان کر دیا ہے تا ہم فرار ہونے والے قیدیوں کی کوئی خبر نہیں ہے.

کمشنر پونچھ ڈویژن سردار وحید خان نے خبر رساں ادارے سے بات کرتے ہوئے کہا کہ جیل مینوئل کے مطابق اتوار کو گنتی کے عمل کے دوران قیدیوں کو بیرک میں بند کیا گیا اور اسی دوران کسی کو بھی جیل میں داخل ہونے کی اجازت نہیں تھی اسی دوران ایک حوالاتی اور سارے واقعہ کے منصوبہ ساز غازی شہزاد نے ایک گارڈ کو بہانے سے قریب بلایا اور اسے قابو میں کرکے بیرک کی چابیاں حاصل کر لیں،اسی دوران جیل کی چھت سے ایک پستول پھینکا گیا، جس کی مدد سے جیل کا تالہ توڑا گیا اور قیدی فرار ہوئے، جب قیدی بھاگے تو پولیس اور انکے مابین فائرنگ بھی ہوئی، ایک قیدی فائرنگ سے زخمی ہوا جو بعد ازاں چل بسا، اسکے قبضے سے پستول برآمد ہوا تھا، باقی قیدی فرار ہو گئے تھے.

ڈی ایس پی راولا کوٹ سردار طارق محمود کے مطابق اطلاع ملتے ہی 10 منٹ کے اندر پولیس موقع پر پہنچی تاہم کچھ قیدی فرار ہوچکے تھے تاہم مزید قیدیوں کے فرار کی کوشش کو ناکام بنا دیا اب تک کی تفتیش کے مطابق اس منصوبے کا سرغنہ غازی شہزاد نامی ملزم تھا، دہشتگردی اور قتل کے مختلف مقدمات کا سامنا کرنے والے غازی شہزاد سمیت باقی سب کے مقدمات عدالتوں میں زیر سماعت تھے،غازی شہزاد کو گزشتہ سال سی ٹی ڈی نے 3 ساتھیوں سمیت گرفتار کیا تھا، غازی شہزاد کا تعلق کالعدم تنظیم لشکر طیبہ سے ہے، اس نے الیکشن میں بھی حصہ لیا تھا تاہم ہار گیا تھا، بعد ازاں اس نے لشکر طیبہ سے علیحدگی اختیار کی اور اپنی تنظیم بنالی، ریاست کی کشمیر پالیسی کے خلاف کام کرنے پر اسے حراست میں لیا گیا تھا.

راولاکوٹ جیل سے خطرناک قیدی فرار اطلاع دینے والے کو دس کروڑ انعام
جیل سے فرار قیدیوں کے بارے میں معلومات دینے پر حکومت نے کروڑوں روپے کے انعامات کا اعلان بھی کیا ہے،محکمہ اطلاعات آزادکشمیر کی جانب سے اس ضمن میں اشتہار جاری کیا گیا ہے جس میں کہا گیا ہے کہ مفرورں کی اطلاع دینے والے کا نام صیغہ راز میں رکھا جائے گا، انعام قیدیوں کی گرفتاری پر معاونت اور گرفتار کروانے والوں کو دیا جائے گا، فرار ہونے والوں میں سے 6 کے سر پر ایک ایک کروڑ روپے انعام رکھا گیا ہے، فرار ہونے والے ثاقب، عثمان، فیصل، ناظر، شمیر اور عامر سزائے موت کے قیدی تھے، 25 سال سزا کے 2 مفرور قیدیوں نعمان اور ثقلین پر 50،50 لاکھ انعام رکھا گیا ہے جبکہ جیل توڑ کر فرار ہونے والے دیگر 10 قیدیوں پر 30،30 لاکھ انعام رکھا گیا ہے۔

