ننکانہ صاحب (نامہ نگار احسان اللہ ایاز) ڈپٹی کمشنر محمد تسلیم اختر راؤ نے ننکانہ سٹی اور واربرٹن کے مختلف علاقوں کا دورہ کرتے ہوئے جاری ترقیاتی منصوبوں کی پیش رفت کا تفصیلی جائزہ لیا۔دورے کے دوران انہوں نے واربرٹن میں سنٹر میڈین بیوٹیفکیشن منصوبے کا افتتاح کیا اور شہر کے مختلف مقامات پر جاری ترقیاتی کاموں کا معائنہ کیا۔ انہوں نے متعلقہ افسران کو ہدایت کی کہ بازاروں سے تجاوزات کے فوری خاتمے کے لیے اقدامات کیے جائیں اور راستوں میں رکاوٹ بننے والے کاروباری مراکز کو سیل کیا جائے۔ڈپٹی کمشنر نے ہسپتال کا بھی دورہ کیا جہاں انہوں نے وارڈز، لیبارٹری، ایکسرے روم اور وہیل چیئرز کی دستیابی کا جائزہ لیا اور مریضوں و تیمارداروں سے ملاقات کی۔ انہوں نے واضح کیا کہ علاج معالجہ کی فراہمی میں کسی قسم کی رکاوٹ، سستی یا غفلت ہرگز برداشت نہیں کی جائے گی۔انہوں نے کہا کہ ضلع کے داخلی و خارجی راستوں کی خوبصورتی کے لیے شجرکاری مہم کے تحت سڑکوں کے اطراف لاکھوں پودے لگائے جا رہے ہیں جبکہ بازاروں کو ماڈل بازار بنانے کے منصوبے پر تیزی سے کام جاری ہے۔ واربرٹن ماڈل بازار منصوبہ جلد مکمل کیا جائے گا تاکہ شہریوں کو بہترین سہولیات میسر آ سکیں۔ڈپٹی کمشنر کا کہنا تھا کہ ترقیاتی کاموں کی خود مانیٹرنگ کی جا رہی ہے اور معیار پر کوئی سمجھوتہ نہیں ہوگا۔ انہوں نے مزید کہا کہ بہت جلد الیکٹرک بسیں سڑکوں پر نظر آئیں گی جس سے عوام کو بڑا ریلیف ملے گا، جبکہ پبلک پارکس کی بحالی کے لیے بھی اقدامات جاری ہیں۔انہوں نے اس عزم کا اظہار کیا کہ مریم نواز کے ویژن کے مطابق شہری سہولیات کو مزید بہتر بنایا جا رہا ہے۔
Category: ننکانہ
-
ننکانہ صاحب: ڈپٹی کمشنر کا امتحانی مراکز کا دورہ، شفاف امتحانات اور نقل کی روک تھام پر زور
ننکانہ صاحب (نامہ نگار احسان اللہ ایاز) ڈپٹی کمشنر محمد تسلیم اختر راو نے ننکانہ سٹی کے مختلف امتحانی مراکز کا دورہ کیا اور امتحانی انتظامات کا تفصیلی جائزہ لیا۔انہوں نے حاضری شیٹ اور رول نمبر کے مطابق نشستوں کے انتظام کو چیک کیا جبکہ مراکز میں روشنی، پنکھوں، صاف پینے کے پانی اور صفائی ستھرائی کی صورتحال کا بھی معائنہ کیا۔ ڈپٹی کمشنر نے طلبہ و طالبات سے سہولیات کے بارے میں دریافت کیا، جس پر طالبات نے اطمینان کا اظہار کیا۔اس موقع پر ڈپٹی کمشنر نے کہا کہ مریم نواز شریف کے ویژن کے مطابق امتحانات کو شفاف طریقے سے منعقد کیا جا رہا ہے۔ انہوں نے واضح کیا کہ امتحانی مراکز میں نقل میں معاونت کرنے والے کسی بھی مواد کو لانے پر مکمل پابندی عائد ہے۔انہوں نے نگران عملے کو ہدایت کی کہ امتحانی عمل کی کڑی نگرانی کو یقینی بنایا جائے اور کسی بھی قسم کی نقل یا بے ضابطگی ہرگز برداشت نہیں کی جائے گی۔اس موقع پر اسسٹنٹ کمشنر ثناء شرافت سمیت دیگر افسران بھی موجود تھے۔
