Category: پشاور

باغی ٹی وی کی رپورٹ کے مطابق وزیراعلیٰ خیبر پختونخواہ کے معاون خصوصی کامران بنگش نے کہا ہے کہ بی آر ٹی کے معاملے پر عوام کو سرپرائز دیں گے،

کامران بنگش کا کہنا تھا کہ بی آر ٹی کے افتتاح سے متعلق جلد وزیراعلیٰ تاریخ دیں گے،منصوبے پر کام کرنے والی کمپنی کا دعوی ٰدرست ہے، کچھ کام باقی ہے،پی آر ٹی سے متعلق میں نے کبھی تاریخیں نہیں دیں،منصوبے سے متعلق ایک حتمی تاریخ دوں گا وہی حتمی ہوگی،

کامران بنگش کا مزید کہنا تھا کہ الیکشن کمیشن نے صرف حلقہ بندیوں کے لیے رولز بنانے سے متعلق اعتراض کیا تھا،ہم نے رولز تیار کرکے الیکشن کمیشن میں جمع کرادی ہیں، بلدیاتی انتخابات صوبے میں 2حصوں میں منعقد ہوں گے

پشاور بی آر ٹی پل سے لوہے کی بھاری پلیٹیں گاڑی پر گرگئیں

بی آر ٹی منصوبہ، تحقیقات کے خلاف خیبر پختونخواہ حکومت نے بڑا قدم اٹھا لیا

بی آر ٹی بنانے والی کمپنی نے کام مکمل ہونے کا دعویٰ کیا ہے، کنسٹرکشن کمپنی کا کہنا ہے کہ کام مکمل ہو چکا ہے، سٹیشن پر جو کام تھا وہ بھی مکمل کر دیا گیا ہے، اب یہ منصوبہ انسپیکشن کمیشن کے حوالہ ہو گا جس کے بعد اسے عوام کے لئے کھولا جائے گا

ایک قدم آگے تو 2 قدم پیچھے والی مثال صادق آتی ہے، بی آر ٹی منصوبہ کیس پر سپریم کورٹ کے ریمارکس

وزیرستان میں نازیبا ویڈیو وائرل ہونے پر دو لڑکیاں غیرت کے نام پر قتل

باغی ٹی وی صوبہ خیبر پختونخوا کے ضلع شمالی وزیرستان میں صرف بوس کنار پر دو لڑکیوں‌کو موت کے گھاٹ اتا دیا گیا .

اس واقعے کے متعلق مقامی پولیس کا کہنا تھا کہ دونوں لڑکیوں کو ایک لڑکے کے ساتھ بوس و کنار کی ویڈیو سوشل میڈیا پر وائرل ہونے کے بعد قتل کیا گیا۔ تقریباً 52 سیکنڈز پر مشتمل ویڈیو میں ایک نوجوان لڑکے کے دائیں بائیں تین سیاہ برقع پوش لڑکیاں نظر آ تی ہیں۔ لڑکاان لڑکیوں کے ساتھ باتوں باتوں میں بوس وکنار شروع کر دیتا ہے جبکہ تیسری لڑکی بھاگ نکلنے میں کامیاب ہو جاتی ہے .

اس واقعے کے رد عمل میں ویمن ڈیموکریٹک فرنٹ (ڈبلیو ڈی ایف) نامی تنظیم نے اتوار کو ایک پریس ریلیز میں اس واقعے پر شدید ردعمل ظاہر کرتے ہوئے قتل ہونے والی لڑکیوں کے لیے انصاف کا مطالبہ کیا ہے۔ڈبلیو ڈی ایف کی عہدے داروں عالیہ بخشال، عصمت شاہ جہاں، ممتاز تاجک اور نرگس خٹک نے اپنے بیان میں مزید کہا کہ حکمران طبقہ کتنی آسانی سے خواتین کے خلاف ہونے والےایسے پر تشدد واقعات کی بڑی تعداد کو نظر انداز کر دیتا ہے۔اس تنظیم نے حکومت پر تنقید کرتے ہوئے ان کو بھی ذمہ دار ٹھہرایا ہے .

تنظیم نے الزام لگایا ہے کہ انہوں نے کہا کہ لڑکیوں کو قتل کرنے پر اکسانے والے علاقے کے طاقت ور لوگوں کو حکومتی پشت پناہی حاصل ہے۔ ڈبلیو ڈی ایف نے مطالبہ کی اہے کہ قاتلوں، قتل پر اکسانے والوں اور ویڈیو لیک کرنے والے شخص کو گرفتار کر کے سزا دی جائے .