بھارتی فوجی افسران اور سائنسدان عورتوں کے "رسیا” نکلے

چڑیل پکی مخبری لے آئی، بابر ناکام ترین کپتان

محافظ بنے قاتل،سیکورٹی گارڈ سب سے بڑا خطرہ،حکومت اپنی مستی میں

شاہد خاقان عباسی کچھ بڑا کریں گے؟ن لیگ کی آخری حکومت

جبری مشقت بارے آگاہی،انٹرنیشنل لیبر آرگنائزیشن کی لاہور میں میڈیا ورکشاپ

بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

قومی اسمبلی،غیر قانونی بھرتیوں پر سپیکر کا بڑا ایکشن،دباؤ قبول کرنے سے انکار

سماعت سے محروم بچوں کے والدین گھبرائیں مت،آپ کا بچہ یقینا سنے گا

حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

جمخانہ کلب میں مبینہ زیادتی،عظمیٰ تو پرانی کھلاڑی نکلی،کب سے کر رہی ہے "دھندہ”

شیر خوار بچوں کے ساتھ جنسی عمل کی ترغیب دینے والی خاتون یوٹیوبر ضمانت پر رہا

مردانہ طاقت کی دوا بیچنے والے یوٹیوبر کی نوکری کے بہانے لڑکی سے زیادتی

پاکستان کی جانب سے دوستی کا پیغام اور مودی کی شرانگیزیاں

پاکستان کرکٹ مزید زبوں حالی کا شکار،بابر ہی کپتان رہے،لابی سرگرم

بابراعظم کے بھائی کا ذریعہ آمدن بتا دیں میں چپ ہو جاؤں گا، مبشر لقمان

آزاد جموں و کشمیر حکومت کی کابینہ کا خصوصی اجلاس ہوا،

وزیراعظم آزاد جموں و کشمیر اور ان کی کابینہ نےآزاد جموں و کشمیر کی حالیہ صورتحال پر قابو پانے کے حوالے سے وزیراعظم پاکستان محمد شہباز شریف کو شاندار خراج تحسین پیش کیا،وزیراعظم آزاد جموں کشمیر کا کہنا تھا کہ ”حکومت پاکستان نے کشمیری عوام کے مسائل کو حل کرنے کیلئے 23 ارب روپے کی فوری فراہمی کی منظوری دی۔ آپ نے دو دن پہلے اعلان کیا تھا اور آج یہ رقم منتقل ہو چکی ہے۔“ آج آپ کا یہاں تشریف لانا یہ ظاہر کرتا ہے کہ آزاد جموں و کشمیر پاکستان کے لئیے کس قدر اہمیت کا حامل خطہ ہے

وزیراعظم شہباز شریف نے آزاد کشمیر کابینہ اجلاس سے خطاب میں کہا کہ اللہ تعالی کالاکھ لاکھ شکر ادا کرتےہیں کہ پچھلے دنوں جوایک بہت تشویشناک دن تھے،جہاں پرایک تحریک چل رہی تھی،یقینا اس میں ایسے افراد تھےجواپنے جائز مطالبات کےلیے جمہوری انداز میں اپنافریضہ اداکررہےتھے، آزاد کشمیر کیلئے 23 ارب کا پیکیج کاغذوں تک محدود نہیں رہے گا، عملی جامہ پہنایا جائے گا ،مظاہرین میں کچھ شرپسند عناصر بھی شامل تھے، جو تحریک چلی تھی اس میں کچھ شہری جاں بحق ہوئے جس کی مذمت کرتا ہوں،کشمیریوں کے لیے پوری دنیا میں آواز اٹھائی جاتی ہے، یہ یقین دلانے آیا ہوں کہ ہم آزاد کشمیر کی عوام کے ساتھ ہیں، آزاد کشمیر کی ترقی و خوشحالی پاکستان کی ترقی و خوشحالی سے جڑی ہے

