Baaghi TV

Category: پشاور

  • خیبرپختونخوا: سکولز کے بعد کالجز نجی شعبے کے حوالے کرنے کی تیاری مکمل

    خیبرپختونخوا: سکولز کے بعد کالجز نجی شعبے کے حوالے کرنے کی تیاری مکمل

    خیبرپختونخوا میں پاکستان تحریک انصاف کے تیسرے دورِ حکومت میں شعبہ تعلیم میں اصلاحات کے سلسلے میں 55 کالجز کو نجی شعبے کے حوالے کرنے کی تیاری مکمل کرلی گئی ہے۔

    ہائر ایجوکیشن ڈیپارٹمنٹ نے ان کالجز کی فہرست جاری کردی ہے۔ اس سے قبل رواں سال محکمہ ابتدائی و ثانوی تعلیم کے 1500 اسکول بھی پرائیویٹ کیے جا چکے ہیں۔فہرست کے مطابق سب سے زیادہ کالجز وزیراعلیٰ خیبرپختونخوا علی امین گنڈاپور اور گورنر فیصل کریم کنڈی کے آبائی ضلع ڈیرہ اسماعیل خان سے شامل ہیں جن کی تعداد سات ہے۔

    اسی طرح صوبائی وزیر تعلیم فیصل ترکئی کے آبائی ضلع صوابی کے 6 کالجز، جنوبی وزیرستان اور کرک کے 5، بنوں کے 4 جبکہ بٹگرام اور اورکزئی کے 3، 3 کالجز نجی شعبے کے حوالے کیے جائیں گے۔مزید برآں ضلع ایبٹ آباد، ہری پور، مانسہرہ، نوشہرہ، کرم، شانگلہ اور کوہستان کے 2، 2 کالجز جبکہ پشاور، ہنگو، دیر لوئر، مالاکنڈ، شمالی وزیرستان اور ایف آر ٹانک کا ایک، ایک کالج نجکاری میں شامل ہے۔

    امریکا کو پارسل بھیجنے کی خدمات 25 ممالک نے معطل کر دیں

    سیالکوٹ ،355 ملی میٹر ریکارڈ بارش سے شہر زیرِ آب

    کیپٹو پاور لیوی کا فائدہ عوام کو منتقل کرنے کی منظوری

    امریکا میں پاکستانی سفیر کا ہر محاذ پر بھارت کا مقابلہ کرنے کا عزم

    کوئٹہ: ڈیگاری قتل کیس میں اہم پیشرفت، مقتولہ کا دیور گرفتار

  • پاک فوج کے جوان سیلاب متاثرہ علاقوں میں اپنے عوام کے شانہ بشانہ

    پاک فوج کے جوان سیلاب متاثرہ علاقوں میں اپنے عوام کے شانہ بشانہ

    پاک فوج کے جوان سیلاب متاثرہ علاقوں میں اپنے عوام کے شانہ بشانہ کھڑی ہے

    بالاکوٹ کے سیلاب متاثرہ علاقوں میں پاک فوج کی جانب سے امدادی سرگرمیاں جاری ہیں،پاک فوج کی جانب سے بالاکوٹ میں سیلاب متاثرین کیلئے مفت میڈیکل کیمپ کا انعقاد کیا گیا ہے،پاک فوج کے میڈیکل کیمپ میں 1327سے زائد افراد کو طبی سہولیات فراہم کی گئیں ،میڈیکل کیمپ میں740مرد، 336خواتین اور251 بچوں کا بھی مفت چیک اپ اور ادویات فراہم کی گئیں،معدے، پٹھوں کے درد ،خارش اور سانس کی بیماریوں سمیت دیگر امراض میں مبتلا مریضوں کا چیک اپ کیا گیا،بالاکوٹ کے مقامی افراد کیلئے منعقدہ پاک فوج کے مفت میڈیکل کیمپ میں ڈاکٹرز سمیت طبی عملہ شامل تھا

