Category: پشاور

خیبر پختونخوا کی نگران کابینہ میں ایک بار پھر ردوبدل کا امکان ظاہر کیا گیا ہے زرائع کے مطابق نئے وزراء کے لئے نیوٹرل افراد کا انتخاب کیا جائے گا تاکہ وہ بغیر کسی سیاسی وابستگی کے انتخابات کرانے کی اپنی آئینی ذمہ درای ادا کر سکیں۔اس سے قبل کہا جا رہا تھا کہ نگران کابینہ کے 4 وزراء کے علاوہ باقی سب تبدیل ہوں گے لیکن اب ذرائع سے اطلاعات آرہی ہیں کہ پوری کابینہ تبدیل کی جائے گی جس کے لئے نام فائنل ہو رہے ہیں۔دوسری جانب گورنر کے پی کے کو بھی تبدیل کرنے پر غور کیا جا رہا ہے کیونکہ گورنر کے پی کے کو انتہائی متنازعہ شخص سمجھا جا رہا ہے،

خیبرپختونخوا کے خواجہ سراوں کو بینظیر انکم سپورٹ پروگرام میں شامل کیا گیا ہے اور پہلی بار کسی وفاقی وزیر نےبے نظیر انکم سپورٹ پروگرام میں خواجہ سراء کو نقد امداد دی ہے۔ خیبرپختونخوا میں دو خواجہ سراؤں کا بے نظیر انکم سپورٹ پروگرام میں اندراج کیا گیا ہے۔
وفاقی وزیر مملکت برائے تخفیف غربت و سماجی تحفظ فیصل کریم کنڈی نے خیبرپختونخوا کی غریب خواتین کے ساتھ اب خواجہ سرا کو بھی بینظیر انکم اسپورٹس پروگرام میں شامل کرلیا گیا ہے۔ خواجہ سرا تین ماہ میں آٹھ ہزار نو سو روپے حاصل کر سکیں گے۔
فیصل کریم کنڈی نے خیبرپختونخوا کے علاقے ڈیرہ اسماعیل خان میں جہانزیب عرف الماس عرف خواجہ سرا کو نقد رقم ادا کی۔

پشاور کے علاقے پشتخرہ میں 8 سالہ بچے سےمبینہ زیادتی کا واقعہ سامنے آیا ہے۔ایف آئی آر کے مطابق امام مسجد نے بچے کو تہہ خانے میں لے جا کر زیادتی کا نشانہ بنایا۔پولیس کے مطابق ملزم امام مسجد کو گرفتار کرلیا گیا ہے جب کہ تحقیقات کی جارہی ہیں۔تاہم متاثرہ بچے نے اس سے پہلے بھی کئی دفعہ زیادتی کا نشانہ بننے کی کوشش کی ہے،

محکمہ صحت کے حکام کے مطابق پولیس کی جانب سے ڈیوٹی سے انکار کی وجہ سے آج سے شروع ہونے والی پولیو مہم تاخیر کا شکار ہو گئی ہے،
محکمہ صحت کے حکام کے مطابق پولیو کے اس اہم ایونٹ کو غیر معینہ مدت کے لیے ملتوی کر دیا گیا ہے اور مزید کہا کہ وہ پولیو ٹیموں کو سیکیورٹی فراہم کرنے کے حوالے سے پولیس حکام سے بات چیت کر سکیں گے۔ محکمہ صحت کے حکام کا کہنا ہے کہ پولیو ٹیموں کو سیکیورٹی دینے کے بعد پولیو مہم شروع ہو جائے گا۔
دوسری جانب پولیس حکام کا کہنا ہے کہ پولیس اپنے مطالبات کے لیے احتجاج کر رہی ہے اور انہوں نے مزید کہا کہ اس وقت پولیس کا کوئی سروس سٹرکچر نہیں ہے۔
پولیس حکام کے مطابق ڈیوٹی پر موجود پولیس اہلکاروں کو کوئی سہولت نہیں دی گئی اور جب تک ان کے مطالبات تسلیم نہیں ہوتے وہ پولیس ٹیموں کو سیکیورٹی فراہم کرنے کا بائیکاٹ جاری رکھیں گے۔
خیبر پختونخوا کے مختلف اضلاع میں حالیہ دنوں میں پولیس کے خلاف دہشت گردانہ حملوں میں اضافہ ہوا ہے جس میں بڑی تعداد میں پولیس اہلکار اپنی جانوں سے ہاتھ دھو بیٹھے ہیں۔
گزشتہ روز 9 تاریخ کو بلوچستان کے دارالحکومت کوئٹہ میں نامعلوم مسلح افراد کی فائرنگ سے پولیو ٹیم کی حفاظت پر مامور دو پولیس اہلکار جاں بحق ہوگئے تھے،
پاکستان میں پولیو کے خاتمے کے لیے اہم انسداد پولیو مہم کا آغاز اس دن سے ہوا، جس کا مقصد پانچ سال سے کم عمر کے 80 لاکھ بچوں کو پولیو کے قطرے پلانا ہے۔