وزیراعظم شہباز شریف سے جموں و کشمیر کے حریت رہنماؤں کے وفد کی ملاقات ہوئی ہے،وفد میں محمود احمد ساگر، غلام محمد صوفی، سید فیض احمد نقشبندی ، الطاف احمد بھٹ، شہزاد وانی، اعجاز رحمانی ، زاہد اشرف، اور الطاف حسین وانی شامل تھے،ملاقات میں میں آزاد جموں و کشمیر کے وزیراعظم چوہدری انوار الحق اور وفاق وزراء بھی موجود تھے،حریت رہنماؤں نے آزاد جموں و کشمیر کی حالیہ صورتحال پر قابو پانے کے حوالے سے وزیر اعظم پاکستان کے کردار پر انہیں خراج تحسین پیش کیا،حریت رہنمائوں نے جموں و کشمیر کی حیثیت کے حوالے سے بھارت کے غیر قانونی یکطرفہ اقدام کی توثیق کی مذمّت اور کشمیریوں سے اظہار یکجہتی پر حکومت پاکستان کا شکریہ ادا کیا

روشن اور خوشحال پاکستان کشمیریوں کی منزل ہے. وزیراعظم آزاد کشمیر
وزیراعظم پاکستان میاں محمد شہباز شریف کی زیرصدارت آزاد جموں و کشمیر کابینہ کا اجلاس وزیراعظم سیکرٹریٹ میں منعقد ہوا.اجلاس سے افتتاحی خطاب کرتے ہوے وزیراعظم آزاد حکومت ریاست جموں و کشمیر چوہدری انوارالحق نے آزادکشمیر کابینہ اور عوام کی جانب سے وزیراعظم پاکستان میاں محمد شہباز شریف اور ان کی کابینہ کا آزادکشمیر کے عوام کے لئے 23 ارب روپے کے تاریخی پیکیج دینے پر شکریہ ادا کیا. وزیراعظم آزاد کشمیر چوہدری انوارالحق نے کہا کہ روشن اور خوشحال پاکستان کشمیریوں کی منزل ہے. کشمیریوں کا پاکستان سے ایک مضبوط اور لازوال رشتہ ہے جو کبھی بھی کمزور نہیں ہو سکتا. انہوں نے کہا کہ یہ رشتہ ایک بڑے بھائی جیسا ہے جو ہمیشہ قائم رہے گا. وزیراعظم نے کہا کہ وزیراعظم پاکستان نے دو دن پہلے میٹنگ میں پیکیج دیا اور آج اس پر عملدرآمد ہو گیا اس پر ہم شکرگزار ہیں. انہوں نے کہا کہ یہ مسئلہ ایک دن میں پیدا نہیں ہوا, منگلا ڈیم کے متاثرین کا مسائل اور رٹھوعہ ہریام پل کی تعمیر کے علاوہ نیلم جہلم منصوبے کا معاہدہ اور واٹر یوز چارجز کے معاملات ابھی تک التواء میں ہیں. وزیراعظم آزاد کشمیر نے کہا کہ حکومت کفایت شعاری کی پالیسی پر گامزن ہے اور ایک سال میں ایک گاڑی بھی نہیں خرید کی گئی. انہوں نے کہا کہ 10 ارب سے سوشل پروٹیکشن انڈوومنٹ فنڈ قائم کیا ہے جس کے تحت آزادکشمیر میں بیوہ, یتیموں, بے سہارا, طلاق یافتہ اور معذور افراد کو ان کی دہلیز پر مالی امداد فراہم کی جائے گی. وزیراعظم نے کہا کہ بیروزگاری کے خاتمے کیلیے 3 ارب روپے کی لاگت سے آزادکشمیر کے ہنرمند نوجوانوں کے لئے انڈوومنٹ فنڈ قائم کر رہے ہیں جس کے تحت ان کو بلاسود قرضے دیئے جائیں گے تاکہ وہ اپنا کوئی روزگار حاصل کر سکیں اور اس سے بے روزگاری کا خاتمہ ہوگا. اجلاس میں وفاقی وزراء امیر مقام, رانا تنویر حسین،محسن نقوی، محمد عطاء اللہ تارڑ, موسٹ سینئر وزیر کرنل (ر) وقار احمد نور، وزراء حکومت راجہ فیصل ممتاز راٹھور، میاں عبدالوحید،احمد رضا قادری، عبدالماجد خان،راجہ محمد صدیق،ظفراقبال ملک، دیوان علی خان چغتائی، محمداکمل سرگالہ،جاوید بٹ، چوہدر ی اظہر صادق،سردار میر اکبر، نثار انصر ابدالی، چوہدری قاسم مجید،عاصم شریف، سردار محمد حسین، فہیم اختر ربانی، جاوید اقبال بڈھانوی، سردار جاوید ایوب، چوہدری اخلاق،اکبر ابراہیم، محترمہ امتیاز نسیم، پروفیسر تقدیس گیلانی،سردار احمد صغیر، چیئرمین وزیر اعظم معائنہ وعلمدرآمد کمیشن پیر مظہر سعید شاہ،مشیرحکومت نثارہ عباسی،معاونین خصوصی صبیحہ خانم، نبیلہ ایوب, چیف سیکرٹری داؤد محمد بڑیچ اور انسپکٹر جنرل پولیس سہیل حبیب تاجک بھی موجود ہیں۔