-
ننکانہ صاحب: ڈپٹی کمشنر کا رورل ہیلتھ سنٹر واربرٹن کا دورہ، بہترین طبی سہولیات کی فراہمی پر زور
ننکانہ صاحب (نامہ نگار احسان اللہ ایاز) ڈپٹی کمشنر محمد تسلیم اختر راو نے شہریوں کو فراہم کی جانے والی طبی سہولیات کا جائزہ لینے کے لیے رورل ہیلتھ سنٹر واربرٹن کا دورہ کیا۔انہوں نے ہسپتال کے مختلف شعبہ جات جن میں وارڈز، لیبارٹری، ایکسرے روم اور وہیل چیئرز کی دستیابی شامل ہے، کا تفصیلی معائنہ کیا اور مریضوں کی تیمارداری و علاج معالجہ کی سہولیات کے بارے میں دریافت کیا۔ اس موقع پر سروس ڈیلیوری، صفائی ستھرائی اور مجموعی انتظامات کا بھی جائزہ لیا گیا۔ڈپٹی کمشنر نے کہا کہ مریم نواز شریف کے ویژن کے مطابق ہسپتالوں میں بہترین سروس ڈیلیوری کو یقینی بنانا اولین ترجیح ہے۔ انہوں نے ڈاکٹرز اور عملے کو ہدایت کی کہ وہ اپنی ذمہ داریاں احسن انداز میں ادا کریں اور مریضوں کو علاج معالجہ کی فراہمی میں کسی قسم کی دشواری نہ ہونے دیں۔انہوں نے واضح کیا کہ علاج میں سستی یا غفلت ہرگز برداشت نہیں کی جائے گی جبکہ مریضوں کو مفت ادویات کی فراہمی کو بھی یقینی بنایا جائے۔ ہسپتال میں صفائی کے اعلیٰ معیار کو برقرار رکھنے کی بھی ہدایت کی گئی۔اس موقع پر اسسٹنٹ کمشنر ثناء شرافت، سی ای او ہیلتھ ڈاکٹر روحیل اختر، ایم ایس ڈاکٹر عدنان سمیت دیگر افسران بھی موجود تھے۔
-
ننکانہ صاحب: سیوریج میگا پروجیکٹ میں بدانتظامی، پی ٹی سی ایل لائنیں بار بار کٹنے لگیں، شہری شدید متاثر
ننکانہ صاحب میں جاری سیوریج میگا پروجیکٹ کے دوران مبینہ بدانتظامی اور ناقص کوآرڈینیشن کے باعث پی ٹی سی ایل کی لائنیں بار بار کٹنے کے واقعات سامنے آ رہے ہیں، جس سے سینکڑوں صارفین روزانہ شدید مشکلات کا شکار ہو گئے ہیں۔ذرائع کے مطابق شہر کے مختلف علاقوں جن میں گول چکر، بیری والا چوک اور لاہور روڈ شامل ہیں، کھدائی کے دوران بارہا پی ٹی سی ایل کی مین لائن کو نقصان پہنچا، جس کے نتیجے میں ٹیلیفون اور انٹرنیٹ سروس مسلسل معطل رہنے لگی۔ اس صورتحال نے شہریوں کے روزمرہ معمولات، کاروباری سرگرمیوں اور آن لائن کاموں کو شدید متاثر کیا ہے۔متاثرہ شہریوں کا کہنا ہے کہ یہ مسئلہ اب روز کا معمول بن چکا ہے اور متعلقہ ادارے اس پر سنجیدہ اقدامات کرنے میں ناکام نظر آتے ہیں۔ دوسری جانب اطلاعات ہیں کہ حالیہ واقعات کے دوران پی ٹی سی ایل عملے اور واسا کنٹریکٹر کے درمیان تلخ کلامی اور مبینہ ہاتھا پائی بھی ہوئی، جس سے انتظامی کنٹرول پر مزید سوالات اٹھنے لگے ہیں۔ماہرین کے مطابق کسی بھی بڑے انفراسٹرکچر منصوبے میں کھدائی سے قبل زیر زمین یوٹیلٹی لائنز کی مکمل نشاندہی (Utility Mapping) اور اداروں کے درمیان مؤثر رابطہ انتہائی ضروری ہوتا ہے۔ بار بار لائن کٹنے کے واقعات اس بات کی نشاندہی کرتے ہیں کہ منصوبے میں مناسب پلاننگ اور سائٹ سپروژن کا فقدان ہے۔شہری و سماجی حلقوں نے واسا ننکانہ صاحب کی اعلیٰ انتظامیہ کی کارکردگی پر بھی سوالات اٹھاتے ہوئے فوری اصلاحی اقدامات کا مطالبہ کیا ہے۔ ان کا کہنا ہے کہ متاثرہ کنکشنز کی فوری بحالی، ذمہ داران کا تعین اور آئندہ ایسے واقعات کی روک تھام کے لیے واضح حکمت عملی اپنائی جائے۔
-
ننکانہ صاحب: بیساکھی میلہ سیکیورٹی کیلئے گوردوارہ جنم استھان میں موک ایکسرسائز، تمام اداروں کی مشترکہ مشق
ننکانہ صاحب ڈپٹی کمشنر محمد تسلیم اختر راؤ کی ہدایت پر بیساکھی میلہ تقریبات کے حوالے سے تمام اداروں کی تیاری اور ریسپانس ٹائم چیک کرنے کے لئے مرکزی گوردوارہ جنم استھان میں موک ایکسرسائز کا انعقاد کیا گیا۔جس میں پولیس، ریسکیو 1122، پیرا فورس،سول ڈیفنس، ہیلتھ اور دیگر متعلقہ اداروں نے بھر پور حصہ لیا اور پیشہ ورانہ طریقے سے اپنی بہترین کارکردگی کا مظاہرہ کیا جہاں ڈسٹرکٹ ایمرجنسی آفیسر محمد اکرم پنوار نے ڈپٹی کمشنر محمد تسلیم اختر راؤ کو تفصیلی بریفنگ دی۔ڈپٹی کمشنر محمد تسلیم اختر راؤ نے ٹرامہ ایمرجنسی، عمارتوں کا منہدم ہونا، بم بلاسٹ اور متفرق فرضی مشقوں کے عملی مظاہرے کا جائزہ لیا اس موقع پر ایڈیشنل ڈپٹی کمشنر، ڈسٹرکٹ پولیس آفیسر، ڈسٹرکٹ ایمرجنسی آفیسر، اسسٹنٹ کمشنر اور دیگرمتعلقہ اداروں کے ضلعی افسران بھی موجود تھے۔موک ایکسرسائز کے اختتام پر ڈپٹی کمشنر محمد تسلیم اختر راؤ نے تمام اداروں کے درمیان باہمی کوارڈینیشن، جذبہ اور کارکردگی کو سراہا اور اس عزم کا اعادہ کیا کہ کسی بھی ناگہانی صورتحال کے پیشِ نظر ہم وطن عزیز کے دفاع اور تحفظ کے لئے شانہ بشانہ ہمہ وقت تیار ہیں۔
-
ننکانہ صاحب: اقلیتی برادری میں گرانٹس کی شفاف تقسیم، 318 مستحق افراد میں چیکس تقسیم
ننکانہ صاحب میں حکومت پنجاب کی جانب سے اقلیتی برادری کے لیے خصوصی گرانٹس کے تحت 318 مستحق مرد و خواتین میں چیکس تقسیم کیے گئے۔ تقریب میں صوبائی وزیر اقلیتی امور سردار رمیش سنگھ اروڑہ، ڈپٹی کمشنر محمد تسلیم اختر راؤ، اسسٹنٹ کمشنرز اور دیگر افسران نے شرکت کی۔
