Category: پشاور

لکی مروت میں دہشت گردوں نے گیس پائپ لائن کو دھماکے سے اڑا دیا، جس کے نتیجے میں پنجاب کو گیس کی فراہمی معطل ہو گئی۔

لکی مروت پولیس کے ترجمان نے بتایا کہ دہشت گردوں نے بھانہ منجی والا علاقے کی حدود میں پائپ لائن پر نصب دھماکہ خیز مواد کو اڑا دیا، دھماکے کے بعد پولیس کی بھاری نفری اور بم ڈسپوزل اسکواڈ موقع پر پہنچ گئے اور ارد گرد کے علاقے میں سرچ آپریشن شروع کر دیا،دھماکے سے مقام پر ایک بڑا گڑھا بن گیا، جس کی وجہ سے لکی مروت سے پنجاب کے میانوالی ریجن تک گیس کی فراہمی مکمل طور پر بند ہو گئی۔

پولیس حکام نے بتایا کہ اس مقام پر اس سے قبل بھی مرکزی ٹرانسمیشن گیس پائپ لائن پر تین اسی نوعیت کے حملے ہو چکے ہیں،جولائی میں، لکی مروت کے وندا امیر علاقے کے قریب پنجاب جانے والی گیس پائپ لائن کو بھی دھماکے سے اڑا دیا گیا تھا، جس سے گیس کی فراہمی معطل ہو گئی تھی۔ بعد ازاں اسی ماہ کے آخر میں، طوروہ علاقے میں ایک ماہ کے اندر چوتھی بار دھماکہ خیز مواد کے پھٹنے سے پائپ لائن کو شدید نقصان پہنچا تھا۔

اقتصادی رابطہ کمیٹی اجلاس،میں اہم اقتصادی فیصلوں کی منظوری

جون میں بھی اسی نوعیت کے دو واقعات پیش آ چکے تھے جون کے آغاز میں، مبینہ دہشت گردوں نے بیٹنی گیس فیلڈ سے پنجاب جانے والی ایک اہم پائپ لائن کو نشانہ بنایا اس کے بعد، اس واقعے کے دس دن کے اندر جبرخیل علاقے کے قریب ایک بار پھر پائپ لائن کو دیسی ساختہ دھماکہ خیز آلہ سے اڑا دیا گیا۔

دوسری،جانب،سوئی سدرن گیس کمپنی (ایس ایس جی سی ) نے یوم آزادی کے موقع پر ملک بھر میں گیس لوڈشیڈنگ نہ کرنے کا اعلان کردیا،ترجمان ایس ایس جی سی کے مطابق آج اور کل رات کو گیس کی فراہمی بلا تعطل جاری رہے گی جب کہ ملک میں کل اور 15 اگست کی درمیانی شب رات 12 بجے تک گیس بلاتعطل دستیاب رہے گی۔

یوٹیلیٹی اسٹورز کی بندش :آصفہ بھٹو نے معاملہ قومی اسمبلی میں اٹھا دیا

گزشتہ روز ایس ایس جی سی کی جانب سے کراچی میں یوم آزادی کے موقع پر گیس کی بندش کا اعلان کیا گیا تھاترجمان سوئی سدرن کا کہنا تھا کہ ترجمان ایس ایس جی سی نے کہا ہے کہ واٹربورڈ نے اپنی لائنوں کی بحالی میں تعاون کی درخواست کی ہے جس کے باعث سوئی سدرن کو اپنی مرکزی لائن ہارون آباد سائٹ ایریا منتقل کرنا ہوگی، منتقلی کے کام کے دوران جمعرات 14اگست کو صبح 08 بجے سے رات 10بجے تک 14 گھنٹے کے لیے گیس کی فراہمی معطل رہے گی-

خیبر پختونخوا کی ٹورازم پولیس کے اہلکار گزشتہ تین ماہ سے تنخواہوں سے محروم ہیں۔

ذرائع کے مطابق ٹورازم ایکٹ میں ترمیم کابینہ سے منظور ہونے کے باوجود اسمبلی اجلاس میں پیش نہیں کی جا سکی۔اس وقت تقریباً 160 کانسٹیبلز مختلف مقامات پر ڈیوٹیاں سرانجام دے رہے ہیں۔ڈی جی ٹورازم کے مطابق آج اہلکاروں کو تنخواہیں ادا کر دی جائیں گی جبکہ اسمبلی سے ترمیمی بل پاس ہونے کے بعد بقیہ ادائیگیاں بھی کی جائیں گی۔

