Baaghi TV

Category: پشاور

  • سکیورٹی خدشات کے پیش نظر پشاور میں تین روز کیلئے دفعہ 144 نافذ

    سکیورٹی خدشات کے پیش نظر پشاور میں تین روز کیلئے دفعہ 144 نافذ

    پشاور شہر میں سکیورٹی خدشات کے پیش نظر تین روز کے لیے دفعہ 144 نافذ کر دی گئی۔

    باغی ٹی وی: ڈپٹی کمشنر پشاور شاہ فہد کے مطابق شہر میں ایک جگہ پانچ یا اس سے زیادہ افراد کے جمع ہونے پر پابندی ہوگی سکیورٹی کی نازک صورتحال کے پیش نظر پابندی عائد کی گئی ہے خلاف ورزی کرنے والوں کے خلاف دفعہ 188 کے تحت کارروائی کی جائے گی۔

    پی ٹی آئی نےاسمبلی واپس جانےکافیصلہ کیابھی تومیں نہیں جاؤں گا. شیخ رشید

    دوسری جانب اسلام آباد پولیس نے بھی وفاقی دارالحکومت کی حدود میں جلسے جلوس کی اجازت سے انکار کر دیا تھا ،وفاقی دارالحکومت میں دفعہ 144 نافذ العمل ہے جس کے باعث شہر کی حدود میں کسی بھی جلسے، جلوس اور اجتماع کی اجازت نہیں ہے۔

    ترجمان اسلام آباد کیپیٹل کے مطابق قانون کی خلاف ورزی کرنےوالوں کے خلاف بلا امتیاز قانونی کارروائی عمل میں لائی جائے گی، فیض آباد اور دیگر راستوں سے اسلام آباد میں داخل ہونے والے شہریوں کو چیکنگ کے بعد داخل ہونے دیا جائے گا، شہری کسی بھی ایمرجنسی کی صورت میں پکار 15 پر کال کریں۔

    حکومت نے پیٹرولیم مصنوعات کی قیمتوں کا اعلان کردیا

    اس کے برعکس الیکشن کمیشن نے پی ٹی آئی کو لاہور میں ریلی نکالی کی اجازت دے دی تاہم الیکشن کمیشن کا کہنا ہے کہ کسی قسم کی وال چاکنگ نہیں ہوگی، کوئی استقبالیہ کیمپ نہیں لگے گا،پی ٹی آئی کی ریلی دوپہر ایک بجے سے شام 6 بجے تک لبرٹی سے ناصر باغ تک نکالی جائے گی۔

    چیئرمین تحریک انصاف عمران خان کی ہدایت پر مزدوروں کے عالمی دن کے موقع پر 3 بڑے شہروں میں پیدل مارچ کا اعلان کیا گیا ہے لاہور، راولپنڈی اور پشاور میں ایک بجے پیدل مارچ کا آغاز ہوگا تاہم راولپنڈی میں پیدل مارچ کا آغاز علامہ اقبال پارک، مری روڈ سے شروع ہوگا وائس چیئرمین پی ٹی آئی شاہ محمود قریشی اور اسد عمر مارچ کی قیادت کریں گے۔

    مہنگائی38 فیصد تک جانے کا خدشہ؛ آؤٹ لک رپورٹ جاری

    واضح رہے کہ پی ٹی آئی نے مزدوروں کے عالمی دن پرآج لاہور ، اسلام آباد اور پشاور میں ریلیوں کا اعلان کررکھا ہے لاہور میں چیرمین تحریک انصاف عمران خان خود ریلی کی قیادت کریں گے۔

  • عمران خان اور فیض حمید کیخلاف پشاور ہائیکورٹ میں درخواست دائر

    عمران خان اور فیض حمید کیخلاف پشاور ہائیکورٹ میں درخواست دائر

    پشاور: عوامی نیشنل پارٹی (اے این پی) نے چیئرمین پاکستان تحریک انصاف عمران خان اور سابق ڈی جی آئی ایس آئی فیض حمید کے خلاف پشاور ہائیکورٹ میں درخواست دائر کر دی-

    باغی ٹی وی :صوبائی صدر اے این پی ایمل ولی خان کی جانب سے پشاور ہائیکورٹ میں دائرکی گئی ،درخواست میں کے پی حکومت، سابق وزیراعلیٰ محمود خان اور بیرسٹر محمد علی سیف کو فریق بنایا گیا ہے۔

