Category: پشاور

کوہستان میں مسافر جیپ دریا میں گرنے سے خواتین اور بچوں سمیت 9 افراد ہلاک اور 3 زخمی ہوگئے۔

تفصیلات کے مطابق جیپ سیر غازی آباد سے غدر کے علاقے کی جانب رواں دواں تھی لیکن راستہ خراب ہونے کی وجہ سے بے قابو ہو کر دریا میں جا گری. حادثے کے وقت جیپ میں 21 افراد سوار تھے جو کولائی پلس کوہستان کے علاقے میں شلکن آباد کے قریب دریائے سندھ میں جا گری۔

ایس ایچ او نے بتایا کہ 9 افراد نے گاڑی سے اس وقت چھلانگ لگائی جب وہ دریائے سندھ میں گر رہی تھی اور وہ معمولی زخمی ہوئے جبکہ 2 خواتین اور 3 بچوں سمیت دریا میں گرنے والے 9 افراد جاں بحق ہوگئے۔

جاں بحق ہونے والے 9 افراد میں سے 7 کی لاشیں نکال لی گئی ہیں جنہیں قریبی ہسپتال منتقل کردیا گیا۔

پولیس افسر نے کہا کہ دریا میں ڈوبنے والے دیگر افراد کی لاشیں نکالنے کی کوششیں جاری ہیں، اس سلسلے میں جائے حادثہ پر اتنظامیہ کے عہدیدار بھی موجود ہیں۔

گذشتہ برس نومبر میں آزاد کشمیر کے علاقے وادی نیلم کے بالائی علاقوں میں جیپ کھائی میں گرنے سے اسکول جانے والے 3 بچے جاں بحق اور 5 زخمی ہوگئے تھے۔

اس سے قبل فروری 2018 مظفر آباد کے قریب ایک جیپ گہری کھائی میں جا گری تھی جس کے نتیجے میں ایک نومولود سمیت 5 افراد جاں بحق اور 9 زخمی ہوئے تھے۔

خیبر پختونخواہ کے بجٹ میں نسوار بھی مہنگی ہو گئی، نسوار کے عادی افراد نے وزیر اعظم سے مطالبہ کیا ہے کہ نسور کی قیمت میں کمی کی جائے

باغی ٹی وی کی رپورٹ کے مطابق صوبہ خبرپختونخواہ میں نسوار کی قیمت میں اضافے پرنسوار استعمال کرنے والوں نے اضافہ واپس لینے کے مطالبے شروع کردیئے ،چٹکی بھر نسواربھی حکومت نے مہنگی کردی پہلے 10روپے میں پیکٹ ملت اتھا اب 15 روپے کاکردیا۔حکومت کی طرف سے تمباکوپر ٹیکس لگانے سے نسوار بھی مہنگی ہوگئی ہے اور نسوار کے ایک پیکٹ کی قیمت 10روپے سے بڑکر15ہوگئی ہے جس پر تمباکوکے عادی افراد نے حکومت سے مطالبہ کیاکہ حکومت اس اضافہ کوفوری واپس لیاجائے ۔نسوار کے عادی افراد نے وزیراعظم سے مطالبہ کیا ہے اور کہا ہے کہ سب کچھ مہنگا کر دیں لیکن نسوار کو مہنگا نہ کریں ،اگر نسوار کو سستا نہ کیا گیا تو دیکھتے ہیں اگلی بار تحریک انصاف کو کون ووٹ دیتا ہے. پشاور کے ایک شہری گل خان جو پیشے سے ایک تاجر ہے نے باغی ٹی وی کے نمائندہ سے گفتگو کرتے ہوئے کہا کہ ہم نے عمران خان کو اس لئے ووٹ نہیں دیا کہ وہ نسوار بھی مہنگا کر دے. عمران خان نے حکومت کرنا ہے تو نسوار کو سستا کرے نہیں تو ہم بھی نسوار سستا کروانے کے لئے دھرنا دے سکتے ہیں.

