Category: پشاور

مبینہ آشنا کے ساتھ مل کر اپنے ہی شوہر کے گھر ڈاکہ ڈالنے والی خاتون کو آشنا اور اس کے ساتھیوں سمیت گرفتار کر لیا گیا

باغی ٹی وی کی رپورٹ کے مطابق کیپٹل سٹی پولیس پشاور نے مبینہ آشنا کے ساتھ مل کر اپنے ہی شوہر کے گھر ڈاکہ ڈالنے والی خاتون کو آشنا اور اس کے ساتھیوں سمیت گرفتار کر لیا، گرفتار ملزمان نے گزشتہ روز اسلحہ کی نوک پر گھر والوں کویرغمال بنا کر40 لاکھ روپے مالیت کے پرائز بانڈز، 30 تولے طلائی زیورات ، 25 لاکھ روپے نقد رقم اور موبائل فون لوٹ کر فرار ہوئے تھے، گرفتار ملزمان نے ابتدائی تفتیش کے دوران خاتون دوست کے گھر پر ڈاکہ ڈالنے کا اعتراف کر لیا ہے جن کی نشاندہی پر ان کے قبضہ سے لاکھوں روپے نقد، طلائی زیورات اور لاکھوں روپے مالیت کے پرائز بانڈز برآمد کرنے کے ساتھ ساتھ واردات میں استعمال ہونے والا اسلحہ بھی برآمد کر لیاگیا ہے، ملزمان سے مزید تفتیش جاری ہے ، دوران تفتیش ملزمان سے مزید اہم اور سنسنی خیز انکشافات کی توقع کی جا رہی ہے

گزشتہ روز مدعی فضل حسین ولد غلام سرور سکنہ ملک پورہ اندرون یکہ توت نہ تھانہ کوتوالی پولیس کو رپورٹ کی تھی کہ وہ اپنے گھر میں موجود تھا کہ اس دوران چند نامعلوم نقاب پوش ملزمان گھر کے اندر داخل ہو کر تمام گھر والوں کو اسلحہ کی نوک پر یرغمال بنا کر گھر سے 40 لاکھ روپے مالیت کے پرائز بانڈز، 30 تولے طلائی زیورات ، 25 لاکھ روپے نقد رقم اور موبائل فون لوٹ کر فرار ہو گئے جس کی رپورٹ پر نامعلوم ملزمان کے خلاف مقدمہ درج کرکے تفتیش شروع کر دی گئی

ایس ایس پی آپریشن ظہور بابر آفریدی نے دن دیہاڑے گھر پر ڈاکہ ڈالنے کا سختی سے نوٹس لیتے ہوئے ایس ایس پی انوسٹی گیشن جہانزیب خان برکی کی سربراہی میں ایس پی سٹی عتیق شاہ، ڈی ایس پی سٹی 2 زرولی اور ایس ایچ او تھانہ کوتوالی نور حیدر پر مشتمل خصوصی ٹیم تشکیل دے کر واردات میں ملوث ملزمان کو جلد از جلد گرفتار کرنے کا ٹاسک حوالہ کیا

تفتیشی ٹیم نے جدید سائنسی خطوط پر تفتیش شروع کرتے ہوئے متعدد جرائم پیشہ اور مشکوک افراد کو شامل تفتیش کرتے ہوئے ان کی نگرانی کرنے کے ساتھ ساتھ مدعی کے گھر کے آس پاس لگے سی سی ٹی وی کیمروں کی فوٹیج بھی حاصل کی، اسی طرح مدعی کے گھر والوں اور اس کے ساتھ قریبی روابط رکھنے والے افراد کا موبائل ڈیٹا بھی حاصل کیا گیا جس کے دوران مدعی کی بہو مسماۃ(ہ) زوجہ کامران کے موبائل فون سے وقوعہ سے قبل اور بعد میں متعدد مرتبہ انجان نمبر زپر مسلسل رابطہ کرنے کے شواہد حاصل کرکے اسے شامل تفتیش کرکے اس سے پوچھ گچھ کرنے کا فیصلہ کیا گیا جس کے دوران مسماۃ(ہ) نے اپنے مبینہ آشنا نعیم شاہ ولد جعفر شاہ ، اس کے ساتھیوں اشفاق ولد مشتاق اور عثمان عرف ماسٹر ولد وارث خان کے نام اگل کر ان کو گرفتار کر لیا گیا جنہوں نے ابتدائی تفتیش کے دوران اپنے جرم کا اعتراف کر لیا ہے جن کی نشاندہی پر ان کے قبضہ سے لاکھوں روپے نقد، لاکھوں روپے مالیت کے طلائی زیورات، پرائز بانڈز اور واردات میں استعمال ہونے والا اسلحہ بھی برآمد کر لیا گیا ہے، تمام ملزمان سے مزید تفتیش جاری ہے جس کےدوران ان سے مزید اہم اور سنسنی خیز انکشافات کی توقع کی جار ہی ہے

خیبر پختونخواہ پولیس نے اسلحہ پنجاب سمگل کرنے کی کوشش ناکام بنا دی، پولیس نے سمگلر کو گرفتار کر لیا

باغی ٹی وی کی رپورٹ کے مطابق ڈسٹرکٹ پولیس آفیسر چارسدہ عرفان اللہ خان کو خفیہ اطلاع ملی کہ کسی بھی وقت پشاور سے براستہ ڈھیری زرداد پنجاب لاکھوں روپے کا اسلحہ سمگل کیا جائے گا۔ مصدقہ اطلاع پر ڈی ایس پی سرڈھیری آیاز محمود خان کے زیرِ نگرانی ایس ایچ او تھانہ نستہ فضل داؤد خان نے دیگر پولیس ٹیم کے ہمراہ ڈھیری زردادکے نزدیک پیشونگڑوپل پر سپیشل ناکہ بندی لگائی۔اس دوران ایک مشکوک ڈاٹسن نمبری 4970کو اشارہ دے کر باریک بینی سے تلاشی لی گئی .