    کراس بارڈر ادائیگیوں میں چینی کرنسی نے پہلی بارامریکی ڈالر کو پیچھے چھوڑ دیا

    ایمل ولی خان کی جانب سے دائر درخواست میں کہا گیا ہے کہ دہشتگردی کے خاتمے کے بعد شدت پسندوں کی آبادکاری میں عمران خان نے سہولت کاری کی، فیض حمید کی معاونت سے دہشت گردوں کی دوبارہ آباد کاری کی گئی، عمران خان نے دہشت گردوں کی دوبارہ آباد کاری کرنے کا اعتراف میڈیا پر کئی بار کیا۔

    اسٹیٹ بینک نے یکم مئی کوعام تعطیل کا اعلان کردیا

    درخواست میں کہا گیا ہے کہ عمران خان سمیت تمام ذمہ داران کے خلاف جوڈیشل کمیشن بنایا جائے، ملک میں دہشت گردوں کی دوبارہ آبادکاری پر فیکٹ فائنڈنگ کمیشن بنایا جائے۔

  • سوات:سی ٹی ڈی تھانے میں ہونیوالے دھماکے کا مقدمہ درج

    سوات:سی ٹی ڈی تھانے میں ہونیوالے دھماکے کا مقدمہ درج

    سی ٹی ڈی (کبل) میں تباہ شدہ عمارت میں ناکارہ بارود تلف کرنے کے لئے پاک فوج شب و روزکوشاں ہے،

    پاک فوج کے تکنیکی ماہرین اپنی جان کی پرواہ کئے بغیر ناکارہ بارود کی تلفی میں سرگرم ہیں،پاک فوج کے تکنیکی ماہرین، امدادی اور اربن سرچ اینڈ ریسکیو ٹیموں نے برق رفتاری کے ساتھ حفاظتی اقدامات کو مدنظر رکھتے ہوئے سی ٹی ڈی عمارت کے گراونڈ اور فرسٹ فلور کو کلیئر کر دیا ،متاثرہ عمارت کی بیسمنٹ کلیئرنس کے مراحل میں داخل ہو چکی ہے،متاثرہ عمارت کے 70 فیصد حصہ کو مکمل کلیئر کر دیا گیا ،کلیئرنس کے عمل کے دوران عمارت میں دبی ہوئی پانچ گاڑیوں کو بھی نکال لیا گیا .کٹھن اور پُر خطر صورتحال میں پاک فوج کی امدادی، ریسکیو اور انجینئرز کے ماہرین اپنی ہر ممکنہ کوششوں سے عمارت کو کسی بھی مزید خطرے سے بچانے کیلئے کوشاں ہیں اور یہ سلسلہ مکمل کلئیرنس تک جاری رہیگا

    سوات کے علاقے کبل میں محکمہ انسداد دہشت گردی (سی ٹی ڈی) تھانے میں ہونے والے دھماکے کا مقدمہ درج کرلیا گیا ہے- مقدمہ سی ٹی ڈی تھانے کے ایس ایچ او اکرام خان کی مدعیت میں درج کیا گیا ہے، جس میں قتل، اقدام قتل اور دہشت گردی دفعات شامل ہیں۔

    کبل دھماکہ: سی ٹی ڈی تھانے میں 300 سے 400 کلو بارودی مواد تھا. تحقیقاتی رپورٹ میں انکشاف

    واضح رہے کہ گزشتہ دنوں سوات کے کبل سی ٹی ڈی تھانے میں ہونے والے دھماکے میں جاں 18 افراد جاں بحق اور 69 زخمی ہوگئے تھے جاں بحق ہونے والے افراد میں 11 پولیس اہلکار، ایک خاتون، 4 زیر حراست قیدی بھی شامل تھے۔

    واقعے کے بعد پولیس نے دھماکے کی ابتدائی رپورٹ جاری کی، جس میں شارٹ سرکٹ سے دھماکا ہونے ہونے کا زیادہ امکان ظاہر کیا گیا رپورٹ میں بتایا گیا کہ باہر سے حملے کا ابھی تک کوئی ثبوت نہیں ملا، مال خانےمیں گولہ بارود کو آگ لگ گئی،دھماکے کے دیگر پہلوؤں کا جائزہ بھی لیا جا رہا ہے۔