کوئٹہ میں ریموٹ کنٹرول بم دھماکا، پولیس موبائل محفوظ

ملاقات نہ ہو تو پی ٹی آئی توہینِ عدالت کی درخواست دائر کرے،رانا ثناء اللّٰہ

شاہ محمود قریشی بانی کی ہدایات کے برعکس کچھ نہیں کریں گے، سلمان اکرم راجا

خیبر پختونخوا کابینہ نے ضلع باجوڑ کے متاثرین کے لیے امدادی پیکیج کی منظوری دے دی ہے۔

صوبائی حکومت کے مطابق متاثرہ علاقوں سے نقل مکانی کرنے والے ہر خاندان کو 50 ہزار روپے دیے جائیں گے، جبکہ ٹارگٹڈ کارروائی مکمل ہونے کے بعد مزید 25 ہزار روپے فراہم کیے جائیں گے۔ یہ رقم اے ڈی سی ریلیف کے ذریعے دی جائے گی۔حکومت نے ڈپٹی کمشنر باجوڑ کو متاثرہ خاندانوں کی رجسٹریشن کی ہدایت کر دی ہے۔ ضلعی انتظامیہ نے متاثرین کے لیے مختلف سرکاری اسکولوں میں رہائش کا انتظام کیا ہے، جبکہ ڈمہ ڈولہ، انعام خورو، چینہ گئی اور چوہترہ سے آنے والے متاثرین کے لیے کیمپ قائم کیے گئے ہیں۔

یاد رہے کہ تحصیل ماموند میں دہشت گردوں کے خلاف کارروائیوں کے باعث مختلف علاقوں سے نقل مکانی کا سلسلہ جاری ہے۔

پنجاب کے پسماندہ علاقوں کے لیےچین سے مزید 100 بسیں روانہ

ویسٹ انڈیز کا پاکستان کو 295 رنز کا ہدف، قومی ٹیم 8 پر 3 وکٹیں گنوا بیٹھی

امریکا اور اسرائیل کو نسل کشی کےذمہ دار، چیٹ بوٹ ’گروک‘معطل

عطا اللہ تارڑ اور پی آئی او مبشر حسن ستارہ امتیاز کے لیے نامزد

سالارزئی کی لرآمدک قوم کے گرینڈ جرگے نے دہشت گردوں کو پناہ نہ دینے کا اعلان کیا ہے۔

سالارزئی کی لرآمدک قوم کے گرینڈ جرگے نے دہشت گردوں کو پناہ نہ دینے کا اعلان کیا ہے،سرکاری ذرائع کا کہنا ہے کہ باجوڑ کی تحصیل ماموند اور لوئی ماموند میں دہشتگرد موجود ہیں، ماموند اور لوئی ماموند میں انٹیلیجنس کی بنیاد پر کارروائیاں کی جا رہی ہیں، ٹارگٹڈ کارروائیوں کے دوران عوام کی سہولت کے لیے صوبائی اور مقامی انتظامیہ، ریاستی اداروں کیساتھ مل کر انتظامات کر رہی ہے۔

سالارزئی کی لرآمدک قوم کے گرینڈ جرگے نے دہشت گردوں کو پناہ نہ دینے کا اعلان کیا ہے، گرینڈ جرگے نے فیصلہ کیا ہے کہ سالارزئی میں کسی کو بھی اجازت نہیں دیتے کہ وہ امن خراب کرے یا دہشت گردی پھیلائے۔

ترکیہ: صوبہ چناق قلعہ میں خوفناک جنگلاتی آگ بھڑک اٹھی

سرکاری ذرائع کا کہنا ہے کہ عوام اور مقامی مشران دہشت گرد خارجیوں کے خلاف ریاست کاساتھ دے رہے ہیں، ملک بھر میں سیکیورٹی فورسز روزانہ کی بنیاد پر تقریباً 200 سے زائد انٹیلیجنس بیسڈ آپریشنز کرتی ہیں،باجوڑ میں کئی دن سے تحصیل لوئی ماموند سے کثیر تعداد میں لوگوں کی نقل مکانی جاری ہے، ضلعی انتظامیہ نے متاثرین کے لیے 107 سرکاری اسکول اور کالجز خالی کرا دیے ہیں،باجوڑ اسپورٹس کمپلیکس میں 450 ٹینٹس پر مشتمل کیمپ قائم کیا گیا ہے-

