پاکستان ریلوے کی مسافر ٹرین کی انوکھی نجکاری سامنے آئی گئی منافع کے بجائے ریلوے کوخسارہ برداشت کرناپڑگیا ، خوشحال خان ایکسپریس کی تین سال کے لیے سالانہ 844ملین روپے پر نجکاری کی گئی ،2017میں معائدے پرنظرثانی کرکے502ملین روپے سالانہ کرنے سے ریلوے کو 311ملین روپے کاخسارہ برداشت کرناپڑا

تفصیلات کے مطابق ایکسپریس کی تین سال کے لیے سالانہ 844ملین روپے پر نجکاری کی گئی ،2017میں معائدے پرنظرثانی کرکے اس کو502ملین روپے سالانہ کردیاگیا،معائدے پر نظرثانی کرنے سے ریلوے کوخوشحال خان خٹک کو چلانے کی وجہ سے 311ملین روپے کاخسارہ برداشت کرناپڑا،نجکاری کے باوجودخوشحال خان سے سب سے زیادہ خسارہ ریلوے کو برداشت کرناپڑا۔

سرکاری دستاویزات کے مطابق محکمہ ریلوے نے 2016میں4ٹرینوں کی تین سال کے لیے نجکاری کی جس میں پشاور سے کراچی جانے والی خوشخال خان خٹک ایکسپریس بھی تھی خوشحال خان ایکسپریس کو ریلوے کی پرائیوٹ کمپنی پراکس نے سالانہ844ملین سالانہ پر لیا تھا ۔2017میں معاہدے پر نظرثانی کی گئی اور رقم سالانہ 844ملین سے کم کرکے 502ملین روپے کردیاگیا۔ریلوے نے مالی سال 2018-19 میں اس گاڑی کوچلانے پر 813ملین روپے خرچ کئے جبکہ معائدے کے تحت ریلوے کوپراکس کمپنی نے 502ملین روپے سالانہ اداکئے ۔ اس طرح ریلوے کو منافع ہونے کے بجائے صرف اس ٹرین سے311ملین روپے کا خسارہ برداشت کرناپڑا جو تمام مسافر ٹرنیوں سے سب سے زیادہ ہے ۔

اس حوالے سے ریلوے کے اس وقت کے چیف کمرشل منیجراور موجودہ پراکس کمپنی کے سربراہ عبدالمجید رازی نے کہاکہ 2016میںجب معائدہ ہواتھااس وقت خوشحال ایکسپریس کے ساتھ اے سی کی کوچز تھیں بعد میں ہٹادی گئیں جس پر معائدے پر نظرثانی کی گئی اور سالانہ 502ملین روپے کردی گئی اے سی کوچزکاکرایہ زیادہ ہوتاہے ۔ سی ای او ریلوے آفتاب اکبر نے کہاکہ 2016میں جب ہم نے اس کاجائزہ لیاتواس وقت خوشحال خان کی آمدن 350ملین روپے سالانہ تھی جس پر اس کی نجکاری کرناکافیصلہ کیاپہلی نجکاری 844ملین میں ہوئی مگر کمپنی نے کچھ عرصے بعد معائدے سے علیحدگی اختیارکرلی کہ ہم اس گاڑی سے اتنا نہیں کماسکتے ہیں جس پر2017میںدوبارہ نجکاری کی گئی اور وہ 502ملین سالانہ میں ہوئی ۔اس نجکاری کی وجہ سے ہم نے 150ملین اضافی کمائے ہیںاور خسارے میں 150ملین کی کمی کی گئی ہے ۔محمد اویس

خیبر پختونخوا میں ہونے والی حالیہ مون سون بارشوں سے ایک بچے سمیت 5 افراد جاں بحق ہوگئے جب کہ چترال کے مختلف علاقوں میں سیلابی صورت حال پیدا ہوگئی ہے۔

باغی ٹی وی رپورٹ کے مطابق صوبائی ڈیزاسٹر منیجمنٹ اتھارٹی نے خیبر پختونخوا بھر میں ہونے والی حالیہ مون سون بارشوں سے ہونے والے جانی اور مالی نقصان کی تفصیلات جاری کردی ہیں، جس کے مطابق صوبے کے مختلف علاقوں میں حالیہ بارشوں کے باعث مختلف حادثات میں 5 افراد جاں بحق ہوئے ہیں جن میں 2 بچے اور ایک خاتون بھی شامل ہیں۔ بونیر اور مانسہرہ میں ایک ایک جب کہ شانگلہ میں 2 افراد جاں بحق ہوئے جب کہ ایبٹ آباد میں 5 سالہ بچہ برساتی نالے میں جان کی بازی ہار گیا۔

بارشوں کے دوران مختلف واقعات میں18افراد زخمی بھی ہوئے جن میں 6 خواتین اور ایک بچہ بھی شامل ہے۔ بارشوں سے 5 مکانات تباہ جب کہ 2 کوجزوی نقصان پہنچا، اس کے علاوہ ایک اسکول مکمل تباہ جب کہ 2 کو جزوی نقصان پہنچا ہے۔
دوسری جانب چترال کے مختلف علاقوں میں سیلابی صورت حال پیدا ہوگئی ہے۔ ضلعی انتظامیہ کا کہنا ہے کہ سیلابی ریلے کے باعث ترچ، کوشٹ اور شیشیکوہ روڈ ہر قسم کی ٹریفک کی آمد و رفت کے لیے بند ہے۔

