Category: اوکاڑہ

اوکاڑہ ,باغی ٹی وی( نامہ نگار ملک ظفر) چھوٹے بچوں کی بہتر نشوونما اور صحت کیلیے پنجاب فوڈ اتھارٹی کی جانب سے ایٹ سیف کڈز (Eat Safe kids) پروگرام کا آغاز۔
تفصیلات کے مطابق پنجاب فوڈ اتھارٹی کے زیر اہتمام ایٹ سیف کڈز پروگرام کے حوالے سے گورنمنٹ اسلامیہ ہائی اسکول میں سیمینار کا انعقاد کیا گیا ۔جسمیںڈائریکٹر مانیٹرنگ غلام فرید، سی ای او ایجوکیشن وزیر احمد آغا، پرنسپل اظہر جاوید اور ڈپٹی ڈائریکٹر آپریشنز عبد العظیم نے شرکت کی۔

پروگرام کا مقصد بچوں کے بہتر نشوونما کیلیے والدین کو متوازن غذا بارے آگاہی دینا ہے۔

اس سیمنار کا مقصد وٹامنز سے بھرپور خوراک اور صحت بخش لنچ باکس تیار کرنے کی تراکیب بارے والدین کو آگاہ کرنا ہے ۔

غذائی ماہرین نے والدین اور اساتذہ کو بچوں کی بہتر صحت کیلیے وٹامن اور آئرن سے بھرپور خوراک کے چناؤ بارے آگاہ کیا،ڈائریکٹر مانیٹرنگ غلام فرید کا کہنا تھا کہ ہم پنجاب فوڈ اتھارٹی کے مشکور ہیں انہوں نے بچوں کے روشن مستقبل کیلیے منفرد منصوبے کا آغاز کیا۔

انہوں نے مزید کہا کہ آج کے بچے صحت مند ہوں گے تو ان کا مستقبل روشن ہو گا۔ معیاری خوراک کے ساتھ ساتھ صفائی کا خاص خیال رکھنا بھی لازم ہے۔

شرکاء نے کہا کہ فوڈ اتھارٹی کے ساتھ مل کر بچوں کی صحت کیلئے تمام تر ممکن اقدامات کیے جائیں گے۔ تمام مہمانوں، والدین اور اساتذہ نے پنجاب فوڈ اتھارٹی کی کاوشوں کی تعریف کی اور خوب سراہا۔

اوکاڑہ،باغی ٹی وی( نامہ نگار ملک ظفر )اوکاڑہ پیٹرولنگ پولیس نےلاپتہ ہونے والے 6 سالہ بچے کو والدین سے ملا دیا۔بچہ اپنی نانی کے گھر چھٹیاں گزارنےگیا تھا اور راستہ بھٹک کر دور نکل گیا۔

پیٹرولنگ پولیس ترجمان کے مطابق قلعہ سوندا سنگھ چیک پوسٹ کی پیٹرولنگ پولیس کی ٹیم اے۔ایس۔آئی جاوید اقبال کی سربراہی میں معمول کی علاقہ گشت پر مامور تھی کہ سہتی قبرستان کے قریب روڈ کنارے پر ایک بےیارومددگار روتے ہوے 6 سالہ معصوم بچے جس کی شناخت عثمان غنی کے نام سے ہوئی کو اپنی محفوظ تحویل میں لیا۔

پیٹرولنگ پولیس کیجانب سے بچے کے والدین کی تلاش کا عمل شروع کردیاگیا مختلف دیہاتوں کی مساجد میں اعلانات کروانے کیساتھ ساتھ سوشل میڈیا و دیگر جدید تمام ذرائع کوبروئے کار لاتے ہوئےآخر کار پیٹرولنگ پولیس کے اہلکاروں نے بچے کا گھر تلاش کر لیا اور معززین علاقہ کی موجودگی میں بچے کو اس کی والدہ رضیہ بی بی اور حقیقی چچا کے حوالے کر دیا

