Category: کوئٹہ

ایف سی بلوچستان(نارتھ) اور دیگر اداروں کو بلوچستان میں انسداد منشیات کاروائی میں بڑی کامیابی ملی ہے.

بلوچستان کے ضلع قلعہ عبداللہ میں ایف سی نارتھ ، اےاین ایف اورسول اداروں نے مشترکہ آپریشن کیا ہے،قلعہ عبداللہ میں کامیاب کارروائی کے دوران 600 ایکڑ پر غیر قانونی طور پرکاشت کی گئی بھنگ کی فصل تلف کر دی گئی،بلوچستان میں مزید 650 ایکڑ رقبہ پر بھنگ کی غیر قانونی کاشت کے خلاف آپریشن تیزی سے جاری ہے،یہ آپریشن ایف سی (نارتھ) اور ڈپٹی کمشنر قلعہ عبداللہ کی نگرانی میں مکمل کیا جا رہا ہے

ڈپٹی کمشنر قلعہ عبداللہ کا کہنا تھا کہ؛”غیر قانونی فصل کی دوبارہ کاشت روکنے کے لیے سخت نگرانی جاری رہے گی”عوامی حلقوں میں ایف سی بلوچستان (نارتھ) اور سول اداروں کی مؤثر کارروائی کو سراہا جا رہا ہے،مقامی لوگوں کا کہنا تھا کہ؛”منشیات کے خاتمہ کے لیے انسدادِ منشیات آپریشنز کا تسلسل برقرار رکھنا ضروری ہے”منشیات کے خلاف مہم جاری رکھنے کاعزم صوبہ کو منشیات سے پاک کرنے کی جانب بہترین اقدام ہے

ضلع کیچ کے علاقہ بھگ ناری کے شہیدایس ایچ او لطیف کھوسہ بہادری و جرات کی مثال ہیں

بلوچستان میں ضلع کیچ کے علاقہ بھگ ناری لیویز اسٹیشن پر فتنہ الہندوستان کے حملہ میں ایس ایچ او، لطیف کھوسہ شہید ہوئے ،شہید ایس ایچ او لطیف کھوسہ کا جوان فرزند بھی پولیس فورس میں شامل ہو کر والد کے مشن کو آگے بڑھانے کے لیے پُرعزم ہیں،شہید ایس ایچ او لطیف کھوسہ کے بیٹے نے اپنے خیالات کا اظہار کرتے ہوئےکہا؛”میرے والد ایک بہترین شخصیت کے مالک اور فرض شناس پولیس آفیسر تھے”میں اپنے والد کے نقش قدم پر چلنے کا عزم رکھتا ہوں،مجھے اپنے والد پر فخر ہے اور پورا بلوچستان انہیں سلام پیش کرتا ہے ،

فتنہ الہندوستان کی نام نہاد “آزادی تحریک” بلوچ عوام کی جنگ نہیں بلکہ دشمن قوتوں کے اشاروں پر ناچنے والا دہشتگرد ٹولہ ہے

ایف سی بلوچستان (نارتھ) صوبہ کے نوجوانوں کو باصلاحیت اور خود مختار بنانے کے مشن پر کوشاں ہے

ایف سی بلوچستان (نارتھ) کے زیر اہتمام ضلع نوشکی میں ای کامرس تربیتی کورس کامیابی سے مکمل کر لیا گیا،تربیتی کورس میں 100 سے زائد طالبات نے شرکت کی،تربیتی کورسز میں ای کامرس، فری لانسنگ، ڈیجیٹل مارکیٹنگ، ویب ڈیزائننگ اور بزنس مینجمنٹ کی تربیت فراہم کی گئی،کورس میں طالبات کو عالمی ڈیجیٹل مارکیٹنگ کے تقاضوں سے ہم آہنگ کرنے پرخصوصی توجہ دی گئی ،تربیتی کورس کا مقصد خواتین کو خود مختار بنانا تھا تاکہ وہ معاشرہ میں باعزت روزگار حاصل کرسکیں،تربیتی کورس کی اختتامی تقریب میں کامیاب طالبات میں آئی جی ایف سی بلوچستان (نارتھ) نے لیپ ٹاپس بھی تقسیم کئے

کورس میں شریک طالبات کا کہنا تھا کہ ؛ڈیجیٹل کورس کی سہولت فراہم کرنے پر ہم ایف سی بلوچستان اور پاک آرمی کے شکر گزار ہیں ،یہ تربیت ہمارے لیے نیا آغاز ہے، اب ہم عالمی ڈیجیٹل دنیا میں آگے بڑھ سکتے ہیں، ای کامرس اور ڈیجیٹل مارکیٹنگ سمیت مختلف اسکلز سے ہم گھر پر رہ کر بھی کام کر سکیں گی

ڈیجیٹل کورس کے اساتذہ کا کہنا تھا کہ ایف سی بلوچستان نے جدید لیب اور لیپ ٹاپس فراہم کیے جن سے طالبات نے عملی طور پر سیکھا اور کمانابھی شروع کیا،علاقے کے عمائدین نے ایف سی بلوچستان (نارتھ) کے احسن اقدام کو نوجوانوں کی ترقی اور خودکفالت کی جانب مثبت قدم قرار دیا

