Category: کوئٹہ

نیو گوادر انٹرنیشنل ایئر پورٹ سے آج سے بین الاقوامی فلائٹ آپریشن کا آغاز ہو گیا ہے، جس سے گوادر کی فضائی سروس میں ایک نیا باب رقم ہو رہا ہے۔ قومی ایئر لائن پی آئی اے کی پہلی بین الاقوامی پرواز پی کے 197 آج صبح 9 بج کر 41 منٹ پر گوادر سے مسقط کے لیے روانہ ہوئی۔

مسقط سے یہی طیارہ پی کے 198 کے طور پر دوپہر میں گوادر واپس آئے گا۔ اس سے قبل 20 جنوری کو گوادر ایئر پورٹ سے فلائٹ آپریشن کا آغاز ہوا تھا، تاہم اس وقت تک صرف قومی ایئر لائن کی پروازیں آپریٹ کی جا رہی تھیں۔نیو گوادر انٹرنیشنل ایئر پورٹ پر فلائٹ آپریشن کا آغاز ہو چکا ہے اور یہاں ایئر بس اور بوئنگ طیارے بھی لینڈ کر سکتے ہیں۔ تاہم، ایوی ایشن ذرائع کے مطابق اس روٹ پر مسافروں کی تعداد کم ہونے کی وجہ سے فی الحال پی آئی اے گوادر کے لیے اے ٹی آر طیارہ استعمال کر رہی ہے۔

ذرائع کے مطابق، جیسے جیسے مسافروں کی تعداد میں اضافہ ہوگا، گوادر کے لیے ایئر بس طیارے بھی استعمال کیے جائیں گے۔ اس فیصلے کا مقصد گوادر کے فضائی سفر کو مزید آسان اور تیز تر بنانا ہے۔نیو گوادر انٹرنیشنل ایئر پورٹ کا آغاز نہ صرف گوادر بلکہ پورے بلوچستان کے لیے خوش آئند ہے۔ اس سے نہ صرف مقامی سطح پر سفر کی سہولت ملے گی بلکہ بین الاقوامی پروازوں کا آغاز بھی گوادر کی معیشت اور سیاحت کے لیے ایک اہم سنگ میل ثابت ہوگا۔

چاہت فتح علی خان کی متھیرا کے ساتھ نامناسب انداز میں تصویر پر تنقید

سیف علی خان کی سیکیورٹی کے لیے ممبئی پولیس کی اضافی تعیناتی

کوئٹہ شہر کے مغرب میں واقع جبل نور القرآن میں قرآن پاک کے قدیم نسخوں اور اوراق کی چوری کا ایک افسوسناک واقعہ پیش آیا ہے۔ نامعلوم چوروں نے تقریباً 150 قرآن پاک کے قدیم نسخے اور اوراق چوری کر لئے، جنہیں شیشے توڑ کر نکالا گیا۔

جبل نور القرآن کے انچارج اجمل خان کے مطابق، یہ قدیم نسخے اور اوراق ایک سرنگ میں محفوظ تھے، جنہیں خصوصی طور پر شیشے کے ڈسپلے کیسز میں رکھا گیا تھا۔ چوروں نے ان کیسز کو توڑ کر قرآن پاک کے قدیم نسخے اور اوراق چوری کر لئے، جس سے ایک سنگین مسئلہ کھڑا ہو گیا ہے۔انہوں نے مزید بتایا کہ جبل نور القرآن میں اس وقت لاکھوں کی تعداد میں قرآن پاک کے اوراق موجود ہیں اور ان کی چوری نے ایک عظیم ثقافتی اور مذہبی نقصان پہنچایا ہے۔ اجمل خان نے اس بات کی تصدیق کی کہ اس معاملے کی تحقیقات شروع کر دی گئی ہیں اور بروری تھانے میں مقدمہ درج کر لیا گیا ہے، تاہم ابھی تک کوئی گرفتاری عمل میں نہیں آئی۔

جبل نور القرآن کا شمار کوئٹہ کی اہم مذہبی اور ثقافتی جگہوں میں ہوتا ہے، جسے 1992 میں تعمیر کیا گیا تھا۔ یہاں پہاڑوں کو تراش کر سرنگ بنائی گئی تھی اور ان سرنگوں میں قرآن پاک کے قدیم نسخوں اور شہید اوراق کو محفوظ کیا گیا تھا۔یہ چوری کا واقعہ نہ صرف کوئٹہ کے عوام بلکہ پورے ملک کے لیے ایک بڑا صدمہ ہے، کیونکہ یہاں کے قرآن پاک کے نسخے تاریخی اور مذہبی اہمیت رکھتے ہیں۔ حکام کی جانب سے اس واقعے کی تحقیقات جاری ہیں اور چوروں کی گرفتاری کے لیے مختلف اقدامات کیے جا رہے ہیں۔

عافیہ صدیقی کی رحم کی اپیل مسترد،اسلام آباد ہائیکورٹ کو آگاہ کر دیا گیا

وزیراعظم سے یونیورسٹی آف لندن کی وائس چانسلر وینڈی تھامسن کی ملاقات

دہشتگرد تنظیم بی ایل اے کے وحشیانہ حملے کی حقیقت کا پردہ فاش

معصوم معراج وہاب کی والدہ نے حقائق سے پردہ اٹھا دیا،11جنوری 2025 کو بی ایل اے تنظیم نے تمپ میں دو بے گناہ معصوم شہریوں کو اپنی وحشت کا نشانہ بنایا،جمیل اور اس کے بھتیجے معراج وہاب کو مبینہ "ریاستی ڈیتھ اسکواڈ” سے وابستگی کے جھوٹے الزام میں بے رحمی سے نشانہ بنایا گیا،معراج کی والدہ نے تربت پریس کلب میں ایک پریس کانفرنس کے دوران بی ایل اے کے اس وحشیانہ اقدام کی شدید مذمت کی،انہوں نے بلوچ یکجہتی کمیٹی کی ماہ رنگ بلوچ پر کڑی تنقید کی اور اُس کے دوہرے معیار کو بے نقاب کیا ،معراج کی والدہ کا کہنا تھا کہ ماہ رنگ ریاستی ظلم پر تو آواز اٹھاتی ہیں، لیکن بی ایل اے کے وحشیانہ مظالم پر مکمل خاموشی اختیار کرتیں ہیں،

معراج کی والدہ نے بی ایل اے کے "ریاستی ڈیتھ اسکواڈ” جیسے بے بنیاد الزامات کی تردید کرتے ہوئے کہا کہ "معراج ایک معصوم بلوچ تھا جو ایک کالعدم تنظیم کی دہشت گردی کا شکار ہوا”پندرہ سال کی عمر میں اس نے کیا گناہ کیا تھا جو بی ایل اے نے اس کو اتنی بے دردی سے قتل کیا؟ جمیل پر حملے کی ذمہ داری بی ایل اے نے قبول کی لیکن میرے بچے کی ذمہ داری قبول کیوں نہیں کی؟، میرے بچے کا کیا قصور تھا؟ میرے بچے کا یہی قصور تھا کہ وہ سروس اسٹیشن میں گاڑی دھو کر مجھے کچھ پیسے دیتا تھا؟، میرے بچے کو بی ایل اے کے لوگوں نے قتل کیا اور قتل کرنے کے بعد ذمہ داری بھی نہیں لے رہے،بی ایل اے والے میرے بیٹے کے ہاتھ کی گھڑی اور اس کے پاؤں کے جوتے تک اتار کے لے گئے، میری ماہ رنگ بلوچ سے درخواست ہے، جو انصاف کی علمبردار بنتی ہیں، کہ مجھے بھی انصاف فراہم کیا جائے، "بی ایل اے والے مجھے بتائیں کہ میرے بیٹے نے کیا غلطی کی تھی؟ اگر وہ ایک غلطی بھی ثابت کر دیں، تو میں اپنے بیٹے کے قتل کو معاف کر دوں گی” میرا بیٹا انسان تھا، کوئی جانور نہیں جسے بے دردی سے مارا گیا، بی ایل اے نے اسے جانوروں کی طرح قتل کیا اور پھر اس کا ذمہ بھی نہیں لیا،بی ایل اے کے دہشت گردوں نے جمیل ملک کے قتل کا اعتراف کیا، تو پھر وہ میرے بیٹے کی ہلاکت پر کیوں خاموش ہیں؟،

پاکستان مرکزی مسلم لیگ کے صدر خالد مسعود سندھو نے کہا ہے کہ انڈین آرمی چیف کی پاکستان کے خلاف ہرزہ سرائی مگر مچھ کے آنسو ہیں ، ایک طرف کشمیر میں ریاستی سطح پر مظالم اور دوسری طرف ہمسایہ ممالک میں دراندازی، ہندوستان کا یہ بدنماچہرہ ساری دنیا دیکھ چکی ہے، پاکستان پر الزامات لگاتے ہوئے انڈین آرمی چیف یہ بھول گے کہ کلبھوشن نیٹ ورک ہندوستان کے اصل چہرے سے نقاب ہٹانے کیلئے کافی ہے،مرکزی مسلم لیگ بلوچستان کی محرومیوں اور حقوق کی جنگ ہر سطح پر لڑے گی،بلوچستان قدرتی وسائل سے مالا مال ہے لیکن بدقسمتی سے یہاں کے عوام آج بھی بنیاد ی سہولیات سے محروم ہیں،ملک بھر کی طرح بلوچستان میں بھی عشرہ یکجہتی کشمیر بھرپور انداز سے منایا جائے گا، بانی پاکستان نے کشمیر کو پاکستان کی شہ رگ قرار دیا، شہ رگ کا سودا نہ کوئی کر سکتا ہے اور ہونے دیں گے۔

ان خیالات کا اظہار انہوں نے دورہ بلوچستان کے موقع پر کوئٹہ میں مرکزی مسلم لیگ کے صوبائی سیکریٹریٹ میں تنظیمی اجلاس کی صدارت کرتے ہوئے کیا، اس موقع پر صوبائی صدر سردار امجد اسلام سمیت ضلعی صدور اور شعبہ جات کے ذمہ داران بھی موجود تھے۔

خالد مسعود سندھو نے اجلاس میں پارٹی کی جاری رکنیت سازی مہم کا جائزہ لیا،انہوں نے کہا کہ پاکستان مرکزی مسلم لیگ کی رکنیت سازی مہم ملک بھر میں جاری ہے، بلوچستان کے عوام کو مرکزی مسلم لیگ کا حصہ بنانے کیلئے خصوصی توجہ دی جارہی ہے،مرکزی مسلم لیگ رکنیت سازی مہم کے ذریعے بلوچستان سمیت ملک بھر سے نوجوان قیادت کو آگے لانے کیلئے پرعزم ہے،خالد مسعود سندھو کا پانچ فروری یوم یکجہتی کشمیر کے موقع پر ملک بھر میں عشرہ یکجہتی کشمیر منانے کا اعلان کرتے ہوئے کہنا تھا کہ کشمیرپاکستان کی شہ رگ ہے اس کا سودا کسی صورت قبول نہیں،کشمیر میں ہونے والے بھارتی ریاستی مظالم ہوں یا کشمیر یوں سے بے وفائی کرنے والے پاکستانی حکمران کشمیر کے سب مجرموں کو کٹہرے لایا جانا چاہئے،پاکستان مرکزی مسلم لیگ اور پوری پاکستانی قوم کشمیری بھائیوں کی جدوجہد آزادی میں ہر طرح سے ان کے ساتھ کھڑی ہے،

خالد مسعود سندھو نے کہا کہ بلوچستان اور کشمیر کے لوگ ان کے دل کے بہت قریب ہیں،بلوچستان کی محرمیوں کو ختم کرنے کیلئے اور مسائل کو حل کرنے کیلئے اپنی مدد آپ کے تحت خدمت کے منصوبہ جات پر کام کر رہے ہیں، پاکستان مرکزی مسلم لیگ کا روزگار سہولت پروگرام اسی کا حصہ ہے،بلوچستان کے نوجوانوں کو فری آئی ٹی سکلز سیکھا کر اور روزگار کیلئے سہولتیں پیدا کر کے اپنے حصے کاکام کر رہے ہیں، پاکستان مرکزی مسلم لیگ بلوچستان کے حقوق کیلئے ہر سطح پر کوششیں جاری رکھے گی۔

جنوبی بھارت میں باڈی بلڈرز،جسموں‌کو فخر سے پیش کرنے والی خواتین

یوکرین اور روس کے ایک دوسرے پر بڑے ڈرون،میزائل حملے

وزیراعلیٰ پنجاب کیخلاف مہم،عمران ریاض،شہباز گل پر مقدمہ،تین ملزمان گرفتار

بھارتی آرمی چیف کی پریس کانفرنس پر پاک فوج کا ردعمل

کوئٹہ: پانچ روز قبل سنجدی کے علاقے میں گیس بھرنے سے ہونے والے دھماکے کے نتیجے میں بیٹھ جانے والی کوئلہ کان کا سرچ آپریشن مکمل کر لیا گیا ہے اور تمام 12 کان کنوں کی لاشیں نکال لی گئی ہیں۔

چیف مائنز انسپکٹر کے مطابق، 9 جنوری کو سنجدی کی کوئلہ کان میں گیس بھرنے سے دھماکا ہوا تھا جس کی وجہ سے کان بیٹھ گئی تھی اور اس حادثے میں 12 کان کن پھنس گئے تھے۔ دھماکے کے بعد فوراً ریسکیو آپریشن شروع کیا گیا تھا، اور اب تمام کان کنوں کی لاشیں نکال لی گئی ہیں۔سرچ آپریشن کے دوران ایک اور کان کن کی لاش نکالی گئی، جس کے بعد اب تک تمام 12 کان کنوں کی لاشیں کان سے نکال لی گئی ہیں۔ انسپکٹر نے بتایا کہ ریسکیو ٹیم نے اس بات کو یقینی بنایا کہ تمام متاثرہ افراد کی لاشیں نکالی جا سکیں۔چیف مائنز انسپکٹر کا مزید کہنا تھا کہ اس واقعے کی تحقیقات کے لیے کورٹ آف انکوائری تشکیل دی گئی ہے جو 15 دنوں میں مکمل تحقیقات کر کے اپنی رپورٹ پیش کرے گی۔

یاد رہے کہ 9 جنوری کو سنجدی کی کوئلہ کان میں گیس بھرنے کے باعث دھماکا ہوا تھا جس کے نتیجے میں کان بیٹھ گئی اور 12 کان کن اس حادثے میں پھنس گئے تھے۔ اس سانحے کے بعد مقامی انتظامیہ اور ریسکیو اداروں نے فوری طور پر آپریشن کا آغاز کیا تھا تاکہ کان میں پھنسے کان کنوں کو نکالا جا سکے۔اس واقعے کے بعد مقامی محنت کشوں میں غم و غصہ کی لہر دوڑ گئی ہے اور ان کی جانب سے حکومت سے مطالبہ کیا جا رہا ہے کہ کوئلہ کانوں میں حفاظت کے انتظامات مزید بہتر کیے جائیں تاکہ مستقبل میں ایسے المناک واقعات سے بچا جا سکے۔

نو مئی،ماسٹر مائنڈ کا ٹرائل بھی ملٹری کورٹ میں ہی ہوگا ، وکیل وزارت دفاع

لاس اینجلس ،آگ نہ بجھ سکی، تیز ہوائیں، بجلی بند کرنے کا امکان