Category: راولپنڈی

راولپنڈی: شمالی وزیرستان میں سیکیورٹی فورسز نے انٹیلیجنس بیسڈ آپریشن میں 2 دہشت گردوں کو ہلاک کردیا۔

باغی ٹی وی : پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے دہشت گردوں کی موجودگی کی اطلاع پر شمالی وزیرستان کے علاقے میں انٹیلی جنس بیسڈ آپریشن کیا، آپریشن کے دوران شدید فائرنگ کے تبادلے میں 2 دہشت گرد مارے گئے، جن کی شناخت عبداللہ خدری اور خالد عرف جانان کے ناموں سے ہوئی۔

آئی ایس پی آر کے مطابق ہلاک دہشت گرد علاقے میں بے گناہ شہریوں کی ٹارگٹ کلنگ سمیت دہشت گردی کی متعدد کارروائیوں میں ملوث تھے،علاقے میں پائے جانے والے کسی بھی دوسرے دہشت گرد کے خاتمے کے لیے کلیئرنس آپریشن کیا گیا، سیکیورٹی فورسز ملک سے دہشت گردی کے خاتمے کے لیے پرعزم ہیں

راولپنڈی : راولپنڈی پولیس کا اہم اقدام ،ٹرانسجینڈرز کے لئے باقاعدہ سکول کلاسز کا آغاز کر دیا-

باغی ٹی وی : ترجمان راولپنڈی پولیس کے مطابق ٹرانسجینڈرز کے لئے اسلامیہ ہائر سیکنڈری سکول لیاقت باغ میں خصوصی کلاسز کا آغاز کیا جا چکا ہے، ٹرانسجینڈرز سکول کے آغاز کے لئے ضلعی انتظامیہ اور محکمہ تعلیم نے بھی معاونت فراہم کی ہےپاکستان میں پہلی مرتبہ ٹرانسجینڈرز کی تعلیم کے لئے موثر اقدام اٹھایا گیا ہے، تحفظ ٹرانسجینڈر سینٹر کی طرح پاکستان کا پہلا ٹرانسجینڈر سکول بھی راولپنڈی پولیس نے قائم کیا ہے-

ترجمان کے مطابق ٹرانسجینڈرز افراد سکول میں ابتدائی تعلیم حاصل کر رہے ہیں، ابتدائی طور پر 52 ٹرانسجینڈرز سکول میں تعلیم حاصل کر رہے ہیں،سکول کا مقصد ٹرانسجینڈرز کو تعلیم کے بنیادی حق کی فراہمی ہے، سکول سے تعلیم حاصل کرنے کے بعد ٹرانسجینڈرز معاشرہ کے زیادہ کارآمد شہری بن سکیں گے، تعلیم سے معاشرہ اور مذہب کو سمجھنے کی صلاحیت میں اضافہ ہو گا-

ترجمان کے مطابق تعلیم حاصل کرنا باعزت روزگار کی جانب پہلا قدم ہو گا،ٹرانسجینڈرز باقاعدہ کلاسز میں تعلیم حاصل کر رہے ہیں، ٹرانسجینڈرز کے تحفظ اور حقوق کی فراہمی کے لئے تمام اقدامات اٹھائے جا رہے ہیں، تحفظ ٹرانسجینڈر سینٹر کے ذریعے 100 سے زائد ٹرانسجینڈرز کو نوکری اور باعزت روزگار کے مواقع فراہم کئے جا چکے ہیں، راولپنڈی پولیس ٹرانسجینڈرز کے حقوق کے تحفظ کے لئے ہمیشہ ایک قدم آگے رہی ہے-

راولپنڈی : بانی چیئرمین تحریک انصاف عمران خان نے شیر افضل مروت سے ملاقات کرنے سے انکار کردیا-

باغی ٹی وی :پی ٹی آئی ذرائع کے مطابق شیر افضل مروت اڈیالہ جیل کے باہر انتظار کرتے رہ گئے، ان کی عمران خان سے ملاقات طے تھی،عمران خان سے لطیف کھوسہ، بیرسٹر گوہر، شبلی فراز اور شعیب شاہین ہی ملاقات کرسکے ہیں، عمران خان سے ملاقات کے بعد شیرافضل مروت کی پریس کانفرنس بھی شیڈول تھی لیکن ملاقات نہ ہونے کی وجہ سے پریس کانفرنس بھی منسوخ کردی گئی ،جبکہ کچھ دن قبل پی ٹی آئی نے شیرافضل کو پارٹی بارے بیان دینے سے بھی منع کیا تھا۔

