Baaghi TV

Category: مظفرآباد

  • وزیراعظم آزاد کشمیر نے باغ کا جلسہ کامیاب کرنیوالے کیلئے پشاور سے دیہاڑی پر مزدور منگوا لئے

    وزیراعظم آزاد کشمیر نے باغ کا جلسہ کامیاب کرنیوالے کیلئے پشاور سے دیہاڑی پر مزدور منگوا لئے

    باغی ٹی وی کی رپورٹ کے مطابق وزیراعظم آزاد کشمیر نے باغ میں جلسے کو کامیاب بنانے کے لئے پشاور سے دیہاڑی دار منگوا لئے

    آزاد کشمیر کے وزیراعظم سردار تنویر الیاس نےجلسے کو کامیاب بنانے کے لئے باغ کے باسیوں کی زندگیاں اجیرن بنا دی ہیں،باغ میں جس جگہ جلسہ ہونا ہے وہ سپورٹس سٹیڈیم ہے تا ہم وزیراعظم آزاد کشمیر سردار تنویر الیاس نے سٹیڈیم میں بلڈوزر چلوا دیئے اور سٹیڈیم میں اکھاڑ پچھاڑ کروا دی،

    صحافی وقار ستی ٹویٹر پر کہتے ہیں کہ عمران خان صاحب کے 6 ستمبرکوآزاد کشمیر باغ میں ہونے والے جلسے کے لیے وزیر اعظم آزاد کشمیر سردار تنویر الیاس نے کرکٹ سٹیڈیم کا نقشہ ہی بدل دیا، اکھاڑ بچھاڑ سے علاقے کا واحد بڑا کرکٹ سٹیڈیم کھنڈر بن رہا ہے۔

    محمد فیضان خان کہتے ہیں کہ تنویر الیاس جیسے پیرا شوٹر سے اور توقع بھی کیا کی جاسکتی ہے جس نے وزرات عظمیٰ کی سیٹ خریدی ہو اُس کو کیا لینا دینا گراونڈ سے

    دوسری جانب جلسہ کو کامیاب بنانے کے لئے خیبر پختونخواہ کے صوبائی دارالحکومت پشاور سے دیہاڑی دار مزدوروں کو لایا گیا ہے جو عمران خان کے جلسے میں شریک ہوں گے اور نعرے بھی لگائیں گے، پشاور سے ایک ہزار کے لگ بھگ افراد جلسے میں شرکت کے لئے باغ پہنچ چکے ہیں، باغی ٹی وی کو ایک ویڈیو موصول ہوئی ہے جس میں پشاور سے باغ پہنچنے والے شہری کہتے ہیں کہ ہم جلسے میں شرکت کے لئے آئے ہیں

    نعرے ریاست مدینہ کےاورغلامی امریکہ کی واہ شہبازگل باجوہ

    شہباز گل پر ایسا تشدد ہوا جو بتایا جا سکتا اور نہ دکھایا جا سکتا ہے، بابر اعوان

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    :ہیلی کاپٹر حادثہ ، سوشل میڈیا پر اداروں کیخلاف مہم میں پی ٹی آئی ایکٹوسٹ ملوث نکلے

    عارف علوی بھی اپنی غیرجانبداری سے ہٹ کر پارٹی کے چیئرمین عمران خان کے نقش قدم پر چل پڑے

    تحریک عدم اعتماد کا خوف،وزیراعظم آزاد کشمیر کی پارلیمانی سیکرٹریز سمیت تمام ممبران اسمبلی پر گاڑیوں کی نوازشات

    وزیراعظم‌ آزاد کشمیر تنویر الیاس سو دن میں ہی فلاپ،کارکردگی زیرو،اراکین بھی بول پڑے

    فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

    شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

    باغی ٹی وی کی رپورٹ کے مطابق وزیراعظم آزاد کشمیر سردار تنویر الیاس کو گمان تھا کہ باغ کے مقامی لوگ جلسے میں شریک نہیں ہوں گے اور جلسے کے شرکاء کی تعداد کم ہوئی تو ان سے وزارت عظمیٰ چھن سکتی ہے اسلئے انہوں نے پشاور سے کرائے پر دیہاڑی دار منگوائے ہیں

    ایک صارف نے ویڈیو ٹویٹ کرتے ہوئے کہا کہ تنویر الیاس صاحب 47 کوسٹروں میں اتنے لوگوں کو منگوا کر باغ فتح کروانا ہے کیا آپ نے اگر کچھ کام کیے ہوتے تو یہ نوبت نا آتی, گزشتہ رات KPK سے 47 کوسٹرز میں آنیوالے کچھ معمان پٹھانوں کو دنیا نیوز کے نماہندے خرم پرویز نے باغ بازار میں پکڑ لیا۔

