Category: پشاور

جماعت اسلامی لنڈی کوتل کے زیر اہتمام 5 فروری یوم یکجہتی کشمیر کے حوالے سے لنڈی کوتل بازار میں ریلی کا اہتمام کیا گیا تھا جس میں جماعت اسلامی لنڈی کوتل کے کارکنان کے علاوہ بازار تاجران اور عوام نے کثیر تعداد میں شرکت کی

ڈسٹرکٹ سے خیبر مینہ وال شینواری ریلی کے شرکاء سے خطاب کر تے ہوئے جماعت اسلامی لنڈی کوتل کے رہنما عبدالرووف شینواری جنو سیکرٹری جماعت اسلامی ضلع خیبر ضیاء الحق آفریدی حاجی مقتدر شاہ آفریدی اور تحصیل لنڈی کوتل کے امیر محمد حسن شینواری و دیگر نے اپنے خطابات میں کہا کہ کشمیر پاکستان کا شہہ رگ ہیں. انہوں نے کہا کہ کشمیر جذبہ خیر سگالی سے نہیں بلکہ جذبہ جہاد سے آزاد کرانا ہوگا

انہوں نے عالمی اداروں بالخصوص یونائٹڈ نیشن سے اپیل کی کشمیری عوام کو اپنے حقوق سے محروم نہ رکھا جائے اور ان پر بھارتی مظالم کا نوٹس لے لیا جائے ان کا کہنا تھا کہ کشمیریوں کی ہر سطح پر حمایت جاری رہے گی مقررین نے کہا کہ جماعت اسلامی ملک کے تمام عوام کے ساتھ مل کر مقبوضہ کشمیر کے مسلمانوں کے آزادی تک جدوجہد جاری رکھیں گی اور اس ضمن میں کسی بھی قربانی سے دریغ نہیں کرینگے اور کشمیری مسلمانوں کے ازادی تک جدوجہد جاری رہے گی . ریلی کے شرکاء نے لنڈی کو تل بازار باچاخان چوک سے لنڈی کوتل پریس کلب تک واک بھی کیا اور کشمیریوں کی حمایت میں نعرے بازی کی

مقبوضہ کشمیر میں تین دھائیوں میں لاکھ کے قریب کشمیریوں کو شہید کیا گیا . بھارتی مظالم کی دل سوز رپورٹ جاری، باغی ٹی وی : بھارتی فوج کی ریاستی دہشت گردی نصف صدی سے زائد عرصے سے جاری ہے . گزشتہ 3 دہائیوں میں ایک لاکھ کے قریب کشمیریوں کو شہید اور ایک لاکھ 61 ہزار کو پابند سلاسل کیا، ساڑھے 22 ہزار سے زائد خواتین بیوہ ہوئیں۔

تحریک آزادی کے چراغ کو جلا بخشنے کیلئے کشمیری عوام نے لاکھوں شہیدوں کی قربانیاں پیش کیں تو ساتھ ہی ہزاروں خاندان قابض فوج کے مظالم سےتنگ آ کر کنٹرول لائن کے اس پار ہجرت کرنے پربھی مجبورہوئے۔

ضلع خیبر جمرود ،یوم یکجہتی کشمیر کے حوالے سے ریلی کا انعقاد کیا گیا

ڈسٹرکٹ خیبر سے مینہ وال شینواری تفصیلات کے مطابق ضلعی انتظامیہ کے زیر اہتمام لنڈی جمرود تحصیل آفس سے تاریخی باب خیبر تک یوم یکجہتی کشمیر ریلی نکالی گئی جس میں ایڈیشنل ڈپٹی کمشنر نور والی ،ریکسیو 1122 حکام،قبائیلی پولیس حکام و سیاسی مشران نے شرکت کی۔شہریوں نے ریلیاں نکالیں اور مظلوم کشمیریوں کے ساتھ یکجہتی کا اظہارکیا۔شرکاء نے اس عزم کا اعادہ کیا کہ وہ کشمیر کی آزادی کے لئےاپنے آباءواجداد کی طرح کسی قربانی سے دریغ نہیں کریں گے۔