واضح رہے کہ شیر افضل مروت کے این اے 32 پشاور سے کاغذات منظور کر لیے گئے ہیں کاغذات منظوری کے بعد میڈیا سے گفتگو میں شیر افضل مروت نے کہا کہ پنجاب میں جس طرح وکلاء کو ٹکٹ ملے ہیں، خبیر پختونخوا میں اس طرح نہیں ہوا، خیبر پختونخوا میں ٹکٹ کے معاملے پر وکلاء اور یوتھ کو نظر انداز کیا گیا ہے، آج بانی پی ٹی آئی سے ملنے جا رہا ہوں اور انہیں خیبر پختونخوا کے ٹکٹوں کے معاملے سے آگاہ کروں گا۔

سانحہ 9 مئی:عمران خان جی ایچ کیو حملہ کیس میں بھی گرفتار

انہوں نے کہا کہ عاطف خان کے ساتھ کوئی اختلاف نہیں، وہ آڈیو گروپ میں شیئر نہیں کرنی چاہیے تھی اور میں کسی سے معافی نہیں مانگتا البتہ عاطف خان کو کال کرکے ان سے معذرت کی، مجھے صوبائی تنظیم سے نہیں مرکزی تنظیم سے مسئلہ ہے، مرکزی تنظیم شاید میری زبان اور پذیرائی کی وجہ سے پسند نہیں کرتے، میں ارباب شیر علی کو پسند نہیں وہ مسلسل میری مخالفت کر رہا ہے، میں پارٹی میں ہاں میں ہاں ملانے والا بندہ نہیں، کام کرنے والا بندہ ہوں۔

ڈالر کی قدر میں کمی کا رجحان جاری

لاپتہ افراد کمیشن نے تمام تفصیلات اٹارنی جنرل کو جمع کرا دیں

راولپنڈی: پاکستان تحریک انصاف(پی ٹی آئی) کے بانی عمران خان کو سانحہ 9 مئی کو جی ایچ کیو حملہ کیس میں بھی گرفتار کر لیا گیا-

باغی ٹی وی : راولپنڈی کی انسداد دہشتگردی عدالت کے جج ملک اعجاز نے کیس کی سماعت کی جس سلسلے میں عمران خان کو عدالت میں طلب کیا گیا تھا تاہم جیل حکام نے انہیں پیش کرنے سے معذرت کرلی جس کے ان کی ویڈیو لنک کے ذریعے پیشی یقینی بنائی گئی-

دوران سماعت ایس ایچ او تھانہ آر اے بازار نے عمران خان کے جسمانی ریمانڈ کی استدعا کی جسے عدالت نے مسترد کرتے ہوئے کہا کہ 9 مئی سے متعلق جتنے بھی مقدمات میں عمران خان نامزد ہیں ان کی تفتیش اڈیالہ جیل میں ہی کی جائے گی۔

190 ملین پاؤنڈ کیس:ملک ریاض،شہزاد اکبر سمیت 5 ملزمان کی جائیدادیں منجمد کر …

دوسری جانب پشاور میں میڈیا سے گفتگو کرتے ہوئے پی ٹی آئی کے سینئیر نائب صدر شیر افضل مروت کا کہنا ہے کہ پنجاب میں جس طرح وکلاء کو ٹکٹ ملے ہیں، خبیر پختونخوا میں اس طرح نہیں ہوا، آج بانی پی ٹی آئی عمران خان سے مل کر خیبرپختونخوا کے ٹکٹوں معاملے سے آگاہ کروں گا۔