وزیراعظم آزاد کشمیر چوہدری انوار الحق نے کہا ہے کہ عوامی ایکشن کمیٹی کے مطالبات تسلیم کرلیے گئے۔ آزاد کشمیر میں امن و امان کی فضا قائم ہوجائے گی۔

مظفرآباد میں پریس کانفرنس کرتے ہوئے وزیراعظم آزاد کشمیر چوہدری انوارالحق کا کہنا تھا کہ سستی روٹی اور بجلی کے دو مطالبات ایسے ہیں جن سے کوئی انکار نہیں کرسکتا،جس وقت یہ صورتحال پیدا ہوئی وزیراعظم شہباز شریف نے مجھے فون کیا انہوں نے یقین دلایا ساتھ چلیں گے، مسئلے کو حل کرلیں گے،عرصہ دراز سے التوا میں پڑے کام کےلیے حکومت آزاد کشمیر کو وسائل فراہم کردیے ہیں، بجلی کے ایک سے 100 یونٹ تک کے نرخ 3 روپے، 100 سے 300 یونٹ کے 6 روپے ہوں گے۔ سبسڈی سے 23 ارب روپے کا بوجھ پڑے گا جسے حکومت پاکستان نے خوش دلی سے قبول کیا ہے،دھرنے کے شرکا کا کوئی جانی نقصان نہیں ہوا نہ کوئی زخمی ہوا۔ حالیہ صورتحال میں 100 سے زائد پولیس اہلکار زخمی ہوئے ہیں،

قبل ازیں آزاد کشمیر میں حکومت اور عوامی ایکشن کمیٹی کے مطالبات کی منظوری سے متعلق معاہدہ طے پاگیا ہے، بجلی اور آٹا سستا کر دیا گیا ہے،چیف سیکرٹری آزاد کشمیر کے مطابق آل جموں کشمیر عوامی ایکشن کمیٹی کے تمام مطالبات مان لیے گئے ہیں اور مطالبات کی منظوری سے متعلق معاہدہ بھی طے پاچکا ہے، انٹرنیٹ سروسز بحال کردی گئی ہے، آٹے کی فی من قیمت 2 ہزار روپے اور 20 کلو آٹے کی قیمت ایک ہزار روپے مقرر کی گئی ہے،بجلی بھی سستی کی گئی، 100 یونٹ تک بجلی کی قیمت 3 روپے فی یونٹ مقرر کی گئی ہے، 100 سے 300 یونٹ تک 5 روپے اور 300 سے زائد پر 6 روپے فی یونٹ قیمت مقرر کی گئی ہے، کمرشل 300 یونٹ تک 10 روپے اور 300 سے زائد پر 15 روپے فی یونٹ قیمت مقرر کی گئی ہے۔

قبل ازیں آزاد کشمیر میں مطالبات کی منظوری کے لئے ایک طرف احتجاج جاری ہے تو دوسری جانب ہڑتال کی وجہ سےکھانے پینے کی اشیا کی قلت ہو گئی ہے، وہیں آزاد کشمیر کی موجودہ کشیدہ صورتحال پر سیاسی قیادت نے سر جوڑنے پر اتفاق کر لیا، قانون ساز اسمبلی میں قائد حزب اختلاف و پی ٹی آئی کے سینئر رہنماء خواجہ فاروق احمد نے سیاسی سٹیک ہولڈرز سے رابطے قائم کر لیے