    پاک فوج کے جوان سیلاب متاثرہ بالاکوٹ میں عوامی ضرورت کے پیشِ نظر امدادی کاموں میں مصروف ہیں ،پاک فوج سیلاب جیسی قدرتی آفت سے نمٹنے اور اپنے عوام کی مدد میں ہمہ وقت پیش پیش ہے،

  • زرتاج گل کی نااہلی کیخلاف دائر درخواست پر الیکشن کمیشن اور دیگر فریقین کو نوٹس جاری

    زرتاج گل کی نااہلی کیخلاف دائر درخواست پر الیکشن کمیشن اور دیگر فریقین کو نوٹس جاری

    پشاور ہائی کورٹ نے پاکستان تحریک انصاف (پی ٹی آئی) کی رہنما زرتاج گل کی نااہلی کے خلاف دائر درخواست پر الیکشن کمیشن اور دیگر فریقین کو نوٹس جاری کردیا۔

    پشاور ہائی کورٹ میں پی ٹی آئی کی رہنما زرتاج گل کی نااہلی کے خلاف دائر درخواست کی سماعت جسٹس وقار احمد اور جسٹس اعجاز خان نے کی،درخواست گزار کے وکیل نے بتایا کہ انسداد دہشت گردی کی خصوصی عدالت فیصل آباد نے درخواست گزار کو 10 سال قید کی سزا سنائی تھی، 5 اگست کو الیکشن کمیشن نے زرتاج گل کو بھی نااہل قرار دیا۔

    جسٹس وقار احمد نے ریمارکس میں کہا کہ آپ لاہور ہائی کورٹ کیوں نہیں گئے؟وکیل درخواست گزار نے کہا کہ لاہور ہائی کورٹ نہ جانے کی کچھ وجوہات ہیں، عمر ایوب، شبلی فراز کی بھی اسی طرح کی درخواستیں یہاں پر زیر سماعت ہیں، عمر ایوب، شبلی فراز کو بھی اسی کیس میں نااہل کیا گیا تھا،جسٹس وقار احمد نے کہا کہ دیگر درخواستوں کے ساتھ اس کو بھی سنیں گے، آئندہ سماعت پر اس کیس کے دائرہ اختیار پر بھی آپ کو سنیں گے۔

    امریکی دباؤ:کوریا ایئر اور امریکی فضائی کمپنی بوئنگ کے درمیان تاریخی معاہدہ

    عدالت نے الیکشن کمیشن کو 5 اگست کے نوٹی فکیشن پر مزید کارروائی سے روکتے ہوئے الیکشن کمیشن اور دیگر فریقین کو نوٹس جاری کردیا، عدالت نے فریقین سے 14 دن کے اندر جواب طلب کرتے ہوئے سماعت ملتوی کردی۔

    یاد رہے کہ 6 اگست کو پاکستان تحریک انصاف کے رہنماؤں نے نااہلی کے خلاف اور عبوری ضمانت کے لیے پشاور ہائی کورٹ سے رجوع کیا تھا، اپوزیشن لیڈر عمرایوب اور شبلی فرازسمیت زرتاج گل نے پشاور ہائی کورٹ میں درخواستیں جمع کرائی تھیں،عمر ایوب نے نااہلی کے خلاف پشاور ہائی کورٹ میں درخواست دائر کی تھی، جس میں انہوں نے الیکشن کمیشن آف پاکستان (ای سی پی) کے فیصلے کو چیلنج کیا تھا۔ بعد ازاں پشاور ہائی کورٹ نے ان کی نااہلی پر مزید کارروائی کو روکنے کا حکم جاری کیا تھا۔

    عشرہ رحمت اللعالمینؐ، ملک بھرمیں عقیدت و احترام سے منانے کا اعلان

  • ٹانک اور شمالی وزیرستان میں پولیو کے 2 نئے کیسز رپورٹ،رواں سال مجموعی کیسز23 ہوگئے

    ٹانک اور شمالی وزیرستان میں پولیو کے 2 نئے کیسز رپورٹ،رواں سال مجموعی کیسز23 ہوگئے