واضح رہے کہ نسوار تمباکو کے پتوں کو باریک پیس کر اور پھر اس میں حسب منشا چونا ملا کر تیار کی جاتی ہے۔ نسوار خور اسے ایک ڈبیا میں یا پڑیا میں ڈال کر جیب میں رکھتا ہے اور حسب خواہش منہ میں ڈالتا رہتا ہے۔ تمباکو سے ہر سال پاکستان میں لاکھوں شہری موت کاشکارہوتے ہیں جبکہ منہ کے کینسر کی بڑی وجہ تمباکو نوشی ہے جبکہ نسوار سب سے زیادہ خطرناک نشہ ہے جس سے لوگوں بڑی تعداد میں کینسرکاشکارہوتے ہیں جس پر حکومت نے تمباکوپر ٹیکس لگانے کا فیصلہ کیا ہے

محمد اویس

خیبرپختونخواہ کے علاقے بنوں میں پولیو کا ایک اور کیس سامنے آ گیا

خیبر پختونخواہ میں انسداد پولیو مہم میں رکاوٹ پولیو سٹاف بن گیا

پولیو مہم کے خلاف پروپیگنڈہ، سات تعلیمی اداروں کے خلاف کاروائی
باغی ٹی وی کی رپورٹ کے مطابق بنوںکے علاقے جناتی خیل کے رہائشی ایک بچے میں پولیو وائرس کی تصدیق ہوئی ہے جس کی عمر سترہ ماہ ہے، متاثرہ بچے کی والدہ کا کہنا ہے بچے کو بخار رہتا تھا بعد میں ہاتھ اور پاوں میں ڈھیلا پن آنا شروع ہو گیا

سوشل میڈیا پر پولیو مخالف مواد، کتنے اکاونٹس بند ہوئے، حیران کن خبر

واضح رہے کہ بنوں ڈویژن کو پولیوسے متاثرہ علاقوں میں خطرناک ترین ڈویژن قرار دیا گیا ہے۔

وزیراعظم عمران خان کے معاون خصوصی برائے انسداد پولیو بابرعطا نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ شمالی وزیرستان، لکی مروت اور بنوں میں پولیو کا تیزی سے پھیلنا تشویشناک ہے، مقامی افراد سمیت ہمارا اسٹاف بھی انسداد پولیو مہم کی راہ میں رکاوٹ بنا ہواہے جسے فوری طورپر روکنا ہے۔

دوسری جانب پنجاب، بلوچستان اور سندھ کے منتخب اضلاع میں تین روزہ انسداد پولیو مہم آ ج سے شروع کر دی گئی ہے. مہم کے دوران پانچ سال کی عمر تک کے بچوں کوپولیو سے بچاؤکے قطرے پلائے جائیں گے .

پاکستان میں‌ خیبرپختونخواہ کے مختلف شہروں سوات ، ملاکنڈ اور لوئر دیر میں زلزلے کے جھٹکے محسوس کئے گئے ہیں جس پر شہری کلمہ طیبہ کا ورد کرتے ہوئے گھروں سے باہر نکل آئے

باغی ٹی وی کی رپورٹ کے مطابق زلزلے کے جھٹکوں سے شہریوں میں خوف و ہراس پھیل گیا، اطلاعات کے مطابق زلزلہ کی شدت کا ابھی اندازہ نہیں‌ لگا یا جا سکا اور کسی قسم کے نقصان کی کوئی اطلاع نہیں‌ ہے. سوات ، ملاکنڈ اور لوئر دیر اور گردو نواح میں زلزلے کے شدید جھٹکے محسوس کئے گئے ہیں.

زلزلے کے بعد مذکورہ اضلاع میں لوگ کلمہ طیبہ کا ورد کرتے ہوئے گھروں سے نکل آئے اور اللہ کے حضور استغفار کرتے رہے ۔

پاکستان کے صوبہ خیبر پختونخواہ میں ایک اور بچے میں پولیو وائرس ملنے سے خیبرپختونخواہ میں پولیو کا شکار بچوں کی تعداد 17 ہو گئ ہے

باغی ٹی وی کی رپورٹ کے مطابق خیبر پختونخواہ میں پولیو کا ایک اور کیس سامنے آیا ہے، پولیو آپریشن سنٹر کے مطابق شانگل کے علاقہ کماج میں علی شیر جس کی عمر 18 مہینے ہے میں پولیو وائرس کی تصدیق ہوئی ہے. جس کے بعد پاکستان میں پولیو کے مریضوں کی امسال تعداد 23 ہو گئی ہے. حکام کا کہنا ہے کہ بنوں، لکی مروت ،شمالی وزیرستان میں اگلے ہفتے انسداد پولیو مہم چلائی جائے گی.

The state of Poliovirus outbreak in Bannu Div (N.Waziristan, Lakki & Bannu) is worrysome. Community resistance that includes some of our own staff is what needs to be tackled. I have written to CM KP with indepth outbreak investigation & recommendation report on how to interrupt.