یوم یکجہتی کشمیر منانے کا بنیادی مقصد مقبوضہ وادی کشمیر میں جاری بھارتی مظالم اورریاستی تشدد کے خلاف آواز بلند کرنا ہے۔ اس طرح اپنے مظلوم و نہتے کشمیری بہن بھائیوں کو پاکستانی یقین دلاتے ہیں کہ حق خود ارادیت کی جدوجہد میں ان کے شانہ بشانہ کھڑے ہیں۔پانچ فروری کے دن یوم یکجہتی کشمیر کے ذریعے پاکستانی قوم اس عزم کا اعادہ بھی کرتی ہے کہ وہ حق خود ارادیت کے حصول تک ان کے شانہ بشانہ کھڑی رہے گی۔

پاکستان کی شہہ رگ کشمیر کی تاریخ میں 21 جنوری 1990 سیاہ دن کے طور پر رقم کیا گیا ہے۔ اس دن جب بھارتی جبر و تشدد اور مظالم کے خلاف مظلوم کشمیری اپنے حق کی خاطر احتجاج کررہے تھے تو بھارتی افواج نے حسب روایت ریاستی دہشت گردی کا مظاہرہ کرتے ہوئے اندھا دھند فائرنگ کی جس کے نتیجے میں 51 معصوم و نہتے کشمیریوں نے جام شہادت نوش کیا۔اس دن کی مناسبت سے جلسے جلوس اور ریلیاں نکالی جاتی ہیں۔ سرکاری و نجی سطح پرتقاریب کا انعقاد کیا جاتا ہے اور پورے ملک میں عام تعطیل ہوتی ہے۔

ضلع خیبر لنڈیکوتل ریٹائرڈ اہلکاروں کی پنشن لنڈی کوتل تحصیل ڈاکخانہ پر دیا جائے ہمیں بنک پر پنشن میں مشکلات کا سامنا ہیں پنشن کے لئے آئے ہوئے ریٹائرڈ اہلکاروں کی فریاد

مینہ وال شینواری، تفصیلات کے مطابق ضلع خیبر لنڈیکوتل تحصیل ڈاکخانہ میں پنشن کے لئے آئے ہوئے شلمان. شینواری. زخہ خیل. کوکی خیل اور دیگر علاقوں سے آئے درجنوں ریٹائرڈ اہلکاروں نے فریاد کرتے ہوئے کہا کہ ریٹائرڈ افراد کی پنشن پرانے طریقہ کار کے مطابق ڈاکخانہ پر کی جائے

بنک میں پنشن لینے میں ہمیں مشکلات کا سامنا ہیں لنڈی کوتل ڈاکخانہ پنشن کے لئے آئے ہوئے اہلکاروں نے کہا کہ ہر مشکل حالات میں ہم نے ملک اور قوم کی خدمت کی ہیں اور آئندہ بھی کسی بھی قربانی سے دریغ نہیں کرینگے.

اس لئے وفاقی اور صوبائی حکومت کے اعلیٰ حکام سے مطالبہ کرتے ہیں کہ ہمارے ریٹائرڈ اہلکاروں کی پنشن پرانے طریقے کار کے مطابق لنڈی کوتل ڈاکخانہ پر دی جائے کیونکہ بنک پر پنشن میں ہمیں مشکلات کا سامنا ہے ،

لنڈی کوتل ڈاکخانہ میں پنشن کے لئے آئے ہوئے اہلکاروں نے فریاد کرتے ہوئے کہا کہ پشاور پوسٹ آفس سے ہر ماہ ویریفکشن کے لئے اہلکار آتے ہیں اور ہمیں بے جا تنگ کرتے ہیں اس لئے لنڈی کوتل کے ریٹائرڈ اہلکاروں کے ساتھ پنشن کے حصول میں خصوصی رعایت کی جائے اور لنڈی کوتل شلمان. زخہ خیل. کوکی خیل کی ریٹائرڈ اہلکاروں کی پنشن پرانے طریقے کار کے مطابق لنڈی کوتل ڈاکخانہ پر دی جائے تاکہ ریٹائرڈ ملازمین کے مشکلات میں کمی آجائے اور بہتر زندگی گزار سکے