ضلعی انتظامیہ کے مطابق امداد سے 21 ہندو، 198 مسیحی اور 99 سکھ شہری مستفید ہوئے۔ تقریب سے خطاب کرتے ہوئے سردار رمیش سنگھ اروڑہ نے کہا کہ پاکستان کا آئین تمام شہریوں کو برابر حقوق دیتا ہے اور حکومت پنجاب اقلیتوں کے تحفظ اور مذہبی آزادی کے لیے عملی اقدامات کر رہی ہے۔
انہوں نے بتایا کہ ایک لاکھ مستحق اقلیتی خاندانوں میں میرٹ کی بنیاد پر مینارٹی کارڈ تقسیم کیے گئے، جس میں کسی قسم کی سیاسی سفارش کو ختم کر دیا گیا ہے۔ مزید کہا گیا کہ کرسمس، ویساکھی، دیوالی اور ایسٹر جیسے تہواروں پر خصوصی گرانٹس جاری کی گئی ہیں، جنہیں شفاف طریقے سے تقسیم کیا جا رہا ہے۔
صوبائی وزیر نے اس بات پر زور دیا کہ اقلیتوں کے حقوق کا تحفظ اور ان کی خوشیوں میں شریک ہونا حکومت کی ذمہ داری ہے، جبکہ بین المذاہب ہم آہنگی کو فروغ دینے کے لیے مختلف اقدامات جاری ہیں۔ انہوں نے یہ بھی کہا کہ وزیراعلیٰ مریم نواز نے اقلیتی امور کے بجٹ میں نمایاں اضافہ کرتے ہوئے اسے 50 کروڑ سے بڑھا کر 10 ارب روپے کر دیا ہے۔
-
ننکانہ صاحب میں غیر قانونی ہاؤسنگ سکیمز کے خلاف کریک ڈاؤن، بلا نقشہ تعمیرات مسمار
ننکانہ صاحب حکومتی احکامات کی روشنی میں ڈسٹرکٹ ایڈمنسٹریشن ننکانہ صاحب ڈپٹی کمشنر راؤ تسلیم اختر کی زیر نگرانی چیف افیسر عامر اختر بٹ ضلع کونسل کی ھدایت پر ننکانہ صاحب بلڈنگ انفورسمنٹ ونگ کا غیر قانونی بلا نقشہ منظوری ہاؤسنگ سکیمز کے خلاف کریک ڈاؤن
تفصیلات کے مطابق چک نمبر 51 ار بی اضافی ابادی چوہدری جمیل گجراضافی ابادی عمر فاروق جمرہ روڈ شاہکوٹ 51 ار بی متعدد نوٹس جاری کرنے کے بعد عدم تعمیل کی صورت میں موقع پرقانونی کاروائی کرتے ہوئے زیر تعمیر آفس کے بلڈنگ سڑکات اور سیوریج وغیرہ گرا دیے گئے مزید یہ کہ حکومتی احکامات کو ہوا میں اڑا دیا گیا اور زرعی زمین پر بے تحاشہ رائشی سکیمز بنا کر سادہ لو عوام کو ترقیاتی کاموں کا جھانسا دے کر سبز باغ دکھا کر چاندی کرنے میں مگن ہیں. متعلقہ محکمہ یا اتھارٹی سے منظوری نہ لینے کی بنا پر مزید غیر قانونی ہاؤسنگ سکیمز کے مالکان اور ڈیویلپرز کے خلاف قانونی کاروائی کرتے ہوئے ایف ائی ار کا اندراج کروایا جائے گالہذا عوام الناس سے گزارش ہے کہ کسی بھی ہاؤسنگ سکیم میں سرمایہ داری کرنے سے پہلے متعلقہ لوکل گورنمنٹ یا اتھارٹی سے ہاؤسنگ سکیم کی منظوری کے متعلق واضح کر لیں تاکہ اپ کا قیمتی سرمایہ ضائع ہونے سے بچ سکے. -
ننکانہ صاحب: ڈی ایچ کیو ہسپتال میں بچوں کے نئے وارڈ کا افتتاح، جدید سہولیات کی فراہمی