سیکیورٹی ذرائع کا کہنا ہے کہ آخری دہشت گرد کے خاتمے تک سیکیورٹی فورسز ان ملک دشمن عناصر کیخلاف برسرِ پیکار رہیں گی۔

بھارت کی جانب سے دریائے ستلج میں پانی چھوڑے جانے کا امکان، الرٹ جاری

باجوڑ کی تحصیل ماموند کے 27 علاقوں میں ٹارگٹڈ آپریشن کےپیش نظر 3 روز کیلئے کرفیو نافذ کردیا گیا۔

ضلعی انتظامیہ کے مطابق باجوڑ میں آج صبح 11 سے رات 11 بجے تک تحصیل ماموند میں کرفیو نافذ رہے گا، ٹارگٹڈ آپریشن کے پیش نظرتحصیل ماموند کے 27 علاقوں میں 3 روز کیلئے کرفیو نافذ کردیا گیا،تحصیل لوئی ماموند سے کثیر تعداد میں لوگوں کی نقل مکانی جاری ہے، ضلعی انتظامیہ نے متاثرین کے لیے 107 سرکاری اسکول اور کالجز خالی کروا دیے ہیں۔

ضلعی انتظامیہ نے اپیل کی کہ شہری اپنی سرگرمیاں ختم کرکے کرفیو کے دوران گھروں تک محدود رہیں۔

لنڈی کوتل: ویٹرنری ہسپتال، ڈاکٹرز غائب، عوام پریشان

دوسری،جانب،مشیر اطلاعات خیبر پختونخوا بیرسٹر سیف نے واضح کیا ہے کہ صوبہ خیبر پختونخوا میں کرفیو کی خبریں من گھڑت اور افواہیں ہیں، کرفیو صرف باجوڑ اور میرانشاہ کے مخصوص علاقوں تک محدود ہے کرفیو کی خبریں سیاسی پروپیگنڈا ہیں، عوام کو گمراہ کرنے کی کوشش کی جا رہی ہے، افواہ ساز مافیا صوبے کا امن اور ترقی کے سفر کو خراب کرنا چاہتا ہے، حکومت کی توجہ عوامی خدمت پر ہے اور مخالفین کی توجہ جھوٹ پھیلانے پر ہے۔

بیرسٹر سیف نے کہا کہ خیبرپختونخوا میں نقل و حرکت مکمل آزاد ہے، تجارتی سرگرمیاں معمول کے مطابق جاری ہیں، عوام افواہوں پر کان نہ دھریں اور صرف سرکاری معلومات پر اعتماد کریں،سوشل میڈیا پر جھوٹ پھیلانے والوں کے خلاف کارروائی ہوگی، خیبر پختونخوا کے عوام باشعور ہیں، پروپیگنڈہ ناکام ہوگا۔

عمران خان کے گھر کی نیلامی کی خبریں بے بنیاد ہیں، نیب ذرائع

پشاور: محکمہ صحت خیبرپختونخوا کی آڈٹ رپورٹ میں 2018 سے 2021 تک صحت انصاف کارڈ میں مالی بے ضابطگیوں کا انکشاف ہوا ہے۔

آڈٹ رپورٹ کے مطابق صحت کارڈ اور دیگر منصوبوں میں28 ارب61 کروڑ روپےکی مالی بےقاعدگیاں سامنے آئی ہیں، نجی اسپتالوں کو غیرضروری طور پر صحت سہولت کارڈ پینل میں شامل کیا گیا، پینل میں شامل نہ ہونے والے بعض نجی اسپتالوں کو اربوں روپےکی ادائیگیاں کی گئیں، 10اضلاع کے 48 میں سے17 اسپتال صحت سہولت کارڈ پینل میں رجسٹرڈ نہیں تھے۔

رپورٹ کے مطابق غیر رجسٹرڈ اسپتالوں کو صحت سہولت پروگرام کے تحت ادائیگیاں کی گئیں، سوات کے دو غیر رجسٹرڈ نجی اسپتالوں کو 1،1 ارب روپے سے زیادہ کی ادائیگیاں کی گئیں، 32 ڈی ایچ کیو اسپتال میں ضرورت سے زائد بھرتیاں کی گئیں جس سے خزانےکو نقصان پہنچا، ضرورت سے زیادہ بھرتیوں سے خزانےکو 82 کروڑ 40 لاکھ روپےکا نقصان ہوا۔

