محرم الحرام کے حوالے سے ڈسٹرکٹ پولیس افیسر ناصر محمود نے علماء کرام کیساتھ میٹنگ کا انعقاد کیا۔میٹنگ میں نوشہرہ کینٹ ،رسالپور اور جہانگیرہ کے علماء کرام نے شرکت کی۔ڈسٹرکٹ پولیس آفیسر نے علماء کرام سے بات چیت کرتے ہوئے کہا کہ نوشہرہ بھر میں اور خصوصاً محرم الحرام کے دوران امن و امان برقرار رکھنے میں علماء کرام اپنا کلیدی کردار کریں۔علماء کرام کی مدد ہی سے سماج دُشمن عناصر کے مذموم ارادےناکام بنائیں جا سکتے ہے ۔ڈسٹرکٹ پولیس افیسر نے مزید کہا کہ شہر کا امن امان برقرار رکھنے کے لیے کسی قسم کی فرقہ واریت، اشتعال انگیز تقاریر ،لوڈ اسپیکر کا غلط استعمال ،اسلحے کی نمائش اور شرپسندی کی اجازت نہیں دی جائے گی۔اس موقع پر خطاب کرتے ہوئے جامع مسجد نوشہرہ کینٹ کے خطیب پروفیسر قاضی خلیل الرحمٰن نے علماء کرام کی طرف سے بھرپور تعاون کا یقین دلایا ۔میٹنگ کے اختتام پر ملک اور نوشہرہ کے امن و امان اور سلامتی کیلئے دعا کی گئی۔
Category: پشاور
-
مردان تخت بھائی فائرنگ،ایک شخص جاں بحق
مردان تخت بھائی پاتی کلاں میں فائرنگ سے ایک شخص جاں بحق ہو گیا،ریسکیو 1122 کے مطابق گولی لگنے سے 22 سالہ امتیاز موقع پر ہی جانبحق ہو گیا،ریسکیو1122 کے حکام کے مطابق اطلاع موصول ہونے پر ریسکیو1122 ایمبولینس اور میڈیکل ٹیم موقع پر پہنچ گئی۔
ریسکیو1122 میڈیکل ٹیم نے زخمی شخص کو ٹی ایچ کیو منتقل کر دیا جہاں ڈاکٹروں نے ان کے موت کی تصدیق کر دی،تاہم فائرنگ کی وجہ معلوم نہ ہو سکی،پولیس نے نامعلوم افراد کے خلاف مقدمہ درج کر کے تفتیش شروع کر دی گئی ہے، -
ڈی سی پشاور کے زیر صدارت انسداد پولیو مہم کے حوالے سے اہم اجلاس
ڈپٹی کمشنر پشاورشاہ فہد کی زیر صدارت انسداد پولیو کے حوالے سے اہم اجلاس منعقد ہوا جس میں ڈسٹرکٹ ہیلتھ آفیسر ڈاکٹر محمد ادریس، کوآرڈینیٹر ای پی آئی ڈاکٹر محمد عارف، این سٹاپ آفیسر ڈاکٹر نیئر جمال ، ڈپٹی ڈسٹرکٹ پولیو آفیسر ڈاکٹر نوید خورشید، ڈپٹی ڈسٹرکٹ پولیو آفیسر ڈاکٹر سیف اللہ ، کمپیونیکیشن آفیسر فیصل خان سمیت انتظامی افسران،محکمہ صحت، پولیس اور دیگر محکموں کے افسران نے شرکت کی۔ اجلاس میں گزشتہ انسداد پولیو مہم کی کارکردگی اور کوریج کے حوالے سے جبکہ آنے والی انسداد پولیو مہم کے لئے مزید ضروری اقدامات اور کوریج کے بارے میں تفصیل سے بات چیت ہوئی۔
ڈپٹی کمشنرپشاورشاہ فہد نے والدین سے اپیل کی ہے کہ اپنے بچوں کو مستقل معذوری سے بچانے کے لیے پولیو سے بچاؤ کے قطرے ضرور پلائیں اورانسدادپولیو ٹیموں سے تعاون کریں تاکہ پشاور سے پولیو وائرس کا خاتمہ کیا جا سکے۔ انھوں نے کہا کہ ہمیں پولیو کے خاتمے کے لیے اپنا کردار ادا کر نا ہو گا اور ہماری مشترکہ کوششوں سے ہی پولیو کا خاتمہ ممکن ہو سکے گا۔ -
پشاور:محرم الحرام میں تخریب کاری کا بڑا منصوبہ ناکام
پشاور میں بڑی تباہی کا منصوبہ ناکام بنا دیا گیا، محرم الحرام میں تخریب کاری کی منصوبہ بندی کرنے والے 10 دہشت گردوں کو گرفتار کر لیا گیا۔