باوثوق زرائع سے معلوم ہوا ہے کہ عوامی ایکشن کمیٹی اور آزاد کشمیر حکومت کے درمیان معاملات طے پا چکے ہیں۔ فقط معاہدے کی کچھ جزئیات اور تفصیلات پر اتفاق رائے ہونا باقی ہے امید ہے جلد ہی ان حل طلب مسائل کا خاتمہ ممکن ہو جائے گا ،آزاد کشمیر میں احتجاج کی وجہ سے ہڑتال جاری ہے، مظفرآباد میں کہیں کہیں انٹرنیٹ کی سروس ہے ہڑتال اور لاک ڈاون کی وجہ سے خوراک سزیوں اور ادویات کی قلت ہو گئی ہے زیادہ تر سبزی فروٹ مانسہرہ سے جاتی ہے فرسٹ ایڈ کے لیے بھی مشکلات کا سامنا ہے میڈیکل سٹورز مکمل بند ہیں، ہڑتال کے باعث سبزی، فروٹ اور دیگر غذائی اجناس لانے والی گاڑیاں مارکیٹوں تک نا پہنچ سکیں جس کے باعث کھانے پینے کے اشیاء کی قلت ہوگئی، آزاد کشمیر حکومت نے آج بھی تمام تعلیمی ادارے بند رکھنے کا فیصلہ کیا ہے جب کہ ضلعی دفاتر بھی بند رکھے جائیں گے۔

دوسری جانب آزادکشمیر میں 11 مئی کو مظاہرین اور پولیس کی جھڑپوں میں گولی لگنے سے شہید ہونے والے سب انسپکٹر کی تدفین کردی گئی ،آزاد کشمیر کے کئی شہروں میں ہونے والے پرتشدد مظاہروں میں پولیس اہلکاروں سمیت اب تک 70 سے زائد افراد زخمی ہوئے ہیں، عوامی ایکشن کمیٹی نے پُرتشدد واقعات سے اظہار لاتعلقی کیا ہے مرکزی قیادت نے ان پرتشدد واقعات سے نہ صرف لاتعلقی کا اظہار کیا بلکہ بھارت کے منفی پروپیگنڈا کو بھی بے نقاب کر دیا۔ تمام ممبران نے اس بات کا اعادہ کیا کہ ہماری تحریک پر امن ہے اور رہے گی۔انہوں نے کہا کہ سوشل میڈیا پر ریاست پاکستان کے خلاف پروپیگنڈا کسی طور پر بھی قابل قبول نہیں۔ ہم پاکستانی ہیں اور پاکستان ہمارا ہے۔ ان کا کہنا تھا کہ مکار دشمن بھارت کا میڈیا مقبوضہ کشمیر میں مظالم کو دبانے کے لیے بے بنیاد الزامات لگا رہا ہے جس کا حقیقت سے کوئی تعلق نہیں۔قیادت نے اس بات کا یقین دلوایا کہ ہمارا جینا مرنا پاکستان کے ساتھ ہے اور انشا اللہ مقبوضہ کشمیر بھارت سے آزاد کروا کر پاکستان کا حصہ بنائیں گے۔

آزاد کشمیر کے عوام کے مطالبات کو پورا کیا جانا چاہیے، صدر مملکت

آزاد کشمیر حکومت اور عوامی ایکشن کمیٹی کے درمیان مذاکرات کامیاب

وزیراعظم شہباز شریف کا آزاد کشمیر کے وزیر اعظم سے رابطہ

آزاد کشمیر میں کشیدہ صورتحال، متعدد شہروں میں انٹرنیٹ اور موبائل سروس معطل

آزاد کشمیر میں ایکشن کمیٹی کی کال پر شٹر ڈاؤن، پہیہ جام ہڑتال