  • وزیراعظم آزاد کشمیر کا پروٹوکول،گاڑیوں کی طویل قطار،شہری پھٹ پڑے

    وزیراعظم آزاد کشمیر کا پروٹوکول،گاڑیوں کی طویل قطار،شہری پھٹ پڑے

    میرپور:وزیراعظم آزاد کشمیرکے پروٹوکول میں پانی سے چلنے والی گاڑیاں بھی شامل،اطلاعات کے مطابق اس وقت سوشل میڈیا پر ایک ویڈیو وائرل ہورہی ہے ، جس میں دیکھا جاسکتا ہے کہ وزیراعظم آزاد کشمیر سردارتنویرالیاس کے بڑے قافلے کے ساتھ مظفرآباد سے میرپور کی طرف سفر کررہے ہیں ، اس پروٹوکول سے تو یہ ہی اخذ کیا جارہا ہے کہ سردارتنویرالیاس میر پور کو فتح کرنے کے لیے اتنے بڑے لشکر کے ساتھ روانہ ہوئے

    اس حوالے سے جو ویڈیو سوشل میڈیا پر وائرل ہوئی ہے ،اس میں دیکھا جاسکتا ہے کہ یہ پروٹوکول ڈیڑھ درجن گاڑیوں پر مشتمل ہے اور اس قافلے میں وزیراعظم سردار تنویرالیاس کے آگے پیچھے سیکورٹی حکام کی گاڑیاں بھی ہیں اور دیگرافسران بالا بھی بڑی بڑی گاڑیوں میں اس قافلے میں شریک ہیں

     

     

    وزیراعظم آزاد کشمیر میر پورڈرائی پورٹ کا افتتاح کرنے کے لیے جارہے ہیں تو دوسری طرف آزاد کشمیر کے شہری اس بات پر بہت خفا ہیں کہ ریاست پہلے ہی معاشی طور پرکمزور ہے ، ریاست کو ایک ایک پیسے کی ضرورت ہے مگروزیراعظم سردار تنویرالیاس کو عوام کے ٹیکس کی پرواہ تک نہیں ، وہ ایسے جارہے ہیں‌ کہ جیسے انکے قافلے میں شامل گاڑیاں پانی پر چلتی ہیں

    ایک شہری کہتے ہیں کہ پٹرول اور ڈیزل اس قدر مہنگے ہیں کہ اب تو صاحب ثروت افراد بھی گاڑیاں چلانے سے احتراز کرتے ہیں مگرکمال ہے چوہدری تنویرالیاس کا ظرف کہ وہ بڑی ہیوی گاڑیاں‌ اپنے پروٹوکول میں رکھتے ہیں کہ جو پٹرول اور ڈیزل بہت زیادہ استعمال کرتی ہیں

    ایک شہری کا کہنا ہے کہ سردار تنویرالیاس آج کل وزیراعظم آزاد کشمیر ہیں ان کو کون پوچھنے والا ہے ، یہ دور جس کی لاٹھی اسکی بھینس کا ہے ، وہ جتنا چاہیں پروٹوکول رکھیں ، جتنا چاہیں سرکاری وسائل کواپنی آنیاں اور جانیوں کے لیے استعمال کریں ، وہ وزیراعظم ہیں یہ ان کا حق ہے اور غربیوں پر یہ فرض ہے کہ وہ اپنے بال بچوں کا پیٹ کاٹ کران کی خواہشات کی تکمیل کریں ، چاہے کوئی بہاڑ میں جاتا ہے تو بے شک چلا جائے

  • عدم اعتماد کا خوف،تنویر الیاس نے سرکاری خزانے کا منہ کھول دیا،گاڑیوں کی نوازشات

    عدم اعتماد کا خوف،تنویر الیاس نے سرکاری خزانے کا منہ کھول دیا،گاڑیوں کی نوازشات

     

    تحریک عدم اعتماد کا خوف،وزیراعظم آزاد کشمیر کی پارلیمانی سیکرٹریز سمیت تمام ممبران اسمبلی پر گاڑیوں کی نوازشات

    ایک طرف بلدیاتی انتخابات میں مالی وسائل کی کمی کا رونا دھونا کیا جا رہا ہے تو دوسری طرف اربوں روپے کی لگژری گاڑیاں بغیر کسی استحقاق کے دے دی گئی ہیں، اقتدار چھن جانے کے خوف کی وجہ سے گاڑیاں ایسے لوگوں کو بھی دے دی گئیں جو استحقاق ہی نہیں رکھتے گاڑیوں کی خرید کے لئے محکمہ مالیات کے اعتراضات کو بھی اوور رول کیا گیا،

    وزیر اعظم آزاد کشمیر سردار تنویر الیاس کی جانب سے سے نئی لگژری گاڑیاں تحریک انصاف سے تعلق رکھنے والے آزاد کشمیر اسمبلی کے ممبران،پارلیمانی سیکرٹریزکو دی گئی ہیں۔ کشمیر ہاؤس اسلام آباد میں یہ گاڑیاں ان ممبران کے حوالے کی گئیں اور ان گاڑیوں کی تصویر بھی سوشل میڈیا پہ وائرل ہو چکی ہیں، سوشل میڈیا پہ یہ تصویر وائرل ہونے پر عوامی حلقوں کی طرف سے استفسار کیا گیا کہ ممبران اسمبلی کو بنا استحقاق یہ گاڑیاں کیسے دیں گئیں ؟ ان کا پیٹرول ، مینٹینس ، ڈرائیور، اور دیگر اخراجات کون برداشت کرے گا؟ کیا ریاست اس کی متحمل ہو سکتی ہے؟ کیا مالیات سے اس کی باقاعدہ اجازت لی گئی؟