بچے کی والدہ نے بتایا کہ بچہ اس کے ہمراہ نانی کے گھر واقع حجرہ چوک آیا ہوا تھا جہاں وہ گھر سے باہر نکلا اور راستہ بھول جانے کی وجہ سےلاپتہ ہوگیا جس کوہم کئی گھنٹوں سے تلاش کر رہے ہیں بچے کی والدہ اور علاقہ مکینوں کی طرف سے پیٹرولنگ پولیس کے اس عظیم انسانیت دوست اقدام کی بروقت سر انجام دہی پر اظہار تشکر اور ڈھیروں دعاؤں اور نیک تمناؤں کا اظہار کیا

ِاوکاڑہ باغی ٹی وی( نامہ نگار ملک ظفر )پاکستان جرنلسٹ ایسوسی ایشن کی مرکزی قیادت ایشیاء میڈیا کانفرنس میں شرکت کے بعد گزشتہ روز پاکستان پہنچ گئے ،تفصیلات کے مطابق دبئی میں ہونیوالی سات ملکی ایشیاء میڈیا کانفرنس میں پی جے اے کی نمائندگی کرنا بڑے اعزاز کی بات ہے

ان خیالات کا اظہار مرکزی چیئر مین میاں اشتیاق علی اور مرکزی صدر میاں شاہد محمود نے اپنے مشترکہ بیان میں کہی اور مزید کہا کہ انشاء اللہ ہمیں پورا یقین ہے کہ نومبر میں سات ملکی ایشیاء میڈیا کانفرنس کی میزبانی ہمیں مل جائیگی اور یہ کانفرنس جن میں سات ممالک کی صحافتی تنظیموں کے سربراہان شرکت کرینگے اور یہ کانفرنس اسلام آباد میں منعقد کی جائیگی

اس کانفرنس میں پاکستان کے تمام ڈسٹرکٹ کے عہدیداران اور دیگر صحافتی تنظیموں اور صحافتی کمیونٹی سے تعلق رکھنے والے صحافیوں کو مدعو کیا جائے گا ،تاکہ وہ ایشیاء کے ممالک کو پاکستان کی مثبت صحافتی سرگرمیوں بار ے آگاہ کرسکیں

ایشیاء میڈیا کانفرنس میں حکومتی نمائندگان بھی شرکت کرینگے ۔

اوکاڑہ ،باغی ٹی وی( نامہ نگار ملک ظفر)نوجوان نسل کو محب وطن اور مفید شہری بنانے کے لئے تمام تر وسائل بروئے کار لائے جائیں۔امتیاز احمد میاں
ہماری پہلی یہی کوشش ہوتی ہے کہ ہم اپنی تمام تر صلاحیتوں کو بروئے کار لاتے ہوئے نئی نسل کے لئے اپنا عملی کلیدی کردار ادا کریں ۔ کیونکہ کسی بھی ملک و قوم کی ترقی اسی وقت ممکن ہے جب نئی نسل کو زیور تعلیم سے آراستہ کرنے کے ساتھ ساتھ انکی آنے والی زندگی میں کامیابی کے لئے انکے اندر وہ خوبیاں ، اچھائیاں پیدا کی جاہیں ۔

انکی بہترین تربیت کرکے انکو ایک محب وطن اور مفید شہری بنانے کے لئے تمام تر وسائل بروئے کار لائے جائیں ۔ ان خیالات کا اظہار ضلع اوکاڑہ کے نامور تعلیمی سکالر ، موٹیویشنل سپیکر ، ماسٹر ٹرینر ، قلمکار ، ایوارڈ یافتہ ادبی شخصیت امتیاز احمد میاں پرنسپل قائد گورنمنٹ ہائر سیکنڈری سکول نیو کیمپس اوکاڑہ نے ایک تقریب میں طلباء و طالبات ، اساتذہ ، والدین ، شہریوں سے خطاب کرتے ہوئے کیا ۔

انہوں نے مزید کہا کہ ہم سب کو اپنا اپنا فرض اولین بچوں کی بہترین نگہداشت کرکے پورا کرنا چاہیے ۔ ایک بہترین معاشرے کے لئے ایک ذی شعور ، قابل ، محنتی قوم کی سخت ضرورت ہے ۔ یہ اسی وقت ممکن ہے جب ہر شخص اپنی ذمہ داریوں کو احسن طریقے سے سر انجام دے ۔ انہوں نے مزید کہا کہ نوجوان نسل ملک و قوم کا قیمتی اثاثہ ہوتے ہیں ۔

