Category: ننکانہ

ننکانہ صاحب: نمائندہ باغی ٹی وی عبدالرحمان یوسف
تفصیلات کے مطابق ننکانہ صاحب میں سماجی تنظیم "ساؤتھ ایشیاء پارٹنر شپ پاکستان ” کے پروگرام "جذبہ” کے تحت کرونا وائرس سے بچاؤ کے بارے آگاہی سیمینار کا انعقاد کیا گیا جس میں سیاسی و سماجی رہنماؤں، مختلف سرکاری و نجی تعلیمی اداروں کے سربراہان،اساتذہ اور شہریوں نے شرکت کی،سیمینار سے خطاب کرتے ہوئے سماجی تنظیم کی ڈسٹرکٹ کوآرڈی نیٹر رائے روبینہ آصف کھرل نے کہا کہ کرونا ایک خطر ناک اور جان لیوا بیماری ہے جس سے بچاؤ کا واحد طریقہ احتیاط ہے،احتیاطی تدابیر پر عمل کر کے ہم نہ صرف اپنی بلکہ دوسروں کی زندگیوں کو بھی محفوظ بنا سکتے ہیں،انہوں نے کہا کہ ہم سب کی ذمہ داری ہے کہ ہم کرونا وائرس سے بچاؤ کے لئے حکومتی ہدایات پر سختی کے ساتھ عمل کریں اور دوسرے لوگوں میں آگاہی بیدار کرنے کے لئے بھی اپنا بھرپور کردار ادا کریں،سماجی فاصلے،بار بار ہاتھ دھونے اور رش والی جگہوں پر نہ جا کر ہم اس خطر ناک بیماری سے محفوظ رہ سکتے ہیں، رائے روبینہ آصف کھرل نے سماجی تنظیم کی طرف سے سیمینار کے شرکاء میں ہینڈ سیناٹائزر،فیس ماسک اور ہاتھ دھونے والا صابن بھی تقسیم کیا،شرکاء نے سماجی تنظیم کی طرف سے شہریوں میں کرونا وائرس سے بچاؤ کے لئے آگاہی مہم چلانے کو خوش آئند قرار دیا۔

ننکانہ صاحب: نمائندہ باغی ٹی وی عبدالرحمان یوسف

تفصیلات کے مطابق وزیر اعلیٰ پنجاب سردار عثمان کی خصوصی ہدایت پر ضلعی انتظامیہ کے زیر اہتمام میونسپل کمیٹی شاہکوٹ میں ہفتہ شان رحمت العالمین کے تحت محفل میلاد مصطفی ﷺ کا انعقاد کیا گیا جس میں قرآن خوانی، حدیہ درودوسلام اور نعت رسول مقبولﷺ کا اہتمام کیا گیا ۔ ہفتہ شان رحمت العالمین ﷺ کے تحت منعقدہ محفل میلاد مصطفی ﷺ میںممبر صوبائی اسمبلی میاں محمد عاطف،ڈی ایس پی سرکل، اسسٹنٹ کمشنر شاہکوٹ صباءسحر، میونسپل کمیٹی شاہکوٹ، ضلعی محکمہ جات کے افسران و اہلکاران کی کثیر تعداد نے عقیدت و احترام سے شرکت کی۔اس موقع پر ممبر صوبائی اسمبلی میاں محمد عاطف نے محفل میلاد مصطفی ﷺ کے شرکاءسے خطاب کرتے ہوئے کہا کہ حکومت پنجاب کے ہفتہ شان رحمت العالمین کے انعقاد سے نوجوان نسل کو سیر ت مصطفی کی روشنی میں اپنے کردار کو سنوارنے کا موقع ملے گا ،حضور ﷺ کی سیر ت نہ صرف مسلمانوں بلکہ اقوام عالم کے لیے سرچشمہ ہدایت ہے۔انہوں نے کہا کہ معاشرے کی بہتر اصلاح کے لیے تعلیمات نبوی پر عمل کرنا دنیا و آخرت کی سرخروئی کا باعث ہے،دنیا میں امن انسانوں کو انصاف اور حقوق دینے سے ہی آئے گا۔اس موقع پر اسسٹنٹ کمشنر شاہکوٹ صباءسحر نے اظہار خیال کرتے ہوئے کہا کہ کامیاب زندگی گزارنے کا ایک سنہری اصول یہ ہے کہ ہم اپنے تمام امور میں رسول اکرم ﷺ کی حیات طیبہ کی پیروی کریں ،اس سے ہی دنیا و آخرت میں سرخروئی ممکن ہے۔ انہوں نے کہا کہ حضور ﷺ نے رنگ و نسل کی تمیز اور برتری کا معیارختم کر کے معاشرے میں عدل و انصاف کو رواج دیا اور عورتوں اور بچوں کو عزت دی جس سے ایک فلاحی معاشرے کا قیام ممکن ہوسکا ۔علاوہ ازیں ضلعی محکمہ بہبودآبادی کے زیر اہتمام شان رحمت اللعالمینﷺ کے تحت ریلی کاانعقاد کیا گیا جس میں ڈسٹرکٹ پاپولیشن ویلفئیرآفیسر کاشف مختار عابد،تحصیل پاپولیشن آفیسر طاہر علی ،ریسکیو 1122کے اہلکاران ،علماءاکرام،مختلف مکتبہ فکرسے تعلق رکھنے والے افراد سمیت شہریوں کی کثیر تعداد نے شرکت کی۔شان رحمت اللعالمین ﷺکے تحت نکالی گئی ریلی میں آپ کی حیات طیبہ، سیرت النبی ﷺاور حضورپرنورﷺ کے اسوہ حسنہ پر روشنی ڈالتے ہوئے شرکاءریلی نے خطابات کیے ۔شان رحمت اللعالمین ﷺ کے تحت نکالی گئی ریلی کاآغاز ننکانہ موٹروے انٹرچینج سے ہوا جوکہ محکمہ بہبودآبادی کے ضلعی دفتر پہنچ کر اختتام پذیر ہوئی ۔ریلی کے اختتام پر ملک و قوم کی سلامتی اور خوشحالی کے لیے خصوصی دعا بھی کی گئی۔