باغی ٹی وی: محکمہ انسداد دہشتگردی (سی ٹی ڈی) کے مطابق گرفتار دہشتگردوں کا تعلق کالعدم تنظیم داعش سے ہے۔ گرفتاریاں پشاور اور ہنگو سمیت مختلف علاقوں سے عمل میں لائی گئیں، دہشت گرد گروہ تخریب کاری کا بڑا منصوبہ بنا رہا تھا گرفتار دہشت گردوں میں ٹارگٹ کلرز بھی شامل ہیں، تمام ملزمان سے تفتیش شروع کر دی گئی ہے۔
قبل ازیں بیرون ملک فرار ہونے والے اشتہاری ملزم کو دبئی سے گرفتار کرکے پاکستان منتقل کیا گیا جبکہ ترجمان پنجاب پولیس کے مطابق ملتان سے فرار ہونے والے قمر نامی خطرناک اشتہاری ملزم کو ملتان پولیس نے دبئی سے گرفتار کر لیا، اور انٹرپول کی مدد سے پاکستان منتقل کردیا ہے۔
خطرناک اشتہاری ملزم کو دبئی سے گرفتار کرلیا گیا
ترجمان پنجاب پولیس کے مطابق ملزم قمر جرائم کی متعدد وارداتوں میں مطلوب تھا، اور عدالت کی جانب سے اشتہاری قرار دیا جاچکا تھا، ملزم کو مزید کارروائی کیلئے وہاڑی پولیس کے حوالے کردیا گیا ہے۔ ترجمان پنجاب پولیس کے مطابق بیرون ملک سے گرفتار کئے گئے اشتہاریوں کی تعداد96 ہو گئی ہے۔
دوسری جانب کراچی کے علاقے گلستان جوہر میں لڑکی کو ہراساں کرنے کے معاملے کی تحقیقات جاری ہیں اور پولیس نے ملزم کا خاکہ تیار کرالیا ہے۔ پولیس کے مطابق خاکہ سی سی ٹی وی اور عینی شاہدین کی مدد سے تیار کیا گیا ہے۔ پولیس کا کہنا ہے کہ واقعے سے متعلق 300 لوگوں سے پوچھ گچھ کی جاچکی ہے۔
بے اولادی کے طعنے پر 3 پڑوسیوں کو قتل کرنے والا ملزم گرفتار
پولیس کی جانب سے واقعے کی تفتیش کے لیے 15 افراد کو حراست میں بھی لیا گیا ہے جبکہ ان افراد میں گلی کا چوکیدار اور ایک گھریلو ملازمہ بھی شامل ہے۔ جبکہ پولیس حکام کی جانب سے واقعے کی تحقیقات کے لیے 5 رکنی تحقیقاتی ٹیم بنائی گئی ہے،کمیٹی میں ایس پی گلشن، 2 ڈی ایس پیز اور 2 ایس ایچ اوز شامل ہیں۔
-
گزشتہ 24 گھنٹوں کے دوران ریسکیو1122 پشاور نے 117 ایمرجنسیز کے دوران اپنی خدمات پیش کیں۔
ریسکیو 1122 ڈسٹرکٹ ایمرجنسی آفیسر نوید خان کی سربراہی میں گزشتہ 24 گھنٹوں کے دوران پشاور میں 16 روڈ ٹریفک حادثات،94 میڈیکل، 03گولی لگنے یا لڑنے/جھگڑنے کے، 02آگ لگنے کے حادثات پیش آئے۔ ریسکیو 1122 کے مطابق ٹریفک حادثات کے دوران 23 افراد زخمی، ٹریفک حادثات بجگی اسٹاپ،کوہاٹ روڈ، انقلاب روڈ،بخشو پل،ارباب روڈ، کگہ والا، پیر بالا، کارخانوں اور مختلف مقامات پر رونما ہوئے۔ ریسکیو 1122 نے مزید بتایا کہ پشاور شہر میں سبزعلی ٹاؤن گھر میں اور پھندو روڈ میں گھر پر آگ لگنے کا واقعہ پیش آیا ، ریسکیو1122 فائر فائٹرز نے پیشہ وارانہ امدادی سرگرمیاں کرتے ہوئے مزید نقصانات سے بچاتے ہوئے آگ پر قابو پایا۔
-
تعلیم اور صحت اولین تر جیح ہے ،گورنر کے پی کے