    آزاد کشمیر حکومت نے سپریم کورٹ میں بلدیاتی انتخابات کے حوالہ سے کہا ہے کہ وسائل کی کمی ہے لیکن حکومت بچانے کے لئے گاڑیوں پر اربوں لگا دیئے گئے یہاں وسائل کی کوئی کمی نہیں رہی، اطلاعات کے مطابق سردار تنویر الیاس کے خلاف عدم اعتماد لائی جا رہی ہے اس کو ناکام بنانے کے لئے گاڑیاں تقسیم کی گئیں، سردار تنویر الیاس کی جانب سے گاڑیاں دینے پر کسی قسم کی وضاحت سامنے نہیں آئی،

    یہ بھی اطلاعات ہیں کہ آزاد کشمیر کی سرکاری گاڑیوں کا بے دریغ استعمال کیا جا رہا ہے، تنویر الیاس کا نہ صرف بیٹا بلکہ رشتے دار بھی آزاد کشمیر کی سرکاری گاڑیاں استعمال کر رہے ہیں، چند روز قبل وفاقی دارالحکومت اسلام آباد میں وزیراعظم آزاد کشمیر کے بیٹے کے تصویر سامنے آئی تھی جس میں وہ سرکاری گاڑی پر سفر کر رہے ہیں، اس گاڑی پر آزاد کشمیر کا سرکاری جھنڈا بھی لگا ہوا ہے، تصویر وائرل ہونے کے بعد آزاد کشمیر کے عوامی حلقوں نے سوال اٹھائے اور کہا کہ وزیراعظم کا بیٹا کیسے سرکاری گاڑی پروٹوکول کے ساتھ استعمال کر سکتا ہے؟ غیر قانونی کاموں کے وزیراعظم آزاد کشمیر ہی ذمہ دار ہیں، سرکاری خزانے کا بے دریغ استعمال کیا جا رہا ہے اور انہیں کوئی پوچھنے والا نہیں،

    ایک صارف نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ یہ ہیں جی وزیراعظم آزاد کشمیر تنویر الیاس کے فرزند اور بھتیجے وزیراعظم کی گاڑی لے کر اسلام آباد کی سڑکوں پر گشت کرتے ہوئے کیا ان کو کوئی پوچھنے والا نہیں۔۔ عوام کو ان کی بنیادی سہولیات ہسپتال،سکول کالج مہیانہیں اور دوسری طرف عوام کے پیسے سے عیاشیاں کی جارہی۔

    وزیراعظم‌ آزاد کشمیر تنویر الیاس سو دن میں ہی فلاپ،کارکردگی زیرو،اراکین بھی بول پڑے

    فارن فنڈنگ کیس میں بھی عمران خان کو اب سازش نظر آ گئی، اکبر ایس بابر

    شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

    نعرے ریاست مدینہ کےاورغلامی امریکہ کی واہ شہبازگل باجوہ

    شہباز گل پر ایسا تشدد ہوا جو بتایا جا سکتا اور نہ دکھایا جا سکتا ہے، بابر اعوان

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    :ہیلی کاپٹر حادثہ ، سوشل میڈیا پر اداروں کیخلاف مہم میں پی ٹی آئی ایکٹوسٹ ملوث نکلے

    عارف علوی بھی اپنی غیرجانبداری سے ہٹ کر پارٹی کے چیئرمین عمران خان کے نقش قدم پر چل پڑے

     

  • وادی نیلم میں کلاؤڈ برسٹ سے تباہی، 5 مکانات اور 3 بجلی گھر شدید متاثر،5 افراد لاپتہ

    وادی نیلم میں کلاؤڈ برسٹ سے تباہی، 5 مکانات اور 3 بجلی گھر شدید متاثر،5 افراد لاپتہ

    مظفر آباد: وادی نیلم میں پانی سے بھرے بادل(کلاؤڈ برسٹ) پھٹ پڑے جس سے سیلابی صورتحال پیدا ہوگئی۔

    باغی ٹی وی : انتظامیہ کے مطابق وادی میں سیلابی ریلے کے باعث 5 افراد لاپتا ہوگئے جب کہ انفرااسٹرکچر کو بھی نقصان پہنچا ہے وادی نیلم میں واقع رتی گلی جھیل پر پھنسے ہوئے 100 سے زائد سیاحوں کو ریسکیو کر لیا گیا ہے تمام سیاح محفوظ ہیں جب کہ سیلابی ریلے نے 5 مکانات اور 3 بجلی گھروں کو شدید متاثر کیا ہے۔