پولیس کے ایک سینیئر افسر نے انڈپینڈنٹ اردو کو بتایا کہ ان لڑکیوں کا تعلق جنوبی وزیرستان سے تھا اور وہ کچھ عرصہ قبل وزیرستان کے مختلف علاقوں میں سکیورٹی فورسز کی کارروائیوں کی وجہ سے شمالی وزیرستان کے علاقے شام پلین گڑیوم منتقل ہوگئی تھیں۔ افسر کے مطابق شام پلین گڑیوم کے ‘ع’ نامی لڑکے کے ساتھ ان لڑکیوں کی جان پہچان بنی تھی۔ ویڈیو میں یہ نوجوان ان لڑکیوں سے پشتو میں پوچھتا ہے کہ وہ کس مقصد کے لیے آئی ہیں، جس پر ایک لڑکی نے جواب دیا کہ وہ ایسے ہی آئی ہیں.
واضح رہے کہ صوبہ خیبر پختونخواہ میں عموما ایک شدت پسند اور روایات پر سختی سے عمل کرنے والا معاشرہ ہے جہاں‌ غیرت کے نام پر اور اس طرح کے معمالات میں‌سخت رد عمل دکھایا جاتا ہے . غیر کے نام پر اگرچہ دیگر علاقون میں قتل کے واقعات ہوتے رہتے ہیں ، لیکن صرف ویڈیوں پر بوس و کنار سے ایسا معاملہ سامنے آنے پر قتل کرنا ایک منفرد مسئلہ ہے .

پاکستان کے بڑے شہر میں دھماکا، متعدد افراد زخمی
باغی ٹی وی کی رپورٹ کے مطابق خیبر پختونخواہ کے صوبائی دارالحکومت پشاور میں دھماکا ہوا ہے جس کے نتیجے میں 3 افراد زخمی ہو گئے ہیں

اطلاع پر پولیس، ریسکیو کی ٹیمیں موقع پر پہنچ گئیں، پولیس کے مطابق پشاور کے علاقے اشرف روڈ میں دیسی ساختہ باروی مواد کا دھماکہ ہوا جس کے نتیجے میں 2 ٹریفک اہلکار اور ایک دکاندار زخمی ہوا، رسیکیو‌ٹیموں نے زخمیوں کو فوری طور پر لیڈی ریڈنگ ہسپتال منتقل کیا گیا جہاں ان کی حالت خطرے سے باہر ہے

بم ڈسپوزل اسکواڈ کی ٹیم بھی جائے وقوعہ پر پہپنچی اور معائنہ کیا، بم ڈسپوزل اسکواڈ کے مطابق دھماکے میں 2 کلو گرام دیسی ساختہ بارود استعمال کیا گیا، دھماکہ ریمورٹ کنٹرول کے ذریعے کیا گیا،

دھماکے بعد سیکیورٹی اداروں نے علاقے کو گھیرے میں لیکر سیل کر دیا، علاقے میں سیکورٹی سخت کر دی گئی ، دھماکے سے 3 موٹر سائیکلوں کو بھی نقصان پہنچا۔ جائے وقوعہ پر پولیس کی بھاری نفری تعینات کر دی گئی

باغی ٹی وی کی رپورٹ کے مطابق شمالی وزیرستان میں پولیس کی ایک سالہ کارکردگی کی رپورٹ جاری کر دی گئی ڈی پی او کا کہنا ہے کہ شمالی وزیرستان پولیس نے ایک سال کے دوران بہترین کارکردگی کا مظاہرہ کیا

ڈی پی او شفیع اللہ گنڈاپور کا کہنا ہے کہ شمالی وزیرستان میں ایک سال کے دوران مختلف نوعیت کے 156 مقدمات رجسٹرڈ ہوئے۔ انہوں نے کہا کہ نامزد 384 ملزمان میں سے 293 گرفتار ہوئے اور پولیس نے امن و امان کے قیام کے ساتھ ساتھ منشیات کی بیخ کنی کیلئے بھی ضروری اقدامات اٹھائے

شفیع اللہ گنڈاپور نے کہا کہ سیکیورٹی فورسز کی مختلف کارروائیوں میں 84 ہزار گرام چرس اور سینکڑوں لیٹر شراب برآمد کر کے درجنوں ملزمان گرفتار کئے۔ مختلف کارروائیوں میں 12 کلاشنکوف،12 رائفل، متعدد پستول اور اور بڑی تعداد میں کارتوس بھی برآمد کئے گئے۔

شمالی وزیرستان میں آئی جی ثناء اللہ عباسی کے احکامات کی روشنی میں 3 ہزار پولیس فورس قیام امن کیلئے جانفشانی سے کام کررہی ہے علاوہ ازیں شمالی وزیرستان میں کورونا وائرس پر قابو پانے کے لئے 2500 اہلکار تعینات ہیں۔ شمالی وزیرستان میں پولیس اور آرمی عوام کے ساتھ ملکر علاقے کی ترقی میں بڑھ چڑھ کر حصہ لے رہی ہے اور پولیس فورس کو مزید مضبوط کرنے کیلئے تمام ضروری وسائل بروئے کار لائے جارہے ہیں