    صوبہ خیبر پختونخوا کے 2 جنوبی اضلاع سے پولیو کے 2 نئے کیسز کی تصدیق ہوئی ہے جس کے بعد پاکستان میں 2025 کے مجموعی کیسز کی تعداد 23 ہوگئی۔

    نیشنل انسٹیٹیوٹ آف ہیلتھ (این آئی ایچ) اسلام آباد میں قائم ریجنل ریفرنس لیبارٹری فار پولیو ایریڈیکیشن نے جنوبی خیبر پختونخوا سے پولیو کے 2 نئے کیسز کی تصدیق کی ہے، ایک ضلع ٹانک اور دوسرا ضلع شمالی وزیرستان سے سامنے آیاتازہ کیسز میں یونین کونسل ملزئی ضلع ٹانک کی 16 ماہ کی بچی اور یونین کونسل میران شاہ-3 ضلع شمالی وزیرستان کی 24 ماہ کی بچی شامل ہے، ان کیسز کے بعد سال 2025 میں پاکستان میں پولیو کیسز کی کل تعداد 23 ہوگئی ہے، جن میں 15 خیبر پختونخوا، 6 سندھ سے، اور ایک ایک پنجاب اور گلگت بلتستان سے رپورٹ ہوا ہے۔

    پولیو وائرس کی منتقلی روکنے کے لیے نیشنل ایمرجنسی آپریشن سنٹر نے آئندہ کم ٹرانسمیشن سیزن کے لیے جامع ویکسینیشن شیڈول تیار کیا ہے، اس سیزن کی پہلی مہم یکم سے 7 ستمبر 2025 تک ملک بھر میں چلائی جائے گی، جبکہ جنوبی خیبر پختونخوا میں یہ مہم 15 ستمبر سے شروع ہوگی، اس دوران 5 سال سے کم عمر کے 2 کروڑ 80 لاکھ سے زائد بچوں کو گھر گھر جا کر پولیو کے قطرے پلائے جائیں گے۔

    پاکستان اسٹاک ایکسچینج :100 انڈیکس میں386 پوائنٹس کا اضافہ ریکارڈ

    واضح رہے ملک کے 75 سے زائد اضلاع کے ماحولیاتی نمونوں میں پولیو وائرس کے موجود ہونے کا انکشاف ہوا ہے جس کے سبب وزیراعظم شہباز شریف نے چاروں وزرائے اعلیٰ اور چیف سیکرٹریز کو ذاتی طور پر 27 اگست کو وزیر اعظم ہاؤس طلب کیا ہے،اس سے قبل ملک کے 4 علاقوں کے ماحولیاتی نمونوں میں پولیو وائرس کی سب سے خطرناک قسم پائی گئی تھی جن میں دیامر، جنوبی وزیرستان، لاہور اور راولپنڈی کے نمونوں میں پولیو وائرس کی تصدیق ہوئی تھی۔

    تیز ہواؤں اور گرج چمک کے ساتھ بارش کی پیشگوئی

  • پاک افغان بارڈر پر مزدوروں کی واحد رجسٹرڈ یونین کاغیر قانونی مزدوروں سے لاتعلقی کا اعلان

    پاک افغان بارڈر پر مزدوروں کی واحد رجسٹرڈ یونین کاغیر قانونی مزدوروں سے لاتعلقی کا اعلان

    لنڈی کوتل (تحصیل رپورٹر)پاک افغان سرحد تورخم پر مزدوروں کی نمائندگی کرنے والی رجسٹرڈ کمیٹی کے چیئرمین ذاکر عمر شینواری نے ڈسٹرکٹ پریس کلب لنڈی کوتل میں دیگر رہنماؤں کے ہمراہ ایک ہنگامی پریس کانفرنس سے خطاب کیا۔ اس دوران انہوں نے تورخم بارڈر پر مزدوروں کو درپیش مسائل اور اپنی کمیٹی کی پالیسیوں پر روشنی ڈالی۔