    واٹس ایپ کا نیا فیچر، صارفین اپنا ایک ہی اکاؤنٹ مختلف فونز میں استعمال کرسکیں …

    رپورٹ کے مطابق سی ٹی ڈی تھانے میں مالاکنڈ ریجن کا مال خانہ تھا جس میں 300 سے 400 کلو گرام بارودی مواد پڑا تھا جو دھماکوں سے پھٹ گیا۔ رپورٹ میں بتایا گیا ہے کہ دھماکے میں تفتیش کیلئے لائے گئے دو مشتبہ دہشت گرد بھی ہلاک ہوئے رپورٹ کے مطابق مال خانے میں مارٹر گولے ، آئی ای ڈیز اور ڈیٹونیٹرز پڑے تھے۔ رپورٹ کے مطابق کبل سی ٹی ڈی تھانہ محفوظ ترین جگہ پر واقع تھا، تھانے سے پہلے دو سکیورٹی چیک پوسٹیں ہیں۔

    تھانے میں کسی کے داخلے کی کوئی اطلاع نہیں ملی، پہلا دھماکہ 8 بجکر 20 منٹ جبکہ دوسرا دھماکہ 8 بج کر 25 منٹ پر ہوا، پہلے معمولی دھماکا ہوا جبکہ دوسرے دھماکے سے تمام بارودی مواد پھٹ گیا۔

    وزیراعظم ، چیف الیکشن کمشنراورگورنرخیبرپختونخوا کو عہدوں سےہٹانے کیلئے درخواست دائر

    دریں اثناآئی جی خیبرپختونخوا اختر حیات گنڈا پور نے میڈیا سے گفتگو کرتے ہوئے بتایا تھا کہ سوات کے سی ٹی ڈی تھانے میں دھماکا دہشت گردی کا نتیجہ نہیں بلکہ تھانے کے اندر موجود بارودی مواد پھٹا تھا، دھماکے میں غفلت اور دیگر پہلوؤں پر تفتیش جاری ہے۔

  • وزیراعظم ، چیف الیکشن کمشنراورگورنرخیبرپختونخوا کو عہدوں سےہٹانے کیلئے درخواست دائر

    وزیراعظم ، چیف الیکشن کمشنراورگورنرخیبرپختونخوا کو عہدوں سےہٹانے کیلئے درخواست دائر

    اسلام آباد،پشاور: وزیراعظم شہبازشریف اور چیف الیکشن کمشنر سکندرسلطان راجہ کوعہدوں سے ہٹانے کے لئے سپریم کورٹ میں اور گورنر خیبرپختونخوا حاجی غلام علی کوعہدے سے ہٹانے کیلئے پشاور ہائیکورٹ میں درخواستیں دائر کردی گئیں-

    باغی ٹی وی :سپریم کورٹ میں وزیراعظم اور چیف الیکشن کمشنر کے خلاف درخواست ظہور مہندی نامی شہری نے دائر کی درخواست میں وفاق، شہباز شریف، سکندر سلطان راجہ، صدر عارف علوی اور مولانا فضل الرحمان کو فریق بنایا گیا ہے۔

    سپریم کورٹ پریکٹس اینڈ پروسیجر ایکٹ 2023 لاہور رجسٹری میں چیلنج

    درخواست میں مؤقف اختیار کیا گیا کہ وزیراعظم شہباز شریف الیکشن فنڈز بل مسترد ہونے پراعتماد کھو بیٹھے ہیں،چیف الیکشن کمشنر سکندر سلطان راجہ کا الیکشن کے لئے فنڈز اور سیکیورٹی کا تقاضا غیرمناسب ہے۔

    درخواست میں سپریم کورٹ سے استدعا کی گئی کہ قراردیا جائے شہباز شریف اور چیف الیکشن کمشنر انتخابات کے معاملے پر پارٹی بن چکے ہیں، سپریم کورٹ نگراں وزیر اعظم اور نگراں چیف الیکشن کمشنر کی تعیناتی کا حکم دےعدالت عظمیٰ 21 ارب روپے جاری کرنے، فوج اور رینجرز کے بغیر الیکشن کرانے کا حکم دے۔

    بھارت میں شنگھائی تعاون تنظیم کے وزرائے دفاع کا اجلاس،پاکستان کا آن لائن شرکت کا …