بلاول صاحب اچھا ہوگا کہ صوبے پر توجہ دیں دیگر صوبوں میں مداخلت سے پرہیز کریں، اجمل خان وزیر

باغی ٹی وی :مشیر اطلاعات و تعلقات عامہ خیبر پختونخوا اجمل وزیر نے میڈیا بریفنگ دیتے ہوئے کہا ہے کہ قومی رابطہ کمیٹی کے فیصلوں کی روشنی میں حکومت خیبر پختونخوا نے لاک ڈاون میں نرمی کے حوالے سے اہم فیصلے کیے ہیں۔ تعمیراتی شعبہ کے فیز دوئم کو کھولنے کا فیصلہ کیا گیا ہے۔

اجمل خان ویزر نے کہا کہ فیز دوئم میں سٹیل اور پی وی سی پائپ ، بجلی کا سامان ، سٹیل اور المونیم کی اشیاء بنانے والی فیکٹریاں، سیرامک اور پینٹ فیکٹریاں شامل ہیں۔ سینیٹری ، پینٹ، سٹیل اور المونیم، بجلی کے سامان کی دکانیں اور ہارڈ ویر (Hardware ) سٹور بھی کھولے جائیں گے: واضح رہے کہ یہ تمام کاروبار SOPs کے ساتھ سہ پہر چار بجے تک کھلے رہیں گے۔ اور ہفتے میں دو دن ، یعنی ہفتہ اور اتوار کو انکا ناغہ ہوگا۔

انہوں نے اندرونِ ضلع ایک شہر یا قصبے سے دوسرے کو جانے والی مسافر گاڑیوں بشمول بسوں ، ویگنوں کی آمدورفت اور بین الاضلاعی کمرشل گاڑیوں کی آمدورفت کیلیئے ٹرانسپورٹروں کے نمائندہ وفد سے صوبائی سطح پر اور ریجنل ٹرانسپورٹ اتھارٹی جنکے سربراہ کمشنر ہیں کی سطح پر بات چیت کی جائے گی تاکہ مناسب SOPs پر اتفاقِ رائے ہو سکے. خیبر پختونخوا میں گزشتہ 24 گھنٹوں میں 244 نئے کیسز رپورٹ ہوئے جس سے کورونا مریضوں کی مجموعی تعداد 3956 ہوگئی ہے۔

صوبےمیں گزشتہ 24گھنٹوں میں 06 اموات بھی ریکارڈ ہوئیں جس سے اموات کی کل تعداد 209 ہوگئی ہے۔ خیبرپختونخوا میں ایک دن میں 45 کورونا مریض صحت یاب ہو گئے ہیں۔صوبے میں کورونا کو شکست دینے والے مریضوں کی مجموعی تعداد 984 ہو گئی ہے۔ میں پہلے دن سے بار بار کہہ رہاہوں کہ موجودہ حالات میں سیاسی اختلافات کو قرنطینہ کیا جائے لیکن کچھ سیاستدانوں کی سیاسی بیان بازی سے باز نہیں آتے۔

بلاول بھٹو زرداری بے جا تنقید سے پرہیز کریں یہ وقت تنقید کا نہیں کو رونا کو شکست دینا کا ہے،:وزیراعظم عمران خان اپوزیشن سمیت سب کو ساتھ لیکر نیتی سے آگے بڑھ رہے ہیں کیونکہ وہ ایک لیڈر ہے باقیوں کی طرح سیاسی ڈیلر نہیں ہے،وزیراعظم عمران خان اور وزیراعلی محمود خان موجودہ حالات میں خود میدان میں موجود ہیں آپ اور اپ جیسے دیگر لیڈرز کی طرح بند ڈرائنگ رومز میں لیپ ٹاپ کے سامنے اور ایئر کنڈکشنز کے نیچے بیٹھ کر عوام کو مخاطب نہیں کرتے ہیں،

بلاول صاحب اچھا ہوگا کہ آپ اپنے صوبے پر توجہ دیں دیگر صوبوں میں مداخلت سے پرہیز کریں، سندھ میں ہسپتالوں کی صورتحال ناگفتہ بہہ ہے تھر میں بچے بھوک سے مر رہے ہیں، کورونا کے خلاف فرنٹ لائن پر لڑنے والے ڈاکٹرز اور طبی عملہ ہمارے سروں کا تاج ہیں کیونکہ یہ ہمارے آنے والے نسلوں کو بچا رہے ہیں، ڈاکٹرز اور طبی عملے کو تمام حفاظتی سامان سمیت تمام سہولیات فراہم کی جارہی ہے، لاک ڈاون میں نرمی کا مقصد ہر گز یہ نہیں کہ احتیاطی تدابیر کو نظر انداز کیا جائے موجودہ صورتحال میں احتیاط کا دامن ہاتھ سے نہیں چھوڑنا ہوگا۔ جو دوکاندار یا تاجر لاک ڈاون کا خیال نہیں کریگا انکے دکان کو سیل کیا جائیگا،