Category: راولپنڈی

باغی ٹی وی کی رپورٹ کے مطابق راولپنڈی میں یوم علی کرم اللہ وجہہ کا جلوس نکالنے پر 100 سے زائد افراد کے خلاف مقدمہ درج کر لیا گیا

ملک بھر میں حضرت علی کرم اللہ وجہہ کا یومِ شہادت آج منایا جارہا ہے۔ پاکستان سمیت دنیا بھر میں کوروناوائرس کے پھیلاؤ کو روکنے کے لیے کسی بھی قسم کے اجتماع پر حکومتی پابندیاں عائد ہیں۔

گزشتہ روز پنجاب حکومت کی جانب سے صوبے بھر میں یوم علی کرم اللہ وجہہ کے جلوسوں پر پابندی عائد کی گئی۔ حکومتی پابندیوں کی خلاف ورزی کرتے ہوئے صوبے بھر میں یوم علی کی مناسبت سے جلوس و مجالس عزا منعقد کی گئیں۔ راولپنڈی میں یومِ علی کرم اللہ وجہہ کا جلوس تھانہ رتہ امرال کے علاقے کوچہ شیعاں سے برآمد ہوا اور امام بارگاہ کرنل مقبول پر اختتام پذیر ہوا۔

حکومتی ایس او پیز کو مدنظر رکھتے ہوئے جلوس کے شرکاء پر سینی ٹائزر سپرے بھی کیا گیا۔ جبکہ جلوس میں شامل ہونے والے ہر فرد کے ہاتھ سینی ٹائز کئے گئے۔

دوسری جانب راولپنڈی میں یوم علی کرم اللہ وجہہ کا جلوس نکالنے پر 100 سے زائد افراد کے خلاف مقدمہ درج کرلیا گیا۔ تھانہ رتہ امرال پولیس کی جانب سے جلوس کے بانی ملک الیاس بھولا، شوکت جعفری، جرار حسین اور مولانا اکبر جعفری سمیت 100 سے زائد افراد کے خلاف مقدمہ درج کیا گیا ہے۔

کس ضلع کے 12 تھانوں میں لیڈی پولیس ایڈیشنل ایس ایچ او تعینات کر دی گئیں؟
باغی ٹی وی کی رپورٹ کے مطابق سٹی پولیس آفیسر ڈی آئی جی محمد احسن یونس نے راولپنڈی پولیس میں و ویمن پولیس یونٹ قائم کر دیا،12تھانوں میں لیڈی پولیس افسران بطور ایڈیشنل ایس ایچ او تعینات کر دی گئیں،ہر تھانہ میں ایڈیشنل ایس ایچ او کے ساتھ لیڈی کانسٹیبلان بھی تعینات ہو نگی، وویمن پولیس یونٹ کے قیام کا مقصد تھانوں میں خواتین سے متعلق مقدمات کی بہتر تفتیش اور انکے مسائل کو بہتر طریقے سے حل کرنا ہی.۔

سی پی او محمدا حسن یونس نے راولپنڈی پولیس میں وویمن پولیس یونٹ قائم کر دیا ہے، اس یونٹ کے تحت راولپنڈی کے تھانوں میں خواتین افسران کو بطور ایڈیشنل ایس ایچ او تعینات کیا جا رہا ہے، ابتدائی طور پر 12تھانوں میں لیڈی اپر سبارڈنیٹ افسران کو بطور ایڈیشنل ایس ایچ او تعینات کیا گیا ہے،تھانہ سٹی میں سب انسپکٹر صنم ساہی، تھانہ نیو ٹاؤن میں سب انسپکٹر سیدہ ماریہ بتول، تھانہ آراے بازار میں سب انسپکٹر سحربتول،تھانہ صدر بیرونی میں سب انسپکٹر فرسیہ ناز،تھانہ کہوٹہ میں سب انسپکٹر مہمونہ اختر، تھانہ کینٹ میں سب انسپکٹر آمنہ شعیب، تھانہ مری میں سب انسپکٹر شبانہ بتول، تھانہ ائیر پورٹ میں سب انسپکٹر مدیحہ گل، تھانہ صد رواہ میں سب انسپکٹر ہاجرہ اعوان،تھانہ ٹیکسلا میں سب انسپکٹر شاہدہ یاسمین، تھانہ وارث خان میں اسسٹنٹ سب انسپکٹر روبیلہ کوثر، اور تھانہ سول لائن میں اسسٹنٹ سب انسپکٹر شمع ناز کو ایڈیشنل ایس ایچ او تعینات کیا گیا ہے،وویمن پولیس یونٹ کی افسران و اہلکار تھانہ میں ڈیوٹی سرانجام دینگی جن کے لیے تھانہ میں رہائش اور سرکاری امور کی انجام دہی کے لیے الگ کمرے مختص کیے گئے ہیں،