    وزیراعظم ہاؤس آزاد کشمیر کے ترجمان کے مطابق تمام ریسکیو کیے جانے والے سیاحوں کے رہنے اور کھانے پینے کا بندوبست کردیا گیا ہے جبکہ کلاوڈ برسٹ کے باعث متاثر ہونے والے گھروں کے مکینوں کو بھی متبادل جگہ پر منتقل کیا جا رہا ہے ڈپٹی کمشنر اور ایس پی وادی نیلم ریسکیو آپریشن کی نگرانی کر رہے ہیں۔

    دوسری جانب مانسہرہ میں متبادل راستہ بنا کر شاہراہ کاغان کو ہر قسم کی ٹریفک کے لیے کھول دیا گیا ہےسیلابی ریلے سے بٹل اسٹیل برج بہہ جانے سے شاہراہ کاغان بند ہو گئی تھی۔

    کلاؤڈ برسٹ کیا ہے؟

    جب کسی چھوٹے سے علاقے میں سو ملی میٹر فی گھنٹہ یا اس سے زیادہ بارش ریکارڈ کی جائے تو اسے کلاؤڈ برسٹ کہا جاتا ہے کلاؤڈ برسٹ اصل میں اچانک برساتی طوفان کو کہتے ہیں جو عمومی طور پر صحراؤں یا پہاڑی علاقوں میں آتا ہے کلاؤڈ برسٹ یقیناﹰ ایک فطری عمل ہے، تاہم یہ غیرمتوقع اور اچانک ہوتا ہے۔

    سائنسی طور پر یہ مظہر تب وقوع پذیر ہوتا ہے، جب زمین کی سطح یا بادلوں سے نیچے گرم ہوا کی لہریں ہوں۔ ایسی صورت میں بادلوں سے برسنے والی بارش زمین کی سطح پر پہنچنے سے قبل دوبارہ بخارات کی صورت میں بادلوں میں پہنچا شروع ہو جاتی ہے، یوں بادلوں زیادہ کثیف ہو جاتے ہیں کیوںکہ بارش کے پرانے قطرے (برس جانے والے) بادلوں سےبرسنے والے نئے قطروں کو دوبارہ بادلوں کی جانب دھکیلتے ہیں۔ یہی اوپر کی جانب بڑھتا دباؤ بادلوں کو زیادہ تیزی سے کسی مقام پر شدید ترین بارش پر اکساتا ہے۔

    محکمہ موسمیات پاکستان کی طرف سے جاری کردہ ایک بیان کے مطابق کلاؤڈ برسٹ کو رین گش اور رین گسٹ بھی کہا جاتا ہے۔ اگرکسی چھوٹے علاقے میں مختصر وقفے میں شدید بارش ہوجائے تو اسے کلاؤڈ برسٹ کہا جاتا ہے۔اس کے لیے ضروری ہے کہ مخصوص علاقے میں ایک گھنٹے میں کم سے کم 200 ملی میٹر بارش ریکارڈ کی جائے۔

    جب پانی کی بڑی مقدار نیچے گرتی ہے تو سیلابی کیفیت پیدا ہوجاتی ہے اور اس کے بہاؤ میں آبادی اور فصلوں کا بہت نقصان ہوسکتا ہے۔ محمکہ موسمیات کے مطابق اگر کسی علاقے میں ایک گھنٹے میں 200 ملی میٹر بارش ہوجائے تو اسے کلاؤڈبرسٹ کہا جاسکتا ہے۔

  • کشمیرپریمئیرلیگ سیزن 2:کھلاڑیوں کےپک آرڈراورریٹینشن آرڈر کا اعلان ہوگیا

    کشمیرپریمئیرلیگ سیزن 2:کھلاڑیوں کےپک آرڈراورریٹینشن آرڈر کا اعلان ہوگیا

    مظفرآباد:کشمیرپریمئیرلیگ سیزن 2 کی تیاریاں شروع ،اطلاعات کےمطابق پلاٹینم ون میں پہلی پک جموں جانباز،دوسری پک میں احمد شہزاد کوراولاکوٹ ہاکس نے ریٹین کیا

    کشمیر پریمئیر لیگ سیزن 2 کے لیے کھلاڑیوں کے پک آرڈر اور ریٹینشن آرڈر کا اعلان کردیا گیا ہے۔پلاٹینم ون میں پہلی پک جموں جانباز، دوسری پک میں احمد شہزاد کو راولاکوٹ ہاکس نے ریٹین کیا ہے۔

     

    پلاٹینم ون میں تیسری پک میرپور رائلز، چوتھی پک میں اوورسیز وارئیرز نے اعظم خان کو پلاٹینم کیٹگری میں ریٹین کیا ہے۔پلاٹینم ون کیٹگری میں پانچویں پک باغ اسٹالینز، چھٹی کوٹلی لائینز جبکہ ساتویں پک مظفر آباد ٹائیگرز کی ہوگی۔