حکومت بلوچستان نے کوئٹہ میں موبائل انٹرنیٹ ڈیٹا سروس معطل کر دی ہے

محکمہ داخلہ بلوچستان کی جانب سے جاری بیان میں بتایا گیا ہے کہ موبائل فون ڈیٹا سروس امن و امان کی صورتحال کے باعث 24 گھنٹے کے لیے بند کی گئی ہے،محکمہ داخلہ بلوچستان کا بتانا ہے کہ موبائل فون ڈیٹا سروس آج رات 12 بجے تک بند رکھی جائے گی، ڈیٹا سروس بند ہونے سے طلبا، کاروباری حضرات، آن لائن خدمات سرانجام دینے والے صارفین کو مشکلات کا سامنا کرنا پڑے گا۔

یاد رہے کہ کچھ عرصہ قبل میں کوئٹہ سمیت بلوچستان کے مختلف اضلاع میں موبائل فون انٹرنیٹ سروس کئی روز کے لیے معطل رکھی گئی تھی،بعد ازاں صوبائی حکومت نے بلوچستان ہائیکورٹ کے حکم پر عمل کرتے ہوئے 16 روز بعد صوبے میں انٹرنیٹ سروس بحال کر دی تھی۔

ایف سی بلوچستان (ساؤتھ) کے زیرِ اہتمام ضلع کیچ میں”معاشرتی ترقی میں بلوچ خواتین کا کردار” کے موضوع پر سیمینار کا انعقاد کیا گیا

سیمینارکا مقصد بلوچستان کی خواتین کی معاشرتی و سماجی اہمیت اور علاقائی ترقی میں ان کےکردارکو اجاگر کرنا تھا،سیمینار میں آئی جی ایف سی بلوچستان (ساؤتھ)، ارکان اسمبلی، مقامی سیاستدان، سولین عمائدین، اساتذہ، ڈاکٹرز اور بڑی تعداد میں خواتین نےشرکت کی،پینل ممبران نے اظہار خیال کرتے ہوئےکہا کہ "بلوچ خواتین نے ہمیشہ معاشرتی ترقی میں اہم کردار ادا کیا ہے” بلوچ خواتین باہمت، باحوصلہ اور ہرمیدان میں مردوں کے شانہ بہ شانہ کھڑی ہیں, تعلیم ہو،طب، بیوروکریسی، سکیورٹی، سیاست یا انتظامی امور بلوچ خواتین نے ہر موقع پر اپنی صلاحیتوں کا لوہا منوایا ہے,سوال و جواب اور انٹریکٹو سیشن کے دوران شرکاء نے بلوچ خواتین کے ابھرتے کردار کو باعث فخر قرار دیا,

سیمینار سے خطاب کرتے ہوئے آئی جی ایف سی بلوچستان (ساؤتھ) نے کہا کہ معاشرتی ترقی ایک منظم ارتقائی عمل ہے، جس میں بلوچ خواتین کا کردار نہایت اہم ہے، آج بلوچ خواتین اپنی محنت، عزم اور صلاحیتوں کے باعث قومی ترقی میں نمایاں کردار ادا کر رہی ہیں

سیمینار کے اختتام پر شرکاء نے اظہار خیال کرتے ہوئے کہا "بلوچ خواتین کو تعلیم، روزگار اور قیادت میں مساوی مواقع دیے جائیں” خواتین صوبہ کی ترقی اور استحکام میں اہم کردار ادا کرنے کی صلاحیت رکھتی ہیں,

بلوچستان کے ضلع نصیرآباد میں نوتال کے قریب جعفر ایکسپریس پر راکٹ حملے کی اطلاع ملی ہے۔ پولیس حکام کے مطابق یہ واقعہ اس وقت پیش آیا جب کوئٹہ سے پشاور جانے والی جعفر ایکسپریس نوتال کے علاقے سے گزر رہی تھی۔ نامعلوم افراد نے ریلوے ٹریک کے قریب سے ٹرین پر راکٹ فائر کیا، تاہم خوش قسمتی سے کوئی جانی نقصان نہیں ہوا۔

پولیس اور سیکیورٹی ذرائع کے مطابق راکٹ حملے کے بعد فورسز نے فوری طور پر جوابی کارروائی کی، لیکن حملہ آور موقع سے فرار ہونے میں کامیاب ہوگئے۔ واقعے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے تاکہ حملہ آوروں کو گرفتار کیا جا سکے۔محکمہ ریلوے کے مطابق جعفر ایکسپریس کو کسی قسم کا نقصان نہیں پہنچا، اور ٹرین بحفاظت ڈیرہ مراد جمالی اسٹیشن پہنچ گئی ہے۔ حملے کے بعد ٹرینوں کی سیکیورٹی میں اضافہ کر دیا گیا ہے جبکہ متعلقہ اداروں کو ہائی الرٹ رہنے کی ہدایت جاری کی گئی ہے۔

