Category: راولپنڈی

راولپنڈی: جیل حکام نے دعویٰ کیا ہے کہ برطانوی جریدے میں شائع ہونےو الا بانی چیئرمین پی ٹی آئی عمران خان کا آرٹیکل ان کی اپنی تحریر نہیں ہے۔

باغی ٹی وی : عمران خان کا آرٹیکل جیل سے نہیں نکلا، آرٹیکل چھپنے کے بعد جیل حکام نے معاملے کی چھان بین کی تھی ذرائع جیل حکام نے بتایاکہ عمران خان سے ملنے والوں کا مکمل اسکین کیا جاتا ہے، ان سے ملنے والوں کی مکمل ریکارڈنگ ہوتی ہے۔

انسپکٹر جنرل (آئی جی) جیل خانہ جات پنجاب فاروق نذیر نے کہا کہ جیل میں ملاقات کرنے والوں کی مکمل چیکنگ ہوتی ہے، ایس اوپیزکے تحت ملاقات کرنے والے خالی ہاتھ آتے اور خالی ہاتھ جاتے ہیں،آرٹیکل جیل سے باہر جاتا تو بڑی کارروائی ہوچکی ہوتی، اڈیالہ جیل میں عمران خان کی کمرہ نما بیرک کو انتہائی سیکیورٹی زون قرار دیا گیا ہے اور 24گھنٹے بیرک کی سیکیورٹی کیمروں، جیل اسٹاف اور دیگر خفیہ آلات سے مانیٹرنگ جاری رہتی ہے۔

ان کا کہنا تھا کہ بانی پی ٹی آئی سے ملاقات کے لیے آنے والے ہر شخص کی جیل قوانین کے مطابق تلاشی لی جاتی ہے، اس کے علاوہ بیرک پر تعینات ہونےوالے سیکیورٹی اہلکاروں کی ڈیوٹی کے آغاز اور اختتام پر بھی تلاشی لی جاتی ہےعمران خان کو صرف کتابیں پڑھنے کی سہولت میسر ہے اور کتابیں بھی انہیں اچھی طرح جانچ پڑتال کے بعد دی جاتی ہیں۔

آئی جی جیل خانہ جات کا کہنا تھا کہ جیل بیرک میں بانی پی ٹی آئی کو کاغذ اور قلم کی سہولت میسر نہیں، کوئی ایسا ذریعہ انہیں مسیر نہیں ہے کہ عمران خان جیل میں کچھ لکھ سکیں اور ان کا لکھا ہوا جیل سے باہر جاسکے، اس لیے اس آرٹیکل میں کوئی صداقت نہیں ہے کہ یہ آرٹیکل عمران خان نے خود لکھا ہے۔

واضح رہے کہ گزشتہ دنوں راولپنڈی کی اڈیالا جیل میں قید پاکستان تحریک انصاف کے بانی عمران خان نے برطانوی جریدے دی اکنامسٹ میں مضمون لکھا تھا اور ایک بار پھر الزام دُہرایا تھا کہ اسٹیبلشمنٹ نے ہی امریکا کے دباؤ پر ان کی حکومت گرائی نگران حکومت نے کہا تھاکہ مبینہ طور پر بانی پی ٹی آئی کی جانب سے آرٹیکل کے بارے میں جریدے کے ایڈیٹر کو لکھا جائے گا۔

راولپنڈی: باجوڑ کے علاقے بٹوار میں پاک افغان سرحد پر سکیورٹی فورسز نے 3 دہشت گردوں کو ہلاک کردیا۔

باغی ٹی وی: پاک فوج کے شعبہ تعلقات عامہ (آئی ایس پی آر) کے مطابق باجوڑ کے علاقے بٹوار میں پاک افغان سرحد پر تین دہشت گردوں کی نقل و حرکت دیکھی گئی سکیورٹی فورسز نے فائرنگ کے تبادلےکے بعد تینوں دہشت گردوں کو ہلاک کر دیا، ہلاک دہشت گردوں سے اسلحہ، گولہ بارود اور دھماکا خیز مواد بھی برآمد کرلیا گیا۔

علاوہ ازیں آئی ایس پی آر کا کہنا ہےکہ افغانستان سے دہشت گردوں نے شمالی وزیرستان کے ضلع اسپن وام میں پاکستانی سرحدی چوکی پر فائرنگ کی سکیورٹی فورسز نے بھرپور جوابی کارروائی کی، فورسز کی جوابی کارروائی میں دہشت گردوں کو نقصان پہنچا،فائرنگ کے تبادلے میں نائیک عبدالرؤف بہادری سے لڑتے ہوئے شہید ہو گئے پاکستان افغان عبوری حکومت کو مؤثربارڈر منیجمنٹ کویقینی بنانےکا بارہا کہتا رہا ہے، توقع ہےکہ افغان عبوری حکومت اپنی ذمہ داریاں پوری کرے گی۔