دوران تلاشی ڈاٹسن کے خفیہ خانوں سے 7کلاشنکوف، 4ریفیٹر،11پستول، 52عددمیگزین اور 37ہزار دو سوعدد کارتوس مختلف بور کے برآمد کر لئے گئے۔ ملزم حمید گل ولد لعلی گل سکنہ میروزئی پشاور کو گرفتار کرکے تھانہ نستہ میں مقدمہ درج کیا گیا۔ ملزم سے مزید تفتیش جاری ہے۔ سنسنی خیز انکشافات متوقع ہے۔۔

خیبرپختونخواہ کے صوبائی دارالحکومت پشاور منشیات فروشوں کے خلاف کاروائیاں جاری ہیں‌، محکمہ ایکسائز نے دو کاروائیوں میں 135 کلو چرس برآمد کر لی

باغی ٹی وی کی رپورٹ کے مطابق محکمہ ایکسائز نے کاروائی کرتے ہوئے 135 کلو چرس بر آمد کر لی اور تین ملزمان کو گرفتار کر لیا، ایکسائز حکام کے مطابق منشیات خیبر سے پنجاب اسمگل کر نے کی کوشش کی جارہی تھی، ملزمان کے خلاف منشیات ایکٹ کے تحت مقدمات درج کر کے تفتیش شروع کر دی گئی ہے

https://twitter.com/exciseofficial/status/1172762160054886400

ایکسائز حکام کے مطابق ناصر باغ روڈ کے قریب سے سبزی سے بھری گاڑی سے چرس برآمد کی اور دو ملزمان محمد ارشد ولد صالح محمد اور مصور ولد محمد خان سکنہ سرگودھا کو موقع پر گرفتار کیا گیا ہے جنہیں عدالت پیش کیا جائے گا.

دوسری کاروائی ایکسائز اینٹیلیجنس بیورو 4 نے مردان بائی پاس روڈ پر کی،ٹرک کے خفیہ خانوں سے تلاشی پر پچاس کلوگرام چرس برآمد کر لی گئی،ڈرائیور گلاب خان ولد کشکول سکنہ شوبر خیل ضلع خیبر کو موقع پر گرفتارکرلیا گیا

اے این ایف کی ایک اوربڑی کاروائی، سیاسی رہنما کے دو بیٹے منشیات سمگل کرتے ہوئے گرفتار

ایف این ایف کا منشیات فروشوں کے خلاف کاروائیوں کا سلسلہ جاری ہے، اے این ایف نے موٹر وے ٹول پلازہ ایم ون کے قریب منشیات کے اسمگلروں کے خلاف کاروائی کے دوران صوبہ خیبر پختونخواہ کی سابق حکمران جماعت عوامی نیشنل پارٹی کے ایک رہنما کے دو بیٹوں کو بھی گرفتار کر لیا گیا ہے۔ اے این ایف نے عمران آفریدی کے دو بیٹوں کامران اور عرفان کو گرفتار کیا ہے، دیگر ملزمان میں فیضان اور جوہر آفریدی شامل ہیں.

اے این ایف نے ملزمان کو تین گاڑیوں میں منشیا ت کے ساتھ گرفتار کیا ہے. جن تین گاڑیوں کو تحویل میں لیا گیا ہے ان میں 2 بی ایم ڈبلیو اور سرف شامل ہیں، ملزمان کے قبضے سے 128 کلو چرس اور افیون برآمد ہوئی جو پشاور سے اسلام آباد اسمگل کی جا رہی تھی۔

اے این پی رہنما عمران آفریدی کو پارٹی نے ڈسپلن کی خلاف ورزی پر شوکاز نوٹس بھی گزشتہ ماہ اگست میں بھجوایا تھا جس کا جواب عمران آفریدی نے دے دیا ہے، عمران آفریدی نے تنظیم کو یقین دہانی کروائی اور رو برو کہا کہ وہ پارٹی ڈسپلن کے خلاف ورزی کا سوچ بھی نہیں سکتے، ان کے پورے خاندان نے ہمیشہ سے پارٹی کیساتھ وفاداری نبھائی ہے اور تاقیامت تک پارٹی کے اعتماد اور وابستگی کو عملاً نبھائیں گے، نئے اضلاع کے گزشتہ انتخابات میں پارٹی امیدوار کی کامیابی کیلئے انتھک کوشش کی ہے،

رانا ثناء اللہ نے منشیات سمگلنگ سے کتنی پراپرٹی بنائی؟ رپورٹ جاری

قبل ازیں اے این ایف نے ملک بھر میں 25 کارروائیاں کرتے ہوئے 2077 کلوگرام منشیات برآمد کر لی

اے این ایف کے ترجمان کے مطابق منشیات فروشوں کے خلاف ملک بھر میں آپریشن جاری ہے، منشیات اسمگلنگ میں استعمال ہونےوالی 13 گاڑیاں قبضے میں لی گئیں، منشیات اسمگلنگ میں ملوث 5 خواتین سمیت 40 ملزمان گرفتار کئے گئے،

نوجوان نسل کو منشیات سے روکنا کس کا کام ، وفاقی وزیر ہوا بازی میدان میں آ گئے

اے این ایف ترجمان کے مطابق برآمد ہونے والی منشیات میں 864کلوگرام بھنگ، 2.79 گرام میتھ ایمفیٹامائن،50 گرام کوکین6.4 کلو گرام ممنوع کیمیائی مواد شامل ہیں،برآمد شدہ منشیات کی بین الاقوامی مالیت3 ارب 75 کروڑ روپے ہے،