    پلاٹینم ٹو کیٹگری میں مظفر آباد نے افتخار احمد کو ٹریڈ کے ذریعے ریٹین کیا۔

    پلاٹینم ٹو کی دوسری پک کوٹلی لائینز، تیسری پک میں باغ اسٹالینز نے صہیب مقصود ،چوتھی پک میں اوورسیز وارئیرز نے کامران غلام کو ریٹین کیا۔پلاٹینم ٹو کی پانچویں پک میرپور رائلز، چھٹی میں راولاکوٹ ہاکس نے حسین طلعت کو ریٹین کیا جبکہ ساتویں پک جموں جانباز کرے گا۔

     

    ڈائمنڈ ون میں پہلی پک باغ اسٹالینز ،دوسری میں کوٹلی لائینز نے احسن علی کو ریٹین، تیسری پک مظفر آباد ٹائیگرز، چوتھی پک جموں جانباز اور پانچویں پک میں آصف آفریدی کو راولاکوٹ ہاکس نے ریٹین کیا۔

    ڈائمنڈ ون میں چھٹی پک میرپور رائلز جبکہ ساتویں پک اوورسیز وارئیرز کرے گا۔

     

     

    ڈائمنڈ ٹو میں سہیل خان کو اوورسیز وارئیرز نے ریٹین کیا۔سلمان ارشاد کو میرپور رائلز، جبکہ زمان خان کو راولاکوٹ ہاکس نے ریٹین کیا۔ڈائمنڈ ٹو میں انور علی کو مظفر آباد ٹائیگرز، خرم شہزاد کو کوٹلی لائینز، عامر یامین کو باغ اسٹالینز نے ریٹین کیا۔

    ڈائمنڈ ٹو کی چوتھی پک جموں جانباز کرے گا۔

    گولڈ کیٹگری کے پہلے راؤنڈ میں عرفان اللہ کو کوٹلی لائینز،ذیشان اشرف کو مظفرآباد ٹائیگرز جبکہ ابرار احمد کو میرپور رائلز نے ریٹین کیا ہے۔

    ادھر آج گال ٹیسٹ میں پاکستان نے سری لنکا کو شکست دے کر تاریخی فتح حاصل کر لی۔

    آج آخری روز کے کھیل کا آغاز قومی ٹیم نے 222 رنز کے ساتھ کیا، عبداللہ شفیق نے شاندار کھیل پیش کیا، 158 رنز بناکر ناقابل شکست رہے، محمد نواز 19 رنز بنا کر ناٹ آؤٹ رہے۔ بابر اعظم نے 55، اور رضوان نے 40 رنز کی اننگز کھیلی۔ عبداللہ شفیق کی جاندار پرفارمنس کے سبب انہیں مین آف دی میچ قرار دیا گیا ہے۔

    واضح رہے کہ گال میں پہلی بارکسی ٹیم نے 300 سے زائد رنز کا ہدف حاصل کیا ہے اس طرح ٹیسٹ سیریز میں پاکستان کو ایک صفر کی برتری حاصل ہو گئی ہے۔

  • لاہور میں موسلادھار بارش سے موسم خوشگوارہوتے ہی بجلی غائب

    لاہور میں موسلادھار بارش سے موسم خوشگوارہوتے ہی بجلی غائب

    لاہور : لاہور میں موسلادھار بارش سے موسم خوشگوارہوتے ہی بجلی غائب ،اطلاعات کے مطابق مون سون کی بارشوں نے لاہور میں جل تھل ایک کردیا، شہریوں کے چہرے کھل اٹھے، شہر کی اہم شاہراہیں زیرآب آگئیں۔

    لاہور ميں موسلادھار بارش اور ژالہ باری سے موسم خوشگوار ہوگيا جبکہ کئی فيڈرز ٹرپ ہونے سے مختلف علاقوں میں بجلی کی فراہمی معطل ہوگئی۔محکمہ موسميات کے مطابق لاہور کے جیل روڈ پر33.6 ،ایئرپورٹ پر 45.5،گلبرگ میں 57.5 ملی میٹر بارش ریکارڈ کی گئی ہے۔

    موسلادھار بارش کے باعث شہر کے نشيبی علاقے زيرآب آگئے، لکشمی چوک اور نسبت روڈ سمیت شہر کی مختلف سڑکوں پر بارش کا پانی جمع ہوگیا۔

    لکشمی چوک پر 85،اپر مال پر69، مغل پورہ میں 66،تاج پورہ میں83 ملی میٹر، نشتر ٹاؤن میں 80 ،چوک نا خدا پر67 ،پانی والا تالاب میں104 ملی میٹر بارش ریکارڈ کی گئی۔

    موسم کا حال بتانے والوں کا کہنا ہے کہ فرخ آباد میں101 ،گلشن راوی میں78, اقبال ٹاؤن میں41، سمن آباد میں50 ملی میٹربارش ہوئی۔اس حوالے سے ایم ڈی واسا کا کہنا ہے کہ جوہر ٹاؤن میں 63 ملی میٹر بارش ریکارڈ کی گئی، پانی والا تالاب میں سب سے زیادہ 104 ملی میٹر بارش ریکارڈ کی گئی۔

