Category: مظفرگڑھ

تحریک انصاف کے رہنما اور سابق گورنر پنجاب ملک غلام مصطفے کھر کا کتا حادثہ میں زخمی ہونے پر مظفرگڑھ پولیس نے غریب کاشتکار کے خلاف مقدمہ درج کرلیا گیا۔سنانواں کے علاقے کھر غربی میں موٹر سائیکل سوارکا شتکار محمد اسماعیل کے موٹر سائیکل سامنے کتا آجانے سے حادثہ میں موٹرسائیکل سوار بھی زخمی ہوا۔پولیس نے حادثہ میں زخمی ہونیوالے غریب کاشتکار کے خلاف ہی بااثر سیاستدان کے کتے کو زخمی کرنے کا مقدمہ درج کر ڈالا۔تھا نہ سنانواں میں درج کیے گئے مقدمہ میں ملک غلام مصطفی کھر کے کتے کی مالیت ایک لاکھ تیس ہزار روپے بتائی گئی ہے جس کو سیر کرانے کے دوران حادثہ پیش آیا۔

تحریک انصاف کے رہنما و سابق گورنر پنجاب ملک غلام مصطفی کھر اپنے کتوں کے ہمراہ

غریب کاشتکارمحمد اسماعیل کے خلاف درج کی گئی ایف آئی آر

مظفرگڑھ میں مبینہ طور پر زہریلے چاول کھانے سے 4 افراد کی حالت غیر ہوگئی،متاثرہ افراد نے خیرات میں ملنے والے چاول کھائے تھے.مظفرگڑھ کی تحصیل کوٹ ادو کے علاقے موضع پتی سلطان محمود شرقی میں مبینہ طور پر زہریلے چاول کھانے کے بعد 3 خواتین سمیت 4 افراد کی حالت غیر ہوگئی،ریسکیو 1122 نے متاثرہ افراد کو ڈی ایچ کیو ہسپتال مظفرگڑھ منتقل کردیا.پولیس کے مطابق متاثرین نے مبینہ طور پر ہمسایوں سے آنے والے زہریلے چاول کھائے تھے.ہمسایوں کیخلاف متاثرہ افراد کی مدعیت میں مقدمہ درج کرلیا گیا ہے،پولیس کیمطابق مبینہ طور پر زہریلے چاول کھانے والے متاثرین کے بیان کیمطابق مقدمہ بازی کی رنجش میں ان کے ہمسایوں نے انھیں زہریلے چاول کھلائےہیں۔

مظفرگڑھ میں مٹی اٹھانے کے تنازع پر دو گروپوں کے درمیان تصادم ہوگیا.تصادم کے دوران ہونے والی فائرنگ کی زد میں آکر لڑکی سمیت 2 خواتین جاں بحق اور 3 افراد زخمی ہوگئے.مظفرگڑھ کے علاقے حاجی واہ کے قریب دو گروپوں میں تصادم ہوگیا.پولیس کیمطابق فائرنگ کے تبادلے میں 12 سالہ لڑکی سمیت 2 خواتین جاں بحق اور 3 افراد زخمی ہوگئے.مرنے والی خواتین آپس میں چچی بھتیجی ہیں.پولیس کیمطابق دونوں گروپوں میں مٹی اٹھانے کے تنازع پر جھگڑا ہوا۔زخمی ہونے والے افراد کا تعلق دونوں گروپوں سے ہے.زخمیوں کو تشویشناک حالت میں ڈی ایچ کیو ہسپتال منتقل کردیا گیا.پولیس کیمطابق دونوں گروپوں سے تعلق رکھنے والے 2 ملزمان کو زخمی حالت میں ہسپتال سے گرفتار کرلیاگیا ہے.

سپرنٹنڈنگ انجینئرمیپکو سرکل مظفر گڑھ انجینئرمہرنذر محمد ڈب کے مطابق میپکو سرکل مظفر گڑھ میں بجلی کی چوری روکنے کے لیے سخت ترین اقدامات اٹھائے جارہے ہیں۔میپکومظفرگڑھ سرکل کی خصوصی ٹیموں اورٹاسک فورسزنے بجلی چوروں کے خلاف کا ایکشن لیتے ہوئے ماہ ستمبرکے دوران 405 بجلی چوروں کو رنگے ہاتھوں پکڑا اور ان کو 667441یونٹ بجلی چوری پر ایک کروڑ15 لاکھ80ہزار روپے جرمانہ کیا گیاہے۔اسی طرح بجلی چوری میں ملوث 262بجلی چوروں کے خلاف ایف آئی آر بھی متعلقہ تھانوں میں درج کروائی گئیں۔ سپرنٹنڈنگ انجینئرکاکہناتھا کہ میپکوسرکل مظفرگڑھ میں بجلی چوروں کے خلاف آپریشن بلاامتیاز جاری رہے گا اور بجلی چوروں سے کوئی رعایت نہیں کی جائے گی چاہے کوئی کتنا ہی بااثرکیوں نہ ہوں۔انہوں نے میپکو صارفین سے مطالبہ کیا کہ وہ بجلی چوری روکنے کے لئے میپکو کا ساتھ دیں تاکہ ان قومی مجرموں کا محاسبہ کیا جاسکے ۔صارفین کے میپکو سرکل مظفرگڑھ کی طرف سے بنائی گئی خصوصی ٹیموں اورٹاسک فورسز کے ساتھ تعاون سے ہی بجلی چوری کو روکا جاسکتا ہے۔

