Category: پشاور

ضلع مردان میں غیر اعلانیہ اور بدترین لوڈشیڈنگ کا سلسلہ تھم نہ سکا،جبکہ دوسری طرف کنڈا کلچر بھی عروج پر ہے، ضلع مردان میں ایک طرف اگر عوام بد ترین لودشیڈنگ کا شکار ہے تو دوسری جانب مردان میں غیر قانونی کنڈا کلچر بھی زور و شور سے جاری ہے ،باغی ٹی وی کے مطابق ضلع مردان کے مختلف علاقے جس میں غیر قانونی طور پر بجلی حاصل کی جا رہی ہے ان میں سکندری کورونہ،پار ہوتی،پوردل آباد، سر فہرست ہے،یہاں کےکچھ لوگ گرمی سے بچاؤ کے لئے ائیر کنڈیشنز کا ستعمال کرتے ہے ،تاہم زیادہ بلز ادا کرنے سے بچنے کے لئے ان شہریوں کے گھروں میں کنڈوں کے زریعے بجلی جا رہی ہے،جسکی وجہ سے ان علاقوں میں رہنے والے عوام کو شدید مشکلات کا سامنا ہے ،کیونکہ واپڈا کی جانب سے ان علاقوں میں بجلی کی وولتیج کم دینے سے آئے روز ٹرانسفر مر کے خراب ہونے کے شکایات سامنے آتے ہے، یہاں کے عوام کا گلہ ہے کہ ہم بھاری بل ادا تو کرتے ہے لیکن کنڈے کے زریعے بجلی چوری کرنے والوں کی وجہ سے یہ لوگ ایک طرف بھاری بل ادا تو کر رہے ہے لیکن دوسری جانب بجلی بھی نہ ہونے کے برابر ہے،اس وقت شمسی روڈ اور گردانواح میں صبح سے تاحال بجلی غائب ہے جسکی وجہ سےعوام کو شدید مشکلات کا سامنا ہے، مساجد اور گھروں میں پانی ناپید ہے ،،عوام گرمی سے بے حال ہے ،مردان کے عوام نے اعلی حکام سے فوری نوٹس لینے کا مطالبہ کیا ہے،عمل درامد نہ ہونے کے صورت میں عوام کا سڑکوں پہ نکل آنے اور شدید احتجاج کی دھمکی دی ہے،

کوہاٹ پولیس نے کامیاب کارروائی کے دوران 4ماہ قبل اغواء ہونی والی خاتون کو بچوں سمیت کراچی سےبازیاب کر کے اغواء کار گرفتار کر لیا،پولیس کے مطابق ملزم نے خاتون کو ورغلا کر بچوں سمیت کوہاٹ سے اغواء کیا تھا جسکی گمشدگی کا مقدمہ شوہر کی مدعیت میں درج کر لیا گیا تھا، واقعہ کے بعد ڈی ایس پی صدر یوسف خان کی سربراہی میں ایس ایچ او ایم آر ایس اسلام الدین خان نے مسلسل محنت کے بعد خاتون کو بچوں سمیت کراچی سے بازیاب کرکے اغواء کار کو گرفتار کرلیا،

پشاور پولیس کی منشیات کے مکروہ دھندے میں ملوث ملزمان کے خلاف کریک ڈاون، 6 ماہ کے دوران 4829 ملزمان کو گرفتار کر لیا گیا ہے گرفتار ملزمان میں بین الصوبائی منشیات سمگلرز نیٹ ورکس سمیت مخصوص گاہک کو پشاور اور دیگر مختلف اضلاع کو منشیات سپلائی کرنے والے ملزمان بھی شامل ہیں رواں سال کے ابتدائی چھ ماہ کے دوران ہونے والی کاروائیوں میں 30 کلو گرام سے زائد آئس ، 137 کلو سے زائد ہیروئن ، 271 کلو گرام افیون، 1652 کلوگرام چرس اور 1358 بوتل شراب بھی برآمد کی گئی ہے
ایس ایس پی آپریشنز ہارون الرشید خان نے منشیات کے خلاف جاری کریک ڈاون کو مزید تیز کرنے کی ہدایت کی ہے، انہوں نے نواجوان نسل خصوصًا طلباء کو منشیات کے مضر اثرات سے آگاہ کرنے کی خاطر عوامی سطح پر شہریوں میں شعور اجاگر کرنے کے لئے بھی خصوصی اقدامات کی ہدایت کی ہے۔

سوات مینگورہ کے علاقے وتکے گل آباد میں لینڈ سلائیڈنگ کے نتیجے میں 4 بچے دب گئے ہے، جن میں دو بچے جاں بحق ہو گئے، ریسکیو 1122 کے مطابق اطلاع ملنے پر ریسکیو 1122 میڈیکل و ڈیزاسٹر ریسکیو ٹیموں نے موقع پر پہنچ کر سرچ آپریشن شروع کردیا، پولیس، مقامی لوگوں اور ریسکیو 1122 کے اہلکاروں نے امدادی کارروائی کرتے ہوئے ملبے سے 2 بچوں کی لاشیں اور 2 زخمیوں کو نکال کر سیدوشریف اسپتال منتقل کردیا گیا۔ جاں بحق اور زخمی بچوں کی عمریں 8 سے لے کر 12 سال کے درمیان بتائی جارہی ہے۔

ضلع صوابی کے علاقے سلیم خان میں گزشتہ شب پانچ سالہ بچی عریفہ نور شام کو گھر سے نکل کر واپس نہ آئی، جبکہ بعد میں اس کی قتل شدہ لاش قریبی حجرے سے برآمد ہوئی۔
ایس پی انوسٹی گیشن صوابی خان خیل کی ڈی ایس پی صوابی جواد خان اور ایس ایچ او صوابی عجب درانی کے ہمراہ پریس کانفرنس کرتے ہوئے بتایا کہ اس واقعہ پر ڈی پی او صوابی کیپٹن ریٹائرڈ نجم الحسنین لیاقت نے فوری طور پر جائے وقوعہ پر جا کر ایس پی انوسٹی گیشن صوابی اور ڈی ایس پی صوابی کو ملزم کو فوری طور پر تلاش کر کے گرفتار کرنے کا ٹاسک دے دیا۔ تفتیش ٹیم نے قریبی مکانات کی پروفائلنگ کرتے ہوئے کئی مشتبہ افراد حراست میں لئے جن کے انکشاف پر چند ہی گھنٹوں میں ملزم امن ولد یونس سکنہ سلیم خان کگلیج بانڈہ کا سراغ لگا کر گرفتار کرلیا گیا۔
دوران تفتیش ملزم نے اعتراف جرم کرتے ہوئے بتایا کہ وہ بچی کو بے توقیری کی نیت سے لے قریبی حجرے لے گیا تا ہم بچی کی چیخ و پکار پر اسے چھری کے وار کر کے قتل کر دیا۔ تفتیشی ٹیم نے ملزم سے آلہ قتل چھری، ملزم کے خون آلود کپڑے اور دیگر شواہد حاصل کرلئے ہیں جبکہ گواہان کے بیانات بھی قلم بند کئے جا رہے ہیں۔ مزید تفتیش جاری ہے۔ اہلیان علاقہ کی جانب سے پولیس کی اس کاوش کو کافی سراہا جا رہا ہے۔