    اس کے علاوہ کوپر روڈ، لکشمی چوک، دوموریہ، جی پی او، کشمیر روڈ، قینچی اسٹاپ، شاہ جمال اور اللہ ہو چوک کے علاقے کلیئر کردیے گئے ہیں۔

  • آزاد کشمیر قانون ساز اسمبلی کامالی سال2022-23کیلئے 1کھرب63ارب70کروڑ روپے کا بجٹ پیش

    آزاد کشمیر قانون ساز اسمبلی کامالی سال2022-23کیلئے 1کھرب63ارب70کروڑ روپے کا بجٹ پیش

    وزیراعظم سردارتنویر الیاس کی قیادت میں پاکستان تحریک انصاف آزاد کشمیر کی حکومت نے آزاد کشمیر قانون ساز اسمبلی کامالی سال2022-23کیلئے 1کھرب63ارب70کروڑ روپے کا بجٹ پیش کر دیا۔ آزادکشمیر کا ترقیاتی بجٹ 28 ارب 50 کروڑ روپے کی تضویز دی گئی ہے.
    آزادکشمیر کے غیر ترقیاتی بجٹ میں گزشتہ سال کی نسبت 22 ارب 20 کروڑ روپے اضافے کی تجویز ہے.وزیر خزانہ آزاد کشمیرکے مطابق سیاحت کی ماسٹر پلاننگ،ڈیجیٹل میپنگ،سیاحتی مراکز قائم کیے جائیں گے، آزاد کشمیر میں اسکل ڈویلپمنٹ یونیورسٹی،آئی ٹی ایکسی لنس سنٹر قائم کیا جائے گا، نوجوانوں کا 70 کروڑ،خواتین کا 30 کروڑ کا انٹر پنیور شپ پروگرام شروع کیا جائے گا، کم آمدن والے30 ہزار افراد کو ایک ارب کے بلا سود قرضے فراہم کئے جائیں گے،معلمین قرآن کو سکیل ایک دینے،آئی ٹی اور ایم این سی ایچ ملازمین کومستقل کرنے کا فیصلہ کیا گیا ہے.

    قانون ساز اسمبلی کا بحٹ وزیر خزانہ عبدالماجد پیش کیا.۔عبدالماجد خان نے بتایا کہ بجٹ میں عوام کے لئے سیکڑوں منصوبے لے کر آ رہے ہیں جبکہ حکومت اور اپوزیشن کے درمیان مذاکرات میں ڈیڈ لاک برقرار رہنے کے سبب اسپیکر بجٹ اجلاس کی صدارت کررہے ہیں۔
    اپوزیشن کا کہنا ہے کہ حکومت نے اسٹینڈنگ کمیٹیوں کو اسمبلی پروسیجرل رولز سے ہٹ کر بنایا ہے، صرف حکومتی اراکین پر مشتمل قائمہ کمیٹیان قائم کی گئی ہیں۔اپوزیشن نے کہا کہ ایوان کی قائمہ کمیٹوں کی سربراہی وزرا نہیں کرسکتے، حکومت نے کمیٹیاں وزرا کی سربراہی میں بنائی ہیں۔

    بجٹ اجلاس کے دوران متحدہ اپوزیشن نے اسمبلی کی سیڑھیوں پر دھرنا دیا، چوہدری لطیف اکبر نے کہا کہ ہم نے بہت کوشش کی کہ ہماری بات ایوان کے اندر ہو۔چوہدری لطیف اکبر کا کہنا ہے کہ پہلی بار ایسا ہوا کہ اجلاس حکومت بلائے اور حکومت ہی کورم توڑ دے۔انہوں نے کہا کہ وزیراعظم آزاد کشمیر دن بھر سوئے رہتے ہیں، وزیراعظم دن میں جاگا کریں یا دفتری اوقات کار کو رات میں تبدیل کرلیں۔

  • مظفر آباد: پولیس کا کارنامہ ،ملزم باپ کے ساتھ کم سن بچے بھی حوالات میں بند کر دیئے

    مظفر آباد: پولیس کا کارنامہ ،ملزم باپ کے ساتھ کم سن بچے بھی حوالات میں بند کر دیئے

    مظفرآباد: پولیس نے ملزم باپ کے ساتھ کم عمر بچوں کو بھی حوالات میں بند کردیا۔

    باغی ٹی وی : تفصیلات کے مطابق تھانہ سٹی پولیس اسٹیشن مظفرآباد کی پولیس نے قتل کے مقدمے میں گرفتار کیے جانے والے ملزم کے ساتھ اس کے بچوں کو بھی حوالات میں بند کردیا ہے جن بچوں کو حوالات میں باپ کے ساتھ بند کیا گیا ہے ان میں ایک بچہ محض پانچ ماہ کا ہے جب کہ دیگر بچوں کی عمریں بھی کم ہیں-