— Babar Atta (@babarbinatta) June 13, 2019

وزیراعظم عمران خان کے معاون خصوصی برائے انسداد پولیو بابرعطا نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ شمالی وزیرستان، لکی مروت اور بنوں میں پولیو کا تیزی سے پھیلنا تشویشناک ہے، مقامی افراد سمیت ہمارا اسٹاف بھی انسداد پولیو مہم کی راہ میں رکاوٹ بنا ہواہے جسے فوری طورپر روکنا ہے۔

قبائلی اضلاع میں الیکشن 20 جولائی کو ہوں گے

قبائلی اضلاع میں الیکشن ملتوی کرنے کا مطالبہ کیوں کیا؟ اجمل خان وزیر میدان میں آ گئے

باغی ٹی وی کی رپورٹ کے مطابق الیکشن کمیشن نے خیبر پختونخواہ کی صوبائی حکومت کی درخواست پر الیکشن اٹھارہ دن کے لئے ملتوی کر دئیے. صوبائی حکومت نے الیکشن کمیشن سے درخواست کی تھی کہ دہشت گرد ی کے خطرے کے باعث الیکشن ملتوی کئے جائیں .پڑوسی ملک افغانستان سےدہشتگردی کی کارروائیوں کاخطرہ ہے، نئےضم شدہ اضلاع میں انتخابات کوسبوتاژکرنےکےخطرات موجود ہیں،سیاسی قیادت کوبھی نشانہ بنانےکےحوالےسےخدشات موجود ہیں. خط کے ذریعے الیکشن کمیشن سے مطالبہ کیا گیا ہے کہ شمالی وزیرستان میں حالیہ واقعات کےباعث بھی انتخابات ملتوی کیےجائیں ضم شدہ اضلاع میں انتخابات 20 دن کے لیے ملتوی کیےجائیں. الیکشن کمیشن پر اسحوالہ سے آج اجلاس ہوا جس میں فیصلہ کیا گیا کہ الیکشن 20 جولائی کو ہوں گے.

قبائلی اضلاع میں الیکشن ملتوی کرنے کا مطالبہ دھاندلی کی کوشش، امیدوار بول پڑے

واضح رہے کہ الیکشن کمیشن کے شیڈول کے مطابق 2 جولائی کو ضم شدہ اضلاع میں انتخابات ہونے ہیں. شمالی وزیرستان میں پی ٹی ایم کے اراکین اسمبلی کی جانب سے پاک فوج کی چیک پوسٹ پر حملے کے بعد دہشت گردی کی کاروائیوں میں اضافہ دیکھنے میں آیا ہے

جنوبی وزیرستان کے علاقے میں بم دھماکے میں ایف سی کے دو اہلکار شہید ہو گئے

باغی ٹی وی کی رپورٹ کے مطابق جنوبی وزیرستان کے علاقے تحصیل لدھا کے علاقہ میشتہ میں بم دھماکہ ہوا ہے جس کے نیتجے میں دو ایف سی اہلکار شہید ہو گئے ہیں، لیویز ذرائع کے مطابق بم دھماکہ ریموٹ کنٹرول تھا، دھماکے کے نتیجے میں ایک راہگیر بھی شہید ہو گیا ہے. واقعہ کی اطلاع ملنے پر سیکورٹی اداروں نے علاقے کو گھیرے میں لے کر تفتیش شروع کر دی ہے، دوسری جانب لاشوں کو مقامی ہسپتال منتقل کر دیا گیا ہے

خیبرپختونخوا کے مختلف علاقوں میں صبح سویرے زلزلے کے جھٹکے محسوس کئے گئے جس پر لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔
تفصیلات کے مطابق زلزلہ پیما مرکز کے مطابق مالاکنڈ ڈویژن میں زلزلے کے جھٹکے محسوس کئے گئے،شانگلہ ،ایبٹ آباد،ہری پور ،دیر،مانسہرہ،مردان ،بالاکوٹ، بٹگرام،تور غر اورکوہستان میں بھی زلزلے کے جھٹکے محسوس کئے گئے،زلزلہ پیما مرکز کے مطابق ریکٹر سکیل پر زلزلے کی شدت 5 اعشاریہ 1 ریکارڈکی گئی جبکہ اس کا مرکزبٹگرام سے 20 کلومیٹر دور مغرب میں پہاڑی سلسلہ تھا،زلزلے کے جھٹکے محسوس ہونے پر لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے،زلزلے میں کسی جانی یامالی نقصان کی اطلاع موصول نہیں ہوئی