    ذاکر عمر شینواری، جن کے ساتھ صحبت خان، اسد اللہ اور ولی اللہ بھی موجود تھے، نے بتایا کہ وہ گزشتہ 20 سال سے تورخم بارڈر پر مزدوری کر رہے ہیں اور اب مزدور یونین کی نمائندگی کرتے ہیں۔ انہوں نے کہا کہ ان کی ‘تورخم مزدور کمیٹی’ حکومتی اداروں کے ساتھ باقاعدہ رجسٹرڈ ہے اور یہ واحد یونین ہے جو حکومتی قوانین کے مطابق کام کر رہی ہے۔

    انہوں نے مزید وضاحت کرتے ہوئے کہا کہ ان کی کمیٹی صرف ان مقامی مزدوروں کو رجسٹرڈ کرے گی جو قانونی طور پر مزدوری کرنا چاہتے ہیں۔ ان کا کہنا تھا کہ کوئی بھی بچہ یا خاتون اس کمیٹی میں رجسٹرڈ نہیں ہوں گے اور کمیٹی ایسے کسی بھی غیر قانونی کام کے ذمہ دار نہیں ہوگی جو کوئی غیر رجسٹرڈ یا غیر مقامی مزدور سرانجام دے۔

    ذاکر عمر شینواری نے آخر میں کہا کہ تورخم میں اسلام آباد ٹوڈی اڈہ کے ساتھ ان کا دفتر ہے اور اگر کسی بھی مزدور کو کوئی مسئلہ درپیش ہو تو وہ ان کے دفتر سے رابطہ کر سکتا ہے۔

  • پی ٹی آئی چیئرمین بیرسٹر گوہر کی بونیر میں مرکزی مسلم لیگ کے امدادی کیمپ آمد

    پی ٹی آئی چیئرمین بیرسٹر گوہر کی بونیر میں مرکزی مسلم لیگ کے امدادی کیمپ آمد

    پاکستان تحریک انصاف کے چیئرمین بیرسٹر گوہر بونیر میں مرکزی مسلم لیگ کے امدادی کیمپ پہنچ گئے،مرکزی مسلم لیگ خدمت خلق لاہور کے صدر عمار حنیف نے بیرسٹر گوہر کو خوش آمدید کہا،بیرسٹر گوہر نے امدادی کیمپ کا دورہ کیا، ریلیف کے کاموں کا جائزہ لیا، رضاکاروں سے ملاقات کی،پی ٹی آئی چیئرمین بیرسٹر گوہر نے مرکزی مسلم لیگ کے امدادی کیمپ پر کھانا بھی کھایا،بیرسٹر گوہر نے بہترین امدادی سرگرمیوں پر مرکزی مسلم لیگ کےکردار کو سراہا

    اس موقع پر پی ٹی آئی چیئرمین بیرسٹر گوہر کا کہنا تھاکہ سیلاب اللہ کی طرف سے آزمائش ہے، ابھی تک 14 افراد مسنگ ہیں،خیبر پختونخوا میں 10 ضلعے متاثر ، 236 اموات، 120 زخمی ہیں،470 دکانیں، 875 گھر تباہ، 55 ہزار ایکڑ پر فیصلیں تباہ ہوئی ہیں،صرف ضلع بونیر میں 29 سکول تباہ ،14 صحت کے سنٹر تباہ ہوئے ہیں، پاکستان مرکزی مسلم لیگ کے ایک ایک لمحے کا تہہ دل سے شکر گزار ہوں ،وزیراعلیٰ خیبر پختونخوا کی جانب سے بھی مرکزی مسلم لیگ کا مشکور ہیں،مرکزی مسلم لیگ کے رضاکار کھانا ،راشن ،عزت دے رہے،بااخلاق رضاکار ہیں،یہاں ہوٹلوں میں ایسا کھانا نہیں ملتا جو مرکزی مسلم لیگ کے رضاکار کھلا رہے ہیں،جو اموات ہوئیں ،انکے لواحقین سے افسوس کا اظہار کرتے ہیں