انکو کامیاب زندگی کے لئے بہترین راہنمائی بہت ضروری ہے ۔ ہمیں اپنے حصے کا دیا جلانا ہوگا ۔ بچوں کو اپنے بہترین مستقل کے لئے اپنے والدین ، اساتذہ کا تابعدار ہونا بہت ضروری ہے ۔

انہوں نے والدین ، اساتذہ ، سول سوسائٹی کو مخاطب کرتے ہوئے کہا کہ ہم سب کو مل کر ایک جامع حکمت عملی مرتب کرکے ان بچوں کے لئے بہترین ماحول پیدا کرنے ، انکو کامیاب اور مفید شہری بنانے کے لئے اپنے حصے کا دیا جلانے اور اپنا بہترین کلیدی کردار ادا کرنے کی ضرورت پر زور دیا ۔

اوکاڑہ ،باغی ٹی وی( نامہ نگار ملک ظفر )اوکاڑہ حضرت اسماعیل شاہ المعروف حضرت کرمانوالہ کے سالانہ عرس مبارک کی تقریبات شروع ہوگئیں۔ایک ہزار سے زائد پولیس افسران ۔اہلکار سیکورٹی کے انتظامات پر مامور ڈی پی او آ فس میں مانیٹرنگ روم قائم کردیا گیا

تفصیلات کے مطابق اوکاڑہ میں حضرت کرمانوالہ میں پیر حضرت اسماعیل شاہ کا سالانہ عرس کی تقریبات کا انعقاد کر دیا گیا، مریدین کی امد کا سلسلہ شروع دربار منتظمین کی طرف سے مریدین کے کے لئے بہتر انتظامات کئے گئے ہیں 24 گھنٹے لنگر عام رہے گا دربار کے باہر مختلف سٹال سج گئے۔

نعت خواہوں قوالوں کی آمد کا سلسلہ بھی شروع ہوگیا۔

دربار پر اور ارد گرد سیکورٹی کے فول پروف انتظامات کئے گئے ہیں۔ ایک ہزار سے زائد پولیس اہلکار افسر اور جوان ۔لیڈیز پولیس سیکورٹی پر مامور کر دئے گئے ہیں۔

ڈی پی او اوکاڑہ منصور امان نے سیکورٹی کے انتظامات کا جائزہ لیا اور خصوصی ہدایات جاری کیں ۔ڈی پی او آ فس میں ایک کنٹرول روم بنایا گیا ہے جہاں سی سی ٹی وی کیمروں کی مدد سے نگرانی کی جائیگی۔

عرس کی تقریبات 28 فروری تک جاری رہیں گی

اوکاڑہ ،باغی ٹی وی( نامہ نگار) باغی ٹی وی کے نامہ نگار سینئر صحافی ملک ظفر اقبال کے والد گرامی کی وفات پرتعزیتی اجلاس ہوا

تفصیل کے مطابق اوکاڑہ عوامی میڈیا کونسل کے زیر اہتمام ایک خصوصی تعزیتی اجلاس زیر صدارت محمد آصف کھوکھر منعقد ہوا منعقدہ اجلاس میں سماجی کارکن ملک خالد یعقوب اور سینئر صحافی باغی ٹی وی کے نامہ نگارملک ظفر اقبال کے والد گرامی ماسٹر محمد یعقوب کی مختصر علالت کے بعد وفات پر گہرے دکھ کا اظہار کیاگیا

اجلاس میں ضلع بھر سے صحافیوں نے کثیر تعداد میں شرکت کی اور مرحوم کے لیے خصوصی دعا مغفرت کی گئی، اس موقع پر مقررین نے مرحوم ماسٹر محمد یعقوب کی تعلیمی اور معاشرتی خدمات کو سراہتے ہوئے خراج عقیدت پیش کیا،

اوکاڑہ ،باغی ٹی وی( نامہ نگار ملک ظفر) اوکاڑہ یونیورسٹی کے شعبہ باٹنی کی جانب سے دو روزہ بین الاقوامی کانفرنس کا انعقاد کیا گیا،کانفرنس میں پچیس سے زائد جامعات کے اسکالرز کی شرکت کی ۔