شمالی وزیرستان کے علاقے سیدگی غلام خان میں دھماکے کے نتیجے میں میاں بیوی جاںبحق ہو گئے، پولیس حکام کے مطابق دھماکہ بم ڈسپوزل اسکواڈ کی گاڑی کے قریب ہوا۔ لیکن بم ڈسپوزل اسکواڈ کا عملہ محفوظ رہا۔ تاہم دھماکے کے زد میں میاں بیوی آکر جاں بحق ہو گئے،پولیس کے مطابق دھماکے کے بعد سیکیورٹی فورسز نے علاقہ کو گھیرے میں لیکر سرچ آپریشن شروع کر دیا گیا ہے۔ علاقے کے سرکاری ذرائع نے بتایا کہ دھماکا غلام خان کے علاقے صدیقی میں اس وقت ہوا جب بم ڈسپوزل سکواڈ علاقے کی چیکنگ میں مصروف تھا۔
اس سے قبل شمالی وزیرستان کی تحصیل میر علی کے گاؤں کھڈی میں نئے تعمیر شدہ پل کے نیچے دھماکہ خیز مواد رکھا گیا تھا اور اسے دھماکے سے اڑا دیا گیا تھا۔
پولیس کے مطابق پل کو تباہ کرنے والوں کے خلاف سرچ آپریشن جاری ہے۔
حالیہ دنوں میں شمالی وزیرستان سمیت خیبر پختونخوا کے مختلف قبائلی علاقوں میں دہشت گردوں کی جانب سے حملوں اور بم دھماکوں میں کافی حد تک تیزی آئی ہے۔
پیر کی رات پشاور کے علاقے بڈہ بیرہ میں دہشت گردوں کے حملے میں ایک پولیس اہلکار جاں بحق اور دو زخمی ہوگئے۔
اس کے علاوہ دو ہفتے قبل دبوجور کے علاقے خار میں جمعیت علمائے اسلام (ف) کے اجلاس میں خودکش حملہ ہوا تھا جس میں 60 سے زائد افراد شہید اور 100 سے زائد زخمی ہوئے تھے۔ زخمی

گورنر خیبر پختونخوا حاجی غلام علی نے یونیورسٹی آف پشاور کے چوتھے بی ایس کانووکیشن میں بحیثیت مہمان خصوصی شرکت کی، گورنر کے پی کے نے سوشل سائنسز، لائف اینڈ انوائرنمنٹل سائینسز،فزیکل سائینسز، منیجمنٹ ایند انفارمیشن سائینسز،اسلامک اسٹڈیز, کمپیوٹر سائینز، ڈیزاسٹر منیجمنٹ میں بیچلر آف سائینسز کی تعلیم مکمل کرنیوالے 500 طلباء وطالبات میں ڈگریاں تقسیم کیں۔ گورنر نے نمایاں پوزیشن حاصل کرنیوالے 34 طلباء و طالبات کو گولڈ میڈلز پہنائے۔ گورنر نے تعلیمی کامیابی حاصل کرنیوالے طلباء و طالبات، والدین، فیکلٹی اراکین کو مبارکباد دی تقریب میں قائمقام وائس چانسلر پروفیسر ڈاکٹر جہان بخت، فیکلٹی اراکین، والدین اور طلباء کی شرکت کی، کانوکیشن سے خطاب کرتے وقت گورنر کے پی کے نے تقریب میں شریک والدین بچوں کو ساہتے ہوئے کہا کہ تعلیم کے حصول میں کافی مشکلات کو برداشت کرتے ہے، اسلئے تمام والدین کو مبارکباد پیش کرتا ہوں، انہوں نے مزید کہا کہ 10 سال میں کسی نے اتنی ڈگریاں طلبہ کو نہیں دی جنتی میں نے گزشتہ 8 ماہ میں دی ہے، غلام علی نے کہا ہم زمین پر بیٹھ کر تعلیم حاصل کرتے تھے لیکن اب طلبہ کو کافی سہولیات دی جا رہی ہے ، 21 ویں صدی علم اور تحقیق کی صدی ہے جس سیکٹرز میں طلبہ نے ڈگریاں حاصل کر دی ہے وہ اسی سیکٹر کا مقروض ہے، اب طلبہ کو چاہیے کہ وہ متعلقہ سیکٹرز میں کام کرے، گورنر کے پی کے غلام علی نے کہا کہ قومیں وہی کامیاب ہوتی ہے جو مشکلات سے دوچار ہوتے ہوئے محنت کرتیں ہیں، گورنر کے پی کے کا مزید کہنا تھا کہ جامعات کو درپیش مشکلات سے متعلق جون میں حکومت کو آگاہ کردیا ہے،

