کوئٹہ: سابق ڈپٹی اسپیکر بلوچستان اسمبلی ڈاکٹر فوزیہ مری نے پشتونخواملی عوامی پارٹی کے سینئر رہنما و سابق سینیٹر عثمان خان کاکڑ کی وفات پر گہرے رنج کا اظہار کرتے ہوئے کہا ہے کہ،

عثمان خان کاکڑ کی وفات سے بلوچستان ایک نڈر ،بے باک اور حقیقی سیاسی لیڈرسے محروم ہوگیا ہے.مرحوم نے ہمیشہ ہر فورم پر بلوچستان میں بسنے والی تمام اقوام کیلئے آواز بلند کی مرحوم کی بلوچستان کے عوام کیلئے خدمات کو ہمیشہ یاد رکھا جائے گا ۔انہوں نے دعا کی کہ الله تعالیٰ مرحوم کو اپنے جواررحمت میں جگہ دے اور پسماندگان کو صبر جمیل عطا فرمائے۔

حب /لسبیلہ وگوادر سے منتخب ممبر قومی اسمبلی محمد اسلم بھوتانی نے کہاہے کہ

جمہوریت میں اپوزیشن کا احتجاج اُنکا آئینی حق ہے لیکن صوبائی حکومت نے جس طرح پوری اپوزیشن کو مقدمات درج کر کے جیل میں ڈالا ہے یہ جمہوریت کی نفی ہے اور اسطرح کے اقدامات سے جمہوریت کی خدمت نہیں کی جاسکتی ایم این اے اسلم بھوتانی نے مطالبہ کیا ہے کہ بلوچستان اسمبلی کے تمام اراکین کو فی الفور رہا کیا جائے اور ان پر قائم مقدمات کو واپس لیا جائے انھوں نے کہاکہ بلوچستان کے حالات پہلے ہی کوئی تسلی بخش نہیں ہیں اور اس میں اس طرح کے اقدامات صوبے کو مزید نقصان پہنچائیں گے ایم این اے اسلم بھوتانی نے کہا کہ صوبائی حکومت کو چاہئے کہ اپوزیشن سے مفاہمت کا راستہ اختیار کرے اور جو کچھ بجٹ اجلاس والے دن ہوا اُ س سے ہمیں حالات کو بہتر بنانے کیلئے آگے بڑھنا چاہئے ۔

کوئٹہ : سابق وزیر اعلی بلوچستان نواب ثناء اللّٰه زہری کا سابق سینیٹر عثمان کاکڑ کے انتقال پر گہرے دکھ اور افسوس کا اظہار.

سابق سینیٹر عثمان کاکڑ کے انتقال سے بلوچستان ایک زیرک سیاسی رہنماء سے محروم ہوگیا ہے،انہوں نے سینیٹ سمیت ہر پلیٹ فارم پر بلوچستان کے حقوق کےلئے آواز بلند کی،بلوچستان کےلئے انکی خدمات کو کبھی بھی فراموش نہیں کیا جاسکتا ہے،مغفرت اور پسماندگان کو صبر جمیل عطا کرنے کی دعا کی گی.

واضح رہے سینیٹر عثمان کاکڑ گزشتہ روز وفات پا گئے تھے وہ کراچی کے ہسپتال میں زیر علاج تھے، انکی تدفین رات گئے کر دی گئی ہے

ن لیگ چھوڑنے والے نواب ثناء اللہ زہری، جنرل ر عبدالقادر بلوچ کس پارٹی میں جا رہے ہیں؟ فیصلہ کر لیا
باغی ٹی وی کی رپورٹ کے مطابق مسلم لیگ ن چھوڑنے والے نواب ثنااللہ زہری اور جنرل ر عبدالقادر نے رفقا کے ہمراہ پیپلزپارٹی میں شمولیت کا باضابطہ فیصلہ کر لیا ہے

سابق وزیراعلی نواب ثناء اللہ زہری کے سیاسی و قبائلی ہم خیال رفقا کا مشاورتی اجلاس ہوا.، اجلاس میں جنرل ر عبدالقادر بلوچ دیگر سیاسی قبائلی شخصیات نے بڑی تعداد میں شرکت کی، اجلاس میں ملک کے سیاسی جماعتوں میں شمولیت کے حوالے سے مشاورت کی گئی نواب ثنا اللہ زہری کے سیاسی و قبائلی رفقاء نے پیپلزپارٹی میں شمولیت کی حمایت کردی باقاعدہ شمولیت کا اعلان آئندہ چند روز میں مرکزی قیادت کیساتھ کنونشن میں کیا جائیگا جنرل ر عبدالقادر نے مختلف سیاسی جماعتوں میں شمولیت کے حوالے سے شرکا سے رائے طلب کی

نواب ثنااللہ زہری نے ویڈیو لنک پر اجلاس سے خطاب کرتے ہوئے کہا کہ لوگ ڈرائنگ روم میں فیصلے کرتے ہیں، ہم عوامی لوگ ہیں اپنے لوگوں کو اہمیت دیتے ہیں مشاورت کرکے فیصلے کرتے ہیں، آصف علی زرداری اور بلاول بھٹو کادعوت دینے پر مشکور ہوں، نواز شریف نے ہمیں دھوکہ دیا، پیپلزپارٹی اسی دن سے رابطے میں تھی،نواز شریف کی فطرت میں وفا کرنا نہیں، نواز شریف اور اس کی بیٹی کو بہت عزت دی ، آصف زرداری اور بلاول بھٹو سے یہی امید ہے کہ وہ ہمیشہ کی طرح آگے بھی عزت دیں گے، ہم اپنی جماعت بنانے کا سوچ رہے تھے، ہم اپنی سیاسی جماعت بنانے کی بھی صلاحیت رکھتے ہیں،

جنرل عبدالقادر بلوچ نے کہا کہ پیپلزپارٹی نے ہمیں شمولیت کی دعوت دی ہے، زرداری صاحب کو کہا عزت کریں گے اپنی بے عزتی برداشت نہیں کریں گے، غیر مشروط طور پر شامل ہونے کا کہا ہے مگر پوزیشن چاہتے ہیں ،شہید ذوالفقار علی بھٹو نے ایٹم بنایا، متفقہ آئین بنایا، ہندوستان سے 5 ہزار مربع میل زمین واپس لی، جمہوریت کیلئے ذوالفقار علی بھٹو پھانسی چڑھے، بی بی نے میثاق جمہوریت کیا، تحریک انصاف عجیب وعدے کرکے ناکام ہوگئی ہے، مہنگائی بیروزگاری تحریک انصاف کے کنٹرول میں نہیں آنے والی،میرا نہیں خیال کہ تحریک انصاف میں شامل ہوا جائے ایک آپشن ن لیگ میں دوبارہ شمولیت کا ہے، ن لیگ نے وہ جماعت ہے جس نے ہمارے خواتین کی بے عزتی کی، دس ماہ ہوگئے پارٹی چھوڑنے کے بعد کسی نے پوچھنے کی زحمت نہیں کی، باپ پارٹی میں جانے اور چیف ایگزیکٹو بننے کی آفر تھی رد کردیا،

باغی ٹی وی : نیول چیف کا کوئٹہ کمانڈ اینڈ اسٹاف کالج کا دورہ، طلبا اور افسران سے خطاب

چیف آف نیول اسٹاف ایڈمرل محمد امجد خان نیازی نے کوئٹہ کے کمانڈ اینڈ اسٹاف کالج کا دورہ کیا۔ ان کی آمد پر نیول چیف کا کمانڈنٹ کمانڈ اینڈ اسٹاف کالج کوئٹہ نے استقبال کیا۔

اسٹاف کورس کے شرکاء سے خطاب کرتے ہوئے ایڈمرل محمد امجد خان نیازی نے ملک کی دفاع میں پاک آرمڈ فورس کی قربانیوں کو زبردست خراج تحسین پیش کیا۔ چیف آف دی نیول اسٹاف نے ابھرتے ہوئے رحجانات کو برقرار رکھنے اور پیچیدہ سیکیورٹی ماحول سے نمٹنے کے لئے مزید کوششوں پر زور دیا۔

اس موقع پر امیر البحر نے مزید کہا کہ فوجی آپریشنوں کے جدید تصور میں مشترکہ اتحاد مرکزی حیثیت رکھتا ہے کیونکہ آج کی جنگ میں اس کے بغیر کوئی بھی قوت کامیابی حاصل نہیں کرسکتی۔ نیول چیف نے مزیدکہا کہ پاکستان نیوی سروسز ملک کو درپیش سمندری سلامتی چیلنجوں سے نمٹنے کے لئے ہمیشہ تیار ہیں ۔

چیف آف دی نیول اسٹاف نے اساتذہ اور طلباء سے بات چیت کی جس میں غیر ملکی افسران بھی شامل تھے

آرمی چیف دورہ کا کوئٹہ ،اسٹاف کورس کرنے والے افسران سے خطاب

باغی ٹی وی : آرمی چیف جنرل قمر جاوید باجوہ نے کوئٹہ کا دورہ کیا ،‏آرمی چیف نے اسٹاف کورس کرنے والے افسران سے خطاب کیا،

‏آرمی چیف نے کوئٹہ میں کمانڈ اینڈ اسٹاف کالج سے خطاب کرتے ہوئے کہا کہ پاکستان جنوبی ایشیا میں قیام امن کا خواہاں ہے،

‏آرمی چیف جنرل قمر جاوید باجوہ نے پیشہ ورانہ ،داخلی اور خارجی صورت حال پر اظہار خیال کیا .‏آرمی چیف نے کمانڈاینڈ اسٹاف کالج میں افسران اور فیکلٹی اسٹاف سے خطاب بھی کیا،

‏آرمی چیف جنرل قمر جاوید باجوہ کا کہنا تھا کہ ‏کورونا سے نمٹنے کے لیے پاک فوج ریاستی اداروں سے تعاون کے لیے پرعزم ہے.پاکستان کو در پیش چیلنج سے نمٹنے کے لیے ہرممکن کوشش کریں گے ،‏جامع مربوط قومی کوششوں سے پاکستان میں ترقی و استحکام ممکن ہوگا