ذرائع کے مطابق ابتدائی اندازے کے تحت حملے کا مقصد ریلوے سسٹم کو نقصان پہنچانا اور خوف و ہراس پیدا کرنا تھا۔ تاہم، قانون نافذ کرنے والے اداروں نے واضح کیا ہے کہ ایسے حملے عوام کے حوصلے پست نہیں کر سکتے اور دہشت گردوں کو جلد انجام تک پہنچایا جائے گا۔

افغان جنگ بندی کے بعد آج بھی دونوں ممالک کے درمیان سرحدی تجارت اور پیدل آمد و رفت بند رہی۔

چمن میں بابِ دوستی اور خیبر میں طورخم بارڈر پر تجارتی سرگرمیاں معطل ہیں، جبکہ ٹرانزٹ کنٹینرز کی آمدورفت کے لیے مرحلہ وار کراسنگ فارمولا تجویز کیا گیا ہے۔باب دوستی پر بندش کے باعث پھلوں سے لدے 400 ٹرک اسپین بولدک میں پھنسے ہوئے ہیں، جن میں موجود انار، ٹماٹر اور انگور خراب ہو چکے ہیں۔جنوبی وزیرستان، شمالی وزیرستان اور ضلع کرم کے سرحدی راستے بھی 13ویں روز مکمل طور پر بند رہے۔

کسٹم حکام کے مطابق تجارت کی بحالی کل استنبول میں متوقع پاک افغان مذاکرات کی کامیابی سے مشروط ہے، جبکہ جھڑپوں سے متاثرہ تجارتی راستوں اور مقامات سے ملبہ اب تک نہیں ہٹایا جا سکا.

امریکا کی تجارتی پالیسی کو کنٹرول نہیں کر سکتے، کینیڈین وزیرِ اعظم

خواتین ورلڈ کپ: پاکستان اور سری لنکا کا میچ بارش کی نذر

جنگ بندی کے بعد بھی پاک افغان بارڈر بند، دو طرفہ تجارت معطل

بھارت کا پاکستان کی سرحد کے قریب بڑی فوجی مشقوں کا اعلان

گوادر: بلوچستان کے ساحلی شہر گوادر کے قریب سمندر میں چار بروڈز وہیلز (Bryde’s Whales) کو ایک ساتھ تیرتے ہوئے دیکھا گیا ہے، جو پاکستان کے ساحلی پانیوں میں ایک نایاب منظر سمجھا جاتا ہے۔

ورلڈ وائیڈ فنڈ فار نیچر پاکستان کے مطابق یہ وہیلز جمعہ کی صبح تقریباً 9 بجے ماہی گیروں کو سمندر میں نظر آئیں، جنہوں نے فوری طور پر ان کی ویڈیو بنا کر ماحولیاتی ماہرین کو بھیجی۔ڈبلیو ڈبلیو ایف کے ترجمان نے بتایا کہ بروڈز وہیل عام طور پر گرم اور معتدل سمندروں میں پائی جاتی ہیں اور یہ مچھلیوں کے بڑے جھنڈ کے قریب تیرتی ہیں تاکہ اپنی خوراک حاصل کرسکیں۔ ان کا پاکستان کے پانیوں میں دکھائی دینا اس بات کی علامت ہے کہ ساحلی ماحولیاتی نظام اب بھی متوازن حالت میں موجود ہے۔

پاکستان میں اس وہیل کی موجودگی کوئی نئی بات نہیں، تاہم یہ ایک نایاب واقعہ ضرور ہے۔ اس سے قبل نومبر 2023 میں بلوچستان کے ساحلی علاقے جیوانی کے قریب ایک بروڈز وہیل کے پھنسنے کا واقعہ رپورٹ کیا گیا تھا۔ اس وقت مقامی ماہی گیروں اور ماحولیاتی کارکنوں نے کئی گھنٹوں کی کوششوں کے بعد اسے دوبارہ سمندر میں چھوڑا تھا۔ماہرینِ سمندری حیات کے مطابق، بروڈز وہیل عام طور پر 12 سے 16 میٹر لمبی اور 40 ٹن تک وزنی ہوتی ہے۔ یہ وہیلز تیز تیرنے کی صلاحیت رکھتی ہیں اور زیادہ تر سرڈین، مچھلیوں اور چھوٹی جھینگا نما مخلوقات کو کھاتی ہیں۔

ڈبلیو ڈبلیو ایف پاکستان نے کہا ہے کہ ماہی گیروں کو ایسے مناظر کی ویڈیو بنانے اور رپورٹ کرنے پر سراہا گیا ہے تاکہ پاکستان کے ساحلی پانیوں میں پائے جانے والے سمندری جانداروں کا ریکارڈ برقرار رکھا جا سکے۔ماہرین نے عوام اور ماہی گیروں سے اپیل کی ہے کہ وہ اس طرح کے نایاب سمندری جانداروں کو نقصان نہ پہنچائیں اور اگر کسی وہیل یا ڈولفن کے پھنسنے کا واقعہ پیش آئے تو فوری طور پر مقامی حکام یا ڈبلیو ڈبلیو ایف پاکستان سے رابطہ کریں۔