ننکانہ صاحب (باغی ٹی وی، احسان اللہ ایاز) ڈپٹی کمشنر محمد تسلیم اختر راؤ نے ڈی ایچ کیو ہسپتال میں بچوں کے وارڈ کا افتتاح کر دیا۔ ہسپتال کے بچہ وارڈز کی تزئین و آرائش کا عمل مکمل کر لیا گیا ہے جس پر تقریباً 10 لاکھ روپے لاگت آئی۔
ڈپٹی کمشنر نے اس موقع پر ہسپتال میں خوبصورت پینٹنگ کا کام کرنے والے پینٹر کو اعزازی سرٹیفکیٹ سے بھی نوازا اور ہسپتال انتظامیہ کو ہدایت کی کہ بچوں کو فوری طور پر نئے وارڈز میں منتقل کیا جائے۔
انہوں نے کہا کہ بچوں کے لیے وارڈز کو خوشگوار اور خوبصورت ماحول فراہم کیا گیا ہے تاکہ ننھے مریض بہتر انداز میں علاج حاصل کر سکیں۔
ڈپٹی کمشنر کا کہنا تھا کہ حکومت پنجاب کے “صحت مند پنجاب” ویژن کے تحت سرکاری ہسپتالوں میں علاج معالجے کی معیاری سہولیات کی فراہمی یقینی بنائی جا رہی ہے۔
اس موقع پر ایڈیشنل ڈپٹی کمشنر جنرل سفیان دلاور، اسسٹنٹ کمشنر ثناء شرافت، ایم ایس ڈاکٹر افتخار محی الدین سمیت دیگر افسران بھی موجود تھے۔
-
ننکانہ صاحب میں ضلعی کوآرڈینیشن کمیٹی اجلاس، سمگلنگ، تجاوزات اور سکیورٹی معاملات پر سخت اقدامات کی ہدایت
ننکانہ صاحب (احسان اللہ ایاز، باغی ٹی وی) ڈپٹی کمشنر محمد تسلیم اختر راؤ، ڈسٹرکٹ پولیس آفیسر ارسلان زاہد اور کرنل حیدر خان کی زیر صدارت ڈسٹرکٹ کوآرڈینیشن کمیٹی برائے ہوم ڈیپارٹمنٹ کا ماہانہ اجلاس ڈی سی آفس کے کمیٹی روم میں منعقد ہوا۔ اجلاس میں ایڈیشنل ڈپٹی کمشنرز، اسسٹنٹ کمشنرز، فوج، پولیس، ایکسائز، ایف بی آر، کسٹمز، انفارمیشن سمیت تمام ضلعی اداروں کے سربراہان نے شرکت کی۔
اجلاس میں تمام محکموں کی کارکردگی کا تفصیلی جائزہ لیا گیا جبکہ ایڈیشنل ڈپٹی کمشنر جنرل سفیان دلاور نے اداروں کی کارکردگی پر بریفنگ دی۔
ڈپٹی کمشنر محمد تسلیم اختر راؤ نے اجلاس سے خطاب کرتے ہوئے ہدایت کی کہ تمام افسران اپنی ذمہ داریوں کا واضح تعین کریں اور عوامی مسائل کو ترجیحی بنیادوں پر حل کیا جائے۔ انہوں نے بیوٹیفیکیشن منصوبوں پر عملدرآمد، صفائی ستھرائی کی بہتری، تجاوزات کے خاتمے اور پرائس کنٹرول کے اقدامات کو مزید تیز کرنے کی ہدایت دی۔
انہوں نے سمگل شدہ تیل اور دیگر اشیاء فروخت کرنے والوں کے خلاف سخت کارروائی کا حکم دیتے ہوئے کہا کہ غیر قانونی گیس ری فلنگ کرنے والوں کے ساتھ کوئی رعایت نہ برتی جائے۔ مزید برآں دینی مدارس کی رجسٹریشن جلد مکمل کرنے اور حکومتی ترقیاتی منصوبوں کو مقررہ وقت میں شفافیت کے ساتھ مکمل کرنے پر زور دیا۔
-
ننکانہ، پولیو مہم غیر سرکاری افراد کے سپرد ،حکمت عملی کا فقدان
احسان اللہ ایاز باغی ٹی وی نامہ نگار ننکانہ صاحب