    سٹی پولیس کا کہنا ہے کہ گرفتار ملزم پر الزام ہے کہ اس نے اپنی بیوی کو قتل کردیا ہے جس کی وجہ سے اسے گرفتار کیا گیا ہے تاکہ تفتیش کی جا سکےچاروں بچے رو رہے تھے جس کی وجہ سے انہیں بھی باپ کے ساتھ حوالات میں رکھا گیا ہے۔

    واضح رہے کہ قانون کے مطابق بے گناہ بچوں کو حوالات میں بند نہیں کیا جا سکتا ہے۔

    خیال رہے کہ اس سے قبل گزشتہ ماہ اکتوبر کے آخر میں بھی راولپنڈی پولیس نے 4 کمسن بچوں پر تشدد کے الزام میں مقدمہ درج کیا تھا راولپنڈی پولیس نے تھانہ ایئرپورٹ میں 4 کمسن بچوں پر مقدمہ درج کیا گیا مقدمہ تھانہ پیر ودھائی کے ایس ایچ او کے بھائی کی مدعیت میں درج کیا گیا چاروں بچوں پر ایس ایچ او تھانہ پیرودھائی کے بھتیجے پر تشدد کے الزام میں مقدمہ درج کیا گیا تاہم راولپنڈی کی مقامی عدالت نے چاروں بچوں کی 50 ہزار روپے کے مچلکوں کے عوض ضمانت منظور کی تھی-

  • تمباکو نوشی سے بچوں کو کیسے بچایا جا سکتا ہے؟ مظفر آباد میں کانفرنس

    تمباکو نوشی سے بچوں کو کیسے بچایا جا سکتا ہے؟ مظفر آباد میں کانفرنس

    مظفر آباد میں کرومیٹک کے زیر اہتمام کانفرنس میں انکشاف کیا گیا کہ ہر سال تمباکو نوشی سے ایک لاکھ ستر ہزار اموات ہوتی ہیں-

    باغی ٹی وی : مظفر آباد میں کرومیٹک کے زیر اہتمام کانفرنس ہوئی جس میں اسلام آباد لاہور سے صحافیوں نے شرکت کی کانفرنس میں بریفنگ دیتے ہوئے بتایا گیا کہ ہر پانچ بچوں کے ساتھ ایک فی میل بھی سموکنگ کرتی تھی اب چار کے ساتھ دو فی میل سموکنگ کرتی ہیں پاکستان میں فی میل سموکنگ بڑھتی جا رہی ہے۔ ہماری قوم کو خراب کیا جا رہا ہے۔

    کانفرنس میں بتایا گیا کہ83 ارب سگریٹ بنائے جاتے ہیں اور وہ ہر سال پھونک دیئے جاتے ہیں پاکستان کو سگریٹ بنانے کی اجازت ہے کہ انڈسٹری ہمیں کیا فائدہ دے رہی ہے اکانومی پر کیا اثر ہے کیا اس سے نوکری مل رہی ہے حکومت ٹیکس کیوں نہیں لگاتی سگریٹ نوشی ہمارے نوجوانوں کا مستقبل تباہ کر رہی ہے ایک لاکھ ستر ہزار اموات ہر سال تمباکو سے ہوتی ہیں اور اسکا متبادل نوجوان سگریٹ نوشی کر دیتے ہیں بچوں کو ٹارگٹ کیا جاتا ہے ہمیں بچوں کو بچانا ہے-

    سگریٹ کے پیکٹس کھولنے والے کے پاس پڑے ہوتے اور سامنے رکھے جاتے بچوں کو دکھانے کے لئے ٹافیوں کے ساتھ سگریٹ رکھے جاتے ہیں اس ضمن میں ان کو پیسے ملتے ہیں تیرہ چودہ سال کا بچہ سگریٹ پینا شروع کر دے تو پھر اس نے ساری زندگی پینا ہے۔

    ایک سروے کے مطابق 64 فیصد ایسا تھا کہ ٹافیوں کے ساتھ سگریٹ رکھے گئے تھے 27 فیصد کو ڈسکاؤنٹ دیا جا رہا تھا ہمیں سوئی ہوئی قوم کو جگانے کی ضرورت ہے نوکری کے بہانے بلایا جاتا ہے لیکن نوکری نہیں دی جاتی ۔صرف مارکیٹنگ کی جاتی ہے کھوکھوں کے اندر پوسٹر قانون کی خلاف ورزی ہے لیکن لگے ہوتے ہیں بچوں کی زندگی تباہ کرنے کے لیے ۔

    2015 میں اس وقت کی ہیلتھ منسٹر نے کہا تھا کہ سگریٹ کی پیکٹ کے اوپر تصویر کو 85 فیصد تک لے کر جا رہے ہیں لیکن پھر دباؤ ڈال کا اس کام کو روکا گیا-

    پاکستان میں ڈبی پر وارننگ سب سے کم ہے اس خطے میں تمباکو ہماری صحت کو تباہ کر رہا ہے ایک لاکھ ستر ہزار اموات حکومت کی جاری شدہ ہیں ۔ پانچ لاکھ لوگ ہر روز تمباکو نوشی کی وجہ سے ہسپتال جاتے ہیں ۔