گورنر خبیر پختونخواہ حاجی غلام علی نے ایم ایم سی میں زخمی ڈی ایس پی فاروق زمان کی عیادت کے لئے مردان کا دورہ کیا،ڈی ایس پی گزشتہ شب شرپسندوں کی فاِئرنگ سے زخمی ہوئیں تھے،انگران صوبائی وزیر فضل الہی اور چیمبر کے صدر ظاہر شاہ بھی گورنر کے ہمراہ تھے گورنر غلام علی نے ہسپتال انتظامیہ کو ڈی ایس پی کے بہترین علاج کی ہدایت کرتے ہوئے کہا کہ ڈی ایس پی نے قوم کی خاطر سینے پر گولی کھائیں،ان کا بہترین علاج کیا جائے،گورنر کے پی کے نےایم ایم سی مردان میں میں جلد کیتھ لیب نصب کرنے کا ارادہ ظاہر کیا، انہوں نے کہا کہ تعلیم اور صحت اولین ترجیح ہے،ان کی شعبوں کی ضروریات پوری کرینگے،گورنر غلام علی نے کہا کہ ہم نالیوں گلیوں کی بجائے تعلیم اور صحت پر توجہ دے رہے ہیں اور صوبے میں امن و امان کی صورتحال پہلے سے بہتر ہے،انہوں نے کہا کہ دوسروں پر زمہ داری ڈالنے کی بجائے اپنی زمہ داریاں نبھائیں گئے، گورنر کے پی کے نے کہا کہ پولیس فورس ہمارے ماتھے کا جھومر ہے،پولیس قوم کی خاطر جانیں نچھاور کررہی ہے،اور پورے قوم کو متحد ہوکر ملک اور صوبے کو دہشگردی کے ناسور سے پاک کرنا ہوگا،غلام علی نے کہا کہ الیکشن کے حوالے سے میرے موقف کو سب نے تسلیم کیا،اب ایک دن پورے ملک میں الیکشن ہونگے،
-
مردان منی چینجرز کو ڈاکوؤں نے لوٹ لیا
مردان کاٹلنگ تھانہ بائیزئی کے علاقہ سنگاؤ میں مسلح ڈاکوؤں نے منی چینجرز کو لوٹ لیا۔ پولیس کے مطابق منی چینجرز نے پشاور اور دیگر علاقوں سے 3 کروڑ 20 لاکھ روپے سے زائد رقم اکٹھی کی تھی۔ پولیس کے مطابق منی چینجرز اپنی گاڑی کے زریعے بونیر جارہے تھے۔پولیس علاقہ سنگاؤ میں چار مسلح ڈاکو نے منی چینچرز کی گاڑی زبردستی روک لی۔پولیس نے کہا کہ ڈاکوؤں نے منی چینجرز کو تشدد کرکے ویرانے میں چھوڑ کر فرار ہو گئے۔ مسلح ڈاکو گاڑی اور رقم چھین کر فرار ہو گئے جبکہ نامعلوم افراد کے خلاف مقدمہ درج کرلیا گیا،
-
اب پی ڈی ایم کی ضرورت باقی نہیں رہی. مولانا فضل الرحمان
پاکستان ڈیمو کریٹک موومنٹ کے سربراہ اور جمعیت علمائے اسلام (ف) امیر مولانا فضل الرحمان نے کہا ہے کہ پی ڈی ایم ایک تحریک تھی اب اس کی ضرورت باقی نہیں رہی، جب محسوس ہوا کہ دفاعی نظام میں عدم استحکام آرہا ہے تو چیئرمین پی ٹی آئی سے ہاتھ اٹھا لیا گیا، دبئی میں ہونے والے میٹنگ میں پی ڈی ایم کو اعتماد میں کیوں نہیں لیا گیا۔
پشاور میں سینئر صحافیوں کے ساتھ غیر رسمی گفتگو کرتے ہوئے انہوں نے کہا کہ یہ سوال پی ڈی ایم میں موجود ہے کہ مسلم لیگ ن نے اب تک اتحاد میں شامل جماعتوں کو دبئی میں ہونے والی میٹنگ کے حوالے سے اعتماد میں کیوں نہیں لیا۔ دبئی مذاکرات اچانک نہیں بلکہ منصوبہ بندی سے ہوئے اس لیے سب کواعتماد میں لیا جانا چاہیے تھا۔ پی پی ہمارے اتحاد کا حصہ نہیں اس لیے دبئی مذاکرات کے بارے میں نہیں پوچھ سکتے۔پی ڈی ایم ایک تحریک تھی اب اس کی ضرورت باقی نہیں رہی۔