پی ٹی آئی چئیر مین عمران خان کے گرفتاری کے پیش نظر کسی بھی قسم کے احتجاجی مظاہرے جلسے جلوس یا کسی بھی قسم کا رد عمل کو روکنے کے لئے خیبر پختونخواہ کے مختلف اضلاع میں دفعہ 144 نافذ کر لیا گیا ہے ،جس کے تحت،چارسدہ مردان مالاکنڈ، اور دیگر علاقوں میں جلسے ،جلوس،ریلیوں پر دفعہ 144 کے تحت پابندی عائد
کر لی گئی،،دفعہ 144 نو اگست تک نافذ العمل ھوگی مختلف اضلاع کے ڈپٹی کمشنر کی دفاتر سے دفعہ 144 کااعلامیہ جاری کر لیا گیا ہے ،پولیس کی بھاری نفری مختلف مقامات پر تعینات کر دی گئی ہے پولیس کی بڑی گاڑی سمیت موبائل گاڑیاں بھی موقع پر موجود ہے،دفعہ 144 کی خلاف ورزی کرنے والوں کے خلاف سحت ایکشن لیا جائے گا،

شمالی وزیرستان ایڈیشنل ڈپٹی کمشنر ریلیف قیصر کنڈی کی گاڑی پر نامعلوم افراد نے حملہ کیا ، ذرائع کے مطابق حملہ رزمک کے مہاجر بازار میں کیا گیا، حملے میں قیصر کنڈی زخمی ہو گئے ہے جنکو فوری طور پر قریبی ہسپتال منتقل کر دیا گیا ذرائع نے بتایا کہ گاڑی میں سوار ان کا بیٹا اور سکواڈ محفوظ رہا، ہسپتال ذرائع نے یہ بھی بتایا
ایڈیشنل ڈپٹی کمشنر کی حالت خطرے سے باہر ہے،

پی ٹی آئی کے سابق رہنما پرویز خٹک کا کہنا ہے کہ عدالت کا فیصلہ اس بات کا ثبوت ہے کہ ہماری عدالتیں آزاد ہیں، جو بھی چوری یا کرپشن کرے گا ان کے لئے قانون موجود ہے۔پرویز خٹک نے کہا کہ ہمارا مؤقف تھا مسئلے کا حل بات چیت سے ممکن ہے، اقتدار کی بھوک نے چئیرمین پی ٹی آئی کو اس مقام پر لا کھڑا کیا۔
ان کا کہنا تھا کہ پارٹی کو مضبوط کرنے میں کئی برس لگے ہیں، اقتدار کے لالچ میں چئیرمین پی ٹی آئی نے پارٹی کے ٹکڑے کردیے، جس نے بھی ان کو وزیراعظم بننے میں مدد کی ان کوسب کے سامنے رسوا کیا۔پرویز خٹک نے کہا کہ کہ ہم نے بار بارعمران خان کو کہا اسمبلی مت توڑیں، لیکن وہ ہٹ دھرمی پر ڈٹے رہے، کے پی میں اب ان کو مزید ایڈونچر کی اجازت نہیں دی جائے گی، نوجوان اب ان کی مکاریاں اور فریب سمجھ چکے ہیں۔