ویمن پولیس یونٹ تھانوں میں خواتین کی مدد و راہنمائی،زیادتی کے مقدمات میں تفتیش میں معاونت،عمومی مقدمات کی تفتیش، متاثرہ خواتین کی سپورٹ اور لاء اینڈ آرڈر سے متعلق تمام ڈیوٹیاں سرانجام دینگی، اس موقع پر سی پی او راولپنڈی نے کہا کہ خواتین معاشرے کا اہم حصہ ہیں جنکے مسائل کے حل اور تھانہ کی سطح پر خواتین کی راہنمائی و معاونت کے لیے وویمن پولیس یونٹ کا قیام عمل میں لایا گیا ہے، سی پی او راولپنڈی نے کہا کہ وویمن پولیس یونٹ کے قیام سے تھانوں میں خواتین سے متعلقہ مقدمات کی تفتیش کے معیار میں بہتری آئے گی اور خواتین کی شکایات کا ازالہ بھی ہوسکے گا، وویمن پولیس یونٹ کے قیام سے خواتین کو تھانہ میں شکایات پر بروقت اور مناسب کارروائی کیلئے سہولت ملے گی، زیادتی جیسے اہم کیسز میں خاتون افسر کی موجودگی سے تفتیشی افسر اور متاثرہ خاتون کے لیے بھی آسانی ہو گی، جس سے بہتر تفتیش اور ملزمان کو کیفرکردار تک پہنچانے کے مقاصد کا حصول ممکن ہو سکے گا، سی پی او نے کہا کہ خواتین کو تھانوں میں ایڈیشنل ایس ایچ اوز تعینات کرنے سے ان کے اعتماد میں اضافہ ہو گا،اور تھانہ میں بہتر اور موثر ڈیوٹی سر انجام دیکر محکمہ پولیس اور معاشرہ دونوں کی بہتری کے لیے کام کر سکیں گی۔

باغی ٹی وی کی رپورٹ کے مطابق لاہور ہائی کورٹ راولپنڈی بنچ میں انتہائی اہم مغوی فہد مسعود کیس کی سماعت ہوئی،عدالت نے ہوم سیکرٹری پنجاب اور سیکرٹری وزارت داخلہ کو ذاتی حیثیت میں کل منگل کو طلب کر لیا۔

لاہور ہائی کورٹ راولپنڈی بنچ میں مغوی فہد مسعود کیس کی سماعت جسٹس چوہدری عبد العزیز کی عدالت میں ہوئی ۔عدالت میں ریماکس دیتے ہوئے جسٹس چوہدری عبد العزیز نے کہاکہ پچھلے 10 سال میں پولیس نے مغوی کی تلاش یا رہائی کیلئے کچھ نہیں کیا۔ 2010میں اغوا ہونے والے شہری کی ایف آئی آر کاٹ دی گئی لیکن پولیس بتائے اب تک 10سالوں میں کیا کارروائی کی؟ پولیس انتہائی غیر ذمہ داری کا ثبوت دیتے ہوئے اپنے کام میں شدید کوتاہی کی مرتکب ہوئی ہے۔مغوی کا والد 1سالوں سے تھانوں کے چکر کاٹ رہا ہے۔پولیس بتائے وہ کیا کرتی رہی اگر پولیس اور متعلقہ ادارے 10 سال تک ایک شہری کا پتہ لگانے میں ناکام ہیں تو بتایا جائے شہریوں کی زندگیاں کس طرح محفوظ ہیں۔