پنجاب میں ہونہار اسکالر شپ پروگرام کی رجسٹریشن کا آغاز

رپورٹ کے مطابق،یکم مارچ 2022 کو سینٹرل منیجمنٹ انفارمیشن سسٹم متعارف کرانا تھا جو نہیں ہوا، سینٹرل منیجمنٹ انفارمیشن سسٹم محکمہ صحت اور نادرا نے متعارف کرانا تھا، محکمہ صحت اور نادرا نے صحت سہولت پروگرام کے لیے یہ سسٹم متعارف کرانا تھا،صحت سہولت کارڈ سے استفادہ کرنے والے مریضوں کا مکمل ڈیٹا دستیاب نہیں۔

مظفر آباد : باراتیوں کی گاڑی کھائی میں جا گری ، 4افراد جاں بحق ، 9 زخمی

وزیراعلیٰ خیبر پختونخوا علی امین گنڈاپور نے کہا ہے کہ پاکستان میں آئین و قانون نام کی کوئی چیز باقی نہیں رہی، عوامی نمائندوں کو بلاوجہ نا اہل کرکے ان کے حقوق چھینے جا رہے ہیں۔

ایک بیان میں علی امین گنڈاپور کا کہنا تھا کہ الیکشن کے دوران ملک بھر میں ہم سے مینڈیٹ چوری کیا گیا، فارم 47 کی مانگے تانگے کی حکومت ہم پر مسلط کی گئی،رجیم چینج سے حکومت گرانے کے بعد پی ٹی آئی حالتِ جنگ میں ہے ، انتقامی کارروائیاں عروج پر ہیں، مگر ہم پیچھے نہیں ہٹیں گے،سابق حکومتوں کی کرپشن کو ہمارے خلاف ہتھیار بنایا جا رہا ہے، کوہستان اسکینڈل صوبے کا نہیں بلکہ وفاق کا معاملہ ہے مگر الزام ہم پر ڈالا جا رہا ہے۔

خاتون سے زیادتی اور جان سے مارنے کی دھمکیاں دینے والا شخص گرفتار

انہوں نے مزید کہا کہ 17 ماہ میں صوبے نے 250 ارب روپے سے زائد آمدنی حاصل کر کے تاریخ رقم کی ، ہمیں قرضوں میں ڈوبا ہوا اور تنخواہوں کے لالے پڑے صوبے کا چارج ملا، صوبے کو مالی تباہی سے نکال کر کامیابی کی طرف گامزن کر دیا،دہشتگردی کا خاتمہ اور عوام کا اعتماد بحال کرنا سب سے بڑی ترجیح ہے، جرگوں کا دائرہ مزید وسیع کیا جائے گا، عوام کی رائے فیصلہ کن ہو گی-

غزہ پر فوجی قبضے کی تجویز :اسرائیلی وزیر خزانہ نے حکومت گرانے کی دھمکی دیدی

پشاور میں وزیرِ اعلیٰ خیبر پختونخوا علی امین گنڈاپور کی قیادت میں قبائلی عمائدین پر مشتمل جرگے نے امن و استحکام کے لیے حکومت کے ساتھ مکمل تعاون کا اعلان کیا ہے۔

جرگے نے افغانستان سے مذاکرات کے لیے وفاقی و صوبائی حکومتوں، سیکیورٹی اداروں کے نمائندوں اور علاقائی مشران پر مشتمل ایک بااختیار کمیٹی تشکیل دینے کی سفارش کی ہے تاکہ خطے میں پائیدار امن کو یقینی بنایا جا سکے۔مزید برآں، جرگے نے قبائلی علاقوں کے لوگوں کو روزگار فراہم کرنے کے لیے افغانستان کے ساتھ تجارتی راستے کھولنے پر زور دیا ہے تاکہ معاشی ترقی کو فروغ دیا جا سکے۔

روس کے کوریل جزائر میں 6.0 شدت کا زلزلہ

اسلام آباد ایئرپورٹ 8 دن بند ہونے کی خبریں گمراہ کن قرار

کراچی: گروپوں کے تصادم میں فائرنگ، بچی سمیت 6 افراد زخمی

لندن: پارلیمنٹ اسکوائر پر فلسطین ایکشن کے احتجاج میں 365 افراد گرفتار