Category: پشاور

پشاور کے مختلف علاقوں کے عوام نے سوئی گیس کی فراہمی کیلئے ایک ہفتے کی ڈیڈ لائن دیتے ہوئے واضح کیا ہے کہ اگر ایک ہفتے کے اندر اندر گیس کی غیر اعلانیہ لوڈشیڈنگ ختم نہ کی، تو پورا پشاور شہر بند کر دیا جائیگا سابق ڈسٹرکٹ اسمبلی پشاور کے اپوزیشن لیڈر محمد سعید ظاہر نے کہا ہے کہ اگر پشاور شہر کے علاقوں نوتھیہ، گلبرگ ، افغان کالونی، کوٹلہ محسن خان، ڈیری باغوانان ،لنڈی ارباب میں ایک ہفتے کے اندر سوئی گیس کا مسئلہ حل نہ ہوا تو عوام پورے پشاور کو کو بند کر دیں گے اور حالات کی تمام تر ذمہ داری محکمہ سوئی گیس کے اعلی حکام پر عائد ہوگی ۔اپنے ایک بیان میں انہوں نے کہا کہ محکمہ گیس والوں نے گیس نہ ہونے کی وجہ سے عوام کو ذہنی مریض بنا دیا پشاور کے غریب عوام سلینڈر بھر کے برباد ہو گئے ہیں محکمہ سوئی گیس ہزاروں روپے بلز وصول کرتے ہے،
مگر جان بوجھ کر گیس نہیں چھوڑتے ، خواتین کو کھانا پکانے میں شدید مشکلات کا سامنا کرنا پڑ رہا ہے ، بچے بغیر ناشتے کے اسکول جاتے ہیں وزیراعظم پاکستان سے فوری طور پر اور چیف جسٹس آف پاکستان سے مداخلت کی اپیل کی جاتی ہے محمد سعید ظاہر نے کہا اگر ایک ہفتے کے اندر اندر گیس کا مسئلہ پورے پشاور میں حل نہ کیا گیا تو بھرپور احتجاج ریکارڈ کرینگے جس میں عوام کثیر تعداد میں شرکت کرینگے اور خواتین بھی شریک ہونگی ۔

سٹی تھانہ چارسدہ کی حدود میں قتل ہونیوالی ڈیڑھ سالہ علینہ کے قتل کا 24گھنٹوں میں ڈراپ سین ہوگیا ،سگی چچی قاتلہ نکلی ،ملزمہ کو گرفتار کرلیا گیا، جمعرات کے روز سردریاب ممتاز آبا د سے لاپتہ ڈیڑھ سالہ علینہ دختر کامران کی بوری بند نعش ملی جس پر ڈی پی او چارسدہ عارف خان نے ملزموں کی گرفتاری کیلئے ٹیم تشکیل دی ۔تفشیشی ٹیم نے بچی علینہ کی چچی زوجہ صدام المعروف احسان اللہ کو حراست میں لیکر پوچھ گچھ شروع کی اور ملزمہ نے دوران تفتیش بچی کو قتل کرنے کا اعتراف کرتے ہوئے کہا کہ گھریلو نا چاقی پریہ اقدام اُٹھایا ۔بچی علینہ کے والد کامران نے عدالت میں بھی ملزمہ مسماة (ز) زوجہ صدام کیخلاف اپنی بچی کی ہلاکت کا بیان 164کے تحت قلم بند کروایا ۔واضح رہے کہ بچی کی لاش کل بوری میں بند ملی تھی جسکے بعد پولیس نے قاتل کو گرفتار کرنے کے لئے کاروائی شروع کی تھی،

شدید ترین مالی خسارے کے باعث آئندہ نئے مالی سال کے بجٹ میں بی آر ٹی کے سبسڈی اڑھائی ارب روپے سے کم کر کے ڈیڑھ ارب روپے کرنے کی تجویز سامنے آگئی ہے جس کے باعث بی آر ٹی کیلئے آئندہ برس سروس جاری رکھنا شدید مشکل ہو جائے گا۔ سبسڈی کم کرنے کے بعد اضافی ملازمین کو فارغ کرنے یا کرایوں میں اضافہ کرنے کی تجاویز پر عمل درآمد کیا جائے گا
رواں مالی سال کے بجٹ میں سابق حکومت کی جانب سے بی آر ٹی پر سبسڈی اڑھائی ارب روپے مختص کئے گئے تھے شدیدترین مالی خسارے کے باعث صوبائی حکومت نے کمپنی کو آدھی رقم جاری کی ہے ۔ محکمہ خزانہ کے ذرائع کے مطابق سبسڈی کے حجم میں کمی کے باعث خدشہ ظاہر کیا جارہا ہے کہ بی آر ٹی کے کرایوں میں یکم جولائی سے اضافہ کیا جائے گا۔ یا پہلے سے موجودہ اضافی ملازمین کو فارغ کیا جائے گا۔55نان آپریشنل بی آر ٹی کی گاڑیوں کے بارے میں بھی رپورٹ طلب کی گئی ہے۔

فاٹا انضمام سے قبل سیاست میں لانے جانے والے شاہ جی گل آفریدی نے اپنے خاندان اور پارٹی سمیت مسلم لیگ ن میں ضم ہونے کا اعلان کر دیا۔