سابق وزیر داخلہ سندھ ڈاکٹر ذوالفقار مرزا کے بیٹوں کے کاغذات نامزدگی منظور

شیر افضل مروت نے کہا کہ ان کا عاطف خان کے ساتھ کوئی اختلاف نہیں، وہ آڈیو گروپ میں شئیر نہیں کرنی چاہئے تھی، میں کسی سے معافی نہیں مانگتا، لیکن عاطف خان کو کال کرکے ان سے معذرت کی، مجھے صوبائی تنظیم سے نہیں مرکزی تنظیم سے مسئلہ ہے، مرکزی تنظیم شاید میری زبان اور پذیرائی کی وجہ سے مجھے پسند نہیں کرتی پشاور میں ارباب شیر علی کو میں پسند نہیں، وہ مسلسل میری مخالفت کررہا ہے میں پارٹی میں ہاں میں ہاں ملانے والا بندہ نہیں، کام کرنے والا بندہ ہوں پارٹی انتخابی نشان کا مسئلہ فوری نوعیت کا کیس ہے، عدالت نے اگر آج انتخابی نشان سے متعلق فیصلہ نہ دیا تو کل سپریم کورٹ میں کیس ہے۔

بلوچستان :حساس پولنگ اسٹیشنوں پر کیمرے لگانے ،پاک فوج اور فرنٹیئر کور کی خدمات حاصل …

راولپنڈی: جیل حکام نے دعویٰ کیا ہے کہ برطانوی جریدے میں شائع ہونےو الا بانی چیئرمین پی ٹی آئی عمران خان کا آرٹیکل ان کی اپنی تحریر نہیں ہے۔

باغی ٹی وی : عمران خان کا آرٹیکل جیل سے نہیں نکلا، آرٹیکل چھپنے کے بعد جیل حکام نے معاملے کی چھان بین کی تھی ذرائع جیل حکام نے بتایاکہ عمران خان سے ملنے والوں کا مکمل اسکین کیا جاتا ہے، ان سے ملنے والوں کی مکمل ریکارڈنگ ہوتی ہے۔

انسپکٹر جنرل (آئی جی) جیل خانہ جات پنجاب فاروق نذیر نے کہا کہ جیل میں ملاقات کرنے والوں کی مکمل چیکنگ ہوتی ہے، ایس اوپیزکے تحت ملاقات کرنے والے خالی ہاتھ آتے اور خالی ہاتھ جاتے ہیں،آرٹیکل جیل سے باہر جاتا تو بڑی کارروائی ہوچکی ہوتی، اڈیالہ جیل میں عمران خان کی کمرہ نما بیرک کو انتہائی سیکیورٹی زون قرار دیا گیا ہے اور 24گھنٹے بیرک کی سیکیورٹی کیمروں، جیل اسٹاف اور دیگر خفیہ آلات سے مانیٹرنگ جاری رہتی ہے۔

ان کا کہنا تھا کہ بانی پی ٹی آئی سے ملاقات کے لیے آنے والے ہر شخص کی جیل قوانین کے مطابق تلاشی لی جاتی ہے، اس کے علاوہ بیرک پر تعینات ہونےوالے سیکیورٹی اہلکاروں کی ڈیوٹی کے آغاز اور اختتام پر بھی تلاشی لی جاتی ہےعمران خان کو صرف کتابیں پڑھنے کی سہولت میسر ہے اور کتابیں بھی انہیں اچھی طرح جانچ پڑتال کے بعد دی جاتی ہیں۔

آئی جی جیل خانہ جات کا کہنا تھا کہ جیل بیرک میں بانی پی ٹی آئی کو کاغذ اور قلم کی سہولت میسر نہیں، کوئی ایسا ذریعہ انہیں مسیر نہیں ہے کہ عمران خان جیل میں کچھ لکھ سکیں اور ان کا لکھا ہوا جیل سے باہر جاسکے، اس لیے اس آرٹیکل میں کوئی صداقت نہیں ہے کہ یہ آرٹیکل عمران خان نے خود لکھا ہے۔

واضح رہے کہ گزشتہ دنوں راولپنڈی کی اڈیالا جیل میں قید پاکستان تحریک انصاف کے بانی عمران خان نے برطانوی جریدے دی اکنامسٹ میں مضمون لکھا تھا اور ایک بار پھر الزام دُہرایا تھا کہ اسٹیبلشمنٹ نے ہی امریکا کے دباؤ پر ان کی حکومت گرائی نگران حکومت نے کہا تھاکہ مبینہ طور پر بانی پی ٹی آئی کی جانب سے آرٹیکل کے بارے میں جریدے کے ایڈیٹر کو لکھا جائے گا۔