  • کوئٹہ اور پشاور کے درمیان ٹرین سروس دو روز کے لیے معطل

    کوئٹہ اور پشاور کے درمیان ٹرین سروس دو روز کے لیے معطل

    کوئٹہ اور پشاور کے درمیان ٹرین سروس دو روز کے لیے معطل رہے گی۔

    ریلوے حکام کا کہنا ہے کہ ٹرین سروس کو سیلابی صورتحال کے پیش نظر معطل کیا گیا ہے، 25 اور 26 اگست کو کوئٹہ سے جعفر ایکسپریس پشاور کیلئے روانہ نہیں ہو گی،کوئٹہ سے چمن پیسنجر اپنے مقررہ وقت پر روانہ ہوئی۔ دوسری جانب ٹرینوں میں مسافروں کی کم تعداد کی وجہ سے دو مسافر گاڑیاں معطل کر دی گئیں۔

    ریلوے حکام کے مطابق بولان میل کراچی تا کوئٹہ اور شاہ حسین ایکسپریس کراچی تا لاہور آج معطل رہیں گی ملت ایکسپریس کو قراقرم ایکسپریس میں ضم کردیا گیا، قراقرم ایکسپریس کراچی سے شام 5بجے روانہ ہوگی،سافر معلومات اور سہولت کے لیے کراچی کینٹ اور لاہور اسٹیشن کے ریزرویشن دفاتر سے رجوع کریں۔

    محسن نقوی کا پاکستان ریلویز ہیڈ کوارٹرز کا دورہ

    دوسری جانب پاکستان ریلویز نے پوائنٹ آف سیل (پی او ایس) کاؤنٹرز اور آن لائن خریدے گئے ٹکٹوں کے لیے ریفنڈ پالیسی متعارف کرا دی ہے، سرکاری نوٹیفکیشن کے مطابق پی او ایس کاؤنٹرز پر ٹکٹ خریدنے والے مسافروں کو روانگی سے 48 گھنٹے قبل ٹکٹ منسوخ کرنے پر 90 فیصد ریفنڈ مل سکتا ہے۔

    ریفنڈ پالیسی کے تحت روانگی سے 24 سے 48 گھنٹے قبل ٹکٹ منسوخی پر 80 فیصد رقم ریفنڈ کی جائے گی جبکہ 24 گھنٹے کے اندر کی گئی ٹکٹ منسوخی پر ٹکٹ کی 70 فیصد رقم واپس ملے گی، پالیسی کے مطابق اگر کوئی مسافر روانگی کے 2 گھنٹے کے اندر اندر اپنے ٹکٹ کی منسوخی کرائے گا تو اسے کرایہ کا 50 فیصد واپس کر دیا جائے گا۔

    9 مئی، ایک اور کیس کا فیصلہ،109 میں سے 75 ملزمان کو سزائیں

    نئی پالیسی میں اعلان کیا گیا ہے کہ ایسے معاملات میں جہاں کوئی ٹرین منسوخ یا 6 گھنٹے سے زیادہ کی تاخیر کا شکار ہو گی، تو اس کے مسافر اپنے ٹکٹ کی مکمل رقم کی واپسی کا مطالبہ کر سکتے ہیں، مسافر یہ رقم اپنی اصل ٹکٹ اور اپنے شناختی کارڈ کی کاپی پیش کرنے کے بعد پی او ایس کاؤنٹرز سے اپنی رقم لے سکتے ہیں۔

  • خیبر پختونخوا سیلاب،10 ہزار سے زائد خاندانوں میں خشک راشن تقسیم

    خیبر پختونخوا سیلاب،10 ہزار سے زائد خاندانوں میں خشک راشن تقسیم

    پاکستان مرکزی مسلم لیگ کی خیبر پختونخوا ،گلگت کے سیلاب متاثرہ علاقوں میں امدادی سرگرمیاں جاری ہیں، باجوڑ، بونیر، مینگورہ، سوات،گلگت،سکردو میں 10 ہزار سے زائد خاندانوں میں خشک راشن تقسیم کیا جا چکا ہے