پاکستان مسلم لیگ (ن) کی سینئر نائب صدر اور چیف آرگنائزر مریم نواز شریف سے سابق رکن قومی اسمبلی شاہ جی گل آفریدی، سابق سینیٹر تاج آفریدی، سابق ایم پی اے بلاول آفریدی، سابق ایم پی اے شفیق آفریدی، سابق ایم پی اے بصیرت بی بی، تحصیل مئیر زبیر آفریدی، منڈی کوتل کے تحصیل مئیر شاہ خالد شنواری اور تحصیل مئیر جمرود سید نواب نے کو ملاقات کی۔

مریم نواز شریف نے پاکستان مسلم لیگ(ن) میں شمولیت پر خیرمقدم کرتے ہوئے مبارک پیش کی اور کہا کہ انہوں نے ملک کی خدمت کرنے والوں کے قافلے میں شمولیت اختیار کی ہے۔ مریم نواز شریف نے کہا کہ پاکستان مسلم لیگ (ن) میں وفاق پاکستان کے تمام رنگ شامل ہیں۔ پارٹی کو پورے ملک کے کونے کونے میں مظبوط کریں گے۔ مریم نواز شریف نے کہا کہ خیبرپختونخوا پر دس سال نالائقی، نااہلی اور کرپشن مسلط رہی۔ خیبرپختونخوا کے بہادر اور سچے لوگوں پر جھوٹ اور فریب کی حکمرانی رہی۔ خیبرپختونخوا اور وہاں کے عوام سے سال 10 سال ظلم ہوا۔ دہشت گردی واپس آگئی، ان مسائل سے نجات دلائیں گے۔

شاہ جی گل آفریدی اور دیگر راہنماؤں نے پارٹی قائد محمد نوازشریف، وزیراعظم شہباز شریف پر مکمل اعتماد کا اظہار کرتے ہوئے کہاکہ مریم نواز شریف نے جس بہادری سے جبر کے حالات کا مقابلہ کیا، وہ تاریخ کی سنہری مثال ہے۔ انہوں نے انٹرا پارٹی الیکشن میں مریم نواز شریف کو دوبارہ منتخب ہونے پر مبارک دی۔ اس موقع پر پاکستان مسلم لیگ (ن) خیبرپختونخوا کے صدر انجینئر امیر مقام اور دیگر رہنما بھی موجود تھے۔

ڈیرہ اسماعیل خان کلاچی علاقے میں میں سی ٹی ڈی کامیاب کاروائی کے دوران محکمہ زراعت کے پی کے دائیریکٹر حسین احمد اور سبجیکٹ سپیشلسٹ شاھد بیٹنی بازیاب کر دئے گئے ہے،خیبر پختونخوا پولیس کے ترجمان کے مطابق سی ٹی ڈی کی جانب سے ڈیرہ اسماعیل خان کلاچی میں کاروائی کی گئی جس کے دوران ایک ماہ پہلے اغوا ہونے والے محکمہ زراعت سے تعلق رکھنے والے دو افسران کو بازیاب کر دیا گیا ہے،پولیس ترجمان کا کہنا ہے کہ اغوا کاروں کے خلاف چھاپے مارے جا رہے ہے تاہم اب تک کوئی گرفتاری عمل میں نہیں ائی،پولیس ترجمان کا کہنا ہے کہ آئی جی کے پی کے اختر حیات خان کی طرف سے سی ٹی ڈی ٹیم کو کامیاب کاروائی پر نقد انعام دینے کا بھی اعلان کیا گیا ہے،

پشاور ہائیکورٹ میں وائس چانسلرعبدالولی خان یونیورسٹی کیخلاف توہین عدالت کیس میں عدالت نے فریقین کو نوٹس جاری کرکے جواب طلب کرلیاپشاور ہائیکورٹ میں وائس چانسلرعبدالولی خان یونیورسٹی کیخلاف توہین عدالت کیس کی سماعت جسٹس سید عتیق شاہ اور جسٹس ارشد علی نے کی، عدالت نے یونیورسٹی کے وی سی،رجسٹرار،ڈائریکٹر ایڈمینسٹریشن کو نوٹس جاری کردئے، درخواست گزار وکیل نے کہا کہ دو سال سے ایم اے آئی آر کی امپرومنٹ درخواست پر فیصلہ نہیں ہورہا، عدالت نے ایک ماہ میں درخواست پر فیصلے کا حکم دیا تھا، دو ماہ گزرنے کے باوجود اس پر کوئی فیصلہ نہیں کیا گیا، عدالت نے فریقین کو نوٹس جاری کرکے جواب طلب کرلیا،

پشاور سیشن کورٹ نے توڑ پھوڑ اور جلاؤ گھیراؤ میں گرفتار پی ٹی آئی یوتھ صدر مینا خان آفریدی اور ساتھی کی ضمانت درخواست منظور کرلی
پشاور سیشن کورٹ میں توڑ پھوڑ اور جلاؤ گھیراؤ میں گرفتار پی ٹی آئی یوتھ صدر مینا خان آفریدی اور ساتھی کی ضمانت درخواست پر سماعت ایڈیشنل ڈسٹرکٹ اینڈ سیشن جج پشاور عطاء اللہ جان نے کی ۔ عدالت نے مینا خان آفریدی اور جلال مہمند کی ضمانت منظور کرتے ہوئے رہا کرنے کا حکم پولیس کے مطابق مینا گل آفریدی اور جلال مہمند پر تھانہ فقیر آباد کے حدود میں توڑ پھوڑ کا الزام ہے ۔ دونوں ملزمان کے خلاف تھانہ فقیر آباد میں مقدمہ درج ہے ۔