خیبرپختونخوا اسمبلی کے انتخابات میں پی کے 110 اورکزئی سے کامیاب آزاد امیدوار غازی خان جمال نے تحریک انصاف میں شمولیت اختیار کرلی۔

تفصیلات کے مطابق وزیراعظم عمران خان سے ایم پی اے غازی خان جمال اور سابق ایم این اے جی جی جمال نے ملاقات کی اور پارٹی میں شمولیت کا اعلان کیا۔ دونوں رہنماؤں نے وزیراعظم عمران خان کی قیادت پر مکمل اعتماد کا اظہار کیا۔ وزیراعلیٰ خیبرپختونخوا محمود خان بھی ملاقات میں موجود تھے۔

شمالی اور جنوبی وزیرستان میں تین مقامات پر تیل اور گیس کے ذخائر موجود ہی جن کی نشاندہی کر لی گئی ہے

تیل وگیس کا نیا ذخیرہ دریافت، کتنا تیل و گیس نکل رہی ہے؟ جان کرہر پاکستانی خوش ہو جائے

باغی ٹی وی کی رپورٹ کے مطابق مشیر وزیراعلیٰ کے پی حمایت اللہ کا کہنا ہے کہ تیل اور گیس کے نئے ذخائر شمالی اور جنوبی وزیرستان میں موجود ہیں ، تین مقامات کی نشاندہی کرد ی گئی ہے،جلد کام شروع کردیا جائے گا،

پاکستان میں تیل و گیس کے ذخائر کی دریافت کا کام کیوں روکا گیا؟ سینئر صحافی مبشر لقمان نے کئے انکشاف

انکا مزید کہنا تھا کہ ایک کنویں میں گیس اور تیل کی تلاش کے لیے 35 ملین ڈالر درکار ہیں

ڈیموں کے مخالفین پاکستان کے دشمن ہیں: سابق چیئرمین واپڈا انجینئر شمس الملک

خیبرپختونخوا آئل اینڈ گیس کمپنی کے سی ای و عثمان غنی خٹک کا کہنا ہے کہ شمالی اور جنوبی وزیرستان میں تیل اور گیس کے ذخائر سے 2 ارب روپے سالانہ کی آمدن متوقع ہوگی، کوشش ہےمنصوبے پر کام سرکاری کمپنی کو دیا جائے.

تحریک انصاف کی حکومت کو سندھ سے تیل و گیس کا ذخیرہ ملا ہے.اوجی ڈی سی ایل کی جاری سے جانب اعلامئے کے مطابق تیل و گیس کا ذخیرہ سانگھڑ میں دریافت کیا گیا ،ذخیرے سے یومیہ 520 بیرل تیل نکالا جا رہا ہے . اعلامیے کے مطابق یومیہ 91 لاکھ مکعب فٹ گیس بھی نکالی جا رہی ہے.

خیبرپختونخوا اسمبلی میں نومنتخب قبائلی اراکین کیلیے 21 کرسیاں لگا دی گئی ہیں، اسپیکر کی ہدایت پرخیبرپختونخوا اسمبلی کے ہال میں دیگر ضروری تیاریاں بھی جاری ہیں،

باغی ٹی وی کی رپورٹ کے مطابق 20 جولائی کےانتخابات میں قبائلی اضلاع کی 16 جنرل نشستوں پر امیدوار کامیاب ہوئے تھے، صوبائی اسمبلی کے 4 نشستیں خواتین اور ایک نشست اقلیت کیلیے مختص ہے،

قبائلی اضلاع سابقہ فاٹا میں ہونے والے حالیہ انتخابات میں اپوزیشن جماعتوں‌ کا اتحاد نہ ہونے کی وجہ سے اپوزیشن بڑی شکست سے دورچار ہوگئی تھی،

رپورٹ کے مطابق اپوزیشن کے اتحاد سے صرف 3 حکومتی و آزاد ارکان جیت سکتے تھے باقی تمام سیٹیں اپوزیشن کی ہوتیں، سابقہ فاٹاکے صوبائی انتخابات میں کل 7لاکھ24ہزار28ووٹ ڈالے گئے، تحریک انصاف کو 1لاکھ 82ہزار23 ،آزادجیتنے والے تمام ارکان نے84ہزار599ووٹ حاصل کئے ،تیسرے نمبر پرجے یو آئی(ف)1لاکھ 12ہزار 9سو 99، چوتھے نمبرپرجماعت اسلامی کو56ہزار2سو 4 ووت ملے ، پانچویں نمبر پراے این پی کو 47ہزار9سو85،چھٹے نمبر پر پیپلزپارٹی کو28ہزار3سو89اورساتوں نمبر پر مسلم لیگ ن کو8ہزار2سو3ووٹ ملے ،پی ٹی آئی نے16،جے یوآئی نے 15،جے آئی ،اے این پی ،پی پی نے 13،مسلم لیگ نے5امیدوارکھڑے کئے تھے،