    مرکزی مسلم لیگ کی جانب سے 10 دنوں میں تین لاکھ سے زائد افراد میں پکا پکایاکھانا تقسیم کیاگیا ہے،مرکزی مسلم لیگ کی 32میڈیکل ٹیمیں،250ڈاکٹر، پیرا میڈیکل سٹاف خدمت میں مصروف ہیں،مرکزی مسلم لیگ کے 450 میڈیکل کیمپوں میں ڈھائی لاکھ سے زائد مریضوں کا علاج معالجہ کیا جا چکا ہے،سیلاب متاثرین میں 10 ہزار سے زائد بستر،دو ہزار مچھر دانیاں، چار ہزار گھروں میں برتن تقسیم کئے گئے ہیں،مرکزی مسلم لیگ کے رضاکاروں نے 850 سے زائد گھروں کا ملبہ صاف کر دیا گیا،مرکزی مسلم لیگ نے گھروں کی صفائی کیلیے مرکزی مسلم لیگ نے 2000 بیلچے،1000 ہاتھ ٹرالی تقسیم کر دی،سیلاب متاثرین کو صاف پانی کی فراہمی کا عمل جاری،روزانہ دو ٹینکر،5000پانی کی بوتلیں تقسیم کی گئی ہیں، مرکزی مسلم لیگ نے شہید مساجد،مکانات کی تعمیر کا آغاز کر دیا، گلگت کے سیلاب متاثرہ علاقوں میں مرکزی مسلم لیگ کی امدادی ٹیمیں پہنچیں اور کوئی مددکو نہ آیا،مرکزی مسلم لیگ کے ترجمان تابش قیوم گلگت میں موجود،متاثرین میں راشن،امدادی سامان تقسیم کیا، لاہور،اسلام آباد،سیالکوٹ،فیصل آباد،راولپنڈی،گوجرانوالہ و دیگر شہروں کے رضاکار امدادی کاموں میں مصروف ہیں،مرکزی مسلم لیگ کے دو ہزار سے زائد رضاکار گھروں سے کیچڑ نکالنے،امدادی کاموں میں مصروف ہیں، ترجمان مرکزی مسلم لیگ تابش قیوم کا کہنا ہے کہ مرکزی مسلم لیگ کی جانب سے گھروں کے نقصان کا سروے جاری،گھر تعمیر کریں گے

  • خیبر پختونخوا میں سیلاب کے باعث فصلوں کو پہنچنے والے نقصانات کی رپورٹ جاری

    خیبر پختونخوا میں سیلاب کے باعث فصلوں کو پہنچنے والے نقصانات کی رپورٹ جاری

    خیبر پختونخوا میں سیلاب کے باعث فصلوں کو پہنچنے والے نقصانات کی رپورٹ جاری کر دی گئی۔

    محکمہ زراعت خیبر پختونخوا کے مطابق خیبرپختونخوا میں سیلاب سے 16 اضلاع میں فصلوں کو نقصان پہنچا۔ جبکہ سیلاب کے باعث 31 ہزار 600 ایکڑ زمین پر کھڑی فصلوں اور باغات کو نقصان پہنچا فصلوں کو سب سے زیادہ نقصان بونیر میں پہنچا بونیر میں سیلاب کے باعث 26 ہزار 141 ایکڑ زمین پر کھڑی فصلیں تباہ ہوئیں،اور سوات میں 3 ہزار 750 اور دیر لوئر میں 617 ایکڑ زمین پر کھڑی فصلیں تباہ ہوئیں۔

    رپورٹ کے مطابق سیلاب کے باعث شانگلہ میں 52 ایکڑ زمین پر فصلوں کو نقصان پہنچا اور سیلاب سے متاثرہ اضلاع میں سب سے زیادہ مکئی کی فصل کو نقصان پہنچاخیبر پختونخوا میں سیلاب سے چاول، سبزیوں اور باغات کو بھی شدید نقصان پہنچایا۔