عدالت نے کل 05مئی کو ہوم سیکرٹری پنجاب اور سیکرٹری وزارت داخلہ کو بھی ذاتی حیثیت میں طلب کر لیا. درخواست گزار محمد مسعود(والد مغوی)کے وکیل سید عمر سہیل شاہ ایڈووکیٹ نے پولیس کارکردگی پر سوالات اٹھا دئیے اور کہا کہ معزز عدالت اس بات کو بھی پیش نظر رکھے کہ پولیس نے آج تک اس ایف آئی آر کے اندراج کے بعد کوئی کاروائی نہ کی ہے اور نہ ہی کسی گواہ وغیرہ کو شامل تفتیش کیا۔

وکیل سید عمر سہیل نے مزید دلائل دئیے کے کسی ہسپتال، ایدھی فانڈیشن یا اور اداروں کو بھی مغوی کی تلاش کے بارے کوئی خطوط نہیں لکھے گئے ہیں۔ سائل کو انصاف کی فراہمی میں سب سے بڑی رکاوٹ پولیس اور دیگر متعلقہ اداروں کی ناقص کارکردگی ہے جو 10 سال میں اتنا بھی نہیں کر سکا کہ شہری اغوا کے بعد زندہ بھی ہے یا نہیں؟

یاد رہے درخواست گزار والد اپنے بیٹے کی گمشدگی پر 2010 سے پولیس تھانوں اور دیگر جگہ جگہ کے چکر کاٹ رہا ہے۔عدالت نے ذمہ داران افسران کی سرزنش کرتے ہوئے آج ہوم سیکرٹری پنجاب اور سیکرٹری وزارت داخلہ کو ذاتی حیثیت میں پیش ہونے کا حکم دے دیا۔

رپورٹ :محمد اویس

سی پی او راولپنڈی کا فجر کے وقت شہر کا دورہ،پولیس اہلکار کیا کر رہے تھے اور کیا سزا دی؟

باغی ٹی وی کی رپورٹ کے مطابق سی پی او راولپنڈی محمد احسن یونس نے فجر کی نماز کے وقت شہر کا اچانک دورہ کیا، سی پی او نے وارث خان اور نیوٹاؤن کے علاقہ میں مختلف مساجد کی حفاظت پر مامور سیکورٹی ڈیوٹی کو چیک کیا،

سی پی او نے فرائض سے غفلت اور لاپرواہی برتنے پر تھانہ نیوٹاؤن کی موبائل 02 کے تمام سٹاف کو معطل کر دیا، موبائل گشت پر مامور عمران حیدر اے ایس آئ، کانسٹیبل محمد صادق اور کانسٹیبل ذیشان دوران ڈیوٹی گاڑی میں سوئے ہوئے پائے گئے،سی پی او نے غفلت کے مرتکب اہلکاروں کو فوری طور پر معطل کرنے کے احکامات جاری کئے،

سی پی او محمد احسن یونس کا کہنا ہے کہ فرائض سے غفلت اور لاپرواہی کسی صورت برداشت نہیں کی جاۓ گی، راولپنڈی پولیس کڑے احتساب کی پالیسی پر عمل پیرا ہے، فرائض سے غفلت برتنے والے افسر و اہلکار کسی رعایت کے مستحق نہیں،

قبل ازیں راولپنڈی پولیس نے اہم کاروائی کی ہے تیز رفتاری غفلت لاپرواہی سے گاڑیاں چلانے پر 02 ڈرائیور گرفتارکر لئے ہیں گاڑیوں سے سمگل شدہ ٹائروں کی بھاری کھیپ برآمد کر لی ہے.

کینٹ پولیس نے انتہائی تیز رفتاری غفلت لاپرواہی سے گاڑی چلانے پر 02 گاڑیوں شہزور اور سوزوکی پک اپ کو روکا.ڈرائیوروں نے گاڑیاں روکنے کی بجاۓ بھگا دیں جنہیں پولیس نے پیچھا کر کے قابو کیا. گاڑیوں کے ڈرائیور محمد حسین اور نوشاد کو گرفتار کرکے گاڑیوں کی تلاشی لی گئی تو گاڑیوں سے 200 سمگل شدہ ٹائر برآمد ہوۓ.

ملزمان نے ابتدائی تفتیش میں انکشاف کیا کہ وہ یہ ٹائر سمگل کرکے لاتے ہیں اور لوکل مارکیٹ میں مہنگے داموں فروخت کرتے ہیں. ،ایس پی پوٹھوہار سید علی نے ایس ایچ او تھانہ کینٹ اعزاز عظیم اور ٹیم کو شاباش دی ہے