تفصیلات کے مطابق اوکاڑہ یونیورسٹی کے شعبہ باٹنی کی جانب سے پلانٹ سائنسز اور قدرتی مصنوعات کے موضوع پہ دوسری سالانہ بین الاقوامی کانفرنس کا انعقاد کیا گیا۔ اس دو روزہ کانفرنس میں پچیس ملکی و غیر ملکی جامعات کے محققین اور اسکالرز نے شرکت کی۔

کانفرنس میں دنیا کی صف اول کی جامعات سے منسلک سائنسدانوں نے پلانٹ سائنسز میں تحقیق کے جدید رجحانات اور نئے نظریات پہ خصوصی لیکچرز دیے۔ اس کے ساتھ ساتھ چالیس محققین نے اپنے مقالہ جات پیش کیے۔

کانفرنس کی صدارت وائس چانسلر پروفیسر ڈاکٹر جاوید اختر نے کی جب شعبہ باٹنی کے سربراہ ڈاکٹر فہیم ارشد اس کے کنوینر تھے۔ ڈاکٹر نائلہ مختار نے بطور سیکریٹری جب کہ ڈاکٹر ندا نے فوکل پرسن کے فرائض سر انجام دیے۔ ڈاکٹر بینش خالق اور سمن امین نے کانفرنس کی میزبانی کی۔ کانفرنس میں پیش کردہ مقالہ جات کی ٹیکنکل ریویو کمیٹی میں ڈاکٹر سیدہ انجم طاہرہ، ڈاکٹر محمد اقبال اور ڈاکٹر شفیق الرحمن شامل تھے۔

کانفرنس میں شرکت کرنے والے بین الاقوامی سائنسدانوں میں مکہ سے پروفیسر ڈاکٹر محمد فازے، ترکی سے پروفیسر ڈاکٹر خالد محمود، پولینڈ سے پروفیسر ڈاکٹر میریوز اور ڈاکٹر کٹرزائنا، امریکہ سے ڈاکٹر محمد عدنان اور جاپان سے ڈاکٹر محمد وسیم شامل تھے۔ ڈاکٹر وسیم کے علاوہ باقی سب غیر ملکی محققین نے بذریعہ ویڈیو لنک شرکت کی۔

پاکستان کی مختلف جامعات سے کانفرنس میں شریک سائنسدانوں میں پنجاب یونیورسٹی سے پروفیسر ڈاکٹر ارشد جاوید اور پروفیسر ڈاکٹر تہمینہ انجم، یونیورسٹی آف ویرٹرنی اینڈ اینیمل سائنسز سے پروفیسر ڈاکٹر اویس عمر، غازی یونیورسٹی سے پروفیسر ڈاکٹر ندیم اختر، بہاولدین زکریا یونیورسٹی سے پروفیسر ڈاکٹر عامر نواز اور پروفیسر ڈاکٹر احمد اکرم، سرگودھا یونیورسٹی سے پروفیسر ڈاکٹر عامر علی، ایجوکیشن یونیورسٹی سے پروفیسر ڈاکٹر ابرارحسین اور گورنمنٹ کالج یونیورسٹی فیصل آباد سے پروفیسر ڈاکٹر رضوان رشید شامل تھے۔

کانفرنس کے معاونین میں پیسٹک، پاکستان سائنس فاونڈیشن، عرفان فارما اور ریز ٹیکنالوجیز شامل تھے۔

کانفرنس میں پلانٹ سائنسز کے مختلف پہلووں جیسا کہ پلانٹ فیزیولوجی، ٹیکسانومی، ایتھنوباٹنی اور قدرتی مصنوعات کی ادویاتی خصوصیات پہ سیر حاصل بحث کی گئی۔

شرکاء کے درمیان رسمی اور غیر رسمی مکالمات کے کئی سیشن ہوئے جس سے ملکی و غیر ملکی محققین کو ایک دوسرے کی تحقیق سے مسفید ہونے کا موقع ملا۔

اس کانفرنس میں شعبہ باٹنی کے طلباء کی جانب سے تحقیق کے نتیجے میں تیار کی جانے والی قدرتی مصنوعات کی نمائش بھی لگائی گئی۔ پچاس اسٹالز پر مبنی اس نمائش میں کاسمیٹکس، ہینڈی کرافٹس اور دیگر ہربل مصنوعات شامل تھیں۔