Category: پشاور

اب تیاری کے ساتھ آئینگے،جو ہمارے ساتھ ہوا آئندہ کیسے بچنا ہے پلان بنا لیا،عمران خان

تحریک انصاف کے چیئرمین عمران خان نے کور کمیٹی اجلاس کےبعد پریس کانفرنس کرتے ہوئے کہا ہے کہ ہم نے کبھی پرتشدد احتجاج نہیں کیا،

عمران خان کا کہنا تھا کہ پرامن کارکنوں پر تشدد کیا گیا ہم نے ہمیشہ پرامن احتجاج کیا ہم اس معاملے کو ہر فورم پر اٹھائیں گے، ہمارا 26 سالہ ریکارڈ ہے کبھی قانون کی خلاف ورزی نہیں کی، ہماری جماعت میں کوئی شدت پسند ونگ نہیں،بیرونی سازش تحریک عدم اعتماد کو کامیاب کرنے کیلئے ہوئی،منتخب وزیراعظم کو اس لیے ہٹایا گیا کیونکہ وہ آزاد خارجہ پالیسی چاہتا تھا، قوم کو سمجھنے میں صرف 6 ہفتے لگے، ڈیڑھ ماہ میں ہی انہوں نے ڈیزل اور پیٹرول کی قیمتوں میں 30 روپے کا اضافہ کیا، ہندوستان امریکا کا اسٹرٹیجک پارٹنر ہے پھر بھی وہاں تیل کی قیمتیں کم ہوئیں،ہندوستان نے روس سے سستا تیل خرید کر قیمتیں کم کیں، پیٹرول اور ڈیزل کی قیمتیں آئی ایم ایف کے دباؤ میں آکر بڑھائی گئیں،ہندوستان تو امریکا کے دباؤ میں نہیں آیا،میرے خلاف سازش کر کے غلاموں کو مسلط کیا گیا، مراسلے میں لکھا ہے کہ عمران خان روس کیوں گیا،ہم امپورٹڈ حکومت کو کبھی نہیں مانیں گے، احتجاج بھی اسی وجہ سے تھا،موجودہ حکومت میں 60 فیصد لوگ ضمانت پر ہیں،کابینہ میں شامل لوگ اس ملک کے کرپٹ ترین لوگ ہیں 26سال پہلے جب سیاست میں آیا تب بھی کہا تھا یہ دونوں کرپٹ ہیں،جب ہم اقتدار میں آئے تو ان پر سب مقدمات پہلے سے تھے،ہم نے مقصود چپڑاسی کے علاوہ ان پر کوئی کیس نہیں بنایا، اس مافیا کے دباؤ کی وجہ سے وہ کیسز ختم ہی نہیں ہوتے تھے

عمران خان کا مزید کہنا تھا کہ اپنی جان قربان کر دوں گا اور انہیں کبھی قبول نہیں کروں گا، کور کمیٹی کے اجلاس میں آئندہ کے لائحہ عمل کا جائزہ لیا، ہم نے اپنی تیاریاں شروع کر دی ہیں، انہیں 6 دن کا وقت دیا تھا، انہوں نے ہمارے خلاف گلو بٹ استعمال کئے،اس بار پوری تیاری کے ساتھ آئیں گے، آج سے سب کو مارچ کی تیاری کرنے کو کہہ دیا ہے، جو ہمارے ساتھ ہوا اس سے آئندہ کیسے بچنا ہے پلان بنا لیا پیر کو ہم اس معاملے پر سپریم کورٹ میں پٹیشن دائر کرنے جا رہے ہیں،عدالت سے پوچھیں گے کیا احتجاج کسی جمہوری جماعت کا حق ہے کہ نہیں، لندن میں 20 لاکھ لوگ عراق وار کے خلاف نکلے ایک کنٹینر نہیں لگا، ڈاکٹر یاسمین پر تشدد کیا گیا، ان کی عمر 70 سال سے بھی اوپر ہے ہم کوئی اسلام آباد میں انتشار پھیلانے آ رہے تھے؟ہمارے خلاف پی ٹی وی کا کیس فراڈ تھا،اب بھی کہہ رہے ہیں کہ انہوں نے درختوں کو آگ لگا دی، سی سی پی او لاہور، ڈی آئی جی آپریشنز، آئی جی اسلام آباد کیخلاف ایف آئی آر کٹوائیں گے ان سب کی شکلیں سوشل میڈیا پر ڈالیں گے،اب پاکستان کی جمہوریت کا امتحان ہے، کیا یہ پرامن احتجاج کے راستے روکیں گے اور ہم خاموش ہو جائیں گے،