ضلع خیبر لنڈیکوتل. شہید ایف سی اہلکار شیرزمین کو آبائی گاؤں شلمان شینولو میں گزشتہ رات پورے فوجی اعزاز کے ساتھ سپردخاک کردیا گیا،شہید کو ایف سی اہلکاروں نے سلامی پیش کی

مینہ وال شینواری, لنڈی کوتل لوئے شلمان سے تعلق رکھنے والا شہید ایف سی اہلکار گزشتہ روز میرعلی میں دہشت گردوں کے ساتھ جھڑپ میں جام شہادت نوش کرگئے تھے۔شہید ایف سی اہلکار شیر زمین کی نمازہ جنازہ گزشتہ رات آبائی گاؤں شلمان شینولو میں ادا کردی گئی۔نماز جنازہ میں ونگ کمانڈر تیراہ رائفل 213 ونگ , لیفٹینٹ کرنل سہیل منصور،تیراہ رائفل کیپٹن جواد،ایکٹنگ ایس ایم صوبیدار طارق اور دیگر آفیشلز سمیت شہید کے والد ریٹائرڈ صوبیدار صدام اور علاقائی افراد نے بڑی تعداد میں شرکت کی۔شہید تین بیٹیوں کے سرپرست اعلی تھے۔

شہید کے والد کا کہنا تھا کہ اس طرح کے ہزاروں بیٹے وطن کی سلامتی و امن پر قربان ہے،دہشت گرد ہمارے حوصلوں کو کسی بھی صورت میں پست نہیں کرسکتے،مجھے اپنے بیٹے کی شہادت پر فخر ہے۔لیفٹینٹ کرنل سہیل منصور کا کہنا تھا کہ ہمارے جوانوں کا خون رائیگاں نہیں جائے گا۔انہیں شہیدوں کی بدولت یہ ملک تاقیامت قائم و دائم راہیگا اور ان شاء اللہ اس ملک سے دہشت گردوں کا مکمل صفایا کرکے ہی دم لینگے۔

(ضلع خیبر سے مینہ وال شینواری ) تعلیمی ادارے کیا کھلے ، طلبہ نے نت نئے مطالبات کرنے شروع کر دیے ، طلباء نے کالج کو ہی تالہ بندی پہ لگا دیا،

باڑہ گورنمنٹ ٹیکنیکل کالج ڈوگرہ کو طلباء نے احتجاجاً گیٹ بند کردیا ہے کسی کو بھی اندار جانے کی اجازت نہیں دی جارہی ہے، طلباء مظاہرین نے کہا کہ کالج میں ہماری لئے کوئی سہولیات موجود نہیں ہے نہ کالج میں لیبارٹری نہ پریکٹیکل کے لئے کوئی سامان موجود ہے ۔پرنسپل کالج میں بلکل نہیں آتے اور نہ ہم نے ان کو دیکھا ہےیہاں تک کہ نام سنا ہے ۔

تعلیمی سہولیات کا فقدان طلباء نے نئے مطالبات سامنے رکھ دیے ساتھ ہی کالج کی سرگرمیوں کو بھی معطل کر دیا ، باڑہ کے ٹیکنیکل کالج کا سامان جمرود ٹیکنیکل کالج میں موجود ہے اور ہمارا پرنسپل بھی جمرود میں بیٹھ جاتا ہے ۔انہوں نے مزید کہا کہ کالج میں ہمیں پریکٹیکل کے سامان اور لیبارٹری مہیا کی جائے اگر ہمارے مطالبات پر غور نہیں کیا گیا تو کالج کے ساتھ خیبر چوک بھی بند کردینگے۔