کیاقومی پولیو مہم کو غیر سرکاری افراد کے سپرد کرنا درست حکمت عملی ہے ،ننکانہ صاحب میں 16اپریل سے شروع ہونے والی قومی پولیو مہم رضا کاروں کے سپرد13 سے 16 اپریل تک چار روزہ قومی انسداد پولیو مہم، ضلع بھر میں 2 لاکھ 88 ہزار سے زائد بچوں کو قطرے پلانے کا ہدف،مہم کیلئے 1198 ٹیمیں تشکیل، گھر گھر جا کر پانچ سال تک کی عمر کے بچوں کو پولیو سے بچاؤ کے قطرے پلائے جائیں گےذرائع کے مطابق حالیہ مہم میں زیادہ تر رضاکار شامل، سرکاری ملازمین کی شمولیت نہ ہونے کے برابر رہ گئی
ڈاکٹر طلحہ شیر وانی کے دور میں اساتذہ اور دیگر محکموں کی شمولیت سے ننکانہ صاحب نے پنجاب بھر میں نمایاں کارکردگی دکھائی شہری حلقوں کا مطالبہ پولیو جیسے قومی مشن کی کامیابی کیلئے سرکاری محکموں کے ملازمین کو دوبارہ فعال کردار دیا جائےڈپٹی کمشنر محمد تسلیم اختر راؤ فوری نوٹس لیتے ہوئے قومی مشن کی تکمیل کیلئے اساتذہ اور دیگر سرکاری محکموں کے ملازمین کو فعال کریں، ضلع ننکانہ صاحب میں چار روزہ قومی انسداد پولیو مہم 13 اپریل سے 16 اپریل 2026 تک جاری رہے گی جس کے دوران پانچ سال تک کی عمر کے بچوں کو پولیو سے بچاؤ کے قطرے پلائے جائیں گے،ذرائع کے مطابق اس مہم کے دوران ضلع بھر میں 2 لاکھ 88 ہزار سے زائد بچوں کو پولیو سے بچاؤ کے قطرے پلانے کا ہدف مقرر کیا گیا ہے جبکہ اس مقصد کے لیے 1198 ٹیمیں تشکیل دی گئی ہیں جو گھر گھر جا کر بچوں کو حفاظتی قطرے پلائیں گی،انسداد پولیو مہم کے دوران 6 ماہ سے 5 سال تک کی عمر کے بچوں کو وٹامن اے کےکیپسول بھی دیے جائیں گے تاکہ بچوں کی قوتِ مدافعت بہتر ہو اور وہ مختلف بیماریوں سے محفوظ رہ سکیں،ذرائع کا کہنا ہے کہ حالیہ پولیو مہم میں بڑی تعداد میں غیر سرکاری رضاکاروں کو شامل کیا گیا ہےجبکہ سرکاری محکموں کے ملازمین کی شمولیت نہ ہونے کے برابر بتائی جا رہی ہے جس پر مختلف حلقوں کی جانب سے تشویش کا اظہار کیا جا رہا ہے،
یاد رہے کہ سابقہ سی ای او ہیلتھ ڈاکٹر طلحہ شیر وانی کے دور میں انسداد پولیو مہم میں غیر سرکاری پولیو ورکرز کی بجائے محکمہ تعلیم سمیت دیگر سرکاری محکموں کے ملازمین کو شامل کیا گیا تھا جس کے نتیجے میں ضلع ننکانہ صاحب نے پنجاب بھر میں انسداد پولیو مہم کے دوران نمایاں کارکردگی دکھائی تھی،شہری و سماجی حلقوں نے ڈپٹی کمشنر ننکانہ صاحب محمد تسلیم اختر راؤ سے مطالبہ کیا ہے کہ وہ اس معاملے کا فوری نوٹس لیتے ہوئے پولیو جیسے قومی مشن کی مؤثر تکمیل کیلئے اساتذہ اور دیگر سرکاری محکموں کے ملازمین کو بھی فعال طور پر مہم میں شامل کریں تاکہ انسداد پولیو مہم کے سو فیصد نتائج حاصل کیے جا سکیں۔