Category: اوکاڑہ

اوکاڑہ،باغی ٹی وی(نامہ نگارملک ظفر)دیپالپور چوک میں پوشش کی دکان میں آگ لگ گئی،ریسکیوفائرفائٹرزنے بروقت ریسپانس کرتے ہوئےآگ کو کنٹرول کرنے میں کامیاب ہوگئے

آگ دیپالپور چوک نزدشیل پمپ پوشش کی دکان میں آگ لگ گئی،ابتدائی معلومات کے مطابق آگ شارٹ سرکٹ کے باعث لگی،ریسکیو1122 اطلاع پر موٹر بائیک سروس،فائروہیکل اورریسکیو وہیکل فوری موقع پر پہنچ گئیں،دکان بند تھی،ریسکیو ٹیموں نے بولٹ کٹرکی مدد سے دکان کے شٹرکاتالہ کاٹ کرآگ پر قابوپایا،

ریسکیوفائرفائٹرزنے پیشہ ورانہ طریقہ کاراپناتے ہوئےآگ پر پانی کی مددسےفائرفائٹنگ کی اور 15 منٹ میں آگ پر مکمل قابو پالیا.

اوکاڑہ ،باغی ٹی وی( نامہ نگار ملک ظفر) ڈسٹرکٹ پولیس آفیسر منصور امان کی زیر صدارت ضلع بھر کی پولیس سے جنرل الیکشن کے حوالہ سے اجلاس منعقد ہوا ،
اجلاس کا انعقاد طیب سعید شہید پولیس لائنز میں کیا گیا،اجلاس میں ایس پی انویسٹی گیشن ملک داؤد سمیت ایس ڈی پی اوز اور ایس ایچ اوز نے شرکت کی

الیکشن ضابطہ اخلاق کی پاسداری پر عمل درآمد یقینی بنایا جائے ، اس موقع پر ڈی پی او نے کہا کہ اسلحہ کی نمائش ہوائی فائرنگ اور نفرت انگیز مواد کے تشیہر کے خلاف فوری ایکشن لیا جائے گا۔

ڈی پی او منصور امان نے پولیس افسران سے کہا کہ پٹرولنگ ، نگرانی ، ناکہ بندی اور دیگر اقدامات کو یقینی بنایا جائے ،

اوکاڑہ ،باغی ٹی وی( نامہ نگار ملک ظفر)اوکاڑہ میں حکومت پنجاب کے کلین اینڈ گرین کے دعوے دھرے کے دھرے رہ گئے ضلعی انتظامیہ نے شہریوں کو ان کے رحم وکرم پر چھوڑ دیا۔میونسپل کارپوریشن کی غفلت کی وجہ سے شہرفلتھ ڈپومیں تبدیل ہونے لگا،

شہر کے پوش علاقے چراغ سندھو کالونی کے ناکارہ سیوریج سسٹم نے شہریوں کا جینا محال کردیا ،شہریوں کا کہناہے کہ اس بوسیدہ سیوریج سسٹم کو کوئی ٹھیک کرنے کو تیار نہیں ۔

میونسپل کارپوریشن کا عملہ اور عوامی نمائندوں نے ہمیں حالات کے رحم وکرم پر چھوڑ دیا ہے، شہریوں نے کمشنر ساہیوال اور ڈپٹی کمشنر اوکاڑہ سے فوری نوٹس لیتے ہوئے چراغ سندھو کالونی کے سیوریج سسٹم کو ہنگامی بنیادوں پر حل کروانے کا مطالبہ کیاہے

اوکاڑہ،باغی ٹی وی(ملک ظفر) اوکاڑہ فوڈ ڈیپارٹمنٹ کی بڑی کارروائی،1500کلو گرام مردہ مرغیوں کا گوشت پکڑ لیا
تفصیلات کے مطابق اوکاڑہ فوڈ ڈیپارٹمنٹ نے کارروائی کرتے ہوئے 1500کلو مردہ مرغیوں کا گوشت پکڑ لیا۔مردہ مرغیوں کے گوشت کو شہر کے مختلف فوڈ پوائنٹس پر فروخت کیا جانا تھا۔