مظفرگڑھ پولیس نے آئل مافیا کے خلاف بڑیکاروائی کرتے ہوئےپارکو آئل ریفائنری کی پائپ لائن پر کلمپ لگا کر اس سے تیل چوری کرنےکی کوشش ناکام بنادی۔ قصبہ گجرات چوکی انچارج نے پولیس ٹیم کے ہمراہ کاروائی کرتے ہوئے خالی مکان کے ذریعے سرنگ کھود کر تیل چوری کی بڑی واردات کا سراغ لگایا۔وقوعہ کامقدمہ درج کرلیا گیا۔ تفصیل کے مطابق قصبہ گجرات میں قائم پاک عرب آئل ریفائنری کی پائپ لائن پر کلمپ لگاکر کروڑوں روپے مالیت کا تیل چوری کرنےکا منصوبہ بنایا جارہا تھا۔پولیس چوکی قصبہ گجرات میں تعینات سب انسپکٹر ملک سلیم لنگڑیال نے پولیس ٹیم اور پارکو کے اہلکاروں کے ہمراہ بروقت کاروائی کرتے ہوئے خالی مکان میں سرنگ کھود کر پائپ لائن سے تیل چوری کا منصوبہ ناکام بنادیا ہےاور تیل چوری کی وارداتوں میں ملوث تین نامزد ملزمان کے خلاف سنگین دفعات کے تحت مقدمہ بھی درج کرلیا ہے۔ پارکو آئل ریفائنری سے تیل چوری کے واردات کے انکشاف پر ڈی پی او مظفرگڑھ صادق علی ڈوگر نے بھی سخت نوٹس لیا اور ڈی ایس پی کوٹ ادو اعجاز بخاری کو ہدایات جاری کیں کہ وہ آئل مافیا کے خلاف سخت سے سخت کاروائی کریں۔

مظفرگڑھ میں شادی شدہ خاتون سے مبینہ طور پر تعلقات کے الزام میں شہریوں نے اے ایس آئی اور 3 خواتین کو 2 گھنٹوں ترکی کالونی کےکوارٹر میں بندرکھا بعدازاں پولیس نے اے ایس آئی اور تینوں خواتین کو تحویل میں لیکر تفتیش کے لیے تھانے منتقل کردیا.مظفر گڑھ کے علاقے ترکی کالونی میں علاقہ مکینوں نے نے تھانہ کرمداد قریشی کے اے ایس آئی ذکاء اللہ اور 3 خواتین کو کالونی کے کوارٹر میں 2 گھنٹے کے لیے بند کردیا.اطلاع پر ڈی ایس پی سٹی عظمت اللہ اور پولیس کی بھاری نفری بھی موقع پر پہنچ گئی اور اے ایس آئی اور تینوں خواتین کو مشتعل شہریوں سے بچاکر تحویل میں لیا اور تحقیقات کے لیے تھانہ سول لائن منتقل کردیا.علاقہ مکینوں کا کہنا تھا کہ اے ایس آئی ذکاء اللہ کے انکے خاندان کی شادی شدہ خاتون حسینہ مائی کیساتھ ناجائز تعلقات تھے،ان کا کہنا تھا کہ اے ایس آئی ذکاء اللہ اور خاتون کو رنگے ہاتھوں پکڑے جانے پر کوارٹر کو تالالگایا،علاقہ مکینوں نے یہ بھی الزام عائد کیا کہ اے ایس آئی ذکاء اللہ نے کالونی میں غیرقانونی ٹارچر سیل قائم کررکھا ہے اور کوارٹر کو برے کاموں کے لئے استعمال کرتا تھا،دوسری جانب پولیس ترجمان وسیم خان گوپانگ کیمطابق معاملے کی انکوائری کی جارہی ہے،اے ایس آئی ذکاء اللہ غیرقانونی کام میں ملوث ہواتو کارروائی کی جائیگی.