ایک سوال کے جواب میں مولانا فضل الرحمان نے کہا کہ عام انتخابات وقت پر ہوں گے، جلد مرکز، سندھ اوربلوچستان میں نگران حکومتیں قائم آ جائیں گی، ملک میں معیشت بہتر ہونا شروع ہو گئی ہے۔ جبکہ ایک اور سوال کے جواب میں پاکستان تحریک انصاف کے چیئر مین پر تنقید کرتے ہوئے پی ڈی ایم کے سربراہ نے کہا کہ عمران خان امریکا کوگالی بھی دیتاہے اور اس سے یاری بھی گانٹھی جارہی ہے، عجیب بات ہے کہ وہ عالمی برادری جو قران پاک کی توہین کرتی ہے وہی چیئرمین پی ٹی آئی کی حمایت بھی کرتی ہے۔چیئرمین پی ٹی آئی سی پیک اورسرمایہ کاری روکتا ہے اسکے قول وفعل میں تضاد ہے، جب محسوس ہوا کہ دفاعی نظام میں عدم استحکام آرہا ہے تو چیئرمین پی ٹی آئی سے ہاتھ اٹھا لیا گیا، چیئرمین پی ٹی آئی کو را اور موساد کی سپورٹ حاصل تھی اور آج بھی حاصل ہے۔امید ہے کہ قوم عام انتخابات میں اس فتنے سے ملک کومحفوظ رکھے گی۔
مزید یہ بھی پڑھیں؛
خطرناک اشتہاری ملزم کو دبئی سے گرفتار کرلیا گیا
چیئرمین تحریک انصاف سے 13 مقدمات میں 5 رکنی تحقیقاتی ٹیم کی تفتیش
آئی ایم ایف کی عمران خان سے ملاقات سیاسی عمل کا حصہ ہے،مریم اورنگزیب
افغانستان کر کٹ ٹیم نے تین میچز کی سیریز اپنے نام کر لی
یونان کشتی حادثہ؛ جاں بحق 15 مزید پاکستانیوں کی شناخت
بے اولادی کے طعنے پر 3 پڑوسیوں کو قتل کرنے والا ملزم گرفتار
محمد رضوان کو سری لنکا کیخلاف ٹیسٹ سیریز میں کھلانے پر غورعلاوہ ازیں امیر جے یو آئی ف کا کہنا تھا کہ ہم 2018 اتخابات کے بعد اسمبلیوں کی رکنیت کاحلف نہیں اٹھاناچاہتے تھے تاہم اپوزیشن جماعتوں کی وجہ سے ایساکرنا پڑا۔ ہمارے لیے بے شمارمشکلات پیداکی گئیں مگر ہم نے تحمل سے کام لیا۔ ہم چیئرمین پی ٹی آئی کی حکومت کونہیں ہٹاناچاہتے تھے تاہم اپوزیشن کا ساتھ دینے کے لیے ان کے ساتھ کھڑے ہوئے۔ فوج ایک ادارہ ہے جس سے اختلاف ممکن نہیں البتہ شخصیات سے اختلاف ہوسکتا ہے۔
-
پشاور،بچے کو جنسی زیادتی کا نشانہ بنانے والا ملزم گرفتار
پشاور میں بچے کے ساتھ جنسی ذیادتی کرنے والا ملزم گرفتار کر لیا گیا،پشاور تھانہ بھانہ ماڑی کی حدود ملک احمد گڑھی میں ایک بچے کے والد نے پولیس کو جنسی تشدد کی رپورٹ دی جس پر ملزم کے خلاف مقدمہ درج کیا گیا،
ایس پی سٹی عبدالسلام خالد نے واقعہ کا سختی سے نوٹس لیتے ہوئے ڈی پی او سبرب مختیار خان اور ایس ایچ او تھانہ بھانہ ماڑی مدثر حیات کو فوری طور ملزم کو گرفتار کرنے کا ٹاسک حوالہ کیا،
ایس ایچ او تھانہ بھانہ ماڑی مدثر حیات نے دیگر نفری پولیس کے ہمراہ فوری کاروائی کرتے ہوئے ملزم علی ولد شہنشاہ کو گرفتار کرلیا،
جس سے مزید تفتیش جاری ہے، -
مردان کاٹلنگ چوکی پر نامعلوم دہشتگردوں کی فائرنگ ،ڈی ایس پی زخمی
مردان کاٹلنگ چوکی غنڈو پر نامعلوم ملزمان کی فائرنگ سے ڈی ایس پی کاٹلنگ فاروق زمان شدید زخمی ہو گئے، ڈی ایس پی کاٹلنگ فاروق زمان خان روٹین گشت پر تھے کے اس دوران نامعلوم دہشتگردوں نے فائرنگ کی۔
زخمی ڈی ایس پی فاروق زمان خان کو ایم ایم سی ہسپتال منتقل کر دیا گیا ،جہاں انکو طبی امداد دی جا رہی ہےمردان پولیس آر آر ایف،آر آر یو ودیگر پولیس نفری جائے وقوعہ پہنچ گئے،