    دوسری جانب گورنر خیبرپختونخوا کو عہدے سے ہٹانے کے لئے ہائیکورٹ میں معظم بٹ ایڈووکیٹ نے درخواست دائر کی دائر درخواست میں صدر پاکستان، عارف علوی، وفاقی حکومت، گورنر خیبرپختونخوا حاجی غلام علی اور الیکشن کمیشن کو فریق بنایا گیا ہے۔

    درخواست میں مؤقف اختیار کیا گیا کہ آئین پاکستان کے مطابق گورنر نگراں حکومت کےقیام کےبعد الیکشن تاریخ دینے کا پابند ہوتا ہے لیکن گورنر نے اسمبلی تحلیل کے 90 روز گزرنے کے باوجود الیکشن تاریخ نہیں دی اس لئے گورنر خیبرپختونخوا نے آئین کی خلاف وزری کی، گورنر کے خلاف آرٹیکل 6 کی کارروائی کی جائے اور صدر پاکستان قائمقام گورنر نامزد کریں۔

    اینڈرائیڈ فون جن میں واٹس ایپ استعمال کرنا ممکن نہیں ہوگا

    درخواست میں یہ بھی استدعا کی گئی ہے کہ عدالت الیکشن کمیشن کو خیبرپختونخوا اسمبلی انتخابات کی تاریخ دینے کا حکم دیں جبکہ نگران حکومت کی 90 دن مدت ختم ہوگئی، نگراں وزارء اپنے دفاتر خالی کریں-

  • طورخم میں پہاڑی تودہ گرنے کے 5 روز بعد ریسکیو آپریشن مکمل

    طورخم میں پہاڑی تودہ گرنے کے 5 روز بعد ریسکیو آپریشن مکمل

    طورخم میں پہاڑی تودہ گرنے کے 5 روز بعد ریسکیو آپریشن مکمل کرلیا گیا۔

    باغی ٹی وی: طورخم میں ہونے والی لینڈ سلائیڈنگ کے ملبے سے 8 لاشیں اور 12 زخمی افراد نکال لیے گئے جب کہ ملبے سے 27 ٹرک اور کنٹینرز کو نکال کر ایک مشکل مشن کو مکمل کیا گیا فوج، ایف سی ، 1122 اور سول انتظامیہ نے مل کر ریسکیو آپریشن مکمل کیامتاثرہ افراد اور خاندانوں نے ریسکیو کوششوں پر پاک فوج سے اظہار تشکر کیا ہے۔

    شاہین شاہ آفریدی نے عید الفطر کا دن طورخم میں تودے سے متاثرہ علاقے گزارا،تصاویر

    واضح رہے کہ لنڈی کوتل کے قریب طورخم ایکسپورٹ روڈ پر 5 روز قبل بڑا پہاڑی تودہ گرگیا تھا، پہاڑی تودہ گرنے سے ملبے تلے متعدد کنٹینرز اور کارگو گاڑیاں دب گئی تھیں، ریسکیو حکام کے مطابق حادثے میں جاں بحق تمام افراد کا تعلق افغانستان سے ہے،طُورخم بارڈرپر پاکستان آرمی کی طرف سے جاری امدادی کارروائیوں کے دوران اچانک لینڈ سلائیڈنگ ہوئی،لینڈ سلائیڈنگ انتہائی تیزرفتاری سےآئی،خوش قسمتی سے امدادی ٹیمیں اور دیگر افراد محفوظ رہے۔

    گورنر ہاؤس سندھ میں عوام کیلئے ڈنر اور قوالی کا اہتمام

    عید کے موقع پر بھی پاکستانی قوم کی خوشیوں کو قائم رکھنے کے لیے پاکستان آرمی اور ایف سی کے جوان امدادی کام کے مکمل ہونے تک مسلسل کام جاری رکھاپاکستان آرمی انجینئرز، آرمی اربن سرچ اینڈ ریسکیو ٹیمیں اور متعدد ڈمپرز، ڈوزر اور دیگر آلات و مشینری متاثرہ علاقے میں مشکل حالات کے باوجود امدادی سرگرمیوں کو مکمل کرنے کے لئے پرعزم ہیں اورآخری زخمی اور جاں بحق فرد کو نکالنے تک امدادی اور ریسکیو کام جاری رہا-