ننکانہ صاحب: نمائندہ باغی ٹی وی عبدالرحمان یوسف
باغی ٹی وی کی رپورٹ کے مطابق وفاقی وزیر داخلہ بریگیڈئیر(ر) پیر اعجاز احمد شاہ کی خصوصی کاوش سے ننکانہ صاحب تابچیکی اور بچیانہ روڈزکی تعمیر و مرمت کے کام کا آغاز کردیا گیا ہے،عوام الناس کو سفر کی بہترین سہولت مہیا کرنے کے لیے دونوں سڑکوں کی بحالی اور تعمیر و مرمت کو جلد از جلد مکمل کرلیا جائے گا ،ترقیاتی کاموں میں استعمال ہونے والے میٹریل کے معیار پر کسی قسم کا بھی سمجھوتہ نہیں کیا جائے گا اگر کسی بھی سکیم میں ناقص میٹریل استعمال ہونے کی نشاندہی ہوگئی تو ٹھیکیدار اور متعلقہ محکمے کے افسران کے خلاف قانون کے مطابق سخت کاروائی عمل میں لائی جائے گی۔ان خیالات کا اظہار ڈپٹی کمشنر ننکانہ صاحب راجہ منصور احمدنے ننکانہ صاحب تابچیکی اور ننکانہ صاحب تا بچیانہ روڈز کے تعمیر و مرمت کے حوالے سے بات کرتے ہوئے کیا۔ ڈپٹی کمشنر نے کہا کہ تعمیراتی میٹریل کی کوالٹی پر کوئی سمجھوتہ نہیں کیا جائے گا۔ڈپٹی کمشنر نے کہا کہ علاقائی منصوبے عوام کی خدمت اور ان کی مشکلات دور کرنے کے لیے انتہائی اہم ہیں ان کی بروقت تکمیل مربوط ترقی کی جانب ایک اہم قدم ہے۔

ننکانہ صاحب: نمائندہ باغی ٹی وی عبدالرحمان یوسف
باغی ٹی وی کی رپورٹ کے مطابق حکومت پنجاب کی خصوصی ہدایت کے مطابق سموگ سے بچاﺅ کی احتیاطی تدابیر کو اپنا کر اس سے محفوظ رہا جاسکتا ہے ،عوام الناس فصلوں کی باقیات،کوڑاکرکٹ، چمڑا اور ہسپتال کے فضلہ جات کو جلانے سے پرہیز کریں ،زگ زیگ ٹیکنالوجی استعمال نہ کرنے والے اینٹوں کے بھٹوں کو 31دسمبر کے بعد بھی کام کرنے کی اجازت نہیں دی جائے گی،خلاف ورزی کرنے والوں کے خلاف سخت قانونی کاروائی عمل میںلائی جائے گی۔ان خیالا ت کا اظہار ڈپٹی کمشنر ننکانہ راجہ منصور احمد نے انٹی سموگ کنٹرول پروگرام کے حوالے سے بات کرتے ہوئے کیا۔ڈپٹی کمشنر راجہ منصور احمد نے کہا کہ حکومت پنجا ب کی جانب سے جن اشیاءکے جلانے پرپابندی عائد کی گئی ہے وہ حالیہ موسم میں سموگ پیدا کرنے کا باعث بنتی ہیں، عوام کو سموگ کے خطرہ سے بچانے کے لیے پرانے ڈیزائن کے بھٹوں کو بند رکھا جائےگا صرف زگ زیگ ٹیکنالوجی استعمال کرنے والے بھٹوں کو کام جاری رکھنے کی اجازت ہوگی۔ڈپٹی کمشنر راجہ منصوراحمد نے اسسٹنٹ ڈائریکٹر ماحولیات عبدالقیوم کو ہدایات جاری کرتے ہوئے کہا کہ سموگ کنٹرول پروگرام کے تحت قانون کی خلاف ورزی کرنے والوں کے خلاف آہنی ہاتھوں سے نمٹا جائے ٹائر ،ربڑ کی مصنوعات اور فصلوں کی باقیات جلانے والوں کے خلاف ایف آئی آرز درج کروائی جائیں سموگ کے خاتمے کے لیے ہر ممکن کوشش کی جائے تاکہ ضلع بھر کی عوام کو بہتر اور صاف ستھرا ماحول مہیا کیا جاسکے۔