راولپنڈی: باجوڑ کے علاقے بٹوار میں پاک افغان سرحد پر سکیورٹی فورسز نے 3 دہشت گردوں کو ہلاک کردیا۔

باغی ٹی وی: پاک فوج کے شعبہ تعلقات عامہ (آئی ایس پی آر) کے مطابق باجوڑ کے علاقے بٹوار میں پاک افغان سرحد پر تین دہشت گردوں کی نقل و حرکت دیکھی گئی سکیورٹی فورسز نے فائرنگ کے تبادلےکے بعد تینوں دہشت گردوں کو ہلاک کر دیا، ہلاک دہشت گردوں سے اسلحہ، گولہ بارود اور دھماکا خیز مواد بھی برآمد کرلیا گیا۔

علاوہ ازیں آئی ایس پی آر کا کہنا ہےکہ افغانستان سے دہشت گردوں نے شمالی وزیرستان کے ضلع اسپن وام میں پاکستانی سرحدی چوکی پر فائرنگ کی سکیورٹی فورسز نے بھرپور جوابی کارروائی کی، فورسز کی جوابی کارروائی میں دہشت گردوں کو نقصان پہنچا،فائرنگ کے تبادلے میں نائیک عبدالرؤف بہادری سے لڑتے ہوئے شہید ہو گئے پاکستان افغان عبوری حکومت کو مؤثربارڈر منیجمنٹ کویقینی بنانےکا بارہا کہتا رہا ہے، توقع ہےکہ افغان عبوری حکومت اپنی ذمہ داریاں پوری کرے گی۔

نواز شریف نے دہشت گردی کو ختم کیا ،عطا تارڑ

قبل ازیں سیکورٹی فورسز نے دہشت گردوں کی موجودگی کی اطلاع پر ضلع آواران کے علاقے مشکئی میں انٹیلی جنس بیسڈ آپریشن کیا۔اتوار کو آئی ایس پی آر کے مطابق آپریشن کے دوران سیکورٹی فورسز اور دہشت گردوں کے درمیان شدید فائرنگ کے تبادلہ ہوا جس کے نتیجے پانچ دہشت گرد واصل جہنم ہو گئے اور دہشت گردوں کے ٹھکانے کو بھی تباہ کر دیا گیا اور اسلحہ، گولہ بارود اور بھاری مقدار میں دھماکہ خیز مواد بھی برآمد کر لیا گیا۔

ممالک جہاں 2024 کا آغاز ہوچکا ہے

آئی ایس پی آر کے مطابق علاقے میں موجود دیگر دہشت گردوں کو ختم کرنے کے لیے سینی ٹائزیشن آپریشن کیا جا رہا ہے پاکستان کی سیکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔

ہماری بربادی کے اسباب

راولپنڈی میں افسوسناک واقعہ پیش آیا ہے، گیس پائپ لائن میں دھماکہ ہوا ہے جس کے بعد آگ بھڑک اٹھی، آ گ نے قریب سے گزرنے والی آئل ریفائنری کی سپلائی لائن اور گھر کو بھی اپنی لپیٹ میں لے لیا

ریسکیوٹیمیں ،فائر بریگیڈ کی ٹیم موقع پر پہنچ گئی ہے، آگ بجھانے کا عمل جاری ہے، واقعہ دھمیال میں پیش آیا ،جوڑیاں کے مقام پر گیس پائپ لائن میں دھماکے کی وجہ سے آگ لگ گئی، تین فائر ٹینڈرز سمیت 6 ایمرجنسی گاڑیاں آگ بجھانے کے آپریشن میں مصروف ہیں جبکہ مزید گاڑیاں طلب کر لی گئی ہیں، ریسکیو حکام کے مطابق ابتدائی معلومات کے مطابق گیس لائن، آئل لائن اور ایک گھر کو آگ لگی ہے،عینی شاہدین کے مطابق سپلائی لائن میں دھماکے کے بعد لگنے والی آگ نے متعدد گھروں کو بھی لپیٹ میں لے لیا ہے

ریسکیو حکام کا کہنا ہے کہ آگ لگنے کے واقعے میں قریبی مکانات کو خالی کروا لیا گیا ہے اور آگ بجھانے کی کوشش کی جا رہی ہے