نواز شریف نے دہشت گردی کو ختم کیا ،عطا تارڑ

قبل ازیں سیکورٹی فورسز نے دہشت گردوں کی موجودگی کی اطلاع پر ضلع آواران کے علاقے مشکئی میں انٹیلی جنس بیسڈ آپریشن کیا۔اتوار کو آئی ایس پی آر کے مطابق آپریشن کے دوران سیکورٹی فورسز اور دہشت گردوں کے درمیان شدید فائرنگ کے تبادلہ ہوا جس کے نتیجے پانچ دہشت گرد واصل جہنم ہو گئے اور دہشت گردوں کے ٹھکانے کو بھی تباہ کر دیا گیا اور اسلحہ، گولہ بارود اور بھاری مقدار میں دھماکہ خیز مواد بھی برآمد کر لیا گیا۔

ممالک جہاں 2024 کا آغاز ہوچکا ہے

آئی ایس پی آر کے مطابق علاقے میں موجود دیگر دہشت گردوں کو ختم کرنے کے لیے سینی ٹائزیشن آپریشن کیا جا رہا ہے پاکستان کی سیکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔

ہماری بربادی کے اسباب

راولپنڈی میں افسوسناک واقعہ پیش آیا ہے، گیس پائپ لائن میں دھماکہ ہوا ہے جس کے بعد آگ بھڑک اٹھی، آ گ نے قریب سے گزرنے والی آئل ریفائنری کی سپلائی لائن اور گھر کو بھی اپنی لپیٹ میں لے لیا

ریسکیوٹیمیں ،فائر بریگیڈ کی ٹیم موقع پر پہنچ گئی ہے، آگ بجھانے کا عمل جاری ہے، واقعہ دھمیال میں پیش آیا ،جوڑیاں کے مقام پر گیس پائپ لائن میں دھماکے کی وجہ سے آگ لگ گئی، تین فائر ٹینڈرز سمیت 6 ایمرجنسی گاڑیاں آگ بجھانے کے آپریشن میں مصروف ہیں جبکہ مزید گاڑیاں طلب کر لی گئی ہیں، ریسکیو حکام کے مطابق ابتدائی معلومات کے مطابق گیس لائن، آئل لائن اور ایک گھر کو آگ لگی ہے،عینی شاہدین کے مطابق سپلائی لائن میں دھماکے کے بعد لگنے والی آگ نے متعدد گھروں کو بھی لپیٹ میں لے لیا ہے

ریسکیو حکام کا کہنا ہے کہ آگ لگنے کے واقعے میں قریبی مکانات کو خالی کروا لیا گیا ہے اور آگ بجھانے کی کوشش کی جا رہی ہے

راولپنڈی: پی ٹی آئی کے سابق چئیرمین عمران خان کی سائفر کیس، توشہ خانہ اور 190 ملین پاؤنڈ کے مقدمے میں ضمانت بعد از گرفتاری کی سماعت آج اڈیالہ جیل میں ہوگی-

باغی ٹی وی : سابق وزیر اعظم عمران خان اور بشری بی بی کے خلاف توشہ خانہ اور 190 ملین پاؤنڈ کے مقدمے میں ضمانت بعد از گرفتاری کی سماعت آج اڈیالہ جیل میں ہوگی بشری بی بی بھی اسی مقدمے میں ضمانت قبل از گرفتاری پر ہین جبکہ عمران خان اور سابق وزیر خارجہ شاہ محمود قریشی کے خلاف سائفر مقدمے کی سماعت بھی آج اڈیالہ جیل میں ہو گی خصوصی عدالت کے جج ابوالحسنات ذوالقرنین نے ایف آئی اے کے درخواست پر سائفر مقدمے میں ہونے والی کارروائی کو ان کیمرہ ڈکلیر کیا ہوا ہے پراسیکوشن کیجانب سے آج مزید تین گواہوں کو پیش کیا جائے گا جن میں سےدو کا تعلق وزارت خارجہ سے ہے –

سابق امریکی صدر ڈونلڈ ٹرمپ نااہل قرار

دوسری جانب عمران خان نےسائفر مقدمے کی عدالتی کارروائی کو اسلام آباد ہائی کورٹ میں چیلنج کر رکھا ہے، اسلام آباد ہائی کورٹ کے جج جسٹس میاں گل حسن اورنگ زیب اج سابق وزیر اعظم کی درخواست پر سماعت کریں گےعدالت نے اس ضمن میں ایف آئی اے اور اس مقدمے کے مدعی اور سابق سیکرٹریداخلہ کو نوٹس جاری کر رکھا ہے۔