    ڈبلیو ایچ او کا ایک سروے کہتا ہے کہ سیلری کا اچھا خاصا اماونٹ سگریٹ پر لگا دیا جاتا یے۔ جب سگریٹ کی وجہ سے کوئی بیمار ہوتا ہے تو اسکی دہاڑی ختم ہسپتال کا الگ خرچہ۔ پھر مزید غربت میں چلا جاتا ہے۔

    آمدنی کا دس فیصد سگریٹ پر لگا دیا جاتا ہے اس سے تین ہزار میں بچوں کو اچھی خوراک. ایجوکیشن دی جا سکتی ہے کیا سگریٹ واقعی ایسی چیز ہے کہ اسکو واقعی نہیں چھوڑا جا سکتا یہ سوچنے والی بات ہے ہر بندہ جو سگریٹ پیتا ہے وہ ایف ای ڈی دیتا ہے-

    پھر کمپنی وہ جمع کر کے حکومت کو دیتی ہے لیکن ٹیکس نہیں دیتے اپنا پیسہ باہر لے جا رہے ہیں لیکن تباہی یہاں کر رہے ہیں ۔ ان کے ہاں کام کرنے والے ایک فیصد سے بھی کم ہیں ورک فورس کا اس میں فارنر ان کی فیملی بھی شامل ہیں نقصان 615 ارب کا ہر سال اکانومی کا کرتے ہیں پاکستان کا 37 ارب کی پروڈکٹ ڈکلیر ہی نہیں کرتے اور ملک کو تباہ کر رہے ہیں –

    ٹوبیکو پر ٹیکس بڑھانے کا کہا گیا لیکن پریشر آیا اور ٹیکس نہیں لگایا گیا۔کس کس کی جیب موٹی ہو رہی ہے بہت سے ایسے لوگوں کو جانتے ہیں جن کی بیس پچیس لاکھ تنخواہیں ہیں ٹوبیکو انڈسٹری میں اور وہی لوگ ٹیکس نہ لگنے کے ذمہ دار ہیں اس کو سستا کیوں رکھا جا رہا ہے یہ سمجھ سے باہر ہے ۔

    وزیراعظم کی نیت پر شک نہیں لیکن اس کے ارد گرد لوگ اسکو صحیح نہیں بتارہے وزیراعظم تک آواز پہنچانی ہے اور انکو حقیقت بتانی ہے۔ 1200 پاکستانی بچے ہر روز سگریٹ نوشی شروع کرتے ہیں ان کو بچانا ہے آج سے کام شروع کریں گے تو آنیوالے دس پندرہ سالوں میں تمباکو نوشی ختم ہو سکتی ہے تمباکو نوش کھانے کے بعد سگریٹ پیے گا اسکو نہیں روک سکتے لیکن نئے بچوں کو روکنا ہے-

  • وسیم اکرم کی کراچی والوں سے معذرت

    وسیم اکرم کی کراچی والوں سے معذرت

    کشمیر پریمیئر لیگ( کے پی ایل) کے سلسلے میں مظفرآباد میں موجود سابق کرکٹر وسیم اکرم نے دریائے نیلم پر گندگی کے ڈھیر دیکھ کر برہمی کا اظہار کیا ۔

    باغی ٹی وی : وسیم اکرم نے سوشل میڈیا ویب سائٹ ٹوئٹر پر اپنے ٹوئٹ میں ایک ویڈیو جاری کی جہاں ان کے عقب میں دریائے نیلم بہہ رہا ہےویڈیو کے آغاز میں سابق کرکٹر آس پاس کے نظارے دکھاتے ہوئے کہتے ہیں کہ میں یورپ یا سوئزرلینڈ میں نہیں ہوں بلکہ میں خوبصورت پاکستان میں موجود ہوں یہ دریائے نیلم ہے-


    وسیم اکرم نے ویڈیو میں کہا کہ کراچی والوں سے میری اب ایک معذرت بنتی ہے کہ میں انہیں ہی گندا کہتا آیا ہوں کیونکہ میں سمجھتا تھا کہ ہم کراچی والے ہی زیادہ صفائی کا خیال نہیں رکھتے لیکن غلطی ہو گئی ہے-

    کشمیر پریمئیر لیگ افتتاحی میچ: راولا کوٹ ہاکس نے میرپورررائلز کوشکست دے دی

    وسیم اکرم کہتے ہیں کہ اگر میرے پیچھے دیکھیں تو خوبصورت دریا ہے لیکن ساتھ ہی گندگی کے ڈھیر بھی دیکھیں صرف کراچی والے ہی نہیں بلکہ ہم سارے ہی بڑے گندے ہیں۔

    کشمیر پریمئیر لیگ: بھارتی دھمکیاں خاک میں مل گئیں،ہر شل گبز مظفر آباد پہنچ گئے