    علیمہ کےبیٹوں کی گرفتاری، سانحہ 9 مئی کے مفرور ملزمان کے گرد گھیرا تنگ

    خیبر پختونخوا سیلاب ، مواصلاتی انفراسٹرکچر کو سنگین نقصان

    9 مئی واقعات کے بعد پی ٹی آئی معاملات بہتر کرسکتی تھی،رانا ثنااللہ

  • خیبرپختونخوا اسمبلی: 25 نئے ارکان سے دوبارہ حلف لینے کا شیڈول جاری

    خیبرپختونخوا اسمبلی: 25 نئے ارکان سے دوبارہ حلف لینے کا شیڈول جاری

    خیبرپختونخوا اسمبلی سیکریٹریٹ نے 25 نئے ارکان سے دوبارہ حلف لینے کا شیڈول جاری کردیا۔

    نئے ارکان سے 25 اگست کو اسمبلی اجلاس میں حلف لیاجائے گا، اسمبلی سیکرٹریٹ نے پشاور ہائی کورٹ کی جانب سے ارکان سے حلف لینے کے شیڈول مانگنے پر ایجنڈے میں حلف شامل کیا، مذکورہ 25 ارکان 20جولائی کو گورنرہائوس میں حلف اٹھاچکے ہیں، مذکورہ ارکان سے چیف جسٹس پشاورہائی کورٹ کی ہدایت پر گورنر خیبرپختونخوا فیصل کریم کنڈی نے حلف لیا تھامذکورہ 25 اپوزیشن ارکان نے 21 اور 31 جولائی کے سینیٹ انتخابات میں ووٹ کا حق استعمال کیا، مذکورہ ارکان اسمبلی معمول کی کارروائی میں بھی حصہ لے رہے ہیں۔

    ذرائع کا کہنا ہے کہ اپوزیشن کے 25 ارکان کے دوبارہ حلف سے سینیٹ انتخابات کالعدم ہونے کا خطرہ بھی پیدا ہوگیا، اگر ارکان دوبارہ حلف لیتے ہیں تو سینیٹ کے دونوں انتخابات کالعدم ہوجائیں گے، سینیٹ انتخابات کالعدم ہونے کی صورت میں 12 سینیٹرز کا انتخاب دوبارہ کرنا پڑے گا، ارکان کی جانب سے اسمبلی کارروائی میں حصہ لینے کا عمل بھی کالعدم ہوگا۔

    سیلاب متاثرہ علاقوں میں امدادی سرگرمیوں کی نگرانی، تابش قیوم گلگت پہنچ گئے

    دوسری جانب حکومتی ذرائع کا کہنا ہے کہ اسپیکر صوبائی اسمبلی اور وزیراعلیٰ نے سینیٹ انتخابات نہیں صرف ارکان کا حلف چیلنج کیا، ہائی کورٹ کی ہدایت پر دوبارہ حلف کی صورت میں مذکورہ رٹ نمٹادی جائے گی لیکن سینیٹ الیکشن کالعدم قرارنہیں دیئے جائیں گے، سینیٹ انتخابات تب کالعدم ہوں گے جب انھیں چیلنج کیا گیا ہو۔

    ایڈووکیٹ جنرل نے کہا کہ حکومت نے صرف ارکان کا حلف چیلنج کیا، سینیٹ الیکشن نہیں تو اسے کیسے کالعدم قراردیاجائے گا؟ اسپیکر نے نئے ارکان سے حلف لینے سے انکار نہیں کیا تھا، اس کو ایجنڈے میں شامل کیا تھا، جب اسپیکر نے انکار نہیں کیا تو ایڈمنسٹریٹو پاور کیسے استعمال ہو سکتی ہے؟ ہمارا سوال یہ ہے، اگر اسپیکر انکار کرے تو اس کے بعد ایڈمنسٹریٹو پاور استعمال ہوسکتی ہے۔

    بنگلادیش نے پاکستانی حکام کے لیے ویزا کی شرط ختم کردی