کاروائی ایل بی ڈی سی کینال پل فیصل آباد روڈ نزد ایجوکیٹر سکول اوکاڑہ کے قریب کی گئی۔مردہ مرغیوں کو تلف کر دیا گیا ،موقع سے ملزم کو گرفتار کر لیا گیا اورتھانہ صدر میں مقدمہ درج کر لیا گیا ہے۔

اوکاڑہ (باغی ٹی وی نامہ نگار ملک ظفر) ڈپٹی کمشنر اوکاڑہ ڈاکٹر محمد ذیشان حنیف کی خصوصی ہدایات پر محکمہ سول ڈیفنس اوکاڑہ کی ٹیکنیکل ٹیم نے ایل پی جی پلانٹ51ٹو ایل اوکاڑہ میں فائر فائیٹنگ ڈرل و ٹریننگ کا انعقاد کیا

جس میں ایل پی جی پلانٹ کی مینجمنٹ و ورکرز نے ہنگامی صورتحال میں آگ بجھانے کا عملی مظاہرہ و آگ لگنے کی صورت میں پلانٹ سے بحفاظت انخلا،آلات آتش کشی و فائر بیٹر کا استعمال، فائر ہایڈرنٹ,واٹر کینن گن اور خودکار فائر سپرینکولر سسٹم کا استعمال، سائرن بجانے کی ریہرسل اور ہنگامی اسمبلی پوائنٹ برائے حاضری ملازمین کی اہمیت اور ذاتی حفاظتی سامان کی اہمیت کے بارے میں لیکچرز و ڈرل بمعہ پروٹوکول ڈریس منعقد کروائی گئی ۔

ٹریننگ کے اختتام پر کامیاب ہونے والے ملازمین میں ڈسٹرکٹ سول ڈیفنس آفیسر اوکاڑہ چوہدری وقار اکبر نے سرٹیفکیٹس تقسیم کئے اور انتظامیہ پلانٹ کو پبلک سیفٹی کے حوالے سے مستقبل میں بھی ایسے اقدامات کو جاری رکھنے کی ہدایت کی ۔

علاوہ ازیں عوام الناس کی سیفٹی کو یقینی بنانے کیلئے محکمہ سول ڈیفنس اوکاڑہ کی انسپکشن ٹیموں نے تحصیل دیپالپور کی متعدد کمرشل مارکیٹوں میں آگ بجھانے کے آلات کو چیک کیا اور آگ بجھانے کے نامکمل انتظامات پر 37 عدد شاپس کو تحریری نوٹس جاری کیے اور 14 شاپس کے چالان کر کے مزید کاروائی کے لیے عدالت بجھوا دیے ۔

اوکاڑہ (ملک ظفر)اوکاڑہ شہر اور گردونواح میں چوری اور ڈکیتی کی وارداتیں تھم نہ سکیں روزانہ کی بنیاد پر وارداتوں نے پولیس کی کارکردگی پر سوالیہ نشان لگادیا ،شہری بڑھتی ہوئی وارداتوں پر عدم تحفظ کا شکار

تفصیلات کے مطابق اوکاڑہ شہر اور گردونواح میں روزانہ کی بنیاد پر چوری اور ڈکیتیوں کا سلسلہ جاری ہے تھانہ صدر کے علاقہ میں ڈکیتیاں اور چوریاں روکنے میں پولیس ناکام دیکھائی دیتی ہے تھانہ صدر کے علاقوں میں مختلف وارداتوں میں وسیم عباس ولد محمد رشید چاول کے بیوپاری سے موٹر سائیکل نمبر ASK9962 اور ہزاروں روپے نقدی لے گئے دوسری واردات میں محمد احمد ولد بشیر احمد سکنہ خان کالونی سے ستگھرہ موڑ پر تین نامعلوم مسلح ڈاکوؤں نے موٹر سائیکل اور ہزاروں روپے نقدی چھین کر فرار

جبکہ تیسری واردات 55 ٹو ایل احاطہ ذاہد نذیر جٹ میں نامعلوم چور تین قیمتی بھینسیں مالیت آٹھ لاکھ روپے پک اپ ڈالا میں ڈال کر لے گئے بڑھتی ہوئی وارداتوں سے شہری عدم تحفظ کا شکار ہیں شہریوں نے آئی جی پنجاب سے نوٹس لینے کا مطالبہ کیا ہے۔