    چیف جسٹس کی ساس اور پی ٹی آئی وکیل خواجہ طارق رحیم کی اہلیہ کی …

  • شاہین شاہ آفریدی نے عید الفطر کا دن طورخم میں تودے سے متاثرہ علاقے گزارا،تصاویر

    شاہین شاہ آفریدی نے عید الفطر کا دن طورخم میں تودے سے متاثرہ علاقے گزارا،تصاویر

    خیبر: قومی کرکٹر شاہین شاہ آفریدی نے عید الفطر کا دن طورخم میں پہاڑی تودے سے متاثر ہونے والے علاقے میں گزارا۔

    باغی ٹی وی: شاہین آفریدی اپنے آبائی علاقے میں نماز عید کی ادائیگی اور قریبی عزیزوں سے ملاقات کے بعد طورخم گئےجہاں انہوں نے ریسکیو کاموں اور لینڈ سلائیڈنگ سے ہونے والے نقصانات کا جائزہ لیا،یسکیو آپریشن کرنے والے اداروں کے رضاکاروں اور پاک فوج کی امدادی و بحالی ٹیم کے اہلکاروں سے ملاقات کی-

    بابر اعظم نے عید الفطر اپنے پرانے محلےمیں منائی


    سماجی رابطے کی سائٹ ٹویٹر پر شاہین آفریدی نے اپنی تصاویر شیئر کرتے ہوئے لکھا کہ ’میں نے اپنا عید کا دن طورخم کے قریب لینڈ سلائیڈنگ سے متاثر ہونے والے علاقے میں گزارا، اس افسوسناک واقعے میں 8 اموات ہوئیں جبکہ متعدد زخمی ہوئے اور بہت زیادہ مالی تقصان ہوا ہے، یہ دیکھ کر بہت زیادہ دلی خوشی ہوئی کہ ریاستی سیکیورٹی ادارے، رضاکار اور دیگر ریسکیو ادارے گزشتہ پانچ روز سے چوبیس گھنٹے کام کر کے علاقے کو کلیئر کرنے کی کوشش کررہے ہیں۔

    آئی پی ایل ٹیم کے غیر ملکی کھلاڑیوں کے بلے اور دیگر سامان غائب

    واضح رہے کہ لنڈی کوتل کے قریب طورخم ایکسپورٹ روڈ پر 5 روز قبل بڑا پہاڑی تودہ گرگیا تھا، پہاڑی تودہ گرنے سے ملبے تلے متعدد کنٹینرز اور کارگو گاڑیاں دب گئی تھیں، ریسکیو حکام کے مطابق حادثے میں جاں بحق تمام افراد کا تعلق افغانستان سے ہے،طُورخم بارڈرپر پاکستان آرمی کی طرف سے جاری امدادی کارروائیوں کے دوران اچانک لینڈ سلائیڈنگ ہوئی،لینڈ سلائیڈنگ انتہائی تیزرفتاری سےآئی،خوش قسمتی سے امدادی ٹیمیں اور دیگر افراد محفوظ رہے۔

    آئی سی سی ورلڈ ٹیسٹ چیمپئن شپ ٹیم آف دی ٹورنامنٹ کا اعلان،بابر اعظم بھی …

    عید کے موقع پر بھی پاکستانی قوم کی خوشیوں کو قائم رکھنے کے لیے پاکستان آرمی اور ایف سی کے جوان امدادی کام کے مکمل ہونے تک مسلسل کام جاری رکھاپاکستان آرمی انجینئرز، آرمی اربن سرچ اینڈ ریسکیو ٹیمیں اور متعدد ڈمپرز، ڈوزر اور دیگر آلات و مشینری متاثرہ علاقے میں مشکل حالات کے باوجود امدادی سرگرمیوں کو مکمل کرنے کے لئے پرعزم ہیں اورآخری زخمی اور جاں بحق فرد کو نکالنے تک امدادی اور ریسکیو کام جاری رکھیں گی۔

    آئی سی سی نےشرٹس پرجوا کمپنیز کے لوگولگانے پرپابندی اٹھالی

  • واجبات ادا نہ ہونے پر صحت کارڈ پر علاج بند کردیا گیا

    واجبات ادا نہ ہونے پر صحت کارڈ پر علاج بند کردیا گیا

    واجبات ادا نہ ہونے پر صحت کارڈ پر علاج بند کردیا گیا

    اسٹیٹ لائف انشورنس کو عدم ادائیگی پر خیبرپختونخوا کے اسپتالوں میں صحت کارڈ پلس پروگرام کے تحت نئے مریضوں کے علاج پر پابندی عائد کردی گئی ہے۔ جبکہ اسٹیٹ لائف انشورنس کارپوریشن آف پاکستا ن نے اپنے اعلامیے میں صحت کارڈ پلس پروگرام پینل میں شامل اسپتالوں کو ہدایت کی ہے کہ وہ صحت کارڈ پلس پروگرام کے تحت نئے مریض لینا بند کر دیں۔

    اسٹیٹ لائف انشورنس کے اعلامیے کے بعد صوبے بھر کے اسپتالوں میں صحت کارڈ پلس پروگرام کے ہیلتھ ڈیسک اب بند رہیں گے۔ اسٹیٹ لائف انشورنس کی جانب سے صحت کارڈ پلس پروگرام کے تحت نئے داخلے عارضی طور پر روک دینے کے اقدام کے جواب میں نگراں مشیر صحت ڈاکٹرعابد جمیل کا کہنا ہے کہ اسٹیٹ لائف کو 14.8 ارب روپے کی ادائیگی کرنی ہے اور حکومت کے پاس فی الحال اتنے پیسے نہیں ہیں۔

    انہوں نے بتایا کہ ماہانہ چار ارب روپے دینے پڑ رہے ہیں، کوشش کررہے ہیں کہ فنڈز کا مسئلہ حل کریں۔ نگران مشیر صحت نے سابقہ حکومت کو تنقید کا نشانہ بناتے ہوئے کہا کہ بغیر منصوبہ بندی کے پروگرام شروع کرنے کا یہی نتیجہ نکلتا ہے۔ دریں اثنا خیبرپختونخوا کے سابق صوبائی وزیرخزانہ و صحت اور رہنما پاکستان تحریک انصاف تیمور جھگڑا نے ردعمل دیتے ہوئے کہا ہے کہ صحت کارڈ پروگرام کو قانونی تحفظ حاصل ہے، نگران حکومت فروری اورمارچ میں اسٹیٹ لائف کے ساتھ طے شدہ 4 ارب روپے جاری کرے۔
    مزید یہ بھی پڑھیں؛
    انٹربینک میں ڈالر سستا ہوگیا
    ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
    سعیدہ امتیاز کے دوست اورقانونی مشیرنے اداکارہ کی موت کی تردید کردی
    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
    یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
    برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
    جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
    بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
    تیمور جھگڑا کا کہنا تھا کہ مہنگائی میں پسے عوام کو مفت علاج سے محروم نہیں کرنا چاہیے۔ علاوہ ازیں اسپیکر خیبرپختونخوا اسمبلی مشتاق غنی نے صحت کارڈ کے ذریعے نئے مریضوں کے علاج پر پابندی کی مذمت کرتے ہوئے کہا ہے کہ صحت کارڈ سے لاکھوں لوگ کو علاج کی سہولت میسر تھی۔ انہوں نے بتایا کہ نگران حکومت نے اسٹیٹ لائف انشورنس کمپنی کو اقساط کی ادائیگی بند کردی ہے جو ایک ظالمانہ قدم ہے، جس کی وجہ سے صوبوں کے اسپتالوں میں اسٹیٹ لائف انشورنس نے آپریشن بند کردیا ہے۔

  • خیبرپختونخوا انتخابات کیس:الیکشن کمیشن نے جواب جمع کرانے کیلئے وقت مانگ لیا

    خیبرپختونخوا انتخابات کیس:الیکشن کمیشن نے جواب جمع کرانے کیلئے وقت مانگ لیا

    پشاور ہائیکورٹ میں خیبرپختونخوا انتخابات کیس میں الیکشن کمیشن نے جواب جمع کرانے کے لئے وقت مانگ لیا۔

    باغی ٹی وی: پشاور ہائیکورٹ میں جسٹس ابراہیم خان اور جسٹس عبدالشکور نے پی ٹی آئی کی جانب سے خیبرپختونخوا میں انتخابات کے لئے کیس کی سماعت کی اسپیکر خیبرپختونخوا اسمبلی مشتاق غنی پشاور ہائیکورٹ میں پیش ہوئے ۔

    صرف 4 گھنٹے دیں آٹے کی قیمت 150 سے 110 تک لے آؤں گا،گورنر سندھ

    دوران سماعت وکیل بیرسٹر گوہر خان نے عدالت کو بتایا کہ 18 اپریل کو نگراں حکومت کی مدت ختم ہوگئی ہے، مدت ختم ہونے کے باوجود الیکشن کی تاریخ نہیں دی گئی بیرسٹر گوہر خان نے عدالت سے استدعا کی کہ الیکشن کا معاملہ ہے، جلد تاریخ دی جائے۔

    جس پر ایڈووکیٹ جنرل نے بتایا کہ صوبائی حکومت کی طرف سے جواب تیار ہے، الیکشن کی تاریخ گورنر اور الیکشن کمیشن نے دینی ہے۔

    توشہ خانہ ریفرنس،الیکشن کمیشن نااہلی فیصلے کیخلاف درخواست پر سماعت ملتوی

    الیکشن کمیشن نے جواب جمع کرانے کے لئے وقت مانگ لیا جس پر جسٹس ابراہیم خان نے ریمارکس دیے کہ آئندہ سماعت پر اس کیس کو سنے گے اور کیس کسی طور مزید ملتوی نہیں کریں گے بعد ازں عدالت نے 4 مئی تک انتخابات کیس کی سماعت ملتوی کردی۔

    مبینہ آڈیو لیک : اعجاز چوہدری کا ردعمل سامنے آگیا

  • خیبرپختونخوا: بارش سے ندی نالوں میں طغیانی،شاہراہِ قراقرم بند، بحرین اورکالام کےدرمیان زمینی رابطہ منقطع

    خیبرپختونخوا: بارش سے ندی نالوں میں طغیانی،شاہراہِ قراقرم بند، بحرین اورکالام کےدرمیان زمینی رابطہ منقطع

    خیبر پختونخوا کے بالائی علاقوں میں بارش کے بعد ندی نالوں اور دریاؤں میں طغیانی آگئی-

    باغی ٹی وی :بارشوں اور لینڈ سلائیڈنگ سے خیبر پختونخوا، گلگت بلتستان اور آزادکشمیر کے مختلف علاقے متاثر ہوئے ہیں جب کہ دریاؤں میں سیلابی صورتحال ہےخیبرپختونخوا کے کئی اضلاع میں گزشتہ روز سے وقفے وقفے سے بارش کا سلسلہ جاری ہے بارش کے بعد ندی نالوں اور دریاؤں میں طغیانی آگئی اپر کوہستان کے اچھار نالے میں اونچے درجے کے سیلاب کے بعد اچھار نالہ اور پانی باہ کے مقام پر شاہراہِ قراقرم کو ہر قسم کی ٹریفک کے لئے بند کردیا گیا۔

    اندھے قتل اور نقب زنی میں ملوث 10 ملزمان گرفتار


    سوات میں درال خوڑ اور دریا میں طغیانی سے بحرین پل زیر آب آنے سے بحرین اور کالام کے درمیان زمینی رابطہ منقطع ہوگیا لاکھوں افراد پھنس گئے ہیں دریائے پنچکوڑہ کے ندی نالوں میں پانی کی سطح میں اضافے کے باعث دیر چترال شاہراہ پر مینہ خوڑ میں پانی میں پھنسی گاڑیوں کو نکل لیا گیا۔

    عید کے تیسرے دن تک بہترین انتظامات یقینی بنانے کیلئے ڈی سی لاہور کی ہدایت


    اس کے علاوہ وادی کاغان کے بالائی علاقوں میں برف پگھلنے سےدریائے کنہار کے بہاؤمیں اضافہ ہوگیا جس کے بعد انتظامیہ نے شہریوں کو دریا کے قریب جانے سے منع کردیا دیر بالا میں مکان لینڈ سلائیڈنگ کی زد میں آ گیا، ملبے تلے دب کر ایک بچہ جاں بحق اور 2 افراد زخمی ہوگئے جبکہ زخمیوں کو اسپتال منتقل کردیا گیا۔

    حامد میر پر قاتلانہ حملے کو 9 سال مکمل مگر انصاف نہ مل سکا

    گلگت بلتستان کا ملک کےدیگرشہروں سے زمینی رابطہ منقطع ہوگیا جب کہ آزاد کشمیر میں سیلابی ریلوں اورلینڈ سلائیڈنگ سے مرکزی شاہراہ نیلم متعدد مقامات سے بند ہوئی دریائے نیلم میں درمیانی درجے کا سیلاب ہے اور وادی نیلم کےکئی علاقوں میں 24 گھنٹے سے بجلی معطل ہے جب کہ علاقے میں موبائل فون اور انٹر نیٹ سروسز شدید متاثر ہے۔

    محکمہ موسمیات کے مطابق خیبر پختونخوا میں بارش کا سلسلہ اگلے 24 گھنٹے تک جاری رہنے کا امکان ہے۔

  • طور خم بارڈر پر پہاڑی تودہ گرنے سے متعدد کنٹینرز اور مال بردارگاڑیاں ملبے تلے دب گئیں

    طور خم بارڈر پر پہاڑی تودہ گرنے سے متعدد کنٹینرز اور مال بردارگاڑیاں ملبے تلے دب گئیں

    خیبر میں طور خم سرحدی گزر گاہ کے قریب ایکسپورٹ روڈ پر پہاڑی تودہ گرنے سے متعدد کنٹینرز اور مال بردارگاڑیاں ملبے تلے دب گئیں، اس دوران کارگو گاڑیوں میں آگ بھی بھڑک اٹھی ۔

    باغی ٹی وی: پولیس کے مطابق خیبرپختونخوا کے ضلع خیبر طورخم ایکسپورٹ روڈ پر پہاڑی تودہ گرنے سے ایکسپورٹ روڈ پر موجود ایک درجن سے زائد مال بردار گاڑیاں ملبے تلے دب گئیں اس دوران مال بردار گاڑیوں میں اچانک آگ بھی بھڑک اٹھی اور اس وقت ایک درجن سے زائد گاڑیاں آگ کی لپیٹ میں آگئیں جس کے نتیجے میں متعدد ہلاکتوں کا خدشہ ظاہر کیا گیا ہے-

    سی ٹی ڈی کا راجن پور میں آپریشن، کالعدم تنظیم کے 2 دہشتگرد اپنے ہی …

    حادثہ میں کئی افراد زخمی ہوئے،اب تک 8 زخمیوں کو طبی امداد فراہم کی گئی ، جن میں سے 2 زخمیوں کو لنڈی کوتل ڈسٹرکٹ ہیڈ کوارٹر اسپتال منتقل کردیا گیا ہے اسپتال ذرائع کا کہنا ہے کہ زخمیوں میں اجراللہ اور خاصہ دار نامی ڈرائیورز شامل ہیں جنہیں طبی امداد دی جاری ہیں جب کہ دونوں زخمیوں کی حالت خطرے سے باہر ہے۔

    ایس ایچ او عشرت علی خیبر کے مطابق پہاڑی تودہ گرتے وقت گاڑیوں میں ڈرائیورز بھی موجود تھے جس کے باعث ہلاکتوں کا خدشہ ہے ریسکیو1122 خیبر، پشاور، نوشہرہ، چارسدہ اور مردان کی ٹیمیں حصہ لے رہی ہیں، سرچ آپریشن میں ریسکیو 1122 کی 12 ایمبولینسز، 4 فائر ویکلز، 3 ریکوری ویکلز اور 3 ہیوی ایکسیویٹر حصہ لے رہی ہیں۔

    کچا آپریشن: چوکیوں سے غیر حاضر 71 اہلکاروں کی 2 سال کی سروس ضبط

    ڈپٹی کمشنر عبدالناصرخان کا کہنا ہے کہ ملبہ ہٹانے اور آگ بجھانے کی کوششیں جاری ہیں، بھاری مشینری اور ریسکیو عملہ کارروائی میں حصہ لے رہا ہے10 سےزائد مال بردار گاڑیاں پہاڑی تودے تلے دب گئی ہیں، ملبہ ہٹانے تک اصل نقصانات کا اندازہ قبل از وقت ہوگا،ملبے تلے دب جانے والی گاڑیوں میں عملہ بھی موجود ہے لنڈی کوتل اسپتال میں ایمرجنسی نافذ کردی گئی ہے ۔