عمران خان کا مزید کہنا تھا کہ آج ملک میں روپیہ بہت تیزی سے گر رہا ہے، اتنی مہنگائی پہلے کبھی نہیں ہوئی اگر انہیں روکا نہ گیا تو سب ذمہ دار ہوں گے یہ فاشسٹ ہیں، جیسے ہی حکومت میں آتے ہیں ایسی حرکتیں کرتے ہیں، میں اُس روز صرف لوگوں کے غصہ کی وجہ سے رکا،سپریم کورٹ نے ہمیں صبح کوئی گائیڈلائنز دیں، سمجھے سب ٹھیک ہو گیا جو ہمارے ساتھ ہوا ہم اس کیلئے تیار ہی نہیں تھے،مجھے یقین تھا وہاں خون خرابہ ہونا تھا گولیاں چل جانی تھیں،اوورسیز پاکستانیوں کی ووٹنگ ختم کرنے کیخلاف عدالت جارہے ہیں، چیئرمین نیب کی تعیناتی بھی عدالت میں چیلنج کریں گے، عدالت میں اوورسیز پاکستانیوں کی ووٹنگ کے خاتمے کو چیلنج کریں گے، نیب قوانین میں ترمیم کا معاملہ بھی عدالت میں چیلنج کریں گے،

ہمارا اولین مطالبہ الیکشن کی تاریخ ہے مذاکرات کا دروازہ ہمیشہ کھلا رہنا چاہیےمیں کوئی جنگ تو نہیں چاہتا صرف الیکشن کا مطالبہ کر رہا ہوں، صاف و شفاف الیکشن کی طرف پہنچنے کیلئے بات چیت کیلئے تیار ہوں،ہم شریف خاندان کو اچھی طرح جانتے ہیں، طاہر القادری کے ساتھ جو کچھ کیا گیا اسے سبق سکھایا گیا تھاافسوس ہوتا ہے یہ ہمیشہ سزا سے بچ جاتے ہیں، شہباز شریف نے نواز شریف کی واپسی کی گارنٹی دی تھی ہماری کابینہ نے کہا تھا 7 ارب روپے کا ضمانتی بانڈ ہی رکھوا لو،اُنہوں نے کہا ایسے ہی ٹھیک ہے جب تک الیکشن کی تاریخ نہیں ملتی بات آگے نہیں بڑھ سکتی،

ڈاکٹر یاسمین راشد کا کہنا تھا کہ جس طرح تشدد ہوا آپ سب نے دیکھ لیا،وہاں کوئی لیڈی پولیس نہیں تھی، آنسو گیس کا بے دریغ استعمال کیا گیا،میں نے گاڑی روکی لیکن ڈنڈے برسائے گئے،72سال کی ہونے والی ہوں، ایسی غنڈہ گردی زندگی میں کبھی نہیں دیکھی انہوں نے پرائیویٹ گاڑیوں کو بھی توڑا،

چیئرمین عمران خان کی زیرصدارت پی ٹی آئی کور کمیٹی کا اجلاس پشاورمیں ہوا.پی ٹی آئی کور کمیٹی اجلاس میں 6 دن کے ڈیڈ لائن سمیت دیگر امور پر غور کیا گیا، پی ٹی آئی کور کمیٹی اجلاس میں دوبارہ مارچ کرنے پر بھی مشاورتکی گئی، اجلا س میں شاہ محمود قریشی، پرویز خٹک، شاہ فرمان ،اسد عمر، وزیراعلیٰ محمود خان شریک تھے

دوسری جانب پی ٹی آئی رہنما فواد چودھری نے سوشل میڈیا پر کردار کشی کرنے کے الزام میں استغاثہ دائر کر دیا ،ایڈشنل سیشن جج حسنین اظہر نے فریقین کو 4 جون تک نوٹسز جاری کر دئیے ،فواد چودھری کا کہنا تھا کہ سوشل میڈیا پر میرے خلاف ہتک آمیز پروگرام چلایا گیا،مجھ پر اپنے رشتہ دار کو ایم ڈی پی ٹی وی لگانے اور کرپشن کے سنگین الزامات لگائے، یوٹیوبر نے مجھ و دیگر پر کرپشن کے بے بنیاد الزام لگا کر ساکھ کو نقصان پہنچایا کردار کشی کرنے والے یوٹیوبر کیخلاف کارروائی اور نام ای سی ایل میں ڈالا جائے

پاکستان کی سیاسی صورتحال سے فائدہ اٹھانے کیلئے مودی کے دفتر میں خصوصی سیل قائم

درخواستیں دائر کرکےآپ بھی اپناغصہ ہی نکال رہے ہیں،عدالت کا پی ٹی آئی وکیل سے مکالمہ

کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

لانگ مارچ میں فیاض الحسن چوہان کتنے بندے لے کر نکلے،ویڈیو وائرل

عمران نیازی پختونخوا کی سرکاری مشینری سے تخت اسلام آباد کی لڑائی لڑ رہا ہے۔ ایمل ولی خان

پشاور،عوامی نیشنل پارٹی کے صوبائی صدر ایمل ولی خان نے کہا ہے کہ پاکستان کو مضبوط عدلیہ کی ضرورت ہے۔تاریخ گواہ ہے کہ جب بھی پاکستان آئین کو پامال کیا گیا، بدقسمتی سےعدلیہ نے ہی راستہ دیا ۔ خوشی ہے کہ عدالتیں رات 12بجے اور چھٹی کے دن بھی کھل رہی ہیں، لیکن ہمیں شکایتیں بھی ہیں۔

پشاور ہائیکورٹ بار ایسوسی ایشن کی نومنتخب کابینہ کی تقریب سے خطاب کرتے ہوئےاے این پی کے صوبائی صدر ایمل ولی خان نے کہا کہ اس ملک میں کوئی سفید گائے نہیں، جہاں بھی غلطی ہوگی اے این پی ببانگ دہل تنقید کرے گی اور آواز اٹھائے گی۔ پچھلے سات سال سے فارن فنڈنگ کیس چل رہا ہے، دن کو بھی نوٹس نہیں لیا جارہا۔ ۔ہمیں شکایت ہے کہ بی آر ٹی تحقیقات کو عدلیہ نے ہی روکا ہے۔

انہوں نے کہا کہ ولی خان نے بہت پہلے کہا تھا کہ ہمارا راستہ نہ روکے ورنہ ایسے لوگ آئیں گے جو آئین کو نہیں مانیں گے۔ جو باتیں عمران نیازی کرسی سے اترنے کے بعد کررہا ہے، کوئی تصور کرسکتا ہے کہ کسی پختون یا بلوچ ایسی باتیں کرسکتا ہے؟ عمران نیازی آجکل پشاور میں بیٹھا ہوا ہے اور یہاں سے نظام چلارہا ہے۔ پختونخوا کی سرکاری مشینری، افسران اورعوام کے ٹیکس کے پیسے سے تخت اسلام آباد کی لڑائی لڑ رہا ہے۔ پی ٹی آئی کانہ پہلے کوئی وجو دتھا اور نہ اب ہے۔پختونخوا کےسرکاری مشینری اور وسائل کو استعمال کرکے جلسے کئے جارہے ہیں ۔جو پلان بنایا گیا تھا اسی پر عمل جاری ہے ۔پختون قوم کو اتحاد کا مظاہرہ کرنا ہوگا، اتحاد برقرار رہا تو کامیابی ہماری ہوگی۔

صوبائی صدر ایمل ولی خان نے دوران خطاب کہا کہ تبدلی سرکار کی ناکام معاشی پالیسیوں کی بدولت ملکی معیشت تباہ ہو گئی ہے۔ معیشت کی کمزوری کا یہ عالم ہے کہ آئی ایم ایف معاہدہ نہ ہوا تو خدانخواستہ سری لنکا جیسی صورتحال پیدا ہو سکتی ہے ۔ہمیں ترجیحات بدلنی ہوں گی اور کچھ فیصلے کرنے ہوں گے۔یہ یقینی ہے کہ آئی ایم ایف انٹرم حکومت سے معاہدہ نہیں کرے گا۔

نئے انتخابات بارے صوبائی صدر ایمل ولی خان نے کہا کہ تین مہینے میں انتخابات ممکن نہیں، موجودہ صورتحال میں نئے انتخابات خطرناک ہوں گے۔ عوامی نیشنل پارٹی روز اول سے انتخابی اصلاحات کیلئے جدوجہد کررہی ہے اور سمجھتی ہے کہ جب تک اصلاحات نہیں ہوتے ، صاف شفاف اور مداخلت سے پاک انتخابات کا ہونا ناممکن ہے۔

صوبائی صدر ایمل ولی خان نے ہائی کورٹ بار انتخابات کامیابی پر نومنتخب صدر رحمان اللہ خان ايڈووکیٹ اور دیگر اراکین کو مبارکباد پیش کی اور امید ظاہر کی کہ نو منتخب عہدیداران بار کے تقدس ، عوام کو سستے انصاف کی فراہمی اور ملک میں جمہوریت کیلئے اپنا بھرپور کردار ادا کریں گے۔ اس موقع پر صوبائی سینئر نائب صدر خوشدل خان ایڈووکیٹ، باچا خان ٹرسٹ کے سینئر ایگزیکٹو آفیسر معصوم شاہ باچا، ایم پی اے شگفتہ ملک ،صوبائی سیکرٹریز یوتھ افیئرزطارق افغان ايڈووکیٹ و ثناء گلزار ایڈووکیٹ، رکن مرکزی کمیٹی سیداختر علی شاہ، آرگنائزنگ کمیٹی اے این پی ضلع پشاور کے اراکین ارباب عثمان اوریسین خلیل، ملگری وکیلان کے رضا ءاللہ ایڈووکیٹ اور دیگر ذمہ داران موجود تھے۔

وادی تیراہ میں ضلعی انتظامیہ اور سیکیورٹی فورسز کے باہمی اشتراک سے "باغ امن میلہ” کا انعقاد

خبیر پختونخواہ کے علاقے ضلع خیبر کی وادی تیراہ میں ضلعی انتظامیہ اور سیکیورٹی فورسز کے باہمی اشتراک سے "باغ امن میلہ” کا انعقاد کیا جا رہا ہے.

افتتاحی تقریب میں شرکاء نے قومی ترانہ پڑھا جبکہ بچوں نے قومی پرچم لہرایا. میلہ میں مارچ کرتے ہوئے بینڈ نے خوبصورت دھنوں کے ذریعے شرکاء سے خاص داد وصول کی. افتتاحی تقریب میں بچوں نے مختلف ٹیبلوز پیش کئے. اس موقع پر پاکستان آرمی کی ملٹری پولیس کے بائیک رائیڈز نے بھی مہارت کا مظاہرہ کیا. تقریب میں خٹک ڈانس اور دیگر علاقائ رقص بھی پیش کیا گیا. افتتاحی تقریب کی سب سے خاص بات پیرا گلائیڈنگ اور پاور گلائیڈنگ کا مظاہرہ تھا. جسے وہاں موجود شرکاء نے خصوصی داد دی.

اس موقع پر شرکاء نے اس میلہ کے انعقاد پر انتظامیہ کا شکریہ ادا کرتے ہوئے کہا کہ علاقے میں اس طرح کے ایوینٹس کا انعقاد امن کی واضح مثال ہیں. ضلعی انتظامیہ اور فرنٹیئر کور نارتھ کے اشتراک سے منعقدہ باغ امن میلہ کی افتتاحی تقریب میں اعلی سول اور فوجی حکام, قبائلی اضلاع کے مشران, علاقہ مکین, بچوں اور زندگی کے مختلف شعبوں سے تعلق رکھنے والے دیگر مہمانوں نے شرکت کی. 25 مئ تک جاری رہنے والے باغ امن میلہ میں کرکٹ, والی بال, گھڑسواری اور رسہ کشی سمیت دیگر علاقائی کھیلوں کے مقابلے منعقد ہوں گے.

شیریں مزاری کے خود کش حملے،کرتوت بے نقاب، اصل چہرہ سامنے آ گیا

اداروں کے خلاف بیانات سے گریز کرنا چاہیے۔جلیل احمد شرقپوری

عمران خان نے کل اداروں کے خلاف زہر اگلا ہے،وزیراعظم

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

خدارا ملک کا سوچیں،مجھے فخر ہے میں ایک شہید کا باپ ہوں،ظفر حسین شاہ

ایک بیٹا شہید،خواہش ہے دوسرے کو بھی اللہ شہادت دے،پاک فوج کے شہید جوانوں کے والدین کے تاثرات

شہادت سے سات ماہ پہلے بیٹے کی شاد ی کی تھی،والدہ کیپٹن محمد صبیح ابرار شہید