بجلی مزید مہنگی کرنے کی تیاری

دوسری جانب قومی احتساب بیورو نے سابق وزیر اعظم عمران خان اوران کی اہلیہ بشریٰ بی بی کے خلاف توشہ خانہ تحائف کا ریفرنس دائر کردیا ہے، نیب راولپنڈی کی جانب سے دائر ریفرنس کی احتساب عدالت کے رجسٹرار آفس نے جانچ پڑتال شروع کردی ہے-

ریفرنس میں مؤقف اختیار کیا گیا ہے کہ وزارت عظمیٰ کے دوران عمران خان اور بشری بی بی کو مختلف سربراہان مملکت کی جانب سے 108 تحائف ملے ، 108 تحائف میں سے 58 تحائف ملزمان نے رکھ لیےجن کی مالیت 14 کروڑ روپے تھی گزشتہ سال یکم اگست کو چیئرمین نیب نےتوشہ خانہ ریفرنس پر تحقیقات شروع کرنے کے احکامات دیئے اور پھر ڈی جی نیب نے گزشتہ سال 5 اگست کو شروع کیں۔

مغربی ہواؤں کا سلسلہ جمعہ کو ملک کے بالائی علاقوں میں داخل ہو گا،محکمہ موسمیات

ریفرنس میں لکھا گیا ہے کہ رواں سال 14 جولائی کو توشہ خانہ کی تحقیقات تفتیش میں تبدیل ہوئیں، نیب کے مطابق عمران خان نے سعودی ولی عہد سے موصول ہونے والا جیولری سیٹ 90 لاکھ روپے کے عوض رکھا گیا،بشریٰ بی بی اور بانی پی ٹی آئی نے اتھارٹی کا استعمال کرتے ہوئے جیولری سیٹ کی من پسند قیمت لگوائی بعد ازاں جیولری سیٹ کی اصل قیمت لگانے کے لیے دبئی کے ماہر سے بھی رابطہ کیا گیا۔

راولپنڈی : پاکستان تحریک انصاف (پی ٹی آئی)کے سابق رکن صوبائی اسمبلی عمر تنویر بٹ کو پولیس نے گرفتار کر لیا۔

باغی ٹی وی: تفصیلات کے مطابق پاکستان تحریک انصاف کے راولپنڈی سے سابق رکن صوبائی اسمبلی عمر تنویر بٹ نے انسدادِ دہشتگردی عدالت کے سامنے سرنڈر کر دیا ملزم 9 مئی واقعات میں مطلوب اور کئی ماہ سے روپوش تھا، عمر تنویر کو 9 مئی کے مقدمے میں انسدداد دہشت گردی کی عدالت سے گرفتار کر لیا گیا ہے ، سابق رکن صوبائی اسمبلی عمر تنویر بٹ اپنے وکلا ساتھ عبوری ضمانت کیلئے عدالت میں پیش ہوئے اور درخواست دائر کرتے ہی خود کو عدالت کے سامنے سرنڈر کیا-

یوفون نے ٹیلی نار کے 100 فیصد حصص خرید لئے

انہوں نے میڈیا سے گفتگو کرتے ہوئے کہا کہ پورا یقین ہے ہمیں ضرور انصاف ملے گا،میں جس کیس میں اشتہاری تھا آج اسی میں سرنڈر کر دیا ہے 9 مئی کے واقعات نہیں ہونے چاہیے تھے ، بانی تحریک انصاف عمران خان اور ہم سب نے اس کی مذمت کی ہے، اداروں اور افواج پاکستان پر اعتماد ہے اور انصاف کی توقع ہے۔ اپنی بے گناہی ثابت کروں گا، ہم پاکستانی ہیں اور اپنے اداروں پر فخر ہے، بعد میں عمر تنویر بٹ کو وکلا کی موجودگی میں تھانہ سول لائنز راولپنڈی منتقل کردیا گیا۔

ڈالر کی قدر مزید کم ،سونے کی قیمت میں اضافہ

راولپنڈی: احتساب عدالت نے توشہ خانہ کیس میں عمران خان کی عبوری ضمانت خارج کرتے ہوئے گرفتار کرنے کا حکم دے دیا، نیب ٹیم کل عمران خان کا ریمانڈ حاصل کرے گی۔

باغی ٹی وی: توشہ خانہ کیس نیب تحقیقات میں بانی چیئر مین پی ٹی آئی کی عبوری ضمانت خارج کر دی،بانی چیئر مین پی ٹی آئی توشہ خانہ کیس میں بھی گرفتاری ڈال دی گئی-

احتساب عدالت کے جج نے عمران خان کی عبوری ضمانت سے متعلق درخواست پر فیصلہ محفوظ کیا جو کچھ دیر بعد سنادیا گیا جج محمد بشیر نے توشہ خانہ کیس میں عمران خان کی عبوری ضمانت خارج کرتے ہوئے انہیں گرفتار کرنے کا حکم دے دیا۔ عدالت نے کہا ہے کہ بادی النظر میں توشہ خانہ تحائف وصولی میں بے قاعدگیاں ہوئیں۔

جہلم کے ایک مزدور گھرانے میں پیدا ہونیوالے تنویر سپرا

حکم کے بعد نیب نے سابق وزیر اعظم کی توشہ خانہ کیس میں بھی گرفتاری ظاہر کردی ہے نیب کے پراسیکیوٹر سردار مظفر نے کہا ہے کہ کل ہم سابق وزیر اعظم کا توشہ خانہ کیس میں جسمانی ریمانڈ حاصل کریں گے۔

عمران خان کے وکیل نعیم حیدر پنجوتھہ نے کہا ہے کہ رات 8 بجے عبوری ضمانت خارج کرنا عجب تماشہ ہے تاہم ریمانڈ کے باوجود عمران خان اڈیالہ جیل میں ہی رہیں گے تاہم نیب ان سے تفتیش یہیں کرسکے گی۔

موسم شدید سرد اور مطلع جزوی ابر آلودرہے گا ،محکمہ موسمیات

راولپنڈی: پاکستان تحریک انصاف (پی ٹی آئی) کے مرکزی صدر اور سابق وزیر اعلیٰ پنجاب پرویزالہیٰ کی جیل میں طبعیت ناساز ہوگئی۔

باغی ٹی وی : ذرائع کے مطابق سابق وزیراعلیٰ پنجاب پرویزالہیٰ کی جیل میں طبعیت ناساز ہونے کے بعد انہیں جیل اسپتال منتقل کیا گیا جیل ڈاکٹرز کی جانب سے پرویز الہیٰ کا طبی معائنہ کیا گیا، پرویز الہیٰ کے خون کے نمونے لیے گئے اور بلڈ پریشر چیک کیا گیا، جس کے بعد صدر پی ٹی آئی کو جیل اسپتال سے دوبارہ بیرک منتقل کیا گیا ۔

واضح رہے کہ گزشتہ روز لاہور ہائیکورٹ نے سابق وزیراعلیٰ پنجاب چودھری پرویز الہٰی کی عدالتی حکم کے باوجود گرفتاری کے خلاف دائر توہین عدالت کی درخواست کا تحریری حکم جاری کیا تھا لاہور ہائیکورٹ کے جسٹس سلطان تنویر احمد نے سابق وزیراعلیٰ چودھری پرویز الہٰی کی اہلیہ قیصرہ الہٰی کی درخواست پر سماعت کا تحریری حکم جاری کیا۔

تحریری حکم میں کہا گیا کہ عدالت نے آئی جی اسلام آباد کے وارنٹ بحال رکھے، سیکرٹری اسٹیبلشمنٹ اسلام آباد کو تحریری حکم کی کاپی ارسال کی جائے، سیکرٹری اسٹیبلشمنٹ اسلام آباد اس معاملے پر عدالتی معاونت کے لیے کوئی افسر مقرر کرے، شک ہے کہ آئی جی اسلام آباد اور ایس ایس پی کو دائرہ اختیار کا غلط مشورہ دیا گیا، آئی جی اسلام آباد اور ایس ایس پی کے بار بار وارنٹ گرفتاری اور ناقابل ضمانت وارنٹ جاری کیے دونوں افسران عدالت میں پیش ہوئے اور نہ ہی کوئی جواب دیا، عدالت مزید سماعت 18 دسمبر کو کرے گی۔

دوسری جانب گزشتہ روز پاکستان تحریک انصاف کے انٹرا پارٹی الیکشن میں نو منتخب عہدیداروں کا باقاعدہ نوٹیفکیشن جاری کیا گیا نوٹیفکیشن کے مطابق سابق وزیر اعلیٰ پنجاب چودھری پرویز الٰہی مرکزی صدر جبکہ فردوس شمیم نقوی کو مرکزی